Nindu Manasulu Serial Today November 12th: నిండు మనసులు: సిద్ధూ ముందు తలదించుకున్న ప్రేరణ! అన్నాచెల్లెళ్లకి నిజం తెలుసని రచ్చ చేసిన విజయానంద్!

Maharani Series Season 5 OTT : ఓటీటీలోకి మహారాణి సరికొత్త సీజన్ - గుండులో బాలీవుడ్ హీరోయిన్... ఎప్పుడు, ఎందులో స్ట్రీమింగ్ అంటే?

Ganesh Guptha — Thu, 12 Nov 2026 16:08:01 +0530

Huma Qureshi's Maharani Season 5 Web Series OTT Release Date Locked : ఓటీటీల్లో సూపర్ రెస్పాన్స్ అందుకున్న వెబ్ సిరీస్‌ల్లో 'మహారాణి' ఒకటి. బాలీవుడ్ స్టార్ హీరోయిన్ హుమా ఖురేషి ప్రధాన పాత్రలో నటించిన ఈ సిరీస్ 4 సీజన్స్ ఆడియన్స్‌ను అలరించాయి. తాజాగా ఈ పొలిటికల్ థ్రిల్లర్ సరికొత్త సీజన్ ఓటీటీలోకి రాబోతోంది. ఈ మేరకు అఫీషియల్ అనౌన్స్‌మెంట్ వచ్చేసింది.

ప్రోమో రిలీజ్

ఈ సిరీస్ ప్రోమో రిలీజ్ చేశారు మేకర్స్. సీఎం 'రాణి భారతి' పాత్రలో హుమా ఖురేషీ తన అద్భుతమైన నటనతో ఆకట్టుకున్నారు. సరికొత్త ప్రోమోలో సరికొత్త లుక్‌లో గుండులో కనిపించారు. గత సీజన్లలో రాజకీయ పరిణామాలు, అధికార పోరు, ఆసక్తికరమైన మలుపులతో అలరించిన ‘మహారాణి’ కొత్త సీజన్‌పై భారీ హైప్ క్రియేట్ అయ్యింది. గుండుతో హుమా ఖురేషీని చూసిన ఫ్యాన్స్, నెటిజన్స్... అసలు 'రాణి భారతి'కి ఏమైంది? కొత్త కథలో ఏ ట్విస్ట్ నెలకొంటుందో? అని కామెంట్స్ చేస్తున్నారు.

ఈ సిరీస్ ప్రముఖ ఓటీటీ 'సోనీ లివ్' (SonyLIV) సొంతం చేసుకోగా... ఫిబ్రవరి 2027 నుంచి స్ట్రీమింగ్ కానుంది. పునీత్ ప్రకాశ్ దర్శకత్వం వహించగా... హుమా ఖురేషీతో పాటు సోహమ్ షా, అమిత్ సియాల్, వినీత్ కుమార్ తదితరులు కీలక పాత్రల్లో నటిస్తున్నారు. నరేన్ కుమార్ నిర్మించారు. త్వరలోనే అఫీషియల్ రిలీజ్ డేట్ అనౌన్స్ చేయనున్నారు.

Also Read : Anirudh Ravichander Kavya Maran : అనిరుధ్ కావ్య మారన్ వెడ్డింగ్ ఫోటోస్ - గ్రీస్‌లో గ్రాండ్‌గా సంబరాలు

స్టోరీ ఏంటంటే?

గత సీజన్‌లో రాణి భారతి తన కుమారుడు జై హత్యతో తీవ్ర విషాదంలో మునిగిపోతుంది. అతడి శరీరంపై 39 బుల్లెట్ గాయాలున్న విషయాన్ని గుర్తు చేసుకుంటూ, తన కొడుకును చంపిన వారిపై ప్రతీకారం తీర్చుకోవాలని నిర్ణయించుకుంటుంది. ఈసారి రాణి భారతి ప్రయాణం కేవలం రాజకీయాలకే పరిమితం కాకుండా వ్యక్తిగత ప్రతీకారం చుట్టూ తిరగనుంది. తన కొడుకు మరణానికి కారణమైన వారిని గుర్తించి వారికి శిక్ష పడేలా చేయాలని ఆమె ప్రయత్నిస్తుంది. మరోవైపు బీహార్ రాజకీయాలు, ఢిల్లీ అధికార వర్గాల్లో జరిగే పరిణామాలు కూడా కథలో కీలకంగా ఉండనున్నాయి.

Also Read : Alcohol Release Date : అల్లరి నరేష్ ఆల్కహాల్ - ఏడాది తర్వాత న్యూ రిలీజ్ డేట్ ఫిక్స్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Alcohol Release Date : అల్లరి నరేష్ ఆల్కహాల్ - ఏడాది తర్వాత న్యూ రిలీజ్ డేట్ ఫిక్స్

Ganesh Guptha — Thu, 12 Nov 2026 15:30:04 +0530

Allari Naresh's Alcohol Release Date Locked : అల్లరి నరేష్ హీరోగా నటించిన లేటెస్ట్ కామెడీ డ్రామా 'ఆల్కహాల్' (Alcohol). ఈ ఏడాది జనవరి 1న రిలీజ్ కావాల్సిన సినిమా వివిధ కారణాలతో వాయిదా పడుతూ వచ్చింది. దాదాపు ఏడాది తర్వాత ఎట్టకేలకు న్యూ రిలీజ్ డేట్ ఫిక్స్ చేశారు మేకర్స్.

