Gundenininda Gudigantalu Serial Today June 04: బాలుకి కొత్త శత్రువు, పోలీస్ స్టేషన్లో చెంపదెబ్బలు తిన్న మనోజ్ - గుండెనిండా గుడిగంటలు జూన్ 04 ఎపిసోడ్

Gundenininda Gudigantalu Today: మలేషియా ప్రయాణం ఆపేసిన ఆనందంలో ఉన్న రోహిణికి మరో షాక్ ఇచ్చింది విద్య. మరోవైపు ప్రభావతిని మీనాపై ప్రయోగించేందుకు సిద్ధమవుతోంది చింతామణి.ఈ రోజు ఎపిసోడ్ లో ఏం జరిగిందంటే

Gundenininda Gudigantalu Serial Today Episode 698 June 04 2026 Written Update In Telugu Star Maa Jio Hotstar

Source : https://www.hotstar.com/in/shows/gunde-ninda-gudi-gantalu/1260154100/manoj-draws-the-polices-anger/1700105171/watch

Show Quick Read

Key points generated by AI, verified by newsroom

• రోహిణి తన తండ్రి ఫోటోతో వచ్చి శోకించినా ఆస్తి ప్రస్తావన.
• ఆసుపత్రిలో వృద్ధ దంపతుల వద్ద బాలుకు తన ఫోన్ దొరికింది.
• రోహిణి ఆదేశాలతో విద్య ఫోన్ పడేసిందని బాలుకు తెలిసింది.
• శివ వీడియో కోసమే రోహిణి అదంతా చేసిందని విద్య బయటపెట్టింది.

Gunde Ninda Gudi Gantalu June 4 Episode Telugu Serial - గుండెనిండా గుడిగంటలు జూన్ 4 ఎపిసోడ్

గుండెనిండా గుడిగంటలు గడిచిన ఎపిసోడ్ లో... ఇంకా మీనా కాఫీ ఇవ్వలేదంటూ చిటపటలాడుతుంటుంది ప్రభావతి. ఇంతలో తండ్రి ఫొటో పట్టుకుని ఎంట్రీ ఇస్తుంది రోహిణి. ఏడుపు తెచ్చుకునేందుకు తీవ్ర ప్రయత్నాలు చేస్తుంటుంది.. గుండెనిండా గుడిగంటలు జూన్ 4 ఎపిసోడ్ లో ఏం జరిగిందంటే....

ఏంటి రోహిణి అది అని ప్రభావతి అడిగితే..నాకు మిగిలిన జ్ఞాపకం అంటూ సినిమా స్టైల్లో డైలాగ్స్ ఏవేవో చెబుతుంది. ఇది మా నాన్న ఫొటో అని చూపిస్తుంది. ఏడుపు తెచ్చుకునేందుకు ప్రయత్నిస్తుంది. ఇప్పుడు బాధపడి ఏం లాభం..జాగ్రత్తపడండి, తొందరపడండి అని ఎన్నిసార్లు మొత్తుకున్నా ఎవరూ నన్ను పట్టించుకోలేదు అంటుంది ప్రభావతి. ఇప్పుడు తన తండ్రిని పోగొట్టుకుని రోహిణి ఏడుస్తుంటే ఆస్తుల ప్రస్తావన అవసరమా అని కోప్పడతాడు సత్యం. అవును మావయ్యా..మా నాన్నకు కొడుకైనా కూతురైనా నేనే...అందుకే మిగిలిన కార్యం పూర్తిచేయాలని ఫొటో తీసుకొచ్చాను అంటుంది. సరే కానివ్వు ఏం చేస్తాం..ఈ మూలంగా అయినా కోర్టులో కేసు త్వరగా తేలాలని ఆయన్ను కోరుకో అని మరోసారి బుద్ధి చూపిస్తుంది ప్రభావతి.

