movie-review

Transfer Trimurthulu Review - ట్రాన్స్‌ఫర్ త్రిమూర్తులు రివ్యూ: వడ్డే నవీన్ కమ్‌ బ్యాక్ సినిమా... హిట్టా? ఫట్టా?

Satya Pulagam — Fri, 19 Jun 2026 17:15:36 +0530

Vadde Naveen Transfer Trimurthulu Review In Telugu: హీరోగా వడ్డే నవీన్ ఖాతాలో హిట్స్ ఉన్నాయి. అయితే ఈతరం ప్రేక్షకులకు ఆయన తెలిసే అవకాశం తక్కువ. ఆయన సినిమా వచ్చి పదేళ్ళు. కథానాయకుడిగా పూర్తిస్థాయిలో సినిమా చేసి సుమారు 20 ఏళ్ళు. ఇప్పుడు 'ట్రాన్స్‌ఫర్ త్రిమూర్తులు'తో హీరోగా, నిర్మాతగా రీ ఎంట్రీ ఇచ్చారు. ఆయన కమ్ బ్యాక్ సినిమా ఎలా ఉంది? దీనితో ఆయన హిట్ అందుకుంటారా? లేదా? అనేది రివ్యూలో తెలుసుకోండి.

కథ (Transfer Trimurthulu Story Explained In Telugu): నిజాయతీకి మారుపేరు లాంటి కానిస్టేబుల్ త్రిమూర్తులు (వడ్డే నవీన్). దాంతో పదేళ్ళలో 55 ట్రాన్స్‌ఫర్‌లు అవుతాయి. ప్రతిపక్ష నాయకుడు రవికాంత్ రెడ్డి (ఆడుకాలం నరేన్) నియోజకవర్గం అమలాపురంలో ముఖ్యమంత్రి కమలాదేవి (శిల్పా తులస్కర్) భారీ సభ ఏర్పాటు చేస్తుంది. ఎన్నికలకు ముందు ప్రజల్లో తన పట్ల సింపతీ, ఎమ్మెల్యేగా తనయుడు సంతోష్ బాబు (వివేక్ రఘువంశీ) విజయం కోసం ఓ పథకం రచిస్తుంది. అయితే... త్రిమూర్తులు వల్ల అది అమలు కాదు. దాంతో అతడిని అరకు ట్రాన్స్‌ఫర్ చేస్తారు.

అరకు ట్రాన్స్‌ఫర్ అయ్యాక... ముఖ్యమంత్రి తనయుడు సంతోష్ బాబు ఇరవై ఏళ్ళ క్రితం చేసిన రేప్ కేసు బయటకు తీస్తాడు త్రిమూర్తులు. అదీ ఎన్నికల మ్యానిఫెస్టో వెల్లడించే ముందు! సాధారణ కానిస్టేబుల్ త్రిమూర్తులు బయటకు తీసిన కేసు వల్ల రాజకీయంగా ఎటువంటి మార్పులు జరిగాయి? ముఖ్యమంత్రిగా తన అధికారాన్ని ఉపయోగించి త్రిమూర్తులను కమలాదేవి ఏం చేసింది? నిజాయితీపరుడైన ఓ కానిస్టేబుల్ ఏం చేశాడు? కోర్టులో ఏం జరిగింది? అనేది సినిమా.

విశ్లేషణ (Transfer Trimurthulu Review In Telugu): సినిమా ప్రారంభంలో హీరో కుమార్తెను కిడ్నాప్ చేస్తారు. 'మీ నాన్న పేరు ఏమిటి?' అని అడుగుతారు. 'మూర్తి... మూర్తి... మూర్తి' అని సమాధానం ఇస్తుంది. మూడుసార్లు ఎందుకు చెప్పావ్? అని కిడ్నాపర్లు అడిగితే 'త్రిమూర్తులు' అంటుంది. దర్శకుడిగా పరిచయమైన కమల్ తేజ నార్ల రైటింగ్ స్టైల్ ఎలా ఉందో చెప్పడానికి అదొక్కటి చాలు. హీరోగా వడ్డే నవీన్ సినిమాలు చేసి 20 ఏళ్ళు కావడం ఏమో గానీ... దర్శకుడి రైటింగ్ & డైరెక్షన్ మాత్రం 20 ఏళ్ళకు ముందు ఎలా ఉండేవో అలా ఉన్నాయి.

పదేళ్ళలో 50 ట్రాన్స్‌ఫర్‌లు అనేది తప్పిస్తే... 'ట్రాన్స్‌ఫర్‌ త్రిమూర్తులు'లో కొత్త పాయింట్ లేదు. ఇందులోనూ పవర్ పాలిటిక్స్ వర్సెస్ హానెస్ట్ పోలీస్ ఆఫీసర్ కాన్సెప్టే ఉంది. క్లైమాక్స్ ట్విస్ట్ గురించి గొప్పగా ఊహించుకుని ఉంటారు. ఎన్టీఆర్ 'టెంపర్'లో అంతకు మించి ట్విస్ట్ ఉంది. అందులోనూ హీరో (కానిస్టేబుల్) ఇంటిలిజెన్స్ ఏమీ కనిపించదు. స్టార్టింగ్ నుంచి ఎండింగ్ వరకు... 20 ఏళ్ళ క్రితం తీసిన సినిమా చూసిన ఫీలింగ్ కలుగుతుంది. వడ్డే నవీన్ మినహా మరొక పాజిటివ్ పాయింట్ కనిపించదు. త్రిమూర్తులు ఇన్వెస్టిగేషన్ గానీ, కోర్టు రూమ్ ప్రొసీజర్స్ గానీ అసలు ఆసక్తి కలిగించలేదు. ఓ సాధారణ కానిస్టేబుల్ ఎవరెక్కడ ఉన్నారో కనుక్కుంటాడు. సీఎం నుంచి ఏసీపీ వరకు అతను ఎక్కడ ఉన్నాడో కనిపెట్టలేకపోతారు. లాజిక్కులకు అందని మేజిక్కులు ఎన్నో సినిమాలో ఉన్నాయి. వాటికి తోడు సీరియల్ తరహాలో సాగే కథనం తోడు కావడంతో బోరింగ్ మూమెంట్స్ మరిన్ని ఎక్కువ అయ్యాయి. పాటల్లో వడ్డే నవీన్, రాశి సింగ్ జోడీ మ్యాచ్ కాలేదు. ఇద్దరి మధ్య ఏజ్ డిఫరెన్స్ తెలుస్తోంది. సీరియస్ మ్యాటర్ మధ్యలో వచ్చే ఐటమ్ సాంగ్ పంటికింద రాయిలా తగులుతుంది. ఇన్వెస్టిగేషన్ డ్రామా రక్తి కట్టలేదు.

Also Read: Maa Inti Bangaram Review - 'మా ఇంటి బంగారం' రివ్యూ: సమంత యాక్షన్ సూపర్... మరి సినిమా హిట్టా? ఫట్టా?

'మేం ఫేమస్', 'ది గ్రేట్ ప్రీ వెడ్డింగ్ షో', 'ఎవడే సుబ్రమణ్యం', 'నిలవే' సినిమాలకు యువ సంగీత దర్శకుడు కళ్యాణ్ నాయక్ మంచి పాటలు ఇచ్చారు. 'ట్రాన్స్‌ఫర్ త్రిమూర్తులు'కు ఆయన మ్యూజిక్ చేశారంటే నమ్మడం కష్టం. రెగ్యులర్ రొటీన్ సాంగ్స్, బీట్స్, ఆర్ఆర్ చేశారు. సినిమాటోగ్రఫీ కూడా సోసోగా ఉంది. నిర్మాణ పరంగా రాజీ పడ్డారని తెలుస్తుంది. ముఖ్యమంత్రి సభ అంటే ఎలా ఉండాలి? అందులోనూ రాజీ పడ్డారు.

Also Read: Vanda Devullu Review - 'వంద దేవుళ్ళు' రివ్యూ: అమ్మకు మళ్ళీ పెళ్లి... 'బిచ్చగాడు' కాంబినేషన్‌లో లేటెస్ట్ సినిమా - ఎలా ఉందంటే?

వడ్డే నవీన్ నటన కంటే లుక్స్ ఎక్కువ హైలైట్ అవుతాయి. 20 ఏళ్ళ క్రితం ఎలా ఉన్నారో... ఇప్పుడూ అలాగే ఉన్నారు. నటనలో, ముఖ్యంగా నవ్వులో తన టిపికల్ స్టయిల్ చూపించారు. వడ్డే నవీన్ భార్యగా రాశీ సింగ్ నటించారు. కమర్షియల్ సినిమాల్లో హీరోయిన్ కంటే తక్కువ స్క్రీన్ టైమ్ ఉంటుంది. పాటలు, కొన్ని సీన్లకు మాత్రమే పరిమితం అయ్యారు. 'హాయ్ నాన్న'లో మృణాల్ ఠాకూర్ అమ్మగా కనిపించిన శిల్పా తులస్కర్‌, ఇందులో ముఖ్యమంత్రిగా నటించారు. కళ్ళు పెద్దవి చేసుకుని చూడటం, నడవడం తప్ప ఆమె చేసింది ఏమీ లేదు. సినిమాలో దేవి ప్రసాద్, రఘుబాబు, శ్రీనివాస్ వడ్లమాని, బాబా భాస్కర్, శివన్నారాయణ, సమ్మెట గాంధీ వంటి సీజనల్ ఆర్టిస్టులు కనిపించారు. ఒక్కరి నుంచి సరైన నటన రాబట్టుకోలేదు దర్శకుడు.

Transfer Trimurthulu Verdict: రొటీన్ కథతో తెరకెక్కిన అవుట్ డేటెడ్ కమర్షియల్ ఎంటర్‌టైనర్ 'ట్రాన్స్‌ఫర్ త్రిమూర్తులు'. అవుట్ డేటెడ్ టేకింగ్, రేటింగ్‌తో తెరకెక్కింది. వడ్డే నవీన్ కమ్ బ్యాక్ కావడంతో ఆడియన్స్ దృష్టిని ఆకర్షించిన ఈ సినిమాలో ఆయన తప్ప మరొక ప్లస్ పాయింట్ లేదు. థియేటర్లలో స్టార్టింగ్ టు ఎండింగ్ చూడటం కష్టమే.

Also Read: Deewana First Review - 'దీవానా' ఫస్ట్ రివ్యూ: షాక్ ఇచ్చిన ఇంటర్వెల్ ట్విస్ట్... హర్షిత్ రెడ్డి సినిమా ఎలా ఉందంటే?

Maa Inti Bangaram Review - 'మా ఇంటి బంగారం' రివ్యూ: సమంత యాక్షన్ సూపర్... మరి సినిమా హిట్టా? ఫట్టా?

Satya Pulagam — Fri, 19 Jun 2026 11:59:03 +0530

Samantha Maa Inti Bangaram Movie Review In Telugu: మాయోసైటిస్ చికిత్స తీసుకుంటూ 'యశోద', 'శాకుంతలం', 'ఖుషి' సినిమాల్లో నటించారు సమంత. ఆ తర్వాత మూడేళ్ళు విరామం తీసుకున్నారు. మధ్యలో 'శుభం'లో అతిథి పాత్ర చేశారంతే. 'మా ఇంటి బంగారం'తో మళ్ళీ ప్రేక్షకుల ముందుకు వచ్చారు. సామ్ భర్త, ప్రముఖ దర్శకుడు రాజ్ నిడిమోరు కథ, స్క్రీన్ ప్లే అందించిన ఈ చిత్రానికి నందినీ రెడ్డి దర్శకురాలు. రాజ్ నిడిమోరు, హిమాంక్ దువ్వూరుతో కలిసి సమంత స్వయంగా నిర్మించారు. తెలుగు, తమిళ భాషల్లో జూన్ 19, 2026న విడుదలైన ఈ సినిమా ఎలా ఉంది? రివ్యూలో తెలుసుకోండి.

కథ (Maa Inti Bangaram Story Explained In Telugu): కుటుంబ సభ్యులను కాదని స్వర్ణ (సమంత)ను పెళ్లి చేసుకుంటాడు అనిరుధ్ (దిగంత్). చెల్లెలి పెళ్లి కుదరడంతో మూడేళ్ల తర్వాత భార్యను తీసుకుని ఇంటికి వెళతాడు. ఆ ఊరిలో స్వర్ణను చూసి దళంలోని సభ్యుడు ఒకరు వెంట పడతాడు.

అత్తారింటిలో తోడికోడలు అనసూయ (శ్రీముఖి) కంటే ఉత్తమ కోడలు అనిపించుకోవాలని ఒక వైపు, దళం నాయకుడు కరుణ (గుల్షన్ దేవయ్య) ముఠా నుంచి ఎదురైన ప్రమాదాలను ఎదుర్కొంటూ మెట్టినింటి కుటుంబాన్ని కాపాడుకోవాలని మరో వైపు… స్వర్ణ ఏం చేసింది? అసలు ఆమె గతం ఏమిటి? దళం సభ్యులు ఆమె వెంట ఎందుకు పడ్డారు? స్వర్ణ గతం భర్తతో పాటు కుటుంబ సభ్యులకు తెలిసిందా? లేదా? చివరకు ఏమైంది? అనేది సినిమా.

Also Read: Maa Inti Bangaram Twitter Review - 'మా ఇంటి బంగారం' ట్విట్టర్ రివ్యూ: సమంత సినిమా హిట్టేనా... అమెరికా ప్రీమియర్స్‌ రిపోర్ట్స్, సోషల్ మీడియా టాక్ ఎలా ఉందంటే?

