Mandaadi OTT : ఓటీటీలోకి సుహాస్ తమిళ బ్లాక్ బస్టర్ - తెలుగులోనూ స్ట్రీమింగ్... ఎప్పుడు, ఎందులో స్ట్రీమింగ్ అంటే?

Supritha Bandaru : యంగ్ హీరోయిన్ సుప్రీత క్యూట్ గ్లామరస్ లుక్ - హాయ్ అక్టోబర్ అంటూ...

Ganesh Guptha — Fri, 2 Oct 2026 16:03:39 +0530

Supritha Bandaru : యంగ్ హీరోయిన్ సుప్రీత క్యూట్ గ్లామరస్ లుక్ - హాయ్ అక్టోబర్ అంటూ...

Aaruguru Pathivrathalu Re Release : మళ్లీ థియేటర్లలోకి ఆరుగురు పతివ్రతలు - 20 ఏళ్ల తర్వాత బోల్డ్ అండ్ రియలిస్టిక్ మూవీ

Ganesh Guptha — Fri, 2 Oct 2026 15:27:30 +0530

Aaruguru Pathivrathalu Re Release Date Locked : ఒకప్పటి బోల్డ్ అండ్ రియలిస్టిక్ కామెడీ మూవీ ఆరుగురు పతివ్రతలు. 2004లో థియేటర్లలోకి వచ్చిన ఈ సినిమా అప్పట్లో ఓ సెన్సేషన్. ప్రముఖ డైరెక్టర్ ఈవీవీ సత్యనారాయణ ఈ మూవీకి దర్శకత్వం వహించడం సహా నిర్మించారు. కల్ట్ ఫాలోయింగ్‌తో పాటు సెపరేట్ ఫ్యాన్ బేస్ సొంతం చేసుకున్న ఈ సినిమా థియేటర్లలో మళ్లీ రిలీజ్ కానుంది. ఈ మేరకు అఫీషియల్ అనౌన్స్‌మెంట్ వచ్చేసింది.

రీ రిలీజ్ ఎప్పుడంటే?

'ఆరుగురు పతివ్రతలు' మూవీని 4K వెర్షన్‌లో అక్టోబర్ 29 (గురువారం) మళ్లీ రీ రిలీజ్ చేయనున్నారు. ఈ మేరకు స్పెషల్ పోస్టర్ రిలీజ్ చేశారు. ఈ సినిమాలో దాదాపు 40 మంది కొత్త వారు నటించారు. బోల్డ్ కామెడీ కంటెంట్‌‍తో ఆడియన్స్‌ను అలరించింది. అమృత, లహరి, చలపతి రావు, ఎల్‌బీ శ్రీరామ్, శ్రీకృష్ణ కౌశిక్ తదితరులు కీలకపాత్రలు పోషించారు. భార్యాభర్తల మధ్య అనుబంధం, వివాహేతర సంబంధాలు, లైంగిక సమస్యలు, బలవంతపు పెళ్లిళ్లు, సైకోలాంటి భర్తల సైకాలజీ, లవ్, ఎమోషన్‌తో పాటు కామెడీ అంశాలను కూడా టచ్ చేశారు.

#AaruguruPathivrathalu is all set for a grand re-release on October 29th! 💥

@pochammafilms pic.twitter.com/mHXWVlZhtt
— Suresh PRO (@SureshPRO_) October 2, 2026

Also Read : Sigma OTT : ఓటీటీలోకి సందీప్ కిషన్ సిగ్మా - తమిళనాడు సీఎం కుమారుడి మూవీ ఎందులో స్ట్రీమింగ్ అవుతుందంటే?

స్టోరీ ఏంటంటే?

పదో తరగతిలో కలిసి చదువుకున్న ఆరుగురు అమ్మాయిలు పెరిగి పెద్దైన తర్వాత ఓసారి కలుసుకోవాలని అనుకుంటారు. అలా ఓ పెళ్లి సందర్భంలో కలుసుకున్న వారు తమ జీవితంలో అప్పటివరకూ జరిగిన ఘటనలు, పెళ్లి, వైవాహిక జీవితం, భర్తల వల్ల పడే ఇబ్బందులు, తమకు ఎదురైన కష్ట సుఖాల గురించి చెప్పుకొంటారు. సైకో భర్తల స్వభావాలతో పాటు, వైవాహిక బంధాల్లో అపార్థాలు, అనుమానాలు ఎలాంటి అనర్థాలకు దారితీస్తాయి అనేది వీరి కథల్లో ఉంటుంది.

చివరకు తమ ఫ్రెండ్‌ను ఓ సైకో భర్త నుంచి కాపాడతారు. ఆరుగురు మహిళల కోణంలో వివాహం, బంధాలు ఎలా ప్రభావితం చేస్తాయి? కుటుంబ సంబంధాలు ప్రధానాంశంగా ఈ మూవీ స్టోరీ సాగుతుంది.