రిలీజ్ ఎప్పుడంటే?

ఈ మూవీని డిసెంబర్ 18న రిలీజ్ చేయనున్నారు. 'ఫ్యామిలీ డ్రామా' మూవీ ఫేమ్ మెహర్ తేజ్ దర్శకత్వం వహించగా... అల్లరి నరేష్ సరసన రుహానీ శర్మ, నిహారిక ఎన్‌ఎం నటిస్తున్నారు. గిరీష్ కులకర్ణి, హర్షవర్ధన్, చైతన్య కృష్ణ తదితరులు కీలక పాత్రలు పోషించారు. మెహర్ తేజ్ దర్శకత్వం వహించగా... గిబ్రాన్ మ్యూజిక్ అందించారు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ నిర్మాణ సంస్థలపై సూర్యదేవర నాగవంశీ, సాయి సౌజన్య నిర్మించారు. ఇప్పటికే రిలీజ్ చేసిన టీజర్ హైప్ క్రియేట్ చేసింది.

మరోసారి కామెడీ జానర్‌లో...

వైవిధ్యమైన కథలు, విభిన్నమైన రోల్స్‌తో ఆకట్టుకునే అల్లరి నరేష్... మళ్లీ కామెడీ జానర్‌తో అలరించబోతున్నారు. 'ఆల్కహాల్' మూవీలో నరేష్ రిచ్చెస్ట్ పర్సన్‌గా కనిపించనున్నారు. ఆదాయం లక్షల్లో ఉన్నప్పటికీ ఆయనకు మద్యం తాగే అలవాటు ఉండదు. డ్రింకింగ్ తన మనసును కంట్రోల్ చేయడం తనకు ఇష్టం లేదని ఓ సందర్భంలో చెబుతారు. అయితే ఆయన ప్రవర్తన, చేసే పనులు మాత్రం అందరినీ ఆశ్చర్యపరిచేలా ఉంటాయి.

మరోవైపు తన స్నేహితుల కోసం నరేష్ ఓ ఆల్కహాల్ పార్టీ ఏర్పాటు చేస్తారు. అయితే ఈ పార్టీ వెనుక ఓ పెద్ద ప్లాన్ ఉన్నట్లు టీజర్‌ను బట్టి తెలుస్తుంది. పార్టీలో పాల్గొన్న వారందరినీ చంపేస్తానని నరేష్ చెప్పడంతో సస్పెన్స్ నెలకొంటుంది. అసలు ఈ పార్టీ వెనుక ఉన్న రహస్యం ఏంటి? గతంలో ఏదైనా సంఘటన జరిగిందా? అనేది తెలియాలంటే సినిమా రిలీజ్ వరకూ ఆగాల్సిందే.

Also Read : Baththa Movie OTT : ఓటీటీలో విజయ్ సేతుపతి కొత్త మూవీ రికార్డ్ - 48 లక్షల వ్యూస్‌తో ట్రెండింగ్‌లో బత్తా... ఎందుకు చూడాలంటే?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Ramayana Collections : రామాయణ న్యూ రికార్డ్ - వెయ్యి కోట్లకు చేరువలో విజువల్ వండర్

Ganesh Guptha — Thu, 12 Nov 2026 15:06:23 +0530

Ranbir Kapoor's Ramayana Box Office World Wide Collections : రీసెంట్ మైథలాజికల్ ఎపిక్ 'రామాయణ' బాక్సాఫీస్ వద్ద రికార్డు కలెక్షన్స్‌తో దూసుకెళ్తోంది. అంతే కాకుండా 99వ ఆస్కార్ అవార్డ్ రేసింగ్‌లోనూ నిలిచింది. నవంబర్ 5న ప్రేక్షకుల ముందుకు వచ్చిన ఈ సినిమా 7 రోజుల్లోనే రూ.1000 కోట్లకు చేరువలో ఉంది.

రామాయణ వారం రోజుల్లోనే ప్రపంచవ్యాప్తంగా మొత్తం రూ.934.55 కోట్ల గ్రాస్ కలెక్షన్స్ సాధించినట్లు ట్రేడ్ వర్గాలు అంచనా వేస్తున్నాయి. ఇండియావ్యాప్తంగా రూ.611.05 కోట్ల గ్రాస్ కలెక్షన్స్ సాధించగా... రూ.511.10 కోట్ల నెట్ కలెక్ట్ చేసినట్లు తెలుస్తోంది. ఓవర్సీస్‌లో రూ.323.50 కోట్ల గ్రాస్ కలెక్షన్లు సాధించింది.

కలెక్షన్స్ వివరాలు ఇలా :

వరల్డ్‌వైడ్ గ్రాస్ - రూ.934.55 కోట్లు
ఓవర్సీస్ గ్రాస్ - రూ.323.50 కోట్లు
ఇండియా గ్రాస్ - రూ.611.05 కోట్లు
ఇండియా నెట్ - రూ.511.10 కోట్లు

ఆస్కార్ బరిలో...

నితీశ్ తివారీ దర్శకత్వం వహించిన ఈ సినిమాలో శ్రీరాముడిగా రణబీర్, సీతగా సాయిపల్లవి, రావణుడిగా కన్నడ రాకింగ్ స్టార్ యశ్ ప్రధాన పాత్రల్లో నటించారు. వారం రోజుల్లోనే సూపర్ కలెక్షన్స్‌తో దూసుకెళ్తోన్న సినిమా ఆస్కార్ బరిలోనూ నిలిచింది. అకాడమీ తదుపరి దశల్లో ఈ మూవీ ఎంపికైతే ఇండియన్ సినీ ఇండస్ట్రీలో అంతర్జాతీయ స్థాయిలో మరో గుర్తింపు లభిస్తుంది.

