ott-webseries

Maharani Series Season 5 OTT : ఓటీటీలోకి మహారాణి సరికొత్త సీజన్ - గుండులో బాలీవుడ్ హీరోయిన్... ఎప్పుడు, ఎందులో స్ట్రీమింగ్ అంటే?

Ganesh Guptha — Thu, 12 Nov 2026 16:08:01 +0530

Huma Qureshi's Maharani Season 5 Web Series OTT Release Date Locked : ఓటీటీల్లో సూపర్ రెస్పాన్స్ అందుకున్న వెబ్ సిరీస్‌ల్లో 'మహారాణి' ఒకటి. బాలీవుడ్ స్టార్ హీరోయిన్ హుమా ఖురేషి ప్రధాన పాత్రలో నటించిన ఈ సిరీస్ 4 సీజన్స్ ఆడియన్స్‌ను అలరించాయి. తాజాగా ఈ పొలిటికల్ థ్రిల్లర్ సరికొత్త సీజన్ ఓటీటీలోకి రాబోతోంది. ఈ మేరకు అఫీషియల్ అనౌన్స్‌మెంట్ వచ్చేసింది.

ప్రోమో రిలీజ్

ఈ సిరీస్ ప్రోమో రిలీజ్ చేశారు మేకర్స్. సీఎం 'రాణి భారతి' పాత్రలో హుమా ఖురేషీ తన అద్భుతమైన నటనతో ఆకట్టుకున్నారు. సరికొత్త ప్రోమోలో సరికొత్త లుక్‌లో గుండులో కనిపించారు. గత సీజన్లలో రాజకీయ పరిణామాలు, అధికార పోరు, ఆసక్తికరమైన మలుపులతో అలరించిన ‘మహారాణి’ కొత్త సీజన్‌పై భారీ హైప్ క్రియేట్ అయ్యింది. గుండుతో హుమా ఖురేషీని చూసిన ఫ్యాన్స్, నెటిజన్స్... అసలు 'రాణి భారతి'కి ఏమైంది? కొత్త కథలో ఏ ట్విస్ట్ నెలకొంటుందో? అని కామెంట్స్ చేస్తున్నారు.

ఈ సిరీస్ ప్రముఖ ఓటీటీ 'సోనీ లివ్' (SonyLIV) సొంతం చేసుకోగా... ఫిబ్రవరి 2027 నుంచి స్ట్రీమింగ్ కానుంది. పునీత్ ప్రకాశ్ దర్శకత్వం వహించగా... హుమా ఖురేషీతో పాటు సోహమ్ షా, అమిత్ సియాల్, వినీత్ కుమార్ తదితరులు కీలక పాత్రల్లో నటిస్తున్నారు. నరేన్ కుమార్ నిర్మించారు. త్వరలోనే అఫీషియల్ రిలీజ్ డేట్ అనౌన్స్ చేయనున్నారు.

Also Read : Anirudh Ravichander Kavya Maran : అనిరుధ్ కావ్య మారన్ వెడ్డింగ్ ఫోటోస్ - గ్రీస్‌లో గ్రాండ్‌గా సంబరాలు

స్టోరీ ఏంటంటే?

గత సీజన్‌లో రాణి భారతి తన కుమారుడు జై హత్యతో తీవ్ర విషాదంలో మునిగిపోతుంది. అతడి శరీరంపై 39 బుల్లెట్ గాయాలున్న విషయాన్ని గుర్తు చేసుకుంటూ, తన కొడుకును చంపిన వారిపై ప్రతీకారం తీర్చుకోవాలని నిర్ణయించుకుంటుంది. ఈసారి రాణి భారతి ప్రయాణం కేవలం రాజకీయాలకే పరిమితం కాకుండా వ్యక్తిగత ప్రతీకారం చుట్టూ తిరగనుంది. తన కొడుకు మరణానికి కారణమైన వారిని గుర్తించి వారికి శిక్ష పడేలా చేయాలని ఆమె ప్రయత్నిస్తుంది. మరోవైపు బీహార్ రాజకీయాలు, ఢిల్లీ అధికార వర్గాల్లో జరిగే పరిణామాలు కూడా కథలో కీలకంగా ఉండనున్నాయి.

Also Read : Alcohol Release Date : అల్లరి నరేష్ ఆల్కహాల్ - ఏడాది తర్వాత న్యూ రిలీజ్ డేట్ ఫిక్స్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Baththa Movie OTT : ఓటీటీలో విజయ్ సేతుపతి కొత్త మూవీ రికార్డ్ - 48 లక్షల వ్యూస్‌తో ట్రెండింగ్‌లో బత్తా... ఎందుకు చూడాలంటే?

Ganesh Guptha — Thu, 12 Nov 2026 11:45:59 +0530

Vijay Sethupathi's Baththa OTT Streaming Top Trending : తమిళ సినిమాలకు తెలుగులోనూ సూపర్ క్రేజ్ ఉంది. కోలీవుడ్ స్టార్ హీరో విజయ్ సేతుపతి ప్రధాన పాత్రలో నటించిన కామెడీ డ్రామా బత్తా (Baththa). అక్టోబర్ 1న థియేటర్లలోకి వచ్చిన ఈ మూవీ పాజిటివ్ టాక్ సొంతం చేసుకుంది. ఇప్పుడు ఓటీటీలోనూ అదరగొడుతోంది. అక్టోబర్ 29 నుంచి స్ట్రీమింగ్ అవుతోన్న ఈ మూవీ ఏకంగా 48 లక్షల వ్యూస్ తో రికార్డు క్రియేట్ చేసింది. ప్రస్తుతం ఈ మూవీ ఇండియాతో సహా మొత్తం 12 దేశాల్లో టాప్ ట్రెండింగ్ లో నిలిచింది.

ఎందులో స్ట్రీమింగ్ అంటే?

ఇంటర్నేషనల్ ఓటీటీ నెట్ ఫ్లిక్స్ (netflix)లో తమిళం తోపాటు తెలుగు, హిందీ, కన్నడ, మలయాళం భాషల్లో స్ట్రీమింగ్ అవుతోంది. ఐఎండీబీలోనూ 9.1 రేటింగ్ దక్కించుకుంది. ఈ మూవీకి బాలాజీ తరణీధరన్ దర్శకత్వం వహించగా... విజయ్ సేతుపతితో పాటు అర్జున్ చిదంబరం, లిజోమోల్ జోస్, సాయి పృథ్వీరాజ్, అజయ్ ఘోష్, విష్ణు గోవిందన్ తదితరులు కీలకపాత్రలు పోషించారు. సాయి అభ్యంకర్ మ్యూజిక్ అందించగా... మురాద్ ఖేతాని, ప్రియా అట్లీ, అలోక్ జైన్, అజిత్ అంధారే నిర్మించారు.