విశ్లేషణ (Maa Inti Bangaram Review In Telugu): తెలుగు ప్రేక్షకులకు బాషా టెంప్లేట్ కొత్త కాదు. హీరోకి ఓ గతం ఉంటుంది. గతాన్ని వదిలి కొత్త జీవితాన్ని ప్రారంభించిన హీరోని నీడలా వెంటాడుతూ గతం జీవితం తాలుకా వ్యక్తులు వస్తారు. కొత్త జీవితంలో మనుషులకు గతం జీవితంలో మనుషుల నుంచి ఎదురయ్యే ప్రమాదం నుంచి హీరో ఎలా కాపాడాడు? అనేది ఈ తరహా సినిమాల్లో కనిపించే పాయింట్. సేమ్ తరహా కథతో ఫిమేల్ లీడ్ రోల్ నేపథ్యంలో నడిచే సినిమా మా ఇంటి బంగారం.

లేడీ బాషా తరహా సినిమా అని దర్శకులకు నందినీ రెడ్డి సినిమా విడుదలకు ముందు చెప్పారు. అయితే… ఈ కథలో బాషా కంటే అతడు, జల్సా ఛాయలు ఎక్కువ కనిపిస్తాయి. దళం నుంచి వచ్చి కొత్త జీవితాన్ని ప్రారంభించిన స్వర్ణ (సమంత)ను చూస్తే… జల్సాలో పవన్, కుటుంబంలో స్వర్ణను చూస్తే… అతడులో మహేష్ బాబు పాత్ర గుర్తుకు వస్తాయి. కథలో ఆల్రెడీ మనం చూసిన సినిమాలు గుర్తుకు రావచ్చు. కానీ, కథనంలో - మరీ ముఖ్యంగా క్యారెక్టర్స్ & క్యారెక్టరైజేషన్స్ విషయంలో దర్శక రచయితలు నందినీ రెడ్డి & రాజ్ నిడిమోరు తమ మార్క్ చూపించారు.

ఫిమేల్ సెంట్రిక్ సినిమా చేయడంలో కథకు కొత్తదనం వచ్చింది. సమంతకు, ఆమె స్నేహితురాలిగా నటించిన మంజూష ముక్కవల్లి మధ్య రాసిన సన్నివేశాల్లో వినోదం పండింది. ఫ్యామిలీ మాన్ వంటి హిట్ సిరీస్ రచన - దర్శకత్వంలో రాజ్ నిడిమోరు హ్యాండ్ ఉంది. కథలో ఆయన మార్క్ కనిపిస్తుంది. అయితే లెంగ్త్ విషయంలో కేర్ తీసుకోవాల్సింది. ఇంటర్వెల్ ముందు వరకు కామెడీ అండ్ సస్పెన్స్ వల్ల టైమ్ తెలియకుండా ముందుకు వెళ్లింది. ఇంటర్వెల్ తర్వాత, ముఖ్యంగా గుల్షన్ దేవయ్య జైలు నుంచి బయటకు వచ్చిన తర్వాత ఏం జరుగుతుంది? క్లైమాక్స్ ఏమిటి? అనేది ప్రేక్షకులకు ఒక ఐడియా వస్తుంది. అక్కడ ఎక్కువ సేపు సాగదీశారు. సెకండాఫ్ లెంగ్త్ ఎక్కువ అయ్యింది.

రాజ్ నిడిమోరు కథకు అవసమైన మూడ్ సినిమాటోగ్రఫీ ద్వారా బాగా సెట్ చేశారు. నైట్ ఎఫెక్ట్ సీన్స్ బాగా చేశారు. హీరోలకు ఏమాత్రం తీసిపోని రీతిలో సమంతతో యాక్షన్ సీన్స్ చేయించారు. చీరకట్టులో ఆవిడ కూడా కష్టపడినట్లు కనిపిస్తుంది. సమంత వరకు యాక్షన్ సీన్స్ బాగా చేశారు. అయితే యాక్షన్ కొరియోగ్రఫీ ఇంకాస్త బాగుంటే… మాస్ & విజిల్ మోమెంట్స్ క్రియేట్ చేసే ఛాన్స్ ఉంది. యాక్షన్ సీన్స్ కొన్నిటిని హడావుడిగా లేదంటే నైట్ ఎఫెక్ట్ లో మేనేజ్ చేసినట్టు తెలుస్తుంది. సంతోష్ నారాయణన్ పాటలు, నేపథ్య సంగీతం బావున్నాయి. యాక్షన్ సన్నివేశాలకు మాత్రమే కాదు… కామెడీ సన్నివేశాలకూ ఆర్ఆర్ బాగా చేశారు. ఖర్చు విషయంలో సమంత, రాజ్ నిడిమోరు, హిమాంక్ దువ్వూరు రాజీ పడలేదు. ప్రొడక్షన్ డిజైన్ పరంగా 80 - 90ల కాలాన్ని ఎలివేట్ చేశారు.

మా ఇంటి బంగారం సినిమాను స్టార్టింగ్ నుంచి ఎండింగ్ వరకు తన భుజాలపై మోశారు సమంత. కమర్షియల్ & గ్లామర్ ఇమేజ్ నుంచి బయటకు వచ్చిన ఆవిడ… లుక్స్ నుంచి డ్రెస్సింగ్ వరకు అన్నిటిలోనూ కొత్తగా కనిపించే ప్రయత్నం చేశారు. ఆల్మోస్ట్ ఆల్ సినిమా అంతా చీరలో కనిపించారు. నటనలోనూ మెప్పించారు. చిత్తూరు యాస కూడా బాగా పలికారు. సమంత ఓన్ డబ్బింగ్ వల్ల ఆ మాటలు కొత్తగా వినబడతాయి. ఆమె తర్వాత గుల్షన్ దేవయ్య నటన ఆకట్టుకుంటుంది. దళం నాయకుడిగా, అవినీతి పరుడైన పాత్రలో కమాండబుల్ పెర్ఫార్మన్స్ ఇచ్చారు.

సమంత భర్తగా నటించిన దిగంత్, ఆ పాత్రకు తగ్గట్టు చేశారు. తోడికోడలిగా శ్రీముఖి, వరుసకు బ్రదర్ అయ్యే పాత్రలో శ్రీనివాస్ గవిరెడ్డి నవ్వించారు. సీనియర్ నటి శ్రీలక్ష్మి, గౌతమి, శ్రీనివాస్ వడ్లమూడి ఆయా పాత్రలకు తగ్గట్టు చేశారు. పోలీస్ పాత్రలో చైతన్య కృష్ణ కనిపించారు. సమంత స్నేహితురాలిగా నటించిన మంజూష నటన సినిమాకు హైలైట్.

Maa Inti Bangaram Verdict: యాక్షన్ సినిమాలు కొన్ని చూసినప్పుడు హీరో వన్ మ్యాన్ షో గురించి చెబుతాం. మా ఇంటి బంగారం చూశాక… సమంత షో కనబడుతుంది. థియేటర్ నుంచి బయటకు వచ్చిన తర్వాత సమంత యాక్షన్ మాత్రమే గుర్తు ఉంటుంది. రొటీన్ టెంప్లేట్ కథను షీరోయిజంతో గట్టెక్కించాడు. కథ కంటే సమంతను హైలైట్ చేయడం కోసమే సినిమా తీశారని అనిపిస్తుంది. సామ్ అభిమానులకు నచ్చేలా, మెచ్చేలా తీసిన చిత్రమిది.

Also Read: Save The Tigers 3 Review - 'సేవ్ ద టైగర్స్ 3' రివ్యూ: జియో హాట్‌స్టార్‌లో లేటెస్ట్ వెబ్ సిరీస్

Save The Tigers 3 Review - 'సేవ్ ద టైగర్స్ 3' రివ్యూ: జియో హాట్‌స్టార్‌లో లేటెస్ట్ వెబ్ సిరీస్

Satya Pulagam — Fri, 19 Jun 2026 01:58:10 +0530

JioHotstar Latest Web Series Save The Tigers Season 3 Review In Telugu: జియో హాట్‌స్టార్ ఓటీటీలో 'సేవ్ ద టైగర్స్' వెబ్ సిరీస్ రెండు సీజన్లు వినోదంతో వీక్షకులను మెప్పించాయి. ప్రియదర్శి - జోర్దార్ సుజాత, అభినవ్ గోమఠం - పావని గంగిరెడ్డి, చైతన్య కృష్ణ - దేవియాని శర్మకు తోడు మూడో సీజన్ 'సేవ్ ద టైగర్స్ 3'లో 'వెన్నెల' కిశోర్ కూడా ఉన్నారు. మరి ఈ సిరీస్ ఎలా ఉంది? మొదటి రెండు సీజన్స్ తరహాలో నవ్విస్తుందా? లేదా? రివ్యూలో తెలుసుకోండి.

కథ (Save The Tigers 3 Story): భార్య హైమావతి (జోర్దార్ సుజాత) కోరిక మేరకు గేటెడ్ కమ్యూనిటీకి కుటుంబంతో కలిసి షిఫ్ట్ అవుతాడు గంటా రవి (ప్రియదర్శి). కానీ, అక్కడ అతనికి సంతోషం ఉండదు. భార్య మాధురి (పావని గంగిరెడ్డి) ఆశించినట్టు ఉద్యోగంలో చేరతాడు రాహుల్ (అభివన్ గోమఠం). అయితే... బాస్ చెప్పినట్టు చేయలేక, ఆఫీసు వాతావరణంలో ఇమడలేక ఇబ్బంది పడతాడు. రేఖ (దేవియాని శర్మ)తో విక్రమ్ (చైతన్య కృష్ణ) విడాకుల కేసు కోర్టులో నలుగుతుంది. అతని బాధ అతనిది.

తమ తమ తమ జీవితాల్లో సమస్యలకు కారణం ఇంద్రుడు (వెన్నెల కిశోర్) అని, 'మ్యారేజెస్ ఆర్ మేడ్ ఇన్ హెవెన్' అంటారు కనుక స్వర్గలోకపు అధిపతి ఇంద్రుణ్ణి తిట్టుకుంటారు రవి, రాహుల్, విక్రమ్. వాళ్ళ సంగతి చిత్రగుప్తుడు (గుండు సుదర్శన్) చేతిలో పెడతాడు ఇంద్రుడు. భూలోకానికి వచ్చిన గుప్తుడు ఏం చేశాడు? రవి, రాహుల్, విక్రమ్ జీవితాల్లో ఎటువంటి మార్పులు జరిగాయి? గుప్తుడు ఇచ్చిన ఆఫర్ వల్ల జీవితాలు ఎలా తల్లకిందులు అయ్యాయి? అనేది సిరీస్ చూసి తెలుసుకోవాలి.

విశ్లేషణ (Save The Tigers Web Series Season 3 Review In Telugu): 'సేవ్ ద టైగర్స్' మొదటి రెండు సీజన్లలో భార్యాభర్తల మధ్య కథ నడిపిన క్రియేటర్లు మహి వి రాఘవ్, ప్రదీప్ అద్వైతం... ఈసారి కథకు ఫాంటసీ ఎలిమెంట్ యాడ్ చేశారు. 'యమదొంగ' (ఎన్టీఆర్ సినిమాకు, ఈ సిరీస్‌కు కనెక్షన్ ఏమిటంటే?) తరహాలో హీరోలను ఓ లోకం నుంచి మరో లోకానికి పంపారు. ఒకరి స్థానంలో అచ్చంగా అటువంటి మనిషి మరొకరిని దింపారు. దాంతో కథకు ఫ్రెష్‌నెస్ యాడ్ అయ్యింది.

'సేవ్ ద టైగర్స్ 2' స్పెషాలిటీ ఏమిటంటే... మెయిన్ లీడ్స్ ప్రియదర్శి - జోర్దార్ సుజాత, అభినవ్ గోమఠం - పావని గంగిరెడ్డి, చైతన్య కృష్ణ - దేవియాని శర్మకు డ్యూయల్ రోల్ చేసే అవకాశం లభించింది. ఓ లోకంలో జంటలకు, మరొక లోకంలో జంటలకు గుణగణాలు వేర్వేరు. ప్రవర్తించే తీరు వేరు. ఓ లోకంలో పాత్రలు మరొక లోకంలోకి వెళ్లిన తర్వాత... సిరీస్ చూసే వీక్షకులకు ఎవరేమిటి? అనే క్లారిటీ ఉంటుంది. కానీ, తెరపై పాత్రలకు మాత్రం తెలియదు. అందువల్ల ఏం జరుగుతుందో అనే కుతూహలం ఉంటుంది. దాన్ని క్రియేటర్లు మహి వి రాఘవ్ & ప్రదీప్ అద్వైతం, దర్శకుడు శ్రీరామ్ ఎర‌గం బాగా వాడుకున్నారు.

'సేవ్ ద టైగర్స్ 3' ప్రారంభమే ఇదొక సాధారణ భార్యాభర్తల కథ కాదని ఇంద్రుడి ఎంట్రీతో చెప్పేశారు. దాంతో ఫస్ట్ ఎపిసోడ్ నుంచి ఇంట్రెస్ట్ క్రియేట్ అవుతుంది. ట్విస్టులతో మొదటి రెండు ఎపిసోడ్స్ నడిపించారు. మధ్యలో సన్నివేశాలు కాస్త రిపీట్ అవుతున్న ఫీలింగ్ కలిగినా... ఎండింగ్ రెండు ఎపిసోడ్స్ అదరగొట్టారు. ఈసారి ఫాంటసీ ఎలిమెంట్ యాడ్ చేయడంతో ఫస్ట్ ఎపిసోడ్స్‌లో కామెడీని క్యూరియాసిటీ డామినేట్ చేసింది. అలాగే, భార్యాభర్తల నడుమ సన్నివేశాలు ఇంతకు ముందు చూసినట్టు ఉంటాయి. అయితే... వినోదాన్ని పూర్తిగా పక్కన పెట్టలేదు. కానీ, ఎండింగ్ వచ్చేసరికి కామెడీ డోస్ ఆడియన్స్ ఆశించిన స్థాయికి వస్తుంది.

