Pawan Kalyan: పవన్ కళ్యాణ్తో 'ఉస్తాద్...'లో మిస్ - కానీ ఇప్పుడు సెట్!
Pawan Kalyan Surender Reddy: పవర్ స్టార్ పవన్ కళ్యాణ్ హీరోగా సురేందర్ రెడ్డి దర్శకత్వంలో ఓ సినిమా రూపొందుతోంది. అందులో హీరోయిన్ ఫైనలైజ్ అయినట్టు తెలిసింది.
Pawan Kalyan Surender Reddy Movie Heroine: పవర్ స్టార్ పవన్ కళ్యాణ్ హీరోగా స్టైలిష్ ఫిల్మ్ మేకర్ సురేందర్ రెడ్డి దర్శకత్వంలో ఓ సినిమా రూపొందుతోంది. ఆ మూవీలో హీరోయిన్ను ఫైనలైజ్ చేశారని తెలిసింది. రీసెంట్ సంక్రాంతికి మంచి హిట్ అయిన సినిమాలో అమ్మాయికి పవన్ సరసన నటించే అవకాశం వచ్చిందని టాక్. ఇంతకీ, ఆ అమ్మాయి ఎవరో తెలుసా?
పవన్ కళ్యాణ్ సరసన సాక్షి వైద్య!
Sakshi Vaidya Roped In as Pawan Kalyan's Leading Lady: శర్వానంద్ రీసెంట్ సంక్రాంతి హిట్ 'నారి నారి నడుమ మురారి' సినిమాలో కథానాయికగా నటించిన నార్త్ ఇండియన్ అమ్మాయి సాక్షి వైద్య. ఇప్పుడు ఆమెను సురేందర్ రెడ్డి సినిమాలో పవన్ కళ్యాణ్ కథానాయికగా ఎంపిక చేశారని తెలిసింది.
అఖిల్ అక్కినేని 'ఏజెంట్', వరుణ్ తేజ్ 'గాండీవధారి అర్జున' సినిమాలు ఫ్లాప్స్ అయినప్పటికీ... 'నారి నారి నడుమ మురారి'తో హిట్ అందుకున్నారు. ఇప్పుడు పవన్ సినిమా ఛాన్స్ అంటే స్టార్ లీగ్ లోకి ఎంట్రీ వచ్చినట్టే.
Also Read: Tollywood Flashback: పాన్ ఇండియా హీరో ఫస్ట్ మాస్ హిట్... ప్రేమ కథ ప్లేసులో ఫ్యాక్షన్ సినిమా
అప్పుడు 'ఉస్తాద్..' మిస్ - ఇప్పుడు!
నిజం చెప్పాలంటే... పవన్ కళ్యాణ్ సరసన 'ఉస్తాద్ భగత్ సింగ్'లో నటించే ఛాన్స్ సాక్షి వైద్యకు వచ్చింది. ఓ ఇంటర్వ్యూలో పరోక్షంగా ఆ విషయాన్ని ఆమె చెప్పింది. అయితే ఆ సినిమా షూటింగ్ ఆలస్యం అవ్వడం, వేరే సినిమా చిత్రీకరణలో సాక్షి వైద్య బిజీ కావడంతో ఛాన్స్ మిస్ అయ్యింది. ఆ సినిమా చేయలేకపోయినా... 'ఉస్తాద్' తర్వాత పవన్ చేస్తున్న సినిమాలో సాక్షి వైద్య ఛాన్స్ అందుకున్నారు.
View this post on Instagram
'ఓజీ'తో లాస్ట్ ఇయర్ (2025)లో పవన్ కళ్యాణ్ బ్లాక్ బస్టర్ అందుకున్నారు. బాక్స్ ఆఫీస్ బరిలో ఆ సినిమా 300 కోట్లకు పైగా కలెక్ట్ చేసింది. 'ఓజీ' విజయం తర్వాత పవన్ కళ్యాణ్ నుంచి వస్తున్న సినిమా 'ఉస్తాద్ భగత్ సింగ్'. మార్చి 26న ఈ సినిమా థియేటర్లలోకి రానుంది. దీని తర్వాత సురేందర్ రెడ్డితో సినిమా చేస్తున్నారు పవన్. ఆ సినిమాను రామ్ తాళ్ళూరి నిర్మిస్తున్నారు.
టాప్ హెడ్ లైన్స్
ట్రెండింగ్ వార్తలు
