ott-webseries

Akka Series Trailer : ఇద్దరి మహిళల మధ్య వార్ - కీర్తి సురేశ్ 'అక్క' వయలెన్స్ యాక్షన్ వేరే లెవల్... సిరీస్ ఎప్పుడు స్ట్రీమింగ్ అంటే?

Ganesh Guptha — Fri, 23 Oct 2026 08:19:48 +0530

Keerthy Suresh's Crime Action Thriller Series AKKA Trailer Telugu Review : మహానటి కీర్తి సురేశ్ రీసెంట్‌గా వరుస ప్రాజెక్టులతో దూసుకెళ్తున్నారు. డోరతీ బోల్డ్ క్యారెక్టర్‌తో అందరినీ ఆశ్చర్యపరిచిన ఆమె ఇప్పుడు మరో వయలెంట్ క్యారెక్టర్‌తో ఆడియన్స్‌ను అలరించేందుకు రెడీ అయ్యారు.

కీర్తి సురేశ్, రాధికా ఆప్టే ప్రధాన పాత్రల్లో నటించిన లేటెస్ట్ యాక్షన్ థ్రిల్లర్ సిరీస్ అక్క (AKKA). ఇప్పటికే రిలీజ్ చేసిన టీజర్, లుక్స్ భారీ హైప్ క్రియేట్ చేయగా... తాజా ట్రైలర్ గూస్ బంప్స్ తెప్పిస్తోంది.

ట్రైలర్ ఎలా ఉందంటే?

ఈ సిరీస్‌లో కీర్తి సురేశ్ గ్యాంగ్ స్టర్‌గా కనిపించనున్నారు. వయలెన్స్, యాక్షన్ వేరే లెవల్‌లో ఉన్నాయి. 1985ల నాటి కాలంలో స్టోరీ సాగగా... 'పెర్నూరు 800 ఏళ్లుగా మహిళలు పాలిస్తున్న మరో ప్రపంచం. ఇక్కడ నియమాలు భిన్నంగా ఉంటాయి. సింహాసనంపై ఎవరైతే కూర్చుంటారో వారే అక్క.' పవర్ ఫుల్ డైలాగ్‌తో ప్రారంభమైన ట్రైలర్... అక్కడ జరిగే మాఫియా, అక్రమాలు, వయలెన్స్‌తో వేరే లెవల్‌లో ఉంది.

భవానీ పాత్రలో కీర్తి సురేశ్ కనిపించనుండగా... 'అక్క' గ్యాంగ్‌ను అంతమొందించేందుకు సుపారీ తీసుకుని వచ్చిన మహిళగా రుద్ర అనే పాత్రలో రాధికా ఆప్టే కనిపించనున్నారు. ఇద్దరు మహిళల మధ్య ఆధిపత్యం కోసం పోరాటమే ఈ సిరీస్ అని తెలుస్తోంది.

ఎప్పుడు స్ట్రీమింగ్ అంటే?

ఈ సిరీస్ నెట్ ఫ్లిక్స్ (Netflix) ఓటీటీలో అక్టోబర్ 30 (శుక్రవారం) నుంచి స్ట్రీమింగ్ కానుంది. హిందీతో పాటు ఇతర భాషల్లోనూ స్ట్రీమింగ్ అయ్యే ఛాన్స్ ఉంది. ధర్మరాజ్ శెట్టి దర్శకత్వం వహించగా... కీర్తి సురేష్‌తో పాటు రాధికా ఆప్టే, తన్వి అజ్మి తదితరులు కీలకపాత్రలు పోషించారు. ప్రముఖ బాలీవుడ్ నిర్మాణ సంస్థ యశ్ రాజ్ ఫిల్మ్స్ దీన్ని నిర్మించింది.

Also Read : Friday OTT Movies : శుక్రవారం ఓటీటీ మూవీస్ - బోల్డ్ మూవీ To సస్పెన్స్ థ్రిల్లర్స్... ఒకే రోజు 10 సినిమాలు స్ట్రీమింగ్

Super Thriller Series OTT : ఫోన్‌లో ఫ్యూచర్ ముందే తెలిస్తే? - ఓటీటీలో మెగా డాటర్ సూపర్ థ్రిల్లర్ సిరీస్... 7 భాషల్లో స్ట్రీమింగ్

Ganesh Guptha — Thu, 22 Oct 2026 19:00:57 +0530

Vishwadev's Super Natural Thriller Series OTT Streaming : మెగా డాటర్ సుస్మిత కొణిదెల నిర్మించిన సూపర్ నేచరల్ థ్రిల్లర్ సిరీస్ 'వరం' (Varam). '35 చిన్న కథ కాదు' మూవీ ఫేమ్ విశ్వదేవ్, శివాత్మక రాజశేఖర్ ప్రధాన పాత్రల్లో నటించిన ఈ సిరీస్ ఓటీటీలోకి వచ్చేసింది.

ఎందులో స్ట్రీమింగ్ అవుతుందంటే?

ఈ సిరీస్ ప్రముఖ ఓటీటీ జియో హాట్ స్టార్‍‌లో (Jio Hotstar) గురువారం నుంచి స్ట్రీమింగ్ అవుతోంది. తెలుగుతో పాటు హిందీ, బెంగాళీ, కన్నడ, మలయాళం, మరాఠీ, తమిళం భాషల్లో అందుబాటులోకి వచ్చింది. సీజన్ 1లో ఫస్ట్ డే రెండు ఎపిసోడ్స్ స్ట్రీమ్ అవుతున్నాయి. సిరీస్‌కు ఆదిత్య మండల దర్శకత్వం వహించగా... అవసరాల శ్రీనివాస్, శివాజీ రాజా, అజయ్, ధన్ రాజ్, జైత్రి మకానా, శృతి జయన్, సురభి ప్రభావతి, వినీత్ రమేష్ తదితరులు కీలకపాత్రలు పోషించారు. గోల్డ్ బాక్స్ ఎంటర్టైన్మెంట్ బ్యానర్‌పై సుస్మిత కొణిదెల నిర్మిస్తున్నారు.

Also Read : Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

స్టోరీ ఏంటంటే?

