Mirage OTT: ఓటీటీలోకి 'దృశ్యం' డైరెక్టర్ క్రైమ్ థ్రిల్లర్ - తెలుగులోనూ చూసెయ్యండి... ఎప్పుడు, ఎందులో స్ట్రీమింగ్ అవుతుందంటే?

Mirage OTT Platform: 'దృశ్యం' డైరెక్టర్ క్రైమ్ థ్రిల్లర్ 'మిరాజ్' ఓటీటీలోకి రాబోతోంది. మలయాళం, తెలుగుతో పాటు దాదాపు 7 భాషల్లో స్ట్రీమింగ్ కానుంది.

ఓటీటీలోకి క్రైమ్ థ్రిల్లర్ 'మిరాజ్'

Source : https://www.instagram.com/p/DPwKst3CHrN/?hl=en

Asif Ali's Mirage OTT Release On Sonyliv: 'దృశ్యం'... ఈ పేరు వింటేనే మనకు ఓ మంచి మిస్టరీ థ్రిల్లర్ గుర్తొస్తుంది. జీతూ జోసెఫ్ దర్శకత్వం వహించిన ఈ మూవీ రిలీజ్ అయిన అన్నీ భాషల్లోనూ... ట్రెండ్ సెట్ చేసింది. ఈ ఫ్రాంచైజీలో వచ్చిన రెండో మూవీ కూడా బాక్సాఫీస్ వద్ద సక్సెస్ అందుకుంది. తాజాగా ఈ డైరెక్టర్ తెరకెక్కించిన మరో క్రైమ్ థ్రిల్లర్ 'మిరాజ్' ఓటీటీలోకి రానుంది. ఐఎండీబీలో మంచి రేటింగ్ సాధించిన ఈ మూవీ త్వరలోనే ఓటీటీలో స్ట్రీమింగ్ కానుంది.

ఎప్పుడు, ఎందులో స్ట్రీమింగ్ అంటే?

మలయాళ స్టార్ ఆసిఫ్ అలీ, 'ఆకాశమే హద్దురా' ఫేం అపర్ణ బాలమురళి ప్రధాన పాత్రల్లో నటించిన ఈ మూవీ సెప్టెంబర్ 19న ప్రేక్షకుల ముందుకు వచ్చి హిట్ టాక్ సొంతం చేసుకుంది. బాక్సాఫీస్ వద్ద మంచి వసూళ్లు సాధించింది. ఆసిఫ్, అపర్ణలతో పాటు హన్నా రేజీ కోషీ, అర్జున్ శ్యామ్ గోపన్, హకీమ్ షాజహాన్, సంపత్ కీలక పాత్రలు పోషించారు. 

ఈ మూవీ డిజిటల్ రైట్స్ ప్రముఖ ఓటీటీ 'సోనీ లివ్' సొంతం చేసుకోగా... ఈ నెల 20 నుంచి స్ట్రీమింగ్ కానుంది. 'ప్రతీ కథలోనూ రహస్యం దాగి ఉంటుంది. ఈ కథలో చాలా దాగి ఉంటుంది.' అంటూ క్యాప్షన్ ఇచ్చారు. మలయాళంతో పాటు తెలుగు, తమిళం, హిందీ, కన్నడ, బెంగాళీ, మరాఠీ భాషల్లో స్ట్రీమింగ్ కానుంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sony LIV (@sonylivindia)

స్టోరీ ఏంటంటే?

అభిరామి (అపర్ణ బాలమురళి), కిరణ్ (హకీమ్ షాజహాన్) లవర్స్. ఇద్దరూ పెళ్లి చేసుకుని కొత్త జీవితం ప్రారంభించాలని కలలు కంటుండగా... అభిరామికి పీఎస్ నుంచి ఓ ఫోన్ కాల్ వస్తుంది. ట్రైన్ యాక్సిడెంట్‌లో కిరణ్ చనిపోయాడని పోలీసులు చెబుతారు. దీంతో షాక్‌కు గురవుతుంది అభిరామి. అయితే, ఆ షాక్ నుంచి తేరుకోక ముందే ఓ హార్డ్ డిస్క్ గురించి అభిరామిని ప్రశ్నిస్తారు పోలీసులు. అది తమకు ఇవ్వాలంటూ ఇబ్బంది పెడతారు. వారితో పాటే కొందరు రౌడీల నుంచి కూడా ఆమెకు హార్డ్ డిస్క్ గురించి బెదిరింపులు వస్తాయి. 

అసలు ఆ హార్డ్ డిస్క్‌లో ఏముంది? కిరణ్ నిజంగా ట్రైన్ యాక్సిడెంట్‌లోనే చనిపోయాడా? హార్డ్ డిస్క్ వల్ల అభిరామికి ఎదురైన సమస్యలు ఏంటి? రౌడీలు, పోలీసుల బెదిరింపుల నుంచి ఆమె తనను తాను ఎలా కాపాడుకుంది.? అనేది తెలియాలంటే మూవీ చూడాల్సిందే.

మరిన్ని చదవండి

ట్రెండింగ్‌లో 'మీసాల పిల్ల' సాంగ్ - 'మన శంకరవరప్రసాద్ గారి' ఎనర్జీ డబుల్