Meghasandesam Serial Today July 27th: ‘మేఘసందేశం’ సీరియల్‌: భూమి గదిలో ఆకాష్‌ను చూసిన అపూర్వ – అపూర్వ చెంప పగులగొట్టిన శరత్‌ చంద్ర

Kalavari Kodalu Kanaka Mahalakshmi Serial Today July 27th: కలవారి కోడలు కనక మహాలక్ష్మీ: పిండ ప్రదానానికి కనీసం ఫొటో కూడా లేదే! విహారి చేసిన పనికి ఏడుపు రాక మానదు!

Jhanshi Balleda — Mon, 27 Jul 2026 15:01:35 +0530

Kalavari Kodalu Kanaka Mahalakshmi Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 27న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

కింద కూర్చొని తిన్న విహారి..

హరికృష్ణ కింద తినడం చూసిన విహారి డైనింగ్ టేబుల్ మీదకు తీసుకొస్తే వాడిది మన స్థాయి కాదు.. వాడు డైనింగ్ టేబుల్ మీద తింటే మేం తినమని పద్మాక్షి, అంబిక, సహస్ర లేచేస్తారు. విహారి ఎంత వాధించిన పద్మాక్షి తగ్గదు. దాంతో క్రిష్ కిందే తింటాను అంటాడు. విహారి సరే అని తను కూడా ఓ ప్లేట్‌లో భోజనం పెట్టుకొని క్రిష్‌తో పాటు కిందే కూర్చొని తింటాడు. అందరూ షాక్ అయిపోతారు. నేను కూడా కిందే కూర్చొని తింటాను నాన్న అని సిరి కూడా విహారి, క్రిష్‌ల పక్కకి వెళ్లి కూర్చొంటుంది. క్రిష్‌ సరిగా కలుపుకోకపోవడంతో విహారి ముద్ద కలిపి తినిపిస్తాడు. విహారి తినిపిస్తుంటే క్రిష్ ఏడుస్తాడు. ఇక పద్మాక్షి వాళ్లు అక్కడి నుంచి వెళ్లిపోతారు.

ALSO READ: Illu Illalu Pillalu Serial Today July 27th: ఇల్లు ఇల్లాలు పిల్లలు: గొడవ మొదలు పెట్టిన సేనాపతి! భోజనాలు దగ్గర టెన్షన్ టెన్షన్!

48 గంటల్లో నీ అంతు చూస్తా..

శకుంతలతో తన మనుషులు అక్కా మనం ఎంత జాగ్రత్తగా ఉన్నా సాక్ష్యం దొరికితే మన పరిస్థితి ఏంటి అనుకుంటారు. విషయం తెలుసుకుందామని మరి కొందరు రౌడీలకు కాల్ చేస్తే తీయరు.. ఇంతలో విహారి శకుంతల దగ్గరకు వస్తాడు. వస్తూ వస్తూ రౌడీని ఒక్కటి తంటాడు. ఏయ్ నువ్వు ఎందుకు వచ్చావ్ ఇక్కడికి అని శకుంతల అడిగితే సిరిని ఏం చేశావ్ మర్యాదగా చెప్తావా లేదా అని విహారి శకుంతల మీదకు చేయి ఎత్తుతాడు. ఆడదానివి అని వదిలేస్తున్నా.. అసలు నువ్వు ఆడదానివేనా.. డబ్బు కోసం నీ పంతం కోసం.. నీ ఆధిపత్యం కోసం ఓ ఆడపిల్లని నీ పొట్టన పెట్టుకోవాలని ఎలా అనుకున్నావ్.. 48 గంటల్లో విషయాలు తెలుస్తాయి. సిరి మర్డర్ వెనక నువ్వే ఉన్నావని తెలిస్తే జీవితాంతం జైలులో ఉంటావ్ అని అంటాడు. సారూ ప్రాణాలు తీసే అంత దుర్మార్గురాలిని కాదు అని శకుంతల అంటుంది. సిరికి నువ్వు తప్ప ఇంకెవరూ శత్రువులు లేరు.. దొరుకుతావ్ దొరుకుతావ్,, జీవితాంతం జైలులో ఊచలు లెక్కపెడతావ్ అని విహారి అంటాడు. వీడే ఇలా రెచ్చిపోతే పోలీసులకు ఏమైనా ఆధారం దొరికితే నా పని అయిపోయినట్లే అని శకుంతల అనుకుంటుంది.

ఈ ఇంట్లో పిండ ప్రదానం చేయొద్దు..

విహారి పంతుల్ని పిలిపించి ఇంట్లో సిరి అలియాస్ లక్ష్మీకి పిండప్రదానం చేయించాలని చూస్తాడు. విషయం తెలిసిన పద్మాక్షి, సహస్ర, అంబిక వచ్చి ఇంట్లో ఇలాంటి దరిద్రం చేస్తామంటే ఊరుకునేది లేదు.. అని అంటారు. యమున విహారికి సపోర్ట్ చేస్తే యమునని కూడా పద్మాక్షి తిడుతుంది. దాంతో చెరువు దగ్గర పిండ ప్రదానం చేయడానికి విహారి, క్రిష్‌, సరి, యమున, పండు వెళ్తారు. కార్యక్రమం జరుగుతూ ఉంటే జేడీ, కేడీ, సంధ్య అక్కడికి వస్తారు. పంతులు సిరి ఫొటో అడిగితే మా అమ్మ ఫొటో లేదు.. అమ్మకి సంబంధించిన వన్నీ ఇంట్లో కాలిపోయావి అని క్రిష్ ఏడుస్తాడు. ఫొటో లేకుండా పిండ ప్రధానం ఎలా చేస్తాం అని పంతులు అంటే విహారి ఓ పలక తెచ్చి దాని మీద అమ్మ అని రాస్తాడు. క్రిష్ మీ అమ్మని కాపాడలేకపోయాను.. మీ అమ్మ ఫొటో కాలిపోకుండా కాపాడలేకపోయాను.. చివరకు ఇదే మిగిలిందిరా అని క్రిష్‌కి పలక ఇస్తాడు. అమ్మ అని రాసున్న పలకకి పూల దండ వేసి పిండ ప్రదానం చేస్తారు. ఆ సీన్ చూస్తే ఏడుపు రాక మానదు.. క్రిష్ ఏడుస్తూ ఉంటే విహారి దగ్గరుండి క్రిష్‌తో కలిసి పిండ ప్రదానం చేస్తాడు. లక్ష్మీకే పిండ ప్రాదానం అని విహారికి తెలీకపోయినా అన్నీ తన చేతితోనే చేస్తాడు. తర్వాత విహారి చెరువు దగ్గరకు వెళ్లి పిండాల్ని క్రిష్‌తో వదిలిస్తాడు. పిండాల్ని నీటిలో వదులుతూ క్రిష్ చాలా ఏడుస్తాడు. క్రిష్‌ని చూసి విహారి కూడా ఏడుస్తాడు. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.

Venkatesh AK47 : చిట్టిబాబుగా వెంకటేశ్ - ఆదర్శ కుటుంబంలో పర్ఫెక్ట్ ఫ్యామిలీ మ్యాన్

Ganesh Guptha — Mon, 27 Jul 2026 13:39:50 +0530

Venkatesh As Chittibabu In Aadarsha Kutumbam : విక్టరీ వెంకటేశ్, మాటల మాంత్రికుడు త్రివిక్రమ్ శ్రీనివాస్ కాంబోలో రాబోతోన్న ఫ్యామిలీ ఎంటర్టైనర్ 'ఆదర్శ కుటుంబం హౌస్ నెంబర్ 47'. ఇప్పటికే రిలీజ్ చేసిన పోస్టర్‍తో పాటు క్రేజీ కాంబో భారీ హైప్ క్రియేట్ చేస్తోంది. షూటింగ్ శరవేగంగా సాగుతుండగా... ప్రమోషన్స్‌లో భాగంగా ఒక్కో పాత్రను రివీల్ చేస్తున్నారు మేకర్స్. తాజాగా వెంకీ రోల్‌పై మరో బిగ్ అప్డేట్ ఇచ్చారు.

చిట్టిబాబుగా...

