Brahmamudi Serial Today Episode: హాస్పిటల్ ఆపరేషన్ థియేటర్లో ఉన్న పాపను కొందరు చంపాలను చూస్తున్నారు అని నర్సు నీలవేణి రాజ్, కావ్యలకు చెప్పగానే వాళ్లు షాక్ అవుతారు. రాజ్ కూల్గా అంతా నేను చూసుకుంటాను నువ్వు వెళ్లి మన వాళ్లను ఇంటికి పంపించు అని చెప్తాడు. కావ్య సరే అంటూ వెళ్తుంది. నీలవేణి వెళ్లపోతుంది. తర్వాత రౌడీలు హాస్పిటల్ లోకి వస్తారు. వాళ్లను చూసిన నీలవేణి రాజ్ కు ఫోన్ చేసి చెప్తుంది. రాజ్ పాపను మార్చేసి ఉంటాడు. ఆపరేషన్ థియేటర్లో పాప లేకపోవడంతో రౌడీలు షాక్ అవుతారు. ఇంతో రాజ్ వచ్చి వారితో ఫైట్ చేస్తుంటాడు. ఒక రౌడీ కత్తితో పొడవబోతుంటే కావ్య అడ్డు పడుతుంది. కావ్యకు గాయం అయి బ్లడ్ వస్తుంది. అప్పుడే మినిస్టర్ ధర్మేంద్ర వచ్చి రౌడీలను అక్కడి నుంచి వెళ్లగొడతాడు. మినిస్టర్ ను చూసిన కావ్య, రాజ్ కోపంతో రగిలిపోతుంటారు.
రాజ్: కన్నకూతురిని చంపుకోవాలని అనుకున్నావా? నువ్వు అసలు తండ్రివేనా? నీ భార్య సంతోషం కోసం బిడ్డల్ని మార్చావు.. నీకు వారసురాలు కావాలని నా భార్యకు బిడ్డను దూరం చేశావు.. ఇప్పుడు శాశ్వతంగా మా బిడ్డ మీ దగ్గరే ఉండాలని చివరికి కన్నకూతురిని కూడా చంపుకోవాలని అనుకున్నావా
మినిస్టర్: నన్ను క్షమించండి రాజ్, కావ్య అసలు మిమ్మల్ని క్షమించమని అడిగే అర్హత కూడా లేని పాపాత్ముడిని, మీరు నన్ను క్షమించడం కాదు నరికేయండి
కావ్య: నిన్ను క్షమించడం కాదు.. నీ లాంటి వాడి నీడ మా మీద పడ్డా మాకు పాపం చుట్టుకుంటుంది
మినిస్టర్: మా ఆనందం కోసం మిమ్మల్ని ఏడిపించిన రాక్షసుడిని. కానీ ఆ రాక్షసత్వం ఈరోజు నీ మాతృత్వం ముందు ఓడిపోయింది. నేను చేసింది తప్పు కాదు నేరం. నా భార్యను బతికించుకోవడం కోసం నీ అమ్మతనాన్ని బలి చేశాను, స్వార్ధంగా ఆలోచించాను. మనసులో మరో తల్లికి అన్యాయం చేస్తున్నాను అనిపించినా... నా స్వార్ధం, నా భార్య ఆనందం దానిని చూడనివ్వకుండా చేసింది. అందుకే కళ్లు తెరిచి మీ ముందు ఇలా దోషిగా నిలబడ్డాను. మీకు ఏ సంబంధం లేని బిడ్డ కోసం ప్రాణాలు ఇవ్వడానికి కూడా సిద్ధపడ్డారు.. నా పాపని కాపాడటానికి ఆరాటపడ్డారు. కానీ నేను నా కన్నకూతురిని చంపడానికి సిద్ధపడ్డాను, నేను తండ్రినని చెప్పుకునే అర్హత కూడా నాకు లేదు.. నా పాపకి ఉన్న ఆరోగ్య సమస్య తెలిసి భయపడ్డాను.. నా భార్య ఏమైపోతుందోనని బెదిరిపోయాను. పిల్లల్ని మార్చేస్తే నా ఇల్లు వెలిగిపోతుందని అనుకున్నానే కానీ ఓ తల్లి పేగు బంధాన్ని తెంచేస్తే అది చీకటిగా అయిపోతుందని ఇప్పుడే అర్ధమైంది.. నన్ను క్షమించండి.. మీరు పడ్డ బాధకి, అనుభవించిన క్షోభకు కారణం నేనే.. అందుకు మీరు ఏ శిక్ష వేసినా నేను తలవంచుతాను
అని చెప్తుంటే తులసి మొత్తం వింటుంది. కోపంగా మినిస్టర్ ను చూస్తుంది.
తులసి: నా ఒడిలో ఉన్నది ఎవరి బిడ్డ.. నాకు బిడ్డ పుట్టలేదా? కన్నబిడ్డను మార్చి ఆ తల్లికి అన్యాయం చేసింది మీరేనా..
ధర్మేంద్ర: నేను ఇదంతా నీకోసమే చేశాను తులసి. పుట్టగానే మన బిడ్డకు గుండె సమస్య ఉందని తెలిసింది. అది నీకు తెలిస్తే నువ్వు దక్కవని భయపడి బిడ్డని మార్చేశాను
తులసి: మీరు చాలా పాపం చేశారు.. ఇలా నా ప్రాణాన్ని కాపాడే బదులు నాకు విషమిచ్చి చంపితే నాకింత బాధగా ఉండేది కాదు
తర్వాత కావ్యకు సారీ చెప్పి తన చేతిలోని కావ్య బిడ్డను కావ్యకు ఇస్తుంది. కావ్య కూడా తులసిని నువ్వు చాలా గొప్పదానివి అంటుంది. తర్వాత కావ్య తన బిడ్డను తీసుకుని ఇంటికి వెళ్తుంది. మరోవైపు ఆ మినిస్టర్ వెనక ఉండి నడిపించింది నువ్వే అని బయటకు తెలియకుండా జాగ్రత్త పడు మమ్మీ అంటూ రుద్రాణికి వార్నింగ్ ఇస్తాడు. రాహుల్. ఇంతలో ఇవాళ్టీ ఏపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!