Also Read : Romantic Drama Series OTT : ఓటీటీలోకి వచ్చేస్తోన్న రొమాంటిక్ డ్రామా - అదితి రావ్ హైదరీ 'ఓ సాథీ రే' స్ట్రీమింగ్ ఎప్పుడు, ఎక్కడంటే?

స్టొరీ ఏంటంటే?

1986లో మద్రాస్ నేపథ్యంలో ఈ సినిమా కథ సాగుతుంది. బత్తవాచలం అలియాస్ బత్తా (విజయ్ సేతుపతి) ఒక పేరుమోసిన గ్యాంగ్‌స్టర్. అతడి పేరు వింటేనే చుట్టుపక్కల ప్రాంతాల ప్రజలు భయపడుతుంటారు. అనుకోని ఓ సంఘటన అతడి జీవితాన్ని పూర్తిగా మార్చేస్తుంది. శబరి అనే ఎనిమిదేళ్ల బాలుడు తన బొమ్మ కోసం ఓ పాఠశాలలోకి వెళ్తాడు. ఆ సమయంలో అక్కడ ఉన్న బత్తా అనుకోకుండా స్కూల్ బాత్రూమ్‌లో చిక్కుకుపోతాడు. బాలుడు బయట నుంచి తలుపు వేయడంతో అతడికి బయటకు వచ్చే మార్గం లేకుండా పోతుంది. దీంతో తనను అక్కడ బంధించిన వాడిని వెతికి పట్టుకోమని తన వారికి చెబుతాడు బత్తా.

సాధారణంగా తన మాటతో ఎవరినైనా భయపెట్టగలిగే బత్తా.. ఇప్పుడు ఓ చిన్న బాలుడి ముందు నిస్సహాయంగా మారిపోతాడు. మొదట్లో బత్తాను చూసి భయపడిన శబరి అతడికి సహాయం చేయడానికి కూడా వెనుకాడతాడు. తర్వాత అది ఓ బాలుడు అని తెలుసుకున్న అతని మనసు మారుతుంది. మొదట కోపంతో మొదలైన వారి అనుబంధం ఆ తర్వాత ఫ్రెండ్షిప్‌గా మారుతుంది. ఒకవైపు గ్యాంగ్‌స్టర్‌గా బత్తా ఎదుర్కొనే సమస్యలు, మరోవైపు అతడి కుటుంబ జీవితంలోని సంఘర్షణలు కథలో ఆసక్తిని పెంచుతాయి. బత్తాను బాలుడు ఎందుకు టాయిలెట్‌లో పెట్టాడు? శబరితో ఏర్పడిన పరిచయం బత్తాలో ఎలాంటి మార్పులు తీసుకొచ్చింది? తన గతం, ప్రవర్తన గురించి అతడు ఎలా ఆలోచించడం మొదలుపెట్టాడు? చివరకు ఆ బాత్రూమ్ నుంచి బత్తా ఎలా బయటపడ్డాడు? అనేదే సినిమా కథ.

Also Read : Priya Bhavani Shankar Wedding : ఇరుముడి హీరోయిన్ పెళ్లి - పదేళ్ల ప్రేమతో ఒక్కటైన బంధం... ఫోటోస్ వైరల్

Romantic Drama Series OTT : ఓటీటీలోకి వచ్చేస్తోన్న రొమాంటిక్ డ్రామా - అదితి రావ్ హైదరీ 'ఓ సాథీ రే' స్ట్రీమింగ్ ఎప్పుడు, ఎక్కడంటే?

Ganesh Guptha — Thu, 12 Nov 2026 11:11:58 +0530

Aditi Rao Hydari's Romantic Drama O Saathi Re OTT Release Date Locked : బాలీవుడ్ బ్యూటీ అదితీరావ్ హైదరీ వరుస సినిమాలతోనే కాకుండా వెబ్ సిరీస్‌లతోనూ బిజీగా ఉన్నారు. రెండేళ్ల క్రితం 'హీరామండి' సిరీస్‌తో ఆకట్టుకున్న అదితీ రావ్... తాజాగా మరో వెబ్ సిరీస్‌తో ఓటీటీ ఆడియన్స్ ముందుకు వచ్చేందుకు రెడీ అవుతున్నారు. ఈ మేరకు అఫీషియల్ అనౌన్స్‌మెంట్ వచ్చేసింది.

ఎప్పుడు, ఎందులో స్ట్రీమింగ్ అంటే?

అదితి రావ్ హైదరీ, అర్జున్ రాంపాల్ ప్రధాన పాత్రల్లో నటించిన రొమాంటిక్ డ్రామా సిరీస్ 'ఓ సాథీ రే' (O Saathi Re). ఇంటర్నేషనల్ ఓటీటీ 'నెట్ ఫ్లిక్స్‌'లో (Netflix) డిసెంబర్ 4 నుంచి స్ట్రీమింగ్ కానుంది. ఈ సిరీస్‌కు ఆరిఫ్ అలీ దర్శకత్వం వహించగా... ప్రముఖ డైరెక్టర్ ఇంతియాజ్ అలీ షో రన్నర్‌గా వ్యవహరించారు. అదితి రావ్, అర్జున్ రాంపాల్‌తో పాటు అహనాస్ చన్నా, అవినాశ్ తివారీ తదితరులు కీలకపాత్రలు పోషించారు.

Also Read : Jailer 2 OTT : ఓటీటీలోకి వచ్చేసిన రజనీ కాంత్ 'జైలర్ 2' - బ్లాక్ బస్టర్ మూవీ ఎన్ని భాషల్లో స్ట్రీమింగ్ అంటే?

స్టోరీ ఏంటంటే?