ఈ సినిమాలు చిట్టిబాబు పాత్రలో వెంకీ కనిపించనున్నారు. ఫ్యామిలీ మ్యాన్‌గా ఆయన డీసెంట్ లుక్ అదిరిపోయింది. స్పెషల్ వీడియోలో వెంకీ రోల్ నవ్వులు పూయిస్తోంది. కొత్త హౌస్‌లోకి వెంకీ అండ్ ఫ్యామిలీ ఎంట్రీ ఇవ్వగా... 'నాన్నా నువ్వు ఈజీగా వంట చేసుకోవచ్చు. వాషింగ్ మెషీన్ కూడా ఉంది. ఈజీగా పనులు చేసుకోవచ్చు.' అంటూ హీరోయిన్ శ్రీనిధి శెట్టి వెంకటేశ్‌కు చెప్పడం నవ్వులు పూయిస్తోంది. దీనికి కమెడియన్ రఘుబాబు ఎక్స్‌ప్రెషన్స్, వెంకీ ఇరిటేషన్ కామెడీ పండించింది. ప్రస్తుతం ఈ వీడియో వైరల్ అవుతోంది.

ప్రస్తుతానికి వెంకీ చిట్టిబాబు పాత్రను పరిచయం చేయగా... త్వరలోనే హీరోయిన్ శ్రీనిధి శెట్టి, యువినా పార్థవి, రాజా ప్రజ్వల్ పాత్రలను పరిచయం చేయనున్నారు. ఈ నలుగురి పాత్రలు ఈ ఆత్మీయ కుటుంబ కథకు హృదయంగా నిలవనున్నాయి. సహజమైన నటన, అద్భుతమైన కామెడీ టైమింగ్, కుటుంబ కథా చిత్రాల్లో తనదైన ముద్ర వేసిన వెంకటేష్ మరోసారి అన్ని వయసుల ప్రేక్షకులను అలరించే పాత్రతో రాబోతున్నారు. ఆనందం, అనుబంధాలు, కుటుంబ విలువలకు ప్రతిరూపంగా ఈ పాత్ర ఉండబోతోంది.

Also Read : Rishab Shetty : స్పైడర్ మ్యాన్‌తో రిషబ్ శెట్టి - నేను మీకు బిగ్ ఫ్యాన్... ఫ్యామిలీతో కలిసి మూవీకి...

ఎందుకంత స్పెషల్?

వెంకటేశ్, శ్రీనిధి శెట్టి కపుల్‌గా నటిస్తుండగా... ఇద్దరు పిల్లలు ఓ ఆత్మీయ కుటుంబ కథను త్రివిక్రమ్ ప్రేక్షకుల ముందుకు తీసుకురాబోతున్నట్లు తెలుస్తోంది. పోలీస్ ఆఫీసర్‌గా నారా రోహిత్, రఘుబాబు కీలకపాత్రలు పోషిస్తున్నారు. మ్యూజిక్ లెజెండ్ ఎస్ థమన్ మ్యూజిక్ అందిస్తుండగా... 'హారిక అండ్ హాసిని క్రియేషన్స్' బ్యానర్‌పై ప్రముఖ నిర్మాత ఎస్. రాధాకృష్ణ (చినబాబు) ప్రతిష్టాత్మకంగా నిర్మిస్తున్నారు. అక్టోబర్ 2న గాంధీ జయంతి సినిమా ప్రపంచవ్యాప్తంగా ఘనంగా విడుదల కానుంది.

హీరో వెంకీ కెరీర్‌లో ఇది 77వ సినిమా. త్రివిక్రమ్ - వెంకీ కాంబో గురించి ప్రత్యేకంగా చెప్పాల్సిన పని లేదు. త్రివిక్రమ్ రచయితగా, వెంకీ హీరోగా వచ్చిన 'నువ్వు నాకు నచ్చావ్', 'మల్లీశ్వరి', 'వాసు' బాక్సాఫీస్ వద్ద మంచి విజయం సాధించాయి. ఇప్పుడు రాబోతోన్న ఏకే 47పై కూడా భారీ అంచనాలే నెలకొన్నాయి.

Also Read : Sai Kumar Birthday : మై నేమ్ ఈజ్ అగ్ని - హీరో, విలన్, క్యారెక్టర్ ఆర్టిస్ట్... డైలాగ్ కింగ్ బర్త్ డే స్పెషల్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

Ram Charan Surgery: అంత పెద్ద అపోలో ఉండగా.. గంగా హాస్పిటల్ ఎందుకు? రామ్‌చరణ్‌ సర్జరీకి అక్కడికి వెళ్లడానికి అసలు రీజన్ అదే..

ARYA — Mon, 27 Jul 2026 13:26:10 +0530

Ramcharan Surgery: పెద్ది ( PEDDI) సినిమా షూటింగ్ సమయంలో రామ్‌చరణ్‌కు కొన్ని సార్లు గాయాలయ్యాయి. చేతి మణికట్టుకు పెద్ద గాయమే అవ్వడంతో ఆ సినిమా ప్రమోషన్లలో కూడా చరణ్ బ్యాండ్‌తో కనిపించారు. ఇప్పుడు ఆ గాయానికి సర్జరీ కోసం రామ్‌చరణ్‌ కోయంబత్తూరులోని గంగ హాస్పిటల్‌కు వెళ్లారు. ఆయన కుటుంబం మొత్తం కోయంబత్తూరు వెళ్లిన వీడియో మీడియాకు వచ్చింది. అయితే రామ్‌ చరణ్ ఇండియాలోనే అతిపెద్ద హాస్పిటల్ నెట్‌వర్క్ అపోల్‌ గ్రూపు కుటుంబ సభ్యుడు. ఆయన భార్య ఉపాసన అపోలో డైరక్టర్. ప్రపంచ స్థాయి వైద్య సదుపాయాలు అక్కడ ఉన్నాయి. అయినా రామ్‌చరణ్ గంగ ఆసుపత్రికి ఎందుకు వెళ్లారన్న క్యూరియాసిటీ వ్యక్తమవుతోంది.

అపోలో అల్లుడు.. అయినా గంగా హాస్పిటల్ ఎందుకు..?

"అపోలో ఉండగా.. గంగాకు ఎందుకు?" రామ్‌చరణ్ కోయంబత్తూరులోని గంగా హాస్పిటల్‌కు వెళ్లాడనే వార్త బయటకు రాగానే అందరికీ వచ్చిన డౌట్ ఇది. పైగా గంగ ఆసుపత్రి అపోలో కన్నా పెద్దది కాదు. పోనీ ఇంగ్లిష్ వైద్యం కాకుండా నేచురోపతి. ఆయుర్వేద లాంటివి చూస్తున్నారా అంటే అది కూడా అల్లోపతిక్ సూపర్ స్పెషాలిటీ ఆసుపత్రినే.. అంతే కాదు. పెద్ది సమయంలో ఆయన నుదుటికి గాయం అయినప్పుడు అపోలోలోనే ట్రీట్‌మెంట్ జరిగింది. సొంత ఊరిలో అంత పెద్ద ఆసుపత్రికి ఉండగా.. మరి ఎందుకు వందల కిలోమీటర్లు ప్రయాణించి కోయంబత్తూరుకు వెళ్లారు అనే ఎంక్వైరీ మొదలైంది.

గంగా హాస్పిటల్‌లో అంత స్పెషల్ ఏముంది? Coimbattor Ganga Hospital

'పెద్ది' షూటింగ్‌లో రామ్‌చరణ్ మణికట్టుకు తీవ్ర గాయం అయింది. మొదట విశ్రాంతితో సరిపోతుందని భావించినా... చివరకు సర్జరీ తప్పదని వైద్యులు సూచించారు. ఆ తర్వాతే ఆయన కోయంబత్తూరును ఎంచుకున్నారు. ముంబై, చెన్నై లాంటి పెద్ద నగరాలు కాకుండా కోయంబత్తూరు వెళ్లడానికి ఓ స్పెషాలిటీ ఉంది. రామ్‌చరణ్ వెళ్తున్న గంగా.. హాస్పిటల్ ఆర్డోపెడిక్‌లో ఇండియాలోనే ఓ పయనీర్. భారత్‌లో ఆర్థోపెడిక్స్ అంటే చాలా మంది గుర్తు చేసుకునే పేర్లలో గంగా హాస్పిటల్ ఒకటి. Hand & Wrist Surgery లో ఇది దేశంలోనే పేరున్న హాస్పిటల్. వేలాది క్లిష్టమైన చేతి, మణికట్టు శస్త్రచికిత్సలు... మైక్రో సర్జరీలు... స్పోర్ట్స్ ఇంజరీ కేసులు... ప్రపంచం నలుమూలల నుంచి వచ్చే పేషెంట్లు... ఇవన్నీ గంగా హాస్పిటల్‌కు ప్రత్యేక గుర్తింపును తీసుకొచ్చాయి. ఈ హాస్పిటల్ వైద్యులు ఈ సర్జరీలు చేయడంలో స్పెషలిస్ట్‌లు.

