గుప్పెడంతమనసు ఫిబ్రవరి 7 ఎపిసోడ్ (Guppedanta Manasu February 7th Update)
వసుధార మిషన్ ఎడ్యుకేషన్ ప్రాజెక్టు గురించి రిషికి వివరిస్తూ ఉంటుంది. ఇంతలో వసు చేతిలో మార్కర్ కింద పడిపోవడంతో తీసేందుకు ఇద్దరూ ఒకేసారి కింద కూర్చుని తలకొట్టుకుంటారు..ఇలా ఒకసారి తల తగిలితే కొమ్ములు వస్తాయి మరోసారి కొట్టండి సార్ అని వసు అంటే..వద్దు వచ్చిన కొమ్ములు పోతాయేమో చూసుకో అంటాడు..ఇంతలో వసుధార మళ్లీ తలతో కొడుతుంది. వసు ముక్కుపై మార్కర్ కలర్ అంటుకోవడంతో..చెబుతాడు కానీ వసుకి అర్థంకాకపోవడంతో ఫొటోతీసి చూపిస్తాడు
వసుధార: ఒకప్పుడు మీరే తుడిచేవారు ఇప్పుడు దూరంగా ఉంటున్నారా సార్ అని అనుకుంటుంది
రిషి: దూరమయ్యావా వసుధార అనకుంటాడు
వసు: దూరం మీరే తగ్గించాలి అనుకుంటూ వెళ్లొస్తానని చెప్పివెనక్కు తిరుగుతుంది
ఇంతలో లవ్ సింబల్ కింద పడిపోతుండగా వసు, రిషి ఇద్దరు పట్టుకుంటారు.
రిషి: ఎందుకు పట్టుకున్నావ్ వసుధార
వసు: హార్ట్ కదా సార్
రిషి: హార్ట్ లేని వాళ్ళు హార్ట్ గురించి బాధపడతారా
అప్పుడు వసు అక్కడి నుంచి వెళ్ళిపోతుంది..ఎప్పుడో నా జీవితంలోంచి వెళ్లిపోయావు కదా వసుధారా అని బాధపడతాడు రిషి
Also Read: ఈ రాశివారు ప్రతికూల ఆలోచనలకు దూరంగా ఉంటే డబ్బు సంపాదించే అవకాశం ఉంది, ఫిబ్రవరి 7 రాశిఫలాలు
చక్రపానికి సుమిత్ర ఫోన్ చేసి అక్కడ పరిస్థితులు ఏంటని అడుగుతుంది. అమ్మాయి జీవితం బాగుంటుందని సంతోషించే లోపే వాళ్ళ మధ్య చిక్కుముడి వచ్చి పడింది అంటూ సుమిత్ర మాట్లాడుతుంది..ఏ దేవుడో సాయం చేస్తేకానీ వాళ్లిద్దరూ ఒకటి కారు సుమిత్ర అంటూ మట్లాడుతుండగా.. జగతి, మహేంద్ర అక్కడికి రావడంతో...షాక్ అవుతాడు
చక్రపాణి: మీరు మా ఇంటికి రావడం చాలా సంతోషంగా ఉంది మాటల్లో చెప్పలేనంత ఆనందంగా ఉంది
మహేంద్ర: మర్యాదలు పక్కనపెట్టండి కాసేపు కూర్చోండి. మీతో చిన్న పని ఉండి వచ్చాం
చక్రపాణి: కాల్ చేస్తే మీరు ఎక్కడికి రమ్మంటే అక్కడకు వచ్చేవాడిని కదా
జగతి:వీళ్లిద్దరిని చూస్తే బాధేస్తుంది భయమేస్తోంది చక్రపాణి గారు. రిషి తనంతట తానే నిజం తెలుసుకోవాలని వసుధార అనుకుంటుంది. మరోవైపు రిషి బాధను చూడలేకపోతున్నాం
చక్రపాణి: వసు బయటికి అలా మాట్లాడుతోంది కానీ రిషి సార్ గురించి చాలా బాధపడుతోంది మేడం
మహేంద్ర: అందుకే వారిద్దరినీ పక్కపక్కన ఉండేలా ప్లాన్ చేద్దాం..ఒక ప్లాన్ చేస్తున్నాం మీరు సహాయం చేస్తే చాలంటూ.. వాళ్లిద్దర్నీ ఏదైనా టూర్ పంపించాలి అనుకుంటున్నాం
చక్రపాణి: ఆలోచనలో పడతాడు
సరే మేము వెళ్ళొస్తామని చెప్పి అక్కడి నుంచి జగతి, మహేంద్ర వెళ్ళిపోతారు.
