Brahmamudi Serial Today Episode: రాజ్, కావ్యలు మినిస్టర్ వాళ్ల పాపకు ఆపరేషన్ చేయించడానికి హాస్పిటల్కు వెళ్తారు. హాస్పిటల్ లో పాపను తీసుకుని డాక్టర్లు ఆపరేషన్ థియేటర్లోకి వెళ్తుంటే కావ్య ఏడుస్తుంది.
కావ్య: నా పాప ఇంకోకరి ఒడిలో క్షేమంగా ఉందని నాకు తెలుసు, అయినా ఈ నెల రోజులు నా రక్తం పంచుకున్న బిడ్డ దూరమైపోయింది. ఇప్పుడు ఇంకొక పాపని ఈ చేతులతో ఆపరేషన్ కోసం పంపించాను, ఏదైనా జరగరానిది.. జరిగితే పాప తిరిగి రాకపోతే, ఈ బిడ్డను కన్నతల్లికి ఏ సమాధానం చెబుతాం. శాశ్వతంగా బిడ్డ దూరమైందని చెబితే ఆ తల్లి ఎలా తట్టుకుంటుంది?
రాజ్: నువ్వు నీ బిడ్డ కోసం ఎంత తపిస్తున్నావో? ఈ బిడ్డను తన కన్నతల్లి దగ్గరికి చేర్చాలని అంతకంటే ఎక్కువగా ఆశపడుతున్నావు. నీ పేగు బంధం గట్టిది కాబట్టి.. నీ బిడ్డ ఎక్కడుందో తెలిసింది, నీ బిడ్డ నీ చుట్టూనే తిరుగుతోంది. అలాగే ఆ తల్లి అమ్మతనమే ఈ బిడ్డ ప్రాణాన్ని నిలబెడుతుంది, అమ్మకి దగ్గర చేస్తుంది
అంటూ ఓదారుస్తుంటాడు రాజ్. ఇక రుద్రాణి రౌడీలకు ఫోన్ చేసి హాస్పిటల్లో ఉన్న పాపను చంపేయాలని చెప్తుంది. కానీ తాము ఆపరేషన్ థియేటర్లోకి ఎలా వెళ్లాలని అడుగుతారు. అక్కడ ఒక నర్సు మీకు హెల్ప్ చేస్తుందని చెప్పి వెంటనే నర్సు నీలవేణికి కాల్ చేస్తుంది రుద్రాణి.
రుద్రాణి: నీలవేణి నాకు ఒక సాయం కావాలి చేస్తావా..?
నీలవేణి: ఒకసారి మినిస్టర్ గారికి సాయం చేసి ఇరుక్కుపోయాను, ఆ కావ్య గారు మంచోళ్లు కాబట్టి కొట్టి వదిలేశారు ఇక నేనే సాయం చేయలేను
రుద్రాణి: ఈసారి నువ్వు అంత రిస్క్ చేయాల్సి పనిలేదు.. ఆపరేషన్ థియేటర్లోకి నా మనుషుల్ని తీసుకెళ్తే సరి నీకు ఎంత డబ్బు కావాలంటే అంత ఇస్తాను
నీలవేణి: నాకు ఏ డబ్బు వద్దు.. మళ్లీ మీరు పాపకి ప్రమాదం తలపెట్టబోతున్నారని నాకు అర్థం అవుతుంది. ఈసారి నన్ను ఈ గొడవలోకి లాగొద్దు మేడం
రుద్రాణి: ఇప్పుడు నేను చెప్పింది నువ్వు చేయకపోతే .. నా మనుషులు హాస్పిటల్ కన్నా ముందు నీ ఇంటికి వెళ్తారు. నీ పిల్లలు ఈరోజు స్కూల్కి వెళ్లలేదనుకుంటా.. చూడు నేను ఏదైనా ఫస్ట్ అడుగుతాను, వినకపోతే ఇలాగే బెదిరిస్తాను..
నీలవేణి: సరే మేడం నేను మీకు హెల్ప్ చేస్తాను. నా పిల్లల జోలికి వెళ్లకండ. ఇంతకీ ఆ పాపను ఏం చేయబోతున్నారు మేడం.
రుద్రాణి: శాశ్వతంగా ఈ భూమ్మీదే లేకుండా చేయబోతున్నాము
అని చెప్పగానే.. సరే మేడం కానీ నా పేరు బయటకు రాకుండా మీరే చూసుకోవాలి అంటూ కాల్ కట్ చేసి కంగారుగా బయట ఉన్న రాజ్, కావ్యల దగ్గరకు వెళ్తుంది నీలవేణి. విషయం మొత్తం చెప్తుంది. దీంతో రాజ్, కావ్య కంగారు పడతారు. ఇంతలో ఆపరేషన్ సక్సెస్ అయిందని డాక్టర్ బయటకు వచ్చి చెప్తుంది. దీంతో రాజ్ అంతా తాను చూసుకుంటానని చెప్తాడు. తర్వాత రుద్రాణి మనుషులు హాస్పిటల్కు రావడం చూసిన నీలవేణి, రాజ్కు ఫోన్ చేసి చెప్తుంది. రాజ్ వెళ్లి వాళ్లతో ఫైట్ చేస్తుంటాడు. మరోవైపు రుద్రాణి, మినిస్టర్ దగ్గరకు వెళ్లి తాన పాపన చంపడానికి రౌడీలను పంపినట్టు చెబితే మినిస్టర్ కోపంగా రుద్రాణిని కొట్టి హాస్పిటల్కు వెళ్తాడు. ఒక రౌడీ కత్తితో రాజ్ను పొడవబోతుంటే మినిస్టర్ అడ్డుగా వెళ్తాడు. ఇంతలో ఇవాళ్టీ ఏపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!