OTT Releases This Week: రవితేజ BMWపై సస్పెన్స్... కానీ ఓటీటీలో ఈ వారం 15 సినిమాలు, కొత్త వెబ్ సిరీస్‌లు - సందడి వీటిదే

Telugu OTT Releases This Week: ఫిబ్రవరి 16వ తేదీ నుంచి 22 వరకు... వివిధ ఓటీటీల్లో స్ట్రీమింగ్ కానున్న కొత్త సినిమాలు, ఒరిజినల్ వెబ్ సిరీస్‌ల లిస్ట్ ఇది. ఈ వారం సందడి చేయబోయేవి ఏమిటో తెలుసుకోండి.

OTT Releases This Week: కొత్త సినిమాలు, వెబ్ సిరీస్ లతో సందడి! మీ ఫేవరెట్ మూవీ ఎప్పుడంటే?

Source : ABPLIVE AI

OTT Releases This Week Telugu: సంక్రాంతికి విడుదలైన సూపర్ హిట్ సినిమాలు అన్నీ ఓటీటీల్లోకి వచ్చాయి. ఒక్క మాస్ మహారాజా రవితేజ 'భర్త మహాశయులకు విజ్ఞప్తి' తప్పించి! ఆ సినిమా స్ట్రీమింగ్ రైట్స్ జీ5 దగ్గర ఉన్నాయి. ఫిబ్రవరి 20 నుంచి వీక్షకులకు అందుబాటులోకి వస్తుందని టాక్. అయితే కన్ఫర్మేషన్ లేదు. రవితేజ BMW Movie ఓటీటీ విడుదలపై సస్పెన్స్ నెలకొంది. అది తప్పిస్తే... ఈ వారం సుమారు 15 సినిమాలు, ఒరిజినల్ ఫిలిమ్స్, కొత్త వెబ్ సిరీస్‌లు స్ట్రీమింగ్ కానున్నాయి. ఆ లిస్ట్ ఇదిగో... ఇంకెందుకు ఆలస్యం, ఓ లుక్ వేయండి.

ఫిబ్రవరి 20 నుంచి జియో హాట్‌స్టార్‌లో...
డైరెక్టుగా ఓటీటీలోకి జీవీ ప్రకాష్ సినిమా!
Lucky The Superstar Streaming Date: జీవీ ప్రకాష్ కుమార్ హీరోగా నటించిన తమిళ్ కామెడీ డ్రామా 'లక్కీ ది సూపర్ స్టార్'. ఇందులో 'ఛాంపియన్', 'విత్ లవ్' ఫేమ్ అనశ్వర రాజన్ హీరోయిన్. కోవై సరళ, దేవదర్శిని ఇతర తారాగణం. ఓ కుక్క పిల్ల నేపథ్యంలో నడిచే కథతో తెరకెక్కించారు.

రాజకీయ నాయకులకు, కుక్కకు సంబంధం ఏమిటనేది ఫిబ్రవరి 20 నుంచి స్ట్రీమింగ్ అయ్యే సినిమా చూసి తెలుసుకోవాలి. ఈ చిత్రానికి హేషమ్ అబ్దుల్ వాహెబ్ సంగీతం అందించారు. థియేటర్లలో కాకుండా నేరుగా ఓటీటీలో రిలీజ్ అవుతున్న చిత్రమిది. తమిళంతో పాటు తెలుగు, హిందీ, మలయాళం, కన్నడ, మరాఠీ, బెంగాలీ భాషల్లో స్ట్రీమింగ్ కానుంది.

ఫిబ్రవరి 19 నుంచి 'శ్రీ చిదంబరం గారు'...
ఈటీవీ విన్ ఓటీటీలో డిఫరెంట్ సినిమా!
Sri Chidambaram Garu Streaming Date: ఫిబ్రవరి 6న థియేటర్లలో విడుదలైన తెలుగు సినిమా 'శ్రీ చిదంబరం గారు'. వంశీ తుమ్మల, సంధ్యా వశిష్ట జంటగా నటించారు. విమర్శకుల నుంచి మంచి ప్రశంసలు అందుకున్న చిత్రమిది. తనకు మెల్లకన్ను ఉందని ఆవేదన చెందే ఓ యువకుడు జీవితంలో ఏం తెలుసుకున్నాడు? అనేది కథ. ఫిబ్రవరి 19వ తేదీ నుంచి ఈటీవీ విన్ ఓటీటీలో స్ట్రీమింగ్ కానుందీ సినిమా.

 

 

 

 

 

View this post on Instagram

 

 

 

 

 

 

 

 

 

 

 

A post shared by ETV Win (@etvwin)

తెలుగులో విడుదలైన వారానికి ఓటీటీలోకి...
నెట్‌ఫిక్స్‌లోకి మలయాళ సినిమా 'చథా పచ్చ'
ఫిబ్రవరి 13న తెలుగునాట థియేటర్లలో విడుదలైన మలయాళ డబ్బింగ్ 'చథా పచ్చ'. మలయాళంలో జనవరి 22న విడుదల చేశారు. ట్విస్ట్ ఏమిటంటే... ఈ వారం, అంటే ఫిబ్రవరి 19 నుంచి నెట్‌ఫ్లిక్స్‌ ఓటీటీలో స్ట్రీమింగ్ కానుంది.

