ott-webseries

Pritam And Pedro Series OTT : మొబైల్ యూజ్ చేస్తున్నారా? - లేటెస్ట్ సైబర్ క్రైమ్ థ్రిల్లర్ సిరీస్ డోంట్ మిస్... ఎందులో చూడొచ్చంటే?

Ganesh Guptha — Mon, 6 Jul 2026 16:47:01 +0530

Rajkumar Hirani's Pritam And Pedro Web Series OTT Streaming : మొబైల్ ఫోన్ హ్యాకింగ్, సైబర్ క్రైమ్ ప్రధానాంశంగా ఇప్పటికే వచ్చిన మూవీస్ సూపర్ సక్సెస్ అందుకున్నాయి. ఇదే బ్యాక్ డ్రాప్‌లో సరికొత్తగా వచ్చిన వెబ్ సిరీస్ ట్రెండ్ అవుతోంది. మరి అదే సిరీస్... దాని కథేంటంటే?

సైబర్ క్రైమ్ కామెడీ థ్రిల్లర్ సిరీస్

ఈ సిరీస్ టైటిల్ ప్రీతమ్ అండ్ పెడ్రో (Pritam And Pedro). ప్రముఖ ఓటీటీ జియో హాట్ స్టార్ (Jio Hotstar)లో జులై 3 నుంచి స్ట్రీమింగ్ అవుతున్న సిరీస్ ప్రస్తుతం ట్రెండ్ అవుతోంది. ఒరిజినల్ వెర్షన్ హిందీతో పాటు తెలుగు, తమిళం, కన్నడ, మలయాళం, మరాఠీ, బోజ్‌పురి భాషల్లో అందుబాటులో ఉంది. 'హిడెన్ ఫైల్స్', 'రిటర్న్ ఆఫ్ ది ట్రోజన్ హార్స్' పుస్తకాల ఆధారంగా... సైబర్ క్రైమ్ నేపథ్యంలో 6 ఎపిసోడ్స్‌తో సిరీస్ స్ట్రీమింగ్ అవుతోంది.

బాలీవుడ్ డైరెక్టర్ రాజ్ కుమార్ హిరానీ ఈ సిరీస్‌కు స్టోరీ స్క్రీన్ ప్లే అందించారు. అవినాష్ అరుణ్ ధావరే దర్శకత్వం వహించగా... రాజ్ కుమార్ హిరానీ తనయుడు వీర్ హిరానీ ఇందులో హీరోగా పరిచయమయ్యారు. అలాగే, అర్షద్ వార్సీ, మోనా సింగ్, బొమన్ ఇరానీ, విక్రాంత్ మస్సే తదితరులు కీలకపాత్రలు పోషించారు.

Also Read : Satluj OTT : రెండు రోజులకే ఓటీటీలో డిలీట్ - 'సట్లెజ్' మూవీ కాంట్రవర్సీ ఏంటి?... మళ్లీ స్ట్రీమింగ్ ఎప్పుడంటే?

స్టోరీ ఏంటంటే?

గోవాలో తన తాతయ్యతో కలిసి జీవిస్తుంటాడు ప్రీతమ్ (వీర్ హిరానీ). వాక్యూమ్ క్లీనర్స్ సేల్స్ మ్యాన్‌గా వర్క్ చేస్తుంటాడు. తన తాతకు ఎంతో ఇష్టమైన టేప్ రికార్డర్ ఓ రోజు చోరీకి గురి కావడంతో పీఎస్‌కు వెళ్లి కంప్లైంట్ చేస్తాడు. అనుకోని పరిస్థితుల్లో అదే స్టేషన్‌కు చెందిన అధికారి పెడ్రో (అర్షద్ వార్సి)కి ఓ ఏటీఎం దొంగతనం కేసు సాల్వ్ చేసే విషయంలో ప్రీతమ్ హెల్ప్ చేస్తాడు. ఇదే టైంలో కేంద్ర మంత్రికి సంబంధించిన కేసు పెడ్రో దగ్గరకు వస్తుంది. అయితే, ఈ విషయమై మినిస్టర్‌తో వాగ్వాదం కావడంతో సైబర్ సెల్‌కు ట్రాన్స్‌ఫర్ అవుతాడు.

ఈ విషయంలో తనకు సాయం చేయాలని... అప్పుడే టేప్ రికార్డర్ వెతికి పెడతానని కండిషన్ పెడతాడు పెడ్రో. దీంతో తప్పని పరిస్థితుల్లో ప్రీతమ్ హెల్ప్ చేస్తాడు. అలా సైబర్ కేసుల విచారణలో భాగంగా షాకింగ్ విషయాలు బయటపడతాయి. హ్యాకర్ మార్టిన్‌కు ఈ కేసులకు సంబంధం ఏంటి? తన తెలివి ఉపయోగించి ప్రీతమ్ పోలీస్ ఆఫీసర్‌కు ఎలా సహాయం చేశాడు? ప్రీతమ్ గతం ఏంటి? ఎందుకు టెక్నాలజీని వదిలేసి సేల్స్ మ్యాన్‌గా వర్క్ చేస్తున్నాడు? అనేది తెలియాలంటే సిరీస్ చూడాల్సిందే.

Also Read : This Week OTT Movies : ఈ వారం ఓటీటీలో 18 మూవీస్ - రామ్ చరణ్ పెద్ది To సింగ్ గీతం... ఇవి వెరీ స్పెషల్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

Aha Series OTT : కమల్ హాసన్ మూవీ టైటిల్‌తో న్యూ సిరీస్ - ఈ స్టోరీ మీదే కావొచ్చు... ఎందులో స్ట్రీమింగ్ అంటే?

Ganesh Guptha — Mon, 6 Jul 2026 15:46:20 +0530

Aha New Original Series Announced : యూనివర్సల్ హీరో కమల్ హాసన్, అలనాటి అందాల తార శ్రీదేవి జంటగా నటించిన ఎవర్ గ్రీన్ మూవీ ఆకలి రాజ్యం. లెజెండరీ డైరెక్టర్ కె.బాలచందర్ దర్శకత్వంలో 1981లో వచ్చిన ఈ సినిమా అప్పట్లో ఓ సెన్సేషన్. చదువు పూర్తైనా ఉద్యోగం రాని ఓ నిరుద్యోగి కష్టాలు, సమాజం, కుటుంబంలో ఆ వ్యక్తి పడే ఇబ్బందులను కళ్లకు కట్టినట్లు చూపించారు. ఇప్పుడు 2026లో మళ్లీ అదే టైటిల్‌తో ఓ ఎక్స్‌క్లూజివ్ సిరీస్ అనౌన్స్ చేశారు.

శ్రీకాకుళం To అమీర్ పేట్

ప్రతీ ఏటా ఇంజినీరింగ్ పూర్తి చేసిన యూత్ జాబ్ తెచ్చుకోవాలన్న కసితో హైదరాబాద్ అమీర్ పేట్ బాట పడతారు. అదే ప్రధానాంశంగా మధ్య తరగతి నిరుద్యోగుల ఆశలు, తల్లిదండ్రుల కలలు, జాబ్స్ ప్రధానాంశంగా ఈ సిరీస్ తెరకెక్కినట్లు అనౌన్స్‌మెంట్ వీడియోను బట్టి తెలుస్తోంది. ప్రముఖ ఓటీటీ ఆహా (Aha)లో త్వరలో ఈ సిరీస్ స్ట్రీమింగ్ కానుంది. 'ఉద్యోగం కోసం ఇల్లు వదిలి వెళ్లిన ప్రతీ విద్యార్థి కోసం ఇది...' అంటూ క్యాప్షన్ ఇచ్చింది. నీలగిరి మామిళ్ల దీనికి దర్శకత్వం వహించగా... యునైటెడ్ స్ట్రీట్స్ ఆఫ్ అమీర్‌పేట్ (USA) అంటూ రియాలిటీని ఫన్‌గా చూపించనున్నారు.

Also Read : Kotha Malupu : ఓటీటీలోకి సింగర్ సునీత కొడుకు కొత్త మూవీ - సడన్‌గా స్ట్రీమింగ్... ఎందులో చూడొచ్చంటే?

స్టోరీ ఏంటంటే?

'శ్రీకాకుళం To చిత్తూరు, అనంతపురం To ఆదిలాబాద్. అక్కడా ఇక్కడా కాదు తెలుగు రాష్ట్రాల్లో ఇంజినీరింగ్ పట్టా పొందిన ప్రతీ స్టూడెంట్ నెక్స్ట్ డెస్టినేషన్ USA (యునైటెడ్ స్ట్రీట్స్ అమీర్‌పేట్)' అనే డైలాగ్‌తో ప్రారంభమైంది వీడియో. చదువు పూర్తైన వెంటనే ఉద్యోగం కోసం హైదరాబాద్ బాట పట్టే యువకుల కథను, అమీర్ పేట్‌లో కోర్సులు, ఇక్కడ కాంపిటీషన్, చిన్నదో పెద్దదో ఉద్యోగం సంపాదించి ఇంటికి పంపిద్దామనుకునే ఓ మధ్య తరగతి నిరుద్యోగి కథను చూపించేలా ఉంది. 'కలలు, కథలు, మనుషులు, సంగతులు... ఈ కథే మీదే కావొచ్చు' అంటూ హైప్ క్రియేట్ చేశారు.

View this post on Instagram

A post shared by ahavideoin (@ahavideoin)

Lenin OTT : అఖిల్ లెనిన్ ఓటీటీ ప్లాట్ ఫామ్ ఫిక్స్ - ఎందులో స్ట్రీమింగ్ అవుతుందంటే?

Ganesh Guptha — Mon, 6 Jul 2026 13:35:34 +0530

Akhil Akkineni's Lenin OTT Platform Locked : అక్కినేని యంగ్ హీరో అఖిల్ అక్కినేని, భాగ్యశ్రీ బోర్సే జంటగా నటించిన లేటెస్ట్ విలేజ్ మాస్ యాక్షన్ ఎంటర్టైనర్ లెనిన్. 'వినరో భాగ్యము విష్ణుకథ' ఫేం మురళీ కిశోర్ అబ్బూరు దర్శకత్వం వహించిన ఈ మూవీ జులై 10న ప్రేక్షకుల ముందుకు రానుంది. తిరుపతిలో ఆదివారం సాయంత్రం జరిగిన ప్రీ రిలీజ్ ఈవెంట్ హైలెట్‌గా నిలిచింది. రిలీజ్‌కు ముందే ఓటీటీ ప్లాట్ ఫామ్ కూడా కన్ఫర్మ్ అయిపోయింది.

ఏ ఓటీటీలో స్ట్రీమింగ్ అంటే?

'లెనిన్' డిజిటల్ రైట్స్ ప్రముఖ ఓటీటీ జీ నెట్ వర్క్ సొంతం చేసుకుంది. థియేట్రికల్ రన్ పూర్తైన తర్వాత ప్రముఖ ఓటీటీ ZEE5లో స్ట్రీమింగ్ కానుంది. ఆ తర్వాత జీ తెలుగు, జీ సీనిమాలు ఛానళ్లలో టీవీ ప్రీమియర్ కానుంది. జులై 10న సినిమా రానుండగా... సెప్టెంబర్ ఫస్ట్ వీక్‌లో ఓటీటీలోకి వచ్చే ఛాన్స్ ఉంది.

ఈ మూవీలో అఖిల్, భాగ్యశ్రీలతో పాటుగా శివాజీ, సునీల్, బ్రహ్మాజీ, ఈశ్వరి తదితరులు కీలకపాత్రలు పోషించారు. సితార ఎంటర్టైన్మెంట్స్, అన్నపూర్ణ స్టూడియోస్ బ్యానర్స్‌పై నాగార్జున, నాగవంశీ సంయుక్తంగా నిర్మించారు. తమన్ మ్యూజిక్ అందించగా... ఇప్పటికే రిలీజ్ అయిన టీజర్, ట్రైలర్ ట్రెండ్ అవుతున్నాయి.

అసలు స్టోరీ ఏంటంటే?

అఖిల్ ఖాతాలో ఇప్పటివరకూ సరైన హిట్ పడలేదు. అందుకే ఈసారి మంచి రూరల్ యాక్షన్ డ్రామా స్టోరీతో ప్రేక్షకుల ముందుకు వస్తున్నారు. ట్రైలర్‌లో రాయలసీమ యాస డైలాగ్స్, మాస్ యాక్షన్ అదిరిపోయాయి. చిత్తూరు జిల్లాలోని శ్రీరామపురం గ్రామం. పవిత్రమైన గ్రామంలో రక్తం చిందించకూడదనేది అక్కడి గ్రామస్థుల విశ్వాసం. ఎంతో ప్రశాంతంగా ఉన్న ఊరిలో జాతర ఎంతో ప్రత్యేకం. అలాంటి టైంలో గ్రామంలో రక్తం ఎందుకు చిందింది? కురుక్షేత్రంలో హీరో ఎందుకు ప్రశాంతమైన యుద్ధం చేయాల్సి వచ్చింది? ఈ కురుక్షేత్రంలో కౌరవులు ఎవరు? ఆఖరి ఘట్టంలో ఎందుకు హీరో హింసతో ఆయుథం పట్టాల్సి వచ్చింది? అనేది తెలియాలంటే సినిమా రిలీజ్ వరకూ ఆగాల్సిందే.

Razor OTT : రెండు ఓటీటీల్లో రవిబాబు వయలెంట్ యాక్షన్ థ్రిల్లర్ - ఎందులో చూడొచ్చంటే?

Ganesh Guptha — Mon, 6 Jul 2026 12:59:33 +0530

Ravi Babu's Razor OTT Streaming : నటుడు, డైరెక్టర్ రవిబాబు స్వీయ దర్శకత్వంలో రూపొందించిన లేటెస్ట్ డార్క్ వయలెంట్ యాక్షన్ థ్రిల్లర్ 'రేజర్' (Razor). మే 8న ప్రేక్షకుల ముందుకు వచ్చిన మూవీ అనుకున్నంత రెస్పాన్స్ అందుకోలేదు. ఇప్పటికే ఒక ఓటీటీలోకి స్ట్రీమింగ్ అవుతన్న సినిమా ఇప్పుడు మరో ఓటీటీలోకి అందుబాటులోకి వచ్చేసింది.

రెండు ఓటీటీల్లో స్ట్రీమింగ్

ప్రముఖ ఓటీటీ 'ఆహా' (Aha)లో జూన్ 19 నుంచి స్ట్రీమింగ్ అవుతున్న రేజర్... మరో ఓటీటీ 'అమెజాన్ ప్రైమ్ వీడియో' (Amazon Prime Video)లోనూ సడన్‌గా సోమవారం నుంచి స్ట్రీమింగ్ అవుతోంది. ఈ మూవీకి రవిబాబే దర్శకత్వం వహించారు. ఆయనతో పాటు తనీష్, బెనర్జీ, మిర్చి హేమంత్ వీరయ్య చౌదరి, ఇనయ సుల్తానా, మీనా వాసు, చైల్డ్ ఆర్టిస్ట్ తేజల్ విఖ్యాతి తదితరులు కీలకపాత్రలు పోషించారు. ఫ్లయింగ్ ఫ్రాంగ్స్ బ్యానర్‌పై రవిబాబు నిర్మించారు. ఎస్ఎస్ రాజేష్ మ్యూజిక్ అందించారు.

స్టోరీ ఏంటంటే?

విష్ణు (తనీష్) సీసీ కెమెరాలకు చెందిన కంపెనీ నిర్వహిస్తుంటాడు. భార్య లక్ష్మి, కూతురు తేజునే అతని ప్రపంచం. అతను అమర్చిన ఓ కెమెరాలో సీఎం మర్డర్‌కు సంబంధించి విజువల్స్ రికార్డ్ అవుతాయి. సీఎం పీఠం కోసం రాష్ట్ర హోంమంత్రే ఈ దారుణానికి పాల్పడతాడు. అది సీసీ టీవీలో రికార్డు కావడం తెలిసి కంగారు పడతాడు. వెంటనే విష్ణుని దారుణంగా చంపేయిస్తాడు. అయితే, సీఎం మర్డర్ విజువల్స్ మాత్రం వారికి చిక్కకుండా విష్ణు దాచేస్తాడు.

తండ్రి హత్యను ప్రత్యక్షంగా చూసిన చిన్నారి తేజుకు ప్రాణాపాయం ఏర్పడుతుంది. ఎవరి అండా లేని పాపను ఈజీగా చంపేయొచ్చు అనుకుంటారు. నిస్సహాయ స్థితిలో ఉన్న పాపను కాపాడే బాధ్యత రేజర్ (రవిబాబు) తీసుకుంటాడు. కుక్కల సంరక్షకుడిగా పని చేసే రవిబాబు గతం ఏంటి? అతనికి, విష్ణుకి సంబంధం ఏంటి? హోంమంత్రి ముఠా నుంచి పాపను ఎలా రక్షించాడు? సీఎం హత్య కేసులో హోంమంత్రికి శిక్ష పడిందా? అనేది తెలియాలంటే మూవీ చూడాల్సిందే.

Also Read : This Week Theatrical Releases : లెనిన్ To ఐ నొబడీ - ఈ వారం మాస్ యాక్షన్ మైథలాజికల్ మూవీస్... డోంట్ మిస్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

Kotha Malupu : ఓటీటీలోకి సింగర్ సునీత కొడుకు కొత్త మూవీ - సడన్‌గా స్ట్రీమింగ్... ఎందులో చూడొచ్చంటే?

Ganesh Guptha — Mon, 6 Jul 2026 12:23:30 +0530

Akash Goparaju's Kotha Malupu OTT Sudden Streaming : 'సర్కారు నౌకరి' మూవీతో తెలుగు తెరకు పరిచయమయ్యారు ప్రముఖ సింగర్ సునీత కొడుకు ఆకాశ్. ఆయన హీరోగా నటించిన రెండో మూవీ కొత్త మలుపు (Kotha Malupu). లవ్ ఫ్యామిలీ ఎంటర్టైనర్ జానర్‌లో వచ్చిన ఈ సినిమా జూన్ 12న ప్రేక్షకుల ముందుకు వచ్చి మిక్స్‌డ్ టాక్ సొంతం చేసుకుంది. ఇప్పుడు ఎలాంటి హడావిడి లేకుండానే ఓటీటీలోకి వచ్చేసింది.

ఎందులో స్ట్రీమింగ్ అంటే?

ప్రముఖ ఓటీటీ అమెజాన్ ప్రైమ్ వీడియో (Amazon Prime Video)లో సోమవారం నుంచి సడన్‌గా ఆకాష్ 'కొత్త మలుపు' స్ట్రీమింగ్ అవుతోంది. ఈ మూవీకి శివ కేసనకుర్తి దర్శకత్వం వహించగా... ఆకాశ్ సరసన భైరవి ఆర్థ్యా హీరోయిన్‌గా నటించారు. వీరితో పాటే పృథ్వీ, రఘుబాబు, మహేందర్, ఐశ్వర్య, సిద్ధు, ప్రభావతి తదితరులు కీలకపాత్రలు పోషించారు. యశ్వంత్ నాగ్ మ్యూజిక్ అందించగా... తాటి బాలకృష్ణ నిర్మించారు. థియేటర్లలో అంతంత మాత్రం రెస్పాన్స్ అందుకున్న సినిమా ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.

స్టోరీ ఏంటంటే?

జీవితంలో ఏ బాధ్యతా లేకుండా ఫ్రెండ్స్‌తో సరదాగా లైఫ్ ఎంజాయ్ చేస్తుంటాడు కమల్ (ఆకాశ్). ఓసారి తన ఫ్యామిలీ వివాహ వేడుక కోసం కోనసీమ జిల్లాలోని మారుమూల పల్లెటూరికి వెళ్తాడు. అక్కడ వరలక్ష్మి (భైరవి ఆర్థ్యా)ని చూసి తొలి చూపులోనే ప్రేమలో పడతాడు. ఒక రోజు రాత్రి ఊరిలో అవమానకర పరిస్థితుల్లో చిక్కుకున్న కమల్‌ను గుర్తు తెలియని యువతి కాపాడుతుంది. ఆమెను వెతికి పట్టుకునేందుకు వరలక్ష్మితో కలిపి సెర్చింగ్ ప్రారంభిస్తాడు.

అలా మొదలైన ఆ అన్వేషణ ఏ మలుపు తిరిగింది? కమల్‌ను కాపాడిన ఆ అమ్మాయి ఎవరు? కమల్‌కు కనిపించిన ఫోటో వల్ల వీరి మధ్య ఎలాంటి అవమానాలు, అపార్థాలు తలెత్తాయి? కమల్ వెతుకుతున్న అమ్మాయికి, లవ్ చేసిన అమ్మాయికి ఏమైనా సంబంధం ఉందా? వీరి లవ్ స్టోరీ ఏ మలుపు తిరిగింది? అనేది తెలియాలంటే సినిమా చూడాల్సిందే.

Also Read : This Week OTT Movies : ఈ వారం ఓటీటీలో 18 మూవీస్ - రామ్ చరణ్ పెద్ది To సింగ్ గీతం... ఇవి వెరీ స్పెషల్a

Satluj OTT : రెండు రోజులకే ఓటీటీలో డిలీట్ - 'సట్లెజ్' మూవీ కాంట్రవర్సీ ఏంటి?... మళ్లీ స్ట్రీమింగ్ ఎప్పుడంటే?

Ganesh Guptha — Mon, 6 Jul 2026 11:42:55 +0530

Satluj Movie Removed From OTT Controversy Details : బాలీవుడ్ నటుడు దిల్జీత్ దొసాంజ్ ప్రధాన పాత్రలో నటించిన బయోగ్రాఫికల్ క్రైమ్ థ్రిల్లర్ 'సట్లజ్' (Satluj). దాదాపు నాలుగేళ్ల క్రితం సెన్సార్ వివాదాలతో రిలీజ్ ఆగిపోయిన సినిమా రెండు రోజుల క్రితం సడన్‌గా ఓటీటీలో ప్రత్యక్షమైంది. అయితే, ఇప్పుడు ఓటీటీ నుంచి ఆ సినిమాను డిలీట్ చేశారు. అసలేంటీ మూవీ వివాదం... సట్లెజ్ కథేంటి అనేది ఓసారి చూస్తే...

కాంట్రవర్సీకి కారణమదే?

పంజాబ్‌కు చెందిన హ్యూమన్ రైట్స్ యాక్టివిస్ట్ 'జస్వంత్ సింగ్ ఖల్రా' జీవితం ఆధారంగా ఈ సినిమా తెరకెక్కించారు. ఇందిరా గాంధీ హత్య, సిక్కు వ్యతిరేక ఆందోళనల తర్వాత 1990ల్లో పంజాబ్‌లో వేలాది మంది అదృశ్యమయ్యారని... వారిని పోలీసులు వివిధ కారణాలతో అదుపులోకి తీసుకున్నారనే ఆరోపణలు వచ్చాయి.

మిస్ అయిన వారిని చంపేసి దహనం చేసినట్లు వార్తా కథనాలు వెలువడ్డాయి. వీటిపై జస్వంత్ సింగ్ పరిశోధనలు చేసి ఆధారాలు సంపాదించారు. అయితే, 1995లో జస్వంత్ సింగ్ అదృశ్యమై హత్యకు గురయ్యారు. ఆయన్ను పోలీసులే తీసుకెళ్లి చంపారనే ఆరోపణలు రాగా... సుదీర్ఘ విచారణ తర్వాత 2005లో నలుగురు పోలీస్ అధికారులకు కోర్టు శిక్ష విధించింది. ఈ పరిణామాల ఆధారంగా హనీ టెహ్రాన్ ఈ మూవీని తెరకెక్కించారు.

సెన్సార్ అభ్యంతరం... టైటిల్ చేంజ్

2022లోనే మూవీ పూర్తైనా సెన్సార్ వివాదాలతో రిలీజ్ కాలేదు. మొత్తం 127 కట్స్ సూచించిన బోర్డు... టైటిల్‌పై తీవ్ర అభ్యంతరం వ్యక్తం చేసింది. అయితే, దీనిపై మూవీ టీం కోర్టును ఆశ్రయించింది. అలా కాపీరైట్, సెన్సార్ సమస్యలతో దాదాపు మూడేళ్లకు పైగా రిలీజ్ ఆగిపోయింది. ఈ సినిమాకు ఫస్ట్ 'ఘల్లుఘరా' (Ghallughara) అనే టైటిల్ ఫిక్స్ చేశారు. దీనర్థం మారణకాండ. ఆ తర్వాత 'పంజాబ్ 95'గా టైటిల్ మార్చారు. దీనిపై కూడా అభ్యంతరాలు వ్యక్తం కాగా... ఫైనల్‌గా సట్లజ్ పేరుతో ఓటీటీలోకి వచ్చేసింది.

ఓటీటీ నుంచి డిలీట్

ప్రముఖ ఓటీటీ ZEE5లో సడన్‌గా సట్లెజ్ స్ట్రీమింగ్ కాగా... ఆదివారం రాత్రి నుంచి డిలీట్ చేశారు. ఎలాంటి కట్స్ లేకుండా ఒరిజినల్ వెర్షన్ స్ట్రీమింగ్ చేసినట్లు మేకర్స్ వెల్లడించారు. అయితే, ప్రస్తుత పరిణామాల నేపథ్యంలో దీన్ని తాత్కాలికంగా నిలిపేస్తున్నామని చెప్పారు. ఇండియన్ ఆడియన్స్ కోసం మళ్లీ స్ట్రీమ్ చేసేందుకు చట్టపరమైన మార్గాలు చూస్తున్నట్లు తెలిపారు. 'సట్లజ్ తాత్కాలికంగా ఆగిపోయి ఉండొచ్చు. కానీ అది ప్రారంభించిన సంభాషణ ఆగలేదు. మీ అద్భుతమైన ప్రేమకు ధన్యవాదాలు.' అని అన్నారు.

అమెరికా, బ్రిటన్, కెనడా, ఆస్ట్రేలియా వంటి గ్లోబల్ మార్కెట్‌లో సినిమా ZEE5లో అందుబాటులో ఉంది. ప్రస్తుతం ఇండియాలో సినిమా రిమూవ్ చేయడంపై నెట్టింట హాట్ టాపిక్‌గా మారింది.

Also Read : Akhil Akkineni : అయ్యగారు కాదు... అఖిల్‌కు కొత్తపేరు - ఈసారి గట్టిగా కొడుతున్నాం... లెనిన్ ప్రీ రిలీజ్ ఈవెంట్ హైలెట్స్

This Week OTT Movies : ఈ వారం ఓటీటీలో 18 మూవీస్ - రామ్ చరణ్ పెద్ది To సింగ్ గీతం... ఇవి వెరీ స్పెషల్

Ganesh Guptha — Mon, 6 Jul 2026 10:34:39 +0530

This Week OTT Movies Complete List : ఈ వారం థియేటర్లలోకి అఖిల్ అక్కినేని రూరల్ మాస్ ఎంటర్టైనర్ లెనిన్‌తో పాటు మలయాళ డబ్బింగ్ మూవీ 'ఐ నోబడీ', దేవి ఫేమ్ మహేంద్రన్ హీరోగా నటించిన మైథలాజికల్ ఎపిక్ 'వసుదేవసుతం', నాగదుర్గ తమిళ డబ్బింగ్ మూవీ 'లవ్ ఓ లవ్' మూవీస్ సందడి చేయనున్నాయి. ఇక ఓటీటీల్లోనూ బ్లాక్ బస్టర్ మూవీస్ వెబ్ సిరీస్‌లు సందడి చేయనున్నాయి. మరి అవేంటో ఓసారి చూస్తే...

పెద్ది : మెగా పవర్ స్టార్ రామ్ చరణ్ హీరోగా నటించిన రీసెంట్ స్పోర్ట్స్ యాక్షన్ డ్రామా 'పెద్ది'. బుచ్చిబాబు దర్శకత్వం వహించగా... జాన్వీ కపూర్ హీరోయిన్‌గా నటించారు. జూన్ 4న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద సంచలన విజయం సాధించింది. ఇంటర్నేషనల్ ఓటీటీ 'నెట్ ఫ్లిక్స్' (Netflix)లో జులై 9 నుంచి స్ట్రీమింగ్ కానుంది. తెలుగుతో పాటు తమిళం, కన్నడ, మలయాళం భాషల్లో అందుబాటులోకి రానుంది.

సింగ్ గీతం : 94 ఏళ్ల వయసులో లెజెండరీ డైరెక్టర్ సింగీతం శ్రీనివాసరావు తెరకెక్కించిన మూవీ సింగ్ గీతం. నాగ్ అశ్విన్ ఈ సినిమాను నిర్మించగా... అయాన్, అహల్య బమ్రూ ప్రధాన పాత్రల్లో నటించారు. షాలిని కొండేపూడి, బెనర్జీ, తులసి, శివనారాయణ, అగు స్టాన్లీ తదితరులు కీలకపాత్రలు పోషించారు. జులై 9 నుంచి 'నెట్ ఫ్లిక్స్' (Netflix) తెలుగు, కన్నడ, మలయాళం భాషల్లో స్ట్రీమింగ్ కానుంది.

పరిమళ అండ్ కో : రీసెంట్ డార్క్ కామెడీ థ్రిల్లర్ 'పరిమళ అండ్ కో' (Parimala And Co) ఓటీటీలోకి వచ్చేస్తోంది. ఈ సినిమాకు పాండిరాజ్ దర్శకత్వం వహించగా... జయరాం, ఊర్వశి, అనంతిక సానిల్ కుమార్, యోగిబాబు తదితరులు ప్రధాన పాత్రలు పోషించారు. ఈ సినిమా ZEE5లో జులై 10 నుంచి... తమిళంతో పాటు తెలుగు, మలయాళం, కన్నడ, హిందీ భాషల్లో అందుబాటులోకి రానుంది.

ఇక్కా (IKKA) : సన్నీ డియోల్, అక్షయ్ ఖన్నా ప్రధాన పాత్రల్లో నటించిన లేటెస్ట్ కోర్ట్ రూమ్ డ్రామా ఇక్కా (Ikka). సిద్దార్థ్ పి మల్హోత్రా దర్శకత్వం వహించగా... దియా మీర్జా, సంజీదా షేక్, ఆకాంక్ష రంజన్ కపూర్ తదితరులు కీలకపాత్రలు పోషించారు. జులై 10న నెట్ ఫ్లిక్స్ (Netflix)లో స్ట్రీమింగ్ కానుంది.

ఓటీటీ మూవీస్ / వెబ్ సిరీస్

నెట్ ప్లిక్స్ : పెద్ది (జులై 9), సింగ్ గీతం (జులై 9), ఇక్కా (తెలుగు డబ్బింగ్ సిరీస్ - జులై 10), ఐ యామ్ నాట్ అఫ్రైడ్ (ఇంగ్లీష్ మూవీ - జులై 8), నథింగ్ టూ లూజ్ (ఇంగ్లీష్ మూవీ - జులై 8), సల్సేడో, లెదర్ అండ్ బొగాలో (జులై 8), లిటిల్ హౌస్ ఆన్ ద ప్రయిరే (ఇంగ్లీష్ సిరీస్ - జులై 9), పతి పత్ని ఔర్ వో దో (హిందీ మూవీ - జులై 10), షిప్ రెక్డ్ : నైట్ మేర్ ఎట్ సీ (ఇంగ్లీష్ డాక్యుమెంటరీ - జులై 10), ది అపార్ట్‌మెంట్ జాబ్ (కొరియన్ సిరీస్ - జులై 11), సుసాన అండ్ ఎల్విరా (జులై 12).

అమెజాన్ ప్రైమ్ వీడియో : రేజర్ (తెలుగు మూవీ జులై 5), ద వెస్టీస్ (ఇంగ్లీష్ సిరీస్ - జులై 12).

ZEE5 : ఫ్రేమ్ (మరాఠీ మూవీ - జులై 10), పరిమళ అండ్ కో (తమిళ మూవీ - జులై 10).

సోనీ లివ్ (SonyLIV) : బల్టీ (తెలుగు డబ్బింగ్ మూవీ - జులై 10).

జియో హాట్ స్టార్ : ది ఫైవ్ స్టార్ వీకెండ్ (ఇంగ్లీష్ సిరీస్ - జులై 10).

లయన్స్ గేట్ ప్లే : ద సెంటినల్స్ (ఫ్రెంచ్ సిరీస్ - జులై 10).

ఆపిల్ టీవీ ప్లస్ : ట్రైయింగ్ సీజన్ 5 (ఇంగ్లీష్ సిరీస్ - జులై 8).

Satluj OTT : మూడేళ్ల తర్వాత డైరెక్ట్‌గా ఓటీటీలోకి కాంట్రవర్సీ మూవీ - టైటిల్ ఛేంజ్... ఎందులో చూడొచ్చంటే?

Ganesh Guptha — Sun, 5 Jul 2026 16:58:06 +0530

Diljit Dosanjh's Satluj OTT Streaming : బాలీవుడ్ నటుడు దిల్జీత్ దోసాంజ్ ప్రధాన పాత్రలో నటించిన బయోగ్రాఫికల్ క్రైమ్ థ్రిల్లర్. మూడేళ్ల క్రితం పలు కాంట్రవర్సీలకు నోచుకోని మూవీ... ఇప్పుడు డైరెక్ట్‌గా ఓటీటీలోనే స్ట్రీమింగ్ అవుతోంది. ఆడియన్స్ కోసం సరికొత్త టైటిల్‌తో ఓటీటీలోకి వచ్చేసింది. అసలేంటా మూవీ... ఆ కథేంటంటే...

పంజాబ్‌కు చెందిన హ్యూమన్ రైట్స్ యాక్టివిస్ట్ జస్వంత్ సింగ్ ఖల్రా రియల్ లైఫ్ స్టోరీ ఆధారంగా 'పంజాబ్ 95' అనే మూవీని రూపొందించారు. ఈ సినిమాకు హనీ టెహ్రాన్ దర్శకత్వం వహించగా... దిల్జీత్ దోసాంజ్‌తో పాటు అర్జున్ రాంపాల్, సువిందర్ విక్కీ, కన్వల్ జీత్ సింగ్ తదితరులు కీలకపాత్రలు పోషించారు.

ఎందులో స్ట్రీమింగ్ అంటే?

ఈ మూవీని థియేటర్లలో రిలీజ్ చేసేందుకు యత్నించినా ఫలితం లేకపోయింది. అప్పట్లే సెన్సార్ బోర్డ్ స్టోరీపై తీవ్ర అభ్యంతరం తెలుపుతూ... 127 కట్స్ సూచించింది. టైటిల్‌తో పాటు కీలక సీన్స్, డైలాగ్స్‌ డిలీట్ చేయాలని సెన్సార్ బోర్డు ఆదేశించింది. దీనికి మూవీ టీం కన్విన్స్ చేయడానికి ట్రై చేసినా సెన్సార్ సభ్యులు అంగీకరించలేదు. ఎన్నో ఆంక్షల తర్వాత డైరెక్ట్‌గా ఓటీటీలో రిలీజ్ చేశారు మేకర్స్.

'పంజాబ్ 95' టైటిల్‌ను 'సట్లెజ్' (Satluj)గా మార్చారు మేకర్స్. ఎలాంటి కట్స్ లేకుండా ప్రముఖ ఓటీటీ ZEE5లో గురువారం (జులై 3) నుంచి స్ట్రీమింగ్ అవుతోంది. మూడేళ్ల తర్వాత వచ్చిన మూవీకి నార్త్ ఆడియన్స్ నుంచి సూపర్ రెస్పాన్స్ వస్తోంది. దీనిపై మేకర్స్ హర్షం వ్యక్తం చేస్తున్నారు.

Also Read : Sing Geetham OTT : సింగ్ గీతం ఓటీటీ రిలీజ్ - థియేటర్ వెర్షన్ కంటే వెరీ డిఫరెంట్... ఎప్పటి నుంచి స్ట్రీమింగ్ కావొచ్చంటే?

స్టోరీ ఏంటంటే?

పంజాబ్ చరిత్రలో 1984 - 1994 మధ్య జరిగిన యథార్థ సంఘటనల ఆధారంగా ఈ మూవీని తెరకెక్కించినట్లు తెలుస్తోంది. పోలీసులపై వచ్చిన ఆరోపణలపై జస్వంత్ సింగ్ ఖల్రా పరిశోధన, వేలాది మంది అదృశ్యం వెనుక ఉన్న మిస్టరీని ఆయన ఛేదించారు. ఈ క్రమంలోనే ఆయన కూడా 1995లో అదృశ్యం అయ్యారు. పోలీసులే ఆయన్ను హతమార్చారనే ఆరోపణలపై సుదీర్ఘ విచారణ జరిగింది. చివరకు 2005లో నలుగురు పోలీస్ అధికారులకు కోర్టు శిక్ష విధించింది. సెన్సిటివ్ కథాంశంతో తెరకెక్కడంతో ఈ మూవీ వివాదాలకు కారణమైంది. ఇప్పుడు ఓటీటీలో స్ట్రీమింగ్ అవుతోంది.

Also Read : Bigg Boss Sanjana Serial : బిగ్ బాస్ ఫేం సంజన బుల్లితెర ఎంట్రీ - స్టార్ మాలో సరికొత్త సీరియల్... ఎప్పటి నుంచంటే?

Samantha: సోనీలివ్ తమిళ్ కోసం సమంత ప్రాజెక్ట్... సామ్ జామ్ తరహాలో మరో టాక్ షో?

S Niharika — Sat, 4 Jul 2026 16:26:10 +0530

Samantha Latest News In Telugu: సమంత జీవితంలో 2026 చాలా మెమరబుల్ అని చెప్పాలి. దర్శకుడు రాజ్ నిడిమోరుతో గతేడాది డిసెంబర్ నెలలో ఆమెకు వివాహమైంది. ఈ ఏడాది కొత్త జీవితాన్ని ప్రారంభించారు. పెళ్లి తర్వాత విడుదలైన 'మా ఇంటి బంగారం' సినిమాకు ప్రశంసలతో పాటు భారీ వసూళ్ళు వచ్చాయి. ఆ సినిమా విడుదలైన వెంటనే సమంత ప్రెగ్నెంట్ అని తెలిసింది. బ్యాక్ టు బ్యాక్ ఆమె జీవితంలో సంతోషాలు నెలకొన్నాయి. అయితే... గర్భవతి కావడంతో సమంత కొంత విరామం తీసుకుంటారని భావించారంతా. కానీ, ఆమె ఓటీటీలో వీక్షకులు, అభిమానులను అలరించేందుకు సిద్ధమవుతోంది.

సోనీలివ్ ఓటీటీ కోసం సమంత టాక్ షో?
సమంత మరో కొత్త అధ్యాయాన్ని ప్రారంభించబోతున్నారా? కొత్త టాక్ షో చేసే ప్లాన్ చేస్తున్నారా? అంటే... 'అవును' అంటున్నాయి కోలీవుడ్ వర్గాలు. గతంలో 'ఆహా' ఓటీటీ కోసం 'సామ్ జామ్' (Sam Jam) చేశారు సమంత. ఆ టాక్ షో ఎంతటి ఘన విజయాన్ని అందుకుందో... టాలీవుడ్ ఆడియన్స్ అందరికీ తెలిసిందే. ఇప్పుడు ఆమె టాక్ షో హోస్ట్ చేసేందుకు సమంత రెడీ అవుతున్నట్లు సమాచారం.

Also Read: Fire Accident On Fauji Sets - ప్రభాస్ ఫౌజీ సెట్స్‌లో మళ్ళీ ఫైర్ యాక్సిడెంట్ - నెట్టింట వీడియో వైరల్

''సమంతతో కలిసి సంథింగ్ స్పెషల్ ప్రాజెక్ట్ కోసం వర్క్ చేస్తున్నాం. త్వరలో ఆ డీటెయిల్స్ మీ అందరితో పనుకోవాలని ఉంది'' అని సోనీలివ్ తమిళ్ సోషల్ మీడియాలో ఓ పోస్ట్ చేసింది. దానిని సమంత తన ఇన్‌స్టాగ్రామ్ స్టోరీని షేర్ చేశారు. ఈ టాక్ షో తమిళంలో రూపొందించనున్నారని సమాచారం. అందులో ఇంగ్లీష్, ముఖ్యంగా తమిళ భాషలో సమంత మాట్లాడనున్నారు. సమంత హోస్ట్ అయితే సెలబ్రిటీలతో ఆమె ఏం మాట్లాడారు? ఎటువంటి ముచ్చట్లు పెట్టారు? అని తెలుసు ఆడియన్స్ కూడా ఇంట్రెస్ట్ చూపిస్తారని చెప్పడంలో ఎటువంటి సందేహం అవసరం లేదు.

Also Read: Peddi OTT Release Date - పెద్ది ఓటీటీ రిలీజ్ డేట్... Netflixలో ఈవారమే స్ట్రీమింగ్ - కానీ ట్విస్ట్ ఏమిటంటే?

View this post on Instagram

A post shared by Sony LIV (@sonylivindia)

ప్రెగ్నెంట్ కావడంతో ఈ ప్లాన్ చేసిన సమంత?
ఇప్పుడు సమంత ప్రెగ్నెంట్. గర్భవతిగా ఉన్న సమయంలో ఎక్కువ వర్క్ చేయకూడదు. గర్భంలో శిశువును దృష్టిలో పెట్టుకుని విశ్రాంతి తీసుకోవాలి. సినిమా లేదా వెబ్ సిరీస్ చూస్తే... షూటింగ్ సమయంలో ఒత్తిడి ఉంటుంది. యాక్టింగ్, డ్యాన్స్, ఫైట్స్ అంటే కాస్త కష్టపడాలి ఉంటుంది. టాక్ షో అయితే సరదాగా సోఫాలో కూర్చుని మాట్లాడుకోవచ్చు. అందుకని సమంత ఈ ప్లాన్ చేసినట్టు తెలుస్తోంది.

సోనీలివ్ తమిళ్ ఓటీటీ కోసం సమంత చేయబోయే టాక్ షో షెడ్యూల్ విషయంలో ఇప్పటికీ కొంత సందిగ్ధత నెలకొంది. ప్రెగ్నెంట్‌గా ఉన్నప్పుడు టాక్ షో చేస్తారా? లేదంటే డెలివరీ తర్వాత చేస్తారా? అనే విషయంపై ఇంకా స్పష్టత రావాల్సి ఉంది.

Also Read: Rao Bahadur First Day Collections - ఓవర్సీస్‌లో దుమ్ము రేపిన సత్యదేవ్... 'రావు బహదూర్' ఫస్ట్ డే కలెక్షన్స్ ఎంతంటే?

Hang Man OTT : ఓటీటీలో బ్రహ్మాజీ 'హ్యాంగ్ మ్యాన్' - ఆరేళ్ల తర్వాత డైరెక్ట్‌గా స్ట్రీమింగ్... ఎందుకు చూడాలంటే?

Ganesh Guptha — Sat, 4 Jul 2026 15:39:00 +0530

Brahmaji's Hang Man OTT Streaming : ఆరేళ్ల క్రితం షూటింగ్ పూర్తైన మూవీ. ఇంటర్నేషనల్ స్థాయిలో ఈవెంట్స్‌లో ప్రీమియర్ అయిన మూవీ విమర్శకుల ప్రశంసలు సైతం అందుకుంది. అనుకోని కారణాలతో థియేటర్లలో రిలీజ్ కాని సినిమాను ఆరేళ్ల తర్వాత డైరెక్ట్‌గా ఓటీటీలో రిలీజ్ చేశారు. శుక్రవారం డిజిటల్ స్ట్రీమింగ్‌కు వచ్చేసిన మూవీ ట్రెండ్ అవుతోంది. ఇంతకూ ఆ మూవీ ఏంటంటే...

టాలీవుడ్ నటుడు బ్రహ్మాజీ ప్రధాన పాత్రలో నటించిన సోషల్ డ్రామా టైటిల్ హ్యాంగ్ మ్యాన్ (Hang Man). ప్రముఖ ఓటీటీ 'సన్ నెక్స్ట్' (sunNXT)లో శుక్రవారం (జులై 3) నుంచి అందుబాటులోకి వచ్చింది. రీసెంట్‌గా రిలీజ్ చేసిన ట్రైలర్ స్టోరీపై బిగ్ హైప్ క్రియేట్ చేయగా... స్ట్రీమింగ్ తర్వాత సూపర్ రెస్పాన్స్ అందుకుంటుంది.

ఈ మూవీకి విహాన్ దర్శకత్వం వహించగా... బ్రహ్మాజీతో పాటు బన్నీ అభిరాన్, వినయ్ నల్లకడి తదితరులు కీలకపాత్రలు పోషించారు. క్లోరో ఫిల్మ్ పిక్చర్స్, డార్క్ హార్స్ విజువల్స్ సంయుక్తంగా నిర్మించాయి. ఉరి శిక్ష పడే ఖైదీలను ఉరి తీసే తలారి పాత్రలో బ్రహ్మాజీ నటించారు.

స్టోరీ ఏంటంటే?

ఖైదీ ఉరి శిక్ష వేసే ముందు ఆ తలారి పడే మానసిక సంఘర్షణ. అతని జీవితం ఎలా ఉంటుంది? సమాజం వారిని చూసే చూపు. ఖైదీని ఉరి తీసేటప్పుడు తలారి మానసికంగా ఎలా సిద్ధమవుతాడు? అనేదే స్టోరీ అని ట్రైలర్‌ను బట్టి తెలుస్తోంది. తండ్రి నుంచి వారసత్వంగా తలారి పని చేసుకుంటాడు శివయ్య (బ్రహ్మాజీ). తన కొడుకుకు కూడా ఈ పని ఎలా చేయాలో నేర్పిస్తుంటాడు. ఒక రోజు బస్టాప్‌లో గతంలో చనిపోయిన తన కూతురిని పోలిన అమ్మాయి కనిపిస్తుంది.

దీంతో శివయ్య ఆమెను అలానే చూస్తూ ఉంటాడు. దీంతో అతని ప్రవర్తనను ఆమె తప్పుపడుతుంది. అయితే, అనుకోని విధంగా ఆ అమ్మాయి దారుణంగా లైంగిక దాడికి గురవుతుంది. ఈ ఘటనతో తీవ్రంగా కుంగిపోయిన శివయ్య తప్పు చేసిన వారిని వదిలిపెట్టకూడదని నిర్ణయించుకుంటాడు. ఆ తర్వాత ఏం జరిగింది? సమాజంలో చీడ పురుగులను శివయ్య ఏం చేశాడు? దీనికి అతని కొడుకు చేసిన సాయం ఏంటి? తలారిగా వారిని శిక్షించాడా? అనేది తెలియాలంటే మూవీ చూడాల్సిందే.

Also Read : Pragya Nagra : బంగారు కాంతుల్లో అందాల ప్రగ్యా - తమిళ బ్యూటీ క్యూట్ లుక్స్... వెయిటింగ్ ఫర్ టాలీవుడ్ ఛాన్సెస్