'సేవ్ ద టైగర్స్ 3'లో మెయిన్ లీడ్స్ అందరూ డ్యూయల్ రోల్స్ చేశారు. అయితే... చైతన్య కృష్ణ - దేవియాని శర్మ మాత్రం సర్‌ప్రైజ్ చేశారు. చైతన్య కృష్ణ రెండో రోల్ ప్లే బాయ్ అన్నమాట. లుక్ నుంచి బాడీ లాంగ్వేజ్, డైలాగ్ డెలివరీ వరకు ప్రతి అంశంలో వేరియేషన్ చూపించారు. అన్నట్టు... అతడి నోటి నుంచి కొన్ని బూతు పదాలు సైతం వచ్చాయి. క్యారెక్టర్ పరంగా చూస్తే కరెక్ట్ అనిపించవచ్చు. కానీ, కొందరి నుంచి అభ్యంతరాలు వ్యక్తం అయ్యే అవకాశాలు పుష్కలంగా ఉన్నాయి. భర్త చెప్పినట్టు నడుచుకునే భార్యగా చీరకట్టులో దేవియాని శర్మను చూస్తే... 'సైతాన్' సిరీస్‌లో నటించినది ఈ అమ్మాయేనా? అని సందేహం కలుగుతుంది. అంత వేరియేషన్ చూపించారు. 'సేవ్ ద టైగర్స్ 3'లో చైతన్య కృష్ణ - దేవియాని శర్మ హైలైట్ అవుతారు.

Also Read: Maa Inti Bangaram First Review - 'మా ఇంటి బంగారం' ఫస్ట్ రివ్యూ: సమంత బ్యాగ్రౌండ్ తెలిసింది... మరి సినిమా ఎలా ఉందంటే?

ప్రియదర్శి - జోర్దార్ సుజాత, అభినవ్ గోమఠం - పావని గంగిరెడ్డి తమ పాత్రలకు తగ్గట్టు నటించారు. తన కామెడీ టైమింగ్‌తో అభినవ్ మరోసారి నవ్వించారు. ఇక ఇంద్రుడిగా 'వెన్నెల' కిశోర్‌కు పెద్దగా నవ్వించే అవకాశం లభించలేదు. గుండు సుదర్శన్, అభయ్ బేతిగంటి, గంగవ్వ, జయశ్రీ రాచకొండ తదితరులు తమ తమ పాత్రలకు న్యాయం చేశారు. 'జబర్దస్త్' రోహిణి ఆఖరి ఎపిసోడ్‌లో అదరగొట్టారు.

భార్యలను చెప్పుచేతల్లో పెట్టుకోవాలని ఆశించే భర్తల ఈగోను శాటిస్‌ఫై చేసే సిరీస్ 'సేవ్ ద టైగర్స్ 3'. ఈసారి మెయిన్ కాన్సెప్ట్ అదొక్కటే కాదు... ఫాంటసీ అంశాలతో కథను కొత్త మలుపు తిప్పారు క్రియేటర్స్. అందువల్ల, మొదట కామెడీ కాస్త బ్యాక్ సీటు తీసుకుందని అనిపించినా... ఎండింగ్ వచ్చేసరికి బాగా నవ్వించారు. ఆరు ఎపిసోడ్స్ రన్ టైమ్ చూస్తే... మూడు గంటల సినిమా చూసినంత. స్టార్టింగ్ టు ఎండింగ్ ఎంజాయ్ చేయవచ్చు. మొదటి రెండు సీజన్లు నచ్చిన వీక్షకులకు మూడో సీజన్ కూడా తప్పకుండా నచ్చుతుంది.

Vanda Devullu Review - 'వంద దేవుళ్ళు' రివ్యూ: అమ్మకు మళ్ళీ పెళ్లి... 'బిచ్చగాడు' కాంబినేషన్‌లో లేటెస్ట్ సినిమా - ఎలా ఉందంటే?

Satya Pulagam — Fri, 19 Jun 2026 00:04:51 +0530

Vijay Antony Vanda Devullu / Nooru Sami Review In Telugu: విజయ్ ఆంటోనీకి తెలుగు విజయంతో పాటు గుర్తింపు ఇచ్చిన సినిమా 'బిచ్చగాడు'. ఆ చిత్రానికి శశి దర్శకుడు. ఇప్పుడు వాళ్ళిద్దరి కలయికలో రూపొందిన సినిమా 'వంద దేవుళ్ళు'. తమిళ సినిమా 'నూరు సామి'కు తెలుగు డబ్బింగ్ ఇది. శ్వాసిక, విజయ్ ఆంటోనీ మేనల్లుడు అజయ్ ధీషన్ ప్రధాన పాత్రలు పోషించారు. విజయ్ ఆంటోనీ ఫిల్మ్ కార్పొరేషన్‌, సర్వంత్ రామ్ క్రియేషన్స్ సంస్థలపై ఫాతిమా విజయ్ ఆంటోనీ, రామంజనేయులు జవ్వాజీ నిర్మించారు. ఈ సినిమా ఎలా ఉంది? రివ్యూలో తెలుసుకోండి.

కథ (Vanda Devullu Story Explained In Telugu): వాసుకి (శ్వాసిక విజయ్)కు 26 ఏళ్ళ వయసులో భర్త మరణిస్తాడు. వంకర బుద్ధి ఉన్న మగాళ్ళ చూపులు ఆమెపై పడతాయి. ఎటువంటి తప్పు చేయకుండా ఇద్దరు కుమారులు భాస్కర్ (అజయ్ ధీషన్), వివేక్ (శక్తి)లను పెంచి పెద్ద చేస్తుంది. భాస్కర్ బీటెక్ చదువుతునప్పుడు పెళ్లి చేసుకోవాలనే ఆలోచనను మరొకరితో చెప్పేస్తుంది. కొడుకు కోప్పడటంతో ఆ విషయాన్ని పక్కన పెడుతుంది. చదువు పూర్తి అయ్యి ఓ కంపెనీ పెట్టిన తర్వాత అమ్మకు మళ్ళీ పెళ్లి చేయాలని భాస్కర్ నిర్ణయించుకుంటాడు.

ఒకప్పుడు పెళ్లి వద్దని చెప్పిన కొడుకు, మళ్ళీ పెళ్లి చేసుకోమని చెప్పడంతో వాసుకి ఎలా రియాక్ట్ అయ్యింది? ఏం చేసింది? సంధ్య (లిజో మోల్ జోస్)తో వివేక్ ప్రేమ వ్యవహారం వాసుకికి ఎన్ని చిక్కులు తెచ్చి పెట్టింది? వందన (కావ్య అనిల్)తో భాస్కర్ పెళ్లి చూపుల కథ ఏమిటి? ఏడుకొండలు (విజయ్ ఆంటోనీ) సంబంధాన్ని ఎవరు తీసుకొచ్చారు? ఆయనతో వాసుకి పెళ్లి అని తెలిసి ఊరి జనాలు ఏం చేశారు? చివరకు ఏమైంది? అనేది సినిమా.

విశ్లేషణ (Vanda Devullu Review In Telugu): 'మా నాన్నకు పెళ్లి' అని సుమారు 30 ఏళ్ళ క్రితం శ్రీకాంత్, కృష్ణంరాజులతో ఈవీవీ సత్యనారాయణ ఓ సినిమా చేశారు. అందులో నాన్నకు పెళ్లి చేయాలని కొడుకు ప్రయత్నిస్తే... 'వంద దేవుళ్ళు'లో అమ్మకు పెళ్లి చేయాలని కొడుకు ప్రయత్నించాడు. కాన్సెప్ట్ పరంగా జెండర్ స్వాప్ చేశారనుకోవాలి. కానీ... కథనం పరంగా, కథలో డిస్కస్ చేసిన అంశాల పరంగా చూస్తే? దర్శకుడు శశి సహజత్వానికి ఎక్కువ దగ్గరగా, సమాజంలో మహిళలు ఎదుర్కొంటున్న సమస్యలను సున్నితంగా తెరపై ఆవిష్కరించారు.

'వంద దేవుళ్ళు' కథకు, ఆ టైటిల్‌కు సంబంధం లేదు. విజయ్ ఆంటోనీ క్యారెక్టర్ ఇంటర్వెల్ తర్వాత గానీ ఎంటర్ కాదు. అప్పటి వరకు శ్వాసిక విజయ్ మీద సినిమాను నడిపించారు దర్శకుడు శశి. ఆయన చెప్పాలనుకున్న పాయింట్ బావుంది. భర్తను కోల్పోయిన భార్యలను సమాజం చూసే తీరు వేరు. భార్య పోయిన తర్వాత భర్తకు పెళ్లి కావడం సులభమే. కానీ, భర్త పోయిన భార్యకు కష్టం. కాలం మారినా కొన్ని కట్టుబాట్లు మారవు. మళ్ళీ పెళ్లి కేవలం శారీరక సుఖం కోసమే కాదని, దానితో పాటు మహిళకు తోడు అవసరమని చెప్పే సినిమా 'వంద దేవుళ్ళు'. వాసుకి మనసులో ఏముంది? అనేది సినిమా ప్రారంభంలో దర్శకుడు చెప్పారు. అయితే ఆ తర్వాత పాయింట్ వరకు రావడానికి చాలా టైమ్ తీసుకున్నారు. దాంతో ఫస్టాఫ్‌లో చాలా సేపు టైమ్ పాస్ చేశారు.

వాసుకి (శ్వాసిక విజయ్) బావిలో పడటం, కొడుకులు ఇద్దరిలో ఎవరో ఒకరికి తన కుమార్తెను ఇచ్చి పెళ్లి చేసుకోమని అన్నయ్య అడగటం వంటి సన్నివేశాలు చాలా సాగదీత వ్యవహారంలా అనిపిస్తాయి. మధ్యలో కొంత కామెడీ ఉన్నప్పటికీ... కథ ముందుకు కదల్లేదు. తల్లికి మళ్ళీ పెళ్లి చేయాలని భాస్కర్ అనుకోవడం, అతనిలో మార్పును స్పష్టంగా చూపించలేదు. రెండో కొడుకు ప్రేమ కథను మధ్యలో వదిలేశారు. అయితే... ఇంటర్వెల్ తర్వాత కథలో ఆసక్తి మొదలైంది. విజయ్ ఆంటోనీ ఎంటరైన తర్వాత సినిమాకు ఊపిరి వచ్చింది. ఆ క్షణం నుంచి చివరి వరకు చూపు తిప్పుకోనివ్వలేదు. అయితే క్లైమాక్స్ ఆశించిన పంచ్ ఇవ్వలేదు. అక్కడ కామెడీ బావుంది. కానీ, కథను డైల్యూట్ చేసింది. శ్వాసిక విజయ్ నుంచి హార్డ్ హిట్టింగ్ మెసేజ్ మిస్ అయ్యింది. కామెడీతో పాటు తల్లి తాలూకా సందేశాన్ని వినిపిస్తే సినిమాకు మరింత అర్థం చేకూరేది.

శశి రాసిన సన్నివేశాల్లో కొన్ని బావున్నాయి. తల్లితో శ్వాసిక విజయ్ చెప్పే మాటలు సమాజానికి వేసే ప్రశ్న. కథ ఎటు వెళుతుందో తెలియని ఫస్టాఫ్ నుంచి ఒక్కసారిగా సినిమాను టర్న్ చేసింది సెకండాఫ్. శశి కథకు టెక్నికల్ పరంగా విజయ్ ఆంటోనీ నిర్మాణ విలువలు, బాలాజీ శ్రీరామ్ సంగీతం కొంత సపోర్ట్ అందించాయి. తెలుగు డైలాగులు ఓకే. కానీ, అజయ్ ధీషన్ - సిస్టర్ మధ్య డైలాగులను అర్థవంతంగా రాయాల్సింది. అక్కడ పోలిక బాలేదు.

'వంద దేవుళ్ళు'కు అసలైన హీరో శ్వాసిక విజయ్. వితంతువు పాత్రలో జీవించారు. మళ్ళీ పెళ్లి చేసుకోబోతుందని తెలిశాక కన్నతల్లి, తోడబుట్టిన వాళ్ళు ఇంటికి వచ్చిన సన్నివేశంలో ఆమె నటన చూస్తే మరొకరు ఆ పాత్రను అంత బాగా చేయలేరని అనిపిస్తుంది. ఇంతకు ముందు సినిమాల్లో ఆవిడ చేసిన పాత్రలు వేరు. ఇందులో చేసిన పాత్ర వేరు. కంప్లీట్ డీ గ్లామర్ రోల్. ఇద్దరు కుమారులు ఉన్న తల్లిగా తప్ప గత పాత్రల తాలూకా ఇమేజ్ ప్రేక్షకులకు గుర్తు రాకుండా చేశారు. అజయ్ ధీషన్ పక్కింటి కుర్రాడిలా కనిపించారు. పాత్రకు తగ్గట్టు నటించారు.

విజయ్ ఆంటోనీ ఇంటర్వెల్ తర్వాత ఎంటరైనా... ఆయన చెప్పే డైలాగులకు విజిల్స్ పడతాయి. మధ్య వయస్కుడి పాత్రలో ఒదిగిపోయారు. 'విత్ లవ్' ఫేమ్ కావ్య అనిల్, ఆమె తండ్రిగా నటించిన వ్యక్తి క్లైమాక్స్‌లో నవ్విస్తారు. లిజి మోల్ జోస్, కరుణాస్, బాలాజీ శక్తివేల్ తదితరులు పాత్రలకు తగ్గట్టు నటించారు.