'చథా పచ్చ'లో అర్జున్ అశోకన్, రోషన్ మాథ్యూ, లక్ష్మీ మీనన్, విషాక్ నాయర్, సాయి కుమార్, సిద్ధిఖీ ప్రధాన తారాగణం. మలయాళంతో పాటు తెలుగు, తమిళ్, హిందీ, కన్నడ భాషల్లో స్ట్రీమింగ్ కానుంది.

• నెట్‌ఫ్లిక్స్‌ ఓటీటీలో ఫిబ్రవరి 16, 2026 నుంచి హాలీవుడ్ వెబ్ సిరీస్ 'రియాలిటీ చెక్: ఇన్ సైడ్ నెక్స్ట్ టాప్ మోడల్' స్ట్రీమింగ్ కానుంది.
• ఫిబ్రవరి 18, 2026 నుంచి 'బీయింగ్ గొర్డ్సన్ రాంసే' స్ట్రీమింగ్ కానుంది
• 'ది నైట్ ఏజెంట్' సిరీస్ సీజన్ 3 ఫిబ్రవరి 19, 2026 నుంచి స్ట్రీమింగ్ కానుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

జీ5లో కన్నడ సైకలాజికల్ థ్రిల్లర్ 'రాక్షస'
Raakshasa Web Series Streaming Date: జీ5 ఓటీటీ కోసం రూపొందిన ఒరిజినల్ వెబ్ సిరీస్ 'రాక్షస'. ఇదొక సైకలాజికల్ క్రైమ్ థ్రిల్లర్. మలప్రభ నదీ తీరంలో భయంకరమైన హత్యలు జరుగుతాయి. అందుకు కారణం ఓ మొసలి అని ప్రచారం జరుగుతుంది. అసలు నిజాన్ని పోలీసులు ఎలా వెలికి తీశారు? అనేది సినిమా. మొత్తం ఏడు  ఎపిసోడ్స్ ఉన్న 'రాక్షస'లో విజయ్ రాఘవేంద్ర ఎస్ఐ హనుమప్ప రోల్ చేశారు. ఫిబ్రవరి 20వ తేదీ నుంచి స్ట్రీమింగ్ కానుంది. 

ప్రైమ్ వీడియో ఓటీటీలో కార్తీక్ - అనన్య సినిమా
కార్తీక్ ఆర్యన్, అనన్య పాండే జంటగా నటించిన హిందీ సినిమా 'తూ మేరీ మై తేరా మై తేరా తూ మేరీ'. థియేటర్లలో డిజాస్టర్ రిజల్ట్ అందుకుంది. క్రిస్మస్ సందర్భంగా డిసెంబర్ 25న విడుదలైన ఈ సినిమా కొన్ని రోజుల క్రితం ఓటీటీలోకి వచ్చింది. అదీ రెంటల్ సిస్టమ్. ఇప్పుడు 20వ తేదీ నుంచి సబ్‌స్కైబర్లకు ఫ్రీగా స్ట్రీమింగ్ చేయనున్నారు. 

అనురాగ్ కశ్యప్ దర్శకత్వంలో సన్నీ సినిమా కూడా!
సన్నీ లియోన్ ప్రధాన పాత్రలో అనురాగ్ కశ్యప్ దర్శకత్వం వహించిన సినిమా 'కెన్నెడీ'. జీ5 ఓటీటీలో ఫిబ్రవరి 20 నుంచి స్ట్రీమింగ్ కానుంది. తెలుగులోనూ ఈ సినిమా వీక్షకులకు అందుబాటులో ఉంటుంది. 

• ఫిబ్రవరి 18, 2026వ తేదీ నుంచి ప్రైమ్ వీడియో ఓటీటీలో హాలీవుడ్ రొమాంటిక్ సినిమా '56 డేస్' స్ట్రీమింగ్ కానుంది.
• ప్రైమ్ వీడియోలో ఫిబ్రవరి 16, 2026 నుంచి 'లాస్ట్ వీక్ టునైట్ విత్ జానీ ఒలీవర్ సీజన్ 13' స్ట్రీమింగ్ కానుంది.
• సన్ నెక్స్ట్ ఓటీటీలో ఫిబ్రవరి 20వ తేదీ నుంచి 'అమోస్ అలెగ్జాండర్' స్ట్రీమింగ్ కానుంది.
• లయన్స్ గేట్ ఓటీటీలో ఫిబ్రవరి 22న 'బాఫ్టా' అవార్డుల కార్యక్రమం స్ట్రీమింగ్ అవుతుంది. 'హీటెడ్ రైవలరీ' స్ట్రీమింగ్ ఫిబ్రవరి 20న.