Vijay Deverakonda : రణబాలి షూటింగ్కు విజయ్ దేవరకొండ - షూటింగ్ సెట్లోకి కొత్త పెళ్లి కొడుకు
Ranabaali Update : పీరియాడికల్ యాక్షన్ డ్రామా 'రణబాలి' షూటింగ్లో విజయ్ దేవరకొండ జాయిన్ కానున్నారు. పెళ్లి హడావిడి తర్వాత ఆయన సెట్లోకి అడుగు పెట్టేందుకు రెడీ అవుతున్నారు.
Vijay Deverakonda To Join Ranabaali Shooting After Marriage : స్టార్ హీరో విజయ్ దేవరకొండ పెళ్లి తర్వాత షూటింగ్ సెట్లోకి అడుగు పెట్టబోతున్నారు. నేషనల్ క్రష్ రష్మికతో ఆయన పెళ్లి వైభవంగా జరిగిన సంగతి తెలిసిందే. గత నెల రోజులుగా పెళ్లి పనులతో బిజీగా మారిన విజయ్ ఇప్పుడు రెగ్యులర్ వర్క్లోకి వెళ్లబోతున్నారు.
రణబాలి షూటింగ్లో...
విజయ్, రష్మిక ముచ్చటగా మూడోసారి పీరియాడికల్ యాక్షన్ డ్రామా 'రణబాలి'లో కలిసి నటిస్తున్నారు. ఈ నెల 12 నుంచి విజయ్ షూటింగ్లో జాయిన్ కానున్నట్లు తెలుస్తోంది. కొత్త షెడ్యూల్లో భాగంగా ఆయనతో పాటు కీలక నటులపై టాకీ పార్ట్ షూట్ చేయనున్నట్లు సమాచారం. విజయ్, రష్మిక పెళ్లి సందర్భంగా రీసెంట్గా మూవీ నుంచి వచ్చిన సర్ప్రైజ్ వీడియో ట్రెండ్ అవుతోంది. ఈ సినిమాలో రణబాలిగా విజయ్, ఆయన భార్య జయమ్మగా రష్మిక నటిస్తున్నారు.
మూవీలో పెళ్లి సందర్భంలో వచ్చిన పాట 'ఏందయ్యా సామీ' అదిరిపోయింది. గంభీరమైన లుక్లో విజయ్, అమాయక గృహిణి పాత్రలో జయమ్మ లుక్ వేరే లెవల్లో ఉంది. 1854 - 1878 మధ్య బ్రిటిష్ పాలనా కాలంలో జరిగిన వాస్తవ ఘటనలతో ఈ మూవీ రూపొందుతోంది. ఇప్పటికే రిలీజ్ చేసిన అనౌన్స్మెంట్ వీడియో గూస్ బంప్స్ తెప్పిస్తోంది.
ఈ మూవీకి 'టాక్సీవాలా' ఫేం రాహుల్ సంకృత్యాన్ దర్శకత్వం వహించగా... మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ నిర్మిస్తున్నారు. విజయ్, రష్మికలతో పాటు బ్రిటిష్ అధికారిగా ఆర్నాల్డ్ వోస్లో కీలక పాత్ర పోషిస్తున్నారు. అజయ్ అతుల్ మ్యూజిక్ అందిస్తుండగా... రాయలసీమ నేపథ్యంలో సాగే పీరియాడికల్ యాక్షన్ డ్రామాలో విజయ్ దేవరకొండ ఓ వారియర్గా కనిపించనున్నారు. వరల్డ్ వైడ్గా ఈ మూవీ సెప్టెంబర్ 11న ప్రేక్షకుల ముందుకు రానుంది.
ఈ మూవీతో పాటే విజయ్ రవికిరణ్ కోలా దర్శకత్వంలో రౌడీ జనార్థనలోనూ నటిస్తున్నారు. ఈ మూవీలో విజయ్ సరసన కీర్తి సురేష్ హీరోయిన్గా నటిస్తున్నారు. అటు, రష్మిక ఈ మూవీతో పాటే మైసా మూవీ కూడా చేస్తున్నారు.
టాప్ హెడ్ లైన్స్
ట్రెండింగ్ వార్తలు