Also Read: ఇగో మాస్టర్ వంకర ప్రశ్నలు, పొగరు తిక్క సమాధానాలు- రిషిధారని కలిపేందుకు మహేంద్ర స్కెచ్
కాలేజీలో వసుధార నిలబడి ఉంటుంది..ఇంతలో వచ్చిన రిషి..లిఫ్ట్ కావాలా అని అడిగి కారు దిగి వెళ్లి అడుగుతాడు. ఇప్పుడు నేను డిబిఎస్టి కాలేజ్ ప్రాజెక్ట్ హెడ్ ని.. క్యాబ్ బుక్ చేసుకోగలను అంటుంది. పొగరు అని మనసులో అనుకుంటాడు రిషి. ఇద్దరూ కాసేపు ఫన్నీగా పోట్లాడుకుంటారు. క్యాబ్ బుక్ చేస్తుంది కానీ క్యాన్సిర్ అవుతుంది. ఎట్టకేలకు కారెక్కిన వసుధార..దారి మధ్యలో.. బొట్టు బిళ్లలు కొనుక్కోవాలి కారు ఆపండి అంటుంది. నేనే మీ డ్రైవర్ ని కాదు లిఫ్ట్ ఇస్తున్నాను అని అంటాడు రిషి.
తర్వాత మహేంద్ర,జగతి, రిషి ముగ్గురు భోజనం చేస్తూ ఉండగా జగతి వాళ్ళు ఏదో చెప్పాలి అనుకుంటుండగా చెప్పండి డాడీ పర్లేదు ఏంటో అని అంటాడు. మిషన్ ఎడ్యుకేషన్ ప్రాజెక్టులో భాగంగా చిన్న చిన్న పల్లెటూర్లకు వెళ్లి గిఫ్ట్ లు ఇవ్వాలి అనుకుంటున్నాము అందుకు నేను జగతి వెళుతున్నాము అనడంతో సరే వెళ్ళండి డాడీ అని అంటాడు రిషి. అయితే టూర్ కి వెళ్లేది మనం కాదు రిషి వసుధార అని తెలిస్తే షాక్ అవుతారు అనుకుంటుంది జగతి. మరోవైపు వసుధార లవ్ సింబల్ వేసి అందులో విఆర్ అని రాస్తుంది. అప్పుడు అక్షరాలు చూస్తున్న మా ఇద్దరిని ఎవరు విడదీయలేరు ఇవి రెండు ఎప్పుడు కలిసే ఉంటాయి అనుకుంటూ సంతోషపడుతూ ఉంటుంది. అప్పుడు రిషితో గడిపిన క్షణాలు గుర్తు తెచ్చుకొుని సంతోష పడుతూ ఉంటుంది వసుధార.
ఇంతలో చక్రపాణి అక్కడికి వచ్చి వసుధారని చూసి నవ్వుతూ ఉంటాడు.
చక్రపాణి: త్వరలోనే మీరిద్దరు ఒకటి అవుతారని అనిపిస్తోందమ్మా
వసు: నాక్కూడా అలాగే ఉంది నాన్న అని అంటుంది
అప్పుడు వసుధార కిటికీ దగ్గరికి వెళ్లి చందమామతో మాట్లాడుతూ ఉంటుంది. హలో చందమామ ఎలా ఉన్నావు నీకు భయపడతానని అనుకుంటున్నావా. నేను రిషి సార్ కె భయపడను అలాంటిది నీకెలా భయపడతాను అనుకుంటూ ఉంటుంది. మరోవైపు రిషి కూడా చందమామతో మాట్లాడుతూ ఉంటాడు. హలో ఏంటి చందమామ సార్ మీరు మీ ఫ్రెండ్ ఒకటేనా, మీకు ఇష్టం వచ్చినప్పుడు వస్తారు లేదంటే వెళ్ళిపోతారు. మేము జ్ఞాపకాలతో బతికేయాలా అని అనుకుంటూ ఉంటాడు రిషి.