ఈ సిరీస్ స్టోరీ డివోర్స్ తీసుకునేందుకు రెడీ అయిన ఓ జంట చుట్టూ తిరుగుతుంది. ఇద్దరూ విడిపోయే క్రమంలో వారి మధ్య ఉండే అసమానతలు, ఎమోషనల్ మూమెంట్స్, అనుబంధాలను ఇందులో చూపించినట్లు తెలుస్తోంది. తన భార్య మరో వ్యక్తితో సన్నిహితంగా ఉందని తెలిసినా... భర్త ఆమె సంతోషం కోసం ఏం చేశాడు? అనేదే ప్రధానాంశంగా స్టోరీ సాగినట్లు ప్రమోషనల్ వీడియోస్ బట్టి తెలుస్తోంది. చివరకు భార్యాభర్తల మధ్యలో వచ్చిన మూడో వ్యక్తి ఎవరు? ఇద్దరూ విడాకులు తీసుకున్నారా? చివరకు ఏం జరిగింది? అనేది తెలియాలంటే సిరీస్ చూడాల్సిందే.

View this post on Instagram

A post shared by Netflix India (@netflix_in)

Also Read : Anirudh Ravichander Kavya Maran Wedding : అనిరుధ్ కావ్యల పెళ్లిలో రజనీ కాంత్ డ్యాన్స్ - గ్రేస్ వేరే లెవల్... వీడియోస్ వైరల్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Jailer 2 OTT : ఓటీటీలోకి వచ్చేసిన రజనీ కాంత్ 'జైలర్ 2' - బ్లాక్ బస్టర్ మూవీ ఎన్ని భాషల్లో స్ట్రీమింగ్ అంటే?

Ganesh Guptha — Thu, 12 Nov 2026 07:53:43 +0530

Rajinikanth's Jailer 2 OTT Streaming : కోలీవుడ్ సూపర్ స్టార్ రజనీ కాంత్ రీసెంట్ బ్లాక్ బస్టర్ 'జైలర్ 2' ఓటీటీలోకి వచ్చేసింది. నెల్సన్ దిలీప్ కుమార్ దర్శకత్వంలో అక్టోబర్ 15న ప్రేక్షకుల ముందుకు వచ్చిన మూవీ బాక్సాఫీస్ వద్ద వరల్డ్ వైడ్ రూ.830 కోట్లకు పైగా కలెక్షన్స్ సాధించింది.

ఎందులో స్ట్రీమింగ్ అంటే?

ప్రముఖ ఓటీటీ 'అమెజాన్ ప్రైమ్ వీడియో' (Amazon Prime Video)లో గురువారం నుంచి 'జైలర్ 2' స్ట్రీమింగ్‌కు వచ్చేసింది. తెలుగుతో పాటు తమిళం, హిందీ, కన్నడ, మలయాళ భాషల్లో స్ట్రీమింగ్ అవుతోంది. 2023లో వచ్చిన 'జైలర్' మూవీకి ఇది సీక్వెల్. నెల్సన్ దిలీప్ కుమార్ (Nelson Dilip Kumar) దర్శకత్వం వహించగా... రజనీ కాంత్‌తో (Rajinikanth) పాటు మోహన్‌లాల్‌, శివరాజ్‌కుమార్‌, విద్యా బాలన్‌, ఎస్‌.జే. సూర్య, జాకీ ష్రాఫ్‌, రమ్యకృష్ణ, యోగిబాబు తదితరులు కీలక పాత్రల్లో నటించారు. అనిరుధ్ రవిచందర్ మ్యూజిక్ అందించగా... సన్ పిక్చర్స్ బ్యానర్‌పై కళానిధి మారన్ నిర్మించారు.

Also Read : Crime Thriller OTT : ఏడేళ్లకోసారి ఊరిలో మగవాళ్ల మరణాలు... తెలుగులో స్ట్రీమింగ్ అవుతున్న తమిళ మిస్టరీ థ్రిల్లర్

స్టోరీ ఏంటంటే?

ఫస్ట్ పార్ట్ ఎక్కడైతే ఎండ్ అయ్యిందో అక్కడి నుంచే రెండో పార్ట్ కూడా ప్రారంభమవుతుంది. విగ్రహాల అక్రమ రవాణాలో తన కొడుకు భాగమయ్యాడని తెలుసుకున్న ముత్తువేల్ పాండియన్ (రజనీ కాంత్) అతన్ని చంపేస్తాడు. ఇందులో కీలకమైన వర్మను కూడా చంపిన తర్వాత తన ఫ్యామిలీతో ఓ మారుమూల ప్రాంతంలో సాధారణ జీవితం గడుపుతుంటాడు. ఇదే టైంలో వర్మను చంపిన వ్యక్తిని పట్టుకునేందుకు కేరళలోని దిలీప్ (సూరజ్ వెంజరమూడు) మనుషులు వెతుకుంటారు. విగ్రహాల మాఫియా గురించి తెలుసుకునేందుకు ముత్తువేల్ ఓ ప్లాన్ వేస్తాడు. తన ఐడెంటిటీ బయటపడకుండా లోకల్ రౌడీ వద్ద కారు డ్రైవర్‌గా చేరతాడు.

దిలీప్ వెనుక, విగ్రహాల స్మగ్లింగ్ వెనుక గోవాలోని చక్రి కల్పక్ (మిథున్ చక్రవర్తి) ఫ్యామిలీ ఉందని టైగర్ ముత్తువేల్ తెలుసుకుంటాడు. విగ్రహాలతో కూడిన తమ మూడు కంటైనర్లు ఇవ్వమని లేదంటే కుటుంబాన్ని అంతం చేస్తామని ముత్తువేల్‌కు కల్పక్ ఫ్యామిలీ బోధి కల్పక్ (ఎస్.జె. సూర్య), కుమార్తె కాంత (విద్యా బాలన్) వార్నింగ్ ఇస్తారు. స్నేహితుడు (శివరాజ్ కుమార్) మీద ఎటాక్ చేసి అతని భార్య, పిల్లల్ని బంధిస్తారు. అప్పుడు టైగర్ ముత్తువేల్ పాండ్యన్ ఏం చేశారు? స్నేహితుడి కుటుంబంతో పాటు తన కుటుంబాన్ని ఎలా కాపాడాడు? అనేది తెలియాలంటే సినిమా చూడాల్సిందే.

