Illu Illalu Pillalu Serial Today February 16th: ఇల్లు ఇల్లాలు పిల్లలు: ప్రేమ-ధీరజ్ లవ్ స్టోరీకి ఎండ్ కార్డ్.. అదిరిపోయిన ప్రపోజ్! గుండెల్ని మెలిపెట్టే ట్విస్ట్!
Illu Illalu Pillalu Serial Today Episode February 16th రైస్మిల్లుకి చందుతో పాటు భాగ్యం తన భర్తని పంపించడంతో ఇవాళ్టి ఎపిసోడ్ ఆసక్తిరంగా మారింది.
Illu Illalu Pillalu Serial Today Episode సాగర్ మొదటి రోజు ఆఫీస్కి వెళ్తే మీరు మాకు చెప్పకుండా వెళ్లావని బాధే కానీ నీ మీద ఏం ద్వేషం లేదురా అని కొడుకుని ఆశీర్వదించి పంపిస్తుంది. తర్వాత వేదవతి ప్రేమ, ధీరజ్లను వెళ్లమని అంటుంది. వాళ్లు ఎక్కడికి అన్నట్లు రామరాజు చూస్తే అదే అండీ.. చిన్నోడు కారు పని మీద విజయవాడ వెళ్తున్నాడు అని చెప్పా కదండీ నిన్న.. అందుకే ప్రేమని పంపిస్తున్నాను.. భర్తతో కలిసి వెళ్తే తను సంతోషంగా ఉంటుంది కదా అంటుంది. రామరాజు సరే అంటాడు.
ప్రేమ మామయ్య కాళ్లకు దండం పెట్టి థ్యాంక్స్ చెప్తుంది. ఎందుకమ్మా అని అంటే మీరు పంపించరు అనుకుంది ఇప్పుడు వెళ్లమని అనే సరికి సంతోషంతో ఇలా అందని ధీరజ్ అంటాడు. ధీరజ్, ప్రేమలు వెళ్లడం చూసి ప్రేమ, భాగ్యం వాళ్లు వీళ్లు కూడా ఏదో గూడుపుటానీ చేస్తున్నారని అనిపిస్తుందని అనుకుంటారు. ఇక చందు రైస్ మిల్లుకి వెళ్తానని తండ్రికి చెప్తాడు. రామరాజు పెద్ద కొడుకుతో పిల్లలు అంటే తండ్రి ఆస్తికి వారసులు కాదురా.. కన్నవాళ్ల నమ్మకానికి వారసులు.. అలా ఈ నాన్న నమ్మకం నిలబెట్టడంలో నువ్వే నిజమైన వారసుడివిరా.. పెద్దోడా రైస్మిల్లు అంటే అందరిలా మనకు వ్యాపారం కాదురా,, మన అమ్మ.. అమ్మలాంటి రైస్మిల్లుని జాగ్రత్తగా చూసుకోరా అని అంటాడు.
రామరాజు వేదవతికి తాళాలు తీసుకొచ్చి ఇవ్వమని అంటే భాగ్యం కలుగ జేసుకొని అమ్మడు నువ్వు ఇవ్వవే మీ అత్త మామయ్యకి ఇచ్చేది ఇప్పుడు నువ్వు వారసత్వంగా మీ ఆయనకు ఇవ్వవే అంటుంది. వల్లీ ఆ తాళాలు తీసుకొని వీటితో పాటు ఇంటి తాళాలు కూడా కావాలి అనుకుంటుంది. వల్లీ తాళాలు ఇవ్వడం చూసి వేదవతి కన్నీరు పెట్టుకుంటుంది. భాగ్యం తన భర్తని కూడా మిల్లుకి వెళ్లమని అంటుంది. నర్మద వద్దు అని అంటే బాధ్యతలు తీసుకోకుండా మధ్యలో వదిలేసినవాళ్లు ఏం మాట్లాడాల్సిన అవసరం లేదు ఎవరికి ఏం ఇవ్వాలో నాకు తెలుసు అంటాడు.
