Sampradayini Suppini Suddapoosani OTT : ఓటీటీలోకి సాంప్రదాయనీ సుప్పినీ సుద్దపూసనీ - ఈటీవీ విన్‌లో కాదు... ఆ ప్లాట్ ఫాంలో స్ట్రీమింగ్, ఎప్పుడంటే?

Sampradayini Suppini Suddapoosani OTT Platform : శివాజీ, లయ ప్రధాన పాత్రల్లో నటించిన రీసెంట్ క్రైమ్ కామెడీ మూవీ సాంప్రదాయనీ సుప్పినీ సుద్దపూసనీ ఓటీటీలోకి వచ్చేస్తోంది.

ఓటీటీలోకి సాంప్రదాయనీ సుప్పినీ సుద్దపూసనీ

Source : https://www.instagram.com/p/DVffOKUiZ_Y/

Sivaji's Sampradayini Suppini Suddapoosani OTT Release Date Locked : హీరో శివాజీ, లయ ప్రధాన పాత్రలో నటించిన రీసెంట్ క్రైమ్ కామెడీ మూవీ 'సాంప్రదాయనీ సుప్పినీ సుద్దపూసనీ' ఓటీటీలోకి వచ్చేందుకు రెడీ అవుతోంది. ఈ మూవీ తొలుత ఓటీటీలోనే రిలీజ్ చేస్తారని అనుకున్నా ఈ నెల 6న థియేటర్లలో రిలీజ్ చేశారు. అయితే, అనుకున్నంత రెస్పాన్స్ రాలేదు. దాదాపు నెల రోజుల తర్వాత ఓటీటీలోకి రానుంది.

ఎప్పటి నుంచి స్ట్రీమింగ్ అంటే?

ఈ మూవీ ప్రముఖ తెలుగు ఓటీటీ 'ఈటీవీ విన్'లో ఏప్రిల్ 3 నుంచి స్ట్రీమింగ్ కానుంది. ఈ మేరకు అఫీషియల్ అనౌన్స్‌మెంట్ వచ్చేసింది. థియేటర్లలో మిక్స్‌డ్ టాక్ తెచ్చుకున్న మూవీ ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది. మూవీకి సుధీర్ శ్రీరామ్ దర్శకత్వం వహించగా... శివాజీ, లయలతో పాటు చైల్డ్ ఆర్టిస్ట్ రోహన్, అలీ, ధన్ రాజ్, రఘుబాబు, 30 ఇయర్స్ పృథ్వీరాజ్, ప్రిన్స్, జబర్దస్త్ ఇమ్మాన్యుయేల్, కరణ్ తదితరులు కీలకపాత్రలు పోషించారు. ఈటీవీ విన్ సమర్పణలో శివాజీ ప్రొడక్షన్స్ బ్యానర్‌పై శివాజీ మూవీని నిర్మించారు. వంశీ నందిపాటి, బన్నీ వాస్ రిలీజ్ చేశారు.

స్టోరీ ఏంటంటే?

స్టోరీ విషయానికొస్తే... శ్రీరామ్ (శివాజీ) నిజాయితీ గల పంచాయతీ సెక్రటరీ. కొత్తకోట సమీపంలోని హార్స్‌లీ హిల్స్‌లో భార్య ఉత్తర (లయ), కొడుకు బిట్టు అలియాస్ నితిన్ (రోహన్)తో కలిసి జీవిస్తుంటాడు. రీల్స్ పిచ్చితో కొడుకు చేసే తింగరి పనులకు శ్రీరామ్‌కు లేని పోని తలనొప్పులు వస్తుంటాయి. ఓ దీపావళి రోజున వాళ్ల ఇంటికి ఆ ఊరి ఎస్సై విక్రమ్ వాసుదేవ్ (ప్రిన్స్) వస్తాడు. అప్పటికే ఓ విషయంలో శ్రీరామ్‌తో గొడవ జరుగుతుంది.

ఓ రోజు శ్రీరామ్ ఇంట్లో లేని విషయం తెలుసుకున్న విక్రమ్... అతని ఇంటికి వెళ్లి ఉత్తరతో అసభ్యంగా ప్రవర్తిస్తాడు. దీంతో శ్రీరామ్ కొడుకు చేతిలో సదరు ఎస్సై హత్యకు గురవుతాడు. ఆ తర్వాత ఏమైంది? ఈ హత్య కేసు నుంచి తన ఫ్యామిలీని కాపాడుకునేందుకు శ్రీరామ్ ఏం చేశాడు? మూడో కంటికి తెలియకుండా ఆ శవాన్ని మాయం చేసేందుకు వాళ్లు ఏ ఇబ్బందులు పడ్డారు? నిజంగా ఆ హత్య శ్రీరామ్ కొడుకే చేశాడా? ఎమ్మెల్యే గ్యాంగ్ ఈ ఫ్యామిలీ వెంట పడడానికి కారణం ఏంటి? అనేది తెలియాలంటే మూవీ చూడాల్సిందే.

మరిన్ని చదవండి

యాంకర్ అనసూయపై అశ్లీల కంటెంట్ - నిందితుడి అరెస్ట్