Brahmamudi Serial Today Episode: కావ్య ఏడుస్తూ బయటకు వెళ్లడం చూసిన రుద్రాణి ఇది ఇలా పరుగెట్టుకుంటూ వెళ్తుందంటే ఆ రాజ్ కు ఏదో జరిగినట్టు ఉంది. అని మనసులో అనుకుంటూ కావ్యను తిడుతుంది. అప్పుడే కిందకు వచ్చిన ఇందిరాదేవి కోపంగా రుద్రాణిని తిడుతుంది.
రుద్రాణి: రాజ్ ఇంట్లోంచి వెళ్లిపోవడానికి కారణం కావ్య.. తప్పులన్నీ కావ్య చేస్తే నువ్వు నన్ను తిడతావేంటి..? అయినా ఇప్పడు అంత పెద్ద తప్పు నేనేం చేశాను
ఇందిరాదేవి: నువ్వు పుట్టడమే పెద్ద తప్పు. కాసేపు నోరు మూసుకుని సైలెంట్గా ఉండు. లేదంటే నీ గదిలోకి వెళ్లు నా మనవరాలు కన్నీళ్లు పెట్టుకుంటూ వెళ్లింది అక్కడ ఏదో జరిగింది అని కాదు.. నా మనవడు దొరికాడు.
అందరూ హ్యాపీగా ఫీలవుతారు. రుద్రాణి షాక్ అవుతుంది.
సుభాష్: ఏంటమ్మా నువ్వు చెప్పేది రాజ్ దొరికాడా..?
అపర్ణ: అవునండి ఇందాకే కావ్యకు వాళ్ల ఫ్రెండ్ ఎవరో ఫోన్ చేసి చెప్పారు.. అందుకే అది అంత ఆగమేఘాల మీద వెళ్లింది
కళ్యాణ్: ఇతకీ అన్నయ్య ఎక్కడ ఉన్నాడంట పెద్దమ్మ
అపర్ణ: వాళ్ల ఫ్రెండ్ దగ్గరే ఉన్నాడంట కళ్యాణ్
సుభాష్: అయితే వెంటనే కావ్యకు ఫోన్ చేసి అడ్రస్ పెట్టమను.. మనం కూడా వెళ్దాం
అపర్ణ: ఉండండి ఫోన్ తీసుకోస్తాను
ఇందిరాదేవి: వద్దు అపర్ణ ఆగు..
ప్రకాష్: ఎందుకమ్మా అడ్రస్ పెడితే మనం అందరం కూడా వెళ్తాం కదా
ఇందిరాదేవి: నా మనవడు అందిరి మీద అలిగి వెళితే అందరం వెళ్లి తీసుకొచ్చే వాళ్లం. ఈ టైంలో మనం అక్కడికి వెళితే వాడు దానితో సరిగ్గా మాట్లాడలేడు..
సుభాష్: అవును అమ్మా అయితే ఇక రాజ్కు నిజం చెప్పేద్దాం..
అపర్ణ: ఏమంటున్నారు అండీ మీరు
సుభాష్: అవును అపర్ణ ఇవాళ కావ్య తన ప్రేమను యాక్సెప్ట్ చేయలేదనే అలిగి వెళ్లిపోయాడు. రేపు మనమే వాడి పేరెంట్స్ అని తెలుసుకుంటే మన మీద ఎంత అలుగుతాడో ఏంటో ఆలోచించండి.. అందుకే నిజం చెప్పేద్దాం
అనగానే అందరూ ఆలోచిస్తుంటారు. రుద్రాణి మాత్రం వెంటనే ఈ విషయం యామినికి చెప్పాలని పక్కకు వెళ్లి ఫోన్ చేసి చెప్తుంది. మరోవైపు రేవతి ఇంటికి వెళ్లిన కావ్య కంగారుగా రాజ్ ఎక్కడున్నాడు అని అడుగుతుంది. రేవతి లోపలికి తీసుకెళ్తుంది.