సినిమాలో లక్ష్మణుడిగా రవి దూబే, రావణుడిగా యశ్, మండోదరిగా కాజల్ అగర్వాల్, భరతుడిగా ఆదినాథ్ కొఠారే, శతృఘ్నుడిగా నితీశ్ శర్మ, శూర్ఫణఖగా రకుల్ ప్రీత్ సింగ్ నటించారు. దాదాపు రూ. 4 వేల కోట్ల బడ్జెట్‌తో నమిత్ మల్హోత్రా, కన్నడ స్టార్ యశ్ సంయుక్తంగా నిర్మించారు.

Also Read : Idupu Kayitham Teaser : ఇడుపు కాయితం టీజర్ రివ్యూ - అందమైన వివాహ బంధంలో బిగ్ ట్విస్ట్

స్టోరీ ఏంటంటే?

రామాయణం కథలో డైరెక్టర్ నితీశ్ తివారీ సరికొత్త కోణాన్ని చూపించారు. రావణుడి రోల్ పరిచయంతో ప్రారంభమైన రామాయణ... లంకలో అసుర సామ్రాజ్యంపై ఇంద్రుడు (కునాల్ కపూర్) తన దేవతల సమాహారంతో భీకర యుద్ధం చేసి నగరాన్ని సొంతం చేసుకుని ఆ బాధ్యతను కుబేరునికి అప్పగిస్తాడు. ఓటమి తర్వాత కైకసి (శోభన) అవమాన భారంతో పెద్ద కొడుకు దశానన (యష్) దగ్గరకు వెళ్తుంది. దీంతో ఘోర తపస్సు చేసిన బ్రహ్మ నుంచి వరాలు పొందిన దశానన... రావణుడిగా వచ్చి లంకా నగరాన్ని హస్తగతం చేసుకుంటాడు. ముల్లోకాలకు అధిపతిగా అవతరిస్తాడు.

రావణుడి పాలనలో యజ్ఞ యాగాదులు ఆటంకం కలుగుతుంది. సృష్టి వినాశనం అవుతుందని బ్రహ్మ దగ్గరకు వెళ్తాడు దేవేంద్రుడు (కునాల్ కపూర్). అప్పుడు మానవుడిగా అవతారం దాలుస్తారు బ్రహ్మ. అయోధ్యలో దశరథుని ఇంట రాముడు (రణబీర్ కపూర్) జన్మిస్తారు. ఆయన బాల్యం నుంచి సీతాదేవి (సాయి పల్లవి)తో స్వయంవరం, వివాహం... కైకేయి (లారా దత్తా)కు తండ్రి దశరథ మహారాజు (అరుణ్ గోవిల్) ఇచ్చిన వాగ్దానాన్ని నెరవేర్చడం కోసం వనవాసానికి వెళ్లడం, అక్కడ శూర్పణఖ (రకుల్ ప్రీత్ సింగ్) ముక్కును లక్ష్మణుడు (రవి దూబే) కోయడం, సీతను రావణుడు అపహరించడం వరకు... ఇందులో చూపించారు.

Anirudh Ravichander Kavya Maran : అనిరుధ్ కావ్య మారన్ వెడ్డింగ్ ఫోటోస్ - గ్రీస్‌లో గ్రాండ్‌గా సంబరాలు

Ganesh Guptha — Thu, 12 Nov 2026 13:31:06 +0530

Anirudh Ravichander Kavya Maran : అనిరుధ్ కావ్య మారన్ వెడ్డింగ్ ఫోటోస్ - గ్రీస్‌లో గ్రాండ్‌గా సంబరాలు

Idupu Kayitham Teaser : ఇడుపు కాయితం టీజర్ రివ్యూ - అందమైన వివాహ బంధంలో బిగ్ ట్విస్ట్

Ganesh Guptha — Thu, 12 Nov 2026 12:55:40 +0530

Priyadarshi's Idupu Kayitham Teaser Telugu Review : టాలీవుడ్ యంగ్ హీరో ప్రియదర్శి, ఫేమస్ ఫోక్ డ్యాన్సర్ నాగదుర్గ జంటగా నటించిన విలేజ్ ఫ్యామిలీ ఎంటర్టైనర్ 'ఇడుపు కాయితం'. ఇప్పటికే ఈ మూవీ నుంచి సాంగ్స్ భారీ హైప్ క్రియేట్ చేస్తుండగా.. తాజా రిలీజ్ చేసిన టీజర్ ట్రెండ్ అవుతోంది.

టీజర్ ఎలా ఉందంటే?

బ్రహ్మశ్రీ చాగంటి గారి ప్రవచనంతో ప్రారంభమైన టీజర్... తెలంగాణ పల్లెటూరిలో ఓ జంట పెళ్లి చూపులు, వివాహ బంధంలోకి అడుగుపెట్టడం, అలకలు, వివాదాలు చివరకు విడిపోయే వరకూ చేసుకున్న 'ఇడుపు కాయితం' వరకూ సాగింది. చాంగటి గారి ప్రవచనంలో రామాయణ ఘట్టం, సీతమ్మ ఎంట్రీతో... హీరోయిన్ ఎంటర్ కావడం హీరో ఆమెను చూసి ఇష్టపడడం పెళ్లి వరకూ అందంగా సాగుతుంది. తెలంగాణ పల్లె సంస్కృతి, సంప్రదాయాలు అప్పటి తరంలో వివాహ బంధాలు, భార్యాభర్తల మధ్య అలకలు, వివాదాలు వంటి అంశాలను ఎమోషనల్‌గా చూపించారు.