View this post on Instagram

A post shared by prime video IN (@primevideoin)

Also Read : Ramayana: ఆస్కార్ బరిలోకి విజువల్ వండర్ ‘రామాయణం’.. ప్రపంచ వేదికపై రికార్డు

This Week OTT Web Series : ఈ వారం ఓటీటీ వెబ్ సిరీస్‌లు - తెలుగులో ఇది డోంట్ మిస్

Ganesh Guptha — Tue, 10 Nov 2026 15:50:03 +0530

November Second Week OTT Web Series : నవంబర్ సెకండ్ వీక్ క్రేజీ వెబ్ సిరీస్‌లు స్ట్రీమింగ్ కానున్నాయి. సోమవారం నుంచి ఆదివారం వరకు ఏయే వెబ్ సిరీస్‌లు ఏయే ఓటీటీల్లో స్ట్రీమింగ్ అవుతున్నాయో ఓసారి చూస్తే...

పుష్పక విమానం (Pushpaka Vimanam) - సాయి రోనక్ ప్రధాన పాత్రలో నటించిన తెలుగు టైమ్ ట్రావెల్ సైన్స్ ఫిక్షన్ థ్రిల్లర్ వెబ్ సిరీస్ 'పుష్పక విమానం'. సతీష్ రెడ్డి మల్లిడి దర్శకత్వం వహించగా... మధూ దామరాజు, వడ్లమాని శ్రీనివాస్, భరణి, రఘు కుమార్ కారుమంచి, శ్రీధర్ రెడ్డి నల్లా, బిందు తదితరులు కీలకపాత్రలు పోషించారు.

ప్రముఖ ఓటీటీ 'జియో హాట్ స్టార్'లో (Jio Hotstar) నవంబర్ 12 (గురువారం) నుంచి స్ట్రీమింగ్ కానుంది. తెలుగుతో పాటు తమిళ, హిందీ, మలయాళం భాషల్లో అందుబాటులోకి వచ్చే అవకాశం ఉంది. టైమ్ ట్రావెల్ చేసే గతాన్ని మార్చే సంఘటనల ఆధారంగా ఈ సిరీస్ రూపొందింది.

స్టూడెంట్ ఆఫ్ ది ఇయర్ : ఆఫ్టర్ డార్క్ (Student Of The Year: After Dark) - బాలీవుడ్ డైరెక్టర్ కరణ్ జోహార్ నిర్మించిన ప్రముఖ స్టూడెంట్ ఆఫ్ ది ఇయర్ ఫ్రాంచైజీలో ఇది కొత్త వెబ్ సిరీస్. షనాయా కపూర్, దివిక్ శర్మ, మాన్యా గ్రోవర్ ప్రధాన పాత్రల్లో నటించిన ఈ సిరీస్ ప్రముఖ ఓటీటీ 'జియో హాట్ స్టార్' (Jio Hotstar)లో నవంబర్ 13 (గురువారం) నుంచి స్ట్రీమింగ్ కానుంది. రీమా సేన్ గుప్తా దర్శకత్వం వహించగా.. ధర్మాటిక్ ఎంటర్‌టైన్‌మెంట్ బ్యానర్‌పై నిర్మించారు.

ది బాడీ (The Body) - ఈ హారర్ మిస్టరీ థ్రిల్లర్ అమెరికన్ ఇంగ్లీష్ వెబ్ సిరీస్. క్విన్ షెఫర్డ్ (Quinn Shephard) రూపొందించగా... ఇంటర్నేషనల్ ఓటీటీ 'నెట్ ఫ్లిక్స్' (Netflix)లో నవంబర్ 11 (బుధవారం) నుంచి స్ట్రీమింగ్ కానుంది. ఈ కథ ఒక కాథలిక్ స్కూల్‌లో చదువుకునే అమ్మాయిల డ్యాన్స్ టీమ్ చుట్టూ తిరుగుతుంది.

Also Read : Itlu Arjuna First Review : 'ఇట్లు అర్జున'పై కింగ్ నాగార్జున ఫస్ట్ రివ్యూ - డెబ్యూ సినిమాలో అనీష్ నటన అద్భుతమంటూ ప్రశంసలు

మిరాకిల్స్ ఆఫ్ ది ఈఆర్ : వాలెస్ హువో(Wallace Huo), చెరిల్ యాంగ్( Cheryl Yang) ప్రధాన పాత్రల్లో నటించిన తైవాన్‌ మెడికల్ డ్రామా వెబ్ సిరీస్. ఇంటర్నేషనల్ ఓటీటీ నెట్ ఫ్లిక్స్(Netflix)లో నవంబర్ 12 (గురువారం) నుంచి స్ట్రీమింగ్ కానుంది. ఆసుపత్రిలో అత్యవసర చికిత్స విభాగం (Emergency Room – ER)లో పనిచేసే డాక్టర్ల జీవితాలు, రోగుల ప్రాణాలు కాపాడే పోరాటాలు, వైద్యపరమైన సమస్యలు ఇందులో చూపించారు.

హార్ట్ ల్యాండ్ (Heartland) - అనేది కెనడాకు చెందిన ప్రముఖ ఫ్యామిలీ డ్రామా వెబ్ సిరీస్. 2007లో ప్రారంభమై కొన్ని సంవత్సరాలుగా కొనసాగుతున్న పాపులర్ కెనడియన్ టీవీ సిరీస్. డీన్ బెన్నెట్(Dean Bennett) దర్శకత్వం వహించిన ఈ సిరీస్ ప్రముఖ ఓటీటీ ప్లాట్ ఫారం నెట్ ఫ్లిక్స్(Netflix)లో నవంబర్ 13(శుక్రవారం) నుంచి స్ట్రీమింగ్ కానుంది.

12 12 12 - ప్రముఖ నటులు ఆంథోనీ మాకీ (Anthony Mackie), జేమీ డోర్నన్ (Jamie Dornan) ప్రధాన పాత్రల్లో నటించిన అమెరికన్ క్రైమ్, యాక్షన్, హీస్ట్ థ్రిల్లర్ వెబ్ సిరీస్. ఆపిల్ టీవీ(Apple TV)లో నవంబర్ 13(శుక్రవారం) నుంచి స్ట్రీమింగ్ కానుంది.

Also Read : Renu Desai Reaction : అందుకే ఆ రోజు నేను సైలెంట్‌గా ఉన్నా - రేణూ దేశాయ్ స్ట్రాంగ్ రియాక్షన్

Medical Thriller OTT : మనిషికి గుండె కుడివైపు ఉంటే? - ఓటీటీలోకి మెడికల్ సస్పెన్స్ థ్రిల్లర్... ఎప్పుడు, ఎందులో స్ట్రీమింగ్ అంటే?