తాగొచ్చి తల్లిని నిత్యం కొట్టే తండ్రి (శివాజీ రాజా). పేదరికంలో ఉంటే తన కోసం కష్టపడే తల్లికి తన వంతు సాయం చేయాలనుకునే నిరుపేద కుర్రాడు రాజు (విశ్వదేవ్). పబ్లిక్ టాయిలెట్‌లో పని చేస్తూ ఎన్నో అవమానాలు ఎదుర్కొంటాడు. తొలి చూపులోనే సత్య (శివాత్మిక) అనే అమ్మాయిని ప్రేమిస్తాడు. అయితే, ఆ అమ్మాయిని రాష్ట్ర మంత్రి కూడా సొంతం చేసుకోవాలని చూస్తాడు. అనుకోకుండా రాజుకు ఓ వరం లభిస్తుంది. రేపు ఏం జరగ బోతుందో ఒక రోజు ముందే ఫోన్‌లో వార్తల రూపంలో తెలుస్తుంది. దీంతో ఒక్క రోజులోనే అతని లైఫ్ స్టైల్ మారిపోతుంది.

ఈ వరంతో తాను పేదరికం నుంచి బయటపడి తన కోరికలను నెరవేర్చుకోవాలని భావిస్తాడు రాజు. అలా, ఐపీఎల్ బెట్టింగ్, కౌన్ బనేగా కరోడ్ పతి వంటి గేమ్స్‌లో గెలిచేలా చేసి డబ్బు సంపాదిస్తాడు. అయితే, టాయిలెట్స్ కడిగే యువకుడు ఒక్క రోజులో కోటీశ్వరుడిగా ఎలా మారిపోయాడు? అని మంత్రికి అనుమానం కలుగుతుంది. దీని వెనుక సీక్రెట్ ఏంటో తెలుసుకోవాలనుకుంటాడు. ఆ తర్వాత ఏం జరిగింది? అసలు రాజుకు ఆ వరం ఎలా వచ్చింది? ఫ్యూచర్‌ను మార్చాలనుకుని ఎలాంటి ప్రమాదాలు కొనితెచ్చుకున్నాడు? తాను ప్రేమించిన అమ్మాయిని పెళ్లాడాడా? అనేది తెలియాలంటే సిరీస్ చూడాల్సిందే.

View this post on Instagram

A post shared by JioHotstar Telugu (@jiohotstartelugu)

Also Read : Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Friday OTT Movies : శుక్రవారం ఓటీటీ మూవీస్ - బోల్డ్ మూవీ To సస్పెన్స్ థ్రిల్లర్స్... ఒకే రోజు 10 సినిమాలు స్ట్రీమింగ్

Ganesh Guptha — Thu, 22 Oct 2026 18:18:52 +0530

Friday OTT Streaming Complete List : దసరా ఫెస్టివల్ ఎంటర్టైన్మెంట్ వీక్‌లో శుక్రవారం కాంట్రవర్సియల్ బోల్డ్ మూవీతో పాటు క్రైమ్ యాక్షన్ థ్రిల్లర్స్ స్ట్రీమింగ్ అవుతున్నాయి. మరి ఏ ఓటీటీల్లో ఏ మూవీస్ చూడొచ్చో ఓసారి చూస్తే...

డోరతీ (Dorothy) - స్టార్ హీరోయిన్ కీర్తి సురేష్ ప్రధాన పాత్రలో నటించిన బోల్డ్ మూవీ డోరతీ. ఇంటర్నేషనల్ ఓటీటీ 'నెట్ ఫ్లిక్స్' (Netflix)లో శుక్రవారం (అక్టోబర్ 23) నుంచి తమిళంతో పాటు తెలుగు, కన్నడ, మలయాళం, హిందీ భాషల్లో స్ట్రీమింగ్ అవుతోంది. కార్తిక్ సుబ్బరాజు దర్శకత్వం వహించిన ఈ సినిమాలో కీర్తి సురేష్ తోపాటు రిషికాంత్ సనత్ ప్రధాన పాత్రల్లో నటించారు.

గజబ్ రాత్ (Gajab Rath) - బాలీవుడ్ స్టార్ నటుడు మనోజ్ బాజ్‌పాయ్ ప్రధాన పాత్రలో నటించిన లేటెస్ట్ క్రైమ్ సస్పెన్స్ థ్రిల్లర్ 'గజబ్ రాత్'. ఈ మూవీ డైరెక్ట్‌గా నెట్ ఫ్లిక్స్ (Netflix) ఓటీటీలో శుక్రవారం (అక్టోబర్ 23) (శుక్రవారం) నుంచి స్ట్రీమింగ్ అవుతోంది. ఈ సినిమాకు నీరజ్ పాండే, రితేశ్ షా దర్శకత్వం వహించారు.

చార్ యార్ (Chaar Yaar) - పాపులర్ యూట్యూబర్ పూరవ్ ఝా, నమన్ జైన్, సాఖిబ్ అయూబ్, ప్రయ్రాక్ మెహతా ప్రధాన పాత్రలో నటించిన క్రైమ్ డ్రామా థ్రిల్లర్ సిరీస్ 'చార్ యార్'. అమెజాన్ ప్రైమ్ వీడియో(Amazon Prime Video)లో అక్టోబర్ 23 (శుక్రవారం) నుంచి స్ట్రీమింగ్ అవుతోంది. వినయ్ వైకుల్ దర్శకత్వం వహించగా పి.ఎస్. శ్యామ్, ప్రణతి నగర్‌శేఠ్, నిరాజ్ నగర్‌శేఠ్ నిర్మించారు.

సుమో దీదీ (Sumo Didi) - శ్రియం భగ్నాని ప్రధాన పాత్రలో నటించిన బయోగ్రాఫికల్ స్పోర్ట్స్ డ్రామా ఇది. ఇండియాస్ ఫస్ట్ ప్రొఫెషనల్ మహిళా సుమో రెజ్లర్ హేతల్ డేవ్ రియల్ లైఫ్ ఆధారంగా రూపొందింది. శుక్రవారం (అక్టోబర్ 23) నుంచి ZEE5లో స్ట్రీమింగ్ కానుంది. జయంత్ రోహత్గి ఈ సినిమాకి దర్శకత్వం వహించారు. జ్యోతి దేశ్‌పాండే, ఆకాష్ చావ్లా, అరుణవ సేన్‌గుప్తా, అమిత్ చంద్ర నిర్మించారు.

