Sunday Box Office: ఆదివారం అదరగొట్టిన రజనీ కుమార్తె 'విత్ లవ్'... తెలుగు సినిమాల కలెక్షన్స్ ఎంత? బాక్సాఫీస్ రిపోర్ట్ ఇదుగో

Tollywood Box Office - February 8th: రజనీకాంత్ కుమార్తె సౌందర్య ప్రొడ్యూస్ చేసిన 'విత్ లవ్' ఆదివారం అదరగొట్టింది. మరి, ఫిబ్రవరి 6న విడుదలైన తెలుగు సినిమాల కలెక్షన్స్ ఎంత? అనేది ఒక లుక్ వేయండి

సినిమా బాక్స్ ఆఫీస్ వద్ద రచ్చ: చిరంజీవి, శర్వానంద్, రజనీకాంత్ కుమార్తె సినిమాల కలెక్షన్లు..ఎంతంటే?

Source : ABPLIVE AI

సూపర్ స్టార్ రజనీకాంత్ కుమార్తె సౌందర్య ఓ నిర్మాతగా తెరకెక్కిన 'విత్ లవ్' (With Love Movie)కు తమిళనాడులో వసూళ్లు బావున్నాయి. ఆదివారం ఆ సినిమా బాక్స్ ఆఫీస్ దుమ్ము దులిపింది. దర్శకుడు అనిల్ రావిపూడి చూసి ప్రశంసించారు. కానీ తెలుగులో అంతగా వసూళ్లు రావడం లేదు. ఫిబ్రవరి 6న విడుదలైన కొత్త / చిన్న సినిమాల కంటే మెగాస్టార్ చిరంజీవి 'మన శంకర వరప్రసాద్ గారు'కు వసూళ్లు బావున్నాయి. అలాగే, ఓటీటీలో విడుదలైన శర్వానంద్ 'నారి నారి నడుమ మురారి' ఇంకా థియేటర్లలో ఆడుతోంది. ఆదివారం ఏ సినిమా కలెక్షన్ ఎంత? అనేది ఒక లుక్ వేయండి. 

Mana Shankara Vara Prasad Garu Box Office Collection Day 28th: చిరంజీవి సినిమాకు వచ్చిన ప్రేక్షకుల సంఖ్య ఆదివారం పెరిగింది. 'అదిరిపోద్దీ సంక్రాంతి' అంటూ పండక్కి థియేటర్లలోకి వచ్చిన 'మన శంకర వరప్రసాద్ గారు' విడుదలైన నాలుగో ఆదివారం కూడా అదరగొట్టింది. ఇండియాలో కోటి రూపాయల నెట్ కలెక్ట్ చేసిందని ట్రేడ్ వర్గాల ఎర్లీ రిపోర్ట్స్ చెబుతున్నాయి. మరి వైపు 'నారి నారి నడుమ మురారి'కి రూ. 21 లక్షల నెట్ వచ్చింది. అనగనగా ఒక రాజు ఆదివారం 15 లక్షల నెట్ రాబట్టింది.

ఒక్క రోజులో 'విత్ లవ్'కు మూడు కోట్లు
With Love Movie Box Office Collection Day 3: శుక్ర, శని వారాలతో పోలిస్తే... 'విత్ లవ్'కు ఆదివారం తెలుగులో ఆదరణ పెరిగింది. మొదటి రోజు 20 లక్షలు, రెండో రోజు 30 లక్షలు నెట్ కలెక్ట్ చేసిన ఈ సినిమా... మూడో రోజు 36 లక్షల నెట్ వసూలు చేసింది. ఇది తెలుగు వెర్షన్ కలెక్షన్ మాత్రమే. ఓవరాల్ కలెక్షన్ చూస్తే... ఆదివారం అదరగొట్టింది.

'టూరిస్ట్ ఫ్యామిలీ' దర్శకుడు అభిషన్ జీవింత్, 'ఛాంపియన్' హీరోయిన్ అనస్వర రాజన్ జంటగా 'విత్ లవ్'కు ఆదివారం మూడు కోట్లకు పైగా వసూళ్లు వచ్చాయి. ఈ సినిమా మొదటి రోజు 1.6 కోట్లు (తమిళంలో రూ. 1.4 కోట్లు, తెలుగులో 20 లక్షలు), రెండో రోజు రూ. 2.5 కోట్లు (తమిళంలో 2.20 కోట్లు, తెలుగులో 30 లక్షలు), మూడో రోజు అయినటువంటి ఆదివారం రూ. 3.04 కోట్లు (తమిళంలో రూ. 2.68 కోట్లు, తెలుగులో 36 లక్షలు) వచ్చాయి. దాంతో టోటల్ కలెక్షన్ రూ. 7.14 కోట్లు దాటింది.

• తెలుగు సినిమాల కలెక్షన్ విషయానికి వస్తే... గుణశేఖర్ దర్శకత్వంలో భూమిక, గౌతమ్ వాసుదేవ్ మీనన్, సారా అర్జున్ నటించిన 'యుఫోరియా'కు ఆదివారం 11 లక్షల నెట్ వచ్చింది. దాంతో ఆ సినిమా ఇండియా టోటల్ నెట్ కలెక్షన్ రూ. 47 లక్షలు చేరుకుంది.
• నటుడు ప్రభాకర్ తనయుడు, యాటిట్యూడ్ స్టార్ చంద్రహాస్ హీరోగా నటించిన 'బరాబర్ ప్రేమిస్తా' సినిమాకు ఆదివారం రూ. 22 లక్షల నెట్ వచ్చింది. దాంతో ఇండియన్ నెట్ కలెక్షన్ 68 లక్షలు అయ్యింది.
• నవీన్ చంద్ర హీరోగా కరుణ కుమార్ దర్శకత్వం వహించిన 'హానీ' ఇండియా నెట్ కలెక్షన్ ఆదివారం 2 లక్షలు మాత్రమే. ఆ సినిమా మూడు రోజుల నెట్ రూ. 14 లక్షలు. అమర్ దీప్ చౌదరి హీరోగా నటించిన 'సుమతీ శతకం' ఆదివారం 4 లక్షల నెట్ కలెక్ట్ చేసింది. దాంతో మూడు రోజుల నెట్ 14 లక్షలు చేరుకుంది. కొత్త వాళ్ళు చేసిన 'శ్రీ చిదంబరం గారు' ఆదివారం 7 లక్షల నెట్ కలెక్ట్ చేసింది. దాంతో మూడు రోజుల నెట్ 26 లక్షలు చేరుకుంది.