Sai Pallavi : రామాయణ 3Dలోనే చూడండి - అద్భుతమైన విజువల్ ఎక్స్‌పీరియన్స్... ఆడియన్స్‌కు సాయి పల్లవి రిక్వెస్ట్

Jagadatri Serial Today october 22: మురళిని పట్టుకుని దివ్యాంకకు బుద్ధి చెప్పిన జగధాత్రి..కేదార్‌ గురించి పార్టీలో కమలాకర్ చెప్పకుండా అడ్డుపడిన యువరాజు

Ajay Kumar — Thu, 22 Oct 2026 22:15:40 +0530

Jagadatri Serial Today Episode: స్టార్ మా ఛానెల్‌లో అత్యంత ప్రేక్షక ఆదరణతో దూసుకుపోతున్న పొదరిల్లు సీరియల్‌లో ఈరోజు ఎపిసోడ్ ఆసక్తిగా సాగుతుంది. దివ్యాంక దగ్గర ఉన్న డబ్బులును సింధూ కొట్టేయించిన జగధాత్రి ఆ నేరం మురళిపైకి వెళ్లేలా ప్లాన్ చేస్తుంది.ఇది నిజమేనని నమ్మిన దివ్యాంక మురళికి ఫోన్ చేయగా..ఆ నెంబర్ ట్రేస్‌ చేసి మురళి ఎక్కడ ఉన్నాడో కనిపెట్టి దివ్యాంకకు జగధాత్రి బుద్ది చెబుతుంది. అటు పార్టీ లో కమలాకర్‌ కేదార్‌ గురించి నిజం చెబుతుండగా యువరాజు అడ్డుపడి పార్టీ అయిపోయిన తర్వాత చెబుదామని అంటాడు.

దివ్యాంకకు షాక్‌
కౌషికి ఇచ్చిన డబ్బులు తీసుకుని ఇంటికి బయలుదేరిన దివ్యాంకను సింధూ తన టీమ్‌తో అడ్డుకుంటుంది. దివ్యాంకను కారులో నుంచి బయటకు లాగి కొడుతుంది. మా మురళి సాయంతో కోట్లు సంపాదించి వాడికి డబ్బులు ఇవ్వకుండా ఇష్టమొచ్చినట్లు మాట్లాడతావా అని సింధూ తిడుతుంది. అంటే మీరు మురళి మనుషులా అని దివ్యాంక ఆడిగితే...అవునని మా మురళికి అన్యాయం జరిగితే సహించేది లేదని చెప్పి దివ్యాంక దగ్గర ఉన్న డబ్బులన్నీ లాక్కుని వెళ్లిపోతారు. అలాగే దివ్యాంక కారులో బగ్‌ ఉన్న ఓ ఫోన్ పడేస్తారు. మురళినే నిజంగా ఈ పని చేసి ఉంటాడని దివ్యాంకకు కోపం వస్తుంది. వెంటనే మురళికి ఫోన్ చేసి చెడామడా తిడుతుంది. నేను నీకు డబ్బులు ఇవ్వనని చెప్పానని నీ మనుషులను పంపించి నాపై దాడి చేయిస్తావా నిన్ను ప్రాణాలతో వదలనని అంటుంది. ఆ మాటలకు షాక్‌ తిన్న మురళి...నేను మీ ఇంట్లో మీ వాటర్ ట్యాంకు కిందే ఉన్నానని మీరు ఇచ్చిన ఫోన్ మాత్రమే నా దగ్గర ఉందని అంటాడు. అలాంటప్పుడు నేను వేరే వాళ్లకు ఎలా ఇన్ఫర్మేషన్ ఇస్తానని నిలదీస్తాడు. అంటే ఇదంతా ఆ జగధాత్రి ఆడిన నాటకమా అని దివ్యాంక అనుకుంటుంది.

దివ్యాంకకు బుద్ధి చెప్పిన జగధాత్రి
మురళి దివ్యాంక వాళ్ల ఇంట్లోనే ఉన్నాడని తెలుసుకుని కౌషికి, కేదార్‌ను తీసుకుని జగధాత్రి అక్కడికి వెళ్తుంది. తమ ప్లాన్ జగధాత్రికి తెలిసిపోయిందనుకున్న మురళి దివ్యాంక ఇంటి నుంచి పారిపోయేందుకు బయలుదేరగా...అప్పుడే అక్కడికి ధాత్రి, కేదార్ వస్తారు. మురళికి నాలుగు తగిలిస్తారు. నీకు ఎన్నిసార్లు చెప్పినా మా ఫ్యామిలీ జోలికి వస్తున్నావేంట్రా అని గట్టిగా కొడతారు. వాడిని తీసుకుని బయలుదేరతారు. అప్పుడే సింధూ ఫోన్ చేసి దివ్యాంక బయలుదేరిందని మేం ఆమెను ఫాలో అవుతున్నామని చెబుతుంది. కేదార్ దివ్యాంక కారును అడ్డగించి ఆమెను కిందకు దింపుతారు. ఇప్పుడు నువ్వు నీ ఛానెల్‌కు వెళ్లి ఆ వీడియో ప్లే చేయాలని తెగ ఆరాటపడుతున్నావని మాకు తెలుసు అని జగధాత్రి అంటుంది. కాకపోతే...నువ్వు ఛానెల్‌కు చేరుకునేలోపే మేం మురళిని తీసుకుని స్టేషన్‌కు వెళ్తామని బెదిరిస్తుంది. అప్పుడు నీ ఛానెల్‌లో నువ్వే అరెస్ట్ అయినట్లు బ్రేకింగ్‌ న్యూస్ వేసుకోవాల్సి వస్తుందంటుంది. దీంతో భయపడిన దివ్యాంక వీడియో జగధాత్రికి ఇచ్చి అక్కడి నుంచి వెళ్లిపోతుంది.

నిజం చెప్పకుండా ఆపిన యువరాజు
ఎలాగైనా పార్టీ ఆపాలని కుట్రలు పన్నుతున్న యువరాజు, నిషిక...విగ్‌ పెట్టుకుని కాచీ ఇప్పుడు పార్టీకి వస్తే బాగుండదని అంటారు. ఇంతలో కాచీ లోపల నుంచి విగ్‌తో బయటకు రాగానే అందరూ ఆశ్చర్యపోతారు. అసలు విగ్ పెట్టుకున్నట్లే తెలియదని అంటారు. అయినా పార్టీ మధ్యలో విగ్ ఊడిపోతే పరువుపోతుందని అందుకే పార్టీ క్యాన్సిల్ చేద్దామని యువరాజు అంటాడు. జగధాత్రి కల్పించుకుని కాచీ ఎలా అంటే అలా చేద్దామని అంటుంది. నాకు ఎలాంటి ప్రాబ్లం లేదని కాచీ చెప్పడంతో అందరూ పార్టీకి వెళ్లిపోతారు. అక్కడ కాచీ, బూచీ యానివర్సిరీ కేక్ కట్ చేసిన తర్వాత...కమలాకర్‌ కేదార్‌ను తమ ఇంటి వారసుడిగా ప్రకటించబోతుండగా యువరాజు అడ్డుపడతాడు. ఇప్పుడు ఈ ప్రకటన ఎందుకని ముందు అందరూ పార్టీని ఎంజాయి చేయనివ్వమని..ఆ తర్వాత చివరిలో ప్రకటన చేద్దామని చెప్పి ఆపుతాడు.