హాల్లోకి ఎంట్రీ ఇచ్చిన బాలు ఆ ఫొటో చూసి ఎవరీయన పార్లలమ్మా అని అడుగుతాడు. మా నాన్న అని సమాధానం చెబుతుంది రోహిణి. మలేషియాలో ఉండే వ్యక్తి, పెద్ద బిజినెస్ మ్యాన్ ఎలా ఉండాలి? ఇలా ఉన్నాడేంటి మిషన్ కుట్టుకునేవాడిలా అని సెటైర్ వేస్తాడు బాలు, మా పూలకొట్టు పక్కన కొబ్బరికాయలు అమ్మేవ్యక్తిక అన్నయ్య అంటే నమ్మేస్తారు అంటుంది మీనా. అన్నయ్యగారు బతికి ఉంటే నా కొడుకు కోటీశ్వరుడు అయ్యేవాడు అంటుంది ప్రభావతి. అవాక్కైన రోహిణి.. నేను బాధలో ఉంటే నీకు ఆటలుగా ఉందా అని ఫైర్ అవుతుంది. ఉన్నమాటే అన్నాను అంటాడు బాలు. మా నాన్న మలేషియా వెళ్లకముందు తీయించుకున్న ఫొటో ఇది...అక్కడకు వెళ్లిన తర్వాత దిగిన ఫొటోస్ ఏవీ నా దగ్గర లేవంటుంది రోహిణి.  బాధలో ఉందికదా బాలు..వదిలెయ్ అని తండ్రి చెప్పడంతో సరే అంటాడు బాలు. 

నాకు అర్జెంటుగా రక్తం కావాలి అంటాడు బాలు..అంతా షాక్ అవుతారు. తాగడానికి కాదు.. వేరేవాళ్లకి అవసరం అంటాడు బాలు. మనోజ్ అమ్మో నేనివ్వను అంటాడు. నా బ్లడ్ గ్రూప్ అదికాదు అందుకే అడుగుతున్నా అంటాడు బాలు. కాసేపు డ్రామా నడుస్తుంది. ఇంతలో పోలీసులు ఎంట్రీ ఇచ్చి బాలుని అరెస్ట్ చేస్తున్నాం అంటారు. ఏం జరిగిందని సత్యం అడిగితే.. రోడ్డుపక్కన చెప్పులు కుట్టుకుంటున్న ముసలివాళ్లపై పోలీస్ దౌర్జన్యం చేసినందుకు అడ్డుకున్నా అందుకే ఆ పోలీస్ కావాలనే నన్ను ఇరికిస్తున్నాడు అంటాడు బాలు.  రోహిణి వాళ్లనాన్నని కామెంట్ చేశావ్ కదా..నీకు మంచి పనే అయింది, అయినా నీకు జైలు కొత్తేం కాదుకదా అంటుంది ప్రభావతి.  ఏం మంచిపని అయింది? నా భర్త తప్పుచేయలేదు, ఓ ముసలి దంపతులకు అండగా నిలిచాడు, గుడిముందు అడుక్కోలేదు, తప్పుచేయలేదని ఇచ్చిపడేస్తుంది మీనా.

ఏదైనా ఉంటే స్టేషన్ కి వచ్చి మాట్లాడుకోండి అని చెప్పేసి బాలుని తీసుకెళ్లిపోతారు. నేను వస్తానంటుంది మీనా. నేను వస్తానంటాడు సత్యం..మేం కూడా వస్తాం అంటారు రవి,శ్రుతి.  అక్కడ జరిగింది చూశాను కాబట్టి నేను కూడా వస్తానంటుంది మీనా. నువ్వు వెళ్లిపోతే వంట ఎవరు చేస్తారంటుంది ప్రభావతి. కొడుకును పోలీసులు తీసుకెళ్తుంటే బాధపడాల్సింది పోయి...ఇలా మాట్లాడుతారా? బయటి నుంచి వచ్చినదాన్ని నాకే కడుపు తరుక్కుపోతోంది..మీరు నిజంగా మా ఆయన్ని కన్న తల్లేనా , సవతి తల్లి కూడా ఇలాంటి టైమ్ లో మింగడం గురించి ఆలోచించదు , ఆకలితో మాడండి అంటుంది మీనా. నేను చూసుకుంటాలే మీనా అని ధైర్యం చెబుతాడు బాలు. రోజూ అన్నమే పెట్టింది...ఈ రోజు నీకు గడ్డి పెట్టింది..మంచి పని చేసిందని మండిపడతాడు సత్యం.  నీకు తిండి ఎలా సహిస్తోందని రవి అంటే... అయ్యో ఆవిడను అనొద్దు... కోట్లు పోగొట్టుకున్నా అనే బాధలో ఉంది..ఆవిడకు ఎంత దూరంగా ఉంటే అంత మంచిది అంటుంది శ్రుతి. 