ది లెజెండ్ ఆఫ్ హనుమాన్ సీజన్ 7 - యానిమేటెడ్, మైథాలజీ, అడ్వెంచర్ సిరీస్ 'ది లెజెండ్ ఆఫ్ హనుమాన్' మరోసారి ప్రేక్షకులను అలరించేందుకు సిద్ధమైంది. సరికొత్త సీజన్ 7 శుక్రవారం నుంచి జియో హాట్‌స్టార్‌లో (Jio Hotstar) స్ట్రీమింగ్ కానుంది. హిందీతో పాటు తెలుగు, తమిళ, కన్నడ, మలయాళం, బెంగాలీ, మరాఠీ భాషల్లో స్ట్రీమింగ్ అవుతోంది.

ధూమకేతు (Dhoomakethu) - రీసెంట్ మలయాళం సైన్స్ ఫిక్షన్ కామెడీ థ్రిల్లర్ ధూమకేతు. శుక్రవారం (అక్టోబర్ 23) నుంచి ఇంటర్నేషనల్ ఓటీటీ నెట్ ఫ్లిక్స్ (Netflix)లో మలయాళంతో పాటు తెలుగు, తమిళం, కన్నడ, హిందీ భాషల్లో స్ట్రీమింగ్ కానుంది. మూవీలో సజిన్ గోపు, నిఖిలా విమల్ (Nikhila Vimal) ప్రధాన పాత్రల్లో నటించారు. అలాగే, గణపతి, షైన్ టామ్ చాకో, సిద్దార్థ్ భరతన్ తదితరులు కీలకపాత్రలు పోషించారు.

Also Read : Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

ఓటీటీ మూవీస్/ వెబ్ సిరీస్

నెట్ ఫ్లిక్స్ (Netflix) - ది ప్యారడైజ్ (తెలుగు మూవీ), గజబ్ రాత్ (తెలుగు డబ్బింగ్ మూవీ), డోరతీ (తెలుగు డబ్బింగ్ మూవీ), ధూమకేతు (తెలుగు డబ్బింగ్ మూవీ), ల్యూపీన్ పార్ట్ 4 (ఇంగ్లీష్ సిరీస్), సర్వైవింగ్ హరికేన్ ఓటిస్ (ఇంగ్లీష్ సిరీస్), ప్యారలైజ్డ్ బై హోప్ (ఇంగ్లీష్ సిరీస్).

జీ5 (ZEE5) - సుమో దీదీ (బయోగ్రఫీ మూవీ), ద ఇన్వైట్ (ఇంగ్లీష్ మూవీ), సట్టమమ్ నీదుయుమ్ సీజన్ 2 (తెలుగు డబ్బింగ్ సిరీస్).

జియో హాట్ స్టార్ (Jio Hotstar) - వరం (తెలుగు సిరీస్), ద లెజెండ్ ఆఫ్ హనుమాన్ (తెలుగు డబ్బింగ్ సిరీస్).

అమెజాన్ ప్రైమ్ వీడియో (Amazon Prime Video) - చార్ యార్ (హిందీ సిరీస్).

ఆహా (Aha) - నా వైఫ్ మిస్సింగ్ (తెలుగు క్రైమ్ థ్రిల్లర్ మూవీ).

Also Read : Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

Ganesh Guptha — Thu, 22 Oct 2026 16:33:32 +0530

Varun Sandesh's Crime Investigation Thriller Na Wife Missing OTT Streaming : 'కొత్త బంగారు లోకం' మూవీతో సూపర్ క్రేజ్ సంపాదించుకున్న జంట వరుణ్ సందేశ్, శ్వేతా బసు ప్రసాద్. దాదాపు 18 ఏళ్ల తర్వాత వీరిద్దరూ కలిసి నటించిన క్రైమ్ ఇన్వెస్టిగేషన్ థ్రిల్లర్ మూవీ 'నా వైఫ్ మిస్సింగ్'. తాజాగా ఓటీటీలోకి వచ్చిన ఈ సినిమా సూపర్ ట్రెండ్ అవుతోంది.

ఎందులో స్ట్రీమింగ్ అంటే?

ఈ మూవీ ప్రముఖ తెలుగు ఓటీటీ 'ఆహా' (Aha)లో గురువారం (అక్టోబర్ 22) నుంచి స్ట్రీమింగ్ అవుతోంది. గోల్డెన్ సబ్‌స్క్రైబర్స్‌కు బుధవారం నుంచే అందుబాటులో ఉంది. తెలుగుతో పాటు తమిళం ఆడియోలోనూ స్ట్రీమ్ అవుతోంది. ఈ మూవీకి స్వాతి ప్రకాశ్ దర్శకత్వం వహించగా... వరుణ్ సందేశ్, శ్వేతా బసు ప్రసాద్‌లతో పాటు ప్రవీణ్, మోహిత్, జబర్దస్త్ సత్యశ్రీ తదితరులు కీలకపాత్రలు పోషించారు. లైట్ హౌస్ సినీ మ్యూజిక్ బ్యానర్‌పై శివ కంఠమనేని నిర్మించారు.

స్టోరీ ఏంటంటే?

గ్రామీణ బ్యాంకులో అసిస్టెంట్ మేనేజర్‌గా వర్క్ చేస్తుంటాడు బాలు (వరుణ్ సందేశ్). స్వప్నతో (శ్వేతా బసు ప్రసాద్) పెద్దలు అతని పెళ్లి నిశ్చయిస్తారు. పెళ్లి చూపుల్లోనే తాను వర్జిన్ కాదని బాలుకు చెబుతుంది స్వప్న. అబాన్ (మోహిత్) అనే యువకుడిని లవ్ చేస్తుంది. తన కంటే వయసులో చిన్న వాడు కావడం, మతం వేరే కావడంతో బాలుతో స్వప్న పెళ్లిన బలవంతంగా జరిపిస్తారు. అయితే, పెళ్లికి ముందే తాను వర్జిన్ కాదని చెప్పినా బాలు ఆమెను పెళ్లి చేసుకుంటాడు.

