Janhvi Kapoor: మాల్దీవుల్లోని ఈ విల్లాలో బస చేసేందుకు జాన్వీ రోజుకు ఎంత చెల్లిస్తుందో తెలుసా?

జాన్వీ కపూర్ మాల్దీవుల్లో ఎంజాయ్ చేస్తోంది. బీచుల్లో సరదాగా గడుపుతున్న ఈ క్యూట్ బ్యూటీ.. ఓ విలాసవంతమైన విల్లాలో బస చేస్తోంది. ఆ విల్లా అద్దె రోజుకు ఎంతో తెలిస్తే ఆశ్చర్యపోవాల్సిందే!

బాలీవుడ్ బ్యూటీ, అలనాటి అందాల తార శ్రీదేవి కుమార్తె జాన్వీ కపూర్ ఇటీవల మాల్దీవుల్లో విహారయాత్రకు వెళ్లొచ్చిన సంగతి తెలిసిందే.  విలాసవంతమైన విల్లాలో బస చేస్తూ, ప్రకృతి అందాలను ఆస్వాదిస్తోంది. జాలీగా ఎంజాయ్ చేస్తోంది.

ప్రైవేట్ విల్లాలో బస చేస్తున్న ‘మిలీ’ బ్యూటీ

రిస్టీన్ బీచ్‌లు, క్రిస్టల్ క్లియర్ వాటర్, ఎక్సోటిక్ మెరైన్ లైఫ్, అడ్వెంచర్ స్పోర్ట్స్ సహా పలు సదుపాయాలు అందుబాటులో ఉన్నాయి.  విలాసవంతమైన వాటర్ రిసార్ట్‌ లు స్పెషల్ గా చెప్పుకోవచ్చు. మరికొంత మంది ప్రైవేట్ దీపాల్లో ఎంజాయ్ చేస్తారు. ఇక్కడ ఒక్క రాత్రి గడపడానికి లక్షల రూపాయలు ఖర్చవుతాయి. జాన్వీ కపూర్ సైతం మాల్దీవులలో తన బస కోసం అత్యంత ఖరీదైన రిసార్ట్‌ ను సెలెక్ట్ చేసుకుంది. దాని పేరు సోనేవా జానీ. ఈ రిసార్ట్ 51 ఓవర్-వాటర్ విల్లాలను, మూడు ఐలాండ్ విల్లాలను అందిస్తుంది. ఈ విల్లాలు అత్యంత లగ్జరీగా ఉంటాయి. వాటర్ విల్లాలు వాటర్‌ స్లైడ్‌లు, ప్రైవేట్ పూల్స్, మాస్టర్ బెడ్‌రూమ్‌పై ముడుచుకునే పైకప్పుతో వస్తాయి. ఈ ప్రైవేట్ విల్లాల్లో ప్రైవేట్ పూల్స్ తో పాటు విస్తారమైన ఇండోర్, అవుట్‌ డోర్ స్థలాల్లో ఎంజాయ్ చేయడానికి తగిన సదుపాయాలు కూడా ఉన్నాయి. 

ఒక్క రాత్రికి రూ.14 లక్షల చెల్లించాల్సిందే!

2 బెడ్‌ రూమ్ వాటర్ రిట్రీట్ విత్ స్లైడ్ విల్లాను జాన్వీ బస చేసేందుకు ఎంచుకుంది. ఈ విల్లా 5,597 చదరపు అడుగుల విస్తీర్ణంలో ఉంటుంది. ఇందులో పూల్, వాటర్‌ స్లైడ్, బెడ్‌ రూమ్‌ లో ముడుచుకునే పైకప్పు, సరస్సుకు ప్రైవేట్ యాక్సెస్‌తో కూడిన అవుట్‌డోర్ షవర్, డైనింగ్ ఏరియాతో ఎగువ డెక్, క్యాటమరాన్ నెట్‌లు, ప్యాంట్రీ, మినీబార్, వైన్ ఫ్రిజ్, టీవీ లాంజ్ లాంటి సౌకర్యాలను అందిస్తోంది. ఈ విల్లాలో ఒక రాత్రి గడపడానికి..  సోనెవా వెబ్‌సైట్ ప్రకారం సుమారు రూ.14 లక్షలు ఖర్చు చేయాల్సి ఉంటుంది. జాన్వీ కూడా అక్కడ బస చేసినప్పుడు అంతే మొత్తాన్ని చెల్లిస్తుంది. 

 జాన్వీ నికర ఆస్తుల విలువ ఎంతంటే?  

ఇక జాన్వీ ఆస్తుల గురించి తెలుసుకుంటే.. ఈ 26 ఏండ్ల ముద్దుగుమ్మ నికర ఆస్తుల విలువ రూ. 58 కోట్లు. ఆమె సంపాదనలో ఎక్కువ భాగం సినిమాల నుంచి వచ్చిన ఆదాయమే. ఒక్కో సినిమాకు రూ. 5 కోట్లు వసూలు చేస్తుంది. ఇన్‌స్టాగ్రామ్‌లో 21 మిలియన్లకు పైగా ఫాలోవర్లు ఉండటంతో ఎండార్స్‌మెంట్ల నుంచి కూడా భారీ మొత్తాన్ని సంపాదిస్తోంది. జాన్వీ కపూర్ ప్రమోషనల్ పోస్ట్‌కు రూ.70 లక్షల నుంచి రూ.80 లక్షల వరకు వసూలు చేస్తోంది. గత నెలలో ఈ ముద్దుగుమ్మ ముంబై బాంద్రాలో రూ. 65 కోట్ల డ్యూప్లెక్స్‌ను కొనుగోలు చేసింది.