Also Read : Husharu Pittalu OTT : మరో ఓటీటీలోకి బోల్డ్ రొమాంటిక్ కామెడీ - రెండు ఓటీటీల్లో హుషార్ పిట్టలు స్ట్రీమింగ్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Ravi Teja : ఇరుముడి తర్వాత రూట్ మార్చిన రవితేజ - మాస్ మహారాజ నెక్స్ట్ మూవీకి క్రేజీ టైటిల్?

Ganesh Guptha — Fri, 2 Oct 2026 14:50:25 +0530

Ravi Teja New Movie Sets Crazy Title : ఇరుముడి సక్సెస్‌తో మాస్ మహారాజ రవితేజ ఫుల్ జోష్‌లో ఉన్నారు. బాక్సాఫీస్ వద్ద దాదాపు రూ.250 కోట్లకు పైగా వసూళ్లు సాధించిన ఈ సినిమా ఓటీటీలోనూ సూపర్ ట్రెండ్‌లో కంటిన్యూ అవుతోంది. ఎప్పుడూ మాస్ పాత్రలతో అలరించిన రవితేజ... ఇరుముడితో ఓ సరికొత్త జానర్‌లో ట్రెండ్ క్రియేట్ చేశారు. నెక్స్ట్ మూవీని కూడా డిఫరెంట్ జానర్‌లోనే చేయబోతున్నట్లు ఇండస్ట్రీ వర్గాల టాక్.

మాస్ హీరో... క్లాస్ డైరెక్టర్

రవితేజ తన నెక్స్ట్ మూవీని డైరెక్టర్ వివేక్ ఆత్రేయతో చేయబోతున్నట్లు తెలుస్తోంది. రొటీన్ కథకు భిన్నంగా ఉండే స్టోరీకి మాస్ మహారాజ్ ఓకే చెప్పినట్లు సమాచారం. మెంటల్ మదిలో, బ్రోచేవారెవరురా, అంటే సుందరానికి, సరిపోదా శనివారం వంటి మూవీస్‌తో తనకంటూ స్పెషల్ క్రేజ్ సంపాదించుకున్నారు వివేక్. ఆయన దర్శకత్వంలో రవితేజ ఓ హారర్ కామెడీ థ్రిల్లర్ కథకు ఓకే చెప్పారట. ప్రస్తుతం ప్రీ ప్రొడక్షన్ వర్క్స్ సాగుతున్నట్లు సమచారం.

క్రేజీ టైటిల్

ఈ మూవీకి తులా భారం (Thulabharam) అనే క్రేజీ టైటిల్ ఫిక్స్ చేయనున్నట్లు ఇండస్ట్రీ వర్గాల్లో చర్చ నడుస్తోంది. తనదైన మేకింగ్ స్టైల్‌తో కామెడీ, థ్రిల్లింగ్ అంశాలను డిఫరెంట్‌గా చూపించే వివేక్ ఆత్రేయ... మాస్ మహారాజను సరికొత్త రోల్‌లో ఎవరూ ఊహించని కామెడీ థ్రిల్లర్ కథాంశంలో చూపించబోతున్నారట. మాస్ హీరోకు క్లాస్ డైరెక్టర్ తోడైతే మరో బ్లాక్ బస్టర్ హిట్ కన్ఫర్మ్ అంటూ రవితేజ ఫ్యాన్స్ సోషల్ మీడియాలో కామెంట్స్ చేస్తున్నారు. ప్రముఖ నిర్మాణ సంస్థ మైత్రీ మూవీ మేకర్స్ ఈ ప్రాజెక్టును నిర్మించబోతున్నారు. త్వరలోనే అఫీషియల్ అనౌన్స్‌మెంట్ రానుంది.

ఇంతకు ముందు 'ఇరుముడి' టైటిల్ కూడా డిఫరెంట్‌గానే ఉండగా... చూడడానికి అది డివోషనల్ మూవీ అని అంతా అనుకున్నారు. కానీ, డివోషన్, ఎమోషన్, క్రైమ్ ఇన్వెస్టిగేషన్ ఇలా అన్నీ అంశాలు కలిపి పిల్లల నుంచి పెద్దల వరకూ చూడగలిగేలా డైరెక్టర్ శివ నిర్వాణ దాన్ని రూపొందించారు. ఇప్పుడు 'తులా భారం' కూడా వినడానికి క్రేజీగానే ఉండడంతో ఫ్యాన్స్‌లో అప్పుడే హైప్ క్రియేట్ అవుతోంది. అది కూడా కామెడీ హారర్ థ్రిల్లర్ కావడంతో స్టోరీ ఎలా ఉండబోతుందోననే ఆసక్తి నెలకొంది. త్వరలోనే మిగిలిన అప్డేట్స్ రానున్నాయి.

Also Read : Mandaadi OTT : ఓటీటీలోకి సుహాస్ తమిళ బ్లాక్ బస్టర్ - తెలుగులోనూ స్ట్రీమింగ్... ఎప్పుడు, ఎందులో స్ట్రీమింగ్ అంటే?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Kalavari Kodalu Kanaka Mahalakshmi Serial Today October 2nd: కలవారి కోడలు కనక మహాలక్ష్మీ: చివరి నిమిషంలో నిజం తెలుసుకున్న విహారి! క్రిష్ ప్రాణాలు కాపాడుకుంటాడా!