ఆ తర్వాత తాను ప్రేమించిన అబాన్‌తో వెళ్లిపోతానని బాలుతో చెబుతుంది స్వప్న. అయితే, అనూహ్యంగా కనిపించకుండా పోతుంది. ఈ కేసులో బాలును అరెస్ట్ చేస్తారు పోలీసులు. బెయిల్‌పై జైలు నుంచి బయటకు వచ్చిన బాలు స్వప్న కోసం వెతుకుతుంటాడు. అబాన్ దగ్గరకు స్వప్న వెళ్లలేదని తెలుసుకుని షాక్ అవుతాడు. అసలు స్వప్న ఏమైంది? ఆమెను కిడ్నాప్ చేసింది ఎవరు? అబాన్, బాలుల్లో స్వప్న నిజంగా ఎవరిని ప్రేమించింది? తాను వర్జిన్ కాదని చెప్పినా బాలు స్వప్నను ఎందుకు పెళ్లి చేసుకున్నాడు? చివరకు స్వప్న దొరికిందా? అనేది తెలియాలంటే సినిమా చూడాల్సిందే.

Also Read : Jailer 2 Collection : రజనీ కాంత్ జైలర్ 2 మరో రికార్డు - వారం రోజుల్లో కలెక్షన్స్ ఎంతంటే?

Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

Ganesh Guptha — Thu, 22 Oct 2026 16:05:18 +0530

Akhil Uddimeri's Psychological Thriller Fight Maha OTT Streaming : కలలు నిజమైతే.. అది ఎవరి నిజం? అనే ఆసక్తికరమైన ట్యాగ్‌లైన్‌తో తెరకెక్కిన సైకలాజికల్ థ్రిల్లర్ చిత్రం ‘ఫైట్ మహా’ (Fight Maha). రాజు వెడ్స్ రాంబాయి ఫేమ్ అఖిల్ రాజ్, సునీల్ ప్రధాన పాత్రల్లో నటించిన ఈ మూవీ ఆగస్ట్ 21న ప్రేక్షకుల ముందుకు వచ్చింది. బాక్సాఫీస్ వద్ద మిక్స్‌డ్ టాక్ సొంతం చేసుకున్న సినిమా ఇప్పుడు ఓటీటీలోకి వచ్చేందుకు రెడీ అవుతోంది.

ఎందులో స్ట్రీమింగ్ అంటే?

సునీల్, అఖిల్ సైకలాజికల్ థ్రిల్లర్ మూవీ ప్రముఖ తెలుగు ఓటీటీ 'ఈటీవీ విన్' (Etv Win)లో గురువారం నుంచి స్ట్రీమింగ్ అవుతోంది. 'ది ఫైట్ ఈజ్ ఆన్' అంటూ స్పెషల్ పోస్టర్ రిలీజ్ చేశారు మేకర్స్. రామ్‌గోపాల్ వర్మ నిర్మాణంలో సంచలనం సృష్టించిన 'మర్డర్' చిత్ర దర్శకుడు ఆనంద్ చంద్ర ఈ చిత్రానికి దర్శకత్వం వహించారు.

సునీల్, అఖిల్‌లతో పాటు డాక్టర్ శ్రీవాణి గోపిచంద్, వైష్ణవి, సిద్ధార్థ్, శ్రీకాంత్ అయ్యంగార్, సమీర్, దీపక్ కేశవ్, కృష్ణరాజు (జోగి బ్రదర్స్), జబర్దస్త్ శాంతి కుమార్, ఆయేషా, హరీష్, పూర్ణ శ్రీ, మాస్టర్ రోహన్ తదితరులు కీలకపాత్రలు పోషించారు. న్యూ ఐ మూవీస్ ఎల్ఎల్‌పీ బ్యానర్‌పై ఏవీఎస్ రాజు, ఆర్. కుమార్ రాజు, ఆనంద్ చంద్ర నిర్మించారు. మరి ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.

స్టోరీ ఏంటంటే?

విశాఖకు చెందిన మహాకు (అఖిల్) ఆర్టిస్ట్ కావాలనేది కోరిక. హైదరాబాద్‌లో ఉద్యోగం వచ్చిందని తల్లికి చెప్పి తన లక్ష్యం కోసం నగరానికి చేరుకుంటాడు. అక్కడ పోలీస్ శాఖలో స్కెచ్ ఆర్టిస్ట్‌గా పని చేసే అవకాశం వస్తుంది. ఎన్నో కీలక కేసుల్లో క్రిమినల్స్ స్కెచ్ వేసి సాల్వ్ చేస్తుంటాడు. అయితే, మహాకు స్లీపింగ్ డిజార్డర్ అనే సమస్య ఉంటుంది. నిద్రలో భయంకరమైన కలలు, నడక అనేక సమస్యలు వెంటాడుతాయి. దీంతో తీవ్ర మానసిక వేదనకు గురవుతాడు.

తన బాల్యం, చనిపోయిన తండ్రి (సునీల్) కలలో కనిపిస్తారు. తన సమస్య తీర్చుకునేందుకు సైకాలజిస్ట్ గుప్తా (శ్రీకాంత్ అయ్యంగార్)ను మీట్ అవుతాడు. అలా అతని జీవితంలోకి యోగా టీచర్ అమీనా వస్తుంది. అంతా ప్రశాంతంగా జరుగుతున్న టైంలో మహా జీవితంలో ఊహించని ఘటన జరుగుతుంది. నిద్రలో నడక వల్ల ఓ హత్య కేసులో ఇరుక్కుంటాడు. అసలు ఆ హత్య చేసింది ఎవరు? మహాకు చనిపోయిన మహిళకు సంబంధం ఏంటి? ఎందుకు మహాను తన తండ్రి చిన్న నాటి కలలు వెంటాడుతాయి? అనేది తెలియాలంటే సినిమా చూడాల్సిందే.

Also Read : Sai Pallavi : రామాయణ 3Dలోనే చూడండి - అద్భుతమైన విజువల్ ఎక్స్‌పీరియన్స్... ఆడియన్స్‌కు సాయి పల్లవి రిక్వెస్ట్

Ramayana OTT: ఆ ఓటీటీలోకి 'రామాయణ'... కానీ ఓ ట్విస్ట్, సబ్‌స్క్రిప్షన్ ఉంటే చాలదు గురూ

S Niharika — Thu, 22 Oct 2026 10:19:44 +0530

భారతీయ చిత్రసీమలో భారీ అంచనాలు నెలకొన్న సినిమాల్లో 'రామాయణ: పార్ట్ వన్' (Ramayana Part 1) ఒకటి. నవంబర్ 5న ప్రపంచవ్యాప్తంగా వివిధ భాషలలో ప్రేక్షకుల ముందుకు రానుంది. థియేటర్లలో భారీ ఎత్తున విడుదల చేయడానికి సన్నాహాలు జరుగుతున్నాయి. ఇప్పుడు ప్రేక్షకులలో కొందరు థియేట్రికల్ రిలీజ్ కంటే ముందు ఓటీటీ స్ట్రీమింగ్ గురించి ఆలోచిస్తున్నారు. మరి, 'రామాయణ' ఓటీటీ రిలీజ్ ఎప్పుడు? ఎందులో వస్తుంది? ఏ పద్ధతిలో వస్తుంది? అంటే...