ప్రేమ, ధీరజ్లు కారులో వెళ్తూ ఉంటారు. ధీరజ్ ప్రేమని లవ్ చేస్తున్న విషయం చెప్పాలి అనుకుంటాడు కానీ నేను నిన్ను.. అంటూ చెప్పలేకపోతాడు. ఏంట్రా చెప్పరా అంటే నేను నిన్ను పోలీస్ ఆఫీసర్ని చేయాలి అనుకుంటున్నా అంటాడు. దానికి ప్రేమ ఇది చెప్పడానికేనా అలా చూస్తున్నావ్ అని అంటుంది. ప్రేమిస్తున్నా అని చెప్పలేకపోతున్నా ఏంటి.. అయినా మనం ఆయుధంతో వెళ్లాం కదా.. ఆ ఆయుధం ఇక బయటకు తీద్దాం అని అనుకొని కారులో ప్రేమ పాటలు పెడతాడు. ఇవేం పాటలురా అని ప్రేమ అంటే నేను పాడుతున్నా అంటే నా మనసులోకి తొంగి చూడాలి అని అంటాడు. ఈ పాటలు ఏంట్రా అన్నీ ఒకేలా ఉన్నాయ్ అని అడిగితే నా మనసులో మాటలు అన్నీ అర్థమయ్యేలా పెట్టానని అంటాడు.
ధీరజ్ ప్రేమతో నీకు ఒక సర్ఫ్రైజ్ ఉందని అంటాడు. ఏంట్రా అని ప్రేమ అడుగుతుంది. ప్రేమ ఎరుపు రంగు చీర కట్టుకొని అందంగా రెడీ అవుతుంది. ధీరజ్ కూడా రెడీ అవుతాడు. సడెన్గా రెడీ అవ్వమని ఎందుకు చెప్పావురా.. ఎక్కడికి తీసుకెళ్తున్నావ్రా అని ప్రేమ అడుగుతుంది. ధీరజ్ సర్ఫ్రైజ్ అని చెప్పకుండా తీసుకెళ్తాడు. ప్రేమ కళ్లు మూసి తీసుకెళ్తాడు. ఓ గది నిండా హర్ట్ బెలూన్స్ డెకరేట్ చేసి ఉండటం చూసి ప్రేమ చాలా హ్యాపీగా ఫీలవుతుంది. ధీరజ్ మనసులో ప్రేమ ఒకప్పుడు ఈ లోకంలో నాకు నచ్చని వ్యక్తి ఎవరైనా ఉన్నారు అంటే అది నువ్వే.. ఇప్పుడు నా జీవితంలో నుంచి విడదీయని వాళ్లు ఎవరైనా ఉన్నారు అంటే అది నువ్వే.. చావు బతుకుల మధ్య ఉన్న నాన్న టైంలో నువ్వు నాకు ఇచ్చిన ఓదార్పు నాకు నేను కోలుకోవడమే కాదు చాలా మనోధైర్యం ఉంది.. మన మనసులో బాధ పంచుకునే వాళ్లు లేకపోతే జీవితం నరకంగా ఉంటుంది.. నువ్వు లేకపోతే నేను ఉండలేను ప్రేమ అనుకుంటాడు.
ప్రేమని ధీరజ్ పట్టుకొని నిన్ను ఎప్పటికీ నా గుండెల్లో పెట్టుకోవాలి అనుకుంటున్నా.. నా మనసులో మాట నీకు చెప్పాలి అనుకుంటున్నా.. నీకు ఈ విషయం ఎప్పుడో చెప్పాలి అనుకున్నా.. కానీ నీకు చెప్పడానికి అస్సలు లేటు చేయను.. ప్రేమ నువ్వు నడిచే దారిలో నేను నీ నీడ అవుతా.. ప్రతీ క్షణం నిన్ను చూసుకొనే దారిని అవుతా.. ఈ పంచభూతాల సాక్షిగా చెప్తున్నా నా ప్రాణం పోయే వరకు నిన్ను ప్రేమిస్తూనే ఉంటా.. ఐలవ్యూ ప్రేమ గులాబి ఇచ్చి మోకాలి మీద కూర్చొని ప్రపోజ్ చేస్తాడు. ప్రేమ సంతోషంగా గులాబీ తీసుకొని ధీరజ్ నుదిటి మీద ముద్దు పెట్టుకుంటుంది. ధీరజ్ ప్రేమని ఎత్తుకొని గిరగిరా తిప్పేస్తాడు. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