రామ్‌చరణ్ ఎంచుకున్నది హాస్పిటల్ కాదు... ఒక సర్జన్‌ను..

సో.. ఇప్పుడు అర్థమైంది కదా.. రామ్‌చరణ్‌ ఎంచుకుంది.. హాస్పిటల్‌ను కాదు... డాక్టర్‌ను..! సినీవర్గాల ద్వారా అందిన సమాచారం ప్రకారం రామ్‌చరణ్‌కు సర్జరీ చేయబోయే స్పెషలిస్ట్‌.. డా. ప్రవీణ్‌ భరద్వాజ్. ఆయన హ్యాండ్ సర్జరీలో నిపుణుడు. ఆయనకు Wrist Arthroscopy, Cartilage Repair, Ligament Reconstruction వంటి క్లిష్టమైన సర్జరీల్లో ప్రత్యేక నైపుణ్యం ఉంది. ఈయనతో పాటు ఎన్‌.రాజశేఖరన్.. ఈ సర్జరీలో పాల్గొంటారు. కొన్ని దశాబ్దాలుగా Ganaga Hospitals హ్యాండ్ సర్జరీ, ట్రామా కేర్, స్పోర్ట్స్ ఇంజరీలలో తన అథారిటీని పెంచుకుంది. చాలా మంది సెలబ్రిటీలు తమ ఆర్థో సమస్యల కోసం ఈ ఆసుపత్రిని విజిట్ చేస్తుంటారు. ఇప్పుడు రామ్‌చరణ్ చేసింది కూడా అదే. అపోలోలో కూడా ప్రపంచస్థాయి ఆర్థోపెడిక్ నిపుణులు ఉన్నారు. అయినప్పటికీ.. ఒక ప్రత్యేక గాయం విషయంలో అత్యధిక అనుభవం ఉన్న సర్జన్ వద్ద చికిత్స చేయించుకోవడం వైద్యరంగంలో సాధారణ విషయమే.

Godavari Serial Today July 27th: 'గోదావరి' సీరియల్: రేయ్ సింహాద్రి తోట వదిలే ప్రసక్తే లేదు..! సూర్యకి షాక్‌ ఇచ్చిన భువన, సింహాద్రి! ఇంట్లో వాళ్లకి జాను చెప్పిన నిజమేంటి?

Jhanshi Balleda — Mon, 27 Jul 2026 13:23:37 +0530

Godavari Serial Today Episode ఇటీవల ప్రారంభమై బుల్లితెర ప్రేక్షకులను విశేషంగా ఆకట్టుకున్న "గోదావరి" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 27న) ప్రసారం కానున్న ఎపిసోడ్‌లో ఏం జరగనుంది.. ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

తోట వదిలే ప్రసక్తే లేదు..

భువన డైరీ విసిరేయడంతో మంటల్లో కాలిపోతుంది. సింహాద్రి జానుతో నేను మీ నాన్నని మోసం చేశాను అయితే ఏంటి.. ఏం చేస్తావో చేసుకో.. ఒక డైరీ తీసుకొచ్చి ఇందులో అదుందీ.. అందులో ఇదుందీ.. ఏంటి ఇది.. కావాలి అంటే తోట అమ్మేసిన తర్వాత చిల్లర విసురుతా తీసుకోండి.. లేదంటే లేదు అని అంటాడు. రేయ్ సింహాద్రి నువ్వేం చేయగలవు.. నువ్వేం చేయగలవు అని అడుగుతున్నావ్ కదా.. నేనేం చేస్తానో చూపిస్తా.. ధర్మం నా వైపు ఉంది.. డైరీ కాలిపోయిందని నీకు ధైర్యం వచ్చినట్లుంది.. తోట నీకు దక్కనివ్వను. నీ బండారం బయట పెడతాడు.. నిన్ను బయటకు లాగుతా.. తోటని వదిలే ప్రసక్తే లేదు.. అని జాను ఆవేశంగా చెప్తుంది.

నోటికి ఎంత వస్తే అంత మాట్లాడిందమ్మా..

సింహాద్రి శారదకు కాల్ చేసి జాను వచ్చి గొడవ చేసింది అని.. నోటికి ఎంత వస్తే అంత మాట్లాడిందని అంటాడు. దాంతో శారద సింహాద్రికి సారీ చెప్తుంది. ఇక భువన సూర్యని తిడుతుంది. జాను రాను రాను ఎక్కువ చేస్తుంది. తన స్థాయి మర్చిపోయి ఇలా చేస్తుందని భువన అంటుంది. ఆ ఇంట్లో అందరూ బాగుంటారు అత్తయ్యా ఈ జానుకే పొగరు అని కల్యాణ్ అంటే మర్యాదగా మాట్లాడరా అని సూర్య కల్యాణ్‌ని తిడతాడు. నాన్నని తను అంటే నువ్వు దానికి సపోర్ట్ చేస్తావ్ ఏంటి బావ అని కల్యాణ్ అడుగుతాడు.

వాళ్ల ప్రాబ్లమ్ నీకు తెలుసా..

అత్తయ్యా మీరు తనని లాగిపెట్టి కొడతారు అని అనుకున్నా అని కల్యాణ్ అంటే.. దానికి సూర్య రేయ్ ఆపుతావా.. జానుని కొడితే నీకు అంత ఆనందమా.. వాళ్ల ఫ్యామిలీ ప్రాబ్లమ్ ఏంటో నీకు తెలుసా.. తోట విలువ నీకు తెలుసా.. కోట్లలో ఉందిరా.. అది వాళ్ల నాన్న కష్టార్జితం.. వాళ్లకి దాని మీద హక్కు ఉంది.. తండ్రిని పోగొట్టుకొని వాళ్ల కష్టార్జితం పొగొట్టుకుంటే ఎలా ఉంటుందో తెలుసా అని సూర్య అంటాడు. రేయ్ పేదవాళ్లు పేదవాళ్లగానే ఉండాలి అలాగే మాట్లాడాలి.. నువ్వు మా జాను మాయలో పడుతున్నావ్ జాగ్రత్త అని భువన అంటుంది. ఏం జరుగుతుందమ్మా అని భువనని సింహాద్రి అంటే జాను వచ్చి వెళ్లింది కదా నాన్న అని కల్యాణ్ అంటే అవన్నీ నీకు ఎందుకు కల్యాణ్ అని సింహాద్రి భార్యని కల్యాణ్ని లోపలికి పంపేస్తాడు.

నిత్యనే నా ఇంటి కోడలు.. ఇది ఫిక్స్..

సూర్య మీద చేయి వేసి అల్లుడూ అని అంటే సూర్య కోపంగా చేయి తీయమన్నట్లు చూస్తాడు. దాంతో సింహాద్రి భుజం మీద చేయి తీసేస్తాడు. సూర్య అని పిలిచే వాడివి ఇదేంటి కొత్తగా పిలుపు మారింది అని సూర్య అడుగుతాడు. నా చెల్లిలి కొడుకువి నా కూతురిని పెళ్లి చేసుకుంటే నా ఇంటి అల్లుడివే కదా అని సింహాద్రి అనడంతో సూర్య షాక్ అయిపోతాడు. నా కూతుర్ని నీకు ఇచ్చి పెళ్లి చేయాలి అని నేను మీ అమ్మ నిర్ణయించుకున్నాం అని సింహాద్రి అంటాడు. అమ్మ ఏంటి ఇది బైక్ కొంటున్నావా.. షర్ట్ కొంటున్నావా నాకు చెప్పకుండా ఇదేంటి అని అడుగుతాడు. నీ జీవితాంతం కలిసి ఉండే తోడు విషయంతో నా నిర్ణయమే ఫైనల్.. దారినపోయే అలగాదాన్ని తెచ్చి అమ్మ ఇదే నీ కోడలు అంటే నేను ఒప్పుకోను.. ఊరుకోను.. నాకు ఒక రేంజ్ ఉంది.. నా ఇంటి కోడలు కూడా అదే రేంజ్‌లో ఉంది.. మీ మామయ్య కూతురు నిత్య నీకు పెర్‌ఫెక్ట్ జోడీ అని అంటుంది. అది కాదు అమ్మా అని సూర్య అంటే సూర్య మీ మామయ్య కూతురు నిత్యతోనే నీ పెళ్లి దీనికి తిరుగే లేదు అని భువన అంటుంది.

మా ఇద్దరిలో ఎవరి గురించి మొక్కుకున్నావ్..