2026 దీపావళి నవంబర్ 8 లేదా 9? లక్ష్మీ పూజకు శుభ ముహూర్తం ఇదే!

Bigg Boss Season 10 Today Promo: బిగ్‌బాస్ సీజన్ 10 టుడే ప్రోమో: అందర్ని నవ్వించే నరేశ్‌ని ఏడిపించేశారు కదయ్యా! అరాచకంగా ఆడిన రాంప్రసాద్, అమన్!

Jhanshi Balleda — Thu, 22 Oct 2026 19:09:30 +0530

Bigg Boss Season 10 Letest Promo: బిగ్‌బాస్ ఇంట్లో ఏడో వారం బిగ్‌బాస్ ఏడో అవతారం "గోట్.. గ్రేటెస్ట్ ఆఫ్ ఆల్ టైం" ప్రారంభమైంది. బిగ్‌బాస్ హౌస్‌లో ఇప్పటివరకు ఒక లెక్క.. ఇకపై మరో లెక్క..ఆటగాళ్లకు అసలైన పరీక్ష పెట్టడానికి బిగ్‌బాస్ తీసుకొచ్చిన కొత్త అవతారం గోట్ ఇప్పుడు హౌస్‌లో టెన్షన్ పెంచేస్తోంది. ఇక్కడ ఎవరికి ఎప్పుడు ప్రమాదం వస్తుందో, ఎవరు ఆట నుంచి బయటకు వెళ్లాల్సి వస్తుందో ఊహించడం కూడా కష్టమే! ఎందుకంటే ఈసారి ఎలిమినేషన్ అనేది కేవలం నామినేషన్లకే పరిమితం కాదు.. సడన్ ఎలిమినేషన్ కూడా ఉండొచ్చని బిగ్‌బాస్ అనౌన్స్ చేశారు.

బిగ్‌బాస్ హౌస్‌లోని సభ్యులందరినీ రెండు క్యాటగిరీలుగా విభజించారు. ఒకటి రెడ్ లెవల్.. మరొకటి ఎల్లో లెవల్. నిన్న రెడ్ లెవల్‌లో ఉన్న సభ్యులకు ఎల్లో లెవల్‌కు వెళ్లే అవకాశం ఇస్తూ ఓ గేమ్ పెట్టగానే రాంప్రసాద్ విన్ అయి ఎల్లో టీంలోకి వెళ్లాడు. ఇక ఈ రోజు ఎల్లో కేటగిరిలో ఉన్న వాళ్లకి గోట్ అయ్యే ఛాన్స్ ఇచ్చి మూటలు మోసే టాస్క్ ఇస్తారు. తాజాగా ఇందుకు సంబంధించిన ప్రోమోని బిగ్‌బాస్ టీం విడుదల చేసింది. ఎంతో ఇంట్రస్టింగ్‌గా ఉన్న ఆ ప్రోమోలో ఏం ఉందో ఇప్పుడు తెలుసుకుందాం..

ప్రోమోలో ఉంది ఇదే..

బిగ్‌బాస్ ఎల్లో కేటగిరిలో ఉన్న వాళ్లు గ్రీన్‌ కేటగిరిలోకి వెళ్లి గోట్ అయ్యేందుకు గోట్ ఆఫ్ ఎన్జ్యూరెన్స్ టాస్క్ ఇస్తారు. 1, 2, 3, 4 ఇలా రకరకాల కేజీల బరువు ఉన్న మూటలను ఏర్పాటు చేసి ఎల్లో టీంలో ఉన్న అందరికీ ఓ కర్రని ఇచ్చి భుజం మీద మోస్తూ రడ్ కేటగిరిలో ఉన్న వాళ్లు బజర్ మోగినప్పుడు ఒక్కొక్కరు వచ్చి ఎవరిని అవుట్ చేయాలి అనుకుంటున్నారో వాళ్లకి బిగ్‌బాస్ చెప్పినంత వెయిట్ పెట్టాల్సి ఉంటుంది. రాంప్రసాద్ వర్షిణిని టార్గెట్ చేసి బరువు పెట్టడంతో వర్షిణి ఏడ్చేస్తుంది. ఇక రోహిత్ అయితే త్రిగుణ్‌కి ఒకవైపు మాత్రమే మూడు నాలుగు మూటలు పెడతాడు. ఇక చివరకు రాంప్రసాద్, అమన్, వంశీ మిగులుతారు. అప్పటికే రాంప్రసాద్ ఎక్కువ బరువు మోస్తుంటాడు. వంశీ వచ్చి అమన్‌కి మోటలు వేయాలి అనుకుంటే అమన్ వేయొద్దు అని అరుస్తాడు. బతిమాలుతాడు. 51 కేజీలు మోసిన రాంప్రసాద్ బరువు మోయలేక వదిలేస్తాడు. అమన్ నరేశ్‌కి వదిలేయమని బతిమాలితే నాకు ఈ ఇంట్లో ఏం గుర్తింపు లేదురా ఇదొక్కటే చివరి వరకు వచ్చానురా అని నరేశ్ చెప్తాడు. రాంప్రసాద్‌కి ఛాన్స్ వస్తే అమన్‌కి వేయాలని వెళ్తాడు. తర్వాత శివ్ వచ్చి అమన్, నరేశ్ ఇద్దరికీ వేస్తాడు. ముకేశ్ అమన్‌కి వేసే టైంకి అమన్ లగేజ్ కింద పడేసి ఇంట్లో నాకు ఎవ్వరూ లేరు అని ఏడుస్తాడు. నరేశ్ కూడా ఏడుస్తూ రాంప్రసాద్‌తో మూడు గంటలు ఆడాను అన్న బరువు మోస్తూనే ఉన్నాను. సేఫ్ గేమ్ అంటారేంటి అన్న మరి నన్ను ఎందుకు ఆడించడం అని ఏడుస్తాడు.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Super Thriller Series OTT : ఫోన్‌లో ఫ్యూచర్ ముందే తెలిస్తే? - ఓటీటీలో మెగా డాటర్ సూపర్ థ్రిల్లర్ సిరీస్... 7 భాషల్లో స్ట్రీమింగ్

Ganesh Guptha — Thu, 22 Oct 2026 19:00:57 +0530

Vishwadev's Super Natural Thriller Series OTT Streaming : మెగా డాటర్ సుస్మిత కొణిదెల నిర్మించిన సూపర్ నేచరల్ థ్రిల్లర్ సిరీస్ 'వరం' (Varam). '35 చిన్న కథ కాదు' మూవీ ఫేమ్ విశ్వదేవ్, శివాత్మక రాజశేఖర్ ప్రధాన పాత్రల్లో నటించిన ఈ సిరీస్ ఓటీటీలోకి వచ్చేసింది.