Ganesh Guptha — Tue, 10 Nov 2026 09:40:58 +0530

Kiku Yanamala's Medical Survival Thriller OTT Release Date Locked : మెడికల్ సస్పెన్స్ థ్రిల్లర్ అంటే ఉండే క్రేజ్ గురించి ప్రత్యేకంగా చెప్పాల్సిన పని లేదు. తాజాగా థియేటర్లలో రిలీజైన మెడికల్ సర్వైవల్ థ్రిల్లర్ ఇప్పుడు ఓటీటీలోకి వచ్చేందుకు రెడీ అవుతోంది. మరి ఆ మూవీ ఏంటి? ఎప్పుడు, ఎందులో స్ట్రీమింగ్ అవుతుందో ఓసారి చూస్తే...

కికు యనమల, కశిశ్ ఖాన్ ప్రధాన పాత్రల్లో నటించిన రీసెంట్ మెడికల్ సస్పెన్స్ థ్రిల్లర్ 'కికు చిరంజీవి' (Kiku Chiranjeevi). ఆగస్ట్ 28న ప్రేక్షకుల ముందుకు వచ్చిన ఈ సినిమా మిక్స్‌డ్ టాక్ సొంతం చేసుకుంది. దాదాపు మూడు నెలల తర్వాత ఓటీటీలోకి వచ్చేందుకు రెడీ అవుతోంది. ప్రముఖ తెలుగు ఓటీటీ 'ఆహా' (Aha)లో నవంబర్ 14 (శనివారం) నుంచి స్ట్రీమింగ్ కానుంది.

ఈ మూవీకి శుభసాయి వెంకట్ దర్శకత్వం వహించగా... కికు యనమల, కశిశ్ ఖాన్‌లతో పాటు తనికెళ్ల భరణి, ఈశ్వరీ రావు, శ్రీకాంత్ భరత్, వైవా రాఘవ, గోపరాజు రమణ తదితరులు కీలకపాత్రలు పోషించారు. శేఖర్ చంద్ర మ్యూజిక్ అందించగా... కికు ఎంటర్టైన్మెంట్స్ బ్యానర్‌పై దీప్తి నడిమింటి నిర్మించారు.

Also Read : Pawan Kalyan Anna Konidela : పవన్ కల్యాణ్ అనా విడాకులు - అసలు రీజన్ ఏంటి?... గతాన్ని గుర్తు చేసుకుంటూ ఫ్యాన్స్ ఎమోషనల్

స్టోరీ ఏంటంటే?

అరకులో చిరంజీవి (కికు యనమల) ఫోటోగ్రాఫర్‌గా పని చేస్తుంటాడు. అతనికి డెక్స్‌ట్రోకార్డియా అనే ఆరోగ్య సమస్యల ఉంటుంది. గుండె ఎడమ వైపు కాకుండా కుడి వైపు ఉంటుంది. దీంతో ఎక్కువ సేపు పరిగెడితే ఊపిరి ఆడకపోవడమే కాకుండా శరీరం నీలం రంగులోకి మారిపోతుంటుంది. అలాంటి చిరంజీవి... హైదరాబాద్ నుంచి స్నేహితులతో అరకు ట్రిప్ వచ్చిన మను (కశిశ్ ఖాన్)ను చూసి తొలి చూపులోనే ఇష్టపడతాడు.

ఇదే టైంలో మనును ప్రేమించిన ప్రతీ ఒక్కరినీ ఓ వ్యక్తి తన మనుషులతో దారుణంగా చంపిస్తుంటాడు. ఈ విషయం కూడా మనుకు కూడా తెలియదు. ఓ ఘటన తర్వాత మను కూడా చిరంజీవిని ఇష్టపడుతుంది. ఈ విషయం తెలిసిన దుండగులు అతన్ని చంపేందుకు ప్రయత్నిస్తారు. అయితే, వారి నుంచి తప్పించుకున్న మను, చిరంజీవి పెద్దలను ఒప్పించి మరీ పెళ్లి చేసుకుంటారు. అయితే, ఫస్ట్ నైట్ రోజును మనుకి షాకింగ్ విషయం తెలుస్తుంది. అసలు చిరంజీవి హెల్త్ ప్రాబ్లమ్‌కు సొల్యూషన్ ఉందా? మను తెలుసుకున్న షాకింగ్ నిజం ఏంటి? అసలు మనుని ప్రేమించిన వారిని చంపింది ఎవరు? అనేది తెలియాలంటే సినిమా చూడాల్సిందే.

Also Read : Polimera 3 Viraavi : 'పొలిమేర'లో పవర్ ఫుల్ విరావి వచ్చేశాడు - యాక్షన్ కింగ్ అర్జున్ న్యూ లుక్ చూశారా?

Comedy Drama OTT : ఓటీటీలోకి సరికొత్త కామెడీ ఎమోషనల్ మూవీ - 'హ్యాపీ జర్నీ' ఎప్పుడు, ఎందులో స్ట్రీమింగ్ అంటే?

Ganesh Guptha — Mon, 9 Nov 2026 16:54:37 +0530

Lates Comedy Emotional Drama Happy Journey OTT Release Date Locked : రీసెంట్‌గా థియేటర్లలో వచ్చిన కామెడీ ఎమోషనల్ డ్రామా ఓటీటీలోకి వచ్చేందుకు రెడీ అవుతోంది. అప్పటి జనరేషన్ నుంచి ఇప్పటి జెన్ జీ వరకూ అందరూ కలిసి ఫారిన్ ట్రిప్‌నకు వెళ్తే ఎలా ఉంటుందో? అనేదే ప్రధానాంశంగా రూపొందించిన లేటెస్ట్ కామెడీ ఎమోషనల్ డ్రామా 'హ్యాపీ జర్నీ'. సెప్టెంబర్ 18న ప్రేక్షకుల ముందుకు వచ్చిన సినిమా మిక్స్‌డ్ టాక్ సొంతం చేసుకుంది.

ఎందులో స్ట్రీమింగ్ అంటే?