మురళీ నందుని తీసుకొని స్కూటీ మీద వెళ్తుంటాడు. కావాలనే గంతల్లో స్కూటీ పెట్టి నడుపుతాడు. బండి చూసుకొని నడుపు బావ అని నందు అంటే సొంతపెళ్లాన్ని బండి మీద తీసుకెళ్తూ కూడా చూసి నడపాలి అంట అని అంటాడు. నందుని అద్దంలో చూస్తుంటే ముందుకు చూసి నడుపు అని అంటుంది. ఇక మురళీ స్కూటీ తన ఇంటి వైపు తిప్పితే ఇటు ఎందుకు అని నందు అంటుంది. దానికి మురళీ అమ్మకి ప్రసాదం ఇచ్చేసి వెళ్దాం అని అంటాడు. నీ ప్లాన్ అర్థమైంది కానీ మీ ఇంటికి తీసుకెళ్లి మీ అమ్మ కాలు మొక్కు.. అన్నావ్ అంటే నీ కాళ్లు విరిచేస్తా అంటుంది. శాంతి బయట కూరగాయలు కొంటుంటే నందు చూసి నేను రాను అని అంటుంది. అయినా మురళీ తల్లి దగ్గరకు తీసుకెళ్లిపోతాడు. నందుని చూసి శాంతి నందు మీద కూరగాయలు విసిరేస్తూ అన్నీ పుచ్చులే అని అంటుంది. మురళీ ప్రసాదం ఇచ్చి గుడికి వెళ్లా అని అంటే ఏం మొక్కుకున్నావ్‌రా నేను పోవాలి అనే కదా అని అంటుంది. నీ ఆరోగ్యం బాగుండాలని మొక్కుకున్నా అమ్మా అని మురళీ అంటాడు. అంటే నా కోసం మొక్కుకోలేదా అని నందు అంటుంది. నీ కోసం మొక్కుకున్నా నందు అని మురళీ అంటే ఎవరి కోసం మొక్కుకున్నావో చెప్పరా అని నందు శాంతి ఇద్దరూ మురళీని లాగేస్తారు. శాంతి మురళీని ఇంటికి రమ్మని చెప్తుంది. బావ నేను ఇంటికి రాను వస్తావా రావా అని నందు అనడంతో మురళీ నందుతో వెళ్లిపోతాడు. ఇప్పుడే మొగుడిని కొంగుకి కట్టేసుకుంది.. ఇక నీ మాట ఏం వింటాడు అని అందరూ శాంతిని రెచ్చగొడతారు.

సింహాద్రి అంకుల్ పెద్ద దొంగ..

శారద జాను కోసం ఎదురు చూస్తూ ఉంటుంది. మురళీ సరుకులు తెస్తే ఇంటి అల్లుడితో తెప్పిస్తున్నాం అని శారద అంటే అయితే పూజ గదిలో పెట్టి పూజిద్దాం అని నందు అంటుంది అలా అనొచ్చా నందు అని బామ్మ అంటుంది. ఏం పర్లేదులే అని మురళీ అంటాడు. ఇంతలో జాను వస్తే శారద ఆపి సింహాద్రి అన్నయ్య ఇంటికి వెళ్లి నోటికొచ్చినట్లు తిట్టావ్ అని శారద అడిగితే నాకు అతన్ని కొట్టాలి అనిపించిందని జాను అంటుంది. శారద తిడితే నీకు అర్ధం కావడం లేదు అమ్మా సింహాద్రి అంకుల్ పెద్ద దొంగ.. తోట విషయంలో అందరి కళ్లు కప్పాడు.. నాన్నని మోసం చేశాడు.. తోట తన పేరు మీద రాయించుకున్నాడు. అమ్మాలని చూస్తున్నాడు. రేటు తక్కువ ఉన్నప్పుడు మనకి ఆ తోట ఇద్దాం అనుకున్నాడు. కానీ రేటు పెరిగే సరికి అతనిలో దుర్భుద్ధి బయట పడింది. ఇప్పుడు తోట అమ్మాలి అనుకుంటున్నాడు. ఒకసారి తోట అమ్మితే మన చేయి జారిపోతుంది అమ్మ. అది నాన్న కష్టంఅమ్మా.. అన్ని రోజులు నాన్న నిద్రాహారాలు మానేసి మన అందర్ని వదిలేసి అన్ని రోజులు దుబాయ్‌లో కష్టపడి సంపాదించింది అమ్మా అని అంటుంది. ఇంత జరిగిందా జాను అని మురళీ షాక్‌తో అడిగితే అవును బావ అందుకే కదా తోట బెంగతో నాన్న చనిపోయింది అని జాను చెప్తుంది. అందరూ షాక్ అయిపోతారు. సింహాద్రి అంకుల్ బండారం నాన్న రాసుకున్న డైరీతో బయట పడింది.. నాన్న ఎంత డబ్బు ఎప్పుడు ఎంత ఇచ్చారో మొత్తం చూసి వాళ్లని నిలదీస్తే ఆ డైరీనీ మంటల్లోకి విసిరేసి కాల్చేశారు అని జాను ఏడుస్తూ చెప్పడంతో అందరూ బిత్తరపోతారు. ఉన్న ఒక్క ఆధారం పోయింది కదా జాను అని మురళీ అంటే అదొక్కటే కాల్చేశాడు కానీ బ్యాంక్‌లో పంపినట్లు ఉంటుంది కదా అని జాను అంటుంది. సింహాద్రి అన్నయ్య మీద నిందలు వేయకు అని శారద అంటే నీకు అర్థం కావడం లేదా అమ్మా నాన్న చావుకి సింహాద్రి అంకులే కారణం అని జాను అంటుంది. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర సీన్స్‌తో పాటు తర్వాత ఎపిసోడ్‌లో ఏం జరగనుంది? ఇలాంటి మరిన్ని ఆసక్తికర వివరాలు కోసం మా ఏబీపీ దేశం పేజీని ఫాలో అవ్వండి.

Jai Hanuman Update : జై హనుమాన్‌లో రానా దగ్గుబాటి - రోల్ ఏంటో తెలుసా?

Ganesh Guptha — Mon, 27 Jul 2026 12:45:48 +0530

Rana Daggubati To Being Part Special Role In Teja Sajja Jai Hanuman : టాలీవుడ్ యంగ్ హీరో తేజ సజ్జ, స్టార్ డైరెక్టర్ ప్రశాంత్ వర్మ కాంబోలో వచ్చిన మైథలాజికల్ యాక్షన్ ఫాంటసీ హనుమాన్. 2024లో రిలీజై బాక్సాఫీస్ వద్ద సంచలన విజయం సాధించిన ఈ సినిమాకు సీక్వెల్‌గా 'జై హనుమాన్' రూపొందుతోంది. తాజాగా ఈ భారీ ప్రాజెక్టుపై క్రేజీ న్యూస్ వైరల్ అవుతోంది.

కీలక రోల్‌లో రానా

ఈ మూవీలో తేజ సజ్జతో పాటు హనుమంతుడిగా కన్నడ స్టార్ రిషబ్ శెట్టి నటిస్తున్నారు. అలాగే, హీరో రానా దగ్గుబాటి అశ్వత్థామ పాత్రలో నటిస్తున్నట్లు తెలుస్తోంది. త్వరలోనే ఆయన షూటింగ్‌లో జాయిన్ అవుతారని సమాచారం. దీనిపై అఫీషియల్ అనౌన్స్‌మెంట్ రావాల్సి ఉంది. ఈ ఏడాది మార్చిలో హిస్టారికల్ ప్లేస్ అంజనాద్రిలో 'జై హనుమాన్' (Jai Hanuman) పూజా కార్యక్రమాలతో ప్రారంభమైంది.

2024లో సంక్రాంతి సందర్భంగా వచ్చిన 'హను మాన్' బాక్సాఫీస్ వద్ద రూ.300 కోట్లకు పైగా కలెక్షన్స్ సాధించింది. దీనికి మించి భారీ స్థాయిలో సీక్వెల్ 'జై హనుమాన్' రూపొందుతోంది. కన్నడ స్టార్ రిషబ్ శెట్టి, రానా భాగం అవుతుండడంతో అంచనాలు మరింత పెరిగాయి. ఇప్పటికే హనుమంతుడిగా రిషబ్ ఫస్ట్ లుక్ ట్రెండ్ అవుతోంది.

Also Read : This Week OTT Movies : ఈ వారం ఓటీటీ మూవీస్... ఈ 6 సినిమాలు డోంట్ మిస్ - ఏయే తేదీల్లో ఏ సినిమాలు స్ట్రీమింగ్ అంటే?