ఎందులో స్ట్రీమింగ్ అవుతుందంటే?

ఈ సిరీస్ ప్రముఖ ఓటీటీ జియో హాట్ స్టార్‍‌లో (Jio Hotstar) గురువారం నుంచి స్ట్రీమింగ్ అవుతోంది. తెలుగుతో పాటు హిందీ, బెంగాళీ, కన్నడ, మలయాళం, మరాఠీ, తమిళం భాషల్లో అందుబాటులోకి వచ్చింది. సీజన్ 1లో ఫస్ట్ డే రెండు ఎపిసోడ్స్ స్ట్రీమ్ అవుతున్నాయి. సిరీస్‌కు ఆదిత్య మండల దర్శకత్వం వహించగా... అవసరాల శ్రీనివాస్, శివాజీ రాజా, అజయ్, ధన్ రాజ్, జైత్రి మకానా, శృతి జయన్, సురభి ప్రభావతి, వినీత్ రమేష్ తదితరులు కీలకపాత్రలు పోషించారు. గోల్డ్ బాక్స్ ఎంటర్టైన్మెంట్ బ్యానర్‌పై సుస్మిత కొణిదెల నిర్మిస్తున్నారు.

Also Read : Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

స్టోరీ ఏంటంటే?

తాగొచ్చి తల్లిని నిత్యం కొట్టే తండ్రి (శివాజీ రాజా). పేదరికంలో ఉంటే తన కోసం కష్టపడే తల్లికి తన వంతు సాయం చేయాలనుకునే నిరుపేద కుర్రాడు రాజు (విశ్వదేవ్). పబ్లిక్ టాయిలెట్‌లో పని చేస్తూ ఎన్నో అవమానాలు ఎదుర్కొంటాడు. తొలి చూపులోనే సత్య (శివాత్మిక) అనే అమ్మాయిని ప్రేమిస్తాడు. అయితే, ఆ అమ్మాయిని రాష్ట్ర మంత్రి కూడా సొంతం చేసుకోవాలని చూస్తాడు. అనుకోకుండా రాజుకు ఓ వరం లభిస్తుంది. రేపు ఏం జరగ బోతుందో ఒక రోజు ముందే ఫోన్‌లో వార్తల రూపంలో తెలుస్తుంది. దీంతో ఒక్క రోజులోనే అతని లైఫ్ స్టైల్ మారిపోతుంది.

ఈ వరంతో తాను పేదరికం నుంచి బయటపడి తన కోరికలను నెరవేర్చుకోవాలని భావిస్తాడు రాజు. అలా, ఐపీఎల్ బెట్టింగ్, కౌన్ బనేగా కరోడ్ పతి వంటి గేమ్స్‌లో గెలిచేలా చేసి డబ్బు సంపాదిస్తాడు. అయితే, టాయిలెట్స్ కడిగే యువకుడు ఒక్క రోజులో కోటీశ్వరుడిగా ఎలా మారిపోయాడు? అని మంత్రికి అనుమానం కలుగుతుంది. దీని వెనుక సీక్రెట్ ఏంటో తెలుసుకోవాలనుకుంటాడు. ఆ తర్వాత ఏం జరిగింది? అసలు రాజుకు ఆ వరం ఎలా వచ్చింది? ఫ్యూచర్‌ను మార్చాలనుకుని ఎలాంటి ప్రమాదాలు కొనితెచ్చుకున్నాడు? తాను ప్రేమించిన అమ్మాయిని పెళ్లాడాడా? అనేది తెలియాలంటే సిరీస్ చూడాల్సిందే.

View this post on Instagram

A post shared by JioHotstar Telugu (@jiohotstartelugu)

Also Read : Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Friday OTT Movies : శుక్రవారం ఓటీటీ మూవీస్ - బోల్డ్ మూవీ To సస్పెన్స్ థ్రిల్లర్స్... ఒకే రోజు 10 సినిమాలు స్ట్రీమింగ్

Ganesh Guptha — Thu, 22 Oct 2026 18:18:52 +0530

Friday OTT Streaming Complete List : దసరా ఫెస్టివల్ ఎంటర్టైన్మెంట్ వీక్‌లో శుక్రవారం కాంట్రవర్సియల్ బోల్డ్ మూవీతో పాటు క్రైమ్ యాక్షన్ థ్రిల్లర్స్ స్ట్రీమింగ్ అవుతున్నాయి. మరి ఏ ఓటీటీల్లో ఏ మూవీస్ చూడొచ్చో ఓసారి చూస్తే...

డోరతీ (Dorothy) - స్టార్ హీరోయిన్ కీర్తి సురేష్ ప్రధాన పాత్రలో నటించిన బోల్డ్ మూవీ డోరతీ. ఇంటర్నేషనల్ ఓటీటీ 'నెట్ ఫ్లిక్స్' (Netflix)లో శుక్రవారం (అక్టోబర్ 23) నుంచి తమిళంతో పాటు తెలుగు, కన్నడ, మలయాళం, హిందీ భాషల్లో స్ట్రీమింగ్ అవుతోంది. కార్తిక్ సుబ్బరాజు దర్శకత్వం వహించిన ఈ సినిమాలో కీర్తి సురేష్ తోపాటు రిషికాంత్ సనత్ ప్రధాన పాత్రల్లో నటించారు.

గజబ్ రాత్ (Gajab Rath) - బాలీవుడ్ స్టార్ నటుడు మనోజ్ బాజ్‌పాయ్ ప్రధాన పాత్రలో నటించిన లేటెస్ట్ క్రైమ్ సస్పెన్స్ థ్రిల్లర్ 'గజబ్ రాత్'. ఈ మూవీ డైరెక్ట్‌గా నెట్ ఫ్లిక్స్ (Netflix) ఓటీటీలో శుక్రవారం (అక్టోబర్ 23) (శుక్రవారం) నుంచి స్ట్రీమింగ్ అవుతోంది. ఈ సినిమాకు నీరజ్ పాండే, రితేశ్ షా దర్శకత్వం వహించారు.

