tv

Jagadatri Serial Today october 22: మురళిని పట్టుకుని దివ్యాంకకు బుద్ధి చెప్పిన జగధాత్రి..కేదార్‌ గురించి పార్టీలో కమలాకర్ చెప్పకుండా అడ్డుపడిన యువరాజు

Ajay Kumar — Thu, 22 Oct 2026 22:15:40 +0530

Jagadatri Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది. దివ్యాంక దగ్గర ఉన్న డబ్బులును సింధూ కొట్టేయించిన జగధాత్రి ఆ నేరం మురళిపైకి వెళ్లేలా ప్లాన్ చేస్తుంది.ఇది నిజమేనని నమ్మిన దివ్యాంక మురళికి ఫోన్ చేయగా..ఆ నెంబర్ ట్రేస్‌ చేసి మురళి ఎక్కడ ఉన్నాడో కనిపెట్టి దివ్యాంకకు జగధాత్రి బుద్ది చెబుతుంది. అటు పార్టీ లో కమలాకర్‌ కేదార్‌ గురించి నిజం చెబుతుండగా యువరాజు అడ్డుపడి పార్టీ అయిపోయిన తర్వాత చెబుదామని అంటాడు.

దివ్యాంకకు షాక్‌
కౌషికి ఇచ్చిన డబ్బులు తీసుకుని ఇంటికి బయలుదేరిన దివ్యాంకను సింధూ తన టీమ్‌తో అడ్డుకుంటుంది. దివ్యాంకను కారులో నుంచి బయటకు లాగి కొడుతుంది. మా మురళి సాయంతో కోట్లు సంపాదించి వాడికి డబ్బులు ఇవ్వకుండా ఇష్టమొచ్చినట్లు మాట్లాడతావా అని సింధూ తిడుతుంది. అంటే మీరు మురళి మనుషులా అని దివ్యాంక ఆడిగితే...అవునని మా మురళికి అన్యాయం జరిగితే సహించేది లేదని చెప్పి దివ్యాంక దగ్గర ఉన్న డబ్బులన్నీ లాక్కుని వెళ్లిపోతారు. అలాగే దివ్యాంక కారులో బగ్‌ ఉన్న ఓ ఫోన్ పడేస్తారు. మురళినే నిజంగా ఈ పని చేసి ఉంటాడని దివ్యాంకకు కోపం వస్తుంది. వెంటనే మురళికి ఫోన్ చేసి చెడామడా తిడుతుంది. నేను నీకు డబ్బులు ఇవ్వనని చెప్పానని నీ మనుషులను పంపించి నాపై దాడి చేయిస్తావా నిన్ను ప్రాణాలతో వదలనని అంటుంది. ఆ మాటలకు షాక్‌ తిన్న మురళి...నేను మీ ఇంట్లో మీ వాటర్ ట్యాంకు కిందే ఉన్నానని మీరు ఇచ్చిన ఫోన్ మాత్రమే నా దగ్గర ఉందని అంటాడు. అలాంటప్పుడు నేను వేరే వాళ్లకు ఎలా ఇన్ఫర్మేషన్ ఇస్తానని నిలదీస్తాడు. అంటే ఇదంతా ఆ జగధాత్రి ఆడిన నాటకమా అని దివ్యాంక అనుకుంటుంది.

దివ్యాంకకు బుద్ధి చెప్పిన జగధాత్రి
మురళి దివ్యాంక వాళ్ల ఇంట్లోనే ఉన్నాడని తెలుసుకుని కౌషికి, కేదార్‌ను తీసుకుని జగధాత్రి అక్కడికి వెళ్తుంది. తమ ప్లాన్ జగధాత్రికి తెలిసిపోయిందనుకున్న మురళి దివ్యాంక ఇంటి నుంచి పారిపోయేందుకు బయలుదేరగా...అప్పుడే అక్కడికి ధాత్రి, కేదార్ వస్తారు. మురళికి నాలుగు తగిలిస్తారు. నీకు ఎన్నిసార్లు చెప్పినా మా ఫ్యామిలీ జోలికి వస్తున్నావేంట్రా అని గట్టిగా కొడతారు. వాడిని తీసుకుని బయలుదేరతారు. అప్పుడే సింధూ ఫోన్ చేసి దివ్యాంక బయలుదేరిందని మేం ఆమెను ఫాలో అవుతున్నామని చెబుతుంది. కేదార్ దివ్యాంక కారును అడ్డగించి ఆమెను కిందకు దింపుతారు. ఇప్పుడు నువ్వు నీ ఛానెల్‌కు వెళ్లి ఆ వీడియో ప్లే చేయాలని తెగ ఆరాటపడుతున్నావని మాకు తెలుసు అని జగధాత్రి అంటుంది. కాకపోతే...నువ్వు ఛానెల్‌కు చేరుకునేలోపే మేం మురళిని తీసుకుని స్టేషన్‌కు వెళ్తామని బెదిరిస్తుంది. అప్పుడు నీ ఛానెల్‌లో నువ్వే అరెస్ట్ అయినట్లు బ్రేకింగ్‌ న్యూస్ వేసుకోవాల్సి వస్తుందంటుంది. దీంతో భయపడిన దివ్యాంక వీడియో జగధాత్రికి ఇచ్చి అక్కడి నుంచి వెళ్లిపోతుంది.

నిజం చెప్పకుండా ఆపిన యువరాజు
ఎలాగైనా పార్టీ ఆపాలని కుట్రలు పన్నుతున్న యువరాజు, నిషిక...విగ్‌ పెట్టుకుని కాచీ ఇప్పుడు పార్టీకి వస్తే బాగుండదని అంటారు. ఇంతలో కాచీ లోపల నుంచి విగ్‌తో బయటకు రాగానే అందరూ ఆశ్చర్యపోతారు. అసలు విగ్ పెట్టుకున్నట్లే తెలియదని అంటారు. అయినా పార్టీ మధ్యలో విగ్ ఊడిపోతే పరువుపోతుందని అందుకే పార్టీ క్యాన్సిల్ చేద్దామని యువరాజు అంటాడు. జగధాత్రి కల్పించుకుని కాచీ ఎలా అంటే అలా చేద్దామని అంటుంది. నాకు ఎలాంటి ప్రాబ్లం లేదని కాచీ చెప్పడంతో అందరూ పార్టీకి వెళ్లిపోతారు. అక్కడ కాచీ, బూచీ యానివర్సిరీ కేక్ కట్ చేసిన తర్వాత...కమలాకర్‌ కేదార్‌ను తమ ఇంటి వారసుడిగా ప్రకటించబోతుండగా యువరాజు అడ్డుపడతాడు. ఇప్పుడు ఈ ప్రకటన ఎందుకని ముందు అందరూ పార్టీని ఎంజాయి చేయనివ్వమని..ఆ తర్వాత చివరిలో ప్రకటన చేద్దామని చెప్పి ఆపుతాడు.

2026 దీపావళి నవంబర్ 8 లేదా 9? లక్ష్మీ పూజకు శుభ ముహూర్తం ఇదే!

Kalavari Kodalu Kanaka Mahalakshmi Serial Today October 22nd: కలవారి కోడలు కనక మహాలక్ష్మీ: భక్తవత్సలంలో మార్పు! తండ్రిని చంపడానికి సుభాష్‌ని రప్పించిన అంబిక!

Jhanshi Balleda — Thu, 22 Oct 2026 17:08:01 +0530

Kalavari Kodalu Kanaka Mahalakshmi Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 22న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

బంటీ ఏం చేశావో చెప్పరా..

సిరి బంటీనే గాజులు దొంగతనం చేసి క్రిష్ బ్యాగ్‌లో పెట్టాడని చెప్పడంతో విహారి అందరిని పిలిచి బంటీతో రేయ్ బంటీ నువ్వేం చేశావో అందరితో చెప్పరా అని అంటాడు. దాంతో బంటీ భయపడి గాజులు దొంగతనం చేసి క్రిష్ బ్యాగ్‌లో వేసినట్లు చెప్తాడు. అందరూ షాక్ అవుతారు. విహారి బంటీతో మీరంతా చిన్నపిల్లలు మీరంతా సంతోషంగా ఆడుకోవాలి.. ఇలా కోపతాపాలు ఉండకూడదు.. ఇంకెప్పుడూ గొడవ పడకుండా కలిసి మెలిసి ఉంటామని చేతులు కలపండి అని క్రిష్, సిరిల చేతుల్లో బంటీ చేయి పెట్టబోతే బంటీ చేయి లాక్కొని.. నేను వాడు ఒక్కటి ఏంటి.. నేను హై క్లాస్ వాడు లో క్లాస్ ఎవరూ లేని అనాథ. మన జాలి మీద బతుకుతున్నాడు.. వాడు నాకు ఎప్పటికీ దూరంగా ఉండాలి.. ఈ విషయంలో నేను ఎవరి మాట వినను అని బంటీ వెళ్లిపోతాడు.

క్రిష్ ఈ ఇంట్లో చాలా మందికి నచ్చడు..