పల్లెటూరిలో పెళ్లి చూపులతో మొదలైన ఓ యువతీ యువకుడి వివాహ బంధం... ఇద్దరూ విడిపోయే ఇడుపు కాయితం వరకూ ఎందుకు వెళ్లింది? కొత్త జంట మధ్య వచ్చిన తగాదాలు ఏంటి? ఇరువర్గాల ఫ్యామిలీ మెంబర్స్ ఇందులో ఎలాంటి పాత్ర పోషించారు? చివరకు వీరి ప్రయాణం ఇడుపు కాయితంతో విడిపోయిందా? మళ్లీ ఒక్కటయ్యారా? అనేది తెలియాలంటే సినిమా రిలీజ్ వరకూ ఆగాల్సిందే.

సినిమాలో ప్రియదర్శి, నాగదుర్గలతో పాటు శివజ్యోతి (తీన్మార్ సావిత్రి), సుజాత, చంద్రవ్వ, మౌనిక రెడ్డి, రచ్చ రవి, బిత్తిరి సత్తి, అభయ్ భేతిగంట, మైమ్ మధు తదితరులు కీలకపాత్రలు పోషిస్తున్నారు. వంశీరెడ్డి దొండపాటి దర్శకత్వం వహిస్తుండగా... సుకుమార్ రైటింగ్స్, బన్నీ వాస్ వర్క్స్ సంయుక్తంగా నిర్మించాయి. డిసెంబర్ 11న సినిమా ప్రేక్షకుల ముందుకు రానుంది.

Also Read : Romantic Drama Series OTT : ఓటీటీలోకి వచ్చేస్తోన్న రొమాంటిక్ డ్రామా - అదితి రావ్ హైదరీ 'ఓ సాథీ రే' స్ట్రీమింగ్ ఎప్పుడు, ఎక్కడంటే?

Godavari Serial Today November 12th: 'గోదావరి' సీరియల్: జానుకి సంజయ్ వెరైటీ సారీ! నందుపై ఆకర్ష్‌ స్పెషన్ కేర్! మురళీకి నో చెప్పిన నందు!

Jhanshi Balleda — Thu, 12 Nov 2026 12:19:29 +0530

Godavari Serial Today Episode ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు (నవంబరు 12వ తేదీన) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

సారీ చెప్పేయ్‌రా..

జాను బామ్మ, తాతయ్య, సంజుకి టిఫెన్ పెడుతుంది. జాను సంజయ్‌తో మాట్లాడదు..ఈ అలక సీన్ ఎంత వరకు సాగదీస్తారు అని సంజయ్ అంటే సారీ చెప్పేవరకు అని జాను అంటుంది. ఇద్దరూ బామ్మ, తాతయ్యలను మధ్యలో మధ్యవర్తులుగా మాట్లాడుతూ ఉంటే.. మాకేంటి ఇది అని శివుడు అంటాడు. సారీ చెప్పేయ్‌రా అంటే నా పరువు పోతుంది అని సంజయ్ అంటాడు. పెళ్లాల చేతుల్లో ఎవరూ గెలవలేరురా.. నా మాట వినేసి సారీ చెప్పేయ్ అంటాడు. నేను చెప్పను అని సంజయ్ అంటే ఆ పిల్ల మంచిది కాబట్టి ఇంకా పంచాయితీ పెట్టించడలేదు.. లేదంటే వాళ్ల ఇంట్లో అందరినీ పిలిచి అందరి ముందు సారీ చెప్పమంటే ఇంకా బాగోదు.. దాని కంటే ఎవరూ లేనప్పుడు నువ్వు సారీ చెప్పేస్తే బెటర్ అంటారు. ఏదో ఒకటి చేస్తా మీరు భయపెట్టకండీ అని సంజయ్ అంటాడు.

నందుపై ఆకర్ష్‌ ప్రత్యేక శ్రద్ధ..

నందు ఆఫీస్‌కి వెళ్లి బాస్‌ని విష్ చేస్తుంది. ఆకర్ష్ నందుతో నీ కోసమే వెయిట్ చేస్తున్నా సంతకాలు కావాలి అని చెప్పి సంతకాలు పెట్టమంటాడు. నందు సంతకం పెట్టడానికి రెడీ అవుతూ మురళీకి గుండీ కుట్టినప్పుడు సూది గుచ్చుకున్న నొప్పికి పెన్ను పట్టుకోలేక అబ్బా అని అరుస్తుంది. దాంతో ఆకర్ష్ ఏమైందని అడిగి సూది గుచ్చుకుంది అనగానే అకర్ష్‌ చాలా టెన్షన్ పడి డాక్టర్‌ని పిలిపించి ట్రీట్మెంట్ ఇప్పిస్తాడు. స్టాఫ్ చూసి బాస్ చాలా ఎక్కువ చేస్తున్నాడు.. అలకనందకి పడిపోయాడు.. నందునే బాస్‌ని పడేసింది అని అనుకుంటారు. ఏంటి సార్ ఇది చిన్న గాయానికి డాక్టర్ ఎందుకు డబ్బులు వేస్ట్ అని నందు అంటే నువ్వు డబ్బు చూస్తున్నావ్ నేను నీ బాధ చూస్తున్నా అని ఆకర్ష్ అంటాడు.