చార్ యార్ (Chaar Yaar) - పాపులర్ యూట్యూబర్ పూరవ్ ఝా, నమన్ జైన్, సాఖిబ్ అయూబ్, ప్రయ్రాక్ మెహతా ప్రధాన పాత్రలో నటించిన క్రైమ్ డ్రామా థ్రిల్లర్ సిరీస్ 'చార్ యార్'. అమెజాన్ ప్రైమ్ వీడియో(Amazon Prime Video)లో అక్టోబర్ 23 (శుక్రవారం) నుంచి స్ట్రీమింగ్ అవుతోంది. వినయ్ వైకుల్ దర్శకత్వం వహించగా పి.ఎస్. శ్యామ్, ప్రణతి నగర్‌శేఠ్, నిరాజ్ నగర్‌శేఠ్ నిర్మించారు.

సుమో దీదీ (Sumo Didi) - శ్రియం భగ్నాని ప్రధాన పాత్రలో నటించిన బయోగ్రాఫికల్ స్పోర్ట్స్ డ్రామా ఇది. ఇండియాస్ ఫస్ట్ ప్రొఫెషనల్ మహిళా సుమో రెజ్లర్ హేతల్ డేవ్ రియల్ లైఫ్ ఆధారంగా రూపొందింది. శుక్రవారం (అక్టోబర్ 23) నుంచి ZEE5లో స్ట్రీమింగ్ కానుంది. జయంత్ రోహత్గి ఈ సినిమాకి దర్శకత్వం వహించారు. జ్యోతి దేశ్‌పాండే, ఆకాష్ చావ్లా, అరుణవ సేన్‌గుప్తా, అమిత్ చంద్ర నిర్మించారు.

ది లెజెండ్ ఆఫ్ హనుమాన్ సీజన్ 7 - యానిమేటెడ్, మైథాలజీ, అడ్వెంచర్ సిరీస్ 'ది లెజెండ్ ఆఫ్ హనుమాన్' మరోసారి ప్రేక్షకులను అలరించేందుకు సిద్ధమైంది. సరికొత్త సీజన్ 7 శుక్రవారం నుంచి జియో హాట్‌స్టార్‌లో (Jio Hotstar) స్ట్రీమింగ్ కానుంది. హిందీతో పాటు తెలుగు, తమిళ, కన్నడ, మలయాళం, బెంగాలీ, మరాఠీ భాషల్లో స్ట్రీమింగ్ అవుతోంది.

ధూమకేతు (Dhoomakethu) - రీసెంట్ మలయాళం సైన్స్ ఫిక్షన్ కామెడీ థ్రిల్లర్ ధూమకేతు. శుక్రవారం (అక్టోబర్ 23) నుంచి ఇంటర్నేషనల్ ఓటీటీ నెట్ ఫ్లిక్స్ (Netflix)లో మలయాళంతో పాటు తెలుగు, తమిళం, కన్నడ, హిందీ భాషల్లో స్ట్రీమింగ్ కానుంది. మూవీలో సజిన్ గోపు, నిఖిలా విమల్ (Nikhila Vimal) ప్రధాన పాత్రల్లో నటించారు. అలాగే, గణపతి, షైన్ టామ్ చాకో, సిద్దార్థ్ భరతన్ తదితరులు కీలకపాత్రలు పోషించారు.

Also Read : Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

ఓటీటీ మూవీస్/ వెబ్ సిరీస్

నెట్ ఫ్లిక్స్ (Netflix) - ది ప్యారడైజ్ (తెలుగు మూవీ), గజబ్ రాత్ (తెలుగు డబ్బింగ్ మూవీ), డోరతీ (తెలుగు డబ్బింగ్ మూవీ), ధూమకేతు (తెలుగు డబ్బింగ్ మూవీ), ల్యూపీన్ పార్ట్ 4 (ఇంగ్లీష్ సిరీస్), సర్వైవింగ్ హరికేన్ ఓటిస్ (ఇంగ్లీష్ సిరీస్), ప్యారలైజ్డ్ బై హోప్ (ఇంగ్లీష్ సిరీస్).

జీ5 (ZEE5) - సుమో దీదీ (బయోగ్రఫీ మూవీ), ద ఇన్వైట్ (ఇంగ్లీష్ మూవీ), సట్టమమ్ నీదుయుమ్ సీజన్ 2 (తెలుగు డబ్బింగ్ సిరీస్).

జియో హాట్ స్టార్ (Jio Hotstar) - వరం (తెలుగు సిరీస్), ద లెజెండ్ ఆఫ్ హనుమాన్ (తెలుగు డబ్బింగ్ సిరీస్).

అమెజాన్ ప్రైమ్ వీడియో (Amazon Prime Video) - చార్ యార్ (హిందీ సిరీస్).

ఆహా (Aha) - నా వైఫ్ మిస్సింగ్ (తెలుగు క్రైమ్ థ్రిల్లర్ మూవీ).

Also Read : Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.

Teja Sajja : US అమ్మాయితో పెళ్లి - కన్ఫర్మ్ చేసిన తేజ సజ్జా... డెస్టినేషన్ వెడ్డింగ్ ఎప్పుడంటే?

Ganesh Guptha — Thu, 22 Oct 2026 17:39:27 +0530

Teja Sajja Confirms His Wedding In December : టాలీవుడ్ యంగ్ హీరో తేజ సజ్జా పెళ్లి పీటలెక్కబోతున్నారు. రెండు రోజుల క్రితం ఆయన పెళ్లిపై ప్రచారం జరగ్గా... తాజాగా స్వయంగా ఆయనే దీనిపై రియాక్ట్ అయ్యారు. త్వరలోనే తన పెళ్లి జరగనున్నట్లు తేజ కన్ఫర్మ్ చేసినట్లుగా నేషనల్ మీడియాలో ప్రచారం సాగుతోంది.

అమ్మాయి ఎవరంటే?

యూఎస్‌కు చెందిన సాఫ్ట్‌వేర్ ఇంజినీర్‌ను తేజ సజ్జా పెళ్లి చేసుకోబోతున్నారు. 'రాజస్థాన్‌లోని ఉదయ్‌పూర్ వేదికగా డిసెంబరులో డెస్టినేషన్ వెడ్డింగ్ జరగనుంది. అంతకంటే ముందు నవంబరులో ఎంగేజ్మెంట్ జరగనుంది. మా పేరెంట్స్ ఈ పెళ్లి కుదిర్చారు. అమ్మాయికి సినిమాలతో ఎలాంటి సంబంధం లేదు. వాళ్లది బిజినెస్ ఫ్యామిలీ. ఆమె USలోనే పెరిగారు.

నా పర్సనల్ లైఫ్‌ను ప్రైవేట్‌గా ఉంచడానికే ఇష్టపడతాను. అందుకే కేవలం కుటుంబ సభ్యులు, అత్యంత ఆప్తులు, కొద్దిమంది స్నేహితుల సమక్షంలోనే ఈ పెళ్లి వేడుక చాలా సింపుల్‌గా జరుగుతుంది. ప్రచార ఆర్భాటాలకు దూరంగా సన్నిహితుల మధ్య వేడుకలు జరగాలని నిర్ణయించుకున్నాం.' అని కన్ఫర్మ్ చేశారు.

