ott-webseries

Jana Nayakudu OTT: జన నాయకుడు ఓటీటీ రిలీజ్ డేట్... అఫీషియల్‌గా అనౌన్స్ చేసిన జీ5 ఓటీటీ

S Niharika — Tue, 18 Aug 2026 10:53:10 +0530

Jana Nayagan OTT Release Streaming Date Platform: తమిళ చిత్రసీమలో అగ్ర కథానాయకుడిగా ప్రేక్షకుల అభిమానం సొంతం చేసుకున్న దళపతి విజయ్... ప్రజల ఆదరణతో తమిళనాడు ముఖ్యమంత్రి అయ్యారు. ఆయన సీఎం అయ్యాక విడుదలైన మొదటి సినిమా 'జన నాయకుడు'. తమిళంలో 'జన నాయగన్'గా రిలీజ్ అయిన సినిమాకు తెలుగు డబ్బింగ్. విజయ్ నటించిన లాస్ట్ సినిమా (ప్రస్తుతానికి) అదే. ఇప్పుడు ఓటీటీలో సందడి చేయడానికి రెడీ అయ్యింది. 'జన నాయకుడు' ఓటీటీ స్ట్రీమింగ్ డేట్ అనౌన్స్ చేసింది జీ5.

'జీ5' ఓటీటీలో ఆగస్టు 21 నుంచి స్ట్రీమింగ్!
Jana Nayakudu OTT Streaming Date: కోలీవుడ్ డైరెక్టర్ హెచ్. వినోద్ దర్శకత్వం వహించిన 'జన నాయకుడు' సినిమా, థియేటర్లలో విడుదలైన నెల తర్వాత డిజిటల్ స్ట్రీమింగ్‌కు వస్తోంది. ఆగస్టు 21వ తేదీ నుంచి తమ ఓటీటీ వేదికలో ఈ సినిమా స్ట్రీమింగ్ కానున్నట్లు అధికారికంగా ప్రకటించింది జీ5 సంస్థ.

Also Read: Navdeep Reacts To Uppal Balu Controversy - ఎవడెవడో ఏదేదో అంటాడు... ఉప్పల్ బాలు కాంట్రవర్సీపై నవదీప్ రియాక్షన్

తమిళంతో పాటు తెలుగు, హిందీ భాషల్లో 'జన నాయకుడు'ను థియేటర్లలోకి తీసుకు వచ్చారు. హిందీలో 'జన నేత'గా విడుదలైంది. ఈ మూడు భాషల్లో కాకుండా కన్నడ, మలయాళంలోనూ స్ట్రీమింగ్ అయ్యే అవకాశాలు ఉన్నాయ్.

Also Read: Balakrishna Koratala Siva Movie - కొరటాలతో బాలకృష్ణ సినిమా ఆగిందా? యూనిట్ ఇన్‌సైడ్ ఇన్ఫర్మేషన్ ఏమిటంటే?

View this post on Instagram

A post shared by ZEE 5 Tamil (@zee5tamil)

సంక్రాంతికి 'జన నాయకుడు'ను విడుదల చేయాలని ప్లాన్ చేశారు. అయితే... పలు వాయిదాల తర్వాత జూలై 23న థియేటర్లలో విడుదల అయ్యింది. బాక్సాఫీస్ బరిలో ఘన విజయాన్ని అందుకుంది. ఇండియాలో సుమారు రూ. 227.14 కోట్లు, ప్రపంచ వ్యాప్తంగా దాదాపు రూ. 320.34 కోట్లు కలెక్ట్ చేసింది.

విజయ్ సరసన పూజా హెగ్డే కథానాయికగా నటించిన 'జన నాయకుడు'లో బాబీ డియోల్ విలన్. మమితా బైజు కీలక పాత్ర పోషించారు. గౌతమ్ వాసుదేవ్ మీనన్, ప్రియమణి, ప్రకాష్ రాజ్ ఇతర ప్రధాన తారాగణం. అనిరుధ్ రవిచందర్ మ్యూజిక్ చేయగా... కెవిఎన్ ప్రొడక్షన్స్ పతాకంపై వెంకట్ కె నారాయణ నిర్మించారు.

Also Read: Ram Charan Irumudi - రవితేజ 'ఇరుముడి'లో అతిథిగా రామ్ చరణ్... అసలు నిజం ఏమిటంటే?

Crime Thriller OTT : డైరెక్ట్‌గా ఓటీటీలోకి క్రైమ్ ఇన్వెస్టిగేషన్ థ్రిల్లర్ - వరల్డ్ వైడ్ స్ట్రీమింగ్ ఎప్పుడంటే?

Ganesh Guptha — Mon, 17 Aug 2026 17:05:26 +0530

Nimisha Sajayan's Crime Investigation Thriller Babita Singh Reporting OTT Release Date : క్రైమ్, ఇన్వెస్టిగేషన్ థ్రిల్లర్స్ క్రేజ్ గురించి ప్రత్యేకంగా చెప్పాల్సిన పని లేదు. తాజాగా మరో క్రైమ్ ఇన్వెస్టిగేషన్ థ్రిల్లర్ ఓటీటీలోకి డైరెక్ట్‌గా వచ్చేస్తోంది. పాన్ ఇండియా స్థాయిలో థ్రిల్ పంచేందుకు వరల్డ్ వైడ్‌గా డైరెక్ట్ స్ట్రీమింగ్ డేట్ అఫీషియల్‌గా అనౌన్స్ చేశారు. మరి ఆ మూవీ ఏంటి? ఎందులో స్ట్రీమింగ్ అవుతుందంటే?...

ఏ మూవీ?... ఎందులో స్ట్రీమింగ్?

డ్యూటీ నుంచి సస్పెండ్ అయిన ఓ పోలీస్ ఆఫీసర్... తన బాల్య స్నేహితురాలి దారుణ హత్య గురించి చేసే ఇన్వెస్టిగేషన్ బ్యాక్ డ్రాప్‌గా తెరకెక్కిన మూవీ 'బబితా సింగ్ రిపోర్టింగ్' (Babita Singh Reporting). ఈ మూవీ డైరెక్ట్‌గా అమెజాన్ ప్రైమ్ వీడియో వేదికగా ఆగస్ట్ 28 (శుక్రవారం) నుంచి వరల్డ్ వైడ్‌గా స్ట్రీమింగ్ కానుంది. హిందీలో స్ట్రీమింగ్ కానుండగా... ఇతర భాషల్లోనూ అందుబాటులోకి వచ్చే ఛాన్స్ ఉన్నట్లు తెలుస్తోంది.