ఫస్ట్ పార్ట్‌లో హనుమంత్‌గా కనిపించిన తేజ సజ్జ సీక్వెల్‌లోనూ అదే రోల్ చేయబోతున్నట్లు తెలుస్తోంది. అలాగే, వరలక్ష్మి శరత్ కుమార్, సముద్రఖని కీలకపాత్రలు పోషించారు. చిన్నప్పటి నుంచి స్పైడర్ మ్యాన్, సూపర్ మ్యాన్ సినిమాలు చూస్తూ... సూపర్ పవర్స్‌పై పిచ్చితో అడ్వెంచర్ చేయాలనుకునే వ్యక్తి. ఊరిలో అల్లరి చిల్లరగా తిరిగే వ్యక్తికి అనుకోకుండా వచ్చిన సూపర్ పవర్స్. దీనికి మైథలాజికల్ టచ్ ఇస్తూ ఫస్ట్ పార్ట్ రూపొందించారు.

క్లైమాక్స్‌లో హీరో దైవశక్తితో విలన్‌ను అంతం చేయగా... శ్రీరాముడికి హనుమంతుడు ఇచ్చిన మాట ఏంటి? అనేది సస్పెన్స్‌గా చూపించారు. ఈ సినిమాను మైత్రీ మూవీ మేకర్స్ బ్యానర్‌పై నవీన్ యెర్నేని, వై రవిశంకర్ భారీ బడ్జెట్‌తో నిర్మిస్తున్నారు.

Also Read : Dhanush : ధనుష్ పొలిటికల్ ఎంట్రీ కన్ఫర్మా? - రాయన్ నేషనల్ అవార్డ్ To పాలిటిక్స్... కోలీవుడ్ స్టార్ రియాక్షన్

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

Rishab Shetty : స్పైడర్ మ్యాన్‌తో రిషబ్ శెట్టి - నేను మీకు బిగ్ ఫ్యాన్... ఫ్యామిలీతో కలిసి మూవీకి...

Ganesh Guptha — Mon, 27 Jul 2026 12:16:28 +0530

Rishab Shetty Meets Spider Man Tom Holland : కన్నడ స్టార్, కాంతార హీరో, డైరెక్టర్, నేషనల్ అవార్డ్ విన్నర్ రిషబ్ శెట్టి తాను చిన్నప్పటి నుంచి స్పైడర్ మ్యాన్‌కు వీరాభిమాని అని తెలిపారు. మార్వెల్ సినిమాటిక్ యూనివర్స్ నుంచి టామ్ హాలండ్ ప్రధాన పాత్రలో నటిస్తోన్న సోలో మూవీ 'స్పైడర్ మ్యాన్ : బ్రాండ్ న్యూ డే' (Spider Man : Brand New Day). జులై 30న వరల్డ్ వైడ్‌గా సినిమా రిలీజ్ కానుండగా... మార్వెల్ రూపొందించిన స్పెషల్ వీడియోలో రిషబ్ శెట్టి కనిపించారు. ఇందులో ఆయన స్పైడర్ మ్యాన్‌ను కలుసుకుని... సూపర్ హీరోపై తన అభిమానం చాటుకున్నారు.

'ఆ రోల్ నాకు ఇన్‌స్పిరేషన్'

ఎన్నో ఏళ్ల క్రితం సింగిల్ స్క్రీన్ థియేటర్లలో ఫస్ట్ టైం స్పైడర్ మ్యాన్ సినిమా చూశానని తెలిపారు రిషబ్ శెట్టి. 'ఫస్ట్ టైం సినిమా చూసినప్పుడు పీటర్ పార్కర్ పాత్రతో నాకు అనుబంధం ఏర్పడింది. జీవితంలో అవమానాలు జరిగినా, కష్టాలు ఎదురైనా మనలోని మంచితనాన్ని కోల్పోకూడదని ఆ పాత్ర నాకు నేర్పింది. అత్యధిక శక్తి ఉంటే అంతే బాధ్యత కూడా ఉండాలనే సందేశం స్పైడర్ మ్యాన్ ఎప్పటికీ గుర్తు చేస్తాడు. అందుకే నా అభిమానం ఇప్పటికీ అలాగే ఉంది. ఇప్పుడు నా పిల్లలకు కూడా స్పైడర్ మ్యాన్ అంటే చాలా ఇష్టం. వాళ్ల కోసమే Spider Man : Brand New Day టికెట్లు ముందుగానే బుక్ చేశాను. అందరం కలిసి థియేటర్‌లో ఈ సినిమా చూడబోతున్నాం.' అని చెప్పారు.

ఈ మూవీకి డెస్టిన్ డేనియల్ క్రెట్టన్ దర్శకత్వం వహించగా... టామ్ హాలండ్ స్పైడర్ మ్యాన్‌గా ప్రధాన పాత్రలో నటించారు. ఆయనతో పాటు జెండయా, సాడీ సింక్, జాకబ్ బటలోన్ తదితరులు కీలకపాత్రలు పోషిస్తున్నారు. ఇప్పటివరకూ వచ్చిన మూడు పార్టులు బాక్సాఫీస్ వద్ద సంచలన విజయం సాధించాయి. జులై 30న (గురువారం) వరల్డ్ వైడ్‌గా ఇంగ్లిష్‌తో పాటు హిందీ, తమిళం, తెలుగు, కన్నడ, మలయాళం భాషల్లో ప్రేక్షకుల ముందుకు రానుంది.

Also Read : This Week OTT Movies : ఈ వారం ఓటీటీ మూవీస్... ఈ 6 సినిమాలు డోంట్ మిస్ - ఏయే తేదీల్లో ఏ సినిమాలు స్ట్రీమింగ్ అంటే?

Sai Kumar Birthday : మై నేమ్ ఈజ్ అగ్ని - హీరో, విలన్, క్యారెక్టర్ ఆర్టిస్ట్... డైలాగ్ కింగ్ బర్త్ డే స్పెషల్

Ganesh Guptha — Mon, 27 Jul 2026 11:44:05 +0530

Dialogue King Sai Kumar Birthday Special : డైలాగ్ కింగ్ సాయికుమార్... తెలుగు ప్రేక్షకులకు పరిచయం అక్కర్లేని పేరు. సిల్వర్ స్క్రీన్‌పై పోలీస్ పాత్ర అంటే మొదట గుర్తొచ్చేది ఆయనే. గంభీరమైన వాయిస్, స్పష్టమైన, పవర్ ఫుల్ డైలాగ్ డెలివరీ ఆయన స్పెషాలిటీ. తన వాయిస్‌తో ఎందరో హీరోలకు ప్రాణం పోసిన ఆయన... ఆదే వాయిస్‌తో నటుడిగానూ తిరుగులేని పాపులారిటీ సంపాదించుకున్నారు. అందుకే తెలుగు సినీ ఇండస్ట్రీ ఆయన్ను ప్రేమగా 'డైలాగ్ కింగ్' అని పిలుస్తుంది.

చైల్డ్ ఆర్టిస్ట్‌గా ఎంట్రీ...

1961 జూలై 27న జన్మించిన సాయికుమార్, ప్రముఖ నటుడు పి.జె. శర్మ కుమారుడిగా సినీ కుటుంబం నుంచి వచ్చినప్పటికీ, తన ప్రతిభతోనే ఇండస్ట్రీలో ప్రత్యేక స్థానం సంపాదించుకున్నారు. ఇటీవలే సినీ పరిశ్రమలో 50 ఏళ్ల ప్రస్థానాన్ని పూర్తి చేసి అరుదైన మైలురాయిని అందుకున్నారు. కెరీర్ ప్రారంభంలో డబ్బింగ్ ఆర్టిస్ట్‌గా ఎన్నో చిత్రాల్లో హీరోలు, ముఖ్య పాత్రలకు తన గళాన్ని అందించారు. ఆయన డబ్బింగ్ చెప్పిన తొలి చిత్రం 'సంసారం'.

అనంతరం చైల్డ్ ఆర్టిస్ట్‌గా 'దేవుడు చేసిన పెళ్లి' చిత్రంతో ప్రేక్షకులను ఆకట్టుకున్నారు. హీరోగా మాత్రం కన్నడలో వచ్చిన 'పోలీస్ స్టోరీ'తో సంచలన విజయాన్ని అందుకున్నారు. ఆ సినిమా తెలుగులో డబ్ అయి ఇక్కడ కూడా బ్లాక్‌ బస్టర్‌గా నిలిచింది. పవర్ ఫుల్ పోలీస్ ఆఫీసర్‌గా ఆయనకు సూపర్ క్రేజ్ వచ్చింది. తర్వాత తెలుగు, కన్నడ, తమిళ భాషల్లో హీరో, విలన్‌, క్యారెక్టర్ ఆర్టిస్ట్‌గా ఎన్నో వైవిధ్యమైన పాత్రలు పోషిస్తూ తన నటనా ప్రస్థానాన్ని విజయవంతంగా కొనసాగించారు. శక్తివంతమైన పోలీస్ పాత్రలైనా, భావోద్వేగభరితమైన తండ్రి పాత్రలైనా, ప్రతినాయకుడి పాత్రలైనా ఆయన నటనకు ప్రత్యేక గుర్తింపు లభించింది.