నవంబరులో ఎంగేజ్మెంట్, డిసెంబరులో పెళ్లి తర్వాత ప్రముఖులు, సెలబ్రిటీల కోసం హైదరాబాద్‌లో రిసెప్షన్ ఏర్పాటు చేయనున్నట్లు తెలుస్తోంది. చైల్డ్ ఆర్టిస్ట్‌గా సూపర్ క్రేజ్ సంపాదించుకున్న తేజ సజ్జా... జాంబీ రెడ్డి మూవీతో హీరోగా ఎంట్రీ ఇచ్చారు. ఫస్ట్ మూవీతోనే బిగ్ సక్సెస్ అందుకున్న ఆయన... 'హనుమాన్'తో పాన్ ఇండియా క్రేజ్ సొంతం చేసుకున్నారు. ఆ తర్వాత మిరాయ్‌తో హ్యాట్రిక్ విజయం సాధించారు.

ఓ వైపు వరుస సినిమాలతో అలరిస్తూనే మరోవైపు ఓటీటీలోకి కూడా ఎంట్రీ ఇచ్చారు. ఫేమస్ రియాలిటీ షో 'ది ట్రైటర్స్‌'కు హోస్ట్‌గా వ్యవహరిస్తున్నారు. ప్రస్తుతం 'మిరాయ్ 2'కు సంబంధించి ఓ షెడ్యూల్ పూర్తి చేసిన తేజ సజ్జా... రీసెంట్‌గా 'జాంబిరెడ్డి 2'ను కూడా సెట్స్‌పైకి తీసుకెళ్లారు. హనుమాన్ సీక్వెల్ కూడా కంటిన్యూ అవుతోంది.

Kalavari Kodalu Kanaka Mahalakshmi Serial Today October 22nd: కలవారి కోడలు కనక మహాలక్ష్మీ: భక్తవత్సలంలో మార్పు! తండ్రిని చంపడానికి సుభాష్‌ని రప్పించిన అంబిక!

Jhanshi Balleda — Thu, 22 Oct 2026 17:08:01 +0530

Kalavari Kodalu Kanaka Mahalakshmi Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 22న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

బంటీ ఏం చేశావో చెప్పరా..

సిరి బంటీనే గాజులు దొంగతనం చేసి క్రిష్ బ్యాగ్‌లో పెట్టాడని చెప్పడంతో విహారి అందరిని పిలిచి బంటీతో రేయ్ బంటీ నువ్వేం చేశావో అందరితో చెప్పరా అని అంటాడు. దాంతో బంటీ భయపడి గాజులు దొంగతనం చేసి క్రిష్ బ్యాగ్‌లో వేసినట్లు చెప్తాడు. అందరూ షాక్ అవుతారు. విహారి బంటీతో మీరంతా చిన్నపిల్లలు మీరంతా సంతోషంగా ఆడుకోవాలి.. ఇలా కోపతాపాలు ఉండకూడదు.. ఇంకెప్పుడూ గొడవ పడకుండా కలిసి మెలిసి ఉంటామని చేతులు కలపండి అని క్రిష్, సిరిల చేతుల్లో బంటీ చేయి పెట్టబోతే బంటీ చేయి లాక్కొని.. నేను వాడు ఒక్కటి ఏంటి.. నేను హై క్లాస్ వాడు లో క్లాస్ ఎవరూ లేని అనాథ. మన జాలి మీద బతుకుతున్నాడు.. వాడు నాకు ఎప్పటికీ దూరంగా ఉండాలి.. ఈ విషయంలో నేను ఎవరి మాట వినను అని బంటీ వెళ్లిపోతాడు.

క్రిష్ ఈ ఇంట్లో చాలా మందికి నచ్చడు..

అత్తయ్యా ఎలా మాట్లాడుతున్నాడో చూడు అని అంటే ఎందుకోరా వాడికి బంటీ నచ్చడు అని అంబిక అంటుంది. నాన్న బంటీకే కాదు ఇక్కడ చాలా మందికి బంటీ నచ్చడు అని సిరి అంటుంది. ఈ చిన్న వయసులోనే ఇలా ఉన్నాడు అంటే పెద్దయిన తర్వాత ఏం చేయలేం.. ఇప్పుడే కంట్రోల్‌లో పెట్టు అని అంటాడు. వాడినే కాదు వాడి నోటిని కూడా కంట్రోల్ చేయ్ అని చారుకేశవ అంటాడు. సహస్ర కూడా అంబికతో బావ మాట్లాడుతుంటే వాడు వెళ్లిపోయాడు ముందు వాడిని పిలిచి సారీ చెప్పించు అని అంటుంది. అవసరం లేదులే సహస్ర.. అని విహారి అంటాడు. బంటీని మీరే కలుపుకోండిరా అని విహారి క్రిష్‌ సిరిలకు చెప్తాడు.

పెద్దాయనలో మార్పు..

యమున పండుకి భక్తవత్సలానికి మందులు ఇవ్వమని పంపుతుంది. ఇంతలో భక్తవత్సలం చేయి కదిపించగలుగుతాడు. పండు అది సంతోషంతో పెద్దయ్యా మీరు చేయి కదుపుతున్నారు అని మహాకి పిలిచి విషయం సంతోషంగా చెప్తాడు. మహా చాలా హ్యాపీ అయిపోతుంది. మహా పండుతో డాక్టర్‌ని పిలవమని అంటుంది.

నాన్నకి తగ్గిపోతుందా ఏంటి..

ఇంట్లో అందరికీ విషయం తెలిసి సంతోషంగా పెద్దాయన దగ్గరకు వెళ్తారు. ఇంతలో డాక్టర్ రావడం చూసిన అంబిక ఏమైందా అని వెళ్తుంది. డాక్టర్ చూసి ట్రీట్మెంట్ ఇస్తారు. ఇక అంబిక ఏమైందని పద్మాక్షిని అడిగితే నాన్న చేయి కదిపించారు.. అని చెప్తుంది. అంబిక మనసులో నాన్నకి పక్షవాతం తగ్గిపోతుందా ఏంటి అని కంగారు పడుతుంది. డాక్టర్ విహారి వాళ్లతో మీ నాన్నలో మార్పు మొదలైంది.. త్వరలోనే కోలుకుంటారు అని అంటారు. త్వరలోనే నయం అయిపోతుంది తొందరగా మాట్లాడుతారు అని మందులు ఇస్తారు. ఇక నుంచి పెద్దాయన్ను జాగ్రత్తగా చూసుకోవాలి అని యమున పండుతో చెప్తుంది.

తండ్రిని చంపడానికి అంబిక ప్లాన్..

