బన్నీతో రాజమౌళి సినిమా:
దర్శకధీరుడు రాజమౌళి డైరెక్ట్ చేసిన 'ఆర్ఆర్ఆర్' సినిమా ప్రేక్షకుల ముందుకు రానుంది. ఈ సినిమా రిలీజ్ తరువాత మహేష్ బాబుతో ఓ సినిమా చేయబోతున్నట్లు తెలుస్తోంది. ప్రస్తుతం కొన్ని లైన్స్ అనుకుంటున్నామని.. త్వరలోనే సినిమాను మొదలుపెడతామని అన్నారు. జేమ్స్ బాండ్ లాంటి కాన్సెప్ట్ తో ఈ సినిమా తెరకెక్కుతోందని అంటున్నారు. అయితే ఈ సినిమా తరువాత రాజమౌళి.. అల్లు అర్జున్ తో సినిమా చేసే ఛాన్స్ ఉందని అంటున్నారు. 'పుష్ప' సినిమాతో పాన్ ఇండియా ఇమేజ్ సంపాదించుకున్న బన్నీ వరుసగా పాన్ ఇండియా ప్రాజెక్ట్ లను లైన్ లో పెడుతున్నారు. ఈ క్రమంలో రాజమౌళితో ప్రాజెక్ట్ సెట్ చేసుకున్నట్లు సమాచారం.
చిరు ప్రాజెక్ట్ లో నివేతా:
మెగాస్టార్ చిరంజీవి, దర్శకుడు బాబీ కాంబినేషన్ లో ఓ సినిమా రూపొందుతోన్న సంగతి తెలిసిందే. ఈ సినిమా 'వాల్తేర్ వీరయ్య' అనే టైటిల్ ను పరిశీలిస్తున్నారు. ఈ సినిమాలో శృతిహాసన్ ను హీరోయిన్ గా తీసుకున్నారు. ఇప్పుడు సెకండ్ హీరోయిన్ గా నివేతా పేతురాజ్ ని ఎన్నుకున్నట్లు తెలుస్తోంది. ఈ సినిమాలో కీలకపాత్ర పోషిస్తోన్న రవితేజకి జంటగా నివేతా కనిపించనుందని సమాచారం. మైత్రి మూవీ మేకర్స్ బ్యానర్ పై భారీ బడ్జెట్ తో సినిమాను తెరకెక్కిస్తున్నారు. మరి ఈ సినిమా నివేతా కెరీర్ కి ఎంతవరకు హెల్ప్ అవుతుందో చూడాలి!