Jhanshi Balleda — Fri, 2 Oct 2026 14:46:12 +0530

Kalavari Kodalu Kanaka Mahalakshmi Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 2న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

క్రిష్ బతికే ఉన్నాడు..

అంబిక సుభాష్‌కి కాల్ చేసి నీకు ఎప్పుడు ఏం పని చెప్పినా పూర్తి చేయవు.. క్రిష్ గాడికి చంపేయమని మనుషుల్ని చంపేయమని అంటే మీ వాళ్లు ఆ పిల్లాడిని చంపలేదు. వాడు హాస్పిటల్లో వాడు ఉన్నాడు అని అంబిక చెప్తుంది. సుభాష్ షాక్ అయిపోతాడు. విహారికి ఆ పిల్లాడు చావు బతుకుల మధ్య ఉన్నాడని.. తెలీదు.. విహారి వాడి దగ్గరకు వెళ్తే మనమే వాడిని చంపాలని చూశాం అని విహారికి తెలిసిపోతుందని అప్పుడు నా పని అయిపోతుంది అని అంబిక చెప్పి హాస్పిటల్‌కి నువ్వే వెళ్లి ఆ పిల్లాడిని చంపేయ్ అని అంటుంది.

బాబుని బయట పెట్టేయండీ..

మహా ఇంకా డబ్బు కట్టకపోవడంతో క్రిష్‌కి డాక్టర్లు ట్రీట్మెంట్ చేయరు.. డబ్బు కట్టలేదు అని క్రిష్ క్రిటికల్ కండీషన్‌లో ఉన్నా కూడా పట్టించుకోకుండా బాబుని బయట పెట్టేయమని అంటారు. ఇంతలో మహా వచ్చి చూసి ఏంటి బయటకు తీసుకొచ్చేశారు.. ఏంటి నీకు దుస్థితి.. కోటలో యువరాజులా బతకాల్సిన వాడివి ఇలా అయిపోయావ్ ఏంట్రా అని ఏడుస్తూ డాక్టర్‌ దగ్గరకు తీసుకెళ్తుంది. ట్రీట్మెంట్ చేయండి అని డాక్టర్ కాళ్లు పట్టుకుంటుంది. డబ్బు లేకుండా వైద్యం చేయమని డాక్టర్ కనికరం లేకుండా చెప్తాడు.

బాబు బతకడు..

డాక్టర్ మహాతో బాబుని తీసుకెళ్లిపోండి.. ఇప్పటికే లేటు అయింది.. ఈ బాబు బతకడు.. మీరు తీసుకెళ్లి వాళ్ల వాళ్లకి అప్పగించేయండి.. అని చెప్పి క్రిష్‌ని బయట పెట్టేస్తారు. మహా చాలా ఏడుస్తుంది. దేవుడి దగ్గరకు వెళ్లి ఏడుస్తుంది. ఇక్కడ కాకపోతే గవర్నమెంట్ హాస్పిటల్‌కి అయినా తీసుకెళ్లి కాపాడుకుంటా అని మహా తీసుకెళ్లే టైంకి డాక్టర్ పరుగున వచ్చి బాబుని ఆపరేషన్ కోసం తీసుకెళ్తాడు. ఏమైంది ఎవరు తీసుకెళ్లారు అని మహా డాక్టర్‌ని అడిగితే మేడం మీరు విహారి గారి తాలూక అని చెప్పొచ్చు కదా ఏంటి మేడం ఇది చెప్పలేదు అని హడావుడిగా బాబుని తీసుకెళ్తారు.

హాస్పిటల్‌కి చేరుకున్న విహారి..

విహారి పరుగున హాస్పిటల్‌కి వచ్చి మహాతో మాట్లాడుతాడు. ఇంట్లో వాళ్లకి చెప్పడం కాదు నాకు చెప్పాలి కదా.. నాకు ఒక్ ఫోన్ చేస్తే అయ్యేది కదా అని విహారి మహాని అడిగితే నా దగ్గర ఫోన్ లేదు అని మహా అంటుంది. ఈ విషయం మీకు ఎలా తెలిసింది అని మహా అడుగుతుంది. ఫ్లాష్‌బ్యాక్‌లో యమున, పండు క్రిష్‌కి ఇలా అయింది అని బాధ పడుతూ విహారికి చెప్పేద్దాం సహస్ర పంతం తర్వాత చూద్దాం.. ఏది అయితే అది అయింది అని విహారి దగ్గరకు వెళ్తారు. యమున విహారితో క్రిష్‌గాడిని ఇంటి నుంచి బయటకు పంపేశారురా.. అని జరిగింది అంతా చెప్పి క్రిష్‌కి యాక్సిడెంట్ అవ్వడం.. మహా డబ్బు కోసం రావడం మొత్తం యమున చెప్తుంది. విహారి షాక్ అయిపోతాడు.