సెకండ్ ఇన్నింగ్స్‌లోనూ...

ప్రస్తుతం సాయికుమార్ తన సెకండ్ ఇన్నింగ్స్‌లోనూ అదే జోరును కొనసాగిస్తున్నారు. రవితేజ 'ఇరుముడి', 'ధర్మస్థల నియోజకవర్గం', 'సంబరాల ఏటిగట్టు', నాగార్జున 100వ చిత్రం, ఎస్వీ కృష్ణారెడ్డి 'వేదవ్యాస్', కిరణ్ అబ్బవరం దర్శకత్వంలో రూపొందుతున్న చిత్రం, రోషన్ మేక 'ఏమో ఏమో ఇది', విశ్వక్ సేన్ చిత్రం, సిద్ధు జొన్నలగడ్డ 'లుంగీ మ్యాన్', నితిన్ - నాని ప్రాజెక్ట్, సత్యదేవ్ 'ఫుల్ బాటిల్', వరుణ్ తేజ్ 'బరి', వరలక్ష్మీ శరత్‌కుమార్ 'కూర్మావతారం', సాయి ప్రకాష్ తెరకెక్కిస్తున్న 'సాయి బాబా' వంటి చిత్రాల్లో కీలక పాత్రలు పోషిస్తున్నారు. అలాగే అశ్విన్ బాబు 'వచ్చినవాడు గౌతమ్' చిత్రంలో స్పెషల్ అప్పియరెన్స్, ఆది సాయికుమార్ 'ఎస్‌ఐ యుగంధర్'లో కామియో రోల్‌లో కనిపించనున్నారు.

అంతేకాదు, ఐశ్వర్య రాజేష్ ప్రధాన పాత్రలో రూపొందుతున్న 'మూడు లాంతర్లు', 'కన్యాశుల్కం' వెబ్ సిరీస్‌లోనూ నటిస్తున్నారు. కన్నడలో శివరాజ్‌కుమార్ 'బైల్', నిరూప్ బండారి 'సత్య: సన్ ఆఫ్ హరిశ్చంద్ర', కిచ్చా సుదీప్ 'బిల్లా రంగా భాషా' చిత్రాల్లోనూ కీలక పాత్రలు చేస్తున్నారు. డబ్బింగ్ ఆర్టిస్ట్‌గా, హీరోగా, నటుడిగా, క్యారెక్టర్ ఆర్టిస్ట్‌గా ప్రతి దశలోనూ తనదైన ముద్ర వేసిన సాయికుమార్ తెలుగు సినీ పరిశ్రమకు ఓ విలువైన ఆస్తి. భవిష్యత్తులోనూ ఇలాంటి మరెన్నో అద్భుతమైన పాత్రలతో ప్రేక్షకులను అలరిస్తూ, ఆనందంగా జీవించాలని మనస్ఫూర్తిగా కోరుకుంటూ... డైలాగ్ కింగ్ సాయికుమార్‌కు బర్త్ డే విషెష్.

Also Read : This Week Theatrical Releases : శ్రీనివాస మంగాపురం To హాలీవుడ్ అవెయిటెడ్ విజువల్ వండర్ - ఈ వారం థియేటర్లలో రిలీజయ్యే మూవీస్

Nindu Manasulu Serial Today July 27th: నిండు మనసులు: సిద్ధూ వర్సెస్ ఎమ్మెల్యే కొడుకు! చేయి విరిచేసిన సిద్ధూ.. గణ మర్యాదకి కారణమేంటి?

Jhanshi Balleda — Mon, 27 Jul 2026 11:36:00 +0530

Nindu Manasulu Serial Today Episode బుల్లితెర ప్రేక్షకులను విశేషంగా ఆకట్టుకుంటున్న "నిండు మనసులు" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(జులై 25న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం.

కొంగు కప్పుకొని ఎందుకు వచ్చావ్..

ప్రేరణ జాకెట్ చినిగిపోవడంతో సిద్ధూ చూస్తే గొడవ చేస్తాడు అని ప్రేరణ కొంగు కప్పుకొని వస్తుంది. ఎందుకు అలా చీర కప్పుకున్నావ్ అని సిద్ధూ అడిగితే ఊరికే అని చెప్తుంది. ఊరికే అలా చేయవే అని సిద్ధూ అంటే ఏం కాలేదు సిద్ధూ అని ప్రేరణ అనేస్తుంది. తర్వాత గదిలోకి వెళ్లి ప్రేరణ జాకెట్ చూసుకుంటూ ఉంటే సిద్ధూ చూసి ఏయ్ ఏమైంది.. అని కంగారుగా అడుగుతాడు. దారిలో వస్తుంటే మేకు తగిలిందని ప్రేరణ చెప్తే సిద్ధూ నమ్మడు. దాంతో ప్రేరణ ఎందుకు సిద్ధూ నమ్మవు.. నాకు కాసేపు వదిలేయ్ నేను బట్టలు మార్చుకోవాలి వెళ్లు అని అరుస్తుంది. సిద్ధూ మనసులో ఏదో దాస్తుందని అనుకుంటాడు.

ఏ భార్యా అలా చెప్పదు..

ప్రేరణ ఓ చోట కూర్చొని ఆలోచిస్తూ ఉంటే సిద్ధూ కాఫీ తీసుకొని వెళ్లి ఇచ్చి తాగమని అంటాడు. ప్రేరణని గమనిస్తూనే ఉంటాడు. ప్రేరణ భార్యాభర్తల మధ్య భేదాభిప్రాయాలు ఉండొచ్చు కానీ దాపరికాలు ఉండకూడదు అని అంటాడు. నీపై నా ప్రేమని దాస్తున్నా అని అంటుంది. ఎప్పుడూ ఏం దాచవు.. ఇప్పుడు దాయొద్దు అని అడుగుతాడు. ఏ భార్యా తనకు ప్రైవసీ కావాలని భర్తకి చెప్పదు.. ఏం లేదా.. నా మీద ఒట్టేసి చెప్పి అని అడుగుతాడు. ఏం లేదు అని ప్రేరణ అంటే నీ ముఖం చూస్తే ఏదో దాస్తున్నావ్ అని అంటాడు. ప్రేరణ మాత్రం ఏం చెప్పదు.. మనసులో నాకు నీ ఆవేశం గురించి తెలుసు సిద్ధూ అందుకే చెప్పడం లేదు అని అనుకుంటుంది. సిద్ధూ మనసులో నువ్వు దాస్తుంది ఏదో తెలుసుకునే వరకు వదలను అని అనుకుంటాడు.

నేనే చెప్పాను ప్రేరణ గారు..

ప్రేరణ డిన్నర్ రెడీ చేసి టేబుల్ మీద పెడుతూ ఉంటుంది. ఇంతలో సిద్ధూ వచ్చి మనం అర్జెంటుగా వెళ్లాలి నాతో రా అని ప్రేరణని ఎమ్మెల్యే కొడుకు దగ్గరకు తీసుకెళ్తుంది. ప్రేరణ వాడిని చూసి షాక్ అయిపోతుంది. నువ్వు చెప్పకపోతే నేను తెలుసుకోలేను అనుకున్నావా అని కుమార్‌ని పిలుస్తాడు. కుమార్ ఏంటి ఇది అని ప్రేరణ అడిగితే సారీ ప్రేరణ గారు నేనే చెప్పాను అని చెప్పి.. సిద్ధూతో వాడు ఎమ్మెల్యే కొడుకు అంటరా.. ప్రేరణగారితో తప్పుగా ప్రవర్తించాడు.. అని చెప్తాడు. సిద్ధూ నేను వార్నింగ్ ఇచ్చాను.. కొట్టాను ఇంక వాళ్లతో గొడవ వద్దు అని అంటుంది.

రేయ్ హీరో వచ్చాడురా..