పే పర్ వ్యూ పద్ధతిలో 'రామాయణ' స్ట్రీమింగ్
'రామాయణ' థియేట్రికల్ రన్ పూర్తయ్యాక జియో హాట్ స్టార్ ఓటీటీ ప్లాట్‌ఫామ్‌లో స్ట్రీమింగ్ కానుంది. అయితే... ఆ సినిమా చూడటానికి ఓటీటీ సబ్‌స్క్రిప్షన్ మాత్రమే ఉంటే సరిపోదు. ఎక్స్ట్రా డబ్బులు పే చేయాల్సిందే. ఎందుకంటే...

Also Read: Actress Rajitha Comments On Tollywood - మమ్మల్ని పక్కన పెట్టి పరభాషా నటీమణులకు ఛాన్సులు... సీనియర్ నటి రజిత ఆవేదన

'రామాయణ' థియేట్రికల్ రన్ ముగిసిన తర్వాత జియో హాట్‌ స్టార్ (JioHotstar) ఓటీటీలో పే పర్ వ్యూ (Pay-Per-View) మోడల్‌లో సినిమా స్ట్రీమింగ్ కానుంది. ఆ విషయాన్ని జియో హాట్ స్టార్ సంస్థ కన్ఫర్మ్ చేసింది.పే పర్ వ్యూ మోడల్ ప్రకారం డిజిటల్ ప్లాట్‌ఫామ్‌లో సినిమాను చూడటానికి సబ్‌స్క్రిప్షన్‌ అమౌంట్‌తో పాటు ఎక్స్ట్రాగా ఇంకొంత అమౌంట్ పే చేయాల్సి ఉంటుంది. అదీ సంగతి. నవంబర్ 5న థియేటర్లలో సినిమా విడుదల అవుతుండగా... మినిమమ్ రెండు నెలల తర్వాత ఓటీటీలోకి సినిమా రానుందట.

Also Read: Mouli Tanuj Prasanth - బాధేసింది... పెద్ద ఫ్యామిలీ కుర్రోడిని అనగలరా? యాంకర్ కామెంట్స్‌పై మౌళి రియాక్షన్

View this post on Instagram

A post shared by Ramayana: Rise of a Legend (@ramayanamovie)

'రామాయణ' చిత్రాన్ని హిందీ నిర్మాత నమిత్ మల్హోత్రా, కన్నడ కథానాయకుడు యష్ సంయుక్తంగా నిర్మిస్తున్నారు. ఈ చిత్రానికి హాలీవుడ్ సంగీత దర్శకుడు హన్స్ జిమ్మర్, భారతీయ సంగీత దిగ్గజం ఏఆర్ రెహమాన్ సంగీతం అందిస్తున్నారు. నితేష్ తివారీ దర్శకత్వం వహిస్తున్నారు. ఇందులో రామునిగా రణ్‌బీర్ కపూర్, రావణాసురుడిగా యష్, సీతా దేవిగా సాయి పల్లవి నటించారు.

Also Read: The Paradise OTT Streaming - నెట్‌ఫ్లిక్స్‌లో నాని ప్యారడైజ్ స్ట్రీమింగ్ షురూ... ఎన్ని భాషల్లో అందుబాటులోకి వచ్చిందంటే?

The Paradise OTT: నెట్‌ఫ్లిక్స్‌లో నాని ప్యారడైజ్ స్ట్రీమింగ్ షురూ... ఎన్ని భాషల్లో అందుబాటులోకి వచ్చిందంటే?

S Niharika — Thu, 22 Oct 2026 08:50:56 +0530

Nani Paradise OTT Streaming Platform: నేచురల్ స్టార్ నాని కథానాయకుడిగా నటించిన తాజా చిత్రం 'ది ప్యారడైజ్'. సెప్టెంబర్ 24న విడుదల అయ్యింది. ఈ సినిమా థియేటర్లలోకి వచ్చిన నాలుగు వారాలకే ఓటీటీలోకి వచ్చింది. ఇవాళ్టి నుంచి స్ట్రీమింగ్ అవుతోంది. ఏ ఓటీటీలో ప్యారడైజ్ స్ట్రీమింగ్ అవుతోంది? ఎన్ని భాషల్లో అందుబాటులో ఉంది? అనేది చూస్తే...

నెట్‌ఫ్లిక్స్‌ ఓటీటీలో... ఐదు భాషల్లో!
Nani Paradise Netflix Release Date: నాని 'ప్యారడైజ్' ఓటీటీ హక్కుల్ని ప్రముఖ డిజిటల్ స్ట్రీమింగ్ ప్లాట్‌ఫార్మ్ నెట్‌ఫ్లిక్స్ సొంతం చేసుకుంది. ఇవాళ్టి (అక్టోబర్ 22) నుంచి వీక్షకులకు అందుబాటులోకి తీసుకు వచ్చింది.

'ది ప్యారడైజ్'ను ఐదు భాషల్లో స్ట్రీమింగ్ చేస్తోంది నెట్‌ఫ్లిక్స్. తెలుగుతో పాటు హిందీ, తమిళ, కన్నడ, మలయాళ భాషల్లో అందుబాటులోకి తీసుకు వచ్చింది. ఈ సినిమాను పాన్ ఇండియా రిలీజ్ చేసిన సంగతి తెలిసిందే. ఇప్పుడు ఐదు భాషల్లో ప్రపంచవ్యాప్తంగా ఒకేసారి స్ట్రీమింగ్ చేస్తున్నారు.