ఆ శనిగాడు అంత ముఖ్యమా..

విహారి బయటకు వెళ్తుంటే పద్మాక్షి, సహస్ర ఎదురు వస్తారు. ఎక్కడికి వెళ్తున్నావ్ బావ అని సహస్ర అడగటంతో విహారి కొట్టడానికి చేయి ఎత్తి ఛీ నీ సంగతి తర్వాత చెప్తా అని హస్పిటల్‌కి పరుగులు తీస్తాడు. విహారి మహాకి విషయం చెప్పి యముడితో పోరాడి అయినా సరే నేను వాడిని బతికించుకుంటా అంటాడు. ఇక యమున క్రిష్‌కి ఎలా ఉందో అని టెన్షన్ పడుతుంది. క్రిష్‌కి ఎలా ఉందో అని సరి యమునని అడుగుతుంది. ఆ దేవుడు క్రిష్‌ని కాడాడుంటాడు అని యమున అంటుంది. పద్మాక్షి వచ్చి యమునతో ఆ శనిగాడి గురించి చెప్పొద్దు అన్నా ఎందుకు చెప్పావ్ అని నిలదీస్తుంది. సహస్ర కూడా యమునని ఎలా చెప్తారు అని నిలదీస్తుంది. క్రిష్‌ని బావ మళ్లీ తీసుకొస్తే అస్సలు ఊరుకోను మీరు నాకే సపోర్ట్ చేయాలి అని సహస్ర అంటుంది. మా నానీ దగ్గర కాదు మా నాన్న దగ్గర మాట్లాడండి అని సిరి సహస్ర, పద్మాక్షిలకు అంటుంది. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Bigg Boss Season 10 Today Promo: బిగ్‌బాస్ సీజన్ 10 టుడే ప్రోమో: అమన్,సృష్టి ఫ్లిప్ అయ్యారా! రోహిత్, అపూర్వ, ముకేశ్ మండి పడటానికి కారణమేంటి?

Jhanshi Balleda — Fri, 2 Oct 2026 14:35:25 +0530

Bigg Boss Season 10 Letest Promo: బిగ్‌బాస్ ఇంట్లో నాలుగో వారం టోటల్‌ డామినేషన్‌ నడుస్తుంది. ఇందులో భాగంగా ఇంటి సభ్యులందరినీ బిగ్‌బాస్ రెండు టీమ్స్‌గా విడదీశారు. ఒక టీం భైరవ, మరో టీం సప్తశక్తి.. ఇప్పటికే భైరవ టీం ఎక్కువ గేమ్స్ గెలిచి కెప్టెన్సీ రేసులో నిలుస్తుంది. రెడ్‌ టీంలో ఉన్న మొత్తం 8 మందిలో ఐదుగురిని కెప్టెన్సీ కంటెండర్‌గా ముందుకు రమ్మని బిగ్‌బాస్ చెప్పడంతో టీంలోనే అభిప్రాయభేదాలు రావడంతో గొడవలు జరిగాయి. ఇక బ్లూ టీంలోనూ ముకేశ్, సృష్టిల మధ్య డ్రాగర్ పంచాయితీ జరుగుతుంది. ఇందుకు సంబంధించిన తాజా ప్రోమోని బీబీ టీం విడుదల చేసింది. ఎంతో ఇంట్రస్టింగ్‌గా ఉన్న ఆ ప్రోమోలో ఏం ఉందో ఇప్పుడు తెలుసుకుందాం..

ప్రోమోలో ఉంది ఇదే..

ముకుశ్, సృష్టి మష్రూం గదిలో నరేశ్ ముందు పంచాయితీ పెడతారు. నిన్ను డ్రాగర్ ఇస్తానని చెప్పి ఇప్పుడు ఇవ్వను అంటుంది అని ముకేశ్ సృష్టి గురించి నరేశ్‌కి చెప్తాడు. దానికి సృష్టి నేను నీకు ఇస్తా అని చెప్పలేదు.. ఎప్పుడు చెప్పాను ఇస్తాను అని.. నేను దేజ్జానీకి డ్రాగర్ ఇస్తాను అని చెప్పా అని సృష్టి అంటుంది. అయితే దేబ్జానీకి ఇవ్వు అని ముకేశ్ అంటే ఎందుకు ఇవ్వాలి.. తన దగ్గర డ్రాగర్స్ లేకపోతే ఇస్తా అని చెప్పా.. ఇప్పుడు తన దగ్గర ఉంది కదా నేను ఇవ్వను అని సృష్టి అంటుంది. నేను తన దగ్గర ఉన్న డ్రాగర్ తీసుకుంటా తను జీరో అవుతుంది.. నువ్వు ఇవ్వు అని ముకేశ్ అంటే.. అలా ఎలా అంటూ సృష్టి అడుగుతుంది. నాకు ఇమ్యునిటీ కావాలి అని ముకేశ్ అంటే నాకు కావాలి అని సృష్టి అరుస్తుంది. అర్థరాత్రి కూడా ఈ పంచాయితీ కొనసాగుతుంది. బెడ్స్ దగ్గర ముకేశ్, రోహిత్, షాలిని, చరణ్‌లతో సృష్టి తనతో చెప్పిన మాట గురించి చెప్పి గొడవ పడతాడు. సృష్టి కూడా మళ్లీ తన వెర్షన్ చెప్తుంది. నేను తనకే ఇస్తా నీకు ఇవ్వను అని సృష్టి ముకేశ్‌తో చెప్తుంది.