ప్రేరణని ఎమ్మెల్యే కొడుకు చూసి ఏంటి మేడం మళ్లీ వచ్చారు.. చేసిన అవమానం సరిపోలేదా.. లేదంటే నా మీద బెంగతో వచ్చేశావా.. ఈ సార్ ఎవరు నీ మొగుడా.. రేయ్ హీరో వచ్చాడురా అని తన స్నేహితులకు చెప్తాడు. రేయ్ చేసిన తప్పునకు తన కాళ్లు పట్టుకొని క్షమించమని అడగరా.. లేదంటా ఏం చేస్తానో నాకే తెలీదు అని సిద్ధూ అంటే ఏంట్రా నువ్వు నాకు చెప్పేది.. దీన్ని ఆ రోజు వదిలేసి తప్పు చేశానురా.. ఇప్పుడు చెప్తా.. ఇది నా మీద చేయి చేసుకుంది.. దాన్ని నా కాలు పట్టుకొని క్షమించమని చెప్పు.. అప్పుడు వదిలేస్తా దాన్ని నిన్ను.. అని అంటాడు. దాంతో సిద్ధూ ఎమ్మెల్యే కొడుకు చేయి విరిచేస్తాడు. అతని స్నేహితులు సిద్ధూ మీదకు వెళ్తే వాళ్లని చితక్కొడతాడు. ఎమ్మెల్యే కొడుకు దెబ్బకి అరుస్తూ గోల చేస్తాడు.

ఎమ్మెల్యే కొడుకని తెలిసే కొట్టాడు..

ఎమ్మెల్యే తన పీఏతో ప్రోగ్రాం గురించి మాట్లాడుకుంటాడు. మళ్లీ నేనే ఎమ్మెల్యే అవ్వాలి.. ఏం చేయాలో అది చేయాలి అంటాడు. ఇంతలో కొడుకు కట్లతో రావడం చూసి ఏమైందిరా ఎవరు నా కొడుకుని కొట్టింది అని అడుగుతాడు. దానికి అతని కొడుకు ఫ్రెండ్స్ ఎవరో పేరు తెలీదు అంకుల్ కానీ ఎమ్మెల్యే కొడుకు అని తెలిసే కొట్టాడు. ఎవరైతే నాకేంట్రా అంటున్నాడు అని చెప్తారు. వాళ్లని వదలొద్దు డాడ్.. నా కంటే గట్టిగా వాడికి తగలాలి అని అంటాడు. దాంతో ఎమ్మెల్యే పీఏతో నా కొడుకుని కొట్టిన వాడి డిటైల్స్ తెలుసుకోమని అంటాడు. ఇక రౌడీలతో నా కొడుకుని కొట్టిన వాడి కాళ్లు చేతులు కట్టేసి నా కాళ్ల దగ్గర పడేయమని అంటాడు.

వాడిని చంపేయాలని ఉంది..

ఇంత జరిగినా విషయం నాకు చెప్పలేదు అని సిద్ధూ ప్రేరణ మీద అరుస్తాడు. నీ ఆవేశం నాకు తెలుసు కాబట్టి నీకు చెప్పలేదు అని ప్రేరణ అంటుంది. వాడు నిన్ను ఏం అన్నాడో నువ్వు వాడిని ఏం చేశావ్ నాకు మొత్తం తెలుసు.. అయిన వాళ్లు నిన్ను ఏమైనా అంటేనే ఊరుకోను అలాంటిది వాడు ఎవడో అంటే ఊరుకుంటానా.. వాడిని అక్కడికక్కడే చంపేయాలన్న కోపంగా ఉంది అని అంటాడు. ఏంటి సిద్ధూ నువ్వు ముందు వెనక ఆలోచించవు.. వాడికి జరగరానిది ఏమైనా అయితే ఇంట్లో అందరూ నీ గురించి బాధ పడతారు అని అంటుంది. నా భార్య కోసం నేను ఏమైనా చేస్తా ఎంత దూరం అయినా వెళ్తా అని సిద్ధూ అంటే ప్రేరణ హగ్ చేసుకుంటుంది. నిన్ను ఎవరు ఏమైనా అంటే నేను తట్టుకోలేను అని సిద్ధూ అంటాడు.

బావ మీరు కొట్టిన అబ్బాయ్ హాస్పిటల్‌లో ఉన్నాడు..

గణ ఇంటికి వచ్చి సిద్ధూ, ప్రేరణ ఎక్కడ ఉన్నారు ఒకసారి పిలవండి అని అంటాడు. సాహితి ఇద్దరినీ పిలుస్తుంది. బావ మీరు కొట్టిన అబ్బాయ్ హాస్పిటల్‌లో ఉన్నాడు.. చాలా గాయాలు అయ్యావి అని అంటాడు గణ. తప్పు చేసిన వాడిని నేను వదలను అని సిద్ధూ అంటే బావ మీకు తప్పు అనిపిస్తే నాకు చెప్తే నేను చూసుకునేవాడిని కదా.. ఇలా చట్టాన్ని చేతుల్లోకి తీసుకోకూడదు కదా అని గణ అంటాడు.

నా భార్యతో తప్పుగా ప్రవర్తిస్తే నేను ఊరుకోను.. వాడి తప్పు వాడికి చెప్పాలి అనుకుంటే మళ్లీ నా భార్యని అవమానించాడు అని అంటాడు. జరిగింది జరిగిపోయింది కానీ విషయం పెద్దది ఎందుకు అయింది అంటే వాడు ఓ ఎమ్మెల్యే కొడుకు అని గణ అంటే తెలుసు అని సిద్ధూ అంటాడు. అందరూ షాక్ అయిపోతారు. దీంతో ఇవాళ్టి ఎపిసోడ్ పూర్తయిపోతుంది.

ఇలాంటి మరిన్ని ఆసక్తికర విషయాలతో పాటు తర్వాత ఎపిసోడ్‌లో ఏం జరగనుంది? తెలుసుకోవాలి అనుకుంటే మా ఏబీపీ దేశం పేజీని ఫాలో అవ్వండి.

Polimera 3 : పొలిమేర 3లో యాక్షన్ కింగ్ ఎంట్రీ - హారర్ థ్రిల్లర్‌లో ఆయన రోల్ ఏంటి?

Ganesh Guptha — Mon, 27 Jul 2026 10:44:15 +0530

Satyam Rajesh's Polimera 3 Update : మా ఊరి పొలిమేర... డైరెక్ట్‌గా ఓటీటీలోకి వచ్చిన ఈ సినిమా సూపర్ రెస్పాన్స్ అందుకుంది. అదే జోష్‌తో వచ్చిన పొలిమేర 2 కూడా బాక్సాఫీస్ వద్ద సంచలన విజయం సాధించింది. ఇప్పుడు హారర్ థ్రిల్లర్ ఫ్రాంచైజీలో మూడో పార్ట్ కూడా రెడీ అవుతోంది. అనిల్ విశ్వనాథ్ దర్శకత్వం వహిస్తోన్న ఈ మూవీపై బిగ్ అప్డేట్ వచ్చేసింది.

హారర్ థ్రిల్లర్‌లో యాక్షన్ కింగ్

ఈ హారర్ థ్రిల్లర్‌లో యాక్షన్ కింగ్ అర్జున్ ఎంట్రీ ఇస్తున్నారు. ఈ మేరకు మూవీ టీం స్పెషల్ వీడియో రిలీజ్ చేసింది. మరి ఆయన రోల్ ఏంటి? అనేది రివీల్ చేయలేదు. అర్జున్‌కు స్వాగతం పలుకుతూ... 'యాక్షన్ మీట్స్ పవర్' అంటూ వీడియోను టీం పంచుకుంది. హారర్ థ్రిల్లింగ్ అంశాలు ఉన్న మూవీలో పోలీస్ ఆఫీసర్‌గా ఆయన నటించవచ్చనే ప్రచారం సాగుతోంది. త్వరలోనే దీనిపై క్లారిటీ రానుంది. పొలిమేర ఫ్రాంచైజీలో సత్యం రాజేశ్, కామాక్షి భాస్కర్ల, బాలాదిత్య ప్రధాన పాత్రలు పోషిస్తున్నారు.

భారీ బడ్జెట్‌తో...

గత రెండు పార్టులకు వచ్చిన సూపర్ రెస్పాన్స్‌తో 'పొలిమేర 3' మరింత థ్రిల్లింగ్ అంశాలతో పాన్ ఇండియా స్థాయిలో భారీ బడ్జెట్‌తో తెరకెక్కిస్తున్నారు. ఇప్పటికే షూటింగ్ శరవేగంగా సాగుతోంది. సత్యం రాజేశ్, కామాక్షి భాస్కర్ల, బాలాదిత్యలతో పాటు గెటప్ శ్రీను, సాహితి దాసరి తదితరులు కీలకపాత్రలు పోషిస్తున్నారు. వంశీ నందిపాటి ఎంటర్టైన్మెంట్స్ బ్యానర్‌పై వంశీ నందిపాటి నిర్మిస్తున్నారు.

