నటుడు శ్రీ సింహ, సత్య, నరేష్ అగస్త్య ప్రధాన పాత్రల్లో వచ్చిన చిత్రం 'మత్తు వదలరా'. ఐదేళ్ల క్రితం డిసెంబర్‌ 25, 2019లో విడుదలైన ఈ సినిమా బాక్సాఫీస్ వద్ద హిట్ అయ్యింది. నూతన దర్శకుడు రితేష్ రానా దర్శకత్వం వహించిన ఈ క్రైమ్ కామెడీ మూవీ ప్రేక్షకులను బాగా ఆకట్టుకుంది. అయితే ఇప్పుడు ఈ సినిమాకు సీక్వెల్‌ను తీసుకువస్తున్న సంగతి తెలిసిందే. ఇప్పటికే సీక్వెల్‌ను ప్రకటించిన విషయం తెలిసిందే. 'మత్తు వదలరా 2' పేరుతో సీక్వెల్ తెరకెక్కుతోంది.
అదే నటులు శ్రీ సింహ, సత్యలు ప్రధాన పాత్రలుగా మత్తు వదలరా 2ని తెరకెక్కిస్తున్నారు. ఇందులో ఫరియా అబ్ధుల్లా హీరోయిన్‌. ఇటీవల మూవీ రిలీజ్‌ డేట్‌ ప్రకటించిన టీం తాజాగా టీజర్‌ రిలీజ్‌ చేసింది. కామెడీ, యాక్షన్‌తో టీజర్‌ బాగా ఆకట్టుకుంటుంది. ముఖ్యం వెన్నెల కిషోర్‌ సీరియస్‌ డైలాగ్స్‌ టీజర్‌కి హైలెట్‌గా నిలిచాయి. రాబరి నేపథ్యంలో సాగిన టీజర్‌ మూవీపై మరింత హైప్‌ క్రియేట్‌ చేస్తుంది. దొంగతం, పోలీసు ఫోర్స్‌, గ్యాంబ్లింగ్‌ ఇలా ఆసక్తికర అంశాలతో టీజర్‌ను మలిచారు. సునీల్‌, సీనియర్‌ రోహిణిలో ప్రధాన పాత్రల్లో కనిపించారు.
వరుస దొంగతనాలు చేస్తున్న శ్రీ సింహ, సత్యలను పట్టుకునేందుకు ప్రత్యేకంగా హీ టీం (HE Team)ని ఏర్పాటు చేస్తారు పోలీసులు. ఆ టీంకి రోహిణి హెడ్‌గా వ్యవహరిస్తారు. ఈ టీంలోనే హీరోయిన్‌ ఫరియా అబ్దుల్లా కూడా ఉన్నట్టు తెలుస్తోంది. ఇందులో వెన్నెల కిషోర్‌ పాత్ర ఆసక్తిని రేపుతోంది. ముఖ్యంగా టీజర్‌ చివరిలో వెన్నెల కిషోర్‌ చేత బాలయ్య డైలాగ్ చెప్పించడం టీజర్‌కి హైలెట్‌ అని చెప్పాలి. నవ్వోద్దు ఇట్స్‌ ఏ సీరియస్‌ మ్యాటర్‌ అంటూ వెన్నెల కిషోర్‌ చెప్పిన ఈ డైలాగ్ ఆకట్టుకుంద. మొత్తం చేజింగ్‌, యాక్షన్‌తోనే టీజర్‌ మొత్తం సాగింది.
Also Read: సరిపోదా శనివారం బాక్సాఫీస్ రిపోర్ట్ - నాని సినిమా ఫస్ట్ డే ఎన్ని కోట్లు కలెక్ట్ చేసిందంటే?
పోలీసు టీంతో ఉండాల్సిన ఫరియా.. ఆ తర్వాత శ్రీ సింహ, సత్య గ్యాంగ్‌లో చేరిపోయినట్టు చూపించి ఆసక్తిని పెంచారు. ఇక టీజర్‌ డ్రగ్స్ ప్రస్తావన కూడా వచ్చింది. ఫస్టాఫ్‌ అంతా ఫన్‌గా సాగిన టీజర్‌ సెకండాఫ్‌ మొత్తం యాక్షన్‌తో సాగింది. మొత్తానికి ఫన్‌, యాక్షన్‌తో 'మత్తు వదలరా 2' టీజర్‌ ఆడియన్స్‌ని బాగా ఆకట్టుకునేలా ఉంది. ఈ టీజర్‌తో మూవీ మరిన్ని అంచనాలు పెరిగిపోయాయి. కాగా మైత్రీ మూవీ మేకర్స్, క్లాప్ ఎంటర్‌టైన్‌మెంట్ సంయుక్తంగా నిర్మిస్తున్న ఈ సీక్వెల్‌కి కాల భైరవ సంగీతం అందిస్తున్నారు. ఈ సినిమాను సెప్టెంబర్‌ 12న ప్రపంచవ్యాప్తంగా థియేటర్లో విడుదల కానుంది.
Also Read: 'కల్కి 2'పై క్రేజీ అప్‌డేట్‌ ఇచ్చిన నిర్మాత - షూటింగ్‌ ప్రారంభమయ్యేది అప్పుడేనట!