సంజయ్ ప్రయత్నం..

జాను కిచెన్‌లో దోసెలు చేస్తుంటే సంజయ్ పేపర్ మీద సారీ అని రాసి జాను దగ్గరకు వెళ్లి ఐయామ్ వెరీ సారీ అంటూ సాంగ్ పాడుతాడు. జాను పేపర్ తీసి నలిపేసి డస్ట్ బిన్‌లో పడేస్తుంది. హలో నటకుమారి ఈ బ్రహ్మచారి చెప్తున్నాడు నీకు సారీ అందుకో ఈసారి అని కవిత కూడా చెప్తాడు. తర్వాత కాలి మీద పెనం పడిపోయినట్లు నటిస్తాడు కూడా కానీ జాను ఉరిమి ఉరిమి చూస్తుంది. ఏంటి బతిమాలితే చెట్టెక్కి కూర్చొంటున్నావ్.. పొరపాటున నోరు జారితే ఇంత బిల్డప్ ఇవ్వాలి.. జీవితంలో ఎవరికీ నేను సారీ చెప్పలేదు.. ఈ సంజు సారీ చెప్తే బెట్టు చేస్తావేంటి అని అంటాడు. జాను ఏం మాట్లాడకుండా మూతి తిప్పుకొని వెళ్లిపోతుంది. బామ్మ శివుడు చూసి గట్టిగానే హర్ట్ చేశాడు అనుకొని ఓ ప్లాన్ వేస్తారు.

నేను తను వేరు వేరు..

గౌతమి, కిన్నెర ఇంట్లో అందరినీ పిలిచి దీపావళి పండగ వస్తుంది. షాపింగ్ చేద్దాం అంటారు. దానిని నందు షాపింగ్‌లు జల్సాలు మనసులో నుంచి తీసేయ్.. నాన్నతోనే పండగలు ఆనందాలు వెళ్లిపోయావి.. మిగతా కొంచెం కూడా ఆ జాను తీసుకెళ్లిపోయింది.. అని అంటుంది. రేపు నా టైలరింగ్ షాప్ ఉంది నువ్వు నా పక్కనే ఉండాలి నందు అని మురళీ అంటే నీ షాప్ ఓపెనింగ్‌కి నేను ఎందుకు నేను రాను అంటుంది. నీది నాది అంటావేంటే మురళీ షాప్ నీ షాప్ కాదా అని శారద అంటే మీరు టైలర్ షాప్ తెరుచుకోండి.. పూజ చేసుకోండి.. నాకు సంబంధం లేదు నేను రాను.. నాకు ఆఫీస్ ఉంది అని నందు అంటుంది. పండగ పూట ఆఫీస్ ఏంటి అని అంటే ఆఫీస్ ఉంది రానంటే రాను అని నందు తేల్చేస్తుంది. మరోవైపు పారు శివుడు బ్యాగ్ సర్దేస్తారు. జాను, సంజయ్ చూసి ఎక్కడికి అని అంటే నీకు పెళ్లి అయితే శ్రీశైలం వెళ్లి దీపం పెడదాం అనుకున్నాం అంటారు. దానికి సంజయ్ అసలు పెళ్లి అయితే కదా అని అంటాడు. అందరూ షాక్ అయిపోతారు. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుందో తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.

Sekhar Master : శేఖర్ మాస్టర్ కారుకు ప్రమాదం - అసలేం జరిగిందంటే?

Ganesh Guptha — Thu, 12 Nov 2026 12:08:29 +0530

Tollywood Choregrapher Sekhar Master Car Accident : టాలీవుడ్ ఫేమస్ కొరియోగ్రాఫర్ శేఖర్ మాస్టర్ ప్రయాణిస్తున్న కారు ప్రమాదానికి గురైంది. బుధవారం రాత్రి చిరంజీవి 'కాకా' మూవీ సాంగ్ షూటింగ్ కంప్లీట్ చేసుకుని హైదరాబాద్ తిరిగి వస్తుండగా... ముచ్చింతల్ వద్ద ఈ ఘటన జరిగింది.

పండ్ల లోడ్‌తో వస్తున్న లారీ నాలుగు రోడ్ల కూడలి వద్ద శేఖర్ మాస్టర్ కారును ఢీకొట్టింది. ప్రమాదంలో కారు దెబ్బతినగా ఆయనకు స్వల్ప గాయాలైనట్లు తెలుస్తోంది. ఆయనతో పాటు ఉన్న వారికి కూడా స్వల్ప గాయాలతో ప్రమాదం నుంచి బయటపడ్డారు. మహేశ్వరం పరిధిలోని గొల్లూరులో షూటింగ్ పూర్తి చేసుకొని తిరిగివస్తుండగా ప్రమాదం జరిగినట్లు సమాచారం. ఘటనలో కారు నుజ్జు నుజ్జు కాగా... ప్రమాదం తర్వాత శేఖర్ మాస్టర్ వేరే కారులో హైదరాబాద్ వెళ్లిపోయారు. ఈ ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.

Baththa Movie OTT : ఓటీటీలో విజయ్ సేతుపతి కొత్త మూవీ రికార్డ్ - 48 లక్షల వ్యూస్‌తో ట్రెండింగ్‌లో బత్తా... ఎందుకు చూడాలంటే?