రెడ్‌ టీంలో అందరికీ బిగ్‌బాస్ మీ ఎనిమిది మందిలో 5 మంది కెప్టెన్సీ రేసులో ఉండాలి.. అది ఎవరో మీరే నిర్ణయించుకోండి అని అంటారు. టీం మొత్తం మంతనాలు జరుపుతారు. రాంప్రసాద్ వంశీతో నా డ్రాగర్ నీకు ఇచ్చేస్తా రేసు నుంచి తప్పుకుంటావా అని అడుగుతాడు. వంశీ ఓకే అనేస్తాడు. టీం మొత్తం అందరికీ నీకు ఇమ్యునిటీ కావాలా.. కెప్టెన్సీ కంటెండర్ కావాలా అని పేరు పేరున అడుగుతాడు. అమన్ తనకి ఇమ్మునిటీ అవసరం డ్రాగర్ ఇచ్చేస్తా అంటాడు. కత్తికి కంటెండర్‌కి సంబంధం లేదు కదా అని అపూర్వ రోహిత్‌ని అడిగితే లేదు చెప్పడంతో అమన్ మళ్లీ నేను కంటెండర్‌గా ఆడుతా అని చెప్తాడు. రోహిత్ సృష్టి వాళ్లతో అమన్ కంటెండర్ గేమ్ ఆడుతాడు అంటా.. తన రెండు డ్రాగర్లు కూడా తన దగ్గరే పెట్టుకుంటాడంట అని చెప్తాడు. అమన్‌తో ముకేశ్, త్రిగుణ్ మాట్లాడటంతో అమన్ వచ్చి తన టీంతో నేను కెప్టెన్సీ కంటెండర్‌గా ఉంటానని చెప్తాడు. దానికి అపూర్వ ముందుకు ఒక మాట వెనక ఒక మాట అంటావా అని గొడవ పడుతుంది. దీంతో ప్రోమో పూర్తయిపోతుంది. లైవ్‌లో రెడ్ టీం నిర్ణయం తీసుకోవడంలో చాలా వాగ్వాదాలు అవుతాయి. చివరకు ఓటింగ్‌కి కూడా వెళ్తారు. రకరకాల స్టాటజీలు చేస్తారు.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Sigma OTT : ఓటీటీలోకి సందీప్ కిషన్ సిగ్మా - తమిళనాడు సీఎం కుమారుడి మూవీ ఎందులో స్ట్రీమింగ్ అవుతుందంటే?

Ganesh Guptha — Fri, 2 Oct 2026 13:19:46 +0530

Sundeep Kishan's Action Thriller Sigma OTT Platform Locked : టాలీవుడ్ యంగ్ హీరో సందీప్ కిషన్ ప్రధాన పాత్రలో నటించిన యాక్షన్ థ్రిల్లర్ సిగ్మా (Sigma) శుక్రవారం ప్రేక్షకుల ముందుకు వచ్చింది. తమిళనాడు సీఎం విజయ్ కుమారుడు జాసన్ సంజయ్ ఈ మూవీతో డైరెక్టర్‌గా మారారు. ఈ మూవీ ఓటీటీపై అందరిలోనూ ఆసక్తి నెలకొంది.

ఎందులో స్ట్రీమింగ్ అంటే?

ప్రముఖ ఇంటర్నేషనల్ ఓటీటీ నెట్ ఫ్లిక్స్ (Netflix) సిగ్మా డిజిటల్ రైట్స్ సొంతం చేసుకోగా... 4 నుంచి 6 వారాల తర్వాత స్ట్రీమింగ్ అయ్యే ఛాన్స్ ఉంది. అక్టోబర్ లాస్ట్ వీక్‌లో కానీ నవంబర్ ఫస్ట్ వీక్‌లో ఓటీటీలోకి వచ్చే అవకాశం ఉన్నట్లు తెలుస్తోంది. ఈ మూవీకి జాసన్ సంజయ్ దర్శకత్వం వహించగా... సందీప్ కిషన్ సరసన ఫరియా అబ్దుల్లా హీరోయిన్‌గా నటించారు.

అలాగే, సంపత్ రాజ్, రాజు సుందరం, అన్బుదాసన్, యోగ్ జేపీ, కిరణ్ కొండ, మహాలక్ష్మి సుదర్శన్ తదితరులు కీలకపాత్రలు పోషించారు. లైకా ప్రొడక్షన్స్ బ్యానర్‌పై సుభాస్కరన్ నిర్మించారు. మ్యూజిక్ లెజెండ్ తమన్ ఈ సినిమా సంగీతం అందించారు.