ఓటీటీలో రన్ టైమ్ తగ్గిందండోయ్!
సాధారణంగా థియేటర్లలో సినిమా విడుదలైన తర్వాత బ్యాడ్ రెస్పాన్స్ వస్తే... ఆ సినిమాలను ఓటీటీలకు తీసుకు వచ్చేటప్పుడు రన్‌ టైమ్‌ను బాగా తగ్గించిన సందర్భాలు ఉన్నాయి. ఓటీటీలలోకి వచ్చే వరకు వెయిట్ చేయకుండా థియేట్రికల్ రిలీజ్ అయిన వారానికి రన్ టైమ్ తగ్గించిన సినిమాలు ఉన్నాయి.

'ది ప్యారడైజ్' విషయంలో కూడా ఓటీటీ వెర్షన్ రన్‌ టైమ్ తగ్గుతుందని ఇంతకు ముందు వార్తలు వచ్చాయి. నాని దగ్గరుండి మరీ నిడివి తగ్గిస్తున్నారని ఫిలింనగర్ వర్గాల్లో ఓ వార్త గుప్పుమన్నది. అయితే... నెట్‌ఫ్లిక్స్ స్ట్రీమింగ్ వెర్షన్‌లో కేవలం నాలుగు నిమిషాల నిడివి మాత్రమే తగ్గింది.

సోసోగా థియేట్రికల్ రెస్పాన్స్... విమర్శలు!
నాని హీరోగా యువ దర్శకుడు శ్రీకాంత్ ఓదెల తెరకెక్కించిన 'ది ప్యారడైజ్' మీద విడుదల ముందు భారీ అంచనాలు నెలకొన్నాయి. హీరో, దర్శకుడి కలయికలో ఇంతకు ముందు 'దసరా' వంటి హిట్ రావడం, టీజర్ & ట్రైలర్ మాసీగా ఉండటం వల్ల ఆడియన్స్ ఎన్నో ఆశలు పెట్టుకున్నారు. తీరా థియేటర్లలోకి సినిమా వచ్చిన తర్వాత నాని అభిమానులతో పాటు సాధారణ ప్రేక్షకులను కూడా డిజప్పాయింట్ చేసిందీ సినిమా. శ్రీకాంత్ ఓదెల అరకొర చిత్రాన్ని ప్రేక్షకులకు అందించారంటూ నెటిజన్లు విమర్శలు చేశారు.

Also Read: Fauzi Glimpse - ప్రభాస్ బర్త్‌డే గిఫ్ట్ 'ఫౌజీ' గ్లింప్స్‌లో ఏముంటుంది? రివీల్ చేసిన ప్రొడ్యూసర్

నాని సరసన కయాదు లోహార్ కథానాయికగా నటించిన 'ది ప్యారడైజ్' చిత్రాన్ని సుధాకర్ చెరుకూరి నిర్మించారు. ఇందులో లెజెండరీ నటుడు, కలెక్షన్ కింగ్ డా. మోహన్ బాబు, హిందీ నటుడు రాఘవ్ జుయల్ విలన్ రోల్స్ చేశారు. నాని తల్లి పాత్రలో సొనాలి కులకర్ణి కనిపించగా... నాని స్నేహితుడిగా సంపూర్ణేష్ బాబు, ఇంకా విషిక తదితరులు నటించారు. అనిరుధ్ రవిచందర్ సంగీతాన్ని అందించారు.

Also Read: Mammootty Vs Dulquer Salmaan - బాక్సాఫీస్ బరిలో తండ్రీ కొడుకుల యుద్ధం... నవంబర్ 20న మమ్ముట్టి, దుల్కర్ సినిమాల రిలీజ్

Science Fiction Thriller OTT : ఫస్ట్ నైట్‌కు ముందే వరుడి మర్డర్ - ఓటీటీలోకి వచ్చేస్తోన్న సైన్స్ ఫిక్షన్ థ్రిల్లర్... ఎప్పుడు, ఎందులో స్ట్రీమింగ్ అంటే?

Ganesh Guptha — Tue, 20 Oct 2026 15:36:15 +0530

Nikhila Vimal's Time Loop Scientific Thriller Dhoomakethu OTT Release Date Locked : మలయాళం మూవీస్‌కు తెలుగులోనూ సూపర్ క్రేజ్ ఉంది. అందులోనూ క్రైమ్, యాక్షన్, సైంటిఫిక్ కామెడీ థ్రిల్లర్ కంటెంట్ ఉన్న మూవీస్ అంటే మరింత స్పెషల్. తాజాగా మరో మలయాళ సైన్స్ ఫిక్షన్ కామెడీ థ్రిల్లర్ ఓటీటీలోకి వచ్చేందుకు రెడీ అవుతోంది. ఇంతకూ ఆ మూవీ ఏంటంటే...

టైమ్ లూప్ థ్రిల్లర్

మలయాళంలో రీసెంట్‌గా రిలీజై మంచి టాక్ సొంతం చేసుకున్న టైమ్ లూప్ సైన్స్ ఫిక్షన్ కామెడీ థ్రిల్లర్ ధూమకేతు (Dhoomakethu). సుధీ మాడిసన్ దర్శకత్వం వహించిన ఈ సినిమా సెప్టెంబర్ 25న ప్రేక్షకుల ముందుకు వచ్చింది. అక్టోబర్ 23 నుంచి ఇంటర్నేషనల్ ఓటీటీ నెట్ ఫ్లిక్స్ (Netflix)లో మలయాళంతో పాటు తెలుగు, తమిళం, కన్నడ, హిందీ భాషల్లో స్ట్రీమింగ్ కానుంది.

మూవీలో సజిన్ గోపు, నిఖిలా విమల్ (Nikhila Vimal) ప్రధాన పాత్రల్లో నటించారు. అలాగే, గణపతి, షైన్ టామ్ చాకో, సిద్దార్థ్ భరతన్ తదితరులు కీలకపాత్రలు పోషించారు. అంకిత్ మీనన్ మ్యూజిక్ అందించారు.

Also Read : Crime Thriller Series OTT : తల లేని మొండెం... వరుసగా 8 హత్యలు - చేతబడి చేశారా?... ఓటీటీలోకి వచ్చేస్తోన్న క్రైమ్ థ్రిల్లర్ సిరీస్

స్టోరీ ఏంటంటే?

