Political Action Thriller OTT : నాలుగు ఓటీటీల్లో పొలిటికల్ యాక్షన్ థ్రిల్లర్ - టాలీవుడ్ స్టార్స్ నటించిన మలయాళ మూవీ... ఎందులో స్ట్రీమింగ్ అంటే?

Political Thriller OTT : రీసెంట్ పొలిటికల్ యాక్షన్ థ్రిల్లర్ అనంతన్ కాడు ఓటీటీలోకి వచ్చేసింది. ఒకే రోజు నాలుగు ఓటీటీల్లో స్ట్రీమింగ్ అవుతోంది.

ఓటీటీలోకి వచ్చేసిన మలయాళ మూవీ

Source : https://x.com/OTT_Trackers/status/2094970569439723846/photo/1

Arya's Political Action Thriller Ananthan Kaadu OTT Streaming : టాలీవుడ్ స్టార్స్ మలయాళంలో నటించిన రీసెంట్ పొలిటికల్ యాక్షన్ థ్రిల్లర్ ఓటీటీలోకి వచ్చేసింది. ఒకటి కాదు రెండు కాదు ఏకంగా నాలుగు ఓటీటీల్లో ఒకేసారి స్ట్రీమింగ్ అవుతోంది. మరి ఆ మూవీ ఏంటి... ఏయే ఓటీటీల్లో స్ట్రీమింగ్ అవుతుందో ఓసారి చూస్తే...

నాలుగు ఓటీటీల్లో స్ట్రీమింగ్

కోలీవుడ్ హీరో ఆర్య ప్రధాన పాత్రలో నటించిన లేటెస్ట్ పీరియాడికల్ పొలిటికల్ యాక్షన్ థ్రిల్లర్ 'అనంతన్ కాడు' (Ananthan Kaadu). 1990ల కాలంలో జరిగిన రియల్ సంఘటనల ఆధారంగా ఈ సినిమా రూపొందించగా... ఆర్యతో పాటు రెజీనా కసాండ్రా, సునీల్, అజయ్, మురళీ గోపీ, నిఖిలా విమల్, దేవ్ మోహన్, ఇంద్రన్స్ తదితరులు కీలకపాత్రలు పోషించారు. జియోన్ కృష్ణ కుమార్ దర్శకత్వం వహించగా... మురళీ గోపీ స్టోరీ, స్క్రీన్ ప్లే అందించారు.

జూన్ 25న ప్రేక్షకుల ముందుకు వచ్చిన ఈ సినిమా మంచి టాక్ సొంతం చేసుకుంది. ప్రస్తుతం అమెజాన్ ప్రైమ్ వీడియో (Amazon Prime Video)తో పాటు మనోరమ మ్యాక్స్‌ (Manorama Max), సింప్లీ సౌత్ (Simply South) ఓటీటీల్లో స్ట్రీమింగ్ అవుతోంది. తమిళంతో పాటు మలయాళం భాషల్లో అందుబాటులోకి రానుంది. లయన్స్ గేట్ ప్లే (Lions Gateplay) ఓటీటీలో సెప్టెంబర్ 4 నుంచి తెలుగు, హిందీ భాషల్లో అందుబాటులోకి రానుంది.

స్టోరీ ఏంటంటే? 

1990s ల్లో తిరువనంతపురంలో జరిగిన రియల్ సంఘటనల ఆధారంగా ఈ సినిమా స్టోరీ సాగుతుంది. క్రైమ్‌తో కూడిన తమ గతాన్ని వదిలేసి ప్రశాంతంగా బతకాలని భావించిన ఓ అణగారిన వర్గానికి చెందిన ముఠా... స్థానిక పొలిటికల్ లీడర్స్ కుట్రల వల్ల మళ్లీ హింస వైపు మళ్లాల్సి వస్తుంది. ఇందులో కేరళ రాజకీయాలతో పాటు తిరుగుబాటు అంశాలను కూడా జోడించారు. అసలు ఆ వర్గానికి చెందిన నాయకులను పొలిటికల్ లీడర్స్ ఏం చేశారు? క్రైమ్ వైపు మళ్లిన వర్గం తమను తాము ఎలా కాపాడుకుంది? అనేది తెలియాలంటే సినిమా చూడాల్సిందే.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

మరిన్ని చదవండి

చీరలో మాళవిక మోహనన్ గ్లామరస్ లుక్ - వయ్యారాలు వలకబోసిన బ్యూటీ