స్టోరీ ఏంటంటే?

అప్పుల్లో ఉన్న యువకుడు తన తల్లి జ్ఞాపకాలను కాపాడుకునేందుకు ఏం చేశాడు? అనేదే సిగ్మా స్టోరీ. గురు (సందీప్ కిషన్)కు తల్లి అంటే అమితమైన ప్రేమ. అప్పుల్లో కూరుకుపోయిన అతను తన తల్లి జ్ఞాపకాలతో ముడిపడి ఉన్న లైబ్రరీని కాపాడుకునేందుకు డబ్బు సంపాదించాలని చూస్తాడు. ఇందు కోసం ఈజీ మనీ మార్గాలు వెతుకుతాడు. ఓ క్యాసినోకి వెళ్లి ఆడగా గురు జీవితం ఊహించని మలుపు తిరుగుతుంది.

రూ.500 కోట్ల మాఫియా మనీకి సంబంధించి ఓ పెన్ డ్రైవ్ ఉందని గురుకి తెలుస్తుంది. దీని కోసం పలు గ్యాంగ్స్ పోటీ పడుతుంటాయి. మరి ఆ మనీ కోసం గురు ఏం చేశాడు? మాఫియా గ్యాంగ్స్ నుంచి ఎలా తప్పించుకున్నాడు? బ్లాక్ మనీని గురు దక్కించుకున్నాడా? అనేది తెలియాలంటే సినిమా చూడాల్సిందే.

Also Read : Sigma Twitter Review : సిగ్మా ట్విట్టర్ రివ్యూ - సందీప్ కిషన్ ఖాతాలో మరో హిట్? సీఎం విజయ్ కొడుకు మూవీ ఎలా ఉందంటే?

Hanuman Ansh Telugu Release : 400 కోట్ల బ్లాక్ బస్టర్ హనుమాన్ అంశ్ - తెలుగులో రిలీజ్ ఎప్పుడంటే?

Ganesh Guptha — Fri, 2 Oct 2026 12:55:10 +0530

Hombale Films Announces Hanuman Ansh Telugu Release Date : కేవలం రూ.2 కోట్ల బడ్జెట్... బాక్సాఫీస్ వద్ద రూ.400 కోట్లు వసూళ్లు సాధించిన రీసెంట్ బ్లాక్ బస్టర్ హనుమాన్ అంశ్ (Hanuman Ansh). పలువురు సినీ ప్రముఖుల నుంచి ప్రశంసలు అందుకున్న ఈ సినిమా తెలుగు రిలీజ్ కోసం అందరూ ఎంతో ఆసక్తిగా ఎదురుచూస్తున్నారు. మాటల మాంత్రికుడు త్రివిక్రమ్ శ్రీనివాస్ ఈ మూవీ తెలుగు వెర్షన్‌ను సెప్టెంబర్ 18న రిలీజ్ చేస్తామని ప్రకటించారు.

అయితే, అనుకోని కారణాలతో లాస్ట్ మినిట్‌లో వాయిదా పడింది. ఇప్పుడు కాంతార, మహావతార్ నరసింహ వంటి బ్లాక్ బస్టర్స్ రూపొందించిన చిత్ర నిర్మాణ సంస్థ హోంబలే ఫిల్మ్స్ (Hombale Films) ఈ మూవీని తెలుగులో రిలీజ్ చేస్తుంది. ఈ మేరకు రిలీజ్ డేట్ అనౌన్స్ చేస్తూ స్పెషల్ పోస్టర్ రిలీజ్ చేసింది. అక్టోబర్ 9న వరల్డ్ వైడ్‌గా ప్రేక్షకుల ముందుకు రానుంది.

1900 - 1973 మధ్య కాలంలో జీవించిన ఆధ్యాత్మిక గురువు, హనుమాన్ భక్తుడు నీమ్ కరోలి బాబా జీవిత కథ, ఆయన చేసిన బోధనల ఆధారంగా విశాల్ చతుర్వేది 'హనుమాన్ అంశ్' రూపొందించారు. మూవీలో శోభిత్ శ్రీవాత్సవ ప్రధాన పాత్ర పోషించగా చందన్ ఆనంద్, పూర్ణిమ తివారి తదితరులు కీలకపాత్రల్లో పోషించారు. రాగిణి సోనా, నమ్రతా జి. సింగ్, అనుప్రియా నగర్, డా. విశాల్ చతుర్వేది నిర్మించారు. 'డివైన్ డిటూర్' అనే బుక్ ఆధారంగా ఈ మూవీని రూపొందించారు.

అసలెవరీ నీమ్ కరోలి బాబా?

నీమ్ కరోలి బాబాను (Neem Karoli Baba) లక్ష్మణ్ నారాయణ్ శర్మ అని పిలుస్తారు. యూపీలోని అక్బర్‌పూర్ ప్రాంతంలో జన్మించిన ఈయనలో చిన్న వయసులోనే... ఆధ్యాత్మిక చింతన మొదలవుతుంది. 'మనిషి ఎందుకు పుడతాడు?', 'మరణం అంటే ఏమిటి?', 'మనిషి ఎందుకు బాధపడతాడు?', 'అసలు ఈ జీవితానికి అర్థం పరమార్థం ఏంటి?' అనే ప్రశ్నలు మొదలవుతాయి.

