Vijay Trisha Relationship: త్రిషతో దళపతి విజయ్ ఎఫైర్... విడాకుల నేపథ్యంలో ఆధారాలు బయటకొచ్చాయా?

Thalapathy Vijay Trisha Relationship: దళపతి విజయ్ భార్య సంగీత విడాకులకు అప్లై చేయడంతో త్రిషతో స్టార్ హీరో ఎఫైర్ న్యూస్ మరోసారి వార్తల్లోకి వచ్చింది. ఇంతకీ, అందులో నిజమెంత? అధరాలు ఉన్నాయా? తెలుసుకోండి. 

విజయ్ విడాకుల వెనుక త్రిష? సంచలన ఆరోపణలు, రాజకీయాలపై ప్రభావం... అసలు నిజమేంటి?

Source : Instagram

ఇప్పుడు తమిళ సూపర్ స్టార్ దళపతి విజయ్ వ్యక్తిగత జీవితం వార్తల్లో నిలిచింది. ఆయన నుంచి విడాకులు కోరుతూ భార్య సంగీత కోర్టుకు వెళ్ళడంతో మరోసారి త్రిషతో ఆయన ఎఫైర్ వార్తల్లోకి వచ్చింది. వాస్తవానికి డిసెంబర్ 2025లో విడాకులు కోరుతూ విజయ్ భార్య సంగీత సోర్నాలింగం దరఖాస్తు చేసుకున్నారని టాక్. చెంగల్పట్టు ఫ్యామిలీ కోర్టులో దాఖలైన విడాకుల పిటిషన్‌లో మానసికంగా తనపై క్రూరత్వం చూపించడం, వదిలివేయడం వంటి ఆరోపణలు ఉన్నాయి. అలాగే ఓ నటితో వివాహేతర సంబంధం పెట్టుకున్నాడని ఆరోపించారు. ఈ నేపథ్యంలో త్రిష కృష్ణన్ పేరు విజయ్ విడాకులతో ముడి పడింది. అందుకు ఆధారాలు ఉన్నాయని ఇంటర్నెట్‌లో నెటిజనులు వాదిస్తున్నారు.

విజయ్ విడాకులకు, త్రిషకు ఎందుకు ముడిపెడుతున్నారు?
ఏప్రిల్ 2021లో విజయ్ ఓ నటితో తప్పుడు సంబంధం పెట్టుకున్నారని తనకు తెలిసిందని సంగీత పేర్కొంది. అయితే ఆమె తన పిటిషన్‌లో నటి పేరును ప్రస్తావించలేదు. కానీ సోషల్ మీడియాలో మాత్రం అన్ని వేళ్ళూ త్రిష కృష్ణన్ వైపు చూపిస్తున్నాయి. విజయ్‌తో 'గిల్లి', ఇంకా పలు హిట్ సినిమాల్లో ఆమె నటించింది. ఈ ఆరోపణలతో తమిళ సినీ పరిశ్రమ, విజయ్ అభిమానులు షాక్‌కు గురయ్యారు.

త్రిష పోస్ట్‌తో విజయ్‌తో రిలేషన్ రూమర్స్ మరింత పెరిగాయి
ఇన్‌స్టాగ్రామ్‌లో త్రిష చేసిన ఓ పోస్ట్ తర్వాత విజయ్, ఆమెకు మధ్య వ్యవహారం గురించి రూమర్స్ మరింత పెరిగాయి. ఓ స్టోరీలో ''మీరు ప్రేమతో నిండినప్పుడు... అది చెత్తతో నిండిన వారిని గందరగోళానికి గురి చేస్తుంది'' అని ఆమె రాసింది. ఆ తర్వాత విజయ్‌కి పుట్టినరోజు శుభాకాంక్షలు తెలుపుతూ మరొక ఒక పోస్ట్ పెట్టారు. అందులో వారిద్దరూ కలిసి దిగిన ఫోటో ఉంది. దాంతో వారిద్దరి సన్నిహిత సంబంధం గురించి మరిన్ని పుకార్లు వచ్చాయి. 'గిల్లి'లో ఆన్ స్క్రీన్ కెమిస్ట్రీని అభిమానులు వెంటనే గుర్తు చేసుకుని 'టైమ్‌ లెస్ కపుల్' అని పిలిచారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Trish (@trishakrishnan)

అంతే కాకుండా ఓ కార్యక్రమంలో త్రిషను 'రాకుమారి' అని విజయ్ పిలిచారు. ఆ తరువాత ఆమెతో అతని సంబంధం గురించి ఊహాగానాలకు మరింత ఆజ్యం పోసిన్నట్టు అయ్యింది. త్రిష లేదా విజయ్... ఇద్దరూ తమ వ్యక్తిగత సంబంధాన్ని ధృవీకరించలేదు. కానీ ఇప్పుడు విడాకుల వ్యవహారంలో త్రిష పేరునూ చేర్చారు.

విజయ్ రాజకీయ జీవితంపై విడాకుల ప్రభావం పడుతుందా?
రాజకీయాల్లో విజయ్ ప్రవేశించడంతో... ఆయనపై ఈ విడాకుల ప్రభావం ఎంత ఉంటుంది? అనే చర్చ మొదలైంది. తమిళగ వెట్రి కజగం (TVK)ని స్థాపించారు విజయ్. ఈ నేపథ్యంలో విడాకులకు భార్య అప్లై చేయడంపై సందేహాలూ వ్యక్తం అవుతున్నాయి. ప్రత్యర్థుల కుట్రగా అభిమానులు చెబుతున్నారు. ఏది ఏమైనా రాజకీయ లక్ష్యాలపై విడాకుల వ్యవహారం ప్రభావం చూపుతుందని కొందరు నమ్ముతున్నారు. కొంత మంది అభిమానులు మద్దతు ఇస్తుండగా... మరికొందరు విజయ్ ఇమేజ్, కెరీర్‌పై పడే ప్రభావాన్ని గురించి ఆందోళన చెందుతున్నారు.