ఈ మూవీ డిజిటల్ రైట్స్ ప్రముఖ ఓటీటీ 'సన్ నెక్స్ట్' (SunNXT) సొంతం చేసుకోగా... నవంబర్ 13 (శుక్రవారం) నుంచి తెలుగుతో పాటు తమిళ, మలయాళం, కన్నడ భాషల్లో స్ట్రీమింగ్ కానుంది. ఈ సినిమాకు అభిరామ్ నాయుడు దర్శకత్వం వహించగా... ఆమని, అన్నపూర్ణమ్మతో పాటు ఝాన్సీ, పాయల్ రాధాకృష్ణ, జినీషా అలిశెట్టి, సునైనా, రూపా శ్రీనివాస్, వంశీధర్ గౌడ్, రవి శివతేజ కీలక పాత్రల్లో నటించారు. గుట్ట బాలాజీ, గుండాల కౌశిక్ రెడ్డి నిర్మించగా... శేఖర్ చంద్ర మ్యూజిక్ అందించారు.

Also Read : Varanasi Story : మహేశ్ బాబు 'వారణాసి' స్టోరీ - రామాయణంలో ఈ కథ మీకు తెలుసా?... విజువల్ వండర్ బిగ్ ట్రీట్

స్టోరీ ఏంటంటే?

గోవింద్ (వంశీధర్ గౌడ్), అప్పారావు (రవి శివతేజ) ఇద్దరూ కలిసి గ్రేట్ ఆంధ్ర ట్రావెల్స్ అనే ట్రావెల్ కంపెనీని నడుపుతుంటారు. అయితే, వారి కంపెనీ నష్టాల్లో కూరుకుపోతుంది. ఈ పరిస్థితి నుంచి బయటపడటానికి కొత్త ఆలోచన చేస్తారు. ఏడుగురు మహిళలకు ఉచితంగా ఫ్రాన్స్ ట్రిప్ ఏర్పాటు చేయాలని నిర్ణయించుకుంటారు. ఈ ప్లాన్ ద్వారా తమ ట్రావెల్ కంపెనీకి ప్రచారం వస్తుందని ఆశిస్తారు. అలా, అప్పటి తరం నుంచి ఇప్పటి జెన్ జీ వరకూ వేర్వేరు వయసున్న మహిళలు ఈ గ్రూపులో ఉంటారు.

జర్నీ మొదట్లోనే వారి మధ్య చిన్న చిన్న గొడవలు, అభిప్రాయ భేదాలు మొదలవుతాయి. ఫ్రాన్స్‌లో అందమైన ప్రదేశాలు చూస్తూ, షాపింగ్ చేస్తూ, సరదాగా గడుపుతుంటారు. ఇదే టైంలో ఈ గ్రూపులో ఓ అమ్మాయి కనిపించకుండా పోతుంది. దీంతో అప్పటివరకు సరదాగా సాగుతున్న వారి జర్నీ ఆందోళనకరంగా మారుతుంది. అసలు మిస్ అయిన అమ్మాయి ఎవరు? ఆమెను ఎవరు కిడ్నాప్ చేశారు? ఈ ప్రయాణం వెనుక ఉన్న ఉద్దేశం ఏమిటి? వారి జీవితాల్లో ఎలాంటి సమస్యలు ఉన్నాయి? ఇవన్నీ తెలియాలంటే సినిమా చూడాల్సిందే.

View this post on Instagram

A post shared by SUN NXT (@sunnxt)

Also Read : Garividi Lakshmi OTT Release Date : 'గరివిడి లక్ష్మి' ఓటీటీలోకి వచ్చేస్తోంది - సూపర్ హిట్ బయోపిక్ ఎప్పుడు, ఎందులో స్ట్రీమింగ్ అంటే?

Garividi Lakshmi OTT Release Date : 'గరివిడి లక్ష్మి' ఓటీటీలోకి వచ్చేస్తోంది - సూపర్ హిట్ బయోపిక్ ఎప్పుడు, ఎందులో స్ట్రీమింగ్ అంటే?

Ganesh Guptha — Mon, 9 Nov 2026 13:31:53 +0530

Anandhi's Garividi Lakshmi OTT Release Date Locked : 1980. 90sల్లో తన పాటలు, జానపద కథలు, బుర్రకథలతో ఉర్రూతలూగించిన ఉత్తరాంధ్ర జానపద కళాకారిణి గరివిడి లక్ష్మి (Garividi Lakshmi). రీసెంట్‌గా ఈమె జీవిక కథను సిల్వర్ స్క్రీన్‌పై ఆవిష్కరించారు. టాలీవుడ్ హీరోయిన్ ఆనంది టైటిల్ రోల్ పోషించిన మూవీ 'గరివిడి లక్ష్మి' అక్టోబర్ 17న ప్రేక్షకుల ముందుకు వచ్చి పాజిటివ్ టాక్ సొంతం చేసుకుంది. ఇప్పుడు ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

ఉత్తరాంధ్రలోని విజయనగరం జిల్లా గరివిడి గ్రామానికి చెందిన లెజెండరీ జానపద గాయని 'గరివిడి లక్ష్మి' (Garividi Lakshmi) జీవిత కథ ఆధారంగా ఈ మూవీ తెరకెక్కింది. నవంబర్ 13 (శుక్రవారం) నుంచి ప్రముఖ ఓటీటీ అమెజాన్ ప్రైమ్ వీడియో (Amazon Prime Video)లో స్ట్రీమింగ్ కానున్నట్లు తెలుస్తోంది. అయితే, దీనిపై అఫీషియల్ అనౌన్స్‌మెంట్ రావాల్సి ఉంది.

టాలీవుడ్ హీరోయిన్ ఆనంది ప్రధాన పాత్రలో నటించారు. గౌరి నాయుడు దర్శకత్వం వహించగా... సీనియర్ హీరోయిన్ రాశి, వీకే నరేశ్, రాగ్ మయూర్, శరణ్య ప్రదీప్, అంకిత్ కొయ్య, మీసాల లక్ష్మణ్, కంచరపాలెం కిషోర్, కుశాలిని తదితరులు కీలక పాత్రలు పోషించారు. పీపుల్ మీడియా ఫ్యాక్టరీ పతాకంపై టీజీ విశ్వప్రసాద్, కృతి ప్రసాద్ నిర్మించారు.

Also Read : This Week Theatrical Releases : ఈ వారం థియేటర్లలోకి 10 సినిమాలు - శుక్రవారం ఒక్క రోజే 7 మూవీస్ రిలీజ్... మీ ఛాయిస్ ఏంటి?

స్టోరీ ఏంటంటే?