అసలు ఆయనకు 'నీమ్ కరోలి బాబా' అనే పేరు ఎందుకు వచ్చింది? బాబా జీవితంతో అత్యంత అనుబంధం ఉన్న ప్రదేశం కైన్చీ ధామ్ (Kainchi Dham), ఉత్తరాఖండ్. 1964లో అక్కడ ఆశ్రమం, హనుమాన్ ఆలయం ఏర్పడింది. తర్వాత కైన్చీ ధామ్ ఆయన భక్తులకు ప్రముఖ కేంద్రంగా మారింది. యాపిల్ సంస్థల అధినేత స్టీవ్ జాబ్స్, ప్రముఖ క్రికెటర్ విరాట్ కోహ్లి, అనుష్క శర్మ లాంటి వ్యక్తులు ఆయన్ను కలవడం ప్రపంచవ్యాప్తంగా బాబా పేరు మరింత ప్రసిద్ధి చెందింది.

View this post on Instagram

A post shared by Hombale Films (@hombalefilms)

Faria Abdullah : 'సిగ్మా' బ్యూటీ గ్లామరస్ లుక్ - అందాల ఫరియా క్యూట్ ఫోటోస్ చూశారా!

Ganesh Guptha — Fri, 2 Oct 2026 12:25:48 +0530

Faria Abdullah : 'సిగ్మా' బ్యూటీ గ్లామరస్ లుక్ - అందాల ఫరియా క్యూట్ ఫోటోస్ చూశారా!

Husharu Pittalu OTT : మరో ఓటీటీలోకి బోల్డ్ రొమాంటిక్ కామెడీ - రెండు ఓటీటీల్లో హుషార్ పిట్టలు స్ట్రీమింగ్

Ganesh Guptha — Fri, 2 Oct 2026 11:51:40 +0530

Ansh's Husharu Pittalu OTT Streaming Platforms : రీసెంట్‌గా వచ్చిన బోల్డ్ రొమాంటిక్ కామెడీ డ్రామా హుషార్ పిట్టలు. రిలీజ్‌కు ముందే మూవీ కంటెంట్‌పై విమర్శలు వచ్చాయి. చిన్న సినిమాగా వచ్చినా బాక్సాఫీస్ వద్ద మంచి టాక్ సొంతం చేసుకుంది. ఇప్పటికే ఒక ఓటీటీలోకి వచ్చిన ఈ సినిమా ఇప్పుడు మరో ఓటీటీలోనూ స్ట్రీమింగ్ అవుతోంది.

రెండు ఓటీటీల్లో స్ట్రీమింగ్

ఇప్పటికే అమెజాన్ ప్రైమ్ వీడియోలో (Amazon Prime Video) హుషార్ పిట్టలు స్ట్రీమింగ్ అవుతోంది. శుక్రవారం నుంచి ఆహా (Aha)లోనూ స్ట్రీమింగ్ అవుతోంది. బిక్షు దర్శకత్వం వహించిన ఈ సినిమాలో టీనేజ్ కామెడీతో పాటు బోల్డ్ డైలాగ్స్, రొమాంటిక్ సీన్స్ ఉన్నాయి. అన్ష్, వాసవి గణేశన్ ప్రధాన పాత్రల్లో నటించగా... గోవర్ధన్ రెడ్డి, అంజి వల్గుమాన్, ప్రమోదిని, సునీత మనోహర్, రమేష్ తదితరులు కీలకపాత్రలు పోషించారు. కె. వెంకట్ యాదవ్ నిర్మించారు.

స్టోరీ ఏంటంటే?

రవి (అన్ష్) ఆ ఊరి స్కూల్‌లో టెన్త్ టాపర్‌గా నిలుస్తాడు. చదువు తప్ప మరో ధ్యాస లేని ఆ కుర్రాడిని... ఊళ్లో జులాయిగా తిరిగే బాలు గ్యాంగ్ ఫోన్‌లో పోర్న్ వీడియోస్ చూపించి చెడగొడుతుంది. దీంతో దృష్టి మళ్లిన రవి పుస్తకాలు వదిలేసి ఫోన్‌లో ఆ వీడియోలను చూస్తూ అమ్మాయిల్ని పడేసే పనిలో పడతాడు. ఈ క్రమంలోనే అదే ఊరిలో ఉండే చిట్టి (వాసవి గణేశన్)ను ఇష్టపడతాడు. జీవితం అంటే తెలియక ముందే ఇద్దరూ పలుమార్లు హద్దులు దాటేస్తారు.