అంబిక రాత్రి సుభాష్‌ని ఇంటికి పిలుస్తుంది. సుభాష్ గోడ దూరి ఇంటికి వస్తాడు. అంబిక సుభాష్‌తో ఈ రోజు ఎట్టి పరిస్థితుల్లో అయినా మా నాన్నని నువ్వు చంపేయాలి అని చెప్తుంది. ఇప్పుడు ఎందుకు మీ నాన్నని చంపడం అని అంటే మా నాన్నకి పక్షవాతం తగ్గుతుంది. ఆయనకు మాట వస్తే మొదట చెప్పేది నా గురించే అని చెప్పి మంకీ క్యాప్ పెట్టుకొని తండ్రిని చంపడానికి సుభాష్‌ని పంపిస్తుంది. సుభాష్ పెద్దాయన్ను చంపడానికి కత్తి తీస్తాడు. ఇంతలో నీరు తాగడానికి మహా లేస్తుంది. దీంతో ఇవాళ్టి ఎపిసోడ్ పూర్తయిపోతుంది.

Na Wife Missing OTT : వైఫ్ మిస్సింగ్... అసలు క్రిమినల్ ఎవరు? - ఓటీటీలోకి వచ్చేసిన వరుణ్ సందేశ్, శ్వేతా బసు క్రైమ్ థ్రిల్లర్

Ganesh Guptha — Thu, 22 Oct 2026 16:33:32 +0530

Varun Sandesh's Crime Investigation Thriller Na Wife Missing OTT Streaming : 'కొత్త బంగారు లోకం' మూవీతో సూపర్ క్రేజ్ సంపాదించుకున్న జంట వరుణ్ సందేశ్, శ్వేతా బసు ప్రసాద్. దాదాపు 18 ఏళ్ల తర్వాత వీరిద్దరూ కలిసి నటించిన క్రైమ్ ఇన్వెస్టిగేషన్ థ్రిల్లర్ మూవీ 'నా వైఫ్ మిస్సింగ్'. తాజాగా ఓటీటీలోకి వచ్చిన ఈ సినిమా సూపర్ ట్రెండ్ అవుతోంది.

ఎందులో స్ట్రీమింగ్ అంటే?

ఈ మూవీ ప్రముఖ తెలుగు ఓటీటీ 'ఆహా' (Aha)లో గురువారం (అక్టోబర్ 22) నుంచి స్ట్రీమింగ్ అవుతోంది. గోల్డెన్ సబ్‌స్క్రైబర్స్‌కు బుధవారం నుంచే అందుబాటులో ఉంది. తెలుగుతో పాటు తమిళం ఆడియోలోనూ స్ట్రీమ్ అవుతోంది. ఈ మూవీకి స్వాతి ప్రకాశ్ దర్శకత్వం వహించగా... వరుణ్ సందేశ్, శ్వేతా బసు ప్రసాద్‌లతో పాటు ప్రవీణ్, మోహిత్, జబర్దస్త్ సత్యశ్రీ తదితరులు కీలకపాత్రలు పోషించారు. లైట్ హౌస్ సినీ మ్యూజిక్ బ్యానర్‌పై శివ కంఠమనేని నిర్మించారు.

స్టోరీ ఏంటంటే?

గ్రామీణ బ్యాంకులో అసిస్టెంట్ మేనేజర్‌గా వర్క్ చేస్తుంటాడు బాలు (వరుణ్ సందేశ్). స్వప్నతో (శ్వేతా బసు ప్రసాద్) పెద్దలు అతని పెళ్లి నిశ్చయిస్తారు. పెళ్లి చూపుల్లోనే తాను వర్జిన్ కాదని బాలుకు చెబుతుంది స్వప్న. అబాన్ (మోహిత్) అనే యువకుడిని లవ్ చేస్తుంది. తన కంటే వయసులో చిన్న వాడు కావడం, మతం వేరే కావడంతో బాలుతో స్వప్న పెళ్లిన బలవంతంగా జరిపిస్తారు. అయితే, పెళ్లికి ముందే తాను వర్జిన్ కాదని చెప్పినా బాలు ఆమెను పెళ్లి చేసుకుంటాడు.

ఆ తర్వాత తాను ప్రేమించిన అబాన్‌తో వెళ్లిపోతానని బాలుతో చెబుతుంది స్వప్న. అయితే, అనూహ్యంగా కనిపించకుండా పోతుంది. ఈ కేసులో బాలును అరెస్ట్ చేస్తారు పోలీసులు. బెయిల్‌పై జైలు నుంచి బయటకు వచ్చిన బాలు స్వప్న కోసం వెతుకుతుంటాడు. అబాన్ దగ్గరకు స్వప్న వెళ్లలేదని తెలుసుకుని షాక్ అవుతాడు. అసలు స్వప్న ఏమైంది? ఆమెను కిడ్నాప్ చేసింది ఎవరు? అబాన్, బాలుల్లో స్వప్న నిజంగా ఎవరిని ప్రేమించింది? తాను వర్జిన్ కాదని చెప్పినా బాలు స్వప్నను ఎందుకు పెళ్లి చేసుకున్నాడు? చివరకు స్వప్న దొరికిందా? అనేది తెలియాలంటే సినిమా చూడాల్సిందే.

Also Read : Jailer 2 Collection : రజనీ కాంత్ జైలర్ 2 మరో రికార్డు - వారం రోజుల్లో కలెక్షన్స్ ఎంతంటే?

Psychological Thriller OTT : నిద్రలో నడిచే అలవాటు... కలలు నిజమైతే? - ఓటీటీలోకి వచ్చేసిన రాజు వెడ్స్ రాంబాయి హీరో సైకలాజికల్ థ్రిల్లర్

Ganesh Guptha — Thu, 22 Oct 2026 16:05:18 +0530

Akhil Uddimeri's Psychological Thriller Fight Maha OTT Streaming : కలలు నిజమైతే.. అది ఎవరి నిజం? అనే ఆసక్తికరమైన ట్యాగ్‌లైన్‌తో తెరకెక్కిన సైకలాజికల్ థ్రిల్లర్ చిత్రం ‘ఫైట్ మహా’ (Fight Maha). రాజు వెడ్స్ రాంబాయి ఫేమ్ అఖిల్ రాజ్, సునీల్ ప్రధాన పాత్రల్లో నటించిన ఈ మూవీ ఆగస్ట్ 21న ప్రేక్షకుల ముందుకు వచ్చింది. బాక్సాఫీస్ వద్ద మిక్స్‌డ్ టాక్ సొంతం చేసుకున్న సినిమా ఇప్పుడు ఓటీటీలోకి వచ్చేందుకు రెడీ అవుతోంది.

ఎందులో స్ట్రీమింగ్ అంటే?

