Sai Durgha Tej: ఇద్దరు దర్శకులతో సాయి దుర్గా తేజ్ కొత్త సినిమా... సంక్రాంతికి చిరంజీవితో, ఇప్పుడు మేనల్లుడితో!

Sai Durgha Tej New Movie: మెగాస్టార్ చిరంజీవి హీరోగా బ్లాక్ బస్టర్ సినిమా ప్రొడ్యూస్ చేసిన ఓ నిర్మాత... ఇప్పుడు ఆయన మేనల్లుడు సాయి దుర్గా తేజ్ హీరోగా సినిమా ప్రొడ్యూస్ చేస్తున్నారు.

మెగా మేనల్లుడు సాయి దుర్గా తేజ్ తో సాహు గారపాటి భారీ ప్లాన్

Source : https://www.instagram.com/jetpanja/

సంక్రాంతికి విడుదలైన 'మన శంకర వరప్రసాద్ గారు' ఎంతటి భారీ విజయం సాధించిందనేది ప్రత్యేకంగా చెప్పాల్సిన అవసరం లేదు. మెగాస్టార్ చిరంజీవి కథానాయకుడిగా నటించిన సినిమా బాక్సాఫీస్ బరిలో రికార్డు కలెక్షన్స్ రాబట్టి నిర్మాతలు సాహు గారపాటి (Sahu Garapati), సుశ్మితా కొణిదెలకి లాభాలు తీసుకు వచ్చింది. చిరుతో సినిమా నిర్మించిన సాహు గారపాటి... ఇప్పుడు ఆయన మేనల్లుడితో సినిమా చేసేందుకు సిద్ధమవుతున్నారు.

సాహు గారపాటి నిర్మాణంలో...
సాయి దుర్గా తేజ్ కొత్త సినిమా!
Sahu Garapati to produce Sai Durgha Tej Next Movie: ప్రస్తుతం పాన్ ఇండియా సినిమా 'సంబరాల యేటిగట్టు' చేస్తున్నారు సాయి దుర్గా తేజ్. ఆ తర్వాత? ఏం చేస్తారు? ఎవరితో సినిమా చేస్తారు? వంటి ప్రశ్నలకు సమాధానాలు లభించాయి. షైన్ స్క్రీన్స్ అధినేత సాహు గారపాటి నిర్మాణంలో సాయి దుర్గా తేజ్ సినిమా చేయనున్నారు.

మావయ్యతో సినిమా నిర్మించి భారీ విజయం సాధించిన తర్వాత మేనల్లుడితో సాహు గారపాటి సినిమా ప్రొడ్యూస్ చేస్తుండటం విశేషం. ఈ సినిమాకు ఇద్దరు దర్శకులు. వాళ్ళు ఎవరో తెలుసా?

 

 

 

 

 

View this post on Instagram

 

 

 

 

 

 

 

 

 

 

 

A post shared by Shine Screens (@shinescreenscinema)

'క' దర్శక ద్వయం సుజీత్ & సందీప్!
కిరణ్ అబ్బవరం కథానాయకుడిగా నటించిన ఫాంటసీ థ్రిల్లర్ 'క' సినిమా గుర్తు ఉందా? ఆ చిత్రానికి ఇద్దరు దర్శకులు. సుజీత్ & సందీప్ కలిసి కథ రాయడంతో పాటు దర్శకత్వం వహించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by spinningreels_media (@spinningreels_media)

Sujith & Sandeep to helm Sai Durgha Tej movie: మెగా మేనల్లుడు, సుప్రీమ్ స్టార్ సాయి దుర్గా తేజ్ కథానాయకుడిగా షైన్ స్క్రీన్స్ పతాకం మీద సాహు గారపాటి ప్రొడ్యూస్ చేస్తున్న సినిమాకు దర్శకత్వం వహించే అవకాశాన్ని సుజీత్ & సందీప్ అందుకున్నారు. ఉగాది పర్వదినం సందర్భంగా మార్చి 19న ఈ సినిమాను పూజా కార్యక్రమాలతో లాంఛనంగా ప్రారంభించడానికి సన్నాహాలు చేస్తున్నారు. మరిన్ని వివరాలు త్వరలో వెల్లడించనున్నారు. పాన్ ఇండియా రిలీజ్ చేసేలా ఈ సినిమా తెరకెక్కిస్తారని తెలిసింది.