Vanda Devullu Verdict: వంద దేవుళ్ళు... క్లుప్తంగా చెప్పాలంటే 'అమ్మకు మళ్ళీ పెళ్లి' చేసిన ఓ కొడుకు కథ. ఎన్ని మలుపుల తర్వాత పెళ్లి జరిగిందనేది సినిమా. దర్శకుడు శశి కథలో చక్కటి సందేశం ఉంది. సందేశాన్ని చెప్పిన తీరు బావుంది. అయితే అసలు పాయింట్ వరకు రావడం కోసం చాలా సేపు వెయిట్ చేయించారు. అందువల్ల ఫస్టాఫ్ కాస్త పడుతూ లేస్తూ ముందుకు వెళ్ళింది. కానీ సెకండాఫ్ సెంటిమెంట్, యాక్షన్, ఎమోషన్స్‌తో ఆడియన్స్‌లో ఆలోచన రేకెత్తిస్తుంది. 'బిచ్చగాడు' కాంబో అని అంచనాలు పెట్టుకోకుండా మెసేజ్ ఓరియెంటెడ్ సినిమా అని ప్రిపేర్ అయ్యి సినిమాకు వెళ్ళడం మంచిది. కమర్షియల్ సినిమాల మధ్యలో హెవీ డోస్ అండ్ ఫిమేల్ ఓరియెంటెడ్ సెంటిమెంట్ సినిమాకు ఎటువంటి స్పందన లభిస్తుందో చూడాలి.

Also Read: Sanchita Ugale - 22 ఏళ్ళకు ఆత్మహత్య... ఎవరీ సంచిత? 'ఛావా'తో పాటు ఎందులో నటించారంటే?

Sing Geetham Review - 'సింగ్ గీతం' రివ్యూ: ఊరికి శాపం, మాటల బదులు పాటలు... సింగీతం సినిమా ఎలా ఉందంటే?

Satya Pulagam — Fri, 12 Jun 2026 13:23:51 +0530

లెజెండరీ దర్శకుడు సింగీతం శ్రీనివాస రావు రూపొందించిన తాజా సినిమా 'సింగ్ గీతం'. ఇప్పుడు ఆయన వయసు 94 ఏళ్ళు. క్రియేటివిటీకి వయసుతో సంబంధం లేదని నిరూపించారు. ఆయన దేవిశ్రీ ప్రసాద్ సంగీతం - వైజయంతి మూవీస్, స్వప్న సినిమా సంస్థలపై నాగ్ అశ్విన్ నిర్మించారు. ఆయాన్, అహల్యా బమ్రూ, శాలిని కొండెపుడి, తులసి, బెనర్జీ, శివన్నారాయణ, ఆగు స్టాన్‌లీ ప్రధాన తారాగణం. ఈ సినిమా ఎలా ఉందంటే?

కథ (Sing Geetham Story Explained): జైలు నుంచి బయటకు వచ్చిన ప్రతాప్ (అయాన్)కి కుబేరపురంలో తన తండ్రికి 99 ఎకరాల ఆస్తి ఉందని తెలుస్తుంది. ఆ ఊరు వెళతాడు. అక్కడికి వెళ్ళాక తండ్రి ఆస్తిలో గోల్డ్ మైన్ ఉందని తెలుస్తుంది. అది అమ్మేయాలని రేణు (శాలిని కొండేపూడి) ప్రయత్నిస్తుంది. తెలివిగా ఆమె ప్రయత్నాలకు అడ్డుకట్ట వేస్తాడు ప్రతాప్. తర్వాత తనకూ వాటా వచ్చేలా ప్లాన్ చేస్తాడు. అయితే గోల్డ్ మైన్ పనులు చేసేది లేదని రేణూకు ఊరి ప్రజలు ఎదురు తిరుగుతారు. ఆ తర్వాత ఏమైంది?

కుబేరపురంలో ప్రజలందరి నోటి నుంచి మాటల బదులు పాటలు ఎందుకు వస్తున్నాయి? ఆ ఊరికి పట్టిన శాపం ఏమిటి? గౌరీ (అహల్యా బమ్రూ) ఏం చేసింది? ఆమెతో ప్రతాప్ ప్రేమ కథ ఏమిటి? చివరకు శాపం నుంచి ఊరి ప్రజలు ఎలా బయట పడ్డారు? అనేది సినిమా.

Also Read: Sing Geetham Twitter Review - 'సింగ్ గీతం' ట్విట్టర్ రివ్యూ: ఎక్స్‌పరిమెంటా? ఎంజాయ్‌మెంటా? పబ్లిక్ టాక్ ఎలా ఉందంటే?

విశ్లేషణ (Sing Geetham Review Telugu): మాటల్లో చెప్పలేని భావాన్ని ప్రేక్షకులకు చేరవేయడం కోసం దర్శక రచయితలు పాటలను ఎంపిక చేసుకుంటారు. కథలో పాటలకు చోటు ఇస్తారు. అసలు, మాటల బదులు పాటలే వస్తే? ప్రతి మాటను పాట రూపంలో చెబితే? ఇదీ 'సింగ్ గీతం'. దర్శకుడిగా ఎప్పుడూ అవుటాఫ్ ది బాక్స్ ఐడియాలతో వచ్చే సింగీతం శ్రీనివాస రావు మరోసారి సరికొత్త కాన్సెప్ట్‌తో తెలుగు ప్రేక్షకుల ముందుకు వచ్చారు.

మాటల బదులు పాటలు, పాట రూపంలో ప్రతి మాట - ఇదేనా 'సింగ్ గీతం'? కథలో ఉన్నది అంతేనా? అంటే... అసలు కాదు. ప్రేక్షకులకు అదొక సర్‌ప్రైజ్ ఫ్యాక్టర్ అంతే! ఆ పాటల మాటున మంచి ఎమోషన్ ఉంది. అంతర్లీనంగా ప్రకృతి గురించి ప్రజలకు ఇచ్చిన ఓ సందేశం ఉంది. బంగారం లేదా మరొక ఖనిజం... అభివృద్ధి పేరుతో ప్రజలకు డబ్బులు ఆశ చూపించి పచ్చటి చెట్లను ధ్వంసం చేస్తున్నామని, అందువల్ల భావితరాలకు ఇబ్బందులు తప్పవని సందేశాన్ని ఇచ్చారు. అయితే ఆ సందేశం పేరుతో క్లాసులు పీకలేదు. చెట్టును కొట్టవద్దని హీరోయిన్ అడ్డుపడితే... ఆమెకు పిచ్చి పట్టుకుందని, ఊరు బాగుపడితే చూడలేదని ప్రజలంతా తిడతారు. తిట్టేది మనమేనని సున్నితంగా చూపించారు సింగీతం. పర్యావరణం ఒక్కటే కాదు... మానవత్వం గురించీ సింగీతం శ్రీనివాస రావు చూపించిన తీరు గురించి ఎంత చెప్పినా తక్కువే. పతాక సన్నివేశాల్లో ఓ పాత్రను ఊరిని ఏకం చేసిన తీరు, మనుషులను ఒక్కటి చేసిన విధానం బావుంది. పతాక సన్నివేశాలు కంటతడి పెట్టిస్తాయి.

'సింగ్ గీతం'లో కొత్త కాన్సెప్ట్ / కంటెంట్ ఉన్నాయి. అందరూ కనెక్టయ్యే ఎమోషన్స్ ఉన్నాయి. అయితే... కథను నెమ్మదిగా ముందుకు తీసుకు వెళ్ళారు. హీరో సహా మిగతా పాత్రలను పరిచయం చేసిన తీరు మామూలుగా ఉంది. నార్మల్ కథలా అనిపిస్తుంది. ఊరికి శాపం పట్టిన తర్వాత కథపై క్యూరియాసిటీ కలుగుతుంది.

కథకు దేవిశ్రీ ప్రసాద్ సంగీతం ప్రాణం పోసింది. ప్రతి మాటను పాట రూపంలో అలా చెప్పడం బహుశా దేవికి తప్ప మరొకరికి సాధ్యపడదు ఏమో!? ఆ మాటల పాటలే కాదు... దేవి శ్రీ ప్రసాద్ బాణీలు కూడా కథతో పాటు సాగాయి. కథకు ప్రాణం పోశాయి. అన్ని పాటలు వస్తే ప్రేక్షకులకు బోర్ కొట్టే ప్రమాదం లేకపోలేదు. కానీ, దేవిశ్రీ ప్రసాద్ అటువంటి సమస్య రాకుండా తన సంగీతంతో మాయ చేశారు. ప్రొడక్షన్ డిజైన్ బావుంది. ఇటువంటి క్లైమాక్స్ ఎపిసోడ్‌కు ఎంత ఖర్చు పెట్టినా సరిపోదు. కథకు తగ్గట్టు వైజయంతి మూవీస్, స్వప్న సినిమా సంస్థలు ఖర్చు చేశాయి. విజువల్ ఎఫెక్ట్స్ విషయంలో ఇంకాస్త కేర్ తీసుకుని ఉంటే బావుండేది.

కొత్త హీరో హీరోయిన్లు అయాన్, అహల్య బాగా చేశారు. పాత్రలకు తగ్గట్టు పాడారు, అలాగే చక్కగా నటించారు. సీజనల్ హీరో హీరోయిన్లు కాకపోవడం వల్ల ఆ సీన్స్ కూడా కొత్తగా కనిపించాయి. తండ్రిని మెప్పించడం కోసం తాపత్రపడే కూతురిగా, కాస్త నెగిటివ్ టచ్ ఉన్న క్యారెక్టర్‌లో శాలిని కొండెపూడి సెటిల్డ్ పెర్ఫార్మన్స్ చేశారు. బెనర్జీకి మంచి రోల్ లభించింది. వీల్ ఛైర్‌కు పరిమితమైన పాత్రలో ఆయన కూడా బాగా నటించారు. తులసి, రచ్చ రవి, వంశీ తదితరులు తమ ఉనికి చాటారు. ఇక రాహుల్ రవీంద్రన్, నివేదా పేతురాజ్ ఫ్లాష్‌బ్యాక్ ఎపిసోడ్‌లో కనిపించారు. జంటగా వాళ్ళిద్దరూ నటించిన సన్నివేశాలు బావున్నాయి.

Also Read: Vijay Deverakonda Cameo In Sing Geetham: విజయ్ దేవరకొండను నాగ్ అశ్విన్ వదల్లేదుగా... లేటెస్ట్ 'సింగ్ గీతం'లోనూ అతిథిగా

Sing Geetham Verdict: క్రియేటివిటీకి వయసుతో సంబంధం లేదని సింగీతం శ్రీనివాస రావు నిరూపించిన సినిమా 'సింగ్ గీతం'. కమల్ హాసన్ హీరోగా సినిమా తీయాలని సుమారు 40 ఏళ్ళ క్రితం ఈ కథ రాశారట. అప్పటికీ, ఇప్పటికీ, ఎప్పటికీ... ప్రేక్షకులందరికీ కొత్తగా అనిపించే కాన్సెప్ట్ 'సింగ్ గీతం'. ఇందులో కొత్త కాన్సెప్ట్ ఒక్కటే కాదు... రాక్ స్టార్ దేవిశ్రీ ప్రసాద్ తన సంగీతంతో మేజిక్ చేసిన మూమెంట్స్ ఎన్నో ఉన్నాయి. హృదయానికి హత్తుకునే క్లైమాక్స్ ఉంది. కమర్షియల్ సినిమాలు అలవాటు పడిన, వాటిని ఇష్టపడే ప్రేక్షకులకు కనెక్ట్ కావడం కొంచెం కష్టమే. కానీ... థియేటర్లలో డిఫరెంట్ ఎక్స్‌పీరియన్స్‌ ఇస్తుందీ సినిమా. కొత్తదనం కోరుకునే ప్రేక్షకులకు నచ్చుతుంది.

Also Read: Who Was Kumod Raney? Why Salman Breaks Down? - స్నేహితురాలి మరణంతో సల్మాన్ కంటతడి... ఎవరీ కుముద్ రాణే?

Peddi Review - పెద్ది రివ్యూ: రామ్ చరణ్ సినిమా హిట్టా? ఫట్టా? క్లైమాక్స్‌లో ట్విస్ట్ ఏమిటంటే?

Satya Pulagam — Thu, 4 Jun 2026 00:47:12 +0530

Peddi Movie Review In Telugu: రామ్ చరణ్ హీరోగా నటించిన పాన్ ఇండియా స్పోర్ట్స్ డ్రామా 'పెద్ది'. 'ఉప్పెన' తర్వాత బుచ్చిబాబు సానా దర్శకత్వం వహించిన చిత్రమిది. జాన్వీ కపూర్ హీరోయిన్. జగపతి బాబు, శివరాజ్ కుమార్, దివ్యేందు శర్మ ఇతర ప్రధాన తారాగణం. వృద్ధి సినిమాస్ పతాకంపై వెంకట సతీష్ కిలారు నిర్మించారు. ఆస్కార్ విన్నర్ ఏఆర్ రెహమాన్ స్వరపరిచిన పాటలు ఛార్ట్ బస్టర్స్ అయ్యాయి. మరి సినిమా ఎలా ఉంది? రివ్యూలో తెలుసుకోండి.

కథ (Peddi Movie Story Explained In Telugu): విజయనగరం కొండ కింద ఊరికి చెందిన వ్యక్తి పెద్ది (రామ్ చరణ్). అ ఊరికి పేరు లేదు. ఊరిలో ప్రజలకు గుర్తింపు లేదు. ప్రభుత్వ రికార్డుల్లో ఆ ఊరు లేదు. ఆ ఊరి ప్రజలకు గుర్తింపు ఉండరు. విజయనగరం నుంచి ఆ ఊరికి వెళ్ళాలంటే కొండలు వాగులు దాటుతూ ఉదయం నుంచి సాయంత్రం వరకు నడవాలి. తమ ఊరికి గుర్తింపు తీసుకు రావాలని, రైల్వే స్టేషన్ కావాలని ప్రభుత్వ ఆఫీసుల చుట్టూ అప్పలసూరి (జగపతి బాబు) తిరుగుతూ ఉంటాడు. ఇవేవీ పెద్దికి పట్టవు.