ఈ మూవీకి అంబీకా పండిట్ దర్శకత్వం వహించగా... నిమిషా విజయన్‌తో పాటు బరున్ సోబ్తీ, అన్షుమాన్ పుష్కర్ తదితరులు కీలకపాత్రలు పోషించారు. అమితా వ్యాస్ రచించారు. 'పాతాళ్ లోక్', 'కోహ్రా' వంటి వెబ్ సిరీస్‌లతో డిజిటల్‌గా సెన్సేషన్ క్రియేట్ చేసిన సుదీప్ శర్మ ఈ ప్రాజెక్టుకు ఎగ్జిక్యూటివ్ ప్రొడ్యూసర్‌గా వ్యవహరించారు. ఫిల్మ్ స్క్వాడ్ ప్రొడక్షన్స్, యాక్ట్ త్రీ ప్రొడక్షన్స్ సంయుక్తంగా నిర్మించాయి.

View this post on Instagram

A post shared by prime video IN (@primevideoin)

Also Read : Husharu Pittalu OTT : ఆ ఓటీటీలోకి హుషారు పిట్టలు - రొమాంటిక్ కామెడీ మూవీ ఎప్పుడు, ఎందులో చూడొచ్చంటే?

స్టోరీ ఏంటంటే?

బబితా సింగ్ అలియాస్ బేబీ అనే మహిళా పోలీస్ చుట్టూ ఈ స్టోరీ సాగుతుంది. విధుల నుంచి సస్పెండ్ అయిన ఆమె తన స్నేహితురాలి దారుణ హత్యతో ఆందోళన చెందుతుంది. కేసు ఇన్వెస్టిగేషన్ చేయాలని అనుకున్నా సస్పెన్షన్‌లో ఉన్నందున అధికారుల నుంచి సపోర్ట్ ఉండదు. దీంతో ఆ మర్డర్ మిస్టరీ ఛేదించేందుకు తానే స్వయంగా రంగంలోకి దిగుతుంది. ఆ తర్వాత ఏం జరిగింది? ఆమె స్నేహితురాలిని చంపింది ఎవరు? ఇన్వెస్టిగేషన్‌లో ఆమెకు ఎదురైన సవాళ్లేంటి? ఆమె ఫ్యామిలీ బ్యాగ్రౌండ్ ఏంటి? బబితా సింగ్‌ను ఎందుకు సస్పెండ్ చేశారు? అనేది తెలియాలంటే సినిమా చూడాల్సిందే.

Also Read : This Week OTT Movies : ఈ వారం ఓటీటీల్లో ట్రెండింగ్ మూవీస్ - ఒకే రోజు 5 సినిమాలు... ఇవి డోంట్ మిస్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Husharu Pittalu OTT : ఆ ఓటీటీలోకి హుషారు పిట్టలు - రొమాంటిక్ కామెడీ మూవీ ఎప్పుడు, ఎందులో చూడొచ్చంటే?

Ganesh Guptha — Mon, 17 Aug 2026 16:29:24 +0530

Vasavi Ganeshan's Husharu Pittalu OTT Platform Locked : అన్ష్, వాసవి గణేశన్ ప్రధాన పాత్రల్లో నటించిన రీసెంట్‌ రొమాంటిక్ యూత్ కామెడీ ఎంటర్టైనర్ హుషారు పిట్టలు (Husharu Pittalu). ఆగస్ట్ 15న ప్రేక్షకుల ముందుకు వచ్చిన ఈ సినిమా మంచి టాక్ సొంతం చేసుకుంది. చిన్న సినిమాగా వచ్చినా కాస్త బోల్డ్ కంటెంట్, మంచి మెసేజ్‌తో యూత్‌తో పాటు పెద్దలను సైతం ఆకట్టుకుంది. ఈ మూవీ ఓటీటీపై అందరిలోనూ ఆసక్తి నెలకొంది.

ఎందులో స్ట్రీమింగ్ అంటే?

ఈ మూవీ డిజిటల్ స్ట్రీమింగ్ రైట్స్‌ను ప్రముఖ ఓటీటీ అమెజాన్ ప్రైమ్ వీడియో (Amazon Prime Video) మంచి ధరకు సొంతం చేసుకున్నట్లు తెలుస్తోంది. థియేటర్లలో రిలీజైన 4 నుంచి 6 వారాల తర్వాత ఓటీటీలోకి స్ట్రీమింగ్ అయ్యే ఛాన్స్ ఉంది. కొన్నిసార్లు కొత్త సినిమాలు నెల రోజుల్లోపే ఓటీటీలోకి వచ్చేస్తున్నాయి. ఈ మూవీ సెప్టెంబర్ 5న లేదా రెండో వారంలో స్ట్రీమింగ్ కావొచ్చేనే టాక్ నడుస్తోంది. త్వరలోనే దీనిపై అఫీషియల్ అనౌన్స్‌మెంట్ రావాల్సి ఉంది.

Also Read : DC Review : లోకేశ్ కనగరాజ్ నటన అద్భుతం - DC మూవీపై మహేశ్ బాబు, అల్లు అర్జున్ రివ్యూ

ఈ మూవీకి బిక్షు దర్శకత్వం వహించగా... అన్ష్, వాసవి గణేశన్‌లతో పాటు గోవర్ధన్ రెడ్డి, అంజి వల్గుమాన్, ప్రమోదిని, సునీత మనోహర్, రమేష్ తదితరులు కీలకపాత్రలు పోషించారు. చరణ్ అర్జున్ మ్యూజిక్ అందించారు. వెంకట్ యాదవ్ నిర్మాత.

స్టోరీ ఏంటంటే?

