Renu Desai: ఏడేళ్ల వయసులో జరిగిన ఘటన... రేణూ దేశాయ్‌ నాన్ వెజ్ మానేయడానికి కారణం ఇదే

Renu Desai Childhood Incident: నటి రేణూ దేశాయ్ వెరీ ఓపెన్ పర్సన్. పర్సనల్ లైఫ్ విషయాలు సైతం షేర్ చేసుకుంటారు. ఆమెకు ఏడేళ్ల వయసు ఉన్నప్పుడు జరిగిన ఓ ఘటన ఎటువంటి మార్పు తెచ్చిందో చెప్పారు.

నాన్న బ్రాహ్మణులు అయినా నాన్ వెజ్ తినేవారని చెప్పిన రేణూ దేశాయ్ 

Source : https://www.instagram.com/p/DT5RHdcgekc/

రేణూ దేశాయ్ (Renu Desai) వెజిటేరియన్. ఆవిడ నాన్ వెజ్ తినరనే సంగతి చాలా మందికి తెలుసు. వీగన్‌ (Vegan)గా మారి చాలా కాలం అవుతోంది. అయితే 'నాన్ వెజ్ తినకూడదు' అనే నిర్ణయాన్ని తీసుకోవడం వెనుకున్న కారణాన్ని తాజాగా రేణూ దేశాయ్ వివరించారు.

గుడి దగ్గర మేక బలి చూసి...
రేణూ దేశాయ్ ఏడేళ్ల వయసులో ఉన్నప్పుడు గుడి వద్ద ఓ మేక పిల్లను బలి ఇచ్చే ఘటన చూశారట. ఆ క్షణం నుంచి 'నాన్ వెజ్ ముట్టకూడదు' అనే నిర్ణయాన్ని తీసుకున్నారట. ఇప్పుడు తనకు 45 ఏళ్లు అని, అయినా సరే ఆ రోజు జరిగిన ఆ ఘటన ఇంకా గుర్తుందని, కళ్ల ముందు మెదులుతూనే ఉందని రేణూ దేశాయ్ చెప్పుకొచ్చారు.

''నేను బ్రాహ్మణ కుటుంబం నుంచి వచ్చాను. మా నాన్నకి నాన్ వెజ్ అంటే చాలా ఇష్టం. నాన్ వెజ్ ఎక్కువగా తింటారు. కానీ మా అమ్మ మాత్రం ప్యూర్ వెజిటేరియన్. కూరల్లో కనీసం వెల్లుల్లి వంటివి కూడా వేయదు. ఇక ఇంట్లో చిన్నప్పటి నుంచి 'అది తిను, ఇది తినొద్దు' అని కండీషన్స్ పెట్టలేదు. ఇంట్లో చికెన్, మటన్ వంటివి కూడా వండేవాళ్లు. నాకు ఏడేళ్లు ఉన్నప్పుడు గుడి వద్ద మేకను బలి ఇవ్వడం చూశా. అప్పటి నుంచి ఇప్పటి వరకు నాన్ వెజ్ ముట్టలేదు. నాన్ వెజ్ మానేశాను. ఆ ఘటన ఇంకా నా కళ్ల ముందు మెదులుతూనే ఉంది'' అని రేణూ దేశాయ్ చెప్పుకొచ్చారు.

''మా అమ్మ అంత స్ట్రిక్ట్ వెజిటీరియన్ అయినా... మా నాన్న కోసం నాన్ వెజ్ వండేవారు. మా అమ్మ అయితే కనీసం వెల్లుల్లి, ఉల్లి కూడా కూరల్లో వేయదు.. అలాంటి మా అమ్మ మాకు ఏనాడూ కూడా 'అది తినాలి... ఇది తినకూడదు' అని కండీషన్స్ పెట్టలేదు. కానీ నాకు ఆ ప్రాణుల బాధ అర్థమైంది. ఏడేళ్ల వయసులో మేక పిల్లను బలిచ్చే ఘటన చూసి చలించిపోయాను. నా రుచుల కోసం ఏ ప్రాణిని కష్టపెట్టకూడదనే నిర్ణయాన్ని తీసుకున్నాను. నాన్ వెజ్ తినడాన్ని మానేశాను'' అని రేణూ దేశాయ్ పోస్ట్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by renu desai (@renuudesai)

రీసెంట్‌గా పెట్స్ కోసం రేణూ దేశాయ్ పోరాడే తీరు మీద రకరకాల అభిప్రాయాల్ని నెటిజన్లు వెలిబుచ్చిన సంగతి తెలిసిందే. కుక్కల్ని అన్యాయంగా చంపుతూ ఉండటంపై రేణూ దేశాయ్ గొంతెత్తిన ఘటన ప్రేక్షకులు చూసే ఉంటారు. వీధుల్లో పిచ్చి కుక్కలు ఉంటే తమకు కాల్ చేయండని, వాటి బాధ్యతను తాము తీసుకుంటామని రేణూ దేశాయ్ చెప్పిన సంగతి తెలిసిందే.