యంగ్ హీరో నాగశౌర్య డిఫరెంట్ జోనర్స్ లో కథలను ఎన్నుకుంటూ నటుడిగా తన టాలెంట్ నిరూపించుకోవాలనుకుంటున్నాడు. కానీ ఈ మధ్యకాలంలో అతడు సరైన సక్సెస్ ను అందుకోలేకపోయాడు. రీసెంట్ గా విడుదలైన 'లక్ష్య' సినిమాకి ఫ్లాప్ టాక్ వచ్చింది. దీంతో తన తదుపరి సినిమాలపై దృష్టి పెట్టాడు. ప్రస్తుతం ఈ హీరో చేతిలో నాలుగు సినిమాలు ఉన్నాయి.
అందులో ఒకటి తన సొంత బ్యానర్ లో చేస్తున్నాడు. అనీష్ ఆర్ కృష్ణ ఈ సినిమాను డైరెక్ట్ చేస్తున్నారు. ఈ సినిమాకి 'కృష్ణ వ్రింద విహారి' అనే టైటిల్ ను ఫిక్స్ చేశారు. ఇప్పటికే ఈ సినిమాకి సంబంధించిన ఫస్ట్ లుక్ పోస్టర్స్, టీజర్స్ సందడి చేశాయి. ముందుగా ఈ సినిమాను ఏప్రిల్ 22న విడుదల చేయాలనుకున్నారు. కానీ వాయిదా వేసుకున్నారు. తాజాగా కొత్త రిలీజ్ డేట్ ను అనౌన్స్ చేశారు. మే 20న విడుదల సినిమాను విడుదల చేయబోతున్నారు.
ఈ సినిమాలో షిర్లీ సేతియా హీరోయిన్ గా కనిపించనుంది. నటి రాధిక కీలకపాత్ర పోషిస్తుంది. అలానే వెన్నెల కిషోర్, రాహుల్ రామకృష్ణ, సత్య, బ్రహ్మాజీ లాంటి నటులు ఈ సినిమాలో కనిపించనున్నారు. ఉష ముల్పూరి ఈ సినిమాను నిర్మిస్తుండగా.. మహతి స్వాగర్ సంగీతం అందిస్తున్నారు.
Also Read:సివిల్ కోర్టు జడ్జ్ మీద కేసుకు వర్మ రెడీ - ఆర్జీవీ వర్సెస్ నట్టి కుమార్ గొడవలో కొత్త ట్విస్ట్