Ram Charan: పేర్లతో రామ్ చరణ్ కన్ఫ్యూజన్... ఫుల్ ట్రోల్స్, చివరకు బుమ్రాకు సారీ చెప్పిన మెగా పవర్ స్టార్
Ram Charan On Jasprit Bumrah: రామ్ చరణ్కు పేర్లు గుర్తుండవని 'ఆర్ఆర్ఆర్' ఇంటర్వ్యూలో ఎన్టీఆర్ చెప్పారు. 'పెద్ది' భోపాల్ ఈవెంట్లో అది ప్రేక్షకులకూ అర్థమైంది. క్రికెటర్ను ఫుట్ బాలర్ చేశాడు.
Ram Charan Praises Jasprit Bumrah Football Skills: రామ్ చరణ్ మనుషులను గుర్తు పెట్టుకోవడం కష్టమని, పేర్లు మారుస్తాడని 'ఆర్ఆర్ఆర్' విడుదల సమయంలో ఎంఎం కీరవాణికి ఇచ్చిన ఇంటర్వ్యూలో ఎన్టీఆర్ చెప్పారు. ఇప్పుడు 'పెద్ది' భోపాల్ ఈవెంట్ సాక్షిగా ఆ విషయం ప్రేక్షకులకూ అర్థమైంది. టీమ్ ఇండియా క్రికెటర్ జస్ప్రీత్ సింగ్ బుమ్రాను ఫుల్ బాలర్ చేసేశారు రామ్ చరణ్. ఇంకేముంది? సోషల్ మీడియాలో ఒక్కటే జోకులు. తన తప్పు లేదా పొరపాటును గ్రహించిన రామ్ చరణ్ సారీ చెప్పారు.
బుమ్రా... మీ ఫుట్ బాల్ ఆటకు నేను ఫ్యాన్!
క్రికెట్, కుస్తీ, రన్నింగ్... 'పెద్ది' సినిమాలో హీరో మూడు ఆటలు ఆడతారు. ప్రజెంట్ ఐపీఎల్ సీజన్ నడుస్తోంది. అందులోనూ మన భారతీయులకు సినిమాలు, క్రికెట్ అంటే పిచ్చి. వాళ్ళకు ఎంటర్టైన్మెంట్ అందించేవి కూడా ఆ రెండే. అందుకని, 'పెద్ది' భోపాల్ ఈవెంట్ (Peddi Bhopal Event)లో ఈ క్రికెటర్ల పేర్లు చెబితే మీకు ఏం గుర్తుకు వస్తుంది? ఒక్క మాట చెప్పమని రామ్ చరణ్ను యాంకర్ అడిగారు.
సచిన్ అంటే లాంగ్ లెజెండరీ రన్, ఎంఎస్ ధోని అంటే కామ్ అండ్ కూల్, రోహిత్ శర్మ పేరు చెప్పగానే అందరి ప్రేమను పొందిన వ్యక్తి అని, విరాట్ కోహ్లీ అంటే ఫైర్ అని చెప్పారు రామ్ చరణ్. అక్కడి వరకు బాగానే ఉంది. ఆ తర్వాత జస్ప్రీత్ సింగ్ బుమ్రా పేరు చెప్పగా... ''నేను మీకు పెద్ద అభిమానిని. నాకు ఫుట్ బాల్ అంటే ఇష్టం. ఈ ఆటను మీరు మరింత ముందుకు తీసుకు వెళ్తున్నారు. లవ్ యు'' అని చెప్పారు. దాంతో జనాలు షాక్ అయ్యారు.
#Sachin - Long Legendary Run #MSD - Calm and Cool#RohitSharma - Everyone Owns Him#ViratKohli - Fire#JaspritBumrah - I am your biggest fan. I love football and you've taking it more forward. Love you sir..🤣🤣#PeddiKiAawaz pic.twitter.com/JMPIXcYYhJ
— 𝐁𝐡𝐞𝐞𝐬𝐡𝐦𝐚 𝐓𝐚𝐥𝐤𝐬 (@BheeshmaTalks) May 23, 2026
బుమ్రాకు సారీ చెప్పిన రామ్ చరణ్!
తప్పు అనండి లేదా పొరపాటు అనండి... రామ్ చరణ్ తాను చేసిన పనిని వెంటనే గ్రహించారు. ఈవెంట్ అయ్యాక సోషల్ నెట్వర్కింగ్ సైట్ 'ఎక్స్'లో బుమ్రాకు సారీ చెబుతూ ట్వీట్ చేశారు. ''నిజంగా కొన్నిసార్లు నేను పేర్లు మర్చిపోతా. మిక్స్ అప్ చేసినందుకు బుమ్రాకు సారీ చెబుతున్నాను. అంత మంది భారీ జన సందోహం, ఎగ్జైట్మెంట్ మధ్యలో జరిగిన మానవ తప్పిదం అది. బుమ్రా... మీరు అంటే నిజంగా గౌరవం. మీ ఆటకు నేను అభిమానిని'' అని రామ్ చరణ్ ట్వీట్ చేశారు.
Uff… I’m genuinely so forgetful with names sometimes.
— Ram Charan (@AlwaysRamCharan) May 23, 2026
Apologies to @Jaspritbumrah93 Ji for the mix-up - it was a genuine human error in the middle of all the excitement and the crowd 🙏🏼
I truly respect you and I am a huge fan of your game. You make every Indian feel proud when…
'పెద్ది' భోపాల్ ఈవెంట్ మధ్యలో ఒకసారి భోపాల్ బదులు బీహార్ అన్నారు రామ్ చరణ్. మధ్యప్రదేశ్ రాజధాని భోపాల్లో ఈవెంట్ అయితే ఆయన కన్ఫ్యూజ్ అయ్యారు. అయితే వెంటనే యాంకర్ కరెక్ట్ చేశారు.
బుమ్రా మీద సోషల్ మీడియాలో సెటైర్లు!
బుమ్రాను రామ్ చరణ్ క్రికెటర్ చేశాక సోషల్ మీడియాలో అతనిపై సెటైర్లు పడ్డాయి. ఈసారి ఐపీఎల్ సీజన్ మొత్తం మీద కేవలం నాలుగు వికెట్లు మాత్రమే తీశారని, అందుకే అతడిని