ఆట కూలీగా... విజయనగరం లేదా బొబ్బిలి - తనను ఏ ఊరి ప్రజలు ఎక్కువ డబ్బులకు పాడుకుంటే ఆ ఊరి తరఫున క్రికెట్ ఆడటం పెద్ది అలవాటు. విజయనగరం రామ్ బుజ్జి (దివ్యేందు శర్మ)తో జరిగిన గొడవ కారణంగా పెద్దికి అవమానం జరుగుతుంది. ఆ తర్వాత అప్పలసూరి మరణం పెద్ది ఆలోచనను మారుస్తుంది. అలాగే ఆటను కూడా!

క్రికెట్ నుంచి గౌర్ నాయుడు (శివ రాజ్ కుమార్) శిక్షణలో కుస్తీకి మారతాడు పెద్ది. జాతీయ పోటీలకు వెళ్లి విజయం సాధించి తమ ఊరికి గుర్తింపు తీసుకు రావాలని అనుకుంటాడు. అయితే పెద్దికి ఉన్న ఎదురైన అడ్డంకులు ఏమిటి? కుస్తీ నుంచి రన్నింగ్ వైపు ఎందుకు వచ్చాడు? చివరకు తమ ఊరికి గుర్తింపును, రైల్వే స్టేషన్‌ను ఎలా తీసుకు వచ్చాడు? అనేది కథ. మధ్యలో అచ్చియమ్మ (జాన్వీ కపూర్)తో ప్రేమ కథ ఏమిటనేది సినిమాలో చూడాలి.

Also Read: Peddi Vs Game Changer - పెద్ది వర్సెస్ గేమ్ ఛేంజర్... ఫ్లాప్ తర్వాత రామ్ చరణ్ మార్కెట్ పడిందా?

విశ్లేషణ (Peddi Movie Review Telugu): రామ్ చరణ్ కమర్షియల్ కథానాయకుడు. కథ నచ్చితే తన మాస్ ఇమేజ్ పక్కన పెట్టడానికి అసలు ఏమాత్రం సందేహించరు. తనలోని నటుడిని బయటికు తీసుకు వచ్చే క్యారెక్టర్ వస్తే సినిమా చేస్తారు. అందుకు ఉదాహరణ... రంగస్థలం. గేమ్ ఛేంజర్ కమర్షియల్ పరంగా ఫ్లాప్ అయినా అందులో అప్పన్న పాత్రలో ఆయన నటనకు ప్రశంసలు లభించాయి. ఈ పెద్ది సినిమా చూశాక... క్యారెక్టర్ నచ్చి, తనలో నటుడిని మరోసారి బయటకు తీసుకు వచ్చే అవకాశం ఉండటంతో చేశారని అనిపిస్తుంది.

దర్శకుడు బుచ్చిబాబు సానా కథలో కమర్షియల్ హంగులు లేవని కాదు... ఉన్నాయి. అయితే... ఆయన వాటిని నమ్ముకోలేదు. క్లైమాక్స్ ఎపిసోడ్ మీద ఎక్కువ నమ్మకం పెట్టుకున్నారు. అక్కడ ఎమోషన్స్ మీద ఎక్కువ ఫోకస్ పెట్టారు. దానికి ముందు మెగా ఫాన్స్, ఆడియన్స్ కోరుకునే కమర్షియల్ అంశాలతో కథను నడిపించారు. సినిమా ప్రారంభం నుంచి ఇంటర్వెల్ ముందు వరకు ఫక్తు మాస్ మసాలా, కమర్షియల్ పంథాలో సినిమా సాగుతుంది. ఊరి నేపథ్యం, వాళ్ల పరిస్థితి వివరించడానికి కొంత సమయం తీసుకున్నారు. అయితే... ఒక్కసారి రామ్ చరణ్ పాత్ర పరిచయమైన తర్వాత సీన్, సాంగ్, ఫైట్ అంటూ బ్యాక్ టు బ్యాక్ మాస్ మెచ్చే అంశాలతో సినిమాను ముందుకు తీసుకు వెళ్లారు. రొటీన్ టెంప్లేట్ లో సినిమా తీశారు.

ప్రీ ఇంటర్వెల్ ఎపిసోడ్ ఎమోషనల్ హై ఇస్తుంది. అప్పటి వరకు సరదాగా వెళుతున్న సినిమాలో అదొక జర్క్. అక్కడ హీరోకి ఒక లక్ష్యం ఏర్పడుతుంది. ఆ తర్వాత కూడా కమర్షియల్ పంథాలో సినిమా సాగింది. స్లో అండ్ స్టడీగా ముందుకు వెళుతున్న సినిమాలో ప్రీ క్లైమాక్స్ ఎపిసోడ్ మరో ఎమోషనల్ హై ఇచ్చింది. ఎక్కడ నెగ్గాలో కాదు, ఎక్కడ తాగాలో తెలిసినోడు గొప్పోడు... అత్తారింటికి దారేదిలో డైలాగ్ ఇది. ఎమోషనల్ సీన్స్ హై ఇవ్వడం కోసం అన్నట్టు బుచ్చిబాబు రచన మధ్యలో కాస్త కిందకు దిగింది. స్క్రీన్ ప్లే సరిగా లేదు. స్టోరీకి అవసరమైన హై ఇవ్వలేదు. ప్రేక్షకులను నెక్స్ట్ ఏంటి అని ఎగ్జైట్ అయ్యేలా చేయలేదు. కానీ ఆయన ప్రయత్నంలో నిజాయతీ కనిపించింది. హీరో ఇమేజ్‌కు తగ్గట్టు ముందు సీన్స్, సాంగ్స్‌ చూపించి... చివరలో కంటెంట్‌లోకి వెళ్ళారు.

బుచ్చిబాబు కథలో కమర్షియల్ అంశాలతో పాటు మంచి కంటెంట్ కూడా ఉంది. అయితే... స్క్రీన్ మీదకు ఆ కంటెంట్ తీసుకు వచ్చే క్రమంలో కొంత హడావిడి కనిపించింది. క్రికెట్ నుంచి కుస్తీ, కుస్తీ నుంచి రన్నింగ్, హీరోకి లక్ష్యం ఏర్పడటం వంటివి సన్నివేశాలు హడావుడిగా ముగిసినట్టు అనిపించింది. ట్రాన్సిషన్ సరిగా కుదరలేదు. రామ్ చరణ్ క్యారెక్టర్, నటన మీద ఎక్కువ దృష్టి పెట్టిన దర్శకుడు... మిగతా నటీనటుల క్యారెక్టర్లను, వాళ్ళ సన్నివేశాలను సరిగా రాసుకోలేదు. జగపతి బాబు రోల్, ఆయన సీన్స్ సూపర్బ్. అయితే దివ్యేందు శర్మ, రవి కిషన్, బోమన్ ఇరానీ వంటి ఆర్టిస్టులకు సరైన రోల్స్ పడలేదు. రొటీన్‌గా ఉన్నాయి. సినిమాలో బలమైన విలన్ ట్రాక్ లేదు. సమయం సందర్భం వచ్చినప్పుడు ఒక్కో పాత్రలో విలనిజం బయట పడుతుంది. అంతే గానీ ఈ సినిమాకి విలన్ ఎవరూ లేరు. సినిమా మెయిన్ పాయింట్ హీరోయిజం కాదు... తమ ఊరికి గుర్తింపు తీసుకు రావడం. అందుకు తగ్గట్టు హీరో ప్రయాణం సాగుతుంది. అందువల్ల, ప్రేక్షకులు ఆశించే హై, భారీ యాక్షన్ సన్నివేశాలు లేవు. అవి ఆశిస్తే బాగా డిజప్పాయింట్ అవుతారు.

టెక్నికల్ పరంగా ఏఆర్ రెహమాన్ సంగీతం ఉన్నత స్థాయిలో ఉంది. ఆల్రెడీ సాంగ్స్ చార్ట్ బస్టర్స్ అయ్యాయి. ఆ పాటలకు రామ్ చరణ్ డాన్స్ ఇంకా బావుంది. సినిమాలో విడుదల కాని పాటలు రెండు ఉన్నాయి. అందులో ఒకటి ఎమోషనల్ సాంగ్. అయితే నేపథ్య సంగీతంలో రెహమాన్ మార్క్ ఫ్యూజన్ మిక్స్‌ కనిపించింది. రత్నవేలు సినిమాటోగ్రఫీ బావుంది. ఎడిటింగ్ పరంగా డిజప్పాయింట్ చేసిందీ సినిమా. సీన్ టూ సీన్ ట్రాన్సిషన్స్ స్మూత్ గా లేవు. ఉన్నట్టుండి కొన్ని సీన్స్ ఎండ్ అవుతాయి. మరో సీన్ వస్తుంది. వృద్ధి సినిమాస్ నిర్మాణ విలువలు బాగున్నాయి.

Also Read: Ram Charan Vs NTR - రామ్ చరణ్ vs ఎన్టీఆర్... 'ఆర్ఆర్ఆర్' తర్వాత బిజినెస్‌లో అప్పర్ హ్యాండ్ ఎవరిది?

పెద్ది పాత్ర కోసం రామ్ చరణ్ ప్రాణం పెట్టేశారు. ఆయన కష్టం తెరపై కనిపిస్తుంది. బాడీ ట్రాన్స్ఫర్మేషన్ ఒక్కటే కాదు... నటనలోనూ బెస్ట్ ఇచ్చారు. సినిమా సినిమాకూ రామ్ చరణ్ రాటు దేలుతున్నారు. క్రికెట్ ఆడేటప్పుడు స్వాగ్ చూపించిన ఆయన... కుస్తీకి వచ్చేసరికి బాడీ లాంగ్వేజ్ మార్చారు. పరుగు పందెంలో కంటతడి పెట్టించారు. సినిమాను తన భుజాలపై మోశారు.

రామ్ చరణ్ తర్వాత ప్రేక్షకులకు ఎక్కువగా గుర్తుండే పాత్ర జగపతి బాబుది. ప్రేక్షకులు ఆయనలో కొత్త నటుడిని చూస్తారు. శివరాజ్ కుమార్ తన పాత్రకు న్యాయం చేశారు. జాన్వీ కపూర్ నటన కంటే అందాల ఆరబోత హైలైట్ అవుతుంది. అందాల ప్రదర్శనకు, ప్రీ ఇంటర్వెల్ ముందు వరకు కథను నడిపించడం కోసం తప్ప ఆమె పాత్ర వల్ల సినిమాకు వచ్చిన ప్రయోజనం ఏమీ లేదు. హీరో హీరోయిన్ల మధ్య ప్రేమ కథను సరిగా రాయలేదు. మాస్ జనాలను జాన్వీ కపూర్ గ్లామర్ ఆకట్టుకోవచ్చు. దివ్యేందు శర్మ, బోమన్ ఇరానీ, తారక్ పొన్నప్ప, అజయ్ ఘోష్, రవి కిషన్... సినిమాలో పేరున్న నటీనటులు చాలా మంది ఉన్నారు. తెరపై ఇలా వచ్చి అలా వెళతారు.

Peddi Verdict: కమర్షియల్ అంశాలతో కూడిన కంటెంట్ బేస్డ్ సినిమా పెద్ది. అయితే... కమర్షియాలిటీ కంటే కంటెంట్ హైలైట్ అవుతుంది. కథలో ఎమోషనల్ సీన్స్ హై ఇస్తాయి. ప్రీ ఇంటర్వెల్ నుంచి ఇంటర్వెల్ వరకు, అలాగే లాస్ట్ 30 మినిట్స్ సినిమాకు మేజర్ ప్లస్ పాయింట్స్. బుచ్చిబాబు రచనలో నిజాయతీని అభినందించాలి. రామ్ చరణ్ తన నటనతో సినిమాను నిలబెట్టారు. పెద్ది... నటుడిగా రామ్ చరణ్ వన్ మ్యాన్ షో. ఆయన కోసం సినిమా చూడాలంతే.

Also Read: Peddi Vs Bollywood Movie - పెద్దితో బాక్సాఫీస్ క్లాష్... రిలీజ్ డే బాలీవుడ్ సినిమా టికెట్ రేట్స్‌పై డిస్కౌంట్ ఆఫర్

Mareechika Review - మరీచిక రివ్యూ: మిస్టరీ క్రైమ్ థ్రిల్లర్‌లో రెజీనా, అనుపమ... సతీష్ కాసెట్టి సినిమా ఎలా ఉందంటే?

Satya Pulagam — Fri, 29 May 2026 13:10:15 +0530

Mareechika Movie Review In Telugu: నేషనల్ అవార్డు విన్నింగ్ సినిమా 'హోప్', శ్రీకాంత్ 'టెర్రర్' తర్వాత సతీష్ కాసెట్టి దర్శకత్వం వహించిన సినిమా 'మరీచిక'. రెజీనా, అనుపమ పరమేశ్వరన్, విరాజ్ అశ్విన్ ప్రధాన పాత్రల్లో నటించారు. ఈ చిత్రానికి ఇళయరాజా సంగీతం అందించగా... రాజీవ్ చిలక నిర్మించారు. మిస్టరీ క్రైమ్ థ్రిల్లర్‌గా రూపొందిన ఈ సినిమా ఎలా ఉందంటే?

