Jabardasth Venky Reaction Over Commitment Allegations : పాపులర్ కామెడీ షో జబర్దస్త్ షో ద్వారా పాపులర్ అయ్యారు వెంకీ. జబర్దస్త్, ఎక్స్ ట్రా జబర్దస్త్ కార్యక్రమాల్లో డిఫరెంట్ స్కిట్స్తో తనదైన కామెడీ టైమింగ్, జోకులతో ప్రేక్షకులను కడుపుబ్బా నవ్విస్తుంటారు. తాజాగా ఆయన వివాదంలో చిక్కుకున్నారు.
తనను కమిట్మెంట్ అడిగారని ఓ సోషల్ మీడియా ఇన్ఫ్లుయెన్సర్ ఆయనపై ఆరోపణలు చేసిందంటూ ఓ టీవీ ఛానల్లో రావడం ఆందోళన కలిగించింది. దీనిపై జబర్దస్త్ వెంకీ రియాక్ట్ అయ్యారు. నేరుగా ఆ ఛానల్లోకే వెళ్లి డిబేట్లో కూర్చున్నారు. తనకు ఈ వ్యవహారానికి సంబంధం లేదంటూ ఇన్ స్టా వేదికగా ఓ వీడియో రిలీజ్ చేశారు.
'అవన్నీ ఫేక్... ఇది చూడండి'
తనపై వచ్చిన ఆరోపణలపై ఎందుకు ఇంకా స్పందించలేదంటూ చాలామంది తనకు మెసేజ్ చేశారని చెప్పారు జబర్దస్త్ వెంకీ. 'ఓ ప్రముఖ టీవీ ఛానల్ వాళ్లు నేను ఓ అమ్మాయిని కమిట్మెంట్ అడిగానని బూతులు మాట్లాడానని నా ఫోటోలు వేసి మరీ లైవ్ డిబేట్స్ పెట్టారు. అది ఎంత వరకూ నిజం అని ఆ అమ్మాయికి కాల్ చేస్తే... నేను మీ పేరు ఎక్కడా చెప్పలేదని చెప్పింది. టాపిక్ నా గురించి రాలేదని చెప్పింది. వేరే వాళ్ల గురించి వస్తే అలా మాట్లాడినట్లు చెప్పింది.
ఆ అమ్మాయి నా మీద ఎలాంటి ఆరోపణలు చేయలేదు. కేవలం ఆ ఛానల్ వాళ్లు కావాలనే ఇలాంటి ఫేక్ న్యూస్ ప్రచారం చేస్తున్నారు. దీనిపై నాకు చాలా కాల్స్ వచ్చినా రియాక్ట్ కాలేదు. నేనేంటో ప్రూవ్ చేసుకోవాలని లైవ్ డిబేట్లోనే పాల్గొన్నా. ఆమె ఎవరి పేరైతే చెప్పిందో వాళ్లవి వేయకుండా ఫోన్ మాట్లాడిన నా ఫోటోస్ వేస్తే ఎలా?' అంటూ ప్రశ్నించారు. ప్రస్తుతం ఈ వీడియో నెట్టింట వైరల్ అవుతోంది.
Also Read : Spider Man OTT : ఆ ఓటీటీలోకి స్పైడర్ మ్యాన్ - 12 వేల కోట్ల మూవీ ఎప్పుడు స్ట్రీమింగ్ కావొచ్చంటే?