ఊరిలో గొర్రెల కాపరి కొడుకు రవి (అన్ష్). టెన్త్‌లో స్కూల్ ఫస్ట్ ర్యాంక్ సాధిస్తాడు. చదువు ధ్యాస తప్ప మరొకటి లేని ఆ కుర్రాడిని ఊళ్లోని బాలు గ్యాంగ్ ఫోన్‌లో అశ్లీల వీడియోస్ చూపించి చెడగొడుతుంది. అడల్ట్ ఫిలిమ్స్ చూపించడమే కాకుండా అమ్మాయిలకు ఎలా లైన్ వేయాలో కూడా చెబుతారు. దీంతో పుస్తకాల్ని పక్కన పెట్టేసి అమ్మాయిల్ని పడేసే పనిలో పడతాడు. ఈ క్రమంలో ఆ ఊరి ఆటో డ్రైవర్ కుమార్తె చిట్టి (వాసవి గణేశన్)ను చూసి ఇష్టపడతాడు.

అప్పటికే అతనిపై ఆకర్షణతో ఉన్న చిట్టి కూడా మరింత దగ్గరవుతుంది. అసలేమీ తెలియని వయసులోనే ఇద్దరూ పలుమార్లు హద్దులు దాటేస్తారు. ప్రతీ రోజూ అలానే చేయాలంటూ పరితపించిపోతుంటారు. ఓ రోజు అబ్బాయితో సన్నిహితంగా ఉండగా చిట్టి పేరెంట్స్‌కు దొరికిపోతుంది. ఆ తర్వాత ఏం జరిగింది? పేరెంట్స్ వారిపై ఎలాంటి కఠిన నిర్ణయాలు తీసుకున్నారు? సమాజం నుంచి ఎలాంటి అవమానాలు ఎదురయ్యాయి? చిన్న వయసులో చేసిన తప్పుల వల్ల వారి జీవితాల్లో చోటు చేసుకున్న పరిణామాలేంటి? చివరకు ఇద్దరూ ఒక్కటయ్యారా? అనేది తెలియాలంటే సినిమా చూడాల్సిందే.

This Week OTT Movies : ఈ వారం ఓటీటీల్లో ట్రెండింగ్ మూవీస్ - ఒకే రోజు 5 సినిమాలు... ఇవి డోంట్ మిస్

Ganesh Guptha — Mon, 17 Aug 2026 12:49:13 +0530

This Week OTT Releases Complete List : ఈ వారం థియేటర్స్‌తో పాటు ఓటీటీల్లోనూ బ్లాక్ బస్టర్ మూవీస్ సందడి చేయనున్నాయి. క్రైమ్ థ్రిల్లర్స్‌తో పాటు లవ్ రొమాంటిక్ డ్రామాస్ స్ట్రీమింగ్ కానున్నాయి. ఆగస్ట్ 17 నుంచి 23 వరకూ డిఫరెంట్ ఓటీటీల్లోకి వచ్చే మూవీస్, వెబ్ సిరీస్‌ల లిస్ట్ ఓసారి చూస్తే...

చెన్నై లవ్ స్టోరీ - టాలీవుడ్ యంగ్ హీరో కిరణ్ అబ్బవరం, శ్రీ గౌరీ ప్రియ జంటగా నటించిన లవ్ రొమాంటిక్ డ్రామా చెన్నై లవ్ స్టోరీ (Chennai Love Story) ప్రముఖ ఓటీటీ సోనీ లివ్‌లో (Sonyliv) స్ట్రీమింగ్ కానుంది. ఈ నెల 21 నుంచి తెలుగుతో పాటు తమిళం, హిందీ, కన్నడ, మలయాళం భాషల్లో అందుబాటులోకి రానుంది. ఈ మూవీకి రవి నంబూరి దర్శకత్వం వహించగా... మెలొడి బ్రహ్మ మణిశర్మ మ్యూజిక్ అందించారు. సాయి రాజేశ్ స్టోరీ అందించడం సహా SKNతో కలిసి నిర్మించారు.

ప్యార్ ప్రేమ కల్యాణం - తెలుగమ్మాయి శాన్వీ మేఘన హీరోయిన్‌గా నటించిన లేటెస్ట్ తమిళ లవ్ రొమాంటిక్ డ్రామా 'ప్యార్ ప్రేమ కల్యాణం' (Pyaar Prema Kalyanam). కోలీవుడ్ యంగ్ హీరో ఎలాన్ స్వీయ దర్శకత్వం వహించిన ఈ మూవీ... ఇంటర్నేషనల్ ఓటీటీ 'నెట్ ఫ్లిక్స్' (Netflix)లో ఆగస్ట్ 21 నుంచి స్ట్రీమింగ్ కానుంది. తమిళంతో పాటు తెలుగు, హిందీ, కన్నడ, మలయాళం భాషల్లో అందుబాటులోకి రానుంది.

లాంతర్న్స్ వెబ్ సిరీస్ - DC యూనివర్స్‌లో మూడో హెచ్‌బీవో సిరీస్‌గా జేమ్స్ గన్ షేర్డ్ యూనివర్స్‌లో ఐదో ఎంట్రీ లాంతర్న్స్ (Lantherns) రూపొందించారు. ప్రముఖ ఓటీటీ 'జియో హాట్ స్టార్' (Jio Hotstar) ఆగస్ట్ 17 నుంచి స్ట్రీమింగ్ కానుంది.

Also Read : Ravi Teja Speech : రవితేజపై నెటిజన్స్ ఫైర్ - ఇరుముడి ఈవెంట్‌లో ముదురు ము*** కామెంట్‌ కాంట్రవర్సీ... చిన్నారిని అలా అనేశారేంటి?

