Illu Illalu Pillalu Serial Today February 12th: ఇల్లు ఇల్లాలు పిల్లలు: ఇంట్లో వాళ్లకి షాక్ ఇచ్చిన సాగర్! రైస్మిల్లు బాధ్యతలు దక్కించుకున్న వల్లీ! భాగ్యం కుట్రలు!
Illu Illalu Pillalu Serial Today Episode February 12th సాగర్కి గవర్నమెంట్ ఉద్యోగం వచ్చిందని తెలియడం, రైస్ మిల్లు బాధ్యతలు వల్లీకి వెళ్లడంతో ఇవాళ్టి ఎపిసోడ్ ఆసక్తికరంగా మారింది.
Illu Illalu Pillalu Serial Today Episode నర్మద, ప్రేమలు వల్లీ వాళ్లని బెదిరించడంతో అసలు అమూల్యకి పెళ్లే అవ్వలేదు అంట కదా.. అని అంటారు. మీకు ఎవరు చెప్పారు అని ప్రేమ అడిగితే విశ్వకే చెప్పాడు. అమూల్య మెడలో తాళి కట్టలేదు అంట అని మొత్తం చెప్పేస్తారు. మరి మమల్ని ఎందుకు ఎవరు ఏమంటారు అని వల్లీ అడుగుతుంది. దానికి నర్మద అవునా అయితే అమూల్యని విశ్వక్కి లవ్ చేయమని చెప్పింది నువ్వు కాదా.. పెళ్లి ముందు రోజు ఇంట్లో నుంచి తీసుకెళ్లింది నువ్వు కాదా ఇది సరిపోవా అని అంటుంది. ఇక్కడ ముఖ్యం ఏంటో తెలుసా.. అమూల్య విశ్వక్ని పెళ్లి చేసుకుందా లేదా కాదా.. అమూల్య ప్రేమించడానికి కారణం ఎవరు మీరు.. అమూల్య బయటకు వెళ్లడానికి కారణం ఎవరు మీరు.. అని అంటుంది.
ప్రేమ టెన్షన్ పడుతూ ఉంటే ఏం కాదు.. నీ వరకు వస్తే అప్పుడు చూసుకుందాం అని నర్మద ధైర్యం చెప్తుంది. తర్వాత రామరాజు, వేదవతిలు ఓ నిర్ణయం తీసుకొని పిల్లలు అందర్ని పిలుస్తారు. రామరాజు సాగర్ని పిలిచి నేను మానసికంగా చాలా కృంగిపోయాను.. అమూల్య బాధ నుంచి నేను బయట పడలేకపోతున్నాను.. ఈ పరిస్థితుల్లో నేను రైసుమిల్లుకి వెళ్లి చూసుకోలేను.. ఇక నుంచి రైసు మిల్లుని నువ్వే దగ్గరుండి చూసుకోవాలి అని తాళాలు ఇస్తాడు. అందరూ తాళాలు తీసుకోమని చెప్తారు కానీ సాగర్ తీసుకోడు.. రామరాజుతో సారీ నాన్న నేను రైసుమిల్లు చూసుకోను అని అంటాడు. రామరాజు షాక్ అయిపోతాడు. ఇక ఎప్పటికీ చూసుకోను.. ఇక నుంచి రైసుమిల్లుకు వెళ్లను అని అంటాడు. అలా అంటావేంట్రా అని వేదవతి అడుగుతుంది. ఎందుకు వెళ్లను అంటున్నవ్ సమాధానం చెప్పరా అని రామరాజు అడుగుతాడు. దాంతో సాగర్ నాకు గవర్నమెంట్ జాబ్ వచ్చింది నాన్న అని చెప్తాడు. అందరూ షాక్ అయిపోతారు.