నీకు అంత ధైర్యం ఉంటే ఇక్కడ చూపించు అంటాడు ఆ పోలీస్... నేను తప్పు కనిపిస్తే ఎవర్నైనా అడుగుతా అంటాడు బాలు. SI వచ్చాక చూసుకుందాం అంటారు పోలీసులు.  ఇంతలో మీనా కంగారుగా వస్తుంది. మీరు వచ్చాకే మీతో కలసి ఇంటికి వెళతాను అప్పటివరకూ ఇక్కడే ఉంటా అంటుంది మీనా. మనోజ్, రోహిణి కూడా పోలీస్ స్టేషన్ కు వస్తారు. డబ్బులు కొట్టేసిన విషయం గురించి మాట్లాడేందుకు వస్తారు. లోపలకు వెళ్లగానే బాలు, మీనాను చూసి నవ్వుతారు...వీరికి సెల్ లోనే రూమ్ షేరింగ్ ఫెసిలిటీ ఇస్తే బావుండును అని సెటైర్ వేస్తాడు మనోజ్. మేం అఫీషియల్ పనిపై వచ్చాం అంటుంది రోహిణి. మా స్టేటసే వేరు అంటూ బాలుని కించపరుస్తాడు. మీ అదృష్టం బావుండి బయట ఉన్నారు... లేదంటే మీరిద్దరూ సెల్ లో ఉండాల్సిన ఫ్రాడ్ లే అని ఇచ్చిపడేస్తాడు బాలు. మీరెవరు ....డైనింగ్ టేబుల్ దగ్గరకు వచ్చి వంట అయిందా అని అడగండి అప్పుడు చెబుతా అంటుంది మీనా. 

వీళ్లు మీకు తెలుసా అని  పోలీస్ అడగ్గానే... వీడు ఇంట్లో వాళ్లనుంచి క్యారియర్ తీసుకుని వెళ్లి పార్కులో పడుకునేవాడు, నేను గుడి దగ్గరకు వెళ్లాను అక్కడ ఈయన అని మీనా అనగానే...ఆపు అంటుంది రోహిణి. వీడు  చాలామందిని కొట్టాడు లోపల వేయడమే మంచిది అంటాడు మనోజ్. వీడిని కూడా కొట్టానంటాడు బాలు. వీడిని వారం వరకూ వదలకండి అని బిల్డప్ ఇస్తాడు మనోజ్.  నేనిచ్చిన కంప్లైంట్ సంగతి ఏమైందని అడుగుతాడు మనోజ్. మా ఆయన్ని ఒకరు మోసం చేశారంటుంది రోహిణి.  వాడు మోసం చేయలేదు... వీడే మోస పోయాడు అంటాడు బాలు. అవును...5 కోట్ల విల్లా 3 కోట్లకు ఇస్తాం అనగానే కోటి రూపాయలు కూడా లేని ఈయన అడ్వాన్స్ ఇచ్చి నిండా మునిగాడు అంటుంది మీనా. మా ఆయన్ని తమ్ముడు అని చెప్పుకునేందుకు సిగ్గుపడ్డాడు...తనని అన్నయ్య అనేందుకు సిగ్గుపడాలి అంటుంది మీనా. 

