Venkatesh - Ishwarya Rajesh New Cinema In SV Creations: వెంకటేశ్, అనిల్ రావిపూడి కాంబినేషన్ అంటేనే క్రేజీ కాంబినేషన్. ఇప్ప‌టికే వీళ్ల ఇద్ద‌రి కాంబోలో రెండు సినిమాలు వ‌చ్చాయి. అయితే, ఇప్పుడు మూడో సినిమా కూడా రాబోతుంది. సినిమా షూటింగ్ కి సంబంధించి ముహూర్తం కూడా ఫిక్స్ చేశారు మేక‌ర్స్. వెంకటేశ్ స‌ర‌స‌న ఐశ్వర్య రాజేశ్ న‌టించ‌బోతున్న‌ట్లు ప్ర‌క‌టించింది సినిమా టీమ్. ఆమెకు వెల్ క‌మ్ చెప్తూ సోష‌ల్ మీడియాలో పోస్ట్ చేసింది.
విక్టరీ వెంకటేశ్, డైరెక్టర్ అనిల్ రావిపూడి కాంబినేషన్ లో ఓ సినిమా తెరకెక్కనున్న విషయం తెలిసిందే. ఉగాది పండగ సందర్భంగా 'Venky Anil3' 'SVC 58' వంటి వర్కింగ్ టైటిల్స్ తో ఆ చిత్రాన్ని అధికారికంగా ప్రకటించారు మేక‌ర్స్. ఇక ఇప్పుడు ఈ సినిమాకి సంబంధించి షూటింగ్ పై అప్ డేట్ ఇచ్చారు. జులై 3 నుంచి షూటింగ్ ప్రారంభం కాబోతున్న‌ట్లు ఇన్ స్టాలో పోస్ట్ చేశారు. ఇక వెంకటేశ్ స‌ర‌స‌న ఆయన భార్యగా ఐశ్వర్య రాజేశ్ న‌టించ‌నున్నారు. ఆమెకు సినిమాలోకి వెల్ క‌మ్ చెప్తూ, షూటింగ్ స్టార్ట్ ఎప్పుడు స్టార్ట్ అవుతుందో చెప్తూ ఇన్ స్టా పోస్ట్ చేశారు.
మూడో సినిమా..
అనిల్ రావిపూడి, వెంకటేశ్ కాంబినేష్ లో వ‌స్తున్న మూడో సినిమా ఇది. ఇంకా టైటిల్ ఖ‌రారు చేయ‌లేదు. అయితే, ఈ సినిమా యాక్షన్ ట్ర‌యాంగిల్ గా తెర‌కెక్కుతున్న‌ట్లు అర్థం అవుతుంది. ఎక్సలెంట్ వైఫ్, ఎక్స్ కాప్, ఎక్స్ గర్ల్ ఫ్రెండ్ మధ్య జరిగే కథతో ఈ సినిమా రాబోతోంది. నిజానికి వెంకీ, అనిల్ రావిపూడి అంటే క్రేజీ కాంబినేషన్. న‌వ్వుల, పువ్వులు పూయిస్తారు వాళ్లిద్ద‌రు. టాలీవుడ్ లో వెంకటేశ్, అనిల్ రావిపూడిలను మోస్ట్ ఎంటర్టైనింగ్ కాబినేషన్ గా చెప్పుకుంటారు. 'ఎఫ్ 2', 'ఎఫ్ 3' చిత్రాలతో ఆడియన్స్ ను కడుపుబ్బా నవ్వించి, మంచి విజయాలను అందుకున్నారు. కానీ ఈ సారి డిఫ‌రెంట్ జోన‌ర్ తో ప్రేక్ష‌కుల ముందుకు రానున్న‌ట్లు తెలుస్తోంది.
ఇక ఈ సినిమాకి సంబంధించి రిలీజైన పోస్టర్ ఇంట్రెస్ట్ క్రియేట్ చేస్తుంది. పోస్టర్ లో తాళి, గన్, గులాబీ పువ్వులను ఉంచారు. లవ్ స్టొరీ, మ్యారేజ్ తో పాటుగా యాక్షన్ కూడా కావాల్సినంత ఉంటుందని చెప్పకనే చెప్పారు. ఐశ్వర్య రాజేశ్ పై రిలీజ్ చేసిన పోస్టర్ లో కూడా గన్, తాళి పెట్టారు. కాగా.. ఐశ్వర్య రాజేశ్ తో పాటు.. మీనాక్షి చౌదరీని ఎంపిక చేశారు. వీరిద్దరూ సీనియర్ హీరో వెంకటేశ్ తో జోడీ కట్టడం ఇదే తొలిసారి. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై శిరీష్ నిర్మిస్తున్నారు. సినిమా ప్రారంభించిన తర్వాత నటీనటులు, సాంకేతిక నిపుణుల వివరాలను వెల్లడించే అవకాశం ఉంది. ఇందులో వెంకటేష్ ఒక మాజీ పోలీసాఫీసర్ గా కనిపిస్తే.. ఆయన భార్యగా ఐశ్వర్య రాజేష్, మాజీ ప్రేయసి పాత్రలో మీనాక్షి చౌదరి కనిపించనున్నారు. ఈ విషయాన్ని దర్శకుడు అనిల్ రావిపుడి స్వయంగా చెప్పారు. స్క్రిప్ట్ ని శింగ‌ర‌కొండ ఆంజ‌నేయ స్వామి ద‌గ్గ‌ర పెట్టి పూజ చేసిన అనంత‌రం ఈ విష‌యాలు వెల్ల‌డించారు ఆయన.