ఓ రోజు సన్నిహితంగా ఉండగా పేరెంట్స్‌కు దొరికిపోతారు. తమ పిల్లల్ని చూడకూడని స్థితిలో చూసిన తల్లిదండ్రులు ఏం చేశారు? అమ్మానాన్నల వ్యతిరేకతను సమాజంలో ఛీత్కారాలను ఎదుర్కొన్న రవి, చిట్టి ఏం చేశారు? రవి చివరకు ఏమయ్యాడు? తెలిసీ తెలియని వయసులో తీసుకున్న తప్పుడు నిర్ణయాల వల్ల వారి జీవితంలో ఎలాంటి పరిణామాలు ఎదురయ్యాయి? అనేది తెలియాలంటే సినిమా చూడాల్సిందే.

Mandaadi OTT : ఓటీటీలోకి సుహాస్ తమిళ బ్లాక్ బస్టర్ - తెలుగులోనూ స్ట్రీమింగ్... ఎప్పుడు, ఎందులో స్ట్రీమింగ్ అంటే?

Ganesh Guptha — Fri, 2 Oct 2026 11:19:07 +0530

Suhas's Mandaadi OTT Release Date Locked : ఎప్పుడూ డిఫరెంట్ రోల్స్‌, విభిన్న కథాంశాలతో సూపర్ క్రేజ్ సంపాదించుకున్న టాలీవుడ్ యంగ్ హీరో సుహాస్ కోలీవుడ్‌లో ఎంట్రీ ఇచ్చిన మూవీ మండాడి (Mandaadi). హిట్ 2, 'ఫ్యామిలీ డ్రామా' సిరీస్‌లో నెగిటివ్ షేడ్స్ ఉన్న రోల్ చేసిన ఆయన ఇందులోనూ విలన్‌గా తన నటనతో అదరగొట్టేశారు.

సెప్టెంబర్ 10న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద సంచలన విజయం సాధించింది. తొలుత కలెక్షన్స్ తగ్గినా ఆ తర్వాత రూ.140 కోట్ల కలెక్షన్స్‌తో దూసుకెళ్లింది. ఇప్పుడు ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

ఈ మూవీ ప్రముఖ ఓటీటీ నెట్ ఫ్లిక్స్ (Netflix)లో అక్టోబర్ 9 నుంచి స్ట్రీమింగ్ కానున్నట్లు తెలుస్తోంది. తమిళంతో పాటు తెలుగు, కన్నడ, మలయాళం, హిందీ భాషల్లో అందుబాటులోకి రానుంది. త్వరలోనే స్ట్రీమింగ్ డేట్‌పై అఫీషియల్ అనౌన్స్‌మెంట్ రానుంది.

ఈ మూవీకి మదిమారన్ పుగళేంది దర్శకత్వం వహించగా... తమిళ హీరో సూరి, సుహాస్‌లతో పాటు మహిమా నంబియార్, సత్యరాజ్, రవీంద్ర విజయ్, బాల శరవణన్, రామచంద్రన్ దురై, ఆడుగాలం మురుగదాస్ తదితరులు కీలకపాత్రలు పోషించారు. ఎల్రెడ్ కుమార్, వెట్రిమారన్ నిర్మించారు.

స్టోరీ ఏంటంటే?

కళింగపట్నం సముద్ర తీర ప్రాంతంలో తరాలుగా పడవ పందేలు కంటిన్యూ అవుతుంటాయి. ఆ పోటీల్లో ఎప్పుడూ గెలిచే మండాడి జట్టుకి ప్రాతినిథ్యం వహించిన ఇద్దరు మిత్రులే ముత్తు కాశి (సూరి), సాట్టా పులి (సుహాస్). సముద్రంలో ఆటుపోటులు తెలిసిన ముని (సత్యరాజ్) ట్రైనింగ్‌లో ఇద్దరూ రాటుదేలుతారు. అయితే, భవిష్యత్తులో కాశి, పులి బద్ద శత్రువులవుతారు. పగ, ప్రతీకారాలు వెంటాడుతుండడంతో ముత్తు కాసి సొంతూరు వదిలి హైదరాబాద్‌లో ఉద్యోగం చేసుకుంటూ జీవనం సాగిస్తుంటాడు.

మల్లేశ్ (మిథున్) అనే యువకుడి కారణంగా ఊరిలో అనూహ్యమైన పరిణామాలు చోటు చేసుకుంటాయి. దీంతో కాశి మళ్లీ ఊరికి వెళ్లాల్సి వస్తుంది. అసలు ఎవరీ మల్లేశ్? అతనికి ముత్తు కాశీకి సంబంధం ఏంటి? కాశీ తిరిగి ఊళ్లోకి వచ్చాక ఏం జరిగింది? సాట్టా పులితో కాశీ వైరం ఎక్కడి వరకూ సాగింది? వీరిద్దరూ శత్రువులుగా ఎందుకు మారారు? ఈ విషయాలు తెలియాలంటే సినిమా చూడాల్సిందే.

Also Read : Dont Trouble The Trouble OTT : ఓటీటీలోకి ఫహాద్ ఫాజిల్ డోంట్ ట్రబుల్ ది ట్రబుల్ - ఎప్పుడు, ఎందులో స్ట్రీమింగ్ కావొచ్చంటే?