ఈ మూవీ స్టోరీ 36 ఏళ్ల లతీన్ కుమార్ అలియాస్ కుట్టన్ (సజిన్ గోపు) అనే వ్యక్తి చుట్టూ తిరుగుతుంది. శర్మిల (నిఖిలా విమల్) అనే అమ్మాయిని ఇష్టపడి పెళ్లి చేసుకుంటాడు. అయితే, ఫస్ట్ నైట్‌కు రెడీ అవుతుండగా... కుట్టన్‌ను కొందరు ముసుగు ధరించిన దుండగులు దారుణంగా మర్డర్ చేస్తారు. అయితే, ఊహించని విధంగా కుట్టన్ చనిపోయిన మరుసటి రోజు ఉదయం అతను పెళ్లి రోజున నిద్ర లేస్తాడు. ప్రతీ రోజూ రాత్రి ఇదే టైమ్ లూప్‌లో సేమ్ ఘటన జరుగుతుంటుంది.

కుట్టన్ ప్రతీ రోజూ చనిపోతూ మళ్లీ తర్వాతి రోజు నిద్ర లేస్తాడు. ఈ వింత వలయం నుంచి కుట్టన్ ఎలా బయటపడ్డాడు? అతన్ని చంపడానికి ప్రయత్నిస్తున్న ముసుగు దొంగలు ఎవరు? వీటిని చూసిన శర్మిల ఏం చేసింది? కుట్టన్ గతానికి దీనికి సంబంధం ఏమైనా ఉందా? టైమ్ లూప్ థ్రిల్లర్‌లో ఊహించని ట్విస్టులేంటి? అనేది తెలియాలంటే సినిమా చూడాల్సిందే.

View this post on Instagram

A post shared by Netflix India (@netflix_in)

Also Read : Jayammu Nischyammu Raa : అరేంజ్డ్ ప్లస్ లవ్ మ్యారేజ్ - పంజాగుట్ట ఫ్లాట్‌లో గోల్డెన్ మెమొరీస్... త్రివిక్రమ్ సునీల్ తమన్ ఏం చెప్పారంటే?

Crime Thriller Series OTT : తల లేని మొండెం... వరుసగా 8 హత్యలు - చేతబడి చేశారా?... ఓటీటీలోకి వచ్చేస్తోన్న క్రైమ్ థ్రిల్లర్ సిరీస్

Ganesh Guptha — Tue, 20 Oct 2026 12:35:20 +0530

Naresh Agastya's Crime Investigation Thriller Series Rudravanam PS OTT Release Date Locked : క్రైమ్ థ్రిల్లర్స్‌పై ఉండే క్రేజ్ గురించి ప్రత్యేకంగా చెప్పాల్సిన పని లేదు. ఇప్పటికే 'వీరభద్రుని రహస్యం'తో సూపర్ థ్రిల్లింగ్ పంచిన ZEE5 మరో క్రేజీ సిరీస్‌తో ఆడియన్స్‌ను ఎంటర్టైన్ చేయనుంది. మరి ఆ సిరీస్ ఏంటి? అనేది ఓసారి చూస్తే...

ఎప్పటి నుంచి స్ట్రీమింగ్ అంటే?

థ్రిల్లింగ్ కంటెంట్, సస్పెన్స్ ఎలిమెంట్స్‌తో త్వరలోనే ఓటీటీ ఆడియన్స్ ముందుకు రాబోతోంది 'రుద్రవనం PS' (Rudravanam PS). ఈ సిరీస్ ఫస్ట్ సీజన్‌లో 7 ఎపిసోడ్స్ ఉండనున్నాయి. ప్రముఖ ఓటీటీ ZEE5లో అక్టోబర్ 30 (శుక్రవారం) నుంచి స్ట్రీమింగ్ కానుంది. 'చీకటి రహస్యాలు, ఉత్కంఠభరితమైన క్షణాలు, మిమ్మల్ని సీటు అంచున కూర్చునేలా చేసే ఒక ఆసక్తికరమైన రహస్యం. అసలైన ఉత్కంఠ ఇప్పుడే మొదలైంది.' అంటూ ట్రైలర్ రిలీజ్ చేశారు మేకర్స్.

ఈ సిరీస్‌కు శశిధర్ మున్నంగి దర్శకత్వం వహించగా... నరేశ్ అగస్త్య ప్రధాన పాత్రలో నటించారు. అలాగే, బెనర్జీ, శివ ఆలపాటి, సుగాలి సిలోనీ, చారు వాకన్, శ్రావణి రెడ్డి తదితరులు కీలకపాత్రలు పోషించారు. శ్రీచక్ర మూవీస్ బ్యానర్‌పై నిర్మించారు.

స్టోరీ ఏంటంటే?

రుద్రవనం అనే ఊరిలో వరుస హత్యలు కలకలం రేపుతుంటాయి. అడవిలో తల లేని మొండెంతో ఒక శవం పోలీసులకు లభ్యమవుతుంది. ఈ కేసు విచారించిన ఎస్సై వేణుగోపాల్ (నరేష్ అగస్త్య)కు షాకింగ్ నిజాలు తెలుస్తాయి. ఒక్క హత్యే కాకుండా అదే పద్ధతిలో ఏడుగురిని దుండగులు చంపేశారని తెలుసుకుంటారు. అసలు ఈ హత్యలు చేసింది ఎవరు? దీని వెనుక క్షుద్రపూజలు, చేతబడి కారణాలు ఏమైనా ఉన్నాయా? పోలీసులు తెలుసుకున్న నిజాలు ఏంటి? మర్డర్ మిస్టరీస్‌ను పోలీసులు ఎలా ఛేదించారు? అనేది తెలియాలంటే సిరీస్ రిలీజ్ అయ్యే వరకూ వెయిట్ చేయాల్సిందే.

View this post on Instagram

A post shared by Zee 5 Telugu (@zee5telugu)

Also Read : Varanasi Story : తండ్రీ కొడుకుల ఎమోషన్ విత్ క్యూట్ లవ్ స్టోరీ - అతి పెద్ద సవాల్ అదే?... వారణాసి స్టోరీ లీక్ చేసిన రాజమౌళి

Jayammu Nischyammu Raa : అరేంజ్డ్ ప్లస్ లవ్ మ్యారేజ్ - పంజాగుట్ట ఫ్లాట్‌లో గోల్డెన్ మెమొరీస్... త్రివిక్రమ్ సునీల్ తమన్ ఏం చెప్పారంటే?