Ganesh Guptha — Thu, 12 Nov 2026 11:45:59 +0530

Vijay Sethupathi's Baththa OTT Streaming Top Trending : తమిళ సినిమాలకు తెలుగులోనూ సూపర్ క్రేజ్ ఉంది. కోలీవుడ్ స్టార్ హీరో విజయ్ సేతుపతి ప్రధాన పాత్రలో నటించిన కామెడీ డ్రామా బత్తా (Baththa). అక్టోబర్ 1న థియేటర్లలోకి వచ్చిన ఈ మూవీ పాజిటివ్ టాక్ సొంతం చేసుకుంది. ఇప్పుడు ఓటీటీలోనూ అదరగొడుతోంది. అక్టోబర్ 29 నుంచి స్ట్రీమింగ్ అవుతోన్న ఈ మూవీ ఏకంగా 48 లక్షల వ్యూస్ తో రికార్డు క్రియేట్ చేసింది. ప్రస్తుతం ఈ మూవీ ఇండియాతో సహా మొత్తం 12 దేశాల్లో టాప్ ట్రెండింగ్ లో నిలిచింది.

ఎందులో స్ట్రీమింగ్ అంటే?

ఇంటర్నేషనల్ ఓటీటీ నెట్ ఫ్లిక్స్ (netflix)లో తమిళం తోపాటు తెలుగు, హిందీ, కన్నడ, మలయాళం భాషల్లో స్ట్రీమింగ్ అవుతోంది. ఐఎండీబీలోనూ 9.1 రేటింగ్ దక్కించుకుంది. ఈ మూవీకి బాలాజీ తరణీధరన్ దర్శకత్వం వహించగా... విజయ్ సేతుపతితో పాటు అర్జున్ చిదంబరం, లిజోమోల్ జోస్, సాయి పృథ్వీరాజ్, అజయ్ ఘోష్, విష్ణు గోవిందన్ తదితరులు కీలకపాత్రలు పోషించారు. సాయి అభ్యంకర్ మ్యూజిక్ అందించగా... మురాద్ ఖేతాని, ప్రియా అట్లీ, అలోక్ జైన్, అజిత్ అంధారే నిర్మించారు.

స్టొరీ ఏంటంటే?

1986లో మద్రాస్ నేపథ్యంలో ఈ సినిమా కథ సాగుతుంది. బత్తవాచలం అలియాస్ బత్తా (విజయ్ సేతుపతి) ఒక పేరుమోసిన గ్యాంగ్‌స్టర్. అతడి పేరు వింటేనే చుట్టుపక్కల ప్రాంతాల ప్రజలు భయపడుతుంటారు. అనుకోని ఓ సంఘటన అతడి జీవితాన్ని పూర్తిగా మార్చేస్తుంది. శబరి అనే ఎనిమిదేళ్ల బాలుడు తన బొమ్మ కోసం ఓ పాఠశాలలోకి వెళ్తాడు. ఆ సమయంలో అక్కడ ఉన్న బత్తా అనుకోకుండా స్కూల్ బాత్రూమ్‌లో చిక్కుకుపోతాడు. బాలుడు బయట నుంచి తలుపు వేయడంతో అతడికి బయటకు వచ్చే మార్గం లేకుండా పోతుంది. దీంతో తనను అక్కడ బంధించిన వాడిని వెతికి పట్టుకోమని తన వారికి చెబుతాడు బత్తా.

సాధారణంగా తన మాటతో ఎవరినైనా భయపెట్టగలిగే బత్తా.. ఇప్పుడు ఓ చిన్న బాలుడి ముందు నిస్సహాయంగా మారిపోతాడు. మొదట్లో బత్తాను చూసి భయపడిన శబరి అతడికి సహాయం చేయడానికి కూడా వెనుకాడతాడు. తర్వాత అది ఓ బాలుడు అని తెలుసుకున్న అతని మనసు మారుతుంది. మొదట కోపంతో మొదలైన వారి అనుబంధం ఆ తర్వాత ఫ్రెండ్షిప్‌గా మారుతుంది. ఒకవైపు గ్యాంగ్‌స్టర్‌గా బత్తా ఎదుర్కొనే సమస్యలు, మరోవైపు అతడి కుటుంబ జీవితంలోని సంఘర్షణలు కథలో ఆసక్తిని పెంచుతాయి. బత్తాను బాలుడు ఎందుకు టాయిలెట్‌లో పెట్టాడు? శబరితో ఏర్పడిన పరిచయం బత్తాలో ఎలాంటి మార్పులు తీసుకొచ్చింది? తన గతం, ప్రవర్తన గురించి అతడు ఎలా ఆలోచించడం మొదలుపెట్టాడు? చివరకు ఆ బాత్రూమ్ నుంచి బత్తా ఎలా బయటపడ్డాడు? అనేదే సినిమా కథ.

Also Read : Priya Bhavani Shankar Wedding : ఇరుముడి హీరోయిన్ పెళ్లి - పదేళ్ల ప్రేమతో ఒక్కటైన బంధం... ఫోటోస్ వైరల్

Romantic Drama Series OTT : ఓటీటీలోకి వచ్చేస్తోన్న రొమాంటిక్ డ్రామా - అదితి రావ్ హైదరీ 'ఓ సాథీ రే' స్ట్రీమింగ్ ఎప్పుడు, ఎక్కడంటే?