ఈ వారం మూవీస్ / వెబ్ సిరీస్‌‌లు

నెట్ ఫ్లిక్స్ (Netflix) - ప్యార్ ప్రేమ కల్యాణం (తమిళ మూవీ - ఆగస్ట్ 21), ఫేసింగ్ ఎల్ చాపో (స్పానిష్ మూవీ - ఆగస్ట్ 21), ఎస్ & ఎక్స్ (వెబ్ సిరీస్ - ఆగస్ట్ 20), బ్లడ్ సాక్రిఫైస్ (వెబ్ సిరీస్ - ఆగస్ట్ 20), టేక్ ఏ హైక్ (వెబ్ సిరీస్ - ఆగస్ట్ 18), ప్రీ ఫాల్ : ఎ రికనింగ్ ఫర్ బోయింగ్ (ఆగస్ట్ 19).
జియో హాట్ స్టార్ (Jio Hotstar) - లాంతర్న్స్ (వెబ్ సిరీస్ - ఆగస్ట్ 17), ఇట్స్ ఆల్వేస్ సన్నీ ఇన్ ఫిలడెల్ఫియా (వెబ్ సిరీస్).

Also Read : I Nobody OTT : ఓటీటీలోకి వారణాసి విలన్ క్రైమ్ యాక్షన్ థ్రిల్లర్ - ఎప్పుడు, ఎందులో స్ట్రీమింగ్ అంటే?

Romantic Thriller OTT: ఓటీటీలో అప్సరా రాణి రొమాంటిక్ థ్రిల్లర్... సైలెంట్‌గా ప్రైమ్‌లో టాప్‌లోకి

S Niharika — Mon, 17 Aug 2026 10:11:07 +0530

రామ్ గోపాల్ వర్మ తీసిన సినిమాలతో అప్సరా రాణి (Apsara Rani)కి పాపులారిటీ వచ్చింది. మాస్ మహారాజా రవితేజ 'క్రాక్' సినిమాలో స్పెషల్ సాంగ్ 'భూమ్ బద్దలు...' చేశారు. ఆమె ప్రధాన పాత్రలో ఓ వెబ్ సిరీస్ రూపొందింది. అదొక యాంథాలజీ ఫిల్మ్. టైటిల్ 'డార్క్ సీక్రెట్స్'. సైలెంట్‌గా అమెజాన్ ప్రైమ్ వీడియో ఓటీటీలోకి టాప్‌లోకి వచ్చేసింది. కానీ, ఒక ట్విస్ట్ ఉంది. అది ఏమిటంటే?

ప్రైమ్ వీడియో ఓటీటీలో టాప్ సెల్లర్
Dark Secrets Web Series OTT Platforms: అప్సరా రాణి, జయ శ్రీ, అజిత్ రాధారం, మోహిత్ రెహ్మానియాక్, అరుణ్ కుమార్ కొప్పుల, కృష్ణ నాగరం, నైనిక అనసూయ ప్రధాన పాత్రల్లో నటించిన రొమాంటిక్ యాంథాలజీ సిరీస్ 'డార్క్ సీక్రెట్స్'.

'డార్క్ సీక్రెట్స్' చిత్రానికి అవినాష్ కొకటి దర్శకత్వం వహించారు. టచ్‌ వుడ్ టేల్స్ పతాకంపై అరుణ్ కుమార్ కొప్పుల, కృష్ణ నాగరం నిర్మించారు. మానవ సంబంధాలు, మనుషుల్లో కోరికలు యాంథాలజీ ఫిల్మ్ మెయిన్ ప్లాట్. భిన్నమైన కథలను ఓ ఎమోషనల్ థీమ్‌తో కలుపుతూ... మనుషుల జీవితాల్లోని సంక్లిష్ట పరిస్థితులను ఆవిష్కరించే ప్రయత్నం చేశారు.

ప్రస్తుతం 'డార్క్ సీక్రెట్స్' సినిమా అమెజాన్ ప్రైమ్ వీడియో ఓటీటీలోని 'Top 10 Purchases In India' లిస్టులో టాప్ ప్లేసుకు చేరుకుంది. ఈ సినిమా చూడటానికి వీక్షకులు ఇంట్రెస్ట్ చూపిస్తున్నారు.

Also Read: Jabardasth Pavithra - జబర్దస్త్ పవిత్ర బ్రేకప్ స్టోరీ - హీరోయిన్ అనుపమకు జరిగినట్లే జరిగిందా!... అసలేంటీ నార్సిస్టిక్ అబ్యూస్?

అసలు 'డార్క్ సీక్రెట్స్'లో ఏముంది?
'డార్క్ సీక్రెట్స్'లో ఏముంది? యాంథాలజీగా తెరకెక్కిన ఈ సినిమాలోని కథల్లో ఏముంది? అనే విషయంలోకి వెళితే... సామాన్య మనుషుల జీవితాల్లో అసాధారణ రహస్యాలు, కోరికలు, భావోద్వేగాలు, సంబంధాలే ప్రధాన అంశం. 'ప్రతి మనిషి జీవితంలో ఒక రహస్యం ఉంటుంది. అది బయట పడితే ఏమవుతుంది?' అనేది ఆధారంగా చేసుకుని విభిన్న పాత్రలు, కథలతో ప్రేక్షకులను ఆలోచింపజేసేలా సినిమా తీశారు. ఒంటరి మహిళల్లో కోరికల గురించి చర్చించారు. అదీ సంగతి. అందుకే ట్రెండింగ్ లిస్టులోకి వచ్చింది. అప్సరా రాణి రొమాంటిక్ రోల్, అందులో ఆమె యాక్టింగ్ వీక్షకులను ఆకట్టుకుంటున్నాయి.

Also Read: Mammootty : మలయాళ స్టార్‌ మమ్ముట్టీకి సామాన్యుడి సాయం - నా ఫ్రెండ్ అంటూ... వీడియో వైరల్

Newtons 3rd Law OTT : ఓటీటీలోకి సుమంత్ కొత్త మూవీ - క్రైమ్ ఇన్వెస్టిగేషన్ థ్రిల్లర్ ఎందులో స్ట్రీమింగ్ అంటే?

Ganesh Guptha — Sun, 16 Aug 2026 11:21:43 +0530

Sumanth's Newtons 3rd Law OTT Release Date Locked : క్రైమ్, హారర్, ఇన్వెస్టిగేషన్ థ్రిల్లర్స్‌కు ఉండే క్రేజ్ గురించి ప్రత్యేకంగా చెప్పాల్సిన పని లేదు. రీసెంట్‌గా థియేటర్లలోకి వచ్చిన క్రైమ్ ఇన్వెస్టిగేషన్ థ్రిల్లర్ ఓటీటీలోకి వచ్చేందుకు రెడీ అవుతోంది. నెల రోజుల్లోపే డిజిటల్ స్ట్రీమింగ్‌కు రావడం విశేషం. ఇంతకూ ఏంటా మూవీ... ఏ ఓటీటీలో స్ట్రీమింగ్ అవుతుందనేది ఓసారి చూస్తే...

