Naresh's Shubhakruth Nama Samvatsaram First Glimpse Out Now : వైవిధ్యమైన కథలు, విభిన్న అంశాల బ్యాక్ డ్రాప్స్తో ఆడియన్స్ను ఎంటర్టైన్ చేస్తుంటారు సీనియర్ హీరో నరేష్. ఆయన ప్రధాన పాత్రలో రూపొందుతోన్న లేటెస్ట్ సస్పెన్స్ డ్రామా 'శుభకృత్ నామ సంవత్సరం'. తాజాగా మూవీ నుంచి ఫస్ట్ గ్లింప్స్ రిలీజ్ చేశారు మేకర్స్.
అదిరిపోయిన ఫస్ట్ గ్లింప్స్
ఈ మూవీలో 'దేవదాస్' లుక్లో అదరగొట్టారు నరేష్. 'నానమ్మ మంచి వాళ్లకే ఎప్పుడూ చెడు జరుగుతుంది ఎందుకు?' అంటూ ఓ చిన్నారి ప్రశ్నతో మొదలైన గ్లింప్స్... తాగుడులో మునిగి తేలిన వ్యక్తి చుట్టూ తిరుగుతుంది. ప్రేమ, ద్వేషం, మన బంధాలు అన్నీ వదిలేసిన ఓ వ్యక్తి చివరికిి ఎలా మారాడు? అనేదే ప్రధానాంశంగా ఈ మూవీ తెరకెక్కినట్లు గ్లింప్స్ను బట్టి అర్థమవుతోంది. మందు బాటిళ్లు ఓ కుప్పగా పోయగా... గుబురు గెడ్డంతో చేతిలో మద్యం బాటిల్తో మత్తులో తూలుతూ కూర్చున్న నరేష్ లుక్ హైప్ క్రియేట్ చేస్తోంది.
'బ్రో మార్క్ మై వర్డ్స్. డోంట్ వేస్ట్ ఇట్. హిట్ ద ఎడ్జ్', 'లైఫ్ ఈజ్ ఏ వన్ టైం ఆఫర్. నో డిస్కౌంట్. యు లివ్ ఇట్. ఆర్ లూజ్ ఇట్' అంటూ నరేష్ చెప్పిన డైలాగ్స్ ఆకట్టుకుంటున్నాయి.
Also Read : ప్రధాని మోదీ బయోపిక్ - 400 కోట్ల భారీ బడ్జెట్... వరల్డ్లోనే తొలిసారిగా...
ఈ మూవీకి ఎస్ఎస్ సజ్జన్ దర్శకత్వం వహిస్తుండగా... ఎస్వీ పిక్చర్స్, అవిష్క డ్రీ ప్రొడక్షన్ బ్యానర్స్పై డీఆర్ విశ్వనాథ్ నాయక్ నిర్మిస్తున్నారు. అద్భుతమైన కంటెంట్ ఉన్న సినిమా 'శుభకృత్ నామ సంవత్సరం' అని... డ్రామా, సస్పెన్స్, ట్రావెల్ ఇలా చాలా వేరియేషన్స్ ఉంటాయని అన్నారు. తెలుగు, కన్నడలో చాలా మంచి స్టార్ కాస్ట్తో వస్తున్న ఈ టైటిల్ చాలా పాజిటివ్గా ఉందని అన్నారు. ఈ సినిమా కొన్నేళ్ల పాటు గుర్తుండిపోతుందని చెప్పారు.