Ammayi garu Serial Today Episode సూర్యప్రతాప్‌ని ఓడించడానికి పోస్టల్ బ్యాలెట్లును నొక్కేయాలని రేణుక, గౌతమ్‌లు వస్తారు. ఫుల్ సెక్యూరిటీ ఉండటం చూసి వాళ్లని డైవర్ట్ చేసి వాటిని దొంగిలించాలి అనుకుంటారు. దాంతో రేణుక తాను పోలీసుల్ని డైవర్ట్ చేస్తానని నువ్వు పోస్టల్ బ్యాలెట్లు నొక్కేయ్మని ప్లాన్ చెప్తుంది. గౌతమ్ వెనక వైపు వెళ్లగానే తన మెడలో గొలుసు తీసి నడుపులో దాచేసి దొంగ దొంగ అని పోలీసుల్ని అటుగా వచ్చేలా చేస్తుంది. బండి మీద వెళ్లే ఓ వ్యక్తిని చూపించి గొలుసు లాక్కెళ్లిపోయాడని అమ్మ చంపేస్తుందని డ్రామా చేస్తుంది. ఈలోపు గౌతమ్ వాటిని కొట్టేసి కారు డిక్కీలో పెట్టేస్తాడు.
ఎవరికీ అనుమానం రాని చోట దాయాలని అనుకుంటారు. అందుకు ఇద్దరూ కలిసి ఓ హోటల్‌కి బయల్దేరుతారు. మరోవైపు రూప నిద్ర పట్టడం లేదని రాజు మాత్రం బాగా నిద్రపోతుంటాడని అనుకుంటుంది. ఇంతలో రాజు ఫోన్ చేస్తాడు. రూప తాను నిద్రలో ఉన్నట్లు మాట్లాడుతుంది. రాజు రూపని ఇంటి టెర్రస్ మీదకు రమ్మని పిలుస్తాడు. రూప షాక్ అయిపోతుంది. కంగారుగానే వెళ్తుంది. పైన రాజుని రూప కలుస్తుంది. ఇక రాజు మేడ మీద క్యాండిల్ లైట్ డిన్నర్ ఏర్పాటు చేస్తాడు. రూప చాలా ఇంప్రెస్ అవుతుంది. చాలా సంతోషపడుతుంది. ఇద్దరూ కలిసి ఒకరికి ఒకరు తినిపించుకుంటారు. ఇక రూప లిప్స్‌కి స్వీట్ అతుక్కుంటే రాజు లిప్‌ కిస్ ఇస్తాడు. ఇక ఇద్దరూ హగ్ చేసుకుంటారు. రూప రాజుకు చాలా థ్యాంక్స్ చెప్తుంది.
ఇక మరోవైపు గౌతమ్, రేణుకలు హోటల్‌కి వచ్చేస్తారు. గౌతమ్ జీవన్ గెలుపు ఫిక్స్ అని అంటాడు. రాజు సూర్యప్రతాప్ వైపు ఉన్నాడని జీవన్ గెలుపు కష్టమే అని రేణుక అంటుంది. ఇంతలో గది కాలింగ్ బెల్ మోగితే గౌతమ్ డోర్ తీస్తే ఎదురుగా పోలీసులు ఉంటారు. వాళ్లని చూసి షాక్ అయిపోతారు ఇద్దరూ. మమల్ని ఎందుకు అరెస్ట్ చేస్తున్నారని అడిగితే అసాంఘిక కార్యక్రమాలు చేసిన వాళ్లని అరెస్ట్ చేస్తున్నామని అంటారు. గౌతమ్ పోలీసులతో మేం ఇపార్టెంట్ టాపిక్ మాట్లాడుతున్నామని అంటాడు. ఏంటి అని పోలీసులు అడిగితే బ్యాలెట్ బ్యాక్స్‌లు గురించి తెలిసిపోతే పెద్ద కేసు అవుతుందని గౌతమ్ పోలీసుల్ని డైవర్ట్ చేయడానికి పెళ్లి చేసుకుంటున్నామని ఇద్దరం లవర్స్ అని అంటాడు. దాంతో పోలీసులు తాళి తీసి షాక్ ఇస్తారు.
ఇద్దరూ ఒకరి ముఖం మరొకరు చూసుకుంటారు. తాళి కడితే ఓకే లేదంటే అరెస్ట్ చేసి పోలీస్‌ స్టేషన్కి తీసుకెళ్తానని పోలీసులు అంటారు. ఒకరితో ఒకరు మనసులో ఉత్తిత్తు పెళ్లి అని అనుకుంటారు. తప్పని పరిస్థితుల్లో గౌతమ్ రేణుక మెడలో తాళి కట్టేస్తాడు. ఇద్దరూ ముఖాలు మాడ్చుకుంటారు. పోలీసులు ఇద్దరినీ ఇంటికి వెళ్లమని చెప్పి వెళ్లిపోతారు. రేణుక లోపలికి వెళ్లి ఏడుస్తుంది. ఇలాంటి పనికి మాలిన హోటల్‌కి ఏంటి తీసుకొచ్చావ్ అని ఏడుస్తుంది. ఒకసార గొర్రెతో పెళ్లి అయిందని ఇప్పుడు నీతో అయిందని ఏడుస్తుంది. దీంతో ఇవాళ్టి ఎపిసోడ్ పూర్తయిపోతుంది.
Also Read: 'సీతే రాముడి కట్నం' సీరియల్: రాకేశ్ నిజస్వరూపం సీతకి చెప్పిన లక్ష్మీ.. నిశ్చితార్ధాన్ని సీత ఆపగలదా!