కథ (Mareechika Movie Story Explained In Telugu): వెంకట లక్ష్మి (అనుపమా పరమేశ్వరన్) స్టూడెంట్. ఆమె కాలేజీ దగ్గరలో కేఫ్ నడిపే సంజు… సంజయ్ (విరాజ్ అశ్విన్)ను ఇష్టపడుతుంది. కానీ తన మనసులో మాటను చెప్పలేదు. ఓ రోజు తనకు సూపర్ మార్కెట్టులో పరిచయమైన ఎన్నారై మరీచిక (రెజీనా)ను తీసుకుని సంజూ కేఫ్ కి వెళుతుంది వెంకటలక్ష్మి.

సంజయ్, మరీచిక ప్రేమలో పడతారు. పెళ్లి చేసుకుంటారు. అయితే పెళ్లైన మర్నాడు మరీచికను సంజూ చంపేశాడని పోలీస్ స్టేషన్‌కు వచ్చి కంప్లైంట్ చేస్తుంది వెంకటలక్ష్మి. కట్ చేస్తే... సంజూ వచ్చి మరీచిక ఎవరో తనకు తెలియదని చెబుతాడు. స్టేషన్‌లో పిచ్చి పట్టినట్టు ప్రవర్తిస్తున్న వెంకటలక్ష్మిని డాక్టర్ దగ్గరకు తీసుకు వెళితే లేనిది ఉన్నట్టు ఊహించుకుంటుందని చెబుతారు. ఐదు నెలల తర్వాత మళ్ళీ పోలీస్ స్టేషన్‌కు వెంకట లక్ష్మి వస్తుంది. ఈసారి సంజూను మరీచిక చంపేసిందని చెబుతుంది. అయితే... స్టేషన్‌కు మరీచిక వస్తుంది. సంజూ ఎవరో తనకు తెలియదని చెబుతుంది. ఇన్వెస్టిగేషన్ చేస్తే రెండేళ్ల క్రితం సంజూ ఆత్మహత్య చేసుకున్నాడని తెలుస్తుంది.

వెంకట లక్ష్మి, మరీచిక, సంజూ... ముగ్గురిలో ఎవరు ఎవర్ని ప్రేమించారు? వెంకట లక్ష్మి పోలీసుల దగ్గరకు వెళ్ళినప్పుడు మరీచిక తెలియదని సంజూ, సంజూ తెలియదని మరీచిక ఎందుకు చెప్పారు? రెండేళ్ల క్రితం ఆత్మహత్య చేసుకున్న సంజూ ఐదు నెలల క్రితం పోలీస్ స్టేషన్‌కు ఎలా వెళ్ళాడు? ఎవరు ఎవర్ని చంపేశారు? చివరకు ఏమైంది? అనేది సినిమా.

విశ్లేషణ (Mareechika Telugu Review): సినిమా ఎలా ఉందో చెప్పే ముందు... ఈ టైటిల్ 'మరీచిక' గురించి చెప్పాలి. అటువంటి పేరు ఉంటుందా? అసలు మరీచిక అంటే అర్థం ఏమిటి? అని ఆలోచించిన ప్రేక్షకులు ఒకరిద్దరు అయినా ఉంటారు. ఆ సందేహాలకు సినిమాలో సమాధానం ఇచ్చారు. మరీచిక అంటే ఎండమావి అని చెప్పారు. వేసవిలో ఎండమావి కనిపిస్తుంది కానీ నీళ్లు ఉండవు. ఈ సినిమాలోనూ అంతే... నెక్స్ట్ సీన్ నుంచి బావుంటుందని ప్రేక్షకులు ఎదురు చూడటం తప్ప బావుందన్న సంతృప్తి కలగదు.

సతీష్ కాసెట్టి దర్శకత్వం వహించిన 'మరీచిక'లో థ్రిల్లర్ సినిమాకు కావాల్సిన ట్విస్టులు, టర్నులు ఉన్నాయి. అయితే... ప్రేక్షకులకు థ్రిల్ ఇచ్చేలా చెప్పే కథనం, దర్శకత్వం కరువైంది. ఇంటర్వెల్ వరకు సినిమా ఫ్లాట్‌గా సాగుతుంది. సంజయ్ (విరాజ్ అశ్విన్)ను వెంకటలక్ష్మి (అనుపమ) ప్రేమించడం... మరీచిక (రెజీనా)ను సంజయ్ ప్రేమిస్తున్నాడని త్యాగం చేయడం వంటివి ఏమాత్రం ఆసక్తి కలిగించలేదు. ఇంటర్వెల్ ట్విస్ట్ ఒక్కటీ సెకండాఫ్ మీద కాస్త క్యూరియాసిటీ క్రియేట్ చేసింది. ఆ తర్వాత మళ్ళీ కథ మొదటికి వచ్చింది. ఫస్టాఫ్‌లో చూసిన సన్నివేశాలు మళ్ళీ రిపీట్ అవుతారు. క్యారెక్టర్స్ మారినా కంటెంట్ ఏమిటనేది ప్రేక్షకులకు అర్థం అవుతుంది. అందువల్ల బోర్ కొడుతుంది. అయితే వెంకట లక్ష్మి రెండోసారి పోలీస్ స్టేషన్‌కు వెళ్లిన తర్వాత వచ్చే ట్విస్టులు కాస్త థ్రిల్ ఇస్తాయి. ఆ సన్నివేశాల్లో పోలీస్ ఆఫీసర్ పాత్రను రాసిన విధానం అసలు బాలేదు.

ట్విస్టులు రివీల్ చేసినప్పుడు లేదా ప్రశ్నలకు సమాధానాలు ఇచ్చేటప్పుడు స్క్రీన్ ముందున్న ప్రేక్షకుడు సర్‌ప్రైజ్ అవ్వాలి. అంతే గానీ ప్రేక్షకుడి మదిలో ప్రశ్న తలెత్తిన తర్వాత స్క్రీన్ మీద క్యారెక్టర్‌ సేమ్ క్వశ్చన్ వేస్తే... ఎంతటి గొప్ప ట్విస్ట్ ఉన్నా సీన్ కామెడీ అవుతుంది. 'మరీచిక'లో జరిగిందదే. చివరి అర గంటలో ట్విస్టులు ఉన్నాయి. అప్పటికే ప్రేక్షకుల సహనం సన్నగిల్లుతుంది. దాంతో వాటిని ఎంజాయ్ చేయలేరు. ట్విస్టులను సరిగా రివీల్ చేయకుండా కన్‌ఫ్యూజ్ చేయడం కూడా సినిమాకు మైనస్. కథ, కథనం, దర్శకత్వం ఆసక్తి కలిగించడం లేదంటే ఇళయరాజా సంగీతం అంతకు మించి అన్నట్టుంది. అసలు ఆర్ఆర్ (నేపథ్య సంగీతం) ఆయనే చేశారా? అన్నంత సందేహం కలిగింది. పాటలు పర్వాలేదు. కెమెరా వర్క్ ఓకే. వీఎఫ్ఎక్స్ అవసరమైన సినిమా కాదు. అవసరమైన రెండు మూడు సన్నివేశాలను సరిగా చేయలేదు. నిర్మాణ విలువలు ఓకే.

ప్లస్ పాయింట్స్:
చివరి అరగంట (ట్విస్టులు)

మైనస్ పాయింట్స్:
ఇళయరాజా సంగీతం
సతీష్ కాసెట్టి దర్శకత్వం
కథతో పాటు స్క్రీన్ ప్లే

విరాజ్ అశ్విన్, రెజీనా, అనుపమ పరమేశ్వరన్... ముగ్గురూ మంచి ఆర్టిస్టులు. పాజిటివ్, నెగెటివ్... ప్రతి ఒక్కరి పాత్రలో రెండు షేడ్స్ ఉన్నాయి. తమ తమ సన్నివేశాలకు తగ్గట్టు నటించారు. అనుపమ అయితే లుక్స్ పరంగానూ వేరియేషన్ చూపించారు. పోలీస్ స్టేషన్ సన్నివేశాల్లో జీవించారు. రెజీనా నటన ఓకే. విరాజ్ అశ్విన్ లుక్స్, యాక్టింగ్ పాత్రకు తగ్గట్టు ఉన్నాయి.

Also Read: Kattalan Review Telugu - 'కాటాలన్' రివ్యూ: పుష్ప లాంటి కథ... ఏనుగు దంతాల స్మగ్లింగ్... మలయాళీ యాక్షన్ ఫిల్మ్ హిట్టా? ఫట్టా?

Mareechika Verdict: మరీచిక... పేరుకు తగ్గట్లుందీ సినిమా. ఎండమావిలో నీళ్లు లేనట్టు... సినిమాలోనూ స్టార్టింగ్ నుంచి ఎండింగ్ వరకు ఎగ్జైట్ చేసే, థ్రిల్ ఇచ్చే కథ, స్క్రీన్ ప్లే, దర్శకత్వం లేవు. కథలో క్రైమ్ ఎలిమెంట్స్, ట్విస్టులు ఉన్నాయి. కానీ ప్రేక్షకుడు ఆహా అనేలా ఒక్కటీ లేదు. స్కిప్ చేయడం బెటర్.

Also Read: Blast Zone Review Telugu - 'బ్లాస్ట్ జోన్' రివ్యూ: యాక్షన్ కింగ్ అర్జున్ లేటెస్ట్ థ్రిల్లర్ - సినిమా ఎలా ఉందంటే?

Kattalan Review - 'కాటాలన్' రివ్యూ: పుష్ప లాంటి కథ... ఏనుగు దంతాల స్మగ్లింగ్... మలయాళీ యాక్షన్ ఫిల్మ్ హిట్టా? ఫట్టా?

Satya Pulagam — Thu, 28 May 2026 16:51:54 +0530

Kattalan Review In Telugu: వెండితెరపై మలయాళ హీరో ఉన్ని ముకుందన్ బ్లడ్ బాత్ సృష్టించిన సినిమా 'మార్కో'. ఆ చిత్రానికి షరీఫ్ ముహమ్మద్ నిర్మాత. ఆయన నిర్మించిన తాజా సినిమా 'కాటాలన్'. ఆంటోనీ వర్గీస్ హీరో. సునీల్, కబీర్ దుహాన్ సింగ్ విలన్ రోల్స్ చేయడం... 'మార్కో' ప్రొడ్యూసర్ సినిమా కావడంతో తెలుగు ప్రేక్షకుల దృష్టిని ఆకర్షించింది. 'కేజీఎఫ్', 'సలార్', 'డ్రాగన్' ఫేమ్ రవి బస్రూర్ సంగీతం అందించారు. పాల్ జార్జ్ దర్శకుడిగా పరిచయమైన ఈ సినిమా ఎలా ఉంది? అనేది రివ్యూలో తెలుసుకోండి.

కథ (Kattalan Story Explained In Telugu): ఏనుగు దంతాల స్మగ్లింగ్ వ్యాపారి మారి (సునీల్). అతని కనుసన్నల్లో కార్టెల్ నడుచుకుంటుంది. అడవిలో ప్రజలు అతని పేరు చెబితే భయపడతారు. మారి కింద 30 ఏళ్లుగా బానిసలుగా బతుకుతున్నారు. కార్టెల్ మీద పట్టు కోసం ఎడ్డీ (కబీర్ దుహాన్ సింగ్) చేయని ప్రయత్నం లేదు. ఈ సారి మంత్రి అండ ఉండటంతో పోలీసులతో మారికి చెక్ పెడతాడు. మారి సరుకు దోచేస్తాడు. కొత్త సరుకు చెక్ పోస్టులు దాటకుండా పహారా పెట్టిస్తాడు.

ఎడ్డీ నుంచి తన సరుకు రాబట్టుకోవడంతో పాటు... పోలీసులు, ప్రత్యర్థుల కళ్ళుగప్పి ఏనుగు దంతాలను ఎలాగైనా సరే చెక్ పోస్ట్ దాటించాలని ఆంటోనీ (ఆంటోనీ వర్గీస్)ను రంగంలోకి దించుతాడు మారి. ఆ తర్వాత ఏమైంది? ఆంటోనీ ఎవరు? మధ్యలో మారికి ఎందుకు ఎదురు తిరిగాడు? శ్రీలంక ఎందుకు వెళ్ళాడు? అతనికి లూసీ (దుషారా విజయన్) ఎటువంటి సాయం చేసింది? చివరకు ఏమైంది? అనేది సినిమా.

విశ్లేషణ (Kattalan Review In Telugu): మలయాళంలో యాక్షన్ ఫిలిమ్స్ ఉన్నాయి. అయితే... 'మార్కో'తో బ్లడ్ బాత్ బాట పట్టించారు నిర్మాత షరీఫ్ ముహమ్మద్. ఆ రేంజ్ వయలెన్స్, రక్తపాతం అంతకు ముందు ఎప్పుడూ మలయాళ సినిమాల్లో కనిపించలేదు. సేమ్ బ్యానర్, సేమ్ జానర్ ఫిల్మ్ కావడంతో ఆడియన్స్‌ను ఎట్రాక్ట్ చేసింది 'కాటాలన్'. అయితే... ఇందులో 'మార్కో' రేంజ్ వయలెన్స్ లేదు. కానీ, యాక్షన్ సన్నివేశాలకు లోటు లేదు. సినిమాలో ఆ యాక్షన్ ఎలా ఉంది? అనేది చెప్పడానికి ముందు కథ గురించి చెప్పాలి.

