Dacoit Review : డెకాయిట్ చూసి చాలా ఎంజాయ్ చేశా - గ్లోబల్ స్టార్ రామ్ చరణ్ రివ్యూ

Ram Charan Review : అడివి శేష్ డెకాయిట్ మూవీ టీంకు గ్లోబల్ స్టార్ రామ్ చరణ్ అభినందనలు తెలిపారు. మూవీ చూసి చాలా ఎంజాయ్ చేసినట్లు 'X'లో పోస్ట్ చేశారు.

డెకాయిట్‌‌పై రామ్ చరణ్ రివ్యూ

Source : https://www.instagram.com/p/DD4zYnSsWDj/?img_index=1

Ram Charan Review On Adivi Sesh Dacoit Movie : టాలీవుడ్ యంగ్ హీరో అడివి శేష్, మృణాల్ ఠాకూర్ జంటగా నటించిన రీసెంట్ రొమాంటిక్ యాక్షన్ ఎంటర్టైనర్ డెకాయిట్ ఏప్రిల్ 10న ప్రేక్షకుల ముందుకు వచ్చి పాజిటివ్ టాక్ సొంతం చేసుకుంది. తాజాాగా ఈ మూవీపై గ్లోబల్ స్టార్ రామ్ చరణ్ రివ్యూ ఇచ్చారు.

'డెకాయిట్ ఎంజాయ్ చేశా'

డెకాయిట్ మూవీ చూసి ఎంజాయ్ చేసినట్లు సోషల్ మీడియా వేదికగా పోస్ట్ చేశారు రామ్ చరణ్. 'రీసెంట్‌గా డెకాయిట్ చూసి ఎంజాయ్ చేశాను. హరి పాత్రలో అడివి శేష్ నటన ఎప్పటికీ గుర్తుండిపోతుంది. మృణాల్ తన రోల్‌కు న్యాయం చేస్తూ ఎమోషనల్‌ సీన్స్‌ను డెప్త్‌గా చూపించారు. అనురాగ్ కశ్యప్‌తో పాటు ఇతర నటులంతా ఎంతో చక్కగా వారి పాత్రలకు తగ్గట్లు నటించారు.

సుప్రియ యార్లగడ్డ ఈ మూవీని ఉన్నత సాంకేతిక ప్రమాణాలతో నిర్మించారు.' అంటూ రాసుకొచ్చారు. మూవీ టీంకు అభినందనలు తెలిపారు. నేచరల్ స్టార్ నాని కూడా మూవీపై ప్రశంసలు కురిపించారు.

Watched #Dacoit and thoroughly enjoyed it.@AdiviSesh delivers a solid and memorable performance as Hari. @mrunal0801 is terrific and brings great depth to her role.@anuragkashyap72 Garu and the entire cast stand out with strong performances.#SupriyaYarlagadda Garu &…

— Ram Charan (@AlwaysRamCharan) April 14, 2026

డెకాయిట్ కలెక్షన్స్ జోరు

డెకాయిట్ మూవీ బాక్సాఫీస్ వద్ద ఫుల్ జోష్ కలెక్షన్స్‌తో దూసుకెళ్తోంది. ఏప్రిల్ 10న ప్రేక్షకుల ముందుకు వచ్చిన మూవీ వరల్డ్ వైడ్‌గా రూ.40 కోట్ల వరకూ కలెక్షన్స్ సాధించినట్లు తెలుస్తోంది. తెలుగు రాష్ట్రాల్లో రూ.16 కోట్లకు పైగా గ్రాస్ కలెక్ట్ చేసినట్లు సమాచారం. ఓవర్సీస్‌లోనూ రూ.12 కోట్ల గ్రాస్ కలెక్షన్స్ సాధించినట్లు రిపోర్టుల ద్వారా తెలుస్తోంది. ప్రముఖ ట్రేడ్ అనలిస్ట్ సాక్నిల్క్ ప్రకారం... ఇండియా వ్యాప్తంగా రూ.22 కోట్లకు పైగా వసూళ్లు సాధించింది. హిందీ వెర్షన్ రూ.4.65 కోట్ల నెట్ వసూళ్లు అందుకుంది. శేష్ కెరీర్‌లోనే హయ్యెస్ట్ ఓపెనింగ్స్ సాధించిన చిత్రంగా నిలిచిందని మూవీ టీం వెల్లడించింది.

ఈ మూవీకి షానిల్ డియో దర్శకత్వం వహించగా... శేష్, మృణాల్‌లతో పాటు ప్రకాష్ రాజ్, అతుల్ కులకర్ణి, జైన్ మేరీ ఖాన్, సునీల్, అనురాాగ్ కశ్యప్ తదితరులు కీలకపాత్రలు పోషించారు. భీమ్స్ సిసిరోలియో మ్యూజిక్ అందించారు. అన్నపూర్ణ స్టూడియోస్ సమర్పణలో ఎస్ఎస్ క్రియేషన్స్, సునీల్ నారంగ్ ప్రొడక్షన్ సంస్థలపై సుప్రియ యార్లగడ్డ నిర్మించారు.

మరిన్ని చదవండి

జన నాయగన్ రిలీజ్, లీక్ ఇష్యూస్ - మేకర్స్ కోసం దళపతి విజయ్ కీలక నిర్ణయం!