ఉత్తరాంధ్రలోని గరివిడి గ్రామానికి చెందిన లక్ష్మి (ఆనంది) చిన్న వయసులోనే పెళ్లి చేసుకుంటుంది. అయితే భర్తకు అప్పటికే మరో పెళ్లి జరిగిందని తెలియడంతో, లక్ష్మి తల్లి దేవుడమ్మ (రాశి) అతడిని ఇంటి నుంచి పంపించేస్తుంది. దీంతో ఒంటరిగా మిగిలిన లక్ష్మి బుర్రకథ, జానపద పాటలపై ఆసక్తి పెంచుకుంటుంది. ఆ తర్వాత సత్తిబాబు (రాగ్ మయూర్) పరిచయంతో అతడితో కలిసి ప్రదర్శనలు ఇవ్వడం ప్రారంభిస్తుంది. ఆమె పాటలకు ప్రజల నుంచి మంచి ఆదరణ లభిస్తుంది.

అలా పేరు తెచ్చుకున్న లక్ష్మికి కొన్ని చేదు అనుభవాలు ఎదురవుతాయి. ప్రేమ పేరుతో సత్తిబాబు ఆమెను ఎలా మోసం చేశాడు? లక్ష్మి పాటలు, గుర్తింపును ఇతరులు ఎలా సొంతం చేసుకున్నారు? చివరకు ఆమె జీవితం ఎలాంటి మలుపు తిరిగింది? ప్రస్తుతం లక్ష్మి ఎక్కడ ఉంది? ఆమెకు తిరిగి గుర్తింపు తీసుకురావడానికి రాంబాబు (వీకే నరేష్) చేసిన ప్రయత్నాలేంటి? అనేది తెలియాలంటే సినిమా చూడాల్సిందే.

Also Read : Ramayana Collections : రామాయణ వీకెండ్ కలెక్షన్స్ - దీపావళికి సల్మాన్ మూవీ రికార్డ్ బ్రేక్... 500 కోట్ల క్లబ్‌లో మైథలాజికల్ ఎపిక్

This Week OTT Movies : శుక్రవారం ఓటీటీల్లో 12 సినిమాలు స్ట్రీమింగ్ - జైలర్ 2 To రణబాలి... ఇవి డోంట్ మిస్

Ganesh Guptha — Mon, 9 Nov 2026 12:42:41 +0530

November Second Week OTT Movies Complete List : దివాళీ ఫెస్టివల్ తర్వాత నవంబర్ రెండో వారం బ్లాక్ బస్టర్ మూవీస్ ఓటీటీల్లోకి రానున్నాయి. శుక్రవారం ఒక్క రోజే దాదాపు 12 సినిమాలు స్ట్రీమింగ్ కానున్నాయి. మరి ఏయే మూవీస్ ఏయే ఓటీటీల్లో స్ట్రీమింగ్ కానున్నాయో ఓసారి చూస్తే...

జైలర్ 2 - తమిళ సూపర్ స్టార్ రజనీ కాంత్, నెల్సన్ దిలీప్ కుమార్ కాంబో రీసెంట్ యాక్షన్ ఎంటర్టైనర్ 'జైలర్ 2' (Jailer 2). అక్టోబర్ 15న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద రికార్డు కలెక్షన్స్ సాధించింది. ప్రముఖ ఓటీటీ 'అమెజాన్ ప్రైమ్ వీడియో' (Amazon Prime Video)లో నవంబర్ 12 (గురువారం) నుంచి తమిళంతో పాటు తెలుగు, మలయాళం, హిందీ, కన్నడ భాషల్లో స్ట్రీమింగ్ కానుంది.

రణబాలి (Ranabaali) - విజయ్ దేవరకొండ, రష్మిక ప్రధాన పాత్రల్లో నటించిన పీరియాడికల్ యాక్షన్ డ్రామా 'రణబాలి'. రాహుల్ సంకృత్యాన్ దర్శకత్వం వహించిన ఈ సినిమా బాక్సాఫీస్ వద్ద పాజిటివ్ టాక్ సొంతం చేసుకుంది. ప్రముఖ ఓటీటీ 'నెట్ ఫ్లిక్స్' (Netflix)లో తెలుగుతో పాటు తమిళం, హిందీ, కన్నడ, మలయాళం భాషల్లో స్ట్రీమింగ్ కానుంది.

దాయిరా (Daayra) - మలయాళ స్టార్ పృథ్వీరాజ్ సుకుమారన్, బాలీవుడ్ హీరోయిన్ కరీనా కపూర్ ప్రధాన పాత్రల్లో నటించిన క్రైమ్ థ్రిల్లర్ దాయిరా. బాక్సాఫీస్ వద్ద పాజిటివ్ టాక్ సొంతం చేసుకున్న సినిమా 'నెట్ ఫ్లిక్స్' (Netflix)లో నవంబర్ 13 (శుక్రవారం) నుంచి స్ట్రీమింగ్ కానుంది.

ఓటీటీ మూవీస్ / వెబ్ సిరీస్‌లు

ఓటీటీ ప్లాట్ ఫామ్	స్ట్రీమింగ్ డేట్	మూవీస్ / వెబ్ సిరీస్‌లు
అమెజాన్ ప్రైమ్ వీడియో (Amazon Prime Video)	నవంబర్ 12	జైలర్ 2 (Jailer 2 - తెలుగు డబ్బింగ్ మూవీ)
అమెజాన్ ప్రైమ్ వీడియో (Amazon Prime Video)	నవంబర్ 13	వైబ్ (Vibe - హిందీ మూవీ)
నెట్ ఫ్లిక్స్ (Netflix)	నవంబర్ 9	ద గుడ్ లాయర్ (The Good Lawyer)
	నవంబర్ 11	ద బాడీ (The Body - ఇంగ్లీష్ సిరీస్)
	నవంబర్ 12	నెవర్ సరండర్ (మూవీ), మిరాకిల్స్ ఆఫ్ ఈఆర్ (కొరియన్ సిరీస్)
	నవంబర్ 13	రణబాలి (తెలుగు మూవీ), దాయిరా (హిందీ మూవీ), హార్ట్ ల్యాండ్ (కెనడియన్ సిరీస్)
	నవంబర్ 15	కంక్ ఆన్ సినిమా (ఇంగ్లీష్ డాక్యుమెంటరీ)
జీ5 (ZEE5)	నవంబర్ 11	బ్లైండ్ గేమ్ (Blind Game - హిందీ మూవీ)
జీ5 (ZEE5)	నవంబర్ 13	బాంద్రా (తెలుగు డబ్బింగ్ మూవీ), మిర్గయ 1.5 (బెంగాళీ మూవీ), అఫ్రాతఫ్రీ (మరాఠీ మూవీ)
జియో హాట్ స్టార్ (Jio Hotstar)	నవంబర్ 12	పుష్పక విమానం (తెలుగు సిరీస్)
జియో హాట్ స్టార్ (Jio Hotstar)	నవంబర్ 13	స్టూడెంట్ ఆఫ్ ది ఇయర్ : ఆఫ్టర్ డార్క్ (హిందీ సిరీస్)
ఆపిల్ టీవీ ప్లస్ (Apple TV Plus)	నవంబర్ 13	12 12 12 (ఇంగ్లీష్ సిరీస్), బీయింగ్ హెయిమన్ (ఇంగ్లీష్ మూవీ)
ఆపిల్ టీవీ ప్లస్ (Apple TV Plus)	నవంబర్ 13	12 12 12 (ఇంగ్లీష్ సిరీస్), బీయింగ్ హెయిమన్ (ఇంగ్లీష్ మూవీ)	సోనీ లివ్ (SonyLIV)	నవంబర్ 13	పరివారిక్ మనోరంజన్ (తెలుగు డబ్బింగ్ మూవీ)