ఎప్పుడు, ఎందులో స్ట్రీమింగ్ అంటే?

యంగ్ హీరో సుమంత్ ప్రధాన పాత్రలో నటించిన క్రైమ్ ఇన్వెస్టిగేషన్ థ్రిల్లర్ న్యూటన్స్ థర్డ్ లా (Newtons 3rd Law) ఓటీటీలోకి వచ్చేందుకు రెడీ అవుతోంది. ప్రముఖ తెలుగు ఓటీటీ ఈటీవీ విన్ (Etv win)లో ఆగస్ట్ 27 (గురువారం) నుంచి స్ట్రీమింగ్ కానున్నట్లు అఫీషియల్ అనౌన్స్‌మెంట్ వచ్చేసింది. థియేటర్లలో మిక్స్‌డ్ రెస్పాన్స్ అందుకున్న మూవీ... ఇప్పుడు ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.

ఈ మూవీకి రాజేశ్ కర్ణ దర్శకత్వం వహించగా... సుమంత్‌తో పాటు జగపతి బాబు, అవసరాల శ్రీనివాస్, రవి వర్మ, షెల్లీ ఎన్ కుమార్, త్రినాథ్ వర్మ, నేహా పఠాన్, పండిట్ గౌతమ్, రూపేశ్ మార్రపు, హరిణిరావు, అభినయన తదితరులు కీలకపాత్రలు పోషించారు. సింజిత్ యర్రమిల్లి మ్యూజిక్ అందించగా... హరీశ్ కొహిర్కర్ నిర్మించారు.

Also Read : Sambarala Yetigattu Release Date : సంక్రాంతి బరిలో సంబరాల ఏటిగట్టు - సుప్రీమ్ హీరో భారీ యాక్షన్ ఎంటర్టైనర్ రిలీజ్ డేట్ ఫిక్స్

స్టోరీ ఏంటంటే?

ఇంజినీరింగ్ విద్యార్థి వినయ్ (త్రినాథ్ వర్మ) ఓ రోజు ఇంటి పైనుంచి పడి అనుమానాస్పద రీతిలో ప్రాణాలు కోల్పోతాడు. దీంతో ఆ కేసును ఛేదించేందుకు పోలీస్ ఆఫీసర్ వాసుదేవ్ (సుమంత్) రంగంలోకి దిగుతాడు. వినయ్ తలలో బుల్లెట్ ఉందని పోస్ట్ మార్టం రిపోర్టుల్లో తెలుస్తుంది. దీంతో వినయ్ పేరెంట్స్‌ను అదుపులోకి తీసుకుని ఇన్వెస్టిగేట్ చేస్తాడు వాసుదేవ్. ఇందులో ఆసక్తికర విషయాలు బయటపడతాయి.

వినయ్‌కు సంబంధించి ఏదో విషయాలు దాచి పెడుతున్నారని వాసుదేవ్‌కు అర్థమవుతుంది. అసలు వినయ్ ఎవరు? అతనికి మోస్ట్ వాంటెడ్ క్రిమినల్ స్టీఫెన్ మెర్క్యురి (జగపతి బాబు)కి ఉన్న సంబంధం ఏంటి? ఓ మహిళ యాక్సిడెంట్ కేసుకు... వినయ్ మెర్క్యురీలకు ఉన్న సంబంధం ఏంటి? ఈ ఘటనల్ని 'న్యూటన్స్ థర్డ్ లా' పేరుతో పుస్తకంగా రాసింది ఎవరు? దీన్ని చూసి డేవిడ్ (అవసరాల శ్రీనివాస్) ఎందుకు భయపడ్డాడు? అనేది తెలియాలంటే సినిమా చూడాల్సిందే.

Also Read : Vishwanath And Sons Day 2 Collections : విశ్వనాథ్ అండ్ సన్స్ రెండు రోజుల కలెక్షన్స్ - 60 కోట్లు దాటేసిన సూర్య కొత్త మూవీ

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

I Nobody OTT : ఓటీటీలోకి వారణాసి విలన్ క్రైమ్ యాక్షన్ థ్రిల్లర్ - ఎప్పుడు, ఎందులో స్ట్రీమింగ్ అంటే?

Ganesh Guptha — Sat, 15 Aug 2026 12:17:04 +0530

Prithviraj Sukumaran's I Nobody OTT Release Date Locked : క్రైమ్, సస్పెన్స్, ఇన్వెస్టిగేషన్ థ్రిల్లర్స్‌కు ఉండే క్రేజ్ గురించి ప్రత్యేకంగా చెప్పాల్సిన పని లేదు. అందులోనూ మలయాళ క్రైమ్ థ్రిల్లర్స్‌ క్రేజ్ వేరే లెవల్. రీసెంట్‌గా మలయాళ స్టార్ పృథ్వీరాజ్ సుకుమారన్ ప్రధాన పాత్రలో నటించిన క్రైమ్ ఇన్వెస్టిగేషన్ థ్రిల్లర్ 'ఐ నోబడి' (I Nobody) ఓటీటీలోకి రాబోతోంది.

ఎప్పుడు, ఎందులో స్ట్రీమింగ్ అంటే?

జులై 10న ప్రేక్షకుల ముందుకు వచ్చిన ఈ సినిమా మిక్స్‌డ్ టాక్ సొంతం చేసుకుంది. తెలుగులో మైత్రీ మూవీ మేకర్స్ రిలీజ్ చేయగా అంతంత మాత్రం రెస్పాన్స్ అందుకుంది. దాదాపు నెల రోజుల తర్వాత ఓటీటీలోకి వచ్చేందుకు రెడీ అవుతుంది. సినిమా డిజిటల్ రైట్స్ ప్రముఖ ఓటీటీ 'జియో హాట్ స్టార్‌'లో (Jio Hotstar) ఆగస్ట్ 25 (మంగళవారం) నుంచి స్ట్రీమింగ్ కానున్నట్లు తెలుస్తోంది. మలయాళంతో పాటు తెలుగు, తమిళం, హిందీ, కన్నడ వంటి భాషల్లో అందుబాటులోకి రానున్నట్లు సమాచారం. త్వరలోనే దీనిపై అఫీషియల్ అనౌన్స్‌మెంట్ రానుంది.