అత్తయ్యా ఎలా మాట్లాడుతున్నాడో చూడు అని అంటే ఎందుకోరా వాడికి బంటీ నచ్చడు అని అంబిక అంటుంది. నాన్న బంటీకే కాదు ఇక్కడ చాలా మందికి బంటీ నచ్చడు అని సిరి అంటుంది. ఈ చిన్న వయసులోనే ఇలా ఉన్నాడు అంటే పెద్దయిన తర్వాత ఏం చేయలేం.. ఇప్పుడే కంట్రోల్‌లో పెట్టు అని అంటాడు. వాడినే కాదు వాడి నోటిని కూడా కంట్రోల్ చేయ్ అని చారుకేశవ అంటాడు. సహస్ర కూడా అంబికతో బావ మాట్లాడుతుంటే వాడు వెళ్లిపోయాడు ముందు వాడిని పిలిచి సారీ చెప్పించు అని అంటుంది. అవసరం లేదులే సహస్ర.. అని విహారి అంటాడు. బంటీని మీరే కలుపుకోండిరా అని విహారి క్రిష్‌ సిరిలకు చెప్తాడు.

పెద్దాయనలో మార్పు..

యమున పండుకి భక్తవత్సలానికి మందులు ఇవ్వమని పంపుతుంది. ఇంతలో భక్తవత్సలం చేయి కదిపించగలుగుతాడు. పండు అది సంతోషంతో పెద్దయ్యా మీరు చేయి కదుపుతున్నారు అని మహాకి పిలిచి విషయం సంతోషంగా చెప్తాడు. మహా చాలా హ్యాపీ అయిపోతుంది. మహా పండుతో డాక్టర్‌ని పిలవమని అంటుంది.

నాన్నకి తగ్గిపోతుందా ఏంటి..

ఇంట్లో అందరికీ విషయం తెలిసి సంతోషంగా పెద్దాయన దగ్గరకు వెళ్తారు. ఇంతలో డాక్టర్ రావడం చూసిన అంబిక ఏమైందా అని వెళ్తుంది. డాక్టర్ చూసి ట్రీట్మెంట్ ఇస్తారు. ఇక అంబిక ఏమైందని పద్మాక్షిని అడిగితే నాన్న చేయి కదిపించారు.. అని చెప్తుంది. అంబిక మనసులో నాన్నకి పక్షవాతం తగ్గిపోతుందా ఏంటి అని కంగారు పడుతుంది. డాక్టర్ విహారి వాళ్లతో మీ నాన్నలో మార్పు మొదలైంది.. త్వరలోనే కోలుకుంటారు అని అంటారు. త్వరలోనే నయం అయిపోతుంది తొందరగా మాట్లాడుతారు అని మందులు ఇస్తారు. ఇక నుంచి పెద్దాయన్ను జాగ్రత్తగా చూసుకోవాలి అని యమున పండుతో చెప్తుంది.

తండ్రిని చంపడానికి అంబిక ప్లాన్..

అంబిక రాత్రి సుభాష్‌ని ఇంటికి పిలుస్తుంది. సుభాష్ గోడ దూరి ఇంటికి వస్తాడు. అంబిక సుభాష్‌తో ఈ రోజు ఎట్టి పరిస్థితుల్లో అయినా మా నాన్నని నువ్వు చంపేయాలి అని చెప్తుంది. ఇప్పుడు ఎందుకు మీ నాన్నని చంపడం అని అంటే మా నాన్నకి పక్షవాతం తగ్గుతుంది. ఆయనకు మాట వస్తే మొదట చెప్పేది నా గురించే అని చెప్పి మంకీ క్యాప్ పెట్టుకొని తండ్రిని చంపడానికి సుభాష్‌ని పంపిస్తుంది. సుభాష్ పెద్దాయన్ను చంపడానికి కత్తి తీస్తాడు. ఇంతలో నీరు తాగడానికి మహా లేస్తుంది. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Godavari Serial Today October 22nd: 'గోదావరి' సీరియల్: సూర్య, జానుల లవ్‌ వీడియో వేసి పరువు తీసేసిన సింహాద్రి! జానుకి అండగా సంజయ్!

Jhanshi Balleda — Thu, 22 Oct 2026 13:05:42 +0530

Godavari Serial Today Episode ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు (అక్టోబరు 22న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

సంతోషంలో జాను..

పుట్టింటి వాళ్లు రావడంతో జాను చాలా హ్యాపీ అయిపోతుంది. శారద జానుతో మాట్లాడదు. ఇక జాను బామ్మ వాళ్లని పట్టుకొని ముద్దాడి చాలా హ్యాపీ అయిపోతుంది. ఇక శేషు మనసులో ఈ ముద్దులేంటో సింహాద్రి ఇంకా రావడం లేదే అని అనుకుంటాడు. ఇక జాను అందరిని స్టేజ్ మీదకి తీసుకెళ్తుంది. సంజయ్ జానుతో వచ్చిన ఇంత సేపటికి నీ ముఖంలో సంతోషం చూశా అని అంటే థ్యాంక్స్ అని జాను అంటుంది. నీకు థ్యాంక్స్ చెప్పడం కూడా వచ్చా అని అడిగితే నా సంతోషం చూడటం మీకు వచ్చింది కదా అని అంటుంది. ఇక జాను, సంజయ్ కేక్ కట్ చేసి ఒకరికి ఒకరు తినిపించుకోవడం చూసి సూర్య చాలా ఫీలవుతాడు.

నిత్య ఎంట్రీ..

జాను రిసెప్షన్ దగ్గరకు నిత్య వస్తుంది. జాను వాళ్ల దగ్గరకు వెళ్లి కంగ్రాట్స్ చెప్పి జాను ఫ్రెండ్‌ అని సంజయ్‌కి చెప్పి పరిచయం చేసుకుంటుంది. తర్వాత జానుకి హగ్ ఇచ్చి నీ జీవితంలో నువ్వు చేసిన మంచి పని పెళ్లి చేసుకోవడమే అని చెప్పి కాసేపు అక్కడ సందడి చేసి సెల్ఫీ తీసుకొని సూర్యని చూసి సూర్య దగ్గరకు వెళ్తుంది. సూర్యతో ఏం బావ ఏం సాధించావ్.. ప్రేమ ప్రేమ అని తిరిగావ్ వదిలేసింది.. నన్ను పెళ్లి చేసుకో బావ హ్యాపీగా చూసుకుంటా అని అంటుంది. మరోవైపు నందు ఇంటికి తాళం వేయడం చూసి ఎక్కడికి వెళ్లారు అని అనుకుంటుంది. ఇంతలో పక్కింటి ఆవిడ వచ్చి మీ ఇంట్లో అందరూ మీ చెల్లి ఫంక్షన్‌కి వెళ్లారు.. అని చెప్తుంది. వెళ్లొద్దు అన్నా వెళ్లారా రానీ వాళ్ల సంగతి చెప్తా అని నందు అనుకుంటుంది.

వీడొచ్చాడేంటి..

అందరూ సంతోషంగా ఫొటోలు తీసుకుంటూ ఉంటే సింహాద్రి ఎంట్రీ ఇస్తాడు. జాను చూసి సింహాద్రి ఎందుకు వచ్చాడు అని అనుకుంటుంది. జాను ఫ్యామిలీ మొత్తం షాక్ అయిపోతారు. మామయ్య ఎందుకు వచ్చాడు అని సూర్య నిత్యని అడిగితే ఏదో ప్లాన్‌తోనే వచ్చుంటాడు చూడు అని అంటుంది. సింహాద్రి స్టేజ్ మీదకి వెళ్లి అందరినీ పలకరిస్తాడు. జాను, సంజయ్లో మీకు చిన్ని గిఫ్ట్ తీసుకొచ్చా అని చెప్పి పెన్‌ డ్రైవ్ తీస్తాడు. అక్కడున్న అందరితో మీకో చిన్న ప్రేమ కథ చూపిస్తా కాస్త ఓపికగా చూడండి అని పెన్‌డ్రైవ్ అక్కడున్న వ్యక్తికి వచ్చి వీడియో ప్లే చేయమని అంటాడు.

మీ ఆవిడ గారి ప్రేమ కథా చిత్రం..

జాను, సూర్యల కలిసి తిరిగి ప్రపోజ్ చేసుకున్న వీడియోని ప్లే చేస్తారు. అందరూ చూసి నోరెళ్ల బెడతారు. జాను తల దించుకుంటుంది. సూర్య కూడా షాక్ అయిపోతాడు. అందరూ చూశారా.. బాబు సంజయ్‌ గారు అదండీ మీ ఆవిడ గారి ప్రేమ కథా చిత్రం.. జాను తప్పు కదమ్మా.. ఊరిలో ఒకర్ని లవ్ చేసి అన్ని సరదాలు తీర్చుకొని సిటీకి వచ్చేసి పది రోజుల్లో ఇంకొరిని పెళ్లి చేసుకోవడం తప్పు కదా అని అంటాడు. సూర్యని కూడా పిలిచి ఇతనే జాను లవ్ చేసిన అబ్బాయి వీడియోలో ఉన్న అబ్బాయి అని అంటాడు. నేను చెప్తే ఎవరూ నమ్మలేదు తాగి వాగా అన్నారు ఇప్పుడేం అంటారు శేషు అంటాడు.

జాను నా భార్య..