Also Read : Crazy Kalyanam OTT : ఓటీటీలోకి వచ్చేస్తోన్న అనుపమ క్రేజీ కల్యాణం - ఎప్పుడు, ఎందులో స్ట్రీమింగ్ అంటే?

Crazy Kalyanam OTT : ఓటీటీలోకి వచ్చేస్తోన్న అనుపమ క్రేజీ కల్యాణం - ఎప్పుడు, ఎందులో స్ట్రీమింగ్ అంటే?

Ganesh Guptha — Mon, 9 Nov 2026 09:27:38 +0530

Anupama Parameswaran's Family Comedy Entertainer Crazy Kalyanam OTT Release Date Locked : దసరా సందర్భంగా థియేటర్లలోకి వచ్చిన మూవీస్ ఇప్పుడు ఓటీటీలోకి వచ్చేందుకు రెడీ అవుతున్నాయి. ఈ దసరాకు రిలీజ్ అయిన సినిమాల్లో అనుపమ పరమేశ్వరన్ 'క్రేజీ కల్యాణం' (Crazy Kalyanam) ఒకటి. మరి ఈ మూవీ ఎప్పుడు, ఎందులో స్ట్రీమింగ్ అవుతుందంటే...

'క్రేజీ కల్యాణం' సినిమా డిజిటల్ రైట్స్ ప్రముఖ తెలుగు ఓటీటీ 'ఆహా' సొంతం చేసుకోగా... నవంబర్ థర్డ్ వీక్ లేదా నాలుగో వారంలో స్ట్రీమింగ్ అయ్యే ఛాన్స్ ఉంది. ఈ మేరకు అఫీషియల్ అనౌన్స్‌మెంట్ ఇస్తూ సదరు ఓటీటీ సంస్థ స్పెషల్ పోస్టర్ రిలీజ్ చేసింది. సెప్టెంబర్ 16న ప్రేక్షకుల ముందుకు వచ్చిన ఈ సినిమా మిక్స్‌డ్ టాక్ సొంతం చేసుకుంది.

ఈ మూవీకి భద్రప్ప గాజుల దర్శకత్వం వహించగా... అనుపమ పరమేశ్వరన్, తరుణ్ భాస్కర్, నరేశ్ వీకే, అఖిల్ రాజ్, కిరీటి తదితరులు కీలకపాత్రలు పోషించారు. యూరో సినిమాస్ బ్యానర్‌పై బూసం జగన్మోహన్ రెడ్డి నిర్మించారు.

స్టోరీ ఏంటంటే?

పల్లెటూరిలో ఉండే పర్వతాలు (నరేశ్ వీకే)కు ఇద్దరు కూతుళ్లు. తన అన్న చూసిన సంబంధం అని పెద్ద కూతుర్ని బాలరాజు (తరుణ్ భాస్కర్)కు ఇచ్చి పెళ్లి చేస్తాడు. కానీ, తాగుడుకు బానిసైన బాలరాజు ఊరిలో అందిన కాడికి అప్పులు చేస్తూ ఆ గొడవలు ఇంటి మీదకు తెస్తుంటాడు. దీంతో పర్వతాలు ఇబ్బందులు పడుతుంటాడు. తన చిన్న కూతురు కీర్తి (అనుపమ పరమేశ్వరన్)ను ఎలాగైనా మంచి గుణగణాలున్న అబ్బాయికి ఇచ్చి పెళ్లి చేయాలనుకుంటాడు.

తన అన్న కూతురికి వచ్చిన యూఎస్ సంబంధాన్ని చెడగొట్టి మరీ ఆ అబ్బాయిని తన కూతురికి ఇచ్చి పెళ్లి చేసేందుకు రెడీ అవుతాడు. కానీ, కీర్తి మాత్రం మంచి గవర్నమెంట్ జాబ్ సంపాదించి తాను ప్రేమించిన ఉదయ్ (అఖిల్)ను పెళ్లి చేసుకోవాలని ఆశ పడుతుంది. ఈ విషయాన్ని తండ్రికి చెప్పగా అడ్డు చెబుతాడు. ఊళ్లో తన గౌరవం పెరగాలంటే తాను తెచ్చిన యూఎస్ సంబంధం చేసుకోవాల్సిందే అని పట్టుబడతాడు. మరి కీర్తి ఆ పెళ్లి చేసుకుందా? తాను అనుకున్నట్లుగానే ప్రభుత్వ ఉద్యోగం సాధించి తన ప్రియుడిని పెళ్లి చేసుకుందా? బాలరాజు కీర్తి పెళ్లికి అడ్డుపడ్డాడా? అనేది తెలియాలంటే సినిమా చూడాల్సిందే.

View this post on Instagram

A post shared by ahavideoin (@ahavideoin)

Also Read : New Movies Posters : మెగాస్టార్ 'కాకా' మాస్ లుక్ - బాలయ్య దాదా ఫస్ట్ సింగిల్ సర్ప్రైజ్... టాలీవుడ్ నుంచి దీపావళి స్పెషల్ క్రాకర్స్