దగ్గుబాటి రానా, సాయి పల్లవి ప్రధాన పాత్రల్లో నటించిన సినిమా 'విరాటపర్వం'. ఈ సినిమాను వేణు ఊడుగుల డైరెక్ట్ చేశారు. సురేష్ ప్రొడక్షన్స్ బ్యానర్ పై ఈ సినిమాను తెరకెక్కించారు. గతేడాది వేసవిలో రావాల్సిన ఈ సినిమా కరోనా కారణంగా వాయిదాల మీద వాయిదా పడింది. ముందుగా జూలై 1న విడుదల చేయనున్నట్లు ప్రకటించారు. అయితే ఇప్పుడు కాస్త ముందుగా జూన్ 17న సినిమాను రిలీజ్ చేయబోతున్నారు.
దానికి తగ్గట్లుగా ప్రమోషన్స్ షురూ చేశారు. ముందుగా ఈ సినిమా నుంచి 'నగాదారిలో' అనే సాంగ్ ను రిలీజ్ చేశారు. ఇప్పుడు ట్రైలర్ ను విడుదల చేశారు. రానా రాసిన బుక్ చదివి ఇన్ఫ్లుయెన్స్ అయిన సాయిపల్లవి అతడిని ఎలాగైనా కలవాలనుకుంటుంది. నక్సలైట్ రవన్న గా రానా కనిపించారు.
ట్రైలర్ లో సన్నివేశాలన్నీ చాలా ఇంటెన్స్ గా ఉన్నాయి. రానాకి ఎలివేషన్స్ బాగా ఇచ్చారు. బ్యాక్ గ్రౌండ్ స్కోర్ మరో హైలైట్. 'ఒక యుద్ధం ఎన్నో ప్రాణాలు తీస్తుంది.. కానీ అదే యుద్ధం నాకు ప్రాణం పోసింది' అని సాయి పల్లవి చెప్పే డైలాగ్ ఆకట్టుకుంది. అలానే రానాతో కలిసి తుపాకీ పట్టుకొని సాయిపల్లవి షూట్ చేసే సన్నివేశాలు వేరే లెవెల్ లో ఉన్నాయి. సినిమాలో సాయిపల్లవి వెన్నెల అనే క్యారెక్టర్ లో కనిపించనుంది. దర్శకుడు ఆమె పాయింట్ ఆఫ్ వ్యూలోనే కథ చెప్పినట్లుగా ఉన్నారు.
నందితా దాస్, ప్రియమణి, నవీన్ చంద్ర, జరీనా వాహబ్, ఈశ్వరి రావు, సాయి చంద్ వంటి భారీ తారాగణం నటిస్తున్న ఈ సినిమాకు సురేష్ బొబ్బిలి సంగీతం అందిస్తున్నారు.
Also Read: 'మేజర్' సినిమాపై బన్నీ ప్రశంసలు - మహేష్ బాబు రియాక్షన్