Sri Chidambaram Garu OTT : ఓటీటీలోకి వచ్చేసిన 'శ్రీ చిదంబరం గారు' - నెల రోజుల్లోపే కొత్త మూవీ స్ట్రీమింగ్

Sri Chidambaram Garu Platform : రీసెంట్ రూరల్ లవ్ ఎంటర్టైనర్ 'శ్రీ చిదంబరం గారు' ఓటీటీలోకి వచ్చేసింది. ఈ నెల 6న ప్రేక్షకుల ముందుకు వచ్చిన మూవీ నెల రోజుల్లోపే అందుబాటులోకి వచ్చేసింది.

ఓటీటీలోకి వచ్చేసిన శ్రీ చిదంబరం గారు

Source : https://www.instagram.com/p/DVJNKmzkxZ3/?hl=en

Vamsi Tummala's Sri Chidambaram Garu OTT Streaming : యంగ్ హీరో వంశీ తుమ్మల, సంధ్య వశిష్ట ప్రధాన పాత్రల్లో నటించిన రీసెంట్ రూరల్ లవ్ ఎంటర్టైనర్ 'శ్రీ చిదంబరం గారు'. ఈ నెల 6న ప్రేక్షకుల ముందుకు వచ్చిన ఈ మూవీ మిక్స్‌డ్ టాక్ సొంతం చేసుకుంది. తాజాగా నెల రోజుల్లోపే ఓటీటీలోకి వచ్చేసింది.

ఎందులో స్ట్రీమింగ్ అంటే?

'శ్రీ చిదంబరం గారు' మూవీ ప్రముఖ ఓటీటీ 'ఈటీవీ విన్'లో స్ట్రీమింగ్ అవుతోంది. దాదాపు కొత్త యాక్టర్స్‌తో తీసిన మూవీ కాగా సోషల్ మీడియాలో ట్రెండ్ అయ్యింది. ఈ మూవీకి వినయ్ రత్నం దర్శకత్వం వహించగా... వంశీ, సంధ్యలతో పాటు గోపీనాథ్, శివకుమార్ మట్ట, అరుణ్ కుమార్, కల్పలత, తులసి నాయుడు, శంకర్రావు తదితరులు కీలకపాత్రలు పోషించారు. 'క' వంటి హిట్ మూవీస్ తీసిన 'శ్రీ చక్రాస్ ఎంటర్టైన్మెంట్' బ్యానర్‌పై చింతా వినీషా రెడ్డి, చింతా గోపాలకృష్ణా రెడ్డి నిర్మించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by ETV Win (@etvwin)

స్టోరీ ఏంటంటే?

చిన్నప్పటి నుంచీ సోలమన్ (వంశీ తుమ్మల) ఇన్ఫిరియారిటీ కాంప్లెక్స్‌తో సతమతం అవుతుంటాడు. తనకున్న మెల్ల కన్ను కారణంగా అందరూ అతన్ని అసలు పేరుతో కాకుండా చిదంబరం అని  పిలుస్తుంటారు. దీంతో తన కన్నే తనకు శాపంగా భావించిన అతను తన లోపాన్ని దాచి పెట్టేందుకు కళ్లద్దాలు ధరిస్తుంటాడు. చిన్నప్పుడే తండ్రి చనిపోవడంతో చదువు మధ్యలోనే ఆపేసి భవన నిర్మాణ కార్మికుడిగా వర్క్ చేస్తుంటాడు.

అలా తండ్రి చేసిన అప్పుల్ని ఒక్కొక్కటిగా తీరుస్తుంటాడు. అదే గ్రామానికి చెందిన లీల (సంధ్య వశిష్ట)ను లవ్ చేస్తాడు. కానీ తన ప్రేమ విషయాన్ని ఆమె ముందు చెప్పే ధైర్యం చేయడు. చివరకు ఎలాగోలా తన ప్రేమ విషయాన్ని బయటపెడతాడు సోలమన్. అయితే, తనను ప్రేమించడం కంటే ముందు నిన్ను నువ్వు ప్రేమించుకోమని సలహా ఇస్తుంది సంధ్య. కళ్లద్దాలు పెట్టుకోకుండా తిరగాలని చెబుతుంది. ఆ తర్వాత ఏం జరిగింది? తన ఆత్మ న్యూనతను పోగొట్టుకునేందుకు సోలమన్ ఎలాంటి నిర్ణయం తీసుకున్నాడు? ఫైనల్‌గా వీరిద్దరూ ఒక్కటయ్యారా? అనేది తెలియాలంటే మూవీ చూడాల్సిందే.

మరిన్ని చదవండి

కోడలు రష్మికకు విజయ్ దేవరకొండ తల్లి ఇచ్చిన గిఫ్ట్‌ ఏమిటో తెలుసా?