Ganesh Guptha — Thu, 12 Nov 2026 11:11:58 +0530

Aditi Rao Hydari's Romantic Drama O Saathi Re OTT Release Date Locked : బాలీవుడ్ బ్యూటీ అదితీరావ్ హైదరీ వరుస సినిమాలతోనే కాకుండా వెబ్ సిరీస్‌లతోనూ బిజీగా ఉన్నారు. రెండేళ్ల క్రితం 'హీరామండి' సిరీస్‌తో ఆకట్టుకున్న అదితీ రావ్... తాజాగా మరో వెబ్ సిరీస్‌తో ఓటీటీ ఆడియన్స్ ముందుకు వచ్చేందుకు రెడీ అవుతున్నారు. ఈ మేరకు అఫీషియల్ అనౌన్స్‌మెంట్ వచ్చేసింది.

ఎప్పుడు, ఎందులో స్ట్రీమింగ్ అంటే?

అదితి రావ్ హైదరీ, అర్జున్ రాంపాల్ ప్రధాన పాత్రల్లో నటించిన రొమాంటిక్ డ్రామా సిరీస్ 'ఓ సాథీ రే' (O Saathi Re). ఇంటర్నేషనల్ ఓటీటీ 'నెట్ ఫ్లిక్స్‌'లో (Netflix) డిసెంబర్ 4 నుంచి స్ట్రీమింగ్ కానుంది. ఈ సిరీస్‌కు ఆరిఫ్ అలీ దర్శకత్వం వహించగా... ప్రముఖ డైరెక్టర్ ఇంతియాజ్ అలీ షో రన్నర్‌గా వ్యవహరించారు. అదితి రావ్, అర్జున్ రాంపాల్‌తో పాటు అహనాస్ చన్నా, అవినాశ్ తివారీ తదితరులు కీలకపాత్రలు పోషించారు.

Also Read : Jailer 2 OTT : ఓటీటీలోకి వచ్చేసిన రజనీ కాంత్ 'జైలర్ 2' - బ్లాక్ బస్టర్ మూవీ ఎన్ని భాషల్లో స్ట్రీమింగ్ అంటే?

స్టోరీ ఏంటంటే?

ఈ సిరీస్ స్టోరీ డివోర్స్ తీసుకునేందుకు రెడీ అయిన ఓ జంట చుట్టూ తిరుగుతుంది. ఇద్దరూ విడిపోయే క్రమంలో వారి మధ్య ఉండే అసమానతలు, ఎమోషనల్ మూమెంట్స్, అనుబంధాలను ఇందులో చూపించినట్లు తెలుస్తోంది. తన భార్య మరో వ్యక్తితో సన్నిహితంగా ఉందని తెలిసినా... భర్త ఆమె సంతోషం కోసం ఏం చేశాడు? అనేదే ప్రధానాంశంగా స్టోరీ సాగినట్లు ప్రమోషనల్ వీడియోస్ బట్టి తెలుస్తోంది. చివరకు భార్యాభర్తల మధ్యలో వచ్చిన మూడో వ్యక్తి ఎవరు? ఇద్దరూ విడాకులు తీసుకున్నారా? చివరకు ఏం జరిగింది? అనేది తెలియాలంటే సిరీస్ చూడాల్సిందే.

View this post on Instagram

A post shared by Netflix India (@netflix_in)

Also Read : Anirudh Ravichander Kavya Maran Wedding : అనిరుధ్ కావ్యల పెళ్లిలో రజనీ కాంత్ డ్యాన్స్ - గ్రేస్ వేరే లెవల్... వీడియోస్ వైరల్

Nindu Manasulu Serial Today November 12th: నిండు మనసులు: సిద్ధూ ముందు తలదించుకున్న ప్రేరణ! అన్నాచెల్లెళ్లకి నిజం తెలుసని రచ్చ చేసిన విజయానంద్!

Jhanshi Balleda — Thu, 12 Nov 2026 10:54:25 +0530

Nindu Manasulu Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు (నవంబరు 12న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

అలా చూడటం సంతోషంగా ఉంది..

రాజశేఖరం వాళ్లు ఇంటికి వచ్చేసరికి సిద్ధూ ప్రేరణలు ఒకరి మీద ఒకరు పడిపోయి ఒకర్ని ఒకరు పట్టుకోవడం చూసి సంతోషపడతారు. ఇందతా ఐశ్వర్య వల్లే అని ఐశ్వర్యని తెగ మెచ్చుకుంటారు. ఇక గణ, ప్రేరణ కేసు విషయం మాట్లాడుకుంటూ ఉంటారు. ఇంతలో మంజుల విజయానంద్ వస్తారు. విజయానంద్ సిద్ధూని పిలిచి నీకు మళ్లీ మోసం జరిగింది అని చెప్తాడు.

గణ ప్రేరణ మోసం చేశారు..

ఏమైంది అని అందరూ విజయానంద్‌ని అడుగుతారు. ఈ సిద్ధూ, ప్రేరణ సిద్ధూని మోసం చేశారు.. మా సిద్ధూ జీవితం నాశనం చేయాలి అనుకుంటున్నారు. ఆ రోజు నువ్వు రాజశేఖరాన్ని కాల్చేలేదు అని ఎంత చెప్పినా వీళ్లు వినలేదు కదా.. కానీ నువ్వు రాజశేఖరాన్ని కాల్చలేదు అన్న నిజం ఈ గణకి ప్రేరణలకు తెలుసు అని చెప్తాడు. అందరూ షాక్ అయిపోతారు. ఆ రోజు రాజశేఖరం రక్తపు మడుగులో పడటానికి మా సిద్ధూ కారణం కాదు.. గణ ఒట్టేసి చెప్పు అని అంటాడు. దానికి గణ ఈ విషయం మాకు తెలుసు అని అంటాడు.

