Gaaya Padda Simham Traiser : 'గాయపడ్డ సింహం' ఏం చేసిందంటే? - నవ్వులు పూయిస్తోన్న తరుణ్ భాస్కర్ కొత్త మూవీ ట్రైజర్

Gayapadda Simham : తరుణ్ భాస్కర్ హీరోగా నటించిన లేటెస్ట్ కామెడీ ఎంటర్టైనర్ 'గాయపడ్డ సింహం' ట్రైజర్ వచ్చేసింది. అమెరికా వెళ్లాలనుకునే ఓ యువకుడి కథే ఈ మూవీ అని తెలుస్తోంది.

గాయపడ్డ సింహం ట్రైజర్ రిలీజ్

Source : https://www.youtube.com/watch?v=j5W446fgx7A

Tharun Bhascker's Gayapadda Simham Traiser Released : రీసెంట్‌గా 'ఓం శాంతి శాంతి శాంతి'తో ఎంటర్టైన్ చేసిన దర్శకుడు, హీరో తరుణ్ భాస్కర్ మరో కామెడీ ఎంటర్టైనర్ 'గాయపడ్డ సింహం'తో అలరించబోతున్నారు. టైటిల్‌తోనే హైప్ క్రియేట్ చేయగా... తాజాగా టీజర్, ట్రైలర్ కలిపి ట్రైజర్‌ను రిలీజ్ చేశారు మేకర్స్.

'గాయపడ్డ సింహం' ఏం చేసింది?

అమెరికా వెళ్లాలనుకునే ఓ యువకుడి కథగా ఈ మూవీ రూపొందించినట్లు ట్రైజర్‌ను బట్టి తెలుస్తోంది. అమెరికా వెళ్లి బాగా సెటిల్ కావాలనుకునే హీరోకు ఆ దేశ అధ్యక్షుడు ట్రంప్ పెట్టిన కండిషన్స్‌ తీవ్ర ఇబ్బంది పెడతాయి. ఫ్యామిలీ మొత్తం ఎయిర్ పోర్టులో సెండాఫ్ ఇవ్వగా మన హీరో వెళ్లినట్లే వెళ్లి ఊరు దాటకుండానే వెనక్కి తిరిగి వచ్చేస్తాడు. 'పెళ్లి చూపులపై మీ అభిప్రాయం ఏంటి?' అని హీరోయిన్ అడిగితే యావరేజ్ సినిమా అంటూ తరుణ్ చెప్పే డైలాగ్ నవ్వులు పూయిస్తోంది.

అసలు హీరో అమెరికా వెళ్లాడా? ఈ క్రమంలో ఎదురైన ఇబ్బందులు. క్రైమ్, కామెడీ, మాస్ అంశాలను కలిపి మూవీని తెరకెక్కించినట్లు అర్థమవుతోంది. త్వరలోనే సినిమా ప్రేక్షకుల ముందుకు రానుంది.

ఈ మూవీకి కశ్యప్ శ్రీనివాస్ దర్శకత్వం వహిస్తుండగా... తరుణ్ భాస్కర్ సరసన ఫరియా అబ్దుల్లా, మానస చౌదరి హీరోయిన్లుగా చేస్తున్నారు. వీరితో పాటే హర్షవర్ధన్, శుభలేఖ సుధాకర్, విష్ణు ఓయ్ తదితరులు కీలకపాత్రలు పోషిస్తున్నారు. పవన్ సాదినేని సమర్పణలో కల్యాణ్ చక్రవర్తి మంథిన, భాను కిరమ్ ప్రతాప్, విజయ కృష్ణ లింగమనేని, ఉమేష్ బన్సల్ నిర్మాతలుగా వ్యవహరిస్తున్నారు. సప్తాశ్వ మీడియా వర్క్స్, పీఓవీ స్టోరీస్, జీ స్టూడియోస్ బ్యానర్స్‌పై నిర్మిస్తున్నారు. స్వీకర్ అగస్తీ మ్యూజిక్ అందిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Zee Studios South (@zeestudiossouth)

 

మరిన్ని చదవండి

'జన నాయగన్' రిలీజ్‌కు లైన్ క్లియర్! - వెనక్కి తగ్గిన మేకర్స్... వారం రోజుల్లోనే...