'పుష్ప' చూసి తనను 'కాటాలన్'కు తీసుకున్నారని సునీల్ చెప్పారు. అల్లు అర్జున్ సినిమాలో నటుడిని మాత్రమే దర్శక నిర్మాతలు పాల్ జార్జ్, షరీఫ్ ముహమ్మద్ తీసుకోలేదు. కథను కూడా తీసుకున్నారని సినిమా చూశాక అనిపిస్తుంది. పాల్ జార్జ్ కథ, సినిమాపై 'పుష్ప'తో పాటు సూపర్ హిట్ తెలుగు సినిమాల ప్రభావం బలంగా ఉంది. 'పుష్ప'లో ఎర్ర చందనం, 'కాటాలన్'లో ఏనుగు దంతాలు... రెండిటిలో స్మగ్లింగ్ కామన్. 'పుష్ప'లో సాధారణ కూలీగా మొదలైన పుష్పరాజ్ ప్రయాణం... చివరకు కార్టెల్‌ను శాసించే స్థాయికి చేరుతుంది. 'కాటాలన్'లో ఏనుగు దంతాలు స్మగ్లింగ్ చేయడానికి ట్రాన్స్‌పోర్టర్‌గా వెళ్లిన ఆంటోనీ... చివరకు కార్టెల్‌ను తన గుప్పిట్లో పెట్టుకుంటాడు. మారి బానిసలుగా బతికే ఊరి జనాలు, వాళ్ళ కోసం హీరో చేసే ఫైట్ చూస్తే ప్రభాస్ 'ఛత్రపతి' గుర్తుకు వస్తుంది. కథ పరంగా 'కాటాలన్'లో ఎగ్జైట్ చేసే ఎలిమెంట్ గానీ, ఎంగేజ్ చేసే స్క్రీన్ ప్లే గానీ లేదు. రెగ్యులర్ రొటీన్ కమర్షియల్ బిజినెస్ ఫార్ములా స్టోరీ... 'పుష్ప', 'కేజీఎఫ్' తరహాలో!

కథలో ఇన్‌స్పిరేషన్స్‌ ఉండటం తప్పు లేదు. కానీ, కథనం - సన్నివేశాలు ఎంగేజ్ చేయాలి. యాక్షన్ సీన్స్ సినిమాను ముందుకు తీసుకు వెళతాయని వదిలేశారు 'కాటలాన్' దర్శకుడు. ఆ యాక్షన్ సీన్స్ డిజైనింగ్ బావుంది. తెలుగు ప్రేక్షకులకు అవి కొత్త కాదు. అటువంటివి చేసేశారు. అందువల్ల, సినిమా పైకి కిందకు పడుతూ లేస్తూ వెళుతుంది. యాక్షన్‌ను ముందుకు డ్రైవ్ చేసే బలమైన ఎమోషనల్ హుక్ పాయింట్ సినిమాలో లేదు.

దర్శక రచయితలు పాల్ జార్జ్, జోబీ వర్గీస్, జీరో జాకబ్ కథకు పెద్దగా కష్టపడలేదు. కానీ, యాక్షన్ సీన్స్ మీద ఎక్కువగా డిపెండ్ అయ్యారు. కథ, కథనం కంటే క్యాస్ట్ ఎంపికలో తమ ట్యాలెంట్ చూపించారు. విలన్ బ్యాగ్రౌండ్ చెప్పాల్సిన అవసరం లేకుండా... ఎవరి మీద అయితే తాము రాసిన సీన్స్ వర్కవుట్ అవుతాయో? అటువంటి యాక్టర్లను తీసుకున్నారు. ఉదాహరణకు... సునీల్, కబీర్ దుహాన్ సింగ్. దర్శకుడు తీసుకున్న మరో తెలివైన నిర్ణయం... సంగీత దర్శకుడిగా రవి బస్రూర్ సెలక్షన్. యాక్షన్ సీన్స్‌కు ఆర్ఆర్ చేసే విషయంలో మరోసారి తన కమాండ్ చూపించారు రవి బస్రూర్. హీరోయిజం ఎలివేట్ చేయడంతో పాటు యాక్షన్ మూడ్ చేసేలా ఆయన నేపథ్య సంగీతం సాగింది. ప్రొడక్షన్ డిజైన్, కెమెరా వర్క్ బావున్నాయి. సినిమా జానర్‌కు తగ్గట్టు చేశారు. సినిమా నిర్మాణంలో షరీఫ్ ముహమ్మద్ రాజీ పడలేదు.

ప్లస్ పాయింట్స్:
యాక్షన్ సీన్స్
రవి బస్రూర్ ఆర్ఆర్

మైనస్ పాయింట్స్:
కథ, స్క్రీన్ ప్లే
దర్శకత్వం

Also Read: Dragon Glimpse Decoded - ఎన్టీఆర్ 'డ్రాగన్' గ్లింప్స్‌లో హిడెన్ డీటెయిల్స్... ప్రశాంత్ నీల్ సీక్రెట్ క్లూస్ గమనించారా?

తెలుగు ప్రేక్షకులకు 'కాటాలన్' హీరో ఆంటోనీ వర్గీస్ కొత్త. మలయాళంలో మంచి సినిమాలు చేశారు. విశ్వక్ సేన్ 'ఫలక్‌నుమా దాస్' ఒరిజినల్ - మలయాళ సినిమా 'అంగమలై డైరీస్'లో హీరో అతనే. 'జల్లికట్టు', 'ఆర్‌డిఎక్స్' చేశారు. యాక్షన్ హీరోకి కావాల్సిన కటౌట్, లుక్స్ అతనిలో ఉన్నాయి. ఆంటోనీగా చక్కటి పెర్ఫార్మన్స్ ఇచ్చారు. సునీల్ క్యారెక్టర్, ఆయన నటన 'పుష్ప'ను గుర్తు చేస్తాయి. మంగళం శీను పాత్రను మరోసారి గుర్తు చేశారు. ఐటమ్ సాంగ్‌లో ఆయన డ్యాన్స్ మాత్రం సూపర్. కబీర్ దుహాన్ సింగ్ స్టైలిష్‌గా కనిపించారు. మలయాళ నటుడు జగదీష్ కీలకమైన పాత్ర చేశారు. దుషారా విజయన్ స్క్రీన్ స్పేస్ తక్కువైనా... యాక్షన్ రోల్‌లో అదరగొట్టారు. యంగ్ మారి పాత్రలో తెలుగు నటుడు రాజ్ తిరందాసు కనిపించారు.

'మార్కో'లో కథేమీ కనిపించదు. కానీ, బ్యాక్ టు బ్యాక్ యాక్షన్ సీన్స్ - బ్లడ్ బాత్ కాస్త ఎంగేజ్ చేశాయి. 'కాటాలన్'లో కథ ఉంది. కానీ, ఎంగేజ్ చేసే స్క్రీన్ ప్లే & డైరెక్షన్ మిస్ అయ్యాయి. తెలుగు ప్రేక్షకులకు 'పుష్ప'ను గుర్తు చేసే కథ, కథనం ఉండటం బిగ్గెస్ట్ మైనస్ పాయింట్. కథ, హీరోతో సంబంధం లేకుండా యాక్షన్ సీన్స్ ఉంటే చాలు అని కోరుకునే ప్రేక్షకులు ఎటువంటి అంచనాలు పెట్టుకోకుండా వెళ్ళడం మంచిది. లేదంటే రెండు గంటలు భరించక తప్పదు.

Also Read: Ranveer Singh vs Farhan Akhtar Don 3 Controversy Full Details: రణవీర్‌ సింగ్‌ వర్సెస్ ఫర్హాన్ అక్తర్... 'డాన్ 3' కాంట్రవర్సీ ఫుల్ డీటెయిల్స్

Blast Zone Review - 'బ్లాస్ట్ జోన్' రివ్యూ: యాక్షన్ కింగ్ అర్జున్ లేటెస్ట్ థ్రిల్లర్ - సినిమా ఎలా ఉందంటే?

Satya Pulagam — Thu, 28 May 2026 12:51:28 +0530

Blast Zone Review In Telugu: యాక్షన్ కింగ్ అర్జున్ సర్జా హీరోగా నటించిన తాజా సినిమా 'బ్లాస్ట్ జోన్'. 'కన్నప్ప' ఫేమ్ ప్రీతి ముకుందన్, అభిరామి ప్రధాన పాత్రలు పోషించారు. సుభాష్ కె రాజ్ దర్శకత్వంలో ఏజీఎస్ ఎంటర్‌టైన్‌మెంట్ నిర్మించిన ఈ చిత్రానికి 'కేజీఎఫ్', 'సలార్', 'డ్రాగన్' ఫేమ్ రవి బస్రూర్ సంగీత దర్శకుడు. ఏపీ, తెలంగాణలో ప్రముఖ నిర్మాణ సంస్థ సితార ఎంటర్‌టైన్‌మెంట్స్ విడుదల చేస్తోంది. యాక్షన్ థ్రిల్లర్‌గా తెరకెక్కిన ఈ సినిమా ఎలా ఉందో రివ్యూలో తెలుసుకోండి.

కథ (Blast Zone Story Explained): కథ: రాజారామ్ (అర్జున్ సర్జా) కరాటే మాస్టర్. తన కూతురు నీలా (ప్రీతి ముకుందన్)కు చిన్నప్పటి నుంచి కరాటే నేర్పిస్తాడు. ఆమెను ధైర్యవంతురాలిగా పెంచుతాడు. ఎక్కడైనా తప్పు జరిగితే చేసిన వాళ్ళను నీలా కొడుతుంది. అమ్మాయి ఇలా కొడుతూ వెళితే పెళ్లి సంబంధాలు ఎలా వస్తాయని తల్లి నీలవేణి (అభిరామి) బాధ పడుతుంది. ఆ సమయంలో రాజారామ్ కుటుంబం పెద్ద ప్రమాదంలో చిక్కుకుంటుంది.

కీలకాడు ప్రాంతంలో 7000 కోట్ల విలువ చేసే మైనింగ్ ప్రాజెక్ట్ అనుమతులు ఇవ్వడానికి ఓ మంత్రి వెయ్యి కోట్లు లంచం అడుగుతాడు. ఆ పనిని అబ్రహాం (అర్జున్ చిదంబరం)కి అప్పగిస్తాడు వరుణ్ (జాన్ కొకేన్). తమ పని పూర్తి కావడానికి ఎంతమంది ప్రాణాలైనా తీయడానికి వెనుకాడని వరుణ్, అబ్రహాం… రాజారామ్ కుటుంబం వెనుక ఎందుకు పడ్డారు? రాజారామ్ కుటుంబం ఏం చేసింది? చివరకు ఏమైంది? అనేది సినిమా.

విశ్లేషణ (Blast Zone Movie Review In Telugu): యాక్షన్ ఫిల్మ్స్ అంటే హీరో ఇమేజ్ బేస్ చేసుకుని లార్జర్ దేన్ లైఫ్ కథలతో రూపొందిన సినిమాలు ఎక్కువ వస్తున్నాయి. పాన్ ఇండియా కల్చర్ వచ్చిన తర్వాత సింపుల్ కథతో ఎంగేజ్ చేసే సినిమాలు ఎన్ని వచ్చాయి? వేళ్ల మీద లెక్క పెట్టవచ్చు. సింపుల్ & స్టైలిష్ యాక్షన్ థ్రిల్లర్ సినిమాల జాబితాలో బ్లాస్ట్ జోన్ తప్పకుండా ఉంటుంది.

బ్లాస్ట్ జోన్ కథలో మెదడుకు పని చెప్పే విషయాలు ఏమీ లేవు. కథను చాలా సింపుల్ గా, స్ట్రెయిట్ గా చెప్పారు దర్శకుడు. అయితే… కథలో కొన్ని క్యారెక్టర్లను రివీల్ చేసిన తీరు బావుంది. కథను ప్రారంభించడానికి, కథలోకి వెళ్ళడానికి దర్శకుడు కొంత సమయం తీసుకున్నారు. ఆ మధ్యలో క్యారెక్టర్లు ఎస్టాబ్లిష్ చేశారు. అప్పుడు కొంత నవ్వించారు. మద్య మధ్యలో సాగదీసిన ఫీలింగ్ వచ్చింది. కానీ, ఇంటర్వెల్ ముందు నుంచి ఎండింగ్ వరకు బాగా ఎంగేజ్ చేశారు.

సుభాష్ కే రాజ్ దర్శకత్వం కంటే రైటింగ్ ఎక్కువ ఇంప్రెస్ చేసింది. స్క్రీన్ ప్లే బాగా రాసుకున్నారు. యాక్షన్ బ్లాక్స్ బాగా డిజైన్ చేశారు. సాధారణంగా యాక్షన్ థ్రిల్లర్ సినిమాల్లో కామెడీని మిక్స్ చేయడం కుదరదు. కానీ, అవకాశం దొరికిన సందర్భాల్లో హ్యూమర్ భలే జనరేట్ చేశారు. కొన్ని ట్విస్టులు రివీల్ చేసినప్పుడు ఆడియన్స్ ఎంజాయ్ చేస్తారు.

తెలుగు డబ్బింగ్ విషయంలో అసలు కేర్ తీసుకోలేదు. మరీ గ్రాంథికంలో రాశారు. అక్కర, ఆలంబన, అల్లాడుపోతున్నాం వంటి పదాలు విన్నప్పుడు పంటి కింద రాయిలా తగులుతాయి. తండ్రి కుమార్తెలతో పాటు వైఫ్ అండ్ బాబాయ్ రోల్స్ బాగా రాసుకున్న దర్శకుడు విలన్ ట్రాక్స్ సరిగా రాయలేదు. జాన్ కొకేన్ ట్రాక్ చూస్తే కుబేర సినిమాలో విలనిజం గుర్తుకు వస్తుంది.

ప్లస్ పాయింట్స్:

అర్జున్ సర్జా నటన & పెర్ఫార్మన్స్
స్టోరీ ఐడియా, యాక్షన్ బ్లాక్స్
రవి బస్రూర్ మ్యూజిక్

మైనస్ పాయింట్స్:
తెలుగు డబ్బింగ్ & విలన్ ట్రాక్!