ఫస్ట్ పార్ట్‌లో ఓ పల్లెటూరిలో జరిగే అనుమానాస్పద హత్యలు, క్షుద్రపూజలు, చేతబడి నేపథ్యంలో ఈ స్టోరీ సాగుతుంది. హారర్, థ్రిల్లింగ్ అంశాలు హైప్ క్రియేట్ చేశాయి. అలాగే, రెండో పార్ట్‌లో గ్రామంలో ఉండే ఆలయం వెనుక నిధి రహస్యం, క్షుద్రపూజలతో నిధిని సొంతం చేసుకునేందుకు ప్రయత్నాలు, హిమాలయాల్లో మిస్టరీ అంశాలను సస్పెన్స్‌గా చూపించారు. నిజానికి రెండో పార్టులో ఎన్నో ప్రశ్నలకు ఆన్సర్ చెప్పకుండా వదిలేశారు. ఇప్పుడు మూడో పార్టులో వాటికి సమాధానాలు చెప్పడం సహా సరికొత్త అంశాలను యాడ్ చేయనున్నట్లు తెలుస్తోంది.

Meghasandesam Serial Today July 27th: ‘మేఘసందేశం’ సీరియల్‌: భూమి గదిలో ఆకాష్‌ను చూసిన అపూర్వ – అపూర్వ చెంప పగులగొట్టిన శరత్‌ చంద్ర

Sudhakar Mansetty — Mon, 27 Jul 2026 10:32:12 +0530

Meghasandesam Serial Today Episode: ఇంట్లోకి ఆకాష్‌ వచ్చిన విషయం తెలుసుకున్న అపూర్వ. ఆకాష్‌ను దొంగలా చిత్రీకరించి భూమి, ఆకాష్‌లను రెడ్‌ హ్యాండెడ్‌గా పట్టించాలనుకుంటుంది అపూర్వ. దీంతో ఇవాళ్టీ మేఘసందేశం సీరియల్‌ ఏపిసోడ్‌ చాలా ఆసక్తిగా జరిగింది.

రాత్రిపూట బ్రెడ్‌ ఆమ్లెట్‌ వేసిన భూమి

ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!

తమ ఇంట్లో ఉన్న ఆకాష్‌ తనక ఆకలిగా ఉందని ఏదైనా తీసుకురమ్మని బూమిని అడగ్గానే.. భూమి వెళ్లి బ్రెడ్‌ ఆమ్లెట్‌ రెడీ చేస్తుంది. ఈ టైంలో భూమి ఏం చేస్తుందని అపూర్వ, నక్షత్ర వెళ్లి చూస్తారు. భూమి బ్రెడ్‌ ఆమ్లెట్‌ రెడీ చేయడం చూసి ఎవరి కోసం రెడీ చేస్తుంది అని అనుమానిస్తారు. భూమి దగ్గరకు వెళ్లి ఎవరికోసం చేస్తున్నావు అంటూ అడుగుతారు. నాకోసమే నేను రెడీ చేసుకున్నాను.. నా రూంలోకి వెళ్లి తింటాను అంటూ భూమి తన రూంలోకి వెళ్లి… ఆకాష్‌కు బ్రెడ్‌ ఆమ్లెట్‌ ఇస్తుంది. అది రుచి చూసిన ఆకాష్‌ సూపర్‌ టేస్టీగా ఉందని మెచ్చుకుంటూ ఒక్కసారి మీ చేయి చూపించండి అని అడిగితే ఎందుకు అని భూమి ప్రశ్నిస్తుంది. ఏం లేదు మీ చేతిలో ఏదో మ్యాజిక్‌ ఉంది. అది చూద్దామని అంటాడు ఆకాష్‌.. భూమి కోపంగా ముందు మీరు మాట్లాడకుండా తినండి అంటుంది.

భూమిని అనుమానించిన అపూర్వ, నక్షత్ర

బయట అనుమానంగా అపూర్వ ఈ టైంలో ఆకలి వేస్తుందని చెప్పడం.. బ్రెడ్‌ ఆమ్లెట్‌ వేసుకోవడం.. ఒకవేల ఆకలి వేసినా ఇక్కడే డైనింగ్‌ టేబుల్ దగ్గర తినకుండా రూంలోకి తీసుకెళ్లడం ఏదో అనుమానంగా ఉంది అంటే నక్షత్ర కూడా అవును మమ్మీ భూమి ఈ టైంలో ఎప్పుడూ లేచి తినదు.. తను మాట్లాడుతున్నప్పుడు కూడా మాటల్లో తడబాటు కనబడింది అని చెప్పగానే.. అపూర్వ కోపంగా ఏదో జరుగుతుంది నక్షత్ర మీ నాన్నకు చెబితే అప్పుడు నిజం బయట పడుతుంది నువ్వు ఇక్కడే ఉండు నేను వెళ్లి మీ నాన్నను తీసుకొస్తాను అంటూ రూంలోకి వెళ్లబోతూ ఆగి అంతకుముందు శరత్‌ చంద్ర తనను కొట్టిన విషయం గుర్తు చేసుకుని నక్షత్ర నేను వెళ్లను కానీ నువ్వు వెళ్లి మీ నాన్నను లేపి తీసుకురాపో వెళ్లు అని చెప్తుంది.

శరత్‌ చంద్రను తీసుకొచ్చిన నక్షత్ర

ALSO READ: నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త

నక్షత్ర, శరత్ చంద్ర రూంలోకి వెళ్లి శరత్‌ చంద్రను నిద్ర లేపి మన ఇంట్లో ఎవరో దొంగ తిరుగుతున్నారు డాడీ నేను మమ్మీ వెతికాము కానీ భూమి ఈ టైంలో స్నాక్స్‌ చేసుకుని రూంలోకి వెళ్లింది. ఎందుకు అని అడిగితే ఆకలి వేస్తుంది అని చెప్పింది. కానీ మాకు ఎందుకో అనుమానంగా ఉంది అని చెప్పగానే.. శరత్ చంద్ర పద అంటూ వెళ్తాడు. శరత ‌చంద్ర వెళ్లి భూమి రూం తలుపు తడుతుంటే.. భూమి భయంతో అయ్యో నాన్న.. అంటూ కంగారుపడుతుంది. అసలు మీరు ఇక్కడకు వచ్చారు అని తెలిస్తే మా నాన్న నన్ను చంపేస్తారు. మిమ్మల్ని ఎక్కడ దాచాలి అని కంగారుపడుతుంది. ఇదిగో ఈ కప్‌బోర్డులో దాక్కుంటారా..? అని చెప్పగానే.. ఆ కప్‌బోర్డులో తార ఉన్న విషయం గుర్తు చేసుకుని ఆకాష్‌ కంగారు పడతాడు. అదిగో అక్కడ దాక్కుంటాను అంటూ వెళ్లి కర్టెన్స్‌ వెనక దాక్కుంటాడు.

అపూర్వను బుక్‌ చేసిన భూమి

భూమి వెళ్లి డోర్‌ ఓపెన్‌ చేస్తుంది. ఏంటి నాన్న ఏమైంది అని అడగ్గానే.. ఏంటి ఈ టైంలో తింటున్నావు అని శరత్‌ చంద్ర అడగ్గానే.. ఆకలి వేస్తుంది నాన్న తింటున్నాను.. ఆకలి వేస్తే తినకూడదా..? అని అడగ్గానే.. ఏం లేదమ్మా.. తిను.. కానీ నీ గదిలోకి ఎవడైనా దొంగ వచ్చాడా..? అని అడగ్గానే.. అసలు దొంగ వస్తే నేను ఇంత కూల్‌గా బ్రెడ్‌ ఆమ్లెట్‌ వేసుకుని తింటానా..? దొంగకు బ్రెడ్‌ ఆమ్లెట్‌ వేసి ఇస్తానా.. అయినా అడగడానికి మీకు సిగ్గుగా లేదా..? అనగానే.. నక్షత్ర నేను కాదు.. మా మమ్మీ అడిగింది అని చెప్పగానే.. శరత్‌ చంద్ర కోపంగా అపూర్వను కొట్టి ఇంట్లో మనుషులను ప్రశాంతంగా నిద్ర కూడా పోనివ్వవా… ? అంటూ వెళ్లిపోతాడు. ఇంతలో ఇవాళ్టీ ఏపిసోడ్‌ అయిపోతుంది.

ALSO READ: ధుల్ హిజ్జా మాసంలో మొదటి 10 రోజులు ఎందుకు ఉత్తమమైనవి, ఈ సమయంలో ముస్లింలు ఏం చేస్తారు?