నాలాంటి బిజినెస్ మ్యాన్ ని వెయిటింగ్ లో పెడతారా...వాళ్లపని చెబుతా అంటూ బిల్డప్ ఇస్తాడు మనోజ్. కానిస్టేబుల్ చెవిలో ఏదో ఆఫర్ అంటూ చెబుతాడు..లాగిపెట్టి కొడతాడు కానిస్టేబుల్. ఎందుకు కొట్టారని రోహిణి అడిగితే మా SI కి చెబితే బూటుతో తంతారు అంటాడు. ఏమన్నాడని మరో కానిస్టేబుల్ అడిగితే..చెవిలో చెబుతాడు..వాడు కూడా వచ్చి మనోజ్ కి ఒక్కటిస్తాడు. బాలు మీనా సెటైర్స్ వేస్తుంటే  రోహిణి కోపంగా మనోజ్ ని తీసుకెళ్లిపోతుంది. ఇంతకీ ఏమన్నావ్ అని రోహిణి అడగ్గానే చెబుతుంది.. వెంటనే రోహిణి కూడా కొడుతుంది. ఈ మాట బాలుకి చెబితే నిన్ను బొందపెడతాడు అని ఫైర్ అవుతుంది. 

SI  రాగానే బాలు మన ట్రాఫిక్ కానిస్టేబుల్ ని కొట్టాడని చెబుతారు అక్కడ. ఆయన చేసింది నేరమే కానీ.. అందులో తన తప్పేం లేదంటుంది. అసలేం జరిగిందో చెబుతుంది మీనా.  కోట్ల స్కామ్ చేసి ఎంచక్కా తిరుగుతున్నారు...కానీ ఏ దిక్కూలేనివారు రోడ్డుపక్కన పందిరి వేసుకుని చెప్పులు కుట్టుకుంటున్నారు..అది కూడా కూల్చేశారు పోలీసులు అంటారు బాలు. రోడ్డుపక్కన ఆక్రమించిన స్థలం ఖాళీ చేయించడం తప్పులేదు కానీ ఆవిడకు గాయం చేయడం తప్పుకాదా అని నిలదీస్తారు బాలు మీనా.  ట్రాఫిక్ పోలీస్ రావడంతో SI గట్టిగా నిలదీస్తాడు. వాళ్లు నీపై కేసు పెడితే నిన్ను సస్పెండ్ చేస్తారని తెలుసా అని అడుగుతాడు SI. నువ్వు చేసిందీ తప్పే అని బాలుపై ఫైర్ అవుతాడు.  తప్పు మావాడివైపు కూాడా ఉంది కాబట్టి వదిలేస్తున్నా అంటాడు SI.  బయటకు వెళ్లిపోతున్న బాలుని ఆపి రెచ్చగొట్టేందుకు ట్రై చేస్తాడు ట్రాఫిక్ పోలీస్. మళ్లీ ఏదో గొడవలో ఇరికించాలని చేస్తున్నాడంటుంది మీనా. ఇంకోసారి దొరుకుతావ్ అప్పుడు చూస్తాను నీ సంగతి అంటాడు.  ఇంతలో కానిస్టేబుల్ వచ్చి ట్రాఫిక్ పోలీస్ ని లోపలకు పిలుస్తాడు. ఇంతకీ మా మనోజ్ గాడు చెవిలో ఏం చెప్పాడని బాలు అడిగితే... చెబుతాడు కానిస్టేబుల్..షాక్ అవుతాడు బాలు...

మరిన్ని చదవండి

చిన్నారుల కోసం నదులు, పర్వతాలకు సంబంధించిన 10 అందమైన పేర్లు!

భూమిలో దాచిన నిధుల దగ్గర పాములు ఎందుకు కనిపిస్తాయి, అవి నిజంగా వాటిని కాపలా కాస్తాయా?