సునీల్, అఖిల్ సైకలాజికల్ థ్రిల్లర్ మూవీ ప్రముఖ తెలుగు ఓటీటీ 'ఈటీవీ విన్' (Etv Win)లో గురువారం నుంచి స్ట్రీమింగ్ అవుతోంది. 'ది ఫైట్ ఈజ్ ఆన్' అంటూ స్పెషల్ పోస్టర్ రిలీజ్ చేశారు మేకర్స్. రామ్‌గోపాల్ వర్మ నిర్మాణంలో సంచలనం సృష్టించిన 'మర్డర్' చిత్ర దర్శకుడు ఆనంద్ చంద్ర ఈ చిత్రానికి దర్శకత్వం వహించారు.

సునీల్, అఖిల్‌లతో పాటు డాక్టర్ శ్రీవాణి గోపిచంద్, వైష్ణవి, సిద్ధార్థ్, శ్రీకాంత్ అయ్యంగార్, సమీర్, దీపక్ కేశవ్, కృష్ణరాజు (జోగి బ్రదర్స్), జబర్దస్త్ శాంతి కుమార్, ఆయేషా, హరీష్, పూర్ణ శ్రీ, మాస్టర్ రోహన్ తదితరులు కీలకపాత్రలు పోషించారు. న్యూ ఐ మూవీస్ ఎల్ఎల్‌పీ బ్యానర్‌పై ఏవీఎస్ రాజు, ఆర్. కుమార్ రాజు, ఆనంద్ చంద్ర నిర్మించారు. మరి ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.

స్టోరీ ఏంటంటే?

విశాఖకు చెందిన మహాకు (అఖిల్) ఆర్టిస్ట్ కావాలనేది కోరిక. హైదరాబాద్‌లో ఉద్యోగం వచ్చిందని తల్లికి చెప్పి తన లక్ష్యం కోసం నగరానికి చేరుకుంటాడు. అక్కడ పోలీస్ శాఖలో స్కెచ్ ఆర్టిస్ట్‌గా పని చేసే అవకాశం వస్తుంది. ఎన్నో కీలక కేసుల్లో క్రిమినల్స్ స్కెచ్ వేసి సాల్వ్ చేస్తుంటాడు. అయితే, మహాకు స్లీపింగ్ డిజార్డర్ అనే సమస్య ఉంటుంది. నిద్రలో భయంకరమైన కలలు, నడక అనేక సమస్యలు వెంటాడుతాయి. దీంతో తీవ్ర మానసిక వేదనకు గురవుతాడు.

తన బాల్యం, చనిపోయిన తండ్రి (సునీల్) కలలో కనిపిస్తారు. తన సమస్య తీర్చుకునేందుకు సైకాలజిస్ట్ గుప్తా (శ్రీకాంత్ అయ్యంగార్)ను మీట్ అవుతాడు. అలా అతని జీవితంలోకి యోగా టీచర్ అమీనా వస్తుంది. అంతా ప్రశాంతంగా జరుగుతున్న టైంలో మహా జీవితంలో ఊహించని ఘటన జరుగుతుంది. నిద్రలో నడక వల్ల ఓ హత్య కేసులో ఇరుక్కుంటాడు. అసలు ఆ హత్య చేసింది ఎవరు? మహాకు చనిపోయిన మహిళకు సంబంధం ఏంటి? ఎందుకు మహాను తన తండ్రి చిన్న నాటి కలలు వెంటాడుతాయి? అనేది తెలియాలంటే సినిమా చూడాల్సిందే.

Also Read : Sai Pallavi : రామాయణ 3Dలోనే చూడండి - అద్భుతమైన విజువల్ ఎక్స్‌పీరియన్స్... ఆడియన్స్‌కు సాయి పల్లవి రిక్వెస్ట్

Jailer 2 Collection : రజనీ కాంత్ జైలర్ 2 మరో రికార్డు - వారం రోజుల్లో కలెక్షన్స్ ఎంతంటే?

Ganesh Guptha — Thu, 22 Oct 2026 15:43:37 +0530

Rajinikanth's Jailer 2 World Wide Record Collections : తమిళ సూపర్ స్టార్ రజనీ కాంత్ హీరోగా నటించిన 'జైలర్ 2' (Jailer 2) బాక్సాఫీస్ వద్ద సంచలన విజయం సాధించింది. అక్టోబర్ 16న ప్రేక్షకుల ముందుకు వచ్చిన ఈ సినిమా వారం రోజుల్లోనే రికార్డు కలెక్షన్స్ సాధించింది.

కలెక్షన్స్ ఎంతంటే?

'జైలర్ 2' వారం రోజుల్లో వరల్డ్ వైడ్‌గా దాదాపు రూ.582.45 కోట్ల గ్రాస్ కలెక్షన్స్ సాధించినట్లు ప్రముఖ ట్రేడ్ అనలిస్ట్ సాక్నిల్క్ (Sacnilk) తెలిపింది. ఇండియాలో రూ.317.20 కోట్ల నెట్ వసూళ్లు సాధించగా... గ్రాస్ కలెక్షన్లు రూ.338.45 కోట్లకు చేరుకున్నాయి. ఓవర్సీస్ మార్కెట్‌లో రూ.204 కోట్ల గ్రాస్ వసూళ్లు రాబట్టింది.

ఇండియా గ్రాస్ - రూ.338.45 కోట్లు
ఇండియా నెట్ - రూ.317.20 కోట్లు
వరల్డ్‌వైడ్ గ్రాస్ - రూ.582.45 కోట్లు
ఓవర్సీస్ గ్రాస్ - రూ.204 కోట్లు

కేరళలో రికార్డు వసూళ్లు

'జైలర్ 2’కు కేరళలోనూ మంచి స్పందన లభిస్తోంది. ఏడో రోజు అక్కడ సుమారు రూ.3.92 కోట్ల గ్రాస్ వసూళ్లు సాధించినట్లు ట్రేడ్ ట్రాకింగ్ నివేదికలు వెల్లడించాయి. అక్టోబర్ 21న కేరళలో అత్యధిక వసూళ్లు సాధించిన సినిమాగా ‘జైలర్ 2’ నిలిచింది. రజినీకాంత్‌కు ఉన్న క్రేజ్‌తో పాటు మలయాళ స్టార్ మోహన్‌లాల్ ఈ సినిమాలో నటించడం కూడా కేరళ ప్రేక్షకుల్లో ఆసక్తిని పెంచుతోంది. అక్కడ అత్యధిక కలెక్షన్స్ సాధించిన తమిళ సినిమాగా రికార్డు క్రియేట్ చేసింది. గతంలో ఈ రికార్డు విజయ్ నటించిన 'లియో' మూవీ పేరిట ఉండేది.

నెల్సన్ దిలీప్‌కుమార్ దర్శకత్వం వహించిన ఈ సినిమాలో రజనీ కాంత్‌తో పాటు మోహన్‌లాల్‌, శివరాజ్‌కుమార్‌, విద్యా బాలన్‌, ఎస్‌.జే. సూర్య, జాకీ ష్రాఫ్‌, రమ్యకృష్ణన్‌, సునీల్‌, యోగిబాబు తదితరులు కీలక పాత్రల్లో నటించారు. అనిరుధ్ రవిచందర్ మ్యూజిక్ అందించగా... సన్ పిక్చర్స్ బ్యానర్‌పై కళానిధి మారన్ నిర్మించారు.