బాబు సంజయ్ నిన్న సూర్యతో లవ్ అంది ఈ రోజు నీతో పెళ్లి రేపు నీ కంటే ధనవంతుడు తగిలితే నిన్ను వదిలేస్తుంది అని సింహాద్రి అంటే సంజయ్ సింహాద్రిని లాగి పెట్టి కొట్టి నోరు అదుపులో జాను నా భార్య.. నేను తాళి కట్టిన నా భార్య.. ఒక్క మాట మాట్లాడినా నాలుక చీరేస్తా.. సూర్య జాను ప్రేమించుకున్నారు ఇందులో తప్పేముంది.. ప్రేమించిన వాళ్లనే అందరూ పెళ్లి చేసుకుంటున్నారా చెప్పండి.. ఒక్కోసారి ప్రేమించిన వాళ్లు ఇద్దరూ కరెక్ట్‌గా ఉన్నా ఏదో కారణంగా పెళ్లి అవ్వకపోవచ్చు.. అందులో తప్పేముంది. అమ్మమ్మా తాతయ్య మీరు కంగారు పడొద్దు ఇందులో జాను తప్పేం లేదు అని అంటాడు. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.

Nindu Manasulu Serial Today October 22nd: నిండు మనసులు: ప్రేరణకు నిజం చెప్పిన గణ! పశ్చాత్తాపంతో కులిమిపోయిన ప్రేరణ! సిద్ధూ క్షమిస్తాడా!

Jhanshi Balleda — Thu, 22 Oct 2026 10:35:16 +0530

Nindu Manasulu Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు (అక్టోబరు 22న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

మా ఇల్లు నా ఇష్టం..

ప్రేరణ సిద్ధూకి సేవలు చేయను అని ఐశ్వర్యతో గొడవ పడుతుంది. మీరు సేవలు చేస్తే చేయండి లేదంటే మానేయండి నన్ను ఎందుకు ఊరికే అక్కడికి పంపుతున్నారు అని అరుస్తుంది. ఆ మాటలు విన్న సిద్ధూ ఎందుకు ఇలా కారం తిన్న కాకుల్లా అరుస్తున్నారు. మీ అరుపులకు చిరాకు వస్తుంది అని అంటే మా ఇంట్లో మేం అరుచుకుంటే నీకేంటి ప్రాబ్లమ్.. నువ్వు కావాలనే మా గొడవలో తల దూర్చడానికి వచ్చావ్.. ఇది మా ఇంట్లో విషయం నీకు ఎందుకు అని ప్రేరణ అంటే నా గురించి మాట్లాడుతూ ఉంటే నేను రావడం మానేస్తానా.. ఏమైనా ఉంటే నా గురించి నాతో చెప్పు.. ఎంత మీ ఇల్లు అయినా నా గురించి నీకు మాట్లాడే హక్కు లేదు అని సిద్ధూ అంటే నువ్వు ఈ ఇంటికి రావడం నాకు ఇష్టం లేదు.. ఎప్పుడెప్పుడు 3 నెలలు అయిపోతాయా అని చూస్తున్నా అని ప్రేరణ అంటే నువ్వు ఎందుకు కలిశావా అని నేను బాధ పడుతున్నా అని సిద్ధూ అంటే కరెక్ట్ నీ వల్ల నాకు ఈ బాధ తప్ప ఇంకేం లేదు అని అంటుంది. నీ వల్ల మనుషులు విడిపోతారు కానీ దగ్గర కాలేరు అని సిద్ధూ అంటాడు.

ముఖ్యమైన విషయం చెప్పాలి..

గణ జరిగింది మొత్తం ఆలోచిస్తూ ఇన్ని రోజులు సిద్ధూ బావని తప్పుగా అర్థం చేసుకున్నా.. ప్రేరణ కూడా తొందర పడింది వెంటనే విషయం ప్రేరణకు చెప్పాలి అని ప్రేరణకు కాల్ చేస్తాడు. ప్రేరణ ఫోన్ కట్ చేస్తే గణ మళ్లీ చేస్తాడు. మీతో ఓ ముఖ్యమైన విషయం చెప్పాలి అంటే నాకు ఇప్పుడు ఏం వినాలి అని లేదు.. నన్ను విసిగించకు ఏమైనా చెప్పాలి అంటే రేపు స్టేషన్‌లో చెప్పు అని ఫోన్ పెట్టేస్తుంది.

మనం సిద్ధూని తప్పుగా అర్థం చేసుకున్నాం..

గణ ఉదయం స్టేషన్‌కి వెళ్లిన తర్వాత ప్రేరణ దగ్గరకు వెళ్లి.. ఇది మీకు చాలా ముఖ్యమైన విషయం. కొంచెం జాగ్రత్తగా వినండి. నిజం చెప్పాలంటే ఇది మనిద్దరికీ సంబంధించిన విషయం. ఒక అబద్ధాన్ని నిజం అనుకుని తప్పుగా అర్థం చేసుకున్నాం. రాజశేఖరం గారిని అంటే నాన్నని మన నాన్నని ఎవరు కాల్చోరో నాకుతెలిసింది అని అంటాడు. దానికి ప్రేరణ అసలు మీకేమైంది గణా? ఇది చెప్పడానికి నాకు ఫోన్ చేశారా? ఇది నాకు ముఖ్యమైన విషయం ఎలా అవుతుంది? అది మర్చిపోని పీడ కల. ఆ రోజు సిద్ధూ నాన్నని కాల్చడం మీరు కళ్లారా చూశారు కదా. సిద్ధూ నాన్నని కాల్చలేదు అని బుకాయించాడు అని అంటుంది. ఆ రోజు సిద్ధూ నిజమే చెప్పాడు. మననే ఆవేశంలో తప్పుగా అర్థం చేసుకున్నాం అని గణ అంటాడు. గణ నువ్వేం మాట్లాడుతున్నావో నీకు అర్థవుతుందా? మనం తప్పుగా అర్థం చేసుకోవడమేంటి? అన్నీ తెలిసికూడా ఇలా ఎలా మాట్లాడగలుగుతున్నావ్. ఆ రోజు సిద్ధూనీ అరెస్ట్ చేసింది కూడా నువ్వే కదా అని అంటుంది.

సిద్ధూ తప్పు చేయలేదు..

అరెస్ట్ చేయడం నిజమే. కానీ సిద్ధూ తప్పు చేయలేదు. ఆ రోజు సిద్ధూ తన మీద పెట్టిన కేసు నుంచి బయటకు వస్తే మానిప్యులేట్ చేసి వచ్చాడని అనుకున్నా. కానీ నిజాయితీతో కడిగిన ముత్యంలా బయటకొచ్చాడు. అప్పుడు ఇన్వెస్టిగేషన్ రిపోర్టులో వచ్చిందే నిజం. అవును నాన్న బాడీలో దిగిన బుల్లెట్ సిద్ధూ గన్ లోంచి రాలేదు. ఆ బుల్లెట్ మొన్న మేం పట్టుకున్న కిల్లర్ గన్ లోంచి వచ్చింది. మీరు నమ్మరు అని నాకు తెలుసు. అందుకే ప్రూఫ్స్‌తో వచ్చాను. అని సాక్ష్యాలు చూపిస్తాడు. ప్రేరణ సాక్ష్యాలు చూసి బిత్తరపోయి గణ నాకేం అర్థం కావట్లేదు. నువ్వు నిజం చెప్తున్నావా? అని అడుగుతుంది. దానికి గణ నిజం చెప్పాలంటే ఆ రోజు సిద్ధూ నాన్నని గన్‌తో బెదిరించాలని చూశాడు. కాల్చలేదు. మనం అక్కడున్న పరిస్థితిని సిద్ధూ చేతిలో ఉన్న గన్ ని మాత్రమే చూసి తానే నాన్నని షూట్ చేశాడని బలంగా నమ్మాం. కానీ అదే మనం చేసిన తప్పు. ఇన్ని రోజులు నాకు సిద్ధూ మీద చాలా కోపం ఉండేది. సిద్ధూకి కూడా నామీద అదే కోపం ఉంది అనుకున్నాను. నేను చచ్చే పరిస్థితి వస్తే వీడు పోవాలని కోరుకుంటాడేమో అనుకున్నాను. కానీ తనకి నామీద అలాంటి నెగెటివ్ ఫీలింగ్ లేదు. రీసెంట్గా జరిగిన ఆపరేషన్ లో తన ప్రాణాన్ని లెక్క చేయకుండా నన్ను కాపాడిన వ్యక్తి సిద్ధూ. అలాంటి సిద్ధూ ఇంకొకరి ప్రాణాలు తీస్తాడని నేను అనుకోవట్లేదు. ఫైనల్ గా అదే నిరూపితమైంది.. అని అంటాడు.

జీవితంలో ఫస్ట్ టైం మీకు నేను చేస్తున్న సాయం ఇదే..

ప్రేరణ గణతో నువ్వు చెప్పింది నిజమని నేనెందుకు అనుకోవాలి తను నిన్ను కాపాడినందుకు అతనూ నువ్వు కలిసి నన్ను నమ్మిస్తున్నారనుకోవచ్చు కదా? అని అంటే దానికి గణ నేను ఎప్పటికీ అలాంటి పని చేయను. నా ఒంట్లో కూడా రాజశేఖరం రక్తమే ప్రవేశిస్తోంది అలాంటి మోసం నేను ఎప్పటికీ చేయను మేడం మీకు నా మాటల మీద నమ్మకం కలగకపోతే ఇవే రిపోర్ట్స్ ఇవే డీటైల్స్ మీకు తెలిసిన ఫారెన్సిక్ వాళ్లతో టెస్ట్ చేయించుకొని కన్ఫర్మ్ చేసుకోండి.. కానీ అక్కడ కూడా ఇదే నిజమని వస్తుంది మేడం సిద్ధూ తప్పు చేయలేదు, సిద్ధూ నాన్నని షూట్ చేయలేదు.. మీ అధికారాన్ని ప్రతి సాధారణమైన మనిషికుండే అహంకారాన్ని దాటుకొని నిజమైన ప్రేరణగా ఆలోచించండి అప్పుడు మీరు యాక్సెప్ట్ చేయగలుగుతారు. ఈ విషయం సిద్ధూకి చెప్పి తన మీద పెంచుకున్న కోపాన్ని వదిలేసుకోండి.. ఈ విషయం మీకు చెప్పాల్సిన అవసరం నాకు లేదు కానీ ఇప్పటికీ చెప్పకపోతే నేను అసలు మనిషినే కాదు.. నా ప్రాణాన్ని కాపాడిన సిద్ధూకి నేను అన్యాయం చేయకూడదు అనుకుంటున్నాను నా జీవితంలో ఫస్ట్ టైం నేను మీకు చేస్తున్న సాయం అనుకోండి నేను చెప్పాల్సిన మీరు తెలుసుకోవసిన నిజం చెప్పాను వీలైనంత తొందరగా మీరు సిద్ధూకి చెప్పి క్షమాపణ చెప్పి అతనితో కలిసిపోండి అని గణ ప్రేరణకు చెప్తాడు.

సిద్ధూకి సారీ చెప్పిన ప్రేరణ..

ప్రేరణ నిజం తెలిసి కుమిలిపోతూ సిద్ధూకి ఈ నిజం ఎలా చెప్పాలి? తనని ఎలా ఫేస్ చేయాలి? నిజం తెలిసిన తర్వాత కూడా చెప్పకపోతే అది నా తప్పు అవుతుంది మోసం అవుతుంది తల దించుకోవాల్సి వచ్చినా పర్వాలేదు కానీ నిజం చెప్పి తీరాల్సిందే అని సిద్ధూ దగ్గరకు వెళ్లి నీతో కొంచెం మాట్లాడాలి అని అంటుంది. దానికి సిద్ధూ ఈ మధ్య చాలా మాట్లాడుతున్నావు కదా అని అంటాడు. ఇది చాలా ఇంపార్టెంట్ విషయం సిద్ధూ.. నువ్వు నన్ను క్షమించాలి.. నేను నీ విషయంలో చాలా పెద్ద తప్పు చేశాను. మా నాన్న మీద జరిగిన అటాక్ విషయంలో నా కళ్లతో చూసిందే నిజం అనుకున్నా. కానీ అది అబద్ధమని నాకు ఇప్పుడే తెలిసింది. ఆరోజు జరిగిన గొడవలో నీ చేతిలో గన్ ఉండడం నాన్నకి బుల్లెట్ తగలడం చూసి నువ్వే చేశావు అనుకున్నాను. కానీ నువ్వు మా నాన్నను కాల్చలేదు అన్న నిజం నాకు ఇప్పుడే తెలిసింది రిపోర్ట్లో కూడా మా నాన్న బాడీలో ఉన్న బుల్లెట్ నీ గన్ లో నుంచి వచ్చింది కాదు అని తేలింది సారీ సిద్ధూ, ఐ యామ్ రియల్లీ సారీ నిన్ను అపార్ధం చేసుకున్నాను, నిన్ను నానా మాటలు అన్నాను, అసహ్యించుకున్నాను నేను ఎంత పెద్ద తప్పు చేశానో నాకు అర్థమైంది సిద్ధూ దయచేసి ఈ విషయంలో నన్ను క్షమించు అని అంటుంది. సిద్ధూ మౌనంగా ఉండటం చూసి నువ్వు అలా మౌనంగా ఉంటే నేను బరించలేను.. నువ్వు ఇలా ఏమీ మాట్లాడకుండా నావైపు చూస్తుంటే నేను తట్టుకోలేను నీ మౌనమే నన్ను వంద ప్రశ్నలు అడుగుతున్నట్టుగా ఉంది నీ చూపులే నన్ను వెలెత్తి చూపుతున్నట్టుగా ఉంది నేను చేసినది తప్పని ఒప్పుకుంటున్నాను కదా ప్లీజ్ సిద్ధూ, నన్ను క్షమించు. అని అంటుంది. దానికి సిద్ధూ అయ్యో, ఎందుకు ప్రేరణ పదే పదే క్షమించు క్షమించు అన్నన్నిసార్లు అడుగ్తావు? నువ్వు అన్నిసార్లు అడగాల్సిన అవసరం లేదు ఎందుకంటే నీ తప్పు నువ్వు తెలుసుకున్నావు ఇప్పుడు నిన్ను క్షమించకుండా ఎలా ఉంటాను అని అంటాడు. దీంతో ఇవాళ్లి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.

Illu Illalu Pillalu Serial Today October 22nd: ఇల్లు ఇల్లాలు పిల్లలు: ప్రేమని రెచ్చగొట్టిని భద్రావతి! 30 లక్షలకు వేలం పాట పాడిన పొట్టి మిరపకాయ్!

Jhanshi Balleda — Thu, 22 Oct 2026 09:41:23 +0530

Illu Illalu Pillalu Serial Today Episode ఫ్యామిలీ కలహాలు.. సంతోషాలు.. ఎత్తులు పైఎత్తులు.. ఇలా అన్ని రకాల ఎమోషన్స్‌తో బుల్లితెర ప్రేక్షకులను విశేషంగా ఆకట్టుకుంటున్న "ఇల్లు ఇల్లాలు పిల్లలు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 22)వ తేదీన ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

వాళ్ల ప్రస్తావన వద్దు..

నర్మద, ప్రేమ, ధీరజ్, వేదవతిలు వల్లీ గురించి మాట్లాడుకుంటారు. భాగ్యం కన్న కూతురిని రోడ్డు మీదకి తోసేసిందని తిట్టుకుంటారు. ఇంతలో చందు వచ్చి వాళ్లంతా ఒకటే ఇలాంటివి ఇంకా చాలా చాలా చేస్తారు అని అంటాడు. ఇంతలో రామరాజు వచ్చి ఏమైందని అడిగితే ఆ దొంగల ముఠా గురించి మాట్లాడుకుంటున్నారు.. ఇంకోసారి వాళ్ల ప్రస్తావన వద్దు అని చెప్తున్నా నాన్న అని అంటాడు. ఇక రామరాజు, చందు రైస్‌ మిల్లుకి వెళ్తూ వేలం పాట గురించి అడిగితే ధీరజ్ తడబడితే వెళ్తున్నాం అని వేలం పాట ఎలా అయినా దక్కించుకుంటాం అని ప్రేమ అంటుంది. ఇక రామరాజు, చందు ఆల్ ది బెస్ట్ చెప్పి రైస్ మిల్లుకి వెళ్తారు. తర్వాత ప్రేమ కూడా ధీరజ్‌ని చిన్నోడా వెళ్దాం పదరా అని అంటాడు. ధీరజ్ నర్మదని కూడా ఆక్షన్‌కి రమ్మని పిలుస్తాడు. ఆఫీస్‌కి వెళ్లాలి అని నర్మద అంటే నేను వస్తా అని వేదవతి అంటుంది. నువ్వు వద్దు అత్త అని ప్రేమ అంటుంది. నన్ను నా కొడుకుని దూరం చేయాలని చూస్తున్నావా అని వేద అంటే కాదు అత్తా నీకు నీ కొడుకు అంటే ప్రేమ కాబట్టి ఎంత డబ్బు అయినా పెట్టించేస్తావ్.. అదే నేను అయితే ఆచితూచి పాట పాడుతా అంటుంది.

అంతే పెడదాం..

ధీరజ్, ప్రేమలు వేలం పాట దగ్గరకు వెళ్లి అంతా చూసి రెండు కార్లు ఓ ఆరు లక్షలు.. షాప్ ఆరు లక్షలు మొత్తం కలిపి 12 లక్షల కంటే ఎక్కువ పట్టదు.. అంతే పాడుదాం అని అనుకుంటారు. భార్యతో వేలం పాట పాడటానికి వచ్చావ్ ఏంటి తమ్ముడు అని ఓ వ్యక్తి ధీరజ్ వాళ్ల దగ్గరకు వచ్చి సెటైర్లు వేస్తాడు. ధీరజ్ ప్రేమలు కూడా అతనితో కామెడీ చేస్తారు. ఇక వేలంపాటకి చాలా మంది వస్తారు. పది లక్షల నుంచి వేలంపాట ప్రారంభమవుతుంది. అందరూ మొదట మామూలుగా పాడి.. వేలంపాట 13 లక్షలకు వెళ్తుంది. మన బడ్జెట్ దాటి పోయింది ఆపేద్దాం అని ప్రేమ అంటుంది. దాంతో ధీరజ్ 14 లక్షలకు పాడుతాడు.

పోటీకి దిగిన భద్రావతి..

ధీరజ్‌కి 14 లక్షలకు ఓకే అయిన టైంకి భద్రావతి వచ్చి 20 లక్షలు అని ఒకేసారి పాట పెంచేస్తుంది. మనం వేలంపాటకి వచ్చిన విషయం మీ అత్తకి తెలిసిపోయినట్లు ఉంది అందుకే వచ్చేసింది అని చెప్పి ప్రేమని తీసుకొని వెళ్లిపోతూ ఉంటే భద్రావతి ధీరజ్‌ని రెచ్చగొడుతుంది. కోటలో యువరాణికి పల్లకీ మోసే వాడు దొరికితే ఇలాగే ఉంటుంది అని మాట్లాడుతుంది. ఇక ధీరజ్ ప్రేమని తీసుకెళ్లిపోతుంటే ప్రేమ ఆగి 21 లక్షలు అని పాడుతుంది. నా మొగుడుని అవమానిస్తే దేవుడిని కూడా వదలను అని భర్తని తీసుకెళ్లి వేలం పాట పాడిస్తుంది. భద్రావతి కాళ్లమీద కాలు వేసి కూర్చొంటే ప్రేమ కూడా అత్త ముందు కాళ్ల మీద కాలు వేసుకొని కూర్చొంటుంది.

అత్తా కోడళ్ల పోటీ..

భద్రావతి 22 లక్షలు పాడుతుంది. ప్రేమ 23 లక్షలు పాడుతుంది. ధీరజ్ ఎంత చెప్పినా ప్రేమ వినదు. ఇక ధీరజ్ కమెడీయన్ కత్తిని పిలిచి ఏంటి అన్నాయ్ ఒక్క రూపాయ్ ఒక్క రూపాయ్ అన్నావ్ కదా ఇప్పుడు పెంచి పాడు అని అంటే కత్తి సూట్‌ కేస్ ఓపెన్ చేసి ఒక్క రూపాయి తీసి ఇస్తాడు. ధీరజ్ షాక్ అయిపోతాడు. ప్రతీసారి ఒక్క రూపాయి రూపాయ్ అన్నప్పుడే అర్థం చేసుకోవాల్సింది అని ధీరజ్ అంటాడు. మనం పాట పాడే బ్యాచ్ కాదు బాసూ వేలంపాట పెంచే వాళ్లం అని అంటాడు. ఇక భద్రావతి 25 లక్షలు అంటుంది. ప్రేమ 26 లక్షలు అని అంటుంది. భద్రావతి 30 లక్షలు అని అంటుంది. ధీరజ్ ఎంత బతిమాలినా ప్రేమ తగ్గదు. ధీరజ్ ప్రేమ నోరు మూస్తే కత్తి ప్రేమ గారి పాట 30 లక్షల ఒక్క రూపాయి అని అంటాడు. ప్రేమ వేలం పాటలో గెలుస్తుంది. చెప్పాను కదా నా భర్తని ఎవరి ముందు తగ్గించను అని నా భర్తని గెలిపించాను అని ప్రేమ అంటుంది. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తదితర ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.

Gundeninda Gudigantalu Oct 22: స్టేషన్‌కు వెళ్లి నిజం నిరూపించుకున్న బాలు,మీనా..అరుణ్‌ తప్పుచేశాడని నమ్మిన అధికారులు

Prashanth — Thu, 22 Oct 2026 09:39:50 +0530

Gunde Ninda Gudi Gantalu: స్టార్‌మా ఛానెల్‌లో అత్యంత ప్రేక్షక ఆదరణతో దూసుకుపోతున్న గుండెనిండా గుడిగంటలు సీరియల్‌ ఈరోజు ట్విస్టులపై ట్విస్టులతో సాగుతుంది.బాలుకు ఏ పనీలేకపోవడంతో ఇంట్లోవాళ్లు అవమానాలకు గురిచేయడంతో మీనాకు కోపం వస్తుంది.వెంటనే బాలును తీసుకుని స్టేషన్‌కు వెళ్తుంది.అక్కడ అరుణ్ కావాలనే తన భర్తను ఈకేసులో ఇరికించాడని సాక్ష్యాలతో నిరూపించడంతో బాలు కారు,లైసెన్స్‌ తిరిగి ఇచ్చేస్తారు.
బాలుకు అవమానం
వంటింట్లో వంట చేస్తున్న మీనా దగ్గరకు వచ్చిన ప్రభావతి తనకు కరివేపాకు పచ్చడి కావాలని అడుగుతుంది. దీంతో ఇంట్లో కరివేపాకు లేదని చెప్పడంతో వెళ్లి తీసుకుని రమ్మని అంటుంది.నాకు చాలా బిజీ పనులు ఉన్నాయని ఇంట్లో ఎవరికైనా చెప్పండి లేదంటే మీరే వెళ్లి తెచ్చుకోండని చెబుతుంది.దీంతో ప్రభావతి మనోజ్‌ను పిలిచి కరివేపాకు తెమ్మని అంటుంది.నాకు ఇలాంటి పనులు ఎందుకు చెబుతున్నావని...ఇంట్లో ఏ పనీలేకుండా ఖాళీగా ఉన్న ఆ బాలుగాడికి చెప్పమని చెప్పి వెళ్లిపోతాడు. దీంతో ప్రభావతి వెళ్లి బాలును కరివేపాకు తెమ్మని అంటుంది. దీంతో బాలుకు కోపం వస్తుంది. నా మనసు ఏం బాగాలేదని ఇప్పుడు నన్ను ఎవరూ కదిలించొద్దని అంటాడు. ఇప్పుడు పనీపాట ఏం లేదు కదరా వెళ్లి తీసుకుని వస్తే ఏమవుతుందని అంటుంది.దీంతో మీనాకు కోపం వచ్చి మీ పెద్దబ్బాయి పనీపాటలేకుండా సంవత్సరాల తరబడి ఇంట్లోనే కూర్చుని ఉన్నప్పుడు ఇలాంటి పనులే చెప్పారా అని నిలదీస్తుంది.సత్యం కూడా వచ్చి భార్యనే తిడతాడు. మీనా బాలును తీసుకుని అక్కడి నుంచి వెళ్లిపోతుంది.
స్టేషన్‌కు వెళ్లిన బాలు,మీనా
తన భర్తను ఇంట్లో అందరూ అవమానించడంతో మీనా చాలా బాధపడుతుంది. దీనంతటికీ ఆ అరుణే కారణమని మీనా అంటుంది.మనం వెళ్లి సీఐగారిని కలిసి విషయం చెబుదామని మనకు న్యాయం దొరుకుతుందని అంటుంది.వాళ్లు మన మాట వినరని ఎందుకు అక్కడికి కూడా వెళ్లి అవమానపడటమని అంటాడు.అసలు ఇంట్లో కూర్చుని ఏ ప్రయత్నం చేయకపోవడం కన్నా...కనీసం స్టేషన్‌కు వెళ్లి మన గోడువెల్లబోసుకుందామని బలవంతంగా మీనా బాలును స్టేషన్‌కు తీసుకెళ్తుంది.అప్పటికి సీఐగారు రాకపోవడంతో కానిస్టేబుల్ బయట కూర్చోమని చెబుతాడు. ఆ అరుణ్ కావాలనే ఇదంతా చేస్తున్నాడని బాలు అంటాడు.స్టేషన్‌ ముందు కారు ఉండటం చూసి వెళ్లి బాలు దాన్ని శుభ్రం చేస్తుండగా...దెబ్బలు తగిలించుకున్న కానిస్టేబుల్‌ మరో కానిస్టేబుల్‌తో మాట్లాడటం మీనా వింటుంది. చేతికి దెబ్బలు ఎందుకు తగిలాయని అడిగితే..ఆ కారు డ్రైవర్‌ బ్రేకులు ఫెయిల్ అయ్యాయని చెబుతున్నా వినకుండా మన అరుణ్‌సార్‌ ఆ కారు డ్రైవర్‌ను అరెస్ట్ చేశాడని...ఆ కారు నన్ను తీసుకుని రమ్మని చెప్పడంతో నేను వెళ్లి తీసుకొచ్చానని అంటాడు.నిజంగానే ఆ కారుకు బ్రేకులు ఫెయిల్ అవ్వడంతో యాక్సిడెంట్ జరిగిందని చెబుతాడు.ఈమాటలు విన్న మీనా అతని దగ్గరకు వెళ్లి ఇప్పుడు మీరు చెప్పిందంతా సీఐగారికి చెబుతారా అని అడుగుతుంది.నేను అసలే రిటర్మైంట్‌కు దగ్గరగా ఉన్నానమ్మా నాకు ఇలాంటి ఇబ్బందులు పెట్టొద్దని చెప్పి వెళ్లిపోతాడు.అప్పుడే ఓ గర్భిణీ కిందపడబోతుండగా మీనా వెళ్లి కాపాడి ఆమెకు మంచినీళ్లు అందించి వస్తుంది.
బాలు నిర్దోషిత్వం నిరూపణ
సీఐ వచ్చిన తర్వాత బాలు,మీనా వెళ్లి ఆయన్ను కలుస్తారు. నా తప్పు ఏంలేదని కారు బ్రేకులు నిజంగానే ఫెయిల్ అవ్వడంతో తప్పనిసరి పరిస్థితుల్లో ఆయన బండి ఢీకొట్టానని బాలు చెబుతాడు.దీనికి అరుణ్‌ వీడు కావాలనే నన్ను చంపడానికి ప్రయత్నించాడని చెబుతాడు. వెంటనే కల్పించుకున్న మీనా వాళ్లిద్దరికీ పాత పగలు ఉన్నమాట నిజమేనని కాకపోతే మా ఆయన ఎప్పుడూ ఆయన్ను చంపాలని అనుకోలేదని అంటుంది. ఇంతలో అక్కడికి వచ్చిన గర్భిణీ బాలుది ఏ తప్పులేదని ఆరోజు మమ్మల్ని కాపాడటం కోసమే ఎస్‌ఐగారి బండి ఢీకొట్టాడని చెబుతుంది.ఆవిడ దెబ్బలు తగిలించుకున్న కానిస్టేబుల్ కూతురు కావడంతో వెంటనే ఆ కానిస్టేబుల్‌ కూడా సీఐకి నిజం చెప్పేస్తాడు. అరుణ్‌గారు కావాలనే బాలును ఈ కేసులో ఇరికిస్తున్నారని చెబుతాడు.

Podarillu Serial Today Oct 22: నారాయణపై కోపం తగ్గించుకోని కన్నా...తల్లి తనకు దూరమవ్వడానికి ఆయనే కారణమని ఆగ్రహం

Prashanth — Thu, 22 Oct 2026 09:39:29 +0530

Podarillu Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది. కన్నాను నవ్వించడానికి ఇంట్లో వాళ్లు రకరకాల ప్రయత్నాలు చేస్తుంటారు. కేశవ్‌కు స్థలం కొనివ్వడానికి అందరూ కలిసి వెళ్లి డబ్బులు చెల్లించగా...కేశవ్‌ అందరికీ ట్రీట్‌ ఇస్తాడు. ఇంట్లో ఉన్న నారాయణకు కూడా మహాలక్ష్మీ పార్శిల్ తీసుకుని వెళ్లి అతనికి పెడుతుంది.అది చూసిన కన్నా కోపంతో రగిలిపోతాడు.మాఅమ్మ వెళ్లిపోవడానికి కారణమైన ఇతనికీ బిర్యానీ పెడతావా అని మండిపోతాడు. ప్లేట్ తీసి విసిరివేయబోగా..మహా తిట్టి అక్కడ పెట్టి‌స్తుంది.
కన్నాను నవ్వించడానికి తంటాలు
కన్నా వాళ్ల అమ్మ వెళ్లిపోయిన దగ్గర నుంచి వాడు చాలా బాధపడుతుంటాడు.దీంతో వాడిని మళ్లీ మామూలుు మనిషిని చేయడానికి ఇంట్లో అందరూ ఎంతో కష్టపడుతుంటారు. మహాఇంట్లోనే చాలా టాస్క్‌లు ఇచ్చి వాడిని మళ్లీ మూమూలు మనిషిని చేయడానికి ప్రయత్నిస్తుంటుంది. చక్రి,కేశవ్ ఎన్ని ఆటలు ఆడి పాటలు పాడినా కన్నాలో ఏమాత్రం మార్పు రాకపోవడంతో అందరూ కలిసి బయటకు వెళ్లి ఐస్‌క్రీమ్ తినాలని అనుకుంటారు.అక్కడికి వెళ్లిన తర్వాత వాడికి డబ్బులు ఇవ్వకుండా పారిపోవడానికి చక్రి ప్రయత్నించడంతో అందరూ అతని వెంట పరుగెత్తుకుంటూ వస్తారు.ఎందుకురా అలా పరిగెత్తించావని మాధవ్ అనగా..వాడికి ఐస్‌క్రీమ్ డబ్బులు ఎగ్గొట్టడానికి అని అంటాడు.నీ ముఖంలా ఉంది నేను ముందేవాడికి 500రూపాయలు ఇచ్చానని మహాఅంటుంది.నీ వల్ల చిల్లర కూడా తీసుకోలేదని మండిపడుతుంది. దీంతో కన్నా నవ్వేస్తాడు. అలాగే అమ్మాయిల దగ్గర చక్రి ఫోజులు కొడుతుండగా..మహాలక్ష్మీ కర్చీఫ్ చింపివేసి చక్రి ప్యాంట్ చించినట్లు నాటకమాడి కన్నాను బాగా నవ్విస్తుంది.మొత్తానికి వాడు చాలా నార్మల్‌గా అయిపోయివడంతో అందరూ ఆనందంగా ఇంటికి వెళ్లిపోతారు.
కేశవ్‌ సొంతమైన స్థలం
తెల్లారిన తర్వాత ఇంట్లో అందరూ కలిసి కేశవ్ షాపు దగ్గరకు వెళ్తారు. బుస్సును ఓ ఆట ఆడిద్దామని మహా అంటుంది.దీంతో అందరూ అక్కడికి వెళ్లి షాపు ఓనర్‌గారు అంటూ పిలుస్తారు.దీనికి కేశవ్ కొంత ఇబ్బందిపడతాడు.మీరు ఏంటి ఇలా కొత్తగా మాట్లాడుతున్నారని అంటాడు.మరి ఓనర్‌ అయిన తర్వాత ఇలాగే మాట్లాడాలి కదండీ అని అంటారు.మీరు ఇలా ఏడిపిస్తే అసలు నేను ఈ స్థలమే కొనుక్కోనని అంటాడు.అలాంటిదేమీ లేదని మీ ఓనర్‌ ఎక్కడని అడగుతాడు.అతను మాటల్లోనే అక్కడికి రాగా...కేశవ్ వాళ్ల అన్నయ్య చేతులు మీదుగా డబ్బులు ఇప్పిస్తాడు.అప్పుడే అక్కడికి వచ్చిన శైలూ దూరంగానే వాళ్లను చూసి అసూయపడుతుంది. స్థలానికి డబ్బులు ఇచ్చేప్పుడు కనీసం నన్ను పిలవకుండా వాళ్ల ఇంట్లో వాళ్లతో ఇప్పిస్తున్నాడని కోప్పడుతుంది. వాళ్లంతా ఆనందంతో చిందులు వేయడం చూసి చాలా అసూయపడుతుంది. కేశవ్‌కు ఫోన్ చేసినా తీయకపోవడంతో మరింత మండిపడుతుంది.
నారాయణపై కన్నాకు తగ్గని కోపం
స్థలం కొనుగోలు చేసిన ఆనందంలో కేశవ్‌ అందరికీ పార్టీ ఇస్తాడు. రెస్టారెంట్‌కు వెళ్లి మీకు ఏం కావాలంటే అవి తీసుకోండని నేను బిల్లు ఫే చేస్తానని చెబుతాడు.అక్కడికి వచ్చిన తర్వాత కూడా కన్నా వాళ్ల అమ్మ గురించి ఆలోచిస్తుండటంతో మహాలక్ష్మీ తిడుతుంది. 20ఏళ్ల క్రితమే లేని ప్రేమ మీ అమ్మకు ఇప్పుడు ఎందుకు ఉంటుందని అనుకుంటున్నావురా అని అంటుంది.కాబట్టి ఏం పట్టించుకోకుండా తినమని చెబుతుంది. ఇంట్లో నారాయణకు కూడా మహా పార్శిల్ తీసుకుని వెళ్లి పెడుతుంది. నారాయణ బిర్యానీ తినబోతుండగా కన్నా అక్కడికి వచ్చి కోపంతో రగిలిపోతాడు. మా అమ్మను గెంటివేసిన ఇలాంటి మనిషికి అన్నం పెడుతున్నావా అని మహాపై అరుస్తాడు. బిర్యానీ ప్లేట్ తీసి నేలకేసి కొట్టబోతుండగా మహా గట్టిగా వార్నింగ్ ఇస్తుంది. ఒక్క మెతుకు కిందపడినా నీకు ఇవాళ దెబ్బలుపడతాయని హెచ్చరిస్తుంది.

Nuvvu leka Neanu Lenu Serial Today Oct 22: శీనయ్య జాడ కోసం రాధమ్మ ఇంటికి వచ్చిన దమయంతి...ఇంటి బయటే నిలబెట్టిన పద్మావతి

Prashanth — Thu, 22 Oct 2026 09:38:17 +0530

Nuvvu leka Neanu Lenu Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో నడుస్తున్న నువ్వులేక నేనులేను సీరియల్‌లో ఈరోజు ఎపిసోడ్ ఆసక్తిగా సాగుతుంది. అల్లుడికి సేవలు చేస్తున్న తల్లిని చూసి రాధమ్మ మండిపడుతుంది.అల్లుడి మంచితనం తెలుసుకున్నతర్వాత నువ్వే మారిపోతావులేనని పద్మావతి అంటుంది. ఆ తర్వాత విక్కీ అక్కడ ఎందుకు ఉంటున్నాడో తెలుసుకునేందుకు దమయంతి కుట్రతో అక్కడికి రాగా....పద్మావతి ఆమెను బయటే నిలబెడుతుంది.
అల్లుడికి అత్త సేవలు
చెల్లిని చూడటానికి వెళ్తే ఇంట్లోవాళ్ల అవమానించి పంపించివేయడంతో విక్కీ చాలా బాధపడుతుంటాడు.ఏమైందని పద్మావతి అడిగితే నన్ను మా అమ్మ ఇంట్లోకి రానివ్వకుండా గెంటివేసిందని చెబుతాడు.అదిచూసిన అత్తయ్య బాధపడి శీనయ్య దగ్గరకు వెళ్లి అతనికి చెబుతుంది.మీరు లేచి మాట్లాడితేనే అల్లుడికి అవమానాలు పోతాయని చెబుతుంది.త్వరగా మీరు కోలుకోవాలని వేడుకుంటుంది.ఇంతలో రాధమ్మ ఇంటికి రావడం చూసివాళ్లిద్దరూ ఆ గదిలో నుంచి బయటకు వచ్చేస్తారు. విక్కీకి పద్మ టిఫిన్ పెడుతుండగా అక్కడికి వచ్చిన రాధ..అక్కడ తిట్లు తిని సిగ్గులేకుండా ఇక్కడ అట్లు తింటున్నారా అని నిలదీస్తుంది. అల్లుడుగారు వద్దని చెబుతున్నా నేనే బలవంతంగా ఆయనకు టిఫిన్ పెట్టానని పద్మావతి అంటుంది.అయినా నీలాగా నేను రాయిని కాదని అంటుంది.ఇంట్లోఅందరూ ఆయన్ను తిడుతుంటే నువ్వు ఆయనపక్కన ఉండకుండా వాళ్లతో చేతులు కలిపి తిట్టావని తెలిసిందని అంటుంది.ఆయన నిన్ను ఏం మాయచేశాడని రాధమ్మ నిలదీస్తుంది.అల్లుడుగారు తప్పు చేయలేదని నేను నమ్మానని నువ్వు కూడా నమ్మితే ఆయన గురించి నీకే తెలుస్తుందని పద్మావతి కూతురిని తిడుతుంది.
దొరికిపోయిన అనసూయ
దెబ్బలు తగిలి ఇంట్లో ఉన్న అనసూయ రామలింగానికి ఫోన్ చేసి మాట్లాడుతూ ఆనందంగా ఉండటం ఇంట్లోవాళ్లు చూస్తారు.ఎవరితో మాట్లాడుతున్నావని వాళ్ల అమ్మ నిలదీస్తుంది.దీంతో దొరికిపోయానని అనసూయ చాలా భయపడుతుంది. మా ప్రెండ్ రామలక్ష్మీతో మాట్లాడుతున్నానని అనసూయ అబద్ధం చెబుతుంది.నాకు తెలియకుండా నీకు అలాంటి ఫ్రెండ్ ఎవరూలేరు కదా అని సునంద అంటుంది. దీంతో అనసూయ ఏదోవిధంగా మాయమాటలు చెప్పి తప్పించుకుంటుంది. ఇంతలో సునందకు విక్కి గుర్తుకు వచ్చి ఏడుస్తుంది.అన్నయ్య ఎట్టిపరిస్థితుల్లోనూ తప్పు చేయడని అనసూయ అంటుంది.అదే నాకు కావాలని సునంద కన్నీళ్లు పెట్టుకుంటుంది.
దమయంతి ఎత్తు...పద్మావతి పైఎత్తు
విక్కీ రాధమ్మ ఇంట్లో ఎందుకు ఉంటున్నాడో తెలుసుకోవాలని దమయంతి బయలుదేరుతుంది.ఎమ్మెల్యే టిక్కెట్ వచ్చింది కాబట్టి అందరినీ ఓట్లు అడగాటనికి వెళ్తున్న నెపంతో దమయంతి పద్మావతి ఇంటికి వస్తుంది. ఎందుకు ఇలా వచ్చారని పద్మావతి నిలదీయగా....భర్తను పోగొట్టుకున్న బాధలో ఉన్నే నిన్ను పరామర్శించడానికి వచ్చానని అంటుంది.అయినా భర్త చనిపోయినా నువ్వు ఇంకా గాజులు,బొట్టు ఎందుకు తీసివేయలేదని అడుగుతుంది. నా భర్త చనిపోయాడని నీకు ఎవరు చెప్పారని పద్మావతి నిలదీస్తుంది.నీకూతురే విక్కీపై కేసుపెట్టింది కదా అని అంటుంది. అక్కడే ఉన్న విక్కీ కల్పించుకుని ఎవరో ఏదో అనుకుంటే జరిగిపోదని అంటాడు. శీనయ్య చనిపోయినట్లు ఆధారాలు కావాలని..డెడ్‌బాడీ దొరకాలని అప్పుడే కదా ఆయన చనిపోయాడని తేలేది అని అంటాడు. ఈకేసు చేధించి దీని వెనక ఎవరు ఉన్నారో తేల్చి వాళ్లకు శిక్షపడేలా చేస్తానని బెదిరించడంతో దమయంతి భయపడుతుంది. దీంతో ఆమె పద్మావతిని రెచ్చగొట్టడంతో నాభర్త నాతోపాటే నా ఇంట్లోనే ఉన్నాడని ఆమె అంటుంది.దీంతో దమయంతి వెతకడానికి లోపలికి వెళ్తుంది.

Meghasandesam Serial Today October 22nd: ‘మేఘసందేశం’ సీరియల్‌: సూర్యకు షాక్‌ ఇచ్చిన ఆకాష్‌ – శరత్‌ చంద్రకు నిజం చెప్పిన చెర్రి

Sudhakar Mansetty — Thu, 22 Oct 2026 08:39:51 +0530

MeghasandesamSerial Today Episode: ఆకాష్‌ వచ్చి సూర్యను కొట్టి భూమిని తీసుకెళ్తాడు. తర్వాత అపూర్వ కోపంగా సూర్యను తిడుతుంది. ఈ మట్టి బుర్రతో పోలీస్‌ ఎలా అయ్యావు అంటుంది. ఎంతో కష్టపడి ప్లాన్‌ చేశాను. మన ప్లాన్‌లో ఎదురైన ప్రతి ఎదురుదెబ్బకు ఎదురొడ్డి నిలబడింది ఇది చూసేందుకేనా అంటుంది. భూమికి నీకు పెళ్లి అయ్యేంత వరకు ఆ ఆస్తి నాది అయ్యేంత వరకు ఎలాంటి పిచ్చి పని చేయోద్దని చెప్పాను కదా మరి ఏ ధైర్యంతో చేశావు ఇదంతా ఎలాగైనా భూమితో నీ పెళ్లి అయిపోతుంది. ఆ శరత్‌ చంద్ర బయట ఉంటే నా ప్లాన్‌ గురించి తెలిసిపోతుంది. అదే శరత్‌ చంద్ర లోపల ఉంటే నన్ను భూమిని ఎవ్వరూ అడ్డుకోలేరు ఈ ఆస్థి అపూర్వకు దక్కితే ఏంటి దక్కకపోతే ఏంటి అనుకున్నావు కదూ అంటూ నిలదీస్తుంది.

అపూర్వను నమ్మించే ప్రయత్నం చేసిన సూర్య

ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!

అందుకు సూర్య కోపంగా మేడం ఇది ఎలా జరిగిందో నాకు తెలియదని చెప్తున్నాను కదా మీకు అయినా ఎందుకు మీరు అర్థం చేసుకోవడం లేదు అంటే.. నేను నమ్మను ఎందుకంటే గగన్‌ను నా బావ చంపినప్పుడు తీసని వీడియో నీ దగ్గర నా దగ్గర తప్పితే మరి ఎవ్వరి దగ్గర లేదు కాబట్టి. నువ్వే తాగినప్పుడు ఎవరికి షేర్‌ చేశావో ఏంటో.. ఇదంతా నీ వల్లే జరిగింది. ఇప్పుడు చూడు నీకు భూమి లేదు. నాకు ఆస్థి లేదు ఇదే మంచి సమయం అనుకుని నువ్వు బ్లాక్‌ మెయిల్‌ చేసిన సంగతి అది వాళ్ల నాన్నతో చెప్పింది. ఇక మిగిలింది నేనే.. నేను కూడా నీతో చేతులు కలిపి బ్లాక్‌ మెయిల్‌ చేసిన సంగతి అది వాళ్ల నాన్నతో చెప్పేస్తే మనిద్దరం కలిసి ఈ గుడి మెట్ల మీద కూర్చుని ముష్టి ఎత్తుకోవాలి అంటుంది.

ఎస్పీకి ఫోన్‌ చేసి నిజం తెలుసుకున్న సూర్య

ALSO READ: నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త

సూర్య కోపంగా ప్లీజ్‌ మేడం నా బుర్రేం పని చేయడం లేదు. ప్రమాణ పూర్తిగా చెప్తున్నాను మేడం ఆ వీడియో నేను ఎవ్వరికీ షేర్‌ చేయలేదు. ఎక్కడో ఏదో పొరపాటు జరిగింది. నన్ను కాస్త ఆలోచించనివ్వండి మేడం అంటే.. చేతులు కాలాక ఆకులు పట్టుకుని ఏం ప్రయోజనం సూర్య అంటుంది అపూర్వ. సూర్య అప్పుడే ఫోన్‌ తీసుకుని ఎస్పీకి కాల్ చేసి శరత ‌చంద్ర అరెస్ట్‌ గురించి అడుగుతాడు. ఎవరో నరసిహ్మ అని ఆఫీసర్‌ వచ్చి అరెస్ట్‌ చేశాడు సార్ అని చెబితే నరసింహ్మ పేరుతో మన జోన్‌లో ఎవ్వరూ లేరు అని ఎస్పీ చెప్పగానే.. సూర్య షాక్‌ అవుతాడు. తర్వాత కాల్ చేస్తానని చెప్తాడు. ఆ ఆకాష్‌ గాడు మళ్లీ మనల్ని మోసం చేశాడు మేడం అని సూర్య చెప్తాడు. దీంతో ఆకాష్‌ డాడీని తీసుకెళ్లాడు అంటే ఏదో ప్రయివేటు ప్లేస్‌లో దాచి ఉంటాడు అది ఎక్కడో కనుక్కోవాలి అనుకుంటారు.

శరత్‌ చంద్రకు నిజం చెప్పిన చెర్రి

శరత్‌ చంద్ర అరుస్తూ.. నన్ను అరెస్ట్‌ చేశాక పోలీస్‌ స్టేషన్‌కు తీసుకెళ్లకుండా ఇక్కడ ఎందకు బంధించారు.. ఎవరైనా ఉన్నారా.? అంటూ అరుస్తుంటే.. భూమి వెళ్లి నాన్న అని పిలుస్తుంది. దగ్గరకు వెళ్లి శరత్‌ చంద్ర కట్లు విప్పేస్తుంది. శరత్ చంద్ర ఎమోషనల్‌ అవుతూ భూమిని క్షమించమని అడుగుతాడు. భూమి ఏడుస్తుంటే.. శరత్‌ చంద్ర కోపంగా సూర్యను తిడుతుంటాడు. అప్పుడే అక్కడకు ఆకాష్‌, చెర్రి వెళ్తారు. అసలు విషయం శరత్‌ చంద్రకు చెప్తారు. పోలీస్‌ గెటప్‌లో వచ్చి శరత్‌ చంద్రను అరెస్ట్‌ చేసింది తామేనని చెప్తారు. శరత్‌ చంద్ర షాక్‌ అవుతాడు. ఈ ప్లాన్‌ తనకెందుకు చెప్పలేదని భూమి అడుగుతుంది. ఇంతలో ఇవాళ్టీ ఏపిసోడ్‌ అయిపోతుంది.

ALSO READ: ధుల్ హిజ్జా మాసంలో మొదటి 10 రోజులు ఎందుకు ఉత్తమమైనవి, ఈ సమయంలో ముస్లింలు ఏం చేస్తారు?

Nindu Noorella Saavasam Serial Today October 22nd: ‘నిండు నూరేళ్ల సావాసం’ సీరియల్‌: మనోహరి పాటకు జడుసుకున్న పిల్లలు – షాకైన సరస్వతి వార్డెన్‌

Sudhakar Mansetty — Thu, 22 Oct 2026 08:39:23 +0530

Nindu Noorella Saavasam Serial Today Episode: ఆశ్రమంలో ఉన్న మనోహరి పిల్లలు గోల గోల చేస్తుంటే చిరాకుగా చూస్తూ.. చ నాకు సెపరేట్‌ రూం ఇస్తానని చెప్పి ఇప్పుడు ఈ పిల్లల రూంలో పడేశారు. నాకేమో తలనొప్పి వస్తుంది ఇప్పుడెలా అని బాధపడుతుంది. అప్పుడే అక్కడకు రాజు వెళ్తాడు. ఏంటమ్మా మనోహరి పిల్లలింకా పడుకోలేదు నువ్వేం చేస్తున్నావు అని అడుగుతాడు.

రాజును తిట్టిన మనోహరి – వార్నింగ్‌ ఇచ్చిన రాజు

ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!

మనోహరియా..? నిన్నటి వరకు మనోహరి గారు అని గౌరవంగా పిలిచేవాడివి.. ఇప్పుడేంటి పేరు పెట్టి పిలుస్తున్నావు అంటూ కోపంగా అడిగితే.. నేను నీకంటే పెద్దవాణ్ని అమ్మా నాకు ఈ పిల్లలు ఎలాగో నువ్వు అలాగే అయినా ఒకప్పుడు నువ్వు కూడా ఇక్కడే పెరిగావు కదా అంటే.. ఇక్కడే పెరిగితే నాకు గౌరవం ఇవ్వరా..? అంటూ కోప్పడుతుంటే.. సరస్వతి వార్డెన్‌ వస్తుంది. ఎందుకు ఇవ్వాలి మనోహరి నువ్వేం సాధించావని నిన్ను గౌరవించాలి ఇది ఆశ్రమం ఇక్కడ అందరూ సమానమే అయినా పిల్లల్ని పడుకోబెట్టకుండా నువ్వేం చేస్తున్నావు అని అడిగితే.. నేను పిల్లలను పడుకోబెట్టాలా..? ఉదయం నుంచి నాచేత చేయించిన చాకిరి చాలదా..? ఈ పిల్లలన్ని కూడా నేనే పడుకోబెట్టాలా..? అని అడుగుతుంది.

మనోహరికి గతం గుర్తు చేసిన వార్డెన్‌

నీ చిన్నప్పుడు నిన్ను ఎవరు పడుకోబెట్టారు అని సరస్వతి వార్డెన్‌ అడుగుతుంది. నువ్వే.. మీరే అని మనోహరి చెబితే.. ఇప్పుడు నువ్వు ఆ పని చేయాలి. ఈ పిల్లల్ని నువ్వే నిద్దుర పుచ్చాలి అంటే.. నేను ఇక్కడ వార్డెన్‌ కాదు అంటుంది మనోహరి. నువ్వు ఇక్కడ స్టూడెంట్‌ కూడా కాదు కదమ్మా అంటాడు రాజు. అలాగని గెస్ట్‌వు కూడా కాదు సొంత గూటికి తిరిగి వచ్చిన ఓల్డ్‌ స్టూడెంట్‌వి సో ఒక సీనియర్‌గా ఈ జూనియర్స్‌ను నువ్వే చూసుకోవాలి అని చెప్పగానే.. అవునమ్మా అప్పుడు సరస్వతి మేడం ఈ పిల్లలకు అమ్మ అయినట్టు నువ్వు ఈ పిల్లలకు అక్క అవ్వాలి అని చెప్తాడు రాజు. నిద్ర పుచ్చను అంటే ఏం చేస్తారు నన్ను తీసుకొచ్చిన నన్స్‌తో చెప్తారా..? అంటే మేము పనిగట్టుకుని చెప్పాల్సిన అవసరం లేదు అదిగో అంతా ఆ సీసీటీవీ కెమెరాలే చూసుకుంటాయి. అమరేంద్ర గారికి ఆ కెమెరా యాక్సెస్‌ ఇచ్చాము ఆయన ఈ పాటికి చూస్తూ ఉంటారు అంటూ వార్డెన్‌ చెప్తుంది.

వార్డెన్‌ను తిట్టుకున్న మనోహరి

ALSO READ: నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త

మనోహరి భయంగా చూస్తూ… ఓసి దొంగముఖం దానా ఆ విషయం ముందే చెప్పొచ్చు కదే అని మనసులో అనుకుంటుంది. అప్పుడే రాజు ఏం మనోహరి ఇప్పుడు కూడా పిల్లలను నిద్ర పుచ్చవా..? అని అడిగితే మనోహరి కోపంగా ఏయ్‌ పిల్లలు మర్యాదగా నిద్ర పోండి అంటుంది. దీంతో సరస్వతి వార్డెన్‌ ఏంటి బెదిరిస్తున్నావు.. అప్పట్లో నేను నిన్ను ఎంత ప్రేమగా లాలించి బుజ్జగించి నిద్రపుచ్చేదాన్ని అంటే.. నువ్వు కూడా అలాగే నిద్రపుచ్చాలి మనోహరి అని రాజు చెబితే అలాగే రాజు గారు అంటూ.. ఆల్‌రెడీ అమర్‌ చూస్తున్నాడేమో.. పిల్లలను బుజ్జగించి పడుకోబెట్టి అమర్‌ దృష్టిలో మంచిదాన్ని అయిపోవాలి అని మనసులో అనుకుంటూ పిల్లలు టైం అయింది కదా ఇక త్వరగా పడుకుని త్వరగా నిద్ర లేవాలి అని మనోహరి చెబితే.. అలా ఊరికే పడుకోమంటే ఎలా అక్కా అంటారు పిల్లలు మరి ఎలా పడుకుంటారు అని మనోహరి అడుగుతుంది.

పాట పాడిన మనోహరి – జడుసుకున్న పిల్లలు, రాజు

జోలపాట పాడమని చెప్తారు పిల్లలు.. నాకు జోల పాట రాదు కానీ ఏదో ఒక పాట పాడుతాను మీరు పడుకోండి అని మనోహరి చెబితే పిల్లలు పడుకుంటారు. మనోహరి పాట పాడుతుంది ఆ పాటకు పిల్లలు ఉలిక్కిపడి నిద్ర లేస్తారు. అక్కడే ఉన్న రాజు, సరస్వతి కూడా పాట విని జడుసుకుంటారు. మనోహరి పాట ఆపేసి ఏమైంది లేచారు అని అడుగుతుంది. అందుకు పిల్లలు అక్కా నువ్వు పాట పాడకపోయినా మంచిది. మాకు ఏ పాట అవసరం లేదు నిద్రపోతాము అంటూ పడుకుంటారు. సరస్వతి వార్డెన్‌ వాళ్లు నిద్రపోతారు. నువ్వు కూడా పడుకుని పొద్దున్నే త్వరగా నిద్ర లేవాలి మనోహరి అంటూ చెబితే.. లేచి ఏం చేయాలి వాళ్లతో యోగా చేయించాలా..? అంటే అది నేను చేస్తానమ్మా నువ్వు పిండి రుబ్బి.. చట్నీ సాంబారు రెడీ చేసి పిల్లలకు టిఫిన్‌ చేయాలి మేడం మనం వెళ్దాం పదండి అంటూ రాజు, వార్డెన్‌ను తీసుకుని వెళ్లిపోతాడు. ఇంతలో ఇవాళ్టీ నిండు నూరేళ్ల సావాసం సీరియల్‌ ఏపిసోడ్‌ అయిపోతుంది.