Modhale Modhale Song Lyrics : 'విష్ణు విన్యాసం'లో మొదలే మొదలే సాంగ్ - రొమాంటిక్ క్యూట్ లిరిక్స్ చూశారా...
Vishnu Vinyasam Movie : యంగ్ హీరో శ్రీవిష్ణు లేటెస్ట్ రొమాంటిక్ కామెడీ ఎంటర్టైనర్ 'విష్ణు విన్యాసం'. వాలెంటైన్ డే సందర్భంగా రొమాంటిక్ సాంగ్ 'మొదలే మొదలే' పాట రిలీజ్ చేశారు.
Vishnu Vinyasam Modhale Modhale Song Telugu Lyrics : టాలీవుడ్ యంగ్ హీరో శ్రీవిష్ణు, నయన్ సారిక జంటగా నటించిన లేటెస్ట్ రొమాంటిక్ కామెడీ డ్రామా 'విష్ణు విన్యాసం'. యదునాథ్ మారుతీరావు దర్శకత్వం వహించిన ఈ మూవీ నుంచి వాలెంటైన్స్ డే సందర్భంగా రొమాంటిక్ సాంగ్ రిలీజ్ చేశారు. 'మొదలే మొదలే' అంటూ సాగే ఈ పాటకు సరస్వతీ పుత్ర రామజోగయ్య శాస్త్రి లిరిక్స్ అందించగా... నరేష్ అయ్యర్, మధుశ్రీ పాడారు. రాధన్ మ్యూజిక్ అందిస్తున్నారు. ఈ పాట క్యూట్ లిరిక్స్ ఓసారి చూస్తే...
'మొదలే మొదలే' సాంగ్ లిరిక్స్
పల్లవి
విన్నాలే వింటున్నాలే మనసున నీ మాట
అన్నాలే అంటున్నాలే బదులుగా నా మాట
అలా అలా వెళ్లిపోతూ మళ్లీ మళ్లీ మళ్లీ నిన్ను చూశా
మిలా మిలా రెప్పచాటు... మౌన రాగాలన్నీ చదివేశా..
యేదో మాయె చేసెనే ఇలా ఈ క్షణం...
నువ్వు నేను ప్రేమకు చెరో అక్షరం...
చెలి కలువై విరబూశా నీ తలుపుల వెన్నెలలో
తొలి వలపై తెర తీశా నీ కిల కిల వేకువలో...
మొదలే... మొదలే... మొదలే... మన కథ మొదలే...
మనకూ మనకూ ఇకపై రంగుల కలలే
మొదలే... మొదలే... మొదలే... మన కథ మొదలే...
మనకూ మనకూ ఇకపై రంగుల కలలే
చరణం 1
ఇందుకేమో మనసు... ఇన్ని నాళ్లు వేచే
ప్రాణవాయువై తగిలేనా నీ గాలి వీచే...
అందమైన సొగసు అంబరాలు దించే
అందుకోగా రారమ్మంటూ గుండె సడులు పెంచే
ఒక సెకను ముందుగా వేరుగా... ఇప్పుడేమో ఒకరిలో ఒకరుగా
ఒక నువ్వు నేను తన వారుగా... ముడి పడెను ప్రేమ మన తీరుగా...
గగనాలు భువనాలు కలగలిసిన రేఖ ఇదే...
గ్రహణాలు తొలగించే కిరణాల రాక ఇదే...
మొదలే... మొదలే... మొదలే... మన కథ మొదలే...
మనకూ మనకూ ఇకపై రంగుల కలలే
మొదలే... మొదలే... మొదలే... మన కథ మొదలే...
మనకూ మనకూ ఇకపై రంగుల కలలే
Also Read : లోకేశ్ కనగరాజ్ హీరోగా 'డీసీ' - వాలెంటైన్స్ డే రోజున వయలెన్స్ వీడియో... గ్లింప్స్ చూశారా?
రిలీజ్ డేట్ ఫిక్స్
శ్రీ విష్ణు, నయన్ సారికలతో పాటు సత్య, బ్రహ్మాజీ, మురళీ శర్మ, ప్రవీణ్, శ్రీకాంత్ అయ్యంగార్, సత్యం రాజేష్, శ్రీనివాస్ వడ్లమాని, గోపరాజు రమణ తదితరులు కీలకపాత్రలు పోషించారు. హేమ, షాలిని సమర్పణలో శ్రీ సుబ్రహ్మణ్యేశ్వర సినిమాస్ బ్యానర్పై సుమత్ నాయుడు జి ప్రొడ్యూస్ చేస్తున్నారు. ఈ నెల 28న సినిమా రిలీజ్ కానుంది.
'మృత్యుంజయ్' కూడా
ఇక శ్రీవిష్ణు ఇన్వెస్టిగేషన్ థ్రిల్లర్ 'మృత్యుంజయ్' మూవీ కూడా ఈ నెల 27న ప్రేక్షకుల ముందుకు రానుంది. ఈ మూవీకి హుస్సేన్ షా కిరణ్ దర్శకత్వం వహించగా... రేబా మోనికా జాన్ హీరోయిన్గా నటించారు. రమ్య గున్నం సమర్పణలో లైట్ బాక్స్ మీడియా, పిక్చర్ పర్ఫెక్ట్ ఎంటర్టైన్మెంట్ బ్యానర్స్పై సందీప్ గున్నం, వినయ్ చిలకపాటి చిత్రాన్ని నిర్మించారు. ఇప్పటికే రిలీజ్ చేసిన టీజర్ హైప్ క్రియేట్ చేస్తోంది.
టాప్ హెడ్ లైన్స్
ట్రెండింగ్ వార్తలు