అందరూ సాగర్ని ప్రశ్నిస్తారు. ఎప్పుడు పరీక్ష రాశావ్.. అని అడుగుతారు. నిన్నే తెలిసిందని అంటాడు. పరీక్ష రాసినప్పుడు ఈ నాన్నకి చెప్పాలి అని కానీ.. నాన్న ఏమంటారో అని చెప్పాలి కానీ లేదా గవర్నమెంట్ జాబ్ వద్దని నీకు చెప్పా కదా అంటాడు రామరాజు. చెప్పా కదా నాన్న నాకు గవర్నమెంట్ జాబు కావాలి అని సాగర్ అంటాడు. మీ మామ గుడిలో పూజలు చేసి అందరికీ స్వీట్స్ పంచుతుంటే అప్పుడు అర్థం కాలేదు.. కానీ ఇప్పుడు అర్థమైందిరా.. నువ్వు నీ భార్య మీ మామ కలిసి చాప కింద నీరులా చాలా తెలివిగా ప్రవర్తించారు అని అంటాడు. నర్మద మామయ్యతో నాకు కూడా విషయం నిన్నే తెలిసింది మామయ్య అని అంటే ఆపమ్మా నువ్వే వాడితో పరీక్ష రాయించావ్ నీకు తెలీదు అంటే నమ్మేయడానికి అంత పిచ్చోళ్లా కనిపిస్తున్నామా అని అడుగుతుంది. నర్మదకు ఏం తెలీదు అని సాగర్ అంటే వేదవతి లాగి పెట్టి కొట్టి.. సొంత మిల్లుని దొరలాగా దర్జాగా చూసుకోవడాన్ని నీకు మూటలు మూయడంలా అనిపిస్తుందా.. మనం తినే ప్రతీ మెతుకు దాని వల్లే వచ్చిందిరా.. నీ లాగే మీ నాన్న కూడా దాన్ని మూటలు మోయడం అనుకుంటే ఈ రోజు మనం ఈ పరిస్థితిలో ఉండేవాళ్లం కాదు అని అంటుంది. వదిలేయ్ బుజ్జమ్మా వాడికి ఇళ్లరికం వెళ్లాలి అని ఉందని అందుకే ఇలా చేశాడు అంటాడు.
రామరాజు కోపంగా తిరుపతి రైస్ మిల్లు అమ్మేస్తా ఎవరైనా ఉంటారేమో చూడు అని అంటాడు. అందరూ వద్దని అంటారు. వీడికి నామోషీలా ఉంది రేపు నేను పోయిన తర్వాత ఎలాగూ అమ్మేస్తారు కదా అంటుంది. ప్రేమ ధీరజ్తో నువ్వు తీసుకుంటా అని చెప్పరా అంటుంది. ఇంతలో చందు వచ్చి నేను చూసుకుంటా ఉద్యోగం మానేస్తా అంటాడు. వద్దులే నీ భార్య కూడా నువ్వు మూటలు మోస్తావని అనుకుంటుంది అని రామరాజు అంటాడు. ఇంతలో వల్లీ వచ్చి అయ్యో అలా ఎందుకు అనుకుంటా మామయ్యగారు అవసరం అయితే నేను అక్కడ మూటలు మోస్తా ఏం పర్లేదు మా ఆయనకు బాధ్యతలు ఇచ్చేయండి అని అంటుంది. దాంతో రామరాజు చూశావా బుజ్జమ్మ బాధ్యత తెలిసిన కోడళ్లు అని వాళ్లని అంటావ్.. కానీ వాళ్ల స్వార్థం వాళ్లు ఎలా చూసుకున్నారో చూశావా.. అంటాడు. ఎవరో ఏంటో నాకు ఇప్పుడు పూర్తిగా అర్థమైంది అని వేదవతి నర్మదకి అంటుంది.
వల్లీ కొంగు చాచి అత్తయ్య గారు ఇక నుంచి నేను నా భర్త రైసు మిల్లు చూసుకుంటాం. తాళాలు ఇవ్వండి అత్తయ్య గారు అని అంటుంది. వేదవతి వల్లీకి తాళాలు ఇచ్చేస్తుంది. తాళాలు తీసుకున్న వల్లీ తల్లిదండ్రులతో కలిసి డ్యాన్స్లు వేస్తుంది. భాగ్యం తాళాలు పట్టుకొని మనం ఏం చేయకుండా మనకి తాళాలు వచ్చేశాయి.. లక్షలు లక్షలు లావాదేవీలు జరిగే రైసుమిల్లు తాళాలు మనకి వచ్చేశాయి.. ఇక ఈ దెబ్బతో మన తలరాతలు మారిపోవాలి అంటుంది. రామరాజు మానసికంగా పోయాడు కాబట్టి ఇక ఎప్పటికీ రైసుమిల్లుకి రాలేడు.. నీ మొగుడు అయితే అమాయకుడు. కాబట్టి మీ నాన్నని రైస్మిల్లులో క్యాష్యర్గా పెట్టి డబ్బు కొట్టేయాలి.. రైస్మిల్లు కూడా కొట్టేయాలి అనుకుంటారు. ముగ్గురు సంతోషంగా డ్యాన్స్లు వేస్తారు. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
