Lakshimi Raave Maa Intiki Serial Today February 20th: గుడిలో లక్ష్మీని కిడ్నాప్ చేయడానికి ప్రయత్నించింది ఎవరు..? శివుడి వేషంలో వచ్చి దుండగుల ఆటకట్టించెదెవరు..?

Lakshimi Raave Maa Intiki Serial Today Episode February 20 th:గుడిలో లక్ష్మీని కిడ్నాప్ చేయడానికి ప్రయత్నించింది ఎవరు..? శివుడి వేషంలో వచ్చి దుండగుల ఆటకట్టించెదెవరు..?

లక్ష్మీ రావే మా ఇంటికి టుడే ఏపిసోడ్

Source : youtube

Lakshimi Raave Maa Intiki  Serial Today Episode: గుడిలో శ్రీలక్ష్మీ పూజకు అడ్డంకులు సృష్టించడానికి అరటి తొక్కలు వేయగా....వాటిని తొక్కి బుల్లిరాజు కిందపడిపోతాడు. దీంతో మ్యాడీ, ప్రియంవద చాలా చికాకుపడతారు. ఆతర్వాత మెట్లపై నూనె వేసిన మళ్లీ బుల్లిరాజు పడతాడు తప్ప...లక్ష్మీకి ఏంకాదు.ఈసారి ఏకంగా గాజుపెంకులు వేసినా....లక్ష్మీ తప్పించుకుని వెళ్తుంది. దీంతో చేసేది లేక వాళ్లు ఉసూరుమంటూ వెళ్లిపోతారు.  నా దగ్గర మరో ఐడియా ఉందని చెప్పి ప్రియంవద రౌడీలకు ఫోన్ చేసి గుడి వద్దకు రమ్మని చెబుతుంది. వాళ్లు వచ్చిన వెంటనే శ్రీలక్ష్మీని చూపించి...దాన్ని కిడ్నాప్‌ చేసి ఈ చుట్టుపక్కల లేకుండా తీసుకుని వెళ్లండని పురమాయిస్తుంది. ఇంతలో శ్రీలక్ష్మీ పూజ అయిపోవడంతో  గౌరీశంకర్‌ల కల్యాణం డ్రామా ప్రాక్టీస్ చేస్తారు. అది చూసి సూర్యనారాయణ ఎంతో సంతోషిస్తాడు. రిహార్సల్‌ ఇలా ఉన్నాయంటే...డ్రామా ఇక అదిరిపోతుందని అనుకుంటాడు.
                        రాత్రికావడంతో డ్రామా వేయడానికి కాస్ట్యూమ్స్‌ తీసుకుని మ్యాడీ, శ్రీలక్ష్మీ బయలుదేరతారు. అప్పుడే బుల్లిరాజు తన మనుషులతో వచ్చి శ్రీలక్ష్మీని ఎత్తుకుని వెళ్లిపోతాడు. మ్యాడీ వాళ్ల అత్తపెట్టిన  రౌడీలు వాళ్లేననకుని ఎంతో సంతోషపడతాడు. అప్పుడే అక్కడికి వచ్చిన రౌడీలు...మీ భార్య ఎక్కడండీ అని అడుగుతారు.అదేంటి లక్ష్మీని కిడ్నాప్ చేసింది మీరుకాదా అని  అంటారు. మేం  ఇప్పుడే వస్తున్నామని చెప్పగా....మరి వాళ్లు ఎవరని అడుగుతాడు. మాకు ఏం తెలియదని వాళ్లు పారిపోతారు. అంతే మ్యాడీ శివుని గెటప్ వేసుకుని బుల్లిరాజుకు  ఎదురుగా నిల్చుంటాడు. శివుడే నిజంగా వచ్చాడనుకుని వాళ్లు శ్రీలక్ష్మీని దించేసి పారిపోతుంటే అందరూ కలిసిపట్టుకుని చితక్కొడతారు. శివుడి వేషంలో  ఉన్న మ్యాడీని చూసి శ్రీలక్ష్మీ చాలా ఆశ్చర్యపోతుంది.అచ్చం శివుడిలానే ఉన్నావని అంటుంది.అప్పుడే అక్కడికి వచ్చిన సూర్యనారాయణ ఏం జరిగిందని అడగ్గా....దుండగులు నన్ను ఎత్తుకునిపోతుంటే మ్యాడీ వచ్చి కాపాడడని శ్రీలక్ష్మీ చెబుతుంది. సరే టైం అవుతోంది వెళ్లి పార్వతీగా వేషంవేసుకోమని చెప్పి శ్రీలక్ష్మీని పంపుతాడు సూర్యనారాయణ. ఆ ఎర్రబస్సును ఎందుకు కాపాడావని ప్రియంవద మ్యాడీపై మండిపడుతుంది. మనం పెట్టిన వాళ్లు కాదు కదా అని మ్యాడీ  చెప్పగా...ఎవరు కిడ్నాప్ చేస్తే ఏంటి...అది కిడ్నాప్ కావడమే కదా మనకు కావాల్సిందని అంటుంది. నాకు ఆ ఆలోచనే రాలేదని మ్యాడీ అంటాడు.
               మ్యాడీ, శ్రీలక్ష్మీ ఇద్దరూ శివపార్వతుల్లా వేషం వేసుకుని గౌరీకల్యాణం డ్రామా ఆడతారు. శ్రీలక్ష్మీ తనకు ఎదురైన అనుభవాలను మొత్తం నాటకంలో చెబుతుంది. శివుడి ప్రేమకోసం పరితపిస్తున్నట్లు మాట్లాడుతుంది.దానికి మ్యాడీ కూడా హామీ ఇస్తాడు. ఆమె చాలా సంతోషిస్తుంది. నాటకం  బాగా వచ్చినందుకు సూర్యనారాయణ ఇద్దరినీ ఎంతో అభినందిస్తాడు. వాళ్లిద్దరూ సంతోషంగా ఉండటం చూసి ప్రియంవదకు కోపంవస్తుంది. ఆ డ్రెస్ మార్చుకుని వస్తే ఇంటికి వెళ్దామని మ్యాడీతో అంటుంది. ఇంటికి వెళ్లిన తర్వాత  శ్రీలక్ష్మీ గోపికి ఫోన్ చేయాలని అనుకుంటుంది. కాలేజీలో చేరిన విషయం అన్నయ్యకు చెప్పకపోతే బాగుండదని...గోపీకి ఫోన్ చేసి చెబుతుంది. దీనికి ఎంతో సంతోషించిన గోపీ...పెద్దయ్యగారు నిన్ను చదివిస్తారని నాకు ముందే తెలుసని అంటాడు.