స్టొరీ ఏంటంటే?

విగ్రహాల అక్రమ రవాణాలో తన కొడుకు భాగమయ్యాడని తెలుసుకున్న ముత్తువేల్ పాండియన్ (రజనీ కాంత్) అతన్ని చంపేస్తాడు. ఇందులో కీలక భాగమైన వర్మను కూడా చంపిన తర్వాత తన ఫ్యామిలీని కాపాడుకోవడానికి ఓ మారుమూల ప్రాంతంలో సాధారణ జీవితం గడుపుతుంటాడు. ఓ సూపర్ మార్కెట్‌లో సూపర్వైజర్‌గా వర్క్ చేస్తుంటాడు. కానీ వర్మను చంపిన వ్యక్తిని పట్టుకునేందుకు కేరళలోని దిలీప్ (సూరజ్ వెంజరమూడు) మనుషులు వెతుకుంటారు.

ఇదే టైంలో దిలీప్ వెనుక, విగ్రహాల స్మగ్లింగ్ వెనుక గోవాలోని చక్రి కల్పక్ (మిథున్ చక్రవర్తి) ఫ్యామిలీ ఉందని టైగర్ ముత్తువేల్ తెలుసుకుంటాడు. విగ్రహాలతో కూడిన తమ మూడు కంటైనర్లు ఇవ్వమని లేదంటే కుటుంబాన్ని అంతం చేస్తామని ముత్తువేల్‌కు కల్పక్ ఫ్యామిలీ బోధి కల్పక్ (ఎస్.జె. సూర్య), కుమార్తె కాంత (విద్యా బాలన్) వార్నింగ్ ఇస్తారు. స్నేహితుడు (శివరాజ్ కుమార్) మీద ఎటాక్ చేసి అతని భార్య, పిల్లల్ని బంధిస్తారు. అప్పుడు టైగర్ ముత్తువేల్ పాండ్యన్ ఏం చేశారు? స్నేహితుడి కుటుంబంతో పాటు తన కుటుంబాన్ని ఎలా కాపాడాడు? అనేదే సినిమా.

Also Read : Dheeraj Mogilineni : ఇండస్ట్రీ అంటే పెద్ద సినిమాలే కాదు - వెంకీ మూవీతో పోటీ పడలేం... 'సమ్మర్ హాలిడేస్' వాయిదాపై ప్రొడ్యూసర్ రియాక్షన్

Sai Pallavi : రామాయణ 3Dలోనే చూడండి - అద్భుతమైన విజువల్ ఎక్స్‌పీరియన్స్... ఆడియన్స్‌కు సాయి పల్లవి రిక్వెస్ట్

Ganesh Guptha — Thu, 22 Oct 2026 15:09:56 +0530

Sai Pallavi Reaction Over Ramayana 3D Version : నితీశ్ తివారీ దర్శకత్వంలో రాబోతోన్న మైథలాజికల్ ఎపిక్, విజువల్ వండర్ రామాయణ (Ramayana). ఈ సినిమా రెండు భాగాలుగా ప్రేక్షకుల ముందుకు రానుండగా... ఫస్ట్ పార్ట్ నవంబర్ 5న వరల్డ్ వైడ్ రిలీజ్ కానుంది.

ఇందులో రాముడిగా రణబీర్ కపూర్, సీతాదేవిగా సాయి పల్లవి నటిస్తున్నారు. రావణుడిగా రాకింగ్ స్టార్ యశ్ నటిస్తున్నారు. చెన్నైలో జరిగిన ఆడియో లాంచ్ ఈవెంట్‌లో సాయిపల్లవి ఇంట్రెస్టింగ్ కామెంట్స్ చేశారు.

'3Dలో చూడండి'

'రామాయణ' మూవీని 3Dలో చూస్తే ఆడియన్స్‌కు గొప్ప విజువల్ ఎక్స్‌పీరియన్స్ లభిస్తుందని అన్నారు నేచరల్ బ్యూటీ సాయిపల్లవి. 'మొబైల్‌లో 'రామాయణ' ట్రైలర్‌ను చూసినప్పుడు ఒక రకమైన అనుభూతి కలిగింది. అదే ట్రైలర్‌ను థియేటర్‌లో 3D గ్లాసెస్‌తో చూసినప్పుడు ఆ ఎక్స్‌పీరియన్స్ పూర్తిగా డిఫరెంట్. థియేటర్‌లో 3డీలో ట్రైలర్‌ను చూసినప్పుడు కలిగిన అనుభూతి మాటల్లో చెప్పలేనంత గొప్పగా ఉంది. అందుకే ప్రేక్షకులు ఈ సినిమాని తప్పనిసరిగా 3డీలో చూడాలి.

మూవీని నిర్మాత నమిత్ మల్హోత్రా చాలా ప్రత్యేకంగా రూపొందిస్తున్నారు. ప్రేక్షకులకు మంచి అనుభూతిని అందించడమే లక్ష్యంగా ఈ సినిమాను తెరకెక్కించారు. గొప్ప భారతీయ ఇతిహాసాన్ని ప్రపంచ ప్రేక్షకుల ముందుకు పరిచయం చేయడం గర్వంగా ఉంది. భారతీయ సంస్కృతి, సంప్రదాయాలు, పురాణ వైభవాన్ని పరిచయం చేసే అవకాశం రావడం సంతోషంగా ఉంది.' అని అన్నారు.

'రామాయణ' చిత్రాన్ని హిందీ నిర్మాత నమిత్ మల్హోత్రా, కన్నడ కథానాయకుడు యష్ సంయుక్తంగా నిర్మిస్తున్నారు. ఈ చిత్రానికి హాలీవుడ్ సంగీత దర్శకుడు హన్స్ జిమ్మర్, భారతీయ సంగీత దిగ్గజం ఏఆర్ రెహమాన్ సంగీతం అందిస్తున్నారు. ఇందులో రామునిగా రణ్‌బీర్ కపూర్, రావణాసురుడిగా యష్, సీతా దేవిగా సాయి పల్లవి నటించారు. లక్ష్మణుడిగా రవి దూబే, మండోదరిగా కాజల్ అగర్వాల్, భరతుడిగా ఆదినాథ్ కొఠారే, శతృఘ్నుడిగా నితీశ్ శర్మ, శూర్ఫణఖగా రకుల్ ప్రీత్ సింగ్ నటించారు.

Also Read : Ramayana OTT: ఆ ఓటీటీలోకి 'రామాయణ'... కానీ ఓ ట్విస్ట్, సబ్‌స్క్రిప్షన్ ఉంటే చాలదు గురూ