కావ్య: సరిపోయిందా..? ఇంకా పెద్ద యాక్సిడెంట్ చేసుకోవాల్సింది. ఇంకా రెండు మూడు కట్లు కట్టేవారు కదా
రాజ్: అవసరం అయితే తగిలించుకుంటాను.. మీకెందుకు అయినా మీరెందుకు ఇక్కడకు వచ్చారు.. అక్కా నేను చెప్పాను కదా చెప్పకూడదు అని నీకు ఈ తమ్ముడి కంటే తనే ఎక్కువై పోయింది కదా..?
కావ్య: ఏంటి ఆవిడ మీద అరుస్తున్నారు.. తప్పు చేసింది మీరు.. చెప్పకుండా వెళ్లిపోయింది మీరు.. యాక్సిడెంట్ చేయించుకుంది మీరు.. దెబ్బలు తగిలించుకుంది మీరు..
రాజ్: అవును నాకే కదా యాక్సిడెంట్ జరిగింది నా వల్ల ఏదో మీకు యాక్సిడెంట్ జరిగినట్టు ఎందుకు గొడవ చేస్తున్నారు. నాకేం అయితే మీకెందుకు..? అసలు నేనెవరిని మీ లైఫ్లో
కావ్య: నాకు మీకు ఏ సంబంధం లేదా.?
రాజ్: లేదని నిన్న మీరే చెప్పారు కదా..? నేనెవరో దారిన పోయే దానయ్యను అని నాకేం అయితే మీకెందుకు
కావ్య: ఇలా అడదిడ్డంగా వాగారంటే చంపేస్తాను.. అసలు మీ గురించి మీరు ఏమనుకుంటున్నారు.. లవ్ ఫెయిల్ అయిందని ఏడ్చుకుంటూ వెళ్లి యాక్సిడెంట్ చేసుకోవడానికి.. రాత్రి నుంచి మీరు ఇంటికి రాలేదని యామిని చెప్పేసరికి నా గుండె ఆగినంత పనైంది. మీరు ఏమయ్యారో ఎక్కడున్నారో తెలియక నేను ఎంత టెన్షన్ పడ్డానో తెలుసా..? ఒక్క మాట ఫోన్ చేసి చెప్పి ఉంటే మీ ఆస్తులు ఏమైనా పోయేవా..? నేను తిడుతుంటే మీరు నవ్వుతున్నారేంటి..? గతంతో పాటు కామన్సెన్స్ కూడా మర్చిపోయారా..?
రాజ్: ఫస్ట్ టైం ఒక మనిషి మనల్ని తిడుతున్నా ఆనందంగానే ఉందండి. మీ మనసులో నా మీద ఇంత ప్రేమ పెట్టుకుని నిన్న ఎందుకు అలా మాట్లాడారు..? అసలు ఇష్టమే లేనట్టు ఎందుకు అలా ప్రవర్తించారు. మీరు అన్నట్టు నేను నిజంగానే పరాయి వాణ్ని అయింటే నాకు ఏం జరిగినా మీరు పట్టించుకునే వారే కాదు.. మీరు కూడా నన్ను ఇష్టపడుతున్నారు కాబట్టే ఇలా ఇంత దూరం వచ్చారు.
కావ్య: ఏవండి మీకు ఒక్కసారి చెబితే అర్థం కాదా.? నేను మిమ్మల్ని ప్రేమించడం లేదు
రాజ్: మరైతే ఎందుకు వచ్చారు వెళ్లిపోండి
కావ్య: వెళ్తాను కానీ నిన్ను తీసుకునే ఇక్కడి నుంచి వెళ్తాను.. మా అత్తయ్య.. అమ్మమ్మ వాళ్లు నీకోసం బాధపడుతున్నారు.. వాళ్ల కోసమే నిన్ను ఇక్కడి నుంచి తీసుకెళ్తాను
అంటూ బలవంతంగా రాజ్ను తీసుకుని వెళ్తుంది కావ్య. కట్లతో ఇంటిక వచ్చిన రాజ్ను చూసి అందరూ బాధపడతారు. ఎమోషనల్గా మట్లాడతారు. రాజ్ కూడా కావ్య ప్రేమించడం లేదని బాధపడతాడు. ఇంతలో యామిని వచ్చి లవ్లో ఫెయిల్ అయితే చనిపోవాలా బావ అంటూ మాట్లాడుతుంది. ఇంతలో ఇవాళ్టీ ఏపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!