ఎందుకు మాతో చెప్పలేదు..

ప్రేరణ తల దించుకుంటుంది. అందరూ ప్రేరణని ఎందుకు ఈ విషయం ముందే చెప్పలేదు అని అడుగుతాడు. దానికి గణ దయచేసి మీరు అందరూ ప్రేరణని తప్పుగా అర్థం చేసుకోవద్దు.. తను ఏ తప్పు చేయలేదు.. ఈ విషయం దాయాలి అనుకోలేదు అని అంటాడు. ఆపండయ్యా ఎవరు ఎలాంటి వాళ్లో మా సిద్ధూకి తెలుసు అని విజయానంద్ అంటే విషయం పూర్తిగా తెలుసుకోకుండా మాట్లాడుతున్నారు అని గణ అంటే మీరు సిద్ధూకి ఈ విషయం ఎందుకు చెప్పలేదో మాకు తెలుసు.. సిద్ధూ అంటే ప్రేరణకి ఇష్టం లేదు.. తనతో కలిసి ఉండటం ఇష్టం లేదు.. ఈ విషయం ఇప్పుడు చెప్పేస్తే విడాకులు ఇవ్వడు అని చెప్పలేదు అని విజయ్ అంటాడు. నా కూతురు అలా చేయదు అని రాజశేఖరం అంటాడు. సిద్ధూ మీద వేసిన నింద బలంగా ఉండాలనే ఇంకా నిజం చెప్పలేదు.. సిద్ధూ జీవితం నాశనం చేయాలి అనే ఇలా చేసింది అని విజయాంద్ అంటాడు. ప్రేరణ మాత్రం ఏం మాట్లాడకుండా అలాగే నిల్చొంటుంది.

ప్రేరణతో విడిపో సిద్ధూ..

సిద్ధూ ప్రేరణ నయవంచకురాలు.. ఇలాంటి ప్రేరణతో నువ్వు కలిసి ఉండొద్దు విడిపో అని విజయ్ అంటాడు. ఏంటి సిద్ధూ మాట్లాడవు అని విజయానంద్ అంటాడు. చెప్పు ప్రేరణ ఈ నిజం నీకు తెలుసు అని నాకు తెలీదు అని నువ్వు అనుకుంటున్నావా.. ప్రేరణకు ఈ నిజం తెలుసు అని నాకు ముందే తెలుసు అని సిద్ధూ ప్రేరణ, గణలకు షాక్ ఇస్తాడు. తనే చెప్తుంది అని ఇన్ని రోజులు వెయిట్ చేశాను.. అని అంటాడు. బావ నాకు చెప్పినా అడిగే వాడిని అని అంటాడు. ప్రేరణ నువ్వు ముందే ఈ విషయం నాకు చెప్పి సారీ చెప్పుంటే ఆవేశంలో అనేశావ్ అని క్షమించేవాడిని.. ఎలాగూ విడిపోతున్నాం కదా చెప్పాల్సిన అవసరం ఏంటి అనుకున్నావా.. ప్రేరణ నిన్ను నేను క్షమించలేని అంత తప్పు చేశానా.. నేను చేయని తప్పునకు ఆ రోజే నువ్వు నన్ను దూరం చేసుకున్నావ్ కదా అని అడుగుతాడు. ప్రేరణ ఎమోషనల్ అయిపోతుంది. విజయానంద్ సిద్ధూని ఇంటికి వచ్చేయ్ అంటే చెప్పాలి అనుకున్నావ్ చెప్పేశావ్ ఇక మీరు ఇంటికి వెళ్లిపోండి అంటాడు. సిద్ధూ నువ్వు ఇంత బాధ మోస్తుంటే తట్టుకోలేకపోతున్నా.. ఎందుకు ప్రేరణ సిద్ధూకి నిజం చెప్పలేకపోయావ్ కనీసం నాకు అయినా చెప్పాలి కదా అని మంజుల అంటుంది.

ప్రేరణని కొట్టిన ఇందిర..

మంజుల వాళ్లు వెళ్లిపోతారు. సిద్ధూ గదిలోకి వెళ్లిపోతాడు. ఇందిర ప్రేరణని లాగి పెట్టి కొట్టి.. చేతులారా జీవితం నాశనం చేసుకుంటుంది అనిఅంటుంది. ఏంటమ్మా ఇలా చేశావ్ ఇలా చేస్తావు అనుకోలేదు అని రాజశేఖరం అంటాడు. నేను చెప్పకపోవడానికి కారణం ఉంది అని ప్రేరణ అంటే అందరి ముందు మాట్లాడని నువ్వు ఇప్పుడు ఎందుకు మాట్లాడుతున్నావ్ అని తిడుతుంది. ప్రేరణని ఇందిర మళ్లీ కొట్టడానికి వెళ్తే గణ ఆపుతాడు. అమ్మా మీరు అనుకున్నట్లు ప్రేరణ తప్పు లేదమ్మా కానీ తనకి నిజం చెప్పే ధైర్యం లేదు.. అవును నిజం చెప్పే సాహసం చేయలేకపోయింది.. అని చెప్తాడు. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.