Hotspot 2 Much OTT : ఒకే రోజు 6 ఓటీటీల్లోకి తమిళ బోల్డ్ మూవీ - రిలీజైన నెల రోజుల్లోపే స్ట్రీమింగ్

Hotspot 2 Much OTT Platform : గత నెల ప్రేక్షకుల ముందుకు వచ్చిన తమిళ మూవీ 'హాట్ స్పాట్ 2 మచ్' నెల రోజుల్లోపే ఓటీటీలోకి వచ్చేస్తోంది. ఒకే రోజు ఆరు ఓటీటీల్లో స్ట్రీమింగ్ కానుంది.

ఓటీటీలోకి హాట్ స్పాట్ 2 మచ్

Source : https://www.instagram.com/p/DUzjFNykn-g/?hl=en

Vignesh Karthick's Hotspot 2 Much OTT Release Date Locked : తమిళ మూవీస్ తెలుగులోనూ మంచి రెస్పాన్స్ అందుకుంటున్నాయి. అలా, 2024లో వచ్చిన తమిళ మూవీ 'హాట్ స్పాట్'. విఘ్నేష్ కార్తీక్ దర్శకత్వం వహించిన ఈ మూవీ సమాజంలో చర్చించడానికే భయపడే అంశాల నేపథ్యంలో డిఫరెంట్ కాన్సెప్ట్‌తో తెరకెక్కింది. అప్పట్లో విమర్శకుల ప్రశంసలు సైతం అందుకుంది. ఇప్పుడు దీనికి సీక్వెల్‌గా 'హాట్ స్పాట్ 2 మచ్' రిలీజ్ అయ్యింది.

ఆరు ఓటీటీల్లో స్ట్రీమింగ్

గత నెల 23న ప్రేక్షకుల ముందుకు వచ్చిన ఈ మూవీ మిక్స్‌డ్ టాక్ సొంతం చేసుకుంది. ఇప్పుడు తాజాగా నెల రోజుల్లోపే డిజిటల్ స్ట్రీమింగ్‌కు రెడీ అవుతోంది. ఒకే రోజు 6 ఓటీటీల్లో అందుబాటులోకి రానుంది. ఈ నెల 20 నుంచి అమెజాన్ ప్రైమ్ వీడియో, ఆహా తమిళం, లయన్స్ గేట్ ప్లే, సింప్లీ సౌత్, షార్ట్ ఫ్లిక్స్, ఏపీ ఇంటర్నేషనల్ సౌత్‌ల్లో స్ట్రీమింగ్ కానుంది.

ఈ మూవీకి కూడా విఘ్నేష్ కార్తీక్ దర్శకత్వం వహించగా... ప్రియా భవానీ శంకర్, ఎంఎస్ భాస్కర్, తంబి రామయ్య, రక్షాన్, అశ్విన్ కుమార్, ఆదిత్య భాస్కర్, భవానీ శ్రీ, సంజన తివారీ తదితరులు కీలకపాత్రలు పోషించారు. సతీష్ రఘునాథన్ మ్యూజిక్ అందించారు. ఫస్ట్ మూవీ హాట్ స్పాట్ 'ఆహా తమిళ్'లో అందుబాటులో ఉంది.

స్టోరీ ఏంటంటే?

ఈ మూవీ స్టోరీ విషయానికొస్తే... సినిమా హీరోల పట్ల అభిమానం పిచ్చిగా మారిపోతే ఎలాంటి పరిణామాలు నెలకొంటాయి అనేది ఒకటి. స్వలింగ సంపర్కుల వివాహం గురించి జరిగే చర్చ మరో స్టోరీలో చూపించారు. అలాగే, ఓ వ్యక్తి తనకు నచ్చిన బట్టలు వేసుకునే హక్కు, సమాజం చూసే చూపులు అనే కాన్సెప్ట్‌తో మూడో స్టోరీ తీశారు. అలా డిఫరెంట్ కాన్సెప్ట్స్‌తో ఈ మూవీని రూపొందించారు. మరి ఓటీటీలో ఎలాంటి రెస్పాన్స్ వస్తుందో చూడాల్సి ఉంది. 

మరిన్ని చదవండి

హీరోయిన్ త్రిష ఫైర్ - సారీ చెప్పిన బీజేపీ లీడర్... విజయ్‌పై విమర్శల కాంట్రవర్సీకి చెక్ పడేనా!