Also Read : Chennai Love Story OTT : ఓటీటీలోకి చెన్నై లవ్ స్టోరీ - కిరణ్ అబ్బవరం కొత్త మూవీ ఎప్పుడు, ఎందులో స్ట్రీమింగ్ అంటే?

ఈ మూవీలో పృథ్వీరాజ్ సుకుమారన్‌కు జంటగా నేషనల్ అవార్డ్ విన్నర్ పార్వతీ తిరువోతు హీరోయిన్‌గా నటించారు. అలాగే, హక్కీమ్ షాజహాన్, అశోకన్, విజయ్ రాఘవన్ తదితరులు కీలకపాత్రలు పోషించారు. నిషమ్ బషీర్ దర్శకత్వం వహించగా... మైత్రీ మూవీ మేకర్స్ తెలుగులో రిలీజ్ చేశారు. థియేటర్లలో నార్మల్ రెస్పాన్స్ అందుకున్న మూవీ మరి ఓటీటీల్లో ఎలాంటి రెస్పాన్స్ అందుకుంటుందో చూడాల్సి ఉంది.

స్టోరీ ఏంటంటే?

రాజీవ్ (పృథ్వీరాజ్ సుకుమారన్) ఓ బ్యాంక్ ఉద్యోగి. భార్య మీరా (పార్వతి తిరువోతు), ఇద్దరు పిల్లలతో కూడిన మధ్య తరగతి ఫ్యామిలీ. అంతా సాఫీగా సాగిపోతున్న టైంలో అతని జీవితంలో ఊహించని సంఘటన ఎదురవుతుంది. ఓ బ్యాంకులో జరిగిన దోపిడీ వ్యవహారంలో అతని ప్రమేయం లేకుండానే చిక్కుకుంటాడు. ఆ తర్వాత ఈ స్కాంకు పాల్పడిన వ్యక్తులు చనిపోయినా... డబ్బు విషయంలో క్లారిటీ రాదు. అందరూ రాజీవ్‌నే తప్పుగా అనుకుంటారు.

కోట్ల కొద్దీ డబ్బును మాయం చేసినట్లు రాజీవ్‌పై ఆరోపణలు వస్తాయి. సోషల్ మీడియాలో ఎక్కువగా ప్రచారం కావడంతో తన ఫ్యామిలీతో పాటు ప్రశాంతత కోల్పోతాడు. డబ్బు కోసం కొంతమంది అతన్ని భయపెడితే మరికొన్ని ముఠాలు అతన్ని వెంటాడుతాయి. అయితే, తన దగ్గర డబ్బు లేదనే విషయం ప్రపంచానికి చూపించాలని ఓ ప్లాన్ వేస్తాడు రాజీవ్. దీని వల్ల రాజీవ్ కుటుంబానికి ఎలాంటి ముప్పు ఏర్పడింది? అసలు అతని ప్లాన్ ఏంటి? ఈ స్కామ్ ఆరోపణల నుంచి ఎలా బయటపడ్డాడు? అసలు ఈ స్కామ్ ఎవరు చేశారు? అనేది తెలియాలంటే సినిమా చూడాల్సిందే.

Also Read : Trisha Vijay : సీఎం విజయ్‌కు త్రిష సెల్యూట్ - ఇండిపెండెన్స్ డే వేడుకల్లో స్పెషల్ అట్రాక్షన్

Telugu Movies OTT : ఓటీటీలో పల్సర్ బైక్ రమణ మూవీ సడన్ స్ట్రీమింగ్ - మరో కామెడీ మూవీ కూడా... ఎందులో చూడొచ్చంటే?

Ganesh Guptha — Sat, 15 Aug 2026 08:23:29 +0530

Latest Telugu Movies OTT Streaming : శుక్రవారం ఒకే రోజు దాదాపు 14 సినిమాలు వివిధ భాషల్లో డిఫరెంట్ ఓటీటీల్లో స్ట్రీమింగ్ అవుతున్నాయి. దీంతో పాటే రెండు తెలుగు మూవీస్ కూడా సడన్‌గా ఓటీటీలోకి వచ్చేశాయి. మరి ఆ మూవీస్ ఏంటి అనేది ఓసారి చూస్తే...

పల్సర్ బైక్ రమణ మూవీ

'పల్సర్ బైక్' పాటతో ఫుల్ ఫేమ్ సంపాదించుకున్న సింగర్ రమణ ప్రధాన పాత్రలో నటించిన విలేజ్ పొలిటికల్ యాక్షన్ డ్రామా 'వినరా ఓ వేమ' (Vinara O Vema). జనవరి 2న ప్రేక్షకుల ముందుకు వచ్చిన ఈ సినిమా సడన్‌గా ఓటీటీలోకి వచ్చేసింది. ప్రముఖ ఓటీటీ 'అమెజాన్ ప్రైమ్ వీడియో' (Amazon Prime Video)లో స్ట్రీమింగ్ అవుతోంది. అయితే, ప్రస్తుతానికి రెంటల్ విధానంలో అందుబాటులో ఉంది.

ఈ మూవీకి ప్రశాంత్ కల్యాణ్, రాజు మద్దెల దర్శకత్వం వహించగా... సింగర్ రమణతో పాటు వైష్ణవి వైషు, యమునా తారక్, దివాకర్ తదితరులు కీలకపాత్రలు పోషించారు. పవన్ రాచకొండ మ్యూజిక్ అందించారు.

స్టోరీ ఏంటంటే?

కుల రాజకీయాలతో నిండిపోయి విడిపోయిన ఆంధ్రలోని ఓ గ్రామం. అక్కడి లోకల్ పొలిటికల్ లీడర్స్ అరాచకాలతో పాలన సాగిస్తుంటారు. ఇద్దరు యువ నాయకులు ఒకరిపై ఒకరు శత్రుత్వం, పగలతో రగిలిపోతుంటారు. గ్రామీణాభివృద్ధి కోసం ఆ ఊరికి వచ్చిన రిషి అనే యువకుడు వీరిద్దరి మధ్య గొడవలను మార్చి ఊరిని ఏకం చేయాలని అనుకుంటాడు. ఇదే క్రమంలో భూ కుంభకోణాలు వెలికితీస్తాడు. అరాచక పాలన నుంచి విముక్తి కలిగేలా యువతను ఏకం చేసేందుకు ప్రయత్నిస్తాడు. మరి ఆ ఊరిలో జరిగిన భూ కుంభకోణం ఏంటి? ఊరిలో అభివృద్ధి జరిగిందా? అనేది తెలియాలంటే సినిమా చూడాల్సిందే.

Also Read : Friday OTT Movies : ఓటీటీలో ఒక్క రోజే 14 సినిమాలు - ఫ్రైడే ఓటీటీ మూవీస్ లిస్ట్... ఈ సినిమాలు డోంట్ మిస్

కామెడీ మూవీ స్ట్రీమింగ్

గతేడాది నవంబర్ 14న ప్రేక్షకుల ముందుకు వచ్చిన కామెడీ మూవీ గోపీ గాళ్ల గోవా ట్రిప్ (Gopi Galla Goa Trip). స్టార్స్ ఎవరూ లేకపోవడంతో ఈ మూవీ వచ్చినట్లు కూడా ఎవరికీ తెలియదు. దాదాపు 10 నెలల తర్వాత ఈ మూవీ 'ఆహా' (Aha) ఓటీటీలో స్ట్రీమింగ్ అవుతోంది. అజిత్ మోహన్, రాజు శివరాత్రి, క్యాంప్ శశి, సాయి కుమార్, పవోన్ రమేష్, మోనిక తదితరులు కీలకపాత్రలు పోషించారు. రోహిత్ శశి దర్శకత్వం వహించారు.

స్టోరీ ఏంటంటే?

గోపాలపురం గ్రామానికి చెందిన ఇద్దరు గోపీలు జీవితంలో ఒక్కసారైనా గోవా వెళ్లి రావాలని అనుకుంటారు. అలా ట్రిప్‌నకు రెడీ అవుతుండగా వీరికి కృష్ణ అనే వ్యక్తి పరిచయం అవుతాడు. అలా వీరి జాలీ జర్నీ కాస్త డివోషనల్ టూర్‌గా మారుతుంది. మధ్య మధ్యలో వీరికి వింతైన అనుభవాలు ఎదురవుతాయి. అసలు కృష్ణ ఎవరు? వీరి గోవా ప్రయాణం ఎలా సాగింది? వీరికి ఎదురైన సంఘటనలేంటి? అనేది తెలియాలంటే సినిమా చూడాల్సిందే.

Also Read : Husharu Pittalu Review - 'హుషారు పిట్టలు' రివ్యూ: మారుతి 'ఈ రోజుల్లో', 'బస్ స్టాప్' రేంజ్‌లో... బోల్డ్ సినిమా ఎలా ఉందంటే?

The Court OTT : ఓటీటీలోకి సరికొత్త కోర్ట్ రూమ్ డ్రామా సిరీస్ - తండ్రీ కూతుళ్ల మధ్య వార్... ఎందులో, ఎప్పుడు స్ట్రీమింగ్ అంటే?

Ganesh Guptha — Fri, 14 Aug 2026 12:03:08 +0530

Jaya Prakash's The Court Series OTT Release Date : కోర్ట్ రూమ్, క్రైమ్ ఇన్వెస్టిగేషన్ కంటెంట్ ఉన్న మూవీస్, వెబ్ సిరీస్ ప్రస్తుతం ఓటీటీల్లో ట్రెండ్ అవుతున్నాయి. నాని నిర్మాతగా ప్రియదర్శి కోర్ట్, వకీల్ సాబ్ మూవీస్ దగ్గర నుంచి నిన్నటి 'అబ్జెక్షన్ మై లార్డ్' వెబ్ సిరీస్‌ల వరకూ సూపర్ రెస్పాన్స్ అందుకున్నాయి. తాజాగా మరో కోర్ట్ రూమ్ డ్రామా సిరీస్ ఓటీటీలోకి వచ్చేందుకు రెడీ అవుతోంది. ఇంతకూ ఆ సిరీస్ ఏంటి? ఎందులో స్ట్రీమింగ్ అవుతుందో ఓసారి చూస్తే...

ఎందులో స్ట్రీమింగ్ అంటే?

టూరిస్ట్ ఫ్యామిలీ, హార్ట్ బీట్ సిరీస్‌తో అలరించిన యంగ్ హీరోయిన్ యోగలక్ష్మి, సీనియర్ నటుడు జయప్రకాశ్ ప్రధాన పాత్రలో నటించిన కోర్ట్ రూమ్ డ్రామా సిరీస్ 'ది కోర్ట్' (The Court). ప్రముఖ తెలుగు ఓటీటీ జియో హాట్ స్టార్‌లో (Jio Hotstar)లో ఈ సిరీస్ సెప్టెంబర్ 4 (శుక్రవారం) నుంచి స్ట్రీమింగ్ కానుంది. తమిళం, తెలుగుతో పాటు ఇతర భాషల్లోనూ అందుబాటులోకి రానుంది. 'ఒకే వాయిస్... ఒకే కల... ఓ సాహస యాత్ర' క్యాప్షన్‌తో వీడియో రిలీజ్ చేశారు. హాట్ స్టార్ స్పెషల్ సమర్పణలో ఈ సిరీస్ రూపొందించారు. తాజాగా రిలీజ్ చేసిన ట్రైలర్ హైప్ క్రియేట్ చేస్తోంది.

Also Read : Vadala OTT : ఓటీటీలో జగపతి బాబు సైకలాజికల్ థ్రిల్లర్ సడన్ స్ట్రీమింగ్ - ఎందులో చూడొచ్చంటే?

స్టోరీ ఏంటంటే?

ఓ యంగ్ లాయర్ న్యాయం కోసం తన తండ్రినే ఎదిరించిన కథే ది కోర్ట్ (The Court). యంగ్ లాయర్ యాళిని (యోగ లక్ష్మి)కి చిన్నప్పటి నుంచి నత్తి సమస్య. ఆమె తండ్రి (జయ ప్రకాశ్) నగరంలోనే పేరు మోసిన లాయర్. ఆయన్ని ఇన్‌స్పిరేషన్‌గా తీసుకుని తాను కూడా లాయర్ కావాలని కలలు కంటుంది. అయితే, ఆమెకు తండ్రి నుంచి సపోర్ట్ ఉండదు. అయినా కూడా పట్టుదలతో చదివి లాయర్ అవుతుంది. ఓ కేసు విషయమై న్యాయం కోసం తండ్రినే ఎదిరిస్తుంది.

అసలు ఆ కేసు ఏంటి? కోర్టులో తన తండ్రికి ఎదురు తిరగాల్సిన పరిస్థితి ఎందుకు వచ్చింది? బాధితులకు న్యాయం చేసేందుకు యాళిని ఎలాంటి సవాళ్లు ఎదుర్కొంది? చివరకు ఈ వాదనల్లో ఎవరు గెలిచారు? అనేది తెలియాలంటే సిరీస్ చూడాల్సిందే.

Also Read : Vishwanath And Sons Review - విశ్వనాథ్ అండ్ సన్స్ రివ్యూ: సూర్య సినిమా హిట్టా? ఫట్టా? వెంకీ అట్లూరి ఎలా తీశారంటే?

Vadala OTT : ఓటీటీలో జగపతి బాబు సైకలాజికల్ థ్రిల్లర్ సడన్ స్ట్రీమింగ్ - ఎందులో చూడొచ్చంటే?

Ganesh Guptha — Fri, 14 Aug 2026 10:15:33 +0530

Jagapathi Babu's Psychological Thriller Vadala OTT Streaming : సైకలాజికల్ హారర్ థ్రిల్లర్స్‌కు ఉండే క్రేజ్ గురించి ప్రత్యేకంగా చెప్పాల్సిన పని లేదు. రీసెంట్‌గా థియేటర్లలోకి వచ్చిన మరో సైకలాజికల్ థ్రిల్లర్ సడన్‌గా ఓటీటీలోకి వచ్చేసింది. మరి ఆ మూవీ ఏంటి? ఏ ఓటీటీలో స్ట్రీమింగ్ అవుతుందంటే...

ఏ మూవీ... ఎందులో స్ట్రీమింగ్?

సీనియర్ హీరో జగపతి బాబు, లయ, హృతిక ప్రధాన పాత్రలో నటించిన లేటెస్ట్ సైకలాజికల్ థ్రిల్లర్ వదలా (Vadala). జులై 17న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద మిక్స్‌డ్ టాక్ సొంతం చేసుకుంది. ఇప్పుడు నెల రోజుల్లోపే ఎలాంటి ముందస్తు అనౌన్స్‌మెంట్ లేకుండా సడన్‌గా ఓటీటీలోకి వచ్చేసింది. ప్రముఖ ఓటీటీ 'అమెజాన్ ప్రైమ్ వీడియో' (Amazon Prime Video)లో శుక్రవారం (ఆగస్ట్ 14) నుంచి స్ట్రీమింగ్ అవుతోంది.

ఈ మూవీకి ఆకేళ్ల వి కృష్ణ దర్శకత్వం వహించగా... జగపతిబాబు, లయ, హృతిక శ్రీనివాస్‌లతో పాటు శ్రీనివాస్ అవసరాల, రవి వర్మ, జెన్నీ, కశ్యప్ రాజ్, రీను తదితరులు కీలకపాత్రలు పోషించారు. తమ్మారెడ్డి భరద్వాజ ఈ మూవీని నిర్మించారు.

స్టోరీ ఏంటంటే?

వృత్తిపరంగా డాక్టర్ అయిన యోగి సిద్ధార్థ్ (జగపతి బాబు)కు భార్య ప్రియ (లయ) తన ఇద్దరు పిల్లలే ప్రపంచం. 20 ఏళ్లుగా ఎలాంటి గొడవలు, వివాదాలు లేకుండా వారి దాంపత్యం అన్యోన్యంగా సాగిపోతుంది. ఓ రోడ్డు ప్రమాదంలో గాయపడిన అముద (హృతిక శ్రీనివాస్)ను యోగి ఓ రోజు కాపాడతాడు. అలా అతనిపై ఆరాధనతో ఉన్న ఆమె ఎలాగైనా యోగిని సొంతం చేసుకోవాలని అనుకుంటుంది. ఈ క్రమంలోనే భార్యభర్తల మధ్య చిచ్చు పెట్టేందుకు ప్రయత్నిస్తుంది.

గుర్తు తెలియని ఫోన్ నెంబర్స్ నుంచి యోగికి. అతని భార్య ఫోన్లకు మెసేజ్‌లు పంపిస్తుంటుంది. ఓ సైకోలా ఇద్దరినీ వేధించడం మొదలుపెడుతుంది. అసలు అముద ఎవరు? ఆమె గతం ఏంటి? బాంబ్ బ్లాస్ట్‌లో ప్రాణాలు కోల్పోయిన నివాస్ (శ్రీనివాస్ అవసరాల)కు ఆమెకు సంబంధం ఏంటి? ఆమెని పట్టుకునేందుకు పోలీసులు ఎందుకు గాలిస్తుంటారు? అముద గురించిన నిజాన్ని యోగి, ప్రియలు ఎలా తెలుసుకున్నారు? సైకో యువతి నుంచి తన కుటుంబాన్ని సిద్దార్థ్ ఎలా కాపాడుకున్నాడు? అనేది తెలియాలంటే సినిమా చూడాల్సిందే.

Also Read : Vishwanath And Sons Twitter Review - 'విశ్వనాథ్ అండ్ సన్స్' ట్విట్టర్ రివ్యూ: సూర్య సినిమా టాకేంటి? వెంకీ మళ్ళీ హిట్టు కొట్టాడా?