మిడిల్ క్లాస్ భర్తగా, కామన్ మ్యాన్ గా అర్జున్ సర్జాను చూడటం రిఫ్రెషింగ్ గా ఉంది. ఇటీవల ఆయన లార్జర్ దేన్ లైఫ్ రోల్స్ చేశారు. కానీ, ఈ సినిమాలో సింపుల్ లుక్ లో కనిపించారు. అయితే ఆయనకు ఉన్న యాక్షన్ ఇమేజ్ ఆ పాత్రకు ప్లస్ అయ్యింది. యాక్షన్ సన్నివేశాల్లోనూ న్యాచురల్ పెర్ఫార్మన్స్ ఇచ్చారు. నటనలో సెటిల్డ్ పెర్ఫార్మెన్స్ చేశారు. అభిరామిది నార్మల్ హౌస్ వైఫ్ రోల్. అయితే… ఆ పాత్రకు ఓ ట్విస్ట్ ఇచ్చారు. షిరోయిజం బాగా ఎలివేట్ అయింది.

హీరోయిన్లకు యాక్షన్ రోల్స్ లభించడం అరుదు. తనకు లభించిన అవకాశాన్ని ప్రీతి ముకుందన్ సద్వినియోగం చేసుకున్నారు. కరాటే & యాక్షన్ సీన్స్ బాగా చేశారు. ఆమె లుక్స్, ఎక్స్ ప్రెషన్స్ బావున్నాయి. జాన్ కొకేన్ రెగ్యులర్ కార్పొరేట్ క్రిమినల్ రోల్ చేశారు. అబ్రహాం పాత్రలో అరుణ్ చిదంబరం లుక్ బావుంది. నటనలోనూ స్టైలిష్ విలనిజం చూపించారు. మిగతా ఆర్టిస్టుల్లో ఇన్ఫార్మర్ నవ్విస్తాడు. ఆ రోల్ చేసిన అబ్బాయి రిజిస్టర్ అవుతాడు.

కెమెరా వర్క్ ఓకే. రవి బస్రూర్ మ్యూజిక్ బావుంది. కొన్ని సన్నివేశాల్లో మంచి ఆర్ఆర్ ఇచ్చారు. అయితే… తెలుగు లిరిక్స్ సెట్ కాలేదు. కథకు తగ్గట్టు ఖర్చు చేశారు నిర్మాతలు. అయితే ఉన్న రెండు మూడు సన్నివేశాల్లో వీఎఫ్ఎక్స్ బాలేదు. కథకు కీలకమైన ఓ ఎమోషన్ విషయంలో దర్శకుడు కేర్ తీసుకోవాల్సింది. అర్జున్ సర్జా సిస్టర్ సెంటిమెంట్ ఇంకా బాగా రాయాల్సింది.

Blast Zone Verdict: బ్లాస్ట్ జోన్… వయసుకు తగ్గ పాత్రలో యాక్షన్ కింగ్ అర్జున్ సర్జా బ్లాస్టింగ్ పెర్ఫార్మన్స్ ఇచ్చిన సినిమా. దర్శకుడు సుభాష్ కే రాజ్ తన రైటింగ్ తో బ్లాస్ట్ చేసిన సినిమా. సింపుల్ కథతో తీసిన ఈ సినిమా స్టార్టింగ్ నుంచి ఎండింగ్ వరకు ఎంగేజ్ చేసింది. కథతో పాటు క్యారెక్టర్లలో సింప్లిసిటీ ఈ సినిమాకు మెయిన్ హైలైట్. ఎటువంటి అంచనాలు లేకుండా వచ్చిన ఈ సినిమా ఆడియన్స్ అందరినీ సర్ ప్రైజ్ చేస్తుంది. ఓ కమర్షియల్ సినిమా చూసిన హై ఇస్తుంది. థియేటర్లకు హ్యాపీగా వెళ్లొచ్చు.

Also Read: Dragon Glimpse Decoded - ఎన్టీఆర్ 'డ్రాగన్' గ్లింప్స్‌లో హిడెన్ డీటెయిల్స్... ప్రశాంత్ నీల్ సీక్రెట్ క్లూస్ గమనించారా?

Ugly Story Review - 'అగ్లీ స్టోరీ' రివ్యూ: సైకో మొగుడు... ఇన్నోసెంట్ వైఫ్... నందు - అవికా గోర్ సినిమా హిట్టా? ఫట్టా?

Satya Pulagam — Fri, 22 May 2026 13:22:17 +0530

Ugly Story Review In Telugu: టాలీవుడ్‌లోని ట్యాలెంటెడ్ ఆర్టిస్టుల్లో ఒకరైన నందు హీరోగా నటించిన లేటెస్ట్ సినిమా 'అగ్లీ స్టోరీ'. ఇందులో అవికా గోర్ హీరోయిన్. టీజర్, ట్రైలర్లకు తోడు బ్లింకిట్‌లో టికెట్స్ హోమ్ డెలివరీ అంటూ నందు చేసిన డిఫరెంట్ పబ్లిసిటీ సినిమాను ప్రేక్షకుల దగ్గరకు తీసుకు వెళ్ళింది. మరి సినిమా ఎలా ఉందో రివ్యూలో తెలుసుకోండి.

కథ (Ugly Story Movie Story Explained): చిన్న వయసులోనే తల్లిదండ్రులను కోల్పోయిన మేనకోడలు నేహా (అవికా గోర్)ను తమ ఇంటికి తీసుకు వస్తాడు మావయ్య (శివాజీ రాజా). వరుసకు మరదలైన ఆమెపై పిచ్చి ప్రేమ పెంచుకుంటాడు కార్తీక్ (నందు). అయితే నేహాకు చిన్నతనం నుంచి గౌతమ్ (రవితేజ మహాదాస్యం) అంటే ఇష్టం. వాళ్ళిద్దరూ ప్రేమించుకుంటారు. ఆ విషయం తెలిసి సైకోగా మారతాడు. ఆ తర్వాత ఏమైంది?

నేహా ప్రేమ విషయం తెలిసి మావయ్య ఏం చేశాడు? అసలు ఇష్టం లేని, చిన్నతనం నుంచి టార్చర్ చేసిన కార్తీక్ ను నేహా ఎందుకు పెళ్లి చేసుకుంది? పెళ్లైన తర్వాత నేహాను కార్తీక్ ఇంకెంత టార్చర్ చేశాడు? గౌతమ్ ఏమయ్యాడు? రక్తపు మడుగులో కార్తీక్, నేహా ఉండటానికి కారణం ఏమిటి? తప్పు ఎవరిది? చివరకు ఏమైంది? అనేది సినిమా.

విశ్లేషణ (Ugly Story Review Telugu): ఆడ, మగ అనే తేడాల్లేవు… టాక్సిక్ నేచర్, సైకోయిజాన్ని సొసైటీలో నార్మలైజ్ చేస్తున్న జనాలు ఉన్నారు. భార్యను భర్త కొట్టడం తప్పు కాదని చెబుతున్నారు. అది ప్రేమలో భాగం అంటున్నారు. అటువంటి వ్యక్తులను సమర్ధించేవారు, విమర్శించేవారు ఉన్నారు. ఇదొక డిబేటబుల్ టాపిక్. అగ్లీ స్టోరీ దర్శకుడు ప్రణవ స్వరూప్ డిబేట్, డిస్కషన్స్ పెట్టలేదు. వయా మీడియాగా హీరో క్యారెక్టర్ రాయలేదు. తప్పును తప్పు అని చెప్పాడు. ఆ విషయంలో మెచ్చుకోవాలి.

అగ్లీ స్టోరీలో హీరో హీరోయిన్స్ క్యారెక్టర్లను, క్యారెక్టరైజేషన్లను ప్రణవ స్వరూప్ క్లారిటీతో రాసుకున్నారు. కార్తీక్ (నందు)ని ముందు నుంచి సైకోగా చూపించారు. చివరి వరకు అదే కంటిన్యూ చేశారు. అయితే సన్నివేశాల విషయంలో కేర్ తీసుకోలేదు. క్యారెక్టర్లు ఎస్టాబ్లిష్ చేశాక… ఎవరు ఏమిటి? అనేది ప్రేక్షకులకు క్లారిటీ వస్తుంది. ఆ తర్వాత కథ ముందుకు కదలాలి. కానీ, ఇంటర్వెల్ వరకు హీరో సైకోయిజం బేస్డ్ సీన్స్ వస్తుండటం వల్ల… కథను అక్కడక్కడే తిప్పుతున్న ఫీలింగ్ కలుగుతుంది. సన్నివేశాలను రిపీట్ చేస్తున్నట్టు ఉంటుంది. ఇంటర్వెల్ తర్వాత కథలో కదలిక వచ్చింది. క్లైమాక్స్ చూశాక… నందుకు తగిన శాస్తి జరిగిందని ప్రేక్షకుడు సంతృప్తి చెందుతాడు.

ఇష్టం లేని పెళ్లి చేసుకుని నరకయాతన అనుభవిస్తున్న అమ్మాయిలు కనెక్ట్ అయ్యే సన్నివేశాలు సినిమాలో చాలా ఉన్నాయి. ఇష్టం లేనప్పుడు భర్త అయినా సరే ఒంటి మీద చెయ్యి వేస్తే భార్య ఎలా ఫీలవుతుందనేది చూపించారు. భార్యాభర్తల సంబంధంలో సెన్సిబుల్ టాపిక్ concent (సమ్మతి / అనుమతి) ఇంపార్టెన్స్ చూపించారు. కానీ, హీరో సైకోయిజం - క్యారెక్టరైజేషన్ ముందు ఆ పాయింట్ డైల్యూట్ అయ్యింది. సరిగా ఎస్టాబ్లిష్ కాలేదు.

దర్శక రచయితగా కన్సెంట్ మీద ప్రణవ స్వరూప్ డిబేట్ పెట్టలేదు. కానీ, ఆయన కథ డిబేటబుల్ టాపిక్. పెళ్లి తర్వాత మరొక మగాడు ఇష్టం అని చెబితే ఏ భర్త అయినా సరే అలాగే రియాక్ట్ అవుతాడని మేల్ చావనిస్ట్స్, పెళ్లికి ముందు ఇష్టం లేదని చెప్పిన అమ్మాయి మెడలో తాళి కట్టి టార్చర్ చేయడం తప్పని ఫెమినిస్టులు చెప్పడం గ్యారెంటీ. దర్శకుడికి టెక్నికల్ టీమ్ సపోర్ట్ దక్కింది. శ్రీ సాయి కుమార్ ధారా సినిమాటోగ్రఫీ, శ్రవణ్ భరద్వాజ్ సంగీతం సినిమాకు ప్లస్ అయ్యాయి. తక్కువ లొకేషన్స్, మినిమం బడ్జెట్ అయినా క్వాలిటీ వర్క్ ఇచ్చారు. ఆర్ఆర్ బావుంది.

స్క్రీన్ మీద ఎవరు ఉన్నా కనిపించినా సరే… ప్రేక్షకుల కళ్లు మాత్రం నందు సైకోయిజం మీదకు వెళ్తాయి. అంతలా పాత్రలో జీవించేశారు. ఆ క్యారెక్టర్ మీద మనకు కోపం వచ్చేలా నటించారు. అపరిచితుడిలా క్షణ క్షణానికి ఆ క్యారెక్టర్ బిహేవియర్ ఛేంజెస్ చూపిస్తూ తనలోనూ విక్రమ్ లాంటి నటుడు ఉన్నాడని ప్రూవ్ చేసుకునే ప్రయత్నం చేశారు. సక్సెస్ అయ్యారు. నందు నటన ఎలివేట్ కావడానికి అవికా గోర్ నటన కూడా కారణం. హీరో చేసే సైకో చేష్టలకు భయపడుతుంటే ఆ పాత్ర మీద జాలి కలుగుతుంది. ఈ సినిమా అంతటా ఆమె క్యారెక్టర్ ఎమోషనల్ గా సాగింది. శివాజీ రాజాది రెగ్యులర్ ఫాదర్ రోల్. అలాగే, రవితేజ మహాదాస్యం రెగ్యులర్ బాయ్ ఫ్రెండ్ రోల్ చేశారు. వాళ్ళిద్దరూ ఆయా పాత్రలకు తగ్గట్టు నటించారు. చివరిలో ప్రజ్ఞ నయన్ పోలీసుగా సర్ ప్రైజ్ చేశారు. ఆమెది చిన్న రోల్.

Also Read: Drishyam 3 Review In Telugu - 'దృశ్యం 3' రివ్యూ: రీమేక్ కాదు... ఒరిజినల్ - మోహన్ లాల్ సినిమా ఎలా ఉందంటే?

Ugly Story Verdict: ఆడియన్స్ అందరిని అగ్లీ స్టోరీ మెప్పించడం కష్టం. సున్నిత మనస్కులు ఆ సైకోయిజాన్ని, భార్య అనుభవించే నరక యాతనను చూడలేరు. అయితే… సమాజంలో మరో కోణాన్ని ఆవిష్కరించిన చిత్రమిది. సిటీ లైఫ్ లో ఎంతో మంది యువతులు బయటకు చెప్పుకోలేక సైకో భర్తల చేతిలో అనుభవిస్తున్న చిత్రవధకు అద్దం పడుతుంది. కథ కంటే క్యారెక్టరైజేషన్ బేస్ చేసుకుని తీసిన చిత్రమిది. సైకో భర్తగా ఓడిన నందు… నటుడిగా గెలిచాడు. ఆయన కోసం అయితే ఎటువంటి అంచనాలు పెట్టుకోకుండా వెళ్ళండి.

Also Read: Drishyam 3 Box Office Collections Day 1- దృశ్యం 3 ఫస్ట్ డే కలెక్షన్స్... ఫ్లాప్ టాక్‌తో మోహన్ లాల్ రికార్డులు