Vijay Deverakonda: రష్మికతో ఎంగేజ్మెంట్ వార్తలు! - ఫస్ట్ టైం ఆ ఆలయానికి విజయ్ దేవరకొండ

Vijay Rashmika Mandanna: టాలీవుడ్ యంగ్ హీరో విజయ్ దేవరకొండ ప్రముఖ ఆలయం పుట్టపర్తిని సందర్శించుకోనున్నారు. ఇటీవలే నేషనల్ క్రష్ రష్మికతో ఆయనకు ఎంగేజ్మెంట్ జరిగిందనే వార్తలు హల్చల్ చేస్తున్నాయి.

పుట్టపర్తిలో విజయ్ దేవరకొండ

Source : https://x.com/search?q=%23vijay%20deverakonda%20puttaparthi&src=typed_query&f=top

Vijay Deverakonda Visits Puttaparthi: ప్రస్తుతం టాలీవుడ్ పెయిర్ హీరో విజయ్ దేవరకొండ, బ్యూటీ రష్మిక వార్తల్లో నిలిచిన సంగతి తెలిసిందే. వీరిద్దరికీ ఎంగేజ్మెంట్ జరిగిందనే వార్తలు అటు ఫిలింనగర్ వర్గాల్లోనూ ఇటు సోషల్ మీడియాలోనూ గత రెండు రోజులుగా హల్చల్ చేస్తున్నాయి. అయితే, దీనిపై ఇప్పటివరకూ ఇద్దరూ బహిరంగంగా ఎక్కడా రియాక్ట్ కాలేదు. తాజాగా... విజయ్ దేవరకొండ ప్రముఖ ఆలయంలో కనిపించారు.

సత్యసాయి ఆలయం సందర్శన

శ్రీసత్యసాయి జిల్లాలోని పుట్టపర్తి సత్యసాయి మహా సమాధిని విజయ్ దర్శించుకోనున్నారు. ఆదివారం ప్రశాంతి నిలయం చేరుకున్న ఆయనకు... శాంతి భవన్ అతిథి గృహం ట్రస్ట్ వర్గాలు ఘన స్వాగతం పలికాయి. దీనికి సంబంధించిన ఫోటోస్, వీడియో వైరల్‌గా మారింది. శ్రీ సత్యసాయి పాఠశాలలోనే విజయ్ చదువుకున్నారు. దీంతో ఆయనకు పుట్టపర్తితో ఎనలేని అనుబంధం ఏర్పడింది. 

Puttaparthi ❤️🙏

Sensational @TheDeverakonda visits Bhagwan Satya Sai Baba's Maha Samadhi and seeks blessings ✨#VijayDeverakonda has a special connection with this place from childhood❤️ pic.twitter.com/pOq8fY02Hy

— Pavan Kumar (@pavankumar__123) October 5, 2025

హైదరాబాద్‌లోని విజయ్ స్వగృహంలో ఇరు కుటుంబాలు, అత్యంత సన్నిహితుల సమక్షంలో విజయ్, రష్మికల ఎంగేజ్మెంట్ జరిగినట్లు వార్తలు వచ్చాయి. సన్నిహిత వర్గాల సమాచారం మేరకు వచ్చే ఏడాది ఫిబ్రవరిలో వివాహం చేసుకోబోతున్నారని తెలుస్తోంది. చాలా సీక్రెట్‌గా వీరి నిశ్చితార్ధం జరిగినట్లు సమాచారం. అయితే, ఇప్పటివరకూ అఫీషియల్‌గా కన్ఫర్మ్ కాలేదు. 'గీత గోవిందం' సినిమాలో వీరిద్దరూ కలిసి నటించగా బెస్ట్ పెయిర్ అనిపించుకున్నారు. ఆ తర్వాత 'డియర్ కామ్రేడ్' మూవీలోనూ కలిసి నటించారు.

ఇక అప్పుడప్పుడు విజయ్‌తో కలిసి రష్మిక ఈవెంట్స్, పార్టీలకు హాజరయ్యేవారు. ఆ ఫోటోలు వైరల్ కాగా... ఇద్దరూ లవ్‌లో ఉన్నారంటూ వార్తలు హల్చల్ చేశాయి. అయితే, తాము మంచి స్నేహితులమే అంటూ పలు సందర్భాల్లో చెప్పారు. ఎట్టకేలకు ఈ లవ్ కపుల్ ఎంగేజ్మెంట్ జరిగినట్లు టాక్ వినిపిస్తోంది.

సినిమాల విషయానికొస్తే... రీసెంట్‌గా 'కింగ్డమ్' మూవీతో మెప్పించారు విజయ్. ఇక రవికిరణ్ కోలా దర్శకత్వంలో ఓ మూవీ చేస్తుండగా... 'టాక్సీవాలా' ఫేం రాహుల్ సాంకృత్యాన్ దర్శకత్వంలో మరో మూవీ చేస్తున్నారు. మరికొన్ని ప్రాజెక్టులకు కూడా రెడీ అవుతున్నారు. రష్మిక మందన్న ప్రస్తుతం రాహుల్ రవీంద్రన్ దర్శకత్వంలో 'ది గర్ల్ ఫ్రెండ్', 'మైసా', బాాలీవుడ్‌లో 'థామా' చేస్తున్నారు. హిందీలో 'కాక్ టైల్ 2'తో పాటు బన్నీ అట్లీ కాంబోలో వస్తోన్న మూవీలోనూ కీలక పాత్ర పోషించనున్నట్లు తెలుస్తోంది. ఎంగేజ్మెంట్ వార్తలు వైరల్ అయిన తర్వాత రష్మిక ఫస్ట్ పోస్ట్ చేస్తూ 'ది గర్ల్ ఫ్రెండ్' మూవీ రిలీజ్ డేట్ అనౌన్స్ చేశారు. ఈ మూవీని నవంబర్ 7న రిలీజ్ చేయనున్నారు. తెలుగుతో పాటు తమిళ్, కన్నడ, మలయాళం, హిందీ భాషల్లో సినిమా విడుదల కానుంది.