Rajamouli - Kota Srinivasa Rao: డెడ్ బాడీ దగ్గర సెల్ఫీలు ఏంటి? బుద్ధి ఉందా? కోట ఇంటి వద్ద రాజమౌళి అసహనం

Kota Srinivasa Rao Final Rituals: కోట శ్రీనివాస రావుకు నివాళులు అర్పించిన ప్రముఖుల్లో రాజమౌళి కూడా ఉన్నారు. అయితే సెల్ఫీ అంటూ కోట ఇంటి దగ్గర ఆయన్ను ఒకరు ఇబ్బంది పెట్టిన వీడియో వైరల్ అవుతోంది. 

సెల్ఫీ కోసం రాజమౌళి వెంట పరుగులు... కోట ఇంటి దగ్గర దర్శక ధీరుడికి ఇబ్బందికర పరిస్థితి

Source : https://www.instagram.com/p/DMCryOCOAsP/

కోట శ్రీనివాస రావు (Kota Srinivasa Rao) మరణంతో తెలుగు చిత్రసీమను విషాద ఛాయలు అలుముకున్నాయి. సుమారు 950కు పైగా సినిమాల్లో నటించిన ఆయన, వెండితెరపై తనదైన ముద్ర వేశారు. లెజెండరీ నటుడికి సినీ, రాజకీయ ప్రముఖులు నివాళులు అర్పించారు. కోట శ్రీనివాస రావు కుటుంబ సభ్యులను ఓదార్చడంతో పాటు ఆయన పార్థీవ దేహానికి నివాళులు అర్పించిన ప్రముఖుల్లో దర్శక ధీరుడు ఎస్ఎస్ రాజమౌళి (SS Rajamouli) సైతం ఉన్నారు. అయితే కోట ఇంటి దగ్గర ఆయనకు ఇబ్బందికర పరిస్థితి ఎదురైంది. 

సెల్ఫీ కోసం రాజమౌళి వెంట పరుగులు
Viral Video Of Rajamouli at Kota Srinivasa Rao House: కోట శ్రీనివాస రావుకు నివాళులు అర్పించి వెనుదిరిగిన రాజమౌళిని సెల్ఫీ కోసం ఓ అభిమాని ఇబ్బంది పెట్టారు. కోట ఇంటి నుంచి బయటకు వచ్చి కార్ దగ్గరకు వెళుతున్న జక్కన్న వెంట సెల్ఫీ కోసం అభిమాని పరుగులు తీశారు.

కోట మరణించిన బాధలో ఉన్న రాజమౌళి తొలుత సున్నితంగా సెల్ఫీ అడిగిన వ్యక్తిని తప్పించుకుని ముందుకు వెళ్లారు. అయితే సదరు వ్యక్తి వదలకుండా సెల్ఫీ తీసుకోవాలని చేసిన ప్రయత్నం పట్ల రాజమౌళి అసహనం వ్యక్తం చేశారు. ఆయన ఇరిటేట్ కావడం స్పష్టంగా తెలిసింది. అతడి ప్రవర్తన చుట్టుపక్కల జనాలను సైతం ఇబ్బంది పెట్టింది. డెడ్ బాడీ దగ్గరకు వచ్చిన సెల్ఫీ కోసం ఆరాటం ఏమిటి? బుద్ధి లేదా? అంటూ అతడికి చివాట్లు పెట్టారు. అతడు చేసిన పని కెమెరాలో రికార్డ్ అయ్యింది. ప్రస్తుతం సోషల్ మీడియాలో ఆ వీడియో వైరల్ అవుతోంది.

సెల్ఫీ కోసం ప్రవర్తించిన వ్యక్తి తీరును ప్రతి ఒక్కరూ ఖండిస్తున్నారు. మినిమమ్ కామన్ సెన్స్ లేకుండా కొందరు ప్రవరిస్తున్నారని, డెడ్ బాడీ దగ్గర సెల్ఫీ కోసం అలా చేయడం కరెక్ట్ కాదని, రాజమౌళి ఇరిటేట్ కావడంలో తప్పేం లేదని సోషల్ మీడియాలో జనాలు చెబుతున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kamlesh Nand (work) (@artistrybuzz_)

Kota Srinivasa Rao Rajamouli Movies: రాజమౌళి దర్శకత్వం వహించిన సినిమాల్లో ప్రభాస్ 'ఛత్రపతి'లో కోట శ్రీనివాస రావు నటించారు. రాజకీయ నాయకుడి పాత్రలో ఆయన నటన ప్రేక్షకులను ఆకట్టుకుంది. కోట టేబుల్ మీద గొడ్డలితో ప్రభాస్ కొట్టే సన్నివేశానికి కల్ట్ స్టేటస్ వచ్చింది. ఎన్టీఆర్ 'సింహాద్రి'లో కూడా కోట శ్రీనివాస రావు నటించారు. ప్రస్తుతం రాజమౌళి చేస్తున్న సినిమా విషయానికి వస్తే... మహేష్ బాబు హీరోగా గ్లోబ్ ట్రాటింగ్ సినిమా SSMB29 చేస్తున్నారు.

మరిన్ని చదవండి

వీరమల్లులో కోట శ్రీనివాస రావు... చివరి సినిమా ఇదే కానీ... ఎన్ని రోజులు షూటింగ్ చేశారంటే?