Shah Rukh Khan: షారుఖ్ పాటకు మోహన్‌లాల్ స్టెప్పులు - మీతో డిన్నర్ చేయాలని ఉందంటూ బాద్‌షా ట్వీట్

Shah Rukh Khan: తాజాగా ఒక అవార్డ్స్ ఈవెంట్‌లో పాల్గొన్న మోహన్‌లాల్.. స్టేజ్ పర్ఫార్మెన్స్ ఇచ్చారు. అందులో షారుఖ్ పాటకు స్టెప్పులేయడంతో బాలీవుడ్ బాద్‌షా ఫిదా అయిపోయి డిన్నర్‌కు వస్తానంటూ ట్వీట్ చేశారు.

Shah Rukh Khan And Mohanlal Conversation In Twitter: సోషల్ మీడియాలో.. ముఖ్యంగా ట్విటర్‌లో అప్పుడప్పుడు సినీ సెలబ్రిటీల మధ్య జరిగే సంభాషణలు చాలా ఫన్నీగా ఉంటాయి. మామూలుగా ట్వటర్.. ఫ్యాన్ వార్స్‌కు ఫేమస్. కానీ ఆ ఫ్యాన్ వార్స్‌కు ఫుల్ స్టాప్ పెట్టడం కోసం స్టార్ హీరోలు సైతం అప్పుడప్పుడు తమ ఫన్నీ సంభాషణలతో నెటిజన్లను అలరిస్తుంటారు. అలాంటి ఒక సంభాషణ తాజాగా మలయాళ స్టార్ హీరో మోహన్‌లాల్, బాలీవుడ్ బాద్‌షా షారుఖ్ ఖాన్ మధ్య జరిగింది. తాజాగా జరిగిన ఒక అవార్డ్స్ ఈవెంట్‌లో యంగ్ హీరోలతో సమానంగా డ్యాన్స్ చేశారు మోహన్‌లాల్. ఆయన పర్ఫార్మెన్స్ చూసి ఫిదా అయిన షారుఖ్.. ట్విటర్‌లో మెసేజ్ చేశారు.

సగం కూడా చేయలేదు..

కొచ్చీలో జరిగిన ఒక అవార్డ్స్ ఈవెంట్‌లో చాలాకాలం తర్వాత స్టేజ్ పర్ఫార్మెన్స్ ఇచ్చారు మోహన్‌లాల్. ఆయన రజినీకాంత్‌తో పాటు షారుఖ్ ఖాన్ పాటకు కూడా స్టెప్పులేశారు. షారుఖ్ హీరోగా వచ్చిన ‘జవాన్’ సినిమాలోనే ‘జిందా బందా’ పాటకు మోహన్‌లాల్ వేసిన స్టెప్పులు తనను బాగా ఆకట్టుకున్నాయి. దీంతో ట్విటర్ ద్వారా ఈ పర్ఫార్మెన్స్‌పై స్పందించాడు బాలీవుడ్ బాద్‌షా. ‘ఈ పాటను నాకు మరింత స్పెషల్ చేసినందుకు చాలా థ్యాంక్స్ మోహన్ లాల్ సార్. మీరు చేసిన దాంట్లో నేను సగం అయినా చేసుకుంటే బాగుండేది. లవ్ యూ సార్. మీ ఇంటి దగ్గర డిన్నర్ చేసే రోజు కోసం ఎదురుచూస్తున్నారు. మీరు నిజంగానే ఓజీ జిందా బందా’ అని ప్రశంసించాడు షారుఖ్. దానికి మోహన్ లాల్ రిప్లై కూడా ఇచ్చారు.

ఎవరి ప్లేస్?

‘డియర్ షారుఖ్ ఖాన్. నీలాగా ఎవరూ చేయలేరు. నువ్వు నీ స్టైల్‌లో ఎవరూ ఇమిటేట్ చేయలేని ఓజీ జిందా బందావి. నీ మంచి మాటలకు చాలా థ్యాంక్యు. అయినా డిన్నర్ మాత్రమే ఎందుకు? బ్రేక్‌ఫాస్ట్‌లో కూడా జిందా బందా పాటను ఎంజాయ్ చేద్దాం’ అంటూ షారుఖ్ ఖాన్‌ను తన ఇంటికి ఆహ్వానించారు మోహన్‌లాల్. దీనికి షారుఖ్ మళ్లీ రిప్లై ఇచ్చారు. ‘కచ్చితంగా చేద్దాం సార్. మీ ప్లేస్‌లోనా? నా ప్లేస్‌లోనా?’ అని తిరిగి ప్రశ్నించాడు. ఇక మోహన్‌లాల్, షారుఖ్ ఖాన్ మధ్య జరిగిన ఈ సరదా సంభాషణ చూసి ఫ్యాన్స్ మురిసిపోతున్నారు. ఒకరిని ఒకరు ప్రశంసించుకుంటూ బాలీవుడ్, మాలీవుడ్ కలిసిపోయిందంటూ కామెంట్స్ చేస్తున్నారు.

బిగ్గెస్ట్ హిట్..

2023లో షారుఖ్ ఖాన్ మూడు సినిమాలతో ప్రేక్షకుల ముందుకు రాగా.. అందులో ‘జవాన్’ కూడా ఒకటి. కోలీవుడ్ దర్శకుడు అట్లీ దర్శకత్వంలో తెరకెక్కిన ఈ మూవీ షారుఖ్ కెరీర్‌లోనే బిగ్గెస్ట్ హిట్స్ అందించిన సినిమాల్లో ఒకటిగా చేరింది. కలెక్షన్స్ విషయంలో కూడా ‘జవాన్’.. ఎన్నో రికార్డులను తిరగరాసింది.