Ganesh Guptha — Tue, 20 Oct 2026 11:36:19 +0530

Trivikram Srinivas Sunil Shares Their Movie Career In Jayammu Nischayammura Show : సెలబ్రిటీల జీవితాల్లోని స్నేహాలు, కష్టాలు, వ్యక్తిగత అనుభవాలు తెలుసుకునేలా... ఆసక్తికరమైన విశేషాలను ఆవిష్కరిస్తోంది 'జయమ్ము నిశ్చయమ్మురా విత్ జగపతి' రెండో సీజన్. సరదా సంభాషణలు, పాత జ్ఞాపకాలు, మనసులోని మాటలు, అనుకోకుండా పంచుకునే హాస్య సంఘటనలతో ఈ షో ఆహ్లాదకరంగా ఆకట్టుకుంటోంది.

లేటెస్ట్ ఎపిసోడ్‌లో ప్రముఖ దర్శకుడు త్రివిక్రమ్ శ్రీనివాస్, నటుడు సునీల్, సంగీత దర్శకుడు ఎస్.ఎస్. తమన్ సందడి చేయనున్నారు. తాజాగా విడుదలైన ప్రోమోలో వీరి మధ్య జరిగిన ఆసక్తికరమైన సంభాషణలు, వ్యక్తిగత జ్ఞాపకాలు, సినీ పరిశ్రమలో వారి అనుబంధాలకు సంబంధించిన విశేషాలు ఆకట్టుకుంటున్నాయి.

త్రివిక్రమ్ సునీల్ ఫ్రెండ్‌షిప్

ఈ ఎపిసోడ్‌లో ప్రధాన ఆకర్షణ త్రివిక్రమ్, సునీల్ మధ్య ఉన్న ఎన్నో ఏళ్ల స్నేహం. సినీ పరిశ్రమలో తమకంటూ ప్రత్యేక గుర్తింపు తెచ్చుకోకముందు.. తొలినాళ్లలో పంజాగుట్టలో ఒకే ఫ్లాట్‌లో కలిసి ఉన్న రోజులను వీరు గుర్తు చేసుకున్నారు. అప్పటి అనుభవాలు, జ్ఞాపకాలను పంచుకుంటూ తమ ప్రయాణంలోని ఆసక్తికరమైన విషయాలను వెల్లడించారు. వృత్తిపరంగా ఎన్నో విజయాలు సాధించిన వీరి వెనుక.. ఏళ్ల నాటి స్నేహం, ఆశయాలు, కలిసి గడిపిన అనుభవాలు ఉన్నాయనే విషయాన్ని ఈ ఎపిసోడ్ గుర్తు చేస్తోంది.

Also Read : Na Wife Missing Series Trailer : వైఫ్ మిస్ అయ్యిందా? మిస్ చేశారా? - థ్రిల్లింగ్‌గా వరుణ్ సందేశ్, శ్వేతా బసు క్రైమ్ థ్రిల్లర్ సిరీస్ ట్రైలర్... ఎప్పుడు స్ట్రీమింగ్ అంటే?

అరేంజ్డ్ ప్లస్ లవ్ మ్యారేజ్

త్రివిక్రమ్‌ది ‘అరేంజ్డ్ ప్లస్ లవ్ మ్యారేజ్’ అంటూ నవ్వులు పూయించారు సునీల్. ఒకరిపై ఒకరు జోకులు వేసుకుంటూ, తమ మధ్య ఉన్న చనువును బయటపెట్టారు. వ్యక్తిగత విషయాలు, పాత జ్ఞాపకాలతో పాటు ఆహ్లాదకరమైన హాస్యాన్ని మేళవించడం ఈ షోకు ప్రత్యేక ఆకర్షణ అని చెప్పొచ్చు.

ఎస్.ఎస్. తమన్ ఎంట్రీతో సంభాషణ మరో ఆసక్తికరమైన మలుపు తీసుకుంటుంది. దర్శకుడి ఆలోచనలకు అనుగుణంగా, ప్రేక్షకులు గుర్తుంచుకునేలా ఓ మంచి పాటను అందించాల్సిన బాధ్యత సంగీత దర్శకుడిపై ఎంత ఉంటుందో ఈ సంభాషణ తెలియజేస్తుంది. అంచనాలు ఎక్కువగా ఉన్నప్పుడు వాటిని అందుకోవడం వెనుక ఉండే ఒత్తిడిని కూడా ఈ ముచ్చట్లు సరదాగా ఆవిష్కరించాయి. త్రివిక్రమ్, సునీల్ తమ తొలినాళ్ల జ్ఞాపకాలను గుర్తుచేసుకోవడం, తమన్ సినిమా సంగీతం వెనుక ఉన్న సృజనాత్మక విషయాలను తెలియజేయటం.. ఈ ఎపిసోడ్‌లో ఎన్నో ఆసక్తికరమైన అంశాలు ఉన్నాయి.

తెలుగు సినీ సంస్కృతి, ప్రేక్షకుల అభిరుచులకు అనుగుణమైన వినోద కార్యక్రమాల ద్వారా తెలుగు ప్రేక్షకులకు మరింత చేరువయ్యేందుకు జీ5కు ఈ షో మరో మంచి వేదికగా నిలుస్తోంది. వెండితెరపై కనిపించే ప్రముఖుల వ్యక్తిగత జీవితాలు, స్నేహాలు, అనుబంధాలకు సంబంధించిన ఆసక్తికరమైన విషయాలను ప్రేక్షకుల ముందుకు తీసుకొస్తోంది. సినిమాలు, వెబ్ సిరీస్‌లతో పాటు సెలబ్రిటీల వ్యక్తిత్వాలు, వారి మధ్య ఉన్న అనుబంధాలు, మనందరికీ పరిచయమైన సినీ జ్ఞాపకాల చుట్టూ సాగే ఇలాంటి కార్యక్రమాలతో జీ5 తన తెలుగు కంటెంట్‌ను మరింతగా ముందుకు తీసుకెళ్తోంది. లేటెస్ట్‌ ఎపిసోడ్ అక్టోబర్ 23 (శుక్రవారం) జీ5లో స్ట్రీమింగ్ కానుంది. అలాగే ఈ ఆదివారం రాత్రి 7:30 గంటలకు జీ తెలుగులో ప్రసారం కానుంది.