Chitti Thalli OTT : కూతురి కోసం ఓ తండ్రి పడే ఆరాటం - ఓటీటీలోకి వచ్చేసిన 'చిట్టి తల్లి'... ఎందులో స్ట్రీమింగ్ అంటే?
Chitti Thalli OTT Platform : ప్రతీ వారంలానే ఈ వారం కూడా కథా సుధలో భాగంగా ఓ కొత్త మూవీ ఓటీటీలోకి వచ్చేసింది. తండ్రీ కూతుళ్ల సెంటిమెంట్తో 'చిట్టి తల్లి' స్ట్రీమింగ్ అవుతోంది.
Rajeev Kanakala's Chitti Thalli OTT Streaming : రాజీవ్ కనకాల రీసెంట్గా తండ్రి పాత్రల్లో అలరిస్తున్నారు. ఇటీవల తండ్రీ కూతుళ్ల సెంటిమెంట్తో వచ్చిన వెబ్ సిరీస్ 'డాటర్ ఆఫ్ ప్రసాదరావు' ఓటీటీలో సూపర్ రెస్పాన్స్ అందుకుంది. ఇప్పుడు అలాంటి బ్యాక్ డ్రాప్ ఫాదర్ డాటర్ సెంటిమెంట్తోనే మరో మూవీ ఓటీటీలోకి వచ్చేసింది.
చిట్టితల్లి... ఎందులో చూడొచ్చంటే?
ప్రముఖ దర్శకుడు రాఘవేంద్రరావు పర్యవేక్షణలో ప్రతీ ఆదివారం కథా సుధ పేరిట ఓ కొత్త మూవీ ఈటీవీ విన్లో స్ట్రీమింగ్ అవుతున్న సంగతి తెలిసిందే. ఈ వారం కూడా మరో సరికొత్త షార్ట్ ఫిల్మ్ 'చిట్టి తల్లి' అందుబాటులోకి వచ్చేసింది. ఇందులో రాజీవ్ కనకాల తండ్రి పాత్రలో నటించగా... మోనిక కూతురుగా, అనిరుధ్, నంద కిశోర్ తదితరులు కీలకపాత్రలు పోషించారు. ఈ మూవీకి శరణ్య తేజు స్టోరీ అందించడంతో పాటు దర్శకత్వం వహించారు.
View this post on Instagram
Also Read : ప్రైవసీ ఇవ్వండి... అనవసర ప్రచారం చెయ్యొద్దు - ఆశా భోస్లే హెల్త్ కండిషన్పై మనవరాలి పోస్ట్
స్టోరీ ఏంటంటే?
కూతురంటే తండ్రికి పంచ ప్రాణాలు. ఆమెకు కూడా అంతే. తన తండ్రిని ప్రాణంగా చూసుకుంటుంది. తల్లి లేని పిల్ల అని గారాబంగా పెంచుతాడు. తన స్నేహితుడి కొడుక్కి ఇచ్చి పెళ్లి చేయాలని అనుకుంటాడు. తాను గ్రాఫిక్ డిజైనింగ్ కోర్సు నేర్చుకుంటానని కూతురు సిటీకి వెళ్తుంది. దీనికి తండ్రి ముందు ఒప్పుకోకపోయినా కేవలం 6 నెలలే అని అతన్ని ఒప్పిస్తుంది. కానీ సిటీకి వెళ్లిన తర్వాత అక్కడి కల్చర్ చూసి ఫస్ట్ భయపడుతుంది.
కొద్దికొద్దిగా సిటీ కల్చర్కు అలవాటు పడి ఆమె కూడా స్పీడ్గా మారుతుంది. సిటీలోనే ఓ అబ్బాయిని ప్రేమిస్తుంది. ఈ విషయం తండ్రికి తెలియడంతో తన కూతురు అలా చేయదని నమ్మించాలనే ఉద్దేశంతో సిటీకి వెళ్తాడు తండ్రి. అక్కడ బైక్పై ఓ అబ్బాయితో తన కూతురిని చూసి షాక్ అవుతాడు. తన చిట్టి తల్లి మారిపోలేదని చనిపోయిందనే నిర్ణయానికి వస్తాడు. ఆ తర్వాత ఏం జరిగింది? సిటీ కల్చర్కు అలవాటు పడిన కూతురు తండ్రి చూపించిన అబ్బాయిని పెళ్లి చేసుకుంటుందా? తండ్రీ కూతుళ్లు మళ్లీ కలుస్తారా? చివరకు ఏం జరిగింది? అనేది తెలియాలంటే మూవీ చూడాల్సిందే.
టాప్ హెడ్ లైన్స్
ట్రెండింగ్ వార్తలు
