Jagadhatri Serial Today Episode:
సూరి: అసలు ఇంత జరుగుతూ ఉంటే ఆ సుధాకర్‌ ఎందుకు నోరు తెరవడం లేదు.
ధాత్రి: కేదార్‌కు సుధాకర్‌ మామయ్య కొడుకు అని నిరూపించుకునే సాక్ష్యం కావాలి బాబాయ్‌ గారు.
కేదార్‌: అవును మామ మూడు రోజుల్లో నేను వజ్రపాటి సుధాకర్‌ కొడుకుని అని నిరూపించుకోకపోతే నా ఈ ప్రాణానికి అర్తం ఉండదు మామ.
సూరి: అంత పెద్ద మాటలు ఎందుకు లేరా.. ఆ సాక్ష్యం అయితే ఒకరి దగ్గర ఉండాలి. దాని గురించి మాట్లాడటానికే ఫోన్‌ లో ఎందుకని ఇంటికి రమ్మన్నాను.
కేదార్‌: సాక్ష్యం ఎక్కడుందో చెప్పు మామ. ఐడెంటిటీ లేకుండా బతకడం ఎంత కష్టమో తెలుసా మామ.
సూరి: నీ బాధను నేను అర్థం చేసుకోగలను. మీ నాన్న మీ అమ్మను ప్రేమించి నీకు తండ్రి కాబోతున్నాడు అని తెలుసుకున్న మీ పెద్దనాన్న మధుకర్‌.. నీ గురించి మీ అమ్మ గురించి చాలా ఆలోచించేవాడు. మీ అమ్మకు అన్యాయం చేస్తున్నాడని.. మీ నాన్న మీద కోపంగా ఉండేవాడు. ఆఖరిగా ఆయన కూడా పరువు ప్రతిష్టల గురించి ఆలోచించాడే కానీ మీకు అన్యాయం చేయలేదు. మీ అమ్మా నాన్నలకు పెళ్లి అయినట్టు పెళ్లి సర్టిఫికెట్‌, వీలునామా రాయించాడు.
ధాత్రి : ఇప్పుడవి ఎక్కడున్నాయో చెప్పండి బాబాయ్‌ గారు.
కేదార్‌: చెప్పు మామా.. ఎక్కడున్నాయో చెప్పండి మామ.. మేము తీసుకెళ్తాం.
అని అడగ్గానే సూరి అవి తన దగ్గర లేవని.. మీ పెద్దనాన్న మధుకర్‌ దగ్గరే ఉన్నాయని చెప్పి ఆ ఇంట్లోనే మధుకర్‌ గదిలో ఎక్కడో ఒక చోట దాచే ఉంటాడని సూరి చెప్తాడు. బయటి నుంచి యువరాజ్‌ మొత్తం వింటాడు. గన్‌ తో కేదార్‌ను కాలుస్తే తప్పించుకుంటాడు. బయటకు వచ్చిన యువరాజ్‌ తన మనుషులను కేదార్‌ మీదకు పంపిస్తాడు. ధాత్రి, కేదార్‌ రౌడీలను కొడతారు.
సూరి: ఎవర్రా వాళ్లు మిమ్మల్ని చంపడానికి ఎందుకు ప్రయత్నం చేస్తున్నారు.
కేదార్‌: వజ్రపాటి వంశానికి వారసుడిగా నన్ను చూడటం ఇష్టం లేని నా తమ్ముడు యువరాజ్‌ ఇదంతా చేస్తున్నాడు మామ.
అని కేదార్‌ చెప్పగానే సూరి షాక్‌ అవుతాడు. తర్వాత యువరాజ్‌ ఇంటికి వెళ్లి ఆధారాలు పెద్దనాన్న రూంలో ఉన్నాయని వైజయంతి వాళ్లకు చెప్తాడు. వాటిని ఎలాగైనా మనం తీసుకుని నాశనం చేయాలని ప్లాన్‌ చేస్తారు. ముందు కేదార్‌, ధాత్రిలకు ఆ ఆధారాలు దొరక్కుండా చూడాలనుకుంటారు. ఎలాగైనా వాళ్లను బయటకు పంపాలని అనుకుంటారు. ఈ మూడు రోజులు వాళ్లకు ఆధారాలు దొరక్కుండా చూడాలని అనుకుంటారు. ఇంతలో బూచి వాళ్లు ఈ మూడు రోజుల్లో ఆధారాలు సంపాదిస్తారేమో అనిపిస్తుంది అంటాడు. ఇంతటితో ఇవాల్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!