tv

Godavari Serial Today October 2nd: 'గోదావరి' సీరియల్: శారదకి హార్ట్‌ అటాక్! జానుని దూరం పెట్టిన చెల్లెళ్లు! జాను కోసం సూర్య ఆరాటం!

Jhanshi Balleda — Fri, 2 Oct 2026 10:30:16 +0530

Godavari Serial Today Episode ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 2న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

ఎక్కడ పడుకోవాలి..

సంజయ్ జానుతో నన్ను అండీ, ఏవండీ, శ్రీవారు అని పిలవకు సార్ అని పిలువు అంటాడు. సరే నేను ఎక్కడ పడుకోవాలి అని జాను అడిగితే నాకు అడుగుతావేంటి.. అది నీ ఇష్టం ఎక్కడైనా పడుకో అంటాడు. రమణిగారు మీ గదిలో పడుకోమన్నారు అని జాను అంటే నేను నా గది ఎవరితో పంచుకోను.. అని సంజయ్ అంటాడు. మనం పెళ్లి చేసుకున్నాం కదా అని జాను అంటే అవును మరీ గంపెడు పిల్లలు కనాలి అని చేసుకున్నాం మరి.. అగ్రిమెంట్ చదవలేదా అందులో నీకు నా గదిలోకి రావడానికి ఎంట్రీ లేదు అని క్లియర్‌గా ఉంది అని అంటాడు. అగ్రిమెంట్ చూపించండి అని జాను అడిగితే మెడలో వేసుకొని తిరగను కదా.. ఆఫీస్‌లో ఉంది రేపు ఇస్తా అంటాడు. జాను సంజుతో సరే అనే హాల్లో పడుకుంటా బామ్మ తాతయ్య వచ్చి అడిగితే అగ్రిమెంట్‌లో రాసి ఉంది అని చెప్తా అంటుంది. ఏంటి బెదిరిస్తున్నావా కామెడీ చేస్తున్నావా. ఈ ఇంట్లో గెస్ట్ బెడ్ రూం ఉంది అక్కడ పడుకో నన్ను ఇబ్బంది పెట్టకు అని సంజయ్ డోర్ వేసేస్తాడు.

జాను కోసం ఏడ్చేసిన సూర్య..

గాయాలతో ఉన్న సూర్యని అతని ఫ్రెండ్ ఇంటికి తీసుకొస్తాడు. ఎందుకురా ట్రీట్మెంట్ చేసుకోకుండా తెచ్చేయ్మన్నావ్ అంటే.. ఈ గాయాల కంటే జాను దూరంగా ఉందనే బాధ ఎక్కువ ఉందిరా.. జాను అంటే నాకు ఎంత ఇష్టమే నేను అంటే అంత కంటే ఎక్కువ ఇష్టంరా తనకి.. జాను కోసం నేను బాధపడుతుంటే నిత్య పెళ్లాంలా నా పక్కనే ఉంటుందిరా అందుకే ఉండలేక వచ్చేశా అని సూర్య అంటాడు. జాను ఒక్క సారి కలిస్తే జరిగింది అంతా చెప్తా.. నా ప్రేమ చెప్తా మళ్లీ మేం కలుస్తాం అని సూర్య ఎమోషనల్ అయి ఏడుస్తాడు.

మంచి కాంట్రాక్ట్ వచ్చింది..

మురళీ తనకి స్కూల్ పిల్లలకు యూనిఫాం కుట్టే కాంట్రాక్ట్ వచ్చింది అని వారంలో కుట్టేస్తే 50 వేలు లాభం వస్తుంది నువ్వు సాయం చేయ్ అని అంటాడు. నందు ఏడుస్తూ కుట్టుదాం బావ.. నువ్వు మెషిన్ కుడితే నేను కాజీలు వేస్తా అని ఏడుస్తుంది. అమెరికా వెళ్లాలి అని ఆశ పడ్డా నా ఆశలు కరిగిపోయావి.. నేను ఇక జాబ్ చేస్తా బావ.. జాను తన దారి తాను చూసుకుంది.. ఇల్లు గడవాలి.. ఇంకా ఇద్దరు చెల్లెళ్లు చదవాలి.. నేను ఏదో ఒక జాబ్ చేసి అందర్ని పోషించుకోవాలి నా గోల్స్ రీచ్ అవ్వాలి అంటే అమెరికా ఆశలు పోలేదా నందు.. అని అడుగుతాడు. భార్య బయటకు వెళ్లి పని చేయకూడదా భర్తలా అడ్డుకుంటావా అని నందు అంటే భర్తలా కాదు కనీసం నన్ను స్నేహితుడిగా చూడు నందు అంటాడు.

శారదకి హార్ట్ అటాక్..

రాత్రి నిద్రలో ఉంటే శారదకి గుండె నొప్పి వస్తుంది. గౌతమి చాలా కంగారు పడి నందు, మురళీలను పిలుస్తుంది. అందరూ కంగారుగా శారదని పట్టుకొని హాస్పిటల్‌కి తీసుకెళ్లడానికి వస్తారు. మురళీ కారు బుక్ చేస్తాడు. ఇక జాను మేడ మీద నుంచి చూసి ఈ టైంలో ఎక్కడికి వెళ్తున్నారు. అమ్మకి ఏమైంది అని పరుగున వస్తుంది. శారద దగ్గరకు రావొద్దు అని అరుస్తుంది. దగ్గరకు రావొద్దు అంతా నీ వల్లే అని గౌతమి, బామ్మ, నందు జాను మీద అరుస్తారు. జాను వెళ్లిపోవే అమ్మ హాస్పిటల్‌కి వెళ్లకముందే నిన్ను చూస్తే చనిపోతుందని నందు అంటుంది. క్యాబ్ రావడంతో అందరూ శారదని తీసుకెళ్తారు. జానుని రావొద్దని అంటారు. మరోవైపు జాను కోసం వెతుకుతా బయటకు తీసుకెళ్లమని సూర్య తనని తన ఫ్రెండ్తో చెప్తాడు. మరోవైపు రమణి బయట డోర్ తీసి ఉండటం చూసి ఎవరు తీశారు అని అనుకుంటుంది. తన భర్తకి చెప్తే అతను సీసీ కెమెరాలో చూస్తా అని వెళ్లిపోతాడు. దీంతో ఇవాళ్లి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.

Nindu Manasulu Serial Today October 2nd: నిండు మనసులు: ఇంటర్య్యూ తెచ్చిన రచ్చ! ప్రేరణ తన తప్పు తెలుసుకుంటుందా!

Jhanshi Balleda — Fri, 2 Oct 2026 10:09:52 +0530

Nindu Manasulu Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 2న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

వదిలేసే అలవాటు ఎక్కువ కదా..

రంజిత్ తనని ఏడిపించిన వాడిని ఏం అననందుకు హర్ట్ అయిపోతుంది. ఇక ప్రేరణ స్టేషన్ నుంచి ఇంటికి వెళ్తూ మెట్ల మీద నుంచి పడిపోబోతే అక్కడే ఉన్న సిద్ధూ పట్టుకుంటాడు. ఇద్దరూ ఒకర్ని ఒకరు చూసుకుంటూ అలాగే ఉండిపోతారు. తర్వాత ఒకర్ని ఒకరు నిందించుకుంటారు. నీకు పట్టుకోవడం కంటే వదిలేయడమే ఎక్కువ అలవాటు కదా అని ప్రేరణ అంటుంది. నేను నీ కంటే సుపీరియర్ అని ప్రేరణ అంటే నువ్వు ఎంత ఎత్తులో ఉన్నా నన్ను చేరుకోలేవు అని అంటాడు.

అలా మాట్లాడటం నచ్చలేదు..

ప్రేరణ ఇంటర్వ్యూని రాజశేఖరం, ఇందిర చూసి ఇంటర్వ్యూలో సిద్ధూ బాగు గురించి చెప్పడానికి కూడా ఇబ్బంది పడుతుందా అని బాధ పడతారు. ప్రేరణ రాగానే అలా మాట్లాడటం నచ్చలేదు అంటారు. ఇంటర్వ్యూలో నేను చెప్పింది ఇష్టపడే చెప్పాను.. ఇంకోసారి మీరు ఇలా మాట్లాడితే నేను ఈ ఇంటి నుంచి వెళ్లిపోతా అని అంటుంది. ఇంతలో ఐశ్వర్య వచ్చి ఏంటి అమ్మానాన్నలను బెదిరిస్తున్నావా.. వెళ్లిపోతే వెళ్లిపో అంటుంది. నువ్వు ఎందుకు మధ్యలో వస్తావ్ అని రాజశేఖరం అంటారు. మామయ్య చెప్పినట్లు ఈ మధ్య నీకు పొగరు ఎక్కువ అయింది అక్కా అని ఐశ్వర్య అంటే నా పదవికి అయినా మర్యాద ఇవ్వు అని ప్రేరణ అంటుంది. పదవి మనకి అలంకారం అవ్వాలి అక్కా అహంకారం కాకూడదు అని ఐశ్వర్య అంటుంది. ఎవరు ఎన్ని చెప్పినా నాకు నచ్చినట్లే నేను ఉంటా అని ప్రేరణ అంటుంది.

నాకు నచ్చలేదు..

ప్రేరణ ఇంటర్వ్యూలో మాట్లాడిన మాటలు చాలా రాంగ్ అని విజయానంద్ అంటే మా గురించి ఎందుకు తనకి నచ్చింది తను చెప్పింది.. వదిలేయండి అని అంటాడు. తన వల్ల నువ్వు బాధ పడటం లేదా అని మంజు అడిగితే తనని నా జీవితం నుంచి ఎప్పుడో వదిలేశా.. నాన్న చనిపోయినప్పుడు ఎంత బాధ పడ్డానో ప్రేరణ అపార్థం చేసుకొని వెళ్లినప్పుడు అంతే బాధ పడ్డా.. కొత్తగా ఏం లేదు అని అంటాడు.

అంతలా కోపం ఏంటి..

ప్రేరణవాళ్లు అంతా కలిసి తింటారు. రంజిత్‌ ఆ పేషెంట్‌ని వదిలేయడంతో రంజిత్‌ని ఐశ్వర్య దెప్పిపొడుస్తుంది. ఏమైంది చెప్పు అని ప్రేరణ అడిగితే మా ఇద్దరి గురించి నేను నా భర్త చూసుకుంటాం.. మా పర్సనల్ మీరు ఎవరూ మధ్యలోకి రావొద్దు నాకు ఏమైనా అయితే ముందు మీకే చెప్తాను కదా అంతే కానీ అక్కలా ఇంటర్వ్యూలో స్టేట్ మెంట్స్ ఇచ్చి మొగుడిని తక్కువ చేయను అని అంటుంది. ఐషూ అని ప్రేరణ అరిస్తే ఇంటర్వ్యూలో వాళ్లు అలా అడిగినప్పుడు పర్మనల్స్ అడగొద్దు అని చెప్పాలి కదా అంటే కరెక్ట్ అని రంజిత్ అంటాడు. నా గెస్ కరెక్ట్ అయితే ఆ టైంలో నీకు సిద్ధూ కనిపించొంటాడు. అందుకే అతని మీద కోపంతా అప్పుడు అలా మాట్లాడావు అని అంటాడు. ప్రేరణ కరెక్టే కదా అని బాధతో వెళ్లిపోతుంది. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.

Podarillu Serial Today Oct2: చక్రి దూరమయ్యాడని గోపిక ఆత్మహత్యాయత్నం..గోపికను కాపాడి మంచిమాటలు చెప్పిన మహా

Prashanth — Fri, 2 Oct 2026 10:05:48 +0530

Podarillu Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది.చక్రి ప్రేమించడంలేదని చెప్పడంతో ఆవేశంతో గోపిక ఆత్మహత్య చేసుకోవాలని గదిలోకి వెళ్లి తలుపులు వేసుకుంటుంది. అప్పుడే అక్కడికి వచ్చిన మహాలక్ష్మీ...ఆమెను అడ్డుకుని మంచిమాటలు చెప్పి బయటకు తీసుకొస్తుంది.అటు చక్రిని మాధవ్‌, కేశవ్‌,నారాయణ ఓ ఆట ఆడుకుంటారు. మహా వెళ్లి గోపికను తీసుకుని వస్తుందని నీకు రెండో పెళ్లిచేస్తామని చెప్పడంతో చక్రి ఆందోళన చెందుతాడు.
గోపిక దగ్గరకు మహా
కన్నాను తీసుకుని గోపిక ఇంటికి మహాలక్ష్మీ బయలుదేరగా..కన్నా కాసేపు బయట తిరిగి ఇంటికి వెళ్లిపోదామని చెబుతాడు.అదేంటిరా మనం గోపిక దగ్గరకు వెళ్లి ఆమెను తీసుకుని వచ్చి మీ అన్నయ్యకు రెండో పెళ్లి చేద్దామని చెబుతుంది. దీనికి షాక్ తిన్న కన్నా బండి ఆపి నేను రానంటే రానని అంటాడు. మరి మీ అన్నయ్య ఆ అమ్మాయి దగ్గరకు వెళ్లి నాటకాలు వేస్తున్నప్పుడు ఎందుకు ఆపలేకపోయావని నిలదీస్తుంది. అమ్మాయిలు అంటే అంత చులకనగా ఉందా అని అంటుంది.నువ్వు వచ్చినా రాకపోయినా నేను గోపిక దగ్గరకు వెళ్తానని చెబుతుంది.నిజంగా ఏం తీసుకుని రానులేనని చెప్పడంతో కన్నా కూడా మహా వెంట గోపిక ఇంటికి వెళ్తాడు.
చక్రిని ఆడుకున్న అన్న
మహా గోపిక కోసం వాళ్ల ఇంటికి వెళ్లడంతో చక్రి చాలా కంగారుపడతాడు. మహా నిజంగానే గోపికను పెళ్లికి ఒప్పించి తీసుకొస్తుందేమోనని భయపడతాడు. ఇదే అదునుగా కేశవ్‌,మాధవ్‌, నారాయణ కలిసి చక్రిని ఆడేసుకుంటారు. మహా నిజంగానే వెళ్లిందని ఇప్పుడు గోపికతో మాట్లాడి తీసుకొస్తుందని ఆటపట్టిస్తారు. గోపిక తల్లిదండ్రులను కూడా తీసుకొస్తుందని వెంటనే మనం పెళ్లి చేయడమేనని అంటారు. ఈ మాటలు విన్న చక్రి మరింత అదిరిపడతారు. నేను మహాన ఏడిపించడానికే అలా మాట్లాడనని చక్రి చెబుతాడు.అదంతా మాకు తెలియదురా...నువ్వే కదా తనను అనరాన మాటలు అన్నదని అంటారు.ఇప్పుడు తను సీరియస్‌గా తీసుకుందని చెబుతారు. పెళ్లివాళ్లు వచ్చేలోపు ఇళ్లంతా సర్దిపెట్టాలని హడావుడి చేస్తారు. బుద్ధిమంతుడైనా మాధవ్‌కు ఒక్క పెళ్లికూడా జరగలేదని...నీకు మాత్రం అన్నీ నా పోలికలే వచ్చాయని నారాయణ అంటాడు. అందుకే రెండో పెళ్లి కూడా జరుగుతుందని చెబుతాడు.లోకంలో ఎక్కడా లేని విధంగా నీ భార్యే నీకు రెండో పెళ్లి చేస్తుందని ఏడిపిస్తాడు. అయినా నేను మహాకు విడాకులు ఇస్తేనే కదా తను రెండో పెళ్లి చేసేదని అంటాడు.మేము కోర్టుకు వెళ్లి నువ్వు మంచోడివి కాదని,రోజూ భార్యను కొట్టి వేధిస్తున్నావని చెబుతామని కేశవ్ అంటాడు.అప్పుడు జడ్జిగారే విడాకులు ఇస్తారని చెప్పడంతో చక్రి ఏడుపుముఖం పెడతాడు.
గోపికకు నచ్చజెప్పిన మహా
గోపిక నిద్రమాత్రలు మింగి ఆత్మహత్య చేసుకోవాలని అనుకోగా...మహా వచ్చిందని తెలిసి తలుపు తెరుస్తుంది. ఆ చక్రి మోసం చేశాడని...అందుకే చనిపోవాలని అనుకుంటున్నట్లు చెబుతుంది. చక్రి ఎప్పుడైనా నీకు ఐలవ్‌యూ చెప్పాడా అని మహా నిలదీస్తుంది. లేదని గోపిక చెబుతుంది. సినిమాలకు,షికార్లకు, పార్కులకు తిప్పాడా అని అడుగ్గా లేదని చెబుతుంది.ప్రతిరోజూ నీకు ఫోన్లు చేయడంగానీ, మెసేజ్‌లు చేయడం గానీ చేశాడా అని అంటుంది.అలాంటిదేమీ లేదని గోపిక చెబుతుంది.మరి చక్రి ప్రేమిస్తున్నాడని ఎలా అనుకున్నావని అంటుంది. పోనీ నన్ను దాచిపెట్టి నిన్ను మోసం చేశాడా అంటే అదీ లేదు కదా...ప్రతిరోజూ నేను చక్రిపక్కనే ఉండటం చూశావు కదా అని అడుగుతుంది. పెళ్లయినట్లు చెప్పలేదని అనగా...పోనీ రోజూ నీ పక్కన ఉండే అమ్మాయి ఎవరని నువ్వు అడిగావా అని నిలదీస్తుంది. నీకు తెలుసేమోనని అనుకున్నాడని అంటుంది. చక్రి ఏరోజూ నీపట్ల తప్పుగా ప్రవర్తించలేదని..నువ్వు తనపై ఆశలు పెట్టుకుంటున్నావని తెలిసే నీకు దూరం జరిగాడని..అది తెలుసుకోకుండా నువ్వు ఇంటికి వచ్చి గొడవ చేయడంతో నిజం చెప్పాడని చెబుతుంది. ఈ వయసులో ఇలాంటివి సహజమేనని...కాబట్టి బాగా చదుకుని మంచి ఉద్యోగం తెచ్చుకుంటే చక్రికన్నా మంచి అబ్బాయి నీ జీవితంలోకి వస్తాడని నచ్చజెప్పి తనను బయటకు తీసుకొస్తుంది.

Nuvvu leka Neanu Lenu Serial Today Oct 2: రాధ శాశ్వతంగా చచ్చిపోతే బాగుండని శపించిన సునంద..అత్త మాటలకు బాధపడిన రాధ

Prashanth — Fri, 2 Oct 2026 10:03:06 +0530

Nuvvu leka Neanu Lenu Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది. విక్కీని పదేపదే ఎందుకు కలుస్తున్నావని రాధను రామచంద్రం నిలదీస్తాడు. మా నాన్నను బయటకు తీసుకొస్తాడని నమ్మకం నాకు ఉందని రాధ అంటుంది. పరిస్థితుల కారణంగా విక్కీ అలా చేశాడే తప్ప చెడ్డవాడు కాదని చెబుతుంది. అటు రంగాను చూసిన విక్కీ వెంటపడగా..భవానీశంకర్‌ ఇంట్లోకి పరుగుపెట్టడంతో విక్కీ వెనకే వెళ్లి పట్టుకోవడానికి ప్రయత్నిస్తాడు. వారెంట్ లేదని అక్కడే ఉన్న దమయంతి విక్కీని తిట్టి పంపిస్తుంది. ఇక ఇంట్లో రాధను సునంద సాధిస్తుంది.
రాధను నిలదీసిన రామచంద్రం
విక్కీకోసం పోలీసుస్టేషన్‌కు క్యారేజీ పట్టుకునిరావడంతో రామచంద్రం రాధను నిలదీస్తాడు. అసలు ఎందుకు వాడికోసం ఇంతగా తపిస్తున్నావని అడుగుతాడు. నిన్ను మోసంచేశాడన్న బాధ కొంచెం కూడా నీలో కనిపించడం లేదని ప్రశ్నిస్తాడు. విక్కీపై రాధకు ఉన్న ప్రేమను భయటపెట్టించడానికే రామచంద్రం ప్రయత్నిస్తుంటాడు.కానీ రాధ ఆవిషయం చెప్పకుండా విక్కీపై నాకు నమ్మకం ఉందని...మా నాన్నను ఖచ్చితంగా బయటకు తీసుకొస్తాడని అంటుంది. పరిస్థితుల ప్రభావంతో విక్కీ నన్ను అగ్రిమెంట్ పెళ్లి చేసుకున్నాడు తప్ప...అతను మోసగాడు కాదని అంటుంది. ఖచ్చితంగా నేరగాళ్లను పట్టుకుని మా నాన్నను నిర్దోషిగా భయటకు తీసుకొస్తాడని చెబుతుంది.
విక్కీ కంటపడిన రంగా
రంగా కోసం విక్కీ వెతుకుతున్నాడని తెలుసుకున్న దమయంతి,భవానీశంకర్‌...వాడిని పిలిచి అండర్‌గ్రౌండ్‌కు వెళ్లిపొమ్మని చెబుతారు.నువ్వు దొరికావంటే అందరూ దొరికిపోతామని అంటారు.దీంతో రంగా పారిపోయేందుకు బయటకు రాగా...విక్కీ కంటపడతాడు. విక్కీని చూసిన వెంటనే మళ్లీ భవానీశంకర్ ఇంట్లోకి పరుగుతీస్తాడు.ఆ విక్కీ చూశాడని చెప్పడంతో భవానీశంకర్‌ లోపలికి వెళ్లి దాక్కోమని చెబుతాడు. రంగాను వెతుక్కుంటూ విక్కీ ఇంటికి రాగా...భవానీ శంకర్ అడ్డుకుంటాడు. నువ్వు ఓ కాంట్రాక్టర్ ఇంటికి వచ్చావని గుర్తుపెట్టుకోమని హెచ్చరిస్తాడు. నేను దొంగకోసం మీ ఇంటికి వచ్చానని అంటాడు. ఇళ్లంతా వెతికినా రంగా కనిపించకపోవడంతో భవానీశంకర్‌ విక్కీని బెదిరిస్తాడు. సెర్చ్‌ వారెంట్ లేకుండా నా ఇంట్లోకి వచ్చి నా పరువు తీశావని కేసు పెడతానని బెదిరిస్తాడు.దీంతో విక్కీ తుపాకీ తీసి భవానీశంకర్‌కు గురిపెడతాడు. దమయంతి కలుగుజేసుకుని సెర్చ్‌ వారెంట్‌ చూపించమని నిలదీస్తుంది. దీంతో అన్ని ఆధారాలతో వచ్చి ఆ రంగాను పట్టుకుంటానని చెప్పి వెళ్లిపోతాడు.
కోడలిని చచ్చిపొమ్మన్న సునంద
ఇంట్లో తులసిచెట్టు వద్ద దీపం వెలిగించడానికి వచ్చిన రాధను పట్టుకుని సునంద తిడుతుంది.నీవల్లే ఇల్లు నరకంలా మారిపోయిందని అంటుంది. దీనికి నేనేమీ చేశాను అత్తయ్య అని అనగా...నువ్వు నన్ను అలా పిలవొద్దని అలా పిలిస్తే నాకు కంపరంగా ఉందని అంటుంది. నువ్వు నాకొడుకు జీవితంలోకి రాకుంటే మేం చాలా సంతోషంగా ఉండేవాళ్లమని అంటుంది.అసలు నువ్వు ఈలోకంలోనే లేకుంటే బాగుండు అని అనిపిస్తుందని అంటుంది.ఆ మాటలు విన్న తల్లి అక్కడికి వచ్చి సునందను తిడుతుంది.నీ కొడుకు తప్పుచేస్తే ఆ పిల్లను తిడతావేంటే అని అంటుంది.వాడికి బుద్ధి లేకపోతే దీనికి అయినా ఉండాలి కదా అని సునంద అంటుంది. ఎవడైనా అగ్రిమెంట్ పెళ్లి చేసుకుంటారా అని నిలదీస్తుంది.అది ఏమైనా డబ్బుకోసం, ఆస్తికోసం ఆశపడి పెళ్లిచేసుకుందా అని బామ్మ ప్రశ్నిస్తుంది.తన తండ్రికోసం ఇలాంటి ఘోరమైన పనికి ఒప్పుకుందని జాలి చూపుుతుంది.రెండురోజులు నీ కొడుకు కనిపించకపోయేసరికి అల్లాడిపోతున్నావు కదా...మరి అన్నిరోజులు వాళ్ల నాన్న జైలులోఉంటే ఆ కన్నకూతురు ఇంకెంత అల్లాడిపోయి ఉంటుందని అంటుంది.ఓ ఆడపిల్ల అవసరాన్ని ఆసరాగా చేసుకుని నీ కొడుకు చేసిన పనికి సిగ్గుపడాల్సిందిపోయి...పాపం ఇప్పటికే జీవితం నాశనం చేసుకున్న ఆ అమ్మాయిని అంటున్నావా అని మండిపడుతుంది. నీ కొడుకు చేసిన తప్పులను వదిలేసి రాధను అంటే ఊరుకోనని హెచ్చరించడంతో అందరూ అక్కడి నుంచి వెళ్లిపోతారు. అత్తయ్య అన్న మాటలకు రాధ చాలా బాధపడుతుంది.

Gundeninda Gudigantalu Oct 2: మనోజ్‌,రోహిణీని శాశ్వతంగా విడదీసేందుకు ప్రభావతి ప్రయత్నాలు..స్వామీజీని కలిసి తాయత్తు తేవాలని నిర్ణయం

Prashanth — Fri, 2 Oct 2026 10:00:37 +0530

Gunde Ninda Gudi Gantalu: స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది. కాపురం నిలబెట్టేందుకు ఏదో ఒక సలహా ఇవ్వమని రోహిణి తోడికోడళ్లను కోరగా...మీనాక్షి ఆంటీ దగ్గరకు వెళ్లమని చెప్పడంతో ఆమె వెళ్తుంది.అక్కడికి వచ్చిన ప్రభావతి...రోహిణి, మనోజ్‌ను శాశ్వతంగా విడదీయాలని అనుకుంటున్నట్లు మీనాక్షికి చెబుతుంది. మహిమ కలిగిన గురువుగారి దగ్గరకు వెళ్లి తాయత్తు తీసుకుందామని చెప్పి వెల్లిపోతుంది.
రోహిణికి మీనా సలహా
మీనా, శృతి కిచెన్‌లో ఉండగా రోహిణి అక్కడికి వస్తుంది. తన కాపురం నిలబెట్టేందుకు ఏదైనా మార్గం చెప్పండని అంటుంది. దీంతో శృతి, మీనా ఇద్దరూ కలిసి ఆమెను ఆడుకుంటారు. చేయాల్సిందంతా చేసి ఇప్పుడు వచ్చి సలహాలు అడుగుతున్నావా అని శృతి అంటుంది. జరిగిపోయినవి ఇప్పుడు ఎందుకు నా కాపురం నిలబెట్టే మార్గం చూడండని అంటుంది. దీనికి మీనాక్షి అత్తయ్య దగ్గరకు వెళ్లి మాట్లాడమని మీనా చెబుతుంది. అయినా మీనాక్షి అత్త చెబితే మాత్రం అత్తయ్య వింటారా అని రోహిణి అంటుంది. ప్రయత్నించడంలో తప్పులేదని మీనా సలహా ఇస్తుంది. అత్తయ్యకు మూడనమ్మకాల పిచ్చి ఉంది కాబట్టి ఓ బాబాను తీసుకొచ్చి ఈ ఇల్లు ఇంత ఆనందంగా ఉండటానికి రోహిణియే కారణమని చెప్పిస్తే సరిపోతుందని శృతి అంటుంది. అలాంటిదేమీ వద్దని ఈ విషయం అత్తయ్యకు తెలిస్తే శాశ్వతంగా ఇంటి నుంచి గెంటివేస్తుందని అంటుంది. అయినా అత్తయ్యకు ఎవరు చెబుతారని శృతి అంటే....ఇంట్లో ఉంది కదా నిజం మాత్రమే మాట్లాడే సత్యవతి అని మీనాను అంటుంది.అసలు ఈ మెగుడుపెళ్లాలు చేయబట్టే నా బతకు ఇలా అయ్యిందని అంటుంది. దీంతో మీనాకు కోపం వస్తుంది.చేయాల్సిన తప్పులన్నీ నువ్వు చేసి మామీద పడి ఏడుస్తావేంటని నిలదీస్తుంది. ఆ మేకమామ మీకు కనిపిస్తే వచ్చి నాకు చెప్పాల్సిందిపోయి నేరుగా ఇంటికి తీసుకొస్తారా అని అంటుంది. నీకు ఎందుకు చెప్పాలి...నువ్వు చేస్తున్న మోసాల్లో మేం కూడా పాలుపంచుకోవాలా అని అంటుంది.ఒకవేళ మేం చెప్పకపోయినా...వాళ్లు మీనాక్షి అత్తయ్య వాళ్లకు బంధువులైపోయారు కాబట్టి ఆమె అయినా ఏదో ఒకరోజు నీ బండారం భయటపెట్టేదే అని అంటుంది. ఇప్పటికీ నువ్వు చేసిన తప్పులు తెలుసుకోకపోగా...మాదే తప్పని దబాయిస్తున్నావు చూడు అందుకే నిన్ను అత్తయ్య ఇంట్లో నుంచి వెళ్లగొట్టిందని అనడంతో రోహిణి కోపంతో అక్కడి నుంచి వెళ్లిపోతుంది.
ప్రభావతిలో కంగారు
రోహిణి, మనోజ్‌కు బాగా దగ్గరైనట్లు ప్రభావతి కలగంటుంది. నిద్రలో నుంచి ఉలిక్కిపడ లేస్తుంది. నిజంగా ఈ ఠక్కులాడి వాడిని వలలో వేసుకుని ఉంటుందేమోనని భయపడుతుంది. వెంటనే మనోజ్ రూమ్‌ వద్దకు వెళ్లి తలుపుతడుతుంది. లోపల నుంచి గడియ పెట్టడం చూసి మరింత కంగారుపడుతుంది. వెంటనే విజిల్ తీసుకుని వచ్చి ఊదుతుంది.దీంతో మనోజ్ వచ్చి ఏంటమ్మాఈ అర్థరాత్రి గొడవ అని అడుగుతాడు. బెడ్‌రూమ్‌కు లోపల గడియ ఎందుకు పెట్టుకున్నావురా అని అడిగితే..నేను పెట్టలేదమ్మా ఆ రోహిణి పెట్టి ఉంటుందని అంటుంది.కొడుకుకి అన్ని జాగ్రత్తలు చెప్పి వెళ్లి పడుకుటుంది.
కొడుకు,కోడల్ని విడదీసే ప్రయత్నం
మీనా చెప్పినట్లు రోహిణి కామాక్షి అత్తయ్య ఇంటికి వెళ్లి తన కాపురం నిలబెట్టమని వేడుకుంటుంది.ఇన్ని అబద్ధాలు చెప్పిన తర్వాత మీ అత్తయ్యను ఎలా ఒప్పించగలమని కామాక్షి అంటుంది.ఇంతలో ప్రభావతి అక్కడికి రావడం చూసి రోహిణిని బెడ్‌రూమ్‌లో దాచిపెడుతుంది. కామాక్షిని కలిసిన ప్రభావతి..ఆ రోహిణి మా మనోజ్‌గాడిని మాయ చేసేలా ఉందని అందుకే వాళ్లిద్దరినీ శాశ్వతంగా విడదీయాలనుకుంటున్నానని చెబుతుంది. విడాకులు ఇప్పించి మా మనోజ్‌కు మళ్లీ పెళ్లి చేస్తానని చెప్పడంతో రోహిణి అవాక్కవుతుంది. ఊరిలోకి మహిమ కలిగిన స్వామీజీ వచ్చాడని చెప్పావు కదా...వెళ్లి కలుద్దామని ఓ తాయత్తు తెప్పించి మనోజ్‌కు కడితే మొగుడు, పెళ్లాలు విడిపోతారని ప్రభావతి చెబుతుంది.

Illu Illalu Pillalu Serial Today October 2nd: ఇల్లు ఇల్లాలు పిల్లలు: నర్మద వల్లీ దుర్మార్గాలు ఈ సారి అయినా బయట పెడుతుందా! వల్లీ మొసలి కన్నీళ్లు!

Jhanshi Balleda — Fri, 2 Oct 2026 09:18:11 +0530

Illu Illalu Pillalu Serial Today Episode ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 2న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

ఒకే ఊపిరిగా ఉందాం..

ప్రేమ తన గది మొత్తం చూస్తూ ధీరజ్‌తో తిరిగి నా సామ్రాజ్యంలోకి అడుగు పెట్టాను.. దిగులు అంతా పోయింది అని ఏడుస్తుంది. ధీరజ్‌ ఎమోషనల్ అయి ప్రేమని హత్తుకుంటాడు. రేయ్ ఇంతకు ముందులా కాదు ఈ సారి కొత్త ప్రయాణమే అని ప్రేమ అంటే ఏంటే నీ పుట్టింటికా.. నీకు ఎప్పుడైనా పిచ్చి రేగొచ్చు ఎప్పుడైనా వెళ్లిపోతావ్ అని అంటాడు. దానికి ప్రేమ ఇంతకు ముందులా కాదు మన బంధం ఇప్పుడు ఇంకా గట్టిగా ముడిపడింది అని ధీరజ్‌ని హగ్ చేసు కొని ఒకే ఊపిరిగా ఉందాం అని అంటుంది.

వల్లీ నీ బండారం బయట పెట్టేస్తానే..

నర్మద వల్లీ గురించి ఆలోచిస్తూ నీ బండారం బయట పెట్టే టైం వచ్చేసింది వల్లీ అని అనుకుంటుంది. ఇక వల్లీ కూడా ఈ రోజుతో నా పని అయిపోతుందని అనుకుంటుంది. మరోవైపు వేదవతి అందరి కోసం భోజనం ఏర్పాటు చేస్తూ వల్లీని పిలుస్తుంది. వల్లీ, వేదవతి, అమూల్య అందరికీ వడ్డిస్తారు. ఇక ధీరజ్ వాళ్లు వచ్చి ఆడవాళ్లని కూర్చొపెట్టి మగవాళ్లు వడ్డిస్తారు. నీ గవర్నమెంట్ కోడలు ఇంకా రాలేదు ఏంటి రామరాజు వేదవతిని అడుగుతాడు. సాగర్, నర్మదని పిలిచావా అంటే పిలిచా అంటుంది. నర్మద వచ్చి రామరాజుతో విషయం చెప్పాలని మాట్లాడాలని అంటే అందరూ బలవంతంగా నర్మదని తినడానికి కూర్చొపెడతారు. అందరూ సంతోషంగా సెల్ఫీలు తీసుకుంటారు.

ఈ ఆనందం మొత్తం నీదే నర్మద..

నర్మదని చూసి వల్లీ చాలా టెన్షన్ పడుతుంది. రామరాజు నర్మదతో ఈ ఆనందం మొత్తం నీదే అమ్మ.. ఎలాంటి గొడవలు లేకుండా నా కుటుంబం ఎప్పటికీ ఇలాగే కలిసి ఉండాలి ఇదే నా ఆశ అమ్మా అని రామరాజు చెప్తారు. రామరాజు మాట విన్న తర్వాత నిజం చెప్పాలా వద్దా అని నర్మద ఆలోచిస్తూ ఉంటుంది. ఇంతలో వల్లీ వచ్చి నర్మద దగ్గర దొంగ ఏడుపు ఏడుస్తుంది. తన గురించి చెప్పొద్దు ఈ సారికి క్షమించు.. ధీరజ్ ప్రేమలకు నేను క్షమాపణ చెప్పుకుంటా అని తెగ నటించేస్తుంది. నేను నిన్ను అస్సలు క్షమించను అని నర్మద అంటుంది. నేను బుద్ధిగా ఉంటా చెల్లాయ్,, మారిపోయా అంటుంది. దానికి నర్మద ఈ రాత్రికి ప్రశాంతంగా పడుకో రేపు చూసుకుందాం అని అంటుంది. మరోవైపు ధీరజ్, సాగర్, చందు, తిరుపతిలు మందు తాగుతూ మాట్లాడుకుంటారు. ఇక తిరుపతి తనకి ఇంకా శోభనం అవ్వలేదు అని ఏడుస్తాడు. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.

Karthika Deepam 2 Serial Today October 2nd: కార్తీకదీపం 2 సీరియల్: జ్యోత్స్నని మరోసారి రిజెక్ట్ చేసిన సూరజ్! దశరథ్ మాటలకు వెక్కి వెక్కి ఏడ్చిన దీప!

Jhanshi Balleda — Fri, 2 Oct 2026 08:27:53 +0530

Karthika Deepam Edi Nava Vasantham Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "కార్తీకదీపం 2" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 2వ తేదీన) రాత్రికి ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

జ్యోత్స్నని మళ్లీ రిజెక్ట్ చేసిన సూరజ్..

జ్యోత్స్న పీఏ పోస్ట్ కోసం సూరజ్ దగ్గరకు ఇంటర్వ్యూకి వెళ్తుంది. నీ గురించి చెప్పు అని సూరజ్ అడగటంతో పసుపు కుంకుమలు ఇచ్చి సాగనంపాల్సిన పుట్టింటి వాళ్లే ప్రాణాలు తీయాలి అనుకుంటే వాళ్లకి దూరంగా బతుకుతున్న ఓ తల్లికి కూతుర్ని.. ప్రతీకారం తీర్చుకుంటా అని తల్లికి ఇచ్చిన మాట కోసం ఓ ఆడపిల్ల మనసుతో ఆడుకున్న ఓ మగాడికి ప్రేయసిని..ఈ క్షణంతో నా జీవితం మారిపోతుందని కోటి ఆశలతో కల్యాణ మండపంలో కూర్చొన్న పెళ్లి కూతుర్ని.. మెడలో పడాల్సిన తాళి ఒడిలో పడితే చావుకి మించిన బాధ అనుభవించిన బాధితురాలిని.. రెండు కుటుంబాల మధ్య నలిగిపోయి చచ్చిపోయిన మనసుతో బతుకుతున్న ఒక ఆడదాన్ని. ప్రస్తుతం బ్రతుకుతెరువు కోసం ఉద్యోగ వెట్లలో ఉన్న ఒక పేదింటి అమ్మాయిని అని చెప్తుంది.

ఇంతకు మించి ఏం లేదా..

ఇంతకు మించి నీ గురించి చెప్పుకోవడానికి ఇంకా ఏం లేదా? అని సూరజ్ అడిగితే చదివిన చదువు మీకిచ్చిన రెజ్యూమ్ లో రాసుంది. ఈ పోస్ట్‌కి న్యాయం చేయగలను అన్న నమ్మకం నా మీద నాకుంది అని అంటుంది. దానికి సూరజ్ ఇంత విన్న తర్వాత నీకు ఒకటి చెప్పాలి అనుకుంటున్నా. యూ ఆర్ రిజెక్టడ్‌. మీరు ఇంకా బయల్దేరొచ్చు అని అంటాడు. రిజెక్ట్ చేయడానికి కారణం? అని జ్యోత్స్న అడిగితే చెప్పాల్సిన అవసరం లేదు అని సూరజ్ అంటాడు. జ్యోత్స్న చెప్పమని అంటే మీకు అర్హత లేదు అని సూరజ్ అంటే నేను సుమిత్ర కూతురిని అన్న కారణం తప్పించి నన్ను రిజెక్ట్ చేయడానికి కారణం ఏంటో చెప్పండి.. మీరు ఇంటర్వ్యూ పెట్టింది పీఏగా సెలెక్ట్ చేయడానికా లేదా ఇలా అవమానించడానికి? అని జ్యోత్స్న అంటే నువ్వు ఈ పోస్ట్కి పనికిరావు ఓకేనా? అని సూరజ్ అంటే నాకు తెలుసు రా కెఫేలో జాబ్ పోవడానికి మీ అమ్మ కారణం అయితే జాబ్ రాకముందే నువ్వు పోగొడుతున్నావు. నేను పీఏగా వస్తే నువ్వు తట్టుకోలేవా? నా ముందు వర్క్ చేయలేవా? లేదా నీ చుట్టూ ఉన్న జనం ఏమనుకుంటారో అని భయపడుతున్నావా? అని అంటుంది. అసలు ఇంటర్వ్యూ బయట పెట్టాం కాబట్టి నువ్వు వచ్చావ్ అదే మా ఆఫీస్‌లో అయితే వచ్చేదానివే కాదు అని సూరజ్ అంటే తెలిసే వచ్చా.. నువ్వు రిజక్ట్ చేస్తావ్ అని ఊహించా అని సూరజ్‌కి షాక్ ఇస్తుంది.

నాన్న అని పిలవకు..

దీప, కార్తీక్‌లు దశరథ్ దగ్గరకు వెళ్తారు. దీప నాన్న కాఫీ అని ఇస్తే నాకీ కాఫీ వద్దమ్మా. ఈ కాఫీతో పాటు నాన్నా అన్న పిలుపు కూడా వద్దు. ఎందుకు తెలుసా? నేను ఒక చేతగాని కొడుకుని. నేను చేతగాని భర్తని. నేను చేతగాని తండ్రిని. అన్ని రకాలుగా ఓడిపోయి ఒంటరిగా మిగిలిన మనిషిని. మీ స్వార్థం మీరు చూసుకున్నారు. మీ దారి మీరు ఎంచుకున్నారు. నేను ప్రశ్నించను. ప్రశ్నించే హక్కు కూడా నాకు లేదు. కానీ నేను ఎందుకు ఇంత బాధపడుతున్నాను తెలుసా మీకు? తండ్రికి విశ్రాంతిని ఇచ్చి బాధ్యతలు చూసుకోవాల్సిన వయసులో తండ్రి కష్టపడతాను అంటే కాదని లేని స్థితిలో ఉన్న కొడుకుని. చేతగానివాడినమ్మా.. నా తండ్రిలో పట్టుదల చావలేదు. మళ్లీ జీవితాన్ని మొదలు పెడతాను అంటున్నాడు సాయంగా పిన్ని ఉంటానంటుంది సుమిత్ర కూడా సాయంగా ఉంటాను అంటే వద్దన్నాడు. నన్ను కూడా వద్దన్నాడు. తండ్రి అంటే అదేనమ్మా. కొడుకు పడే కష్టం కూడా తానే పడాలి అనుకుంటాడు నువ్వు తెచ్చి పెడితే నేను తింటాను అనాల్సిన వయసులో నీకెందుకురా? నేను చూసుకుంటానులే అని మనల్ని ఇంకా చిన్నపిల్లాల్లా చూసుకుంటున్నాడు అంటే అది తండ్రి ఒక్కడేనమ్మా ఈ లోకంలో తండ్రిని మించిన హీరోని ఏ కొడుకు చూడలేడు మా నాన్నంటే హీరో. కానీ నేను ఒక చేతగాని కొడుకుని నువ్వెందుకు కష్టపడతావు నాన్నా? నేను ఉన్నాను నీకని ధైర్యంగా చెప్పలేని చేతగాని కొడుకుని. చివరికి నాకు పుట్టకపోయినా వెళ్లిపోయే అవకాశం ఉన్నా జ్యోత్స్న కూడా నాకోసం నిలబడిందిరా ఆర్థికంగా ఎంతో కొంత సాయంగా ఉండాలని జాబ్ వెతుక్కోవడానికి వెళ్లింది.. నాకు మా నాన్న చెప్పింది చేయడం తప్ప ఇంకేమీ రాదురా.. మా నాన్నే లోకం మా నాన్నే ప్రాణం.. అందరూ మోస్తున్న బాధ వేరు, నేను మోస్తున్న బాధ వేరు ఒక నిజం తెలిసినా గాని దాన్ని ఎవరికీ చెప్పకుండా ఉన్నాను. ఎంత నరకమో మీకు తెలుసా? నువ్వెందుకు సుమిత్రని కాపాడాలి.. నిన్నెందుకు జ్యోత్స్న ఇంటికి తీసుకురావాలి.. నువ్వు నా కూతురవని కార్తీక్‌ ఎందుకు చెప్పాలి.. ఇవన్నీ జరగకపోయింటే బాగుండేదమ్మా జ్యోత్స్న నా కూతురు కాదు.. దాని వల్ల నాకు ఏ బాధ లేదు నువ్వు నాకు కన్న కూతురవి నీ వల్లే ఈ బాధ అంతా తండ్రికి తలకొరివి పెట్టి బిడ్డలు ఋణాలు తీర్చుకుంటారు. నువ్వు తలకొరివి పెట్టకుండానే ఋణం తీర్చేసుకున్నావమ్మా.. నువ్వు నా కూతురవని నిజాన్ని దాచి నా కుటుంబాన్ని మోసం చేస్తున్నానని తల్చుకుంటే అది నాకు నరకమేనమ్మా నువ్వు నాకు ఎవరో తెలియని మనిషులాగే ఉండమ్మా నేను నిన్ను కార్తీక్‌ భార్యగా మాత్రమే చూస్తాను మీరు ఇద్దరూ అయితే నాకు మంచి న్యాయమే చేశారు ఇలా తల్చుకుంటూ బాధపడుతూ నేను ఈ ఇంట్లో కూర్చోలేను నేను కూడా ఒక జాబ్ వెతుక్కుంటాను కనీసం అప్పుడేనా నా తండ్రి ముందు నిలబడే అర్హతని సంపాదించుకున్న వాడిని అవుతా అని దశరథ్ ఎమోషనల్ అవుతాడు. దానికి కార్తీక్ మామయ్య ఈరోజు నీ కంటికి నేను స్వార్థపరుల్లా కనిపించినా మేము చేసినది అర్థమైన రోజున ముందుగా అభినందించేది నువ్వే అవుతావు గుర్తుపెట్టుకో మామయ్య అని అంటాడు. చేతకాని కూతురిలా మిగిలిపోయా అని దీప ఏడుస్తుంది.

నా కొడుకు రిజెక్ట్ చేశాడంట..

జ్యోత్స్న వెళ్లిపోతూ ఉంటే మాలిని జ్యోత్స్నని ఆపి.. నా కొడుకు రిజెక్ట్ చేశాడంట.. ఎందుకు మీకు ఈ పరిస్థితి మీ తాతకి సారీ చెప్పమను అని మాలిని అంటే ఇక చాలు ఆపు అత్త మా తాత సారీ చెప్పే పరిస్థితి లేదు అంటుంది. నా కొడుకు పర్సులో నువ్వు ఉన్నావ్ అన్నావ్.. కానీ నీ ఫొటో లేదు.. వాడి మనసులో కూడా నువ్వు లేవు.. నువ్వే వాడి మనసులో ఉండుంటే ఈ పాటికి నీకు ఈ జాబ్ ఇచ్చి పక్కనే పెట్టుకునే వాడు కదా.. వాడు ఈ మాలిని కొడుకు తక్కువ అంచనా వేయకు అని మాలిని అంటే.. అత్త నీ కొడుకు మీద ఎక్కువ ఆశలు పెట్టుకోకు.. నీ కొడుకుని ఎలా కంట్రోల్ చేయాలో నాకు తెలుసు.. పీఏ పోస్ట్‌కి నేను రిజెక్ట్ అయితే ఈ ఇంటర్వ్యూ జరుగుతుంది అనుకున్నావా .. వెళ్లి అడుగు మరి జరగదు అని చెప్తాడు. నాతో మాట్లాడిన తర్వాత నీ కొడుకు మైండ్ చెదిరిపోయింది. పెళ్లాం కొంగు పట్టుకొని తిరిగే ప్రతీ మగాడు.. ఒకప్పుడు తల్లి వెనక తిరిగేవాడే.. నా టైం స్టార్ అయింది అంటే నీ కొడుకు నీ మాట దాటి వస్తాడు అని అంటుంది.

నా కొడుకుని డిస్ట్రబ్ చేస్తుంది..

మాలిని సూరజ్ దగ్గరకు వెళ్లే సరికి సూరజ్ ఇంటర్వ్యూ ఆపేస్తాడు. దానికి మాలిని జ్యోత్స్న మాటలు గుర్తు చేసుకొని ఎందుకు అంత డిస్ట్రబ్ అవుతున్నావ్ నేను ఇంటర్వ్యూ చేస్తా అంటుంది. జ్యోత్స్న నా కొడుకుని బాగా ఇబ్బంది పెడుతుంది అనుకుంటుంది.

టిఫెన్ బండి మొదలు పెట్టిన తాత..

శివన్నారాయణ, పారిజాతం టిఫెన్ కొట్టు పెడతారు. బండి ఓనర్ సత్తిబాబు వచ్చి మీకు టిఫెన్ బండి నడపడం చేతకాదు.. బోణీనే కాలేదు అంటూ వెటకారం చేస్తాడు. ఇక జ్యోత్స్న ఇంటికి వచ్చి జాబ్ రాలేదు అంటుంది. పారు, శివన్నారాయణలు బాధగా ఇంటికి వచ్చి బేరం కూడా రాలేదు అని బాధపడతారు. దీంతో ఇవాళ్టి ఎపిసోడ్ పూర్తయిపోతుంది.

Meghasandesam Serial Today October 2nd: ‘మేఘసందేశం’ సీరియల్‌: భూమికి షాక్‌ ఇచ్చి సూర్య – గగన్‌ను కొట్టిన మీరా

Sudhakar Mansetty — Fri, 2 Oct 2026 07:40:32 +0530

Meghasandesam Serial Today Episode: ఇంకో రెండు రోజుల్లో పెళ్లి ఉందనగా సూర్య ఎవ్వరూ చూడకుండా భూమి రూంలోకి వెళ్తాడు.. ఒక వీడియో చూపించి భూమికి వార్నింగ్‌ ఇస్తాడు. మరోవైపు కేపీని గెంటేస్తున్న గగన్‌ను మీరా కొడుతుంది. ఇంకా ఇవాళ్టీ మేఘసందేశం సీరియల్‌లో ఏం జరిగిందో ఇప్పుడు తెలుసుకుందాం.

సీక్రెట్‌గా భూమి రూంలోకి వెళ్లిన సూర్య

ఎవ్వరూ చూడకుండా సూర్య, భూమి రూంలోకి వెళ్లి కూర్చుంటాడు. సూర్యను చూసిన భూమి కోపంగా నువ్వు నా రూంలోకి ఎందుకు వచ్చావు..? అంటూ ప్రశ్నిస్తుంది. నువ్వు రెడీ అవ్వడం లేట్‌ అవుతుందేమోనని వచ్చాను అంటూ సూర్య చెబితే.. ముందు నువ్వు బయటకు వెళ్లు అంటూ భూమి చెబితే.. ఎందుకు భూమి అంతలా కోప్పడతావు.. ఎలాగూ నేను చూడాల్సిన అందమే కదా ఇంకో రెండు రోజులు పోతే నువ్వు నా దానివి అయిపోతావు.. అప్పుడు కూడా ఇలాగే దాచుకుంటావా ఏంటి..? అంటూ సూర్య అడిగితే.. భూమి కోపంగా ఒక ఆడపిల్ల స్నానం చేస్తుందని తెలిసి కూడా ఇలా వచ్చావంటే చాలా ఆసహ్యంగా ఉంది మర్యాదగా బయటకు వెళ్లు అంటూ తిడుతుంది భూమి.

భూమికి వీడియో చూపించిన సూర్య

వెళ్తాను భూమి.. వెళ్లే ముందు నీకు ఒకటి చూపించి వెళ్తాను అంటూ తన ఫోన్‌ తీసి అందులో భూమి, గగన్‌తో సరదాగా ఉన్న వీడియో చూపిస్తాడు సూర్య. రెండు రోజుల్లో నాతో పెళ్లి పెట్టుకని నువ్వు ఆకాష్‌ గాడితో పార్కుల్లో తిరుగుతూ ఉంటే నాకు అసహ్యంగా ఉంది భూమి కానీ ఏం చేస్తాను. నీ మీద నాకున్న ప్రేమ అలాంటిది నా కంటికి ఇవేమీ కనిపించకుండా చేస్తుంది ఆ వీడియో మీ నాన్నకు చూపించాను అనుకో ఏమవుతుంది అంటూ సూర్య చెప్పగానే.. భూమి కంగారు పడుతుంది.

పెళ్లి ఆపాలని చూస్తే వీడియో బయటపెడతానన్న సూర్య

ALSO READ: నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త

నీకు కాబోయే మొగుడు నీగదిలోకి వస్తేనే అంతలా ఫీల్‌ అయ్యావు మరి నా కాబోయే పెళ్లాం వేరే మగాడితో పబ్లిక్‌ గా పార్కులో అలా ఉంటే నేనెంత ఫీల్‌ అవ్వాలి. వాడు చూడటానికి గగన్‌లా ఉంటాడు కాబట్టి నువ్వు గగన్‌ను మర్చిపోలేవు కాబట్టి వాడిలో గగన్‌ను చూసుకుంటూ వాడి వెనకాలే తిరుగుతున్నావా..? భూమి అంటూ నిలదీయగానే.. భూమి కోపంగా ఆకాష్‌కు నాకు మధ్యలో ఏమీ లేదు మేము జస్ట్‌ ఫ్రెండ్స్‌ అంతే అంటూ చెప్పగానే.. జస్ట్‌ ఫ్రెండ్‌ కే వాడు నీ పెళ్లి ఆపడానికి ఇన్ని వేషాలు వేస్తున్నాడా..? వాడు పెట్టుకుంటున్నది ఒక పోలీస్‌ ఆఫీసర్ తో అని తెలిసి కూడా ఇంత చేస్తున్నాడు అంటే జస్ట్‌ ఫ్రెండ్‌ షిప్‌ కోసమేనా..? రెండు రోజుల్లో నాతో పెళ్లి పెట్టుకుని వాడితో హ్యాపీగా తిరుగుతున్నావు అంటే మీరిద్దరు కలిసి ఏదో చేయబోతున్నారు అని డౌట్ కొడుతుంది. అందుకే నువ్వు ఇంత ధైర్యంగా వాడితో తిరుగుతున్నావు.. కానీ మీరెన్ని ప్రయత్నాలు చేసినా ఈ పెళ్లి మాత్రం ఆపలేరు భూమి. ఎందుకంటే చెప్పాను కదా ఈసారి మీరు స్పాయిల్‌ చేయాలి అనుకుంటే నా దగ్గర ఒక్క వీడియో కాదు దానికి సంబంధించి వంద కాపీలు ఉన్నాయి. మీరేం చేసినా ఆ వీడియోలు మొత్తం వైరల్‌ అవుతాయి. దెబ్బకు మీ నాన్న లోపలకి వెళ్లి కూర్చుంటారు అంటూ బలవంతంగా భూమిని కిస్‌ చేయబోతుంటాడు. అప్పుడే శరత్ చంద్ర వచ్చి డోర్‌ కొడతాడు. భూమి షాక్‌ అవుతుంది.

గగన్‌ను లాగిపెట్టి కొట్టిన మీరా

శారద ఇంట్లో కేపీకి భోజనం తినిపిస్తుంది. బయట గగన్‌ వస్తాడు. గగన్‌ కారు దిగి లోపలికి వెళ్తుంటాడు. శారద త్వరగా తినండి అంటూ భోజనం తినిపిస్తుంది. అప్పుడే ఇంట్లోకి వెళ్లిన గగన్‌ చూస్తాడు. షాక్‌ అవుతాడు. గగన్‌ను గమనించని కేపీ ఇలాంటి రోజు మళ్లీ వస్తుందని కలలో కూడా అనుకోలేదు శారద అంటాడు. అప్పుడే గగన్‌ కోపంగా గట్టిగా అమ్మా అంటూ పిలుస్తాడు. ఆ పిలుపునకు కేపీ, శారద షాక్‌ అవుతాడు. గగన్‌ కోపంగా కేపీని కాలర్‌ పట్టుకుని బయటకు గెంటేస్తుంటే.. మీరా వచ్చి గగన్‌ను పట్టుకుని లాగిపెట్టి కొడుతుంది. బంగారం లాంటి మా అక్కా బావల పెంపకంలో పెరిగి నువ్వేంట్రా ఇలా చేస్తున్నావు అంటూ ప్రశ్నిస్తుంది. మీరా ప్రశ్నలకు గగన్‌ షాక్‌ అవుతాడు. పిన్ని మీరు బాగానే ఉన్నారా..? అంటూ ఎదురు ప్రశ్నిస్తాడు. ఇంతలో ఇవాళ్టీ ఏపిసోడ్‌ అయిపోతుంది.

ALSO READ: ధుల్ హిజ్జా మాసంలో మొదటి 10 రోజులు ఎందుకు ఉత్తమమైనవి, ఈ సమయంలో ముస్లింలు ఏం చేస్తారు?

Nindu Noorella Saavasam Serial Today October 2nd: ‘నిండు నూరేళ్ల సావాసం’ సీరియల్‌: మనోహరిని వార్నింగ్‌ ఇచ్చిన భాగీ – కొత్త ప్లాన్‌ వేస్తున్న మనోహరి

Sudhakar Mansetty — Fri, 2 Oct 2026 07:38:37 +0530

Nindu Noorella Saavasam Serial Today Episode: మనోహరిని తీసుకుని వెళ్లిపోతున్న పార్థుకు అమర్‌, భాగీ జాగ్రత్తలు చెప్తారు. మనోహరి మాత్రం పార్థుతో వెళ్లడం ఆపేందుకు ప్లాన్‌ ఆలోచిస్తుంది. మనోహరి రూంలోకి వెళ్లిన భాగీ వార్నింగ్‌ ఇస్తుంది. ఇంకా నిండు నూరేళ్ల సావాసం సీరియల్‌ ఇవాళ్టీ ఏపిసోడ్‌ లో ఏం జరిగిందో ఇప్పుడు తెలుసుకుందాం.

పార్థుకు జాగ్రత్తలు చెప్పిన అమర్‌, భాగీ

పార్థు, మనోహరిని తీసుకుని జాబ్‌లో జాయిన్‌ అవ్వడానికి వెళ్తుంటాడు. అమర్‌, భాగీ వాళ్లకు సెండాఫ్‌ ఇస్తుంటారు. మీకు వీలున్నప్పుడు ఎప్పుడైనా ఇంటికి రావొచ్చని చెప్తుంది భాగీ. మీరు కూడా మాతో రండి అని పార్థు చెప్పగానే.. కొత్తగా పెళ్లైన వాళ్లను మేము డిస్టర్బ్‌ చేయము అంటూ అమర్‌ చెప్పగానే.. రాథోడ్‌ వచ్చి సార్‌ లగేజీ పెట్టేశాను అంటాడు. పార్థు థాంక్స్‌ చెప్తాడు. అయ్యో మా సారు ఎంతో మీరు అంతే నాకు అంటూ చెప్పగానే.. అమర్‌ అటూ ఇటూ చూసి భాగీ మనోహరి ఎక్కడ అని అడగ్గానే.. పైన రూంలో ఉందేమో తీసుకొస్తాను అంటూ భాగీ పైకి వెళ్తుంది.

పార్థుతో వెళ్లడం ఇష్టం లేదన్న మనోహరి

రూంలో చంభాతో ఉన్న మనోహరి రాత్రి ఫస్ట్‌ నైట్‌ ఎలాగో తప్పించుకున్నాను కానీ ఇప్పుడు వెళ్లడం తప్పేలా లేదు చంభా అని మనోహరి చెబితే.. కొన్నాళ్లు ఇక్కడే ఉందామని పార్థు సార్‌తో చెప్పలేకపోయావా..? అని అడిగితే చెప్పాను.. తను వినలేదు వెంటనే వెళ్లిపోవాలి అంటున్నాడు అని మనోహరి చెబితే నువ్వు వెళ్లిపోతున్నావు మరి నా పరిస్థితి ఏంటి మనోహరి అంటూ చంభా బాధగా అడిగితే నేను ఎక్కడికి వెళ్లను మళ్లీ ఇక్కడికే వస్తాను అంటూ చెప్పగానే.. చంభా ఆశగా ఎలా వస్తావు అని అడిగితే చెప్పను చేసి చూపిస్తాను అంటుంది.

మనోహరికి కొత్త జీవితాన్ని ఇచ్చింది తానేనన్న భాగీ

అప్పుడే రూంలోకి వస్తూ డోర్‌ కొడుతుంది భాగీ. దగ్గరకు వెళ్లి ఏంటి మనోహరి ఇన్నాళ్లు ఇక్కడ ఉన్నది సరిపోలేదా..? అక్కడ పార్థు గారు వెయిట్‌ చేస్తుంటే నువ్వు ఇంకా రూంలోనే ఉన్నావు అంటుంది. మనోహరి గారికి మీ అందరినీ వదిలి వెళ్లడం ఇష్టం లేదంట మేడం అని చెబితే.. వెళ్లక తప్పదు యాదమ్మ. ఈ రోజు కోసమే కదా మేమంతా ఎదురుచూస్తున్నాం అని భాగీ చెబితే.. నా మీద పగ బట్టి పంతంతో పంపిస్తున్నావు కదూ అంటూ కోపంగా అడుగుతుంది మనోహరి. నీ మీద పగే ఉంటే నిన్న అత్తారింటికి కాదు జైలుకు పంపించేదాన్ని.. నువ్వు మా అక్కను చంపావు.. నన్ను ఐదేళ్లు నా ఇంటికి దూరం చేశావు. నా పిల్లల మీద దాడి చేశావు. లెక్కకు మించి తప్పులు చేశావు అయినా నీ మీద జాలి పడి మానవత్వంతో నిన్ను క్షమించి మా అక్క కోరిక ప్రకారం ఓ మంచి వాడితో నీకు పెళ్లి చేసి కొత్త జీవితాన్ని ఇచ్చాము అంటూ భాగీ చెప్తుంది.

మనోహరి ఊహించని గిఫ్ట్‌ ఇస్తానన్న భాగీ

ALSO READ: నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త

నువ్వు ఒప్పుకున్నా ఒప్పుకోకపోయినా నిన్ను జైలు జీవితం నుంచి తప్పించింది.. నేనే నీకు మంచి జీవితం కూడా ఇచ్చింది నేనే.. ఇకనైనా అన్ని మానేసి పార్థు గారితో హ్యాపీగా ఉండు.. కాదు కూడదు అని కుక్కతోక వంకరలా ప్రవర్థించావు అంటే పార్థు గారు నీ మెడలు విరిచేస్తారు. నువ్వు మంచిగా మారితే నువ్వు ఊహించని గిఫ్ట్‌ నీకు ఇస్తాను అంటుంది భాగీ… మనోహరి అనుమానంగా ఏంటా గిఫ్ట్‌ అని అడిగితే నువ్వు కోరుకున్నదే అంటూ భాగీ చెప్తుంది. ఏంటి నేను కోరుకున్నది అని మనోహరి అడిగితే నీ కన్నకూతురు అంజును నీకు ఇస్తాను అని మనసులో అనుకుంటుంది భాగీ. బయటకు మాత్రం నువ్వు మంచిగా మారినప్పుడు అదేంటో నీకే తెలుస్తుంది అంటూ చెప్తుంది.

భాగీకి ఎదురైన అపశకునం

అప్పుడే కింద నుంచి పార్థు పిలుస్తాడు. మీ ఆయన పిలుస్తున్నారు వెళ్దాం పద అంటూ మనోహరిని తీసుకుని కిందకు వెళ్తుంది భాగీ. పార్థు అందరికీ బై చెప్పి మనోహరిని తీసుకుని బయటకు వెళ్లి కారు ఎక్కబోతుంటే.. భాగీ కాలు స్లిప్‌ అవుతుంది. భాగీ అనుమానంగా అయ్యో అపశకునం.. అంటూ పార్థు, మనోహరిలను ఇంట్లోకి రమ్మని కాసేపు కూర్చుని వెళ్లమని చెప్తుంది. మనోహరి, పార్థు ఇంట్లోకి వెళ్తారు. ఇంతలో ఇవాళ్టీ నిండు నూరేళ్ల సావాసం సీరియల్‌ ఏపిసోడ్‌ అయిపోతుంది.

Brahmamudi Serial Today October 2nd: ‘బ్రహ్మముడి’ సీరియల్: సిరిని కాపాడిన రాజు, ఇందు – పోలీసులను పిలిచిన రేఖ

Sudhakar Mansetty — Fri, 2 Oct 2026 07:36:18 +0530

Brahmamudi Serial Today Episode: సిరిని సేవ్ చేస్తారు రాజు, ఇందు కానీ ఇంట్లో రేఖ పోలీసులను పిలిపించి అసలు సిరి ఎవరో ఎంక్వైరీ చేయాలని చెప్తుంది. దీంతో అపర్ణ, సుభాష్‌ భయపడుతుంటారు. అప్పుడే సిరిని తీసుకుని ఇంటికి వెళ్తారు రాజు, ఇందు. ఇంకా ఇవాళ్టీ బ్రహ్మముడి సీరియల్‌ ఏపిసోడ్‌లో ఏం జరిగిందో ఇప్పుడు తెలుసుకుందాం.

సిరిని సేవ్ చేసిన రాజు, ఇందు

సిరిని వెతుక్కుంటూ రాజు, ఇందు వెళ్తారు. ఒక దగ్గర సిరి ఇందుకు కనబడుతుంది. ఇందును చూసిన సిరి ఏడుస్తూ.. అక్కా అంటూ హగ్‌ చేసుకుంటుంది. సిరిని తీసుకుని వస్తున్న ఇందును రౌడీలు చుట్టుముడతారు. దీంతో ఇందు అయోమయంగా చూస్తుంటే.. రౌడీలు వచ్చి ఒరేయ్‌ వన్ ప్లస్‌ వన్‌ ఆఫర్‌ వచ్చింది అనుకుని నవ్వుకుంటారు. అప్పుడే రాజు వచ్చి రౌడీలను కొట్టి ఇందు, సిరిలను సేవ్‌ చేస్తాడు. అందరూ కలిసి అక్కడి నుంచి ఇంటికి బయలుదేరుతారు.

ఇంటికి పోలీసులను పిలిపించిన రేఖ

ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!

దుగ్గిరాల ఇంట్లోకి పోలీసులు వస్తారు. ఎందుకొచ్చారని సుభాష్‌ పోలీసులను అడిగితే.. తానే పిలిపించానని రేఖ చెప్తుంది. ఎందుకు పిలిపించావని అపర్ణ అడిగితే సిరి కనిపించకపోవడానికి నేనే కారణం అన్నారు కదా అదే తేలుద్దామని నేనే పోలీసులను పిలిపించాను అంటూ రేఖ చెప్తుంది. ఇప్పుడే ఏం చేద్దాం అండి అంటూ అపర్ణ, సుభాష్‌ను అడిగితే మనం ఏమీ అనకుండా సైలెంట్‌ గా ఉందాం ఏం జరుగుతుందో చూద్దాం అంటాడు సుభాష్‌. పోలీసులకు సిరి గురించి రాజు గురించి చెప్తుంది రేఖ. పోలీసులు రాజు ఎక్కడికి వెళ్లారు అని అపర్ణను అడుగుతారు. బయటకు వెళ్లాడని అపర్ణ చెప్తుంది. మరి అమ్మాయి ఎక్కడకు వెళ్లిందని అసలు సిరి ఎవరని పోలీసులు ప్రశ్నిస్తారు. అపర్ణ మౌనంగా ఉంటుంది. పోలీసులు ప్రశ్నల మీద ప్రశ్నలు వేస్తుంటారు.. అపర్ణ భయంగా మౌనంగా ఉండిపోతుంది. రాజు ఎవరని అడిగితే.. తన మనవడని తన మనవరాలి భర్త అని సుభాష్‌ చెప్తాడు. మరి మీ మనవరాలికి భర్త ఎలా అయ్యాడు.. ఒకవేళ మీ మనవడే సిరిని ఏమైనా చేసి ఉండొచ్చు కదా..? మీ మనవడిని అరెస్ట్‌ చేసి ఇంటరాగేషన్‌ చేయాల్సి వస్తుంది అంటూ బెదిరిస్తాడు.

సిరిని తీసుకుని ఇంటికి వచ్చిన రాజు, ఇందు

అప్పుడే సిరిని తీసుకుని ఇందు, రాజు వస్తారు. వాళ్లను చూసిన శేషు అల్లుడు అంటే అల్లుడే సాధించాడు అని మనసులో అనుకుంటాడు. దీన్ని వీళ్లు ఎలా పట్టుకున్నారు అని రేఖ అనుకుంటుంది. ఈ ప్లాన్‌ కూడా గోవిందా అని భ్రమరాంబ అనుకుంటుంది. రాజు, ఎస్సైతో మాట్లాడి రేఖ ఏదో మనసులో పెట్టుకుని ఇలా చేసింది వెళ్లిపోమ్మని చెప్తాడు. ఎస్సై కోపంగా రేఖకు వార్నింగ్‌ ఇచ్చి వెళ్లిపోతాడు.

అపర్ణకు నిజం చెప్పిన ఇందు

తర్వాత అపర్ణ కోపంగా ఇందును తిడుతూ అసలు సిరి ఎవరు..? ఒకవేళ సిరి దొరక్కపోయి ఉంటే పరిస్థితి ఎలా ఉండేది.. ఇంత జరిగినా కూడా నువ్వు నాకు నిజం చెప్పడం లేదంటే ఏమనుకోవాలి అంటూ ఇందు చేయి తీసి తన తల మీద పెట్టుకుని రాజుకు సిరికి ఉన్న సంబంధం ఏంటి..? నిజం చెప్తావా..? లేదంటే అనగానే.. నాన్నమ్మ ఆగు అంటూ చెప్తాను నాన్నమ్మ సిరిని బావ పెళ్లి చేసుకోలేదు. అసలు తనకు బావకు ఏ సంబంధం లేదు. ఒకరోజు అనుకోకుండా బావ సిరి వాళ్ల బండిని యాక్సిడెంట్‌ చేశాడు. అలా ఆరోజు సిరి ప్రాణాలు కాపాడాలి అన్న ఉద్దేశంతో తన భర్తగా బావ సంతకం చేశాడు. సిరి వాళ్ల నాన్న ఆ యాక్సిడెంట్‌లో చనిపోయాడు. బావ వల్లే చనిపోయాడని బావ చాలా బాధపడుతున్నాడు అంటూ జరిగింది మొత్తం ఇందు చెప్తుంది.

దీంతో ఈ విషయం నా దగ్గర ఎందుకు దాచారు అంటూ అడగ్గానే.. బావ అందరికీ చెప్పుదాం అన్నాడు కానీ నేనే వద్దన్నాను అంటూ ఇందు చెప్తుంది. ఈ విషయం ఎవ్వరికీ చెప్పొద్దని తనుక మాటివ్వమని అపర్ణను అడుగుతుంది. అపర్ణ ఎమోషనల్‌ అవుతూ రూంలో సిరిని ఓదారుస్తున్న రాజు దగ్గరకు వెళ్లి సారీ చెప్తుంది. నీ గురించి తెలిసి కూడా నిన్ను అపార్థం చేసుకున్నాను అంటుంది. ఒక అమ్మాయి జీవితం కోసం నువ్వు ఇంతలా కష్టపడుతున్నావా..? అంటూ బాధపడుతుంది. నీది చాలా గొప్ప మనసు రాజు అంటుంది. ఇంతలో ఇవాళ్టీ ఏపిసోడ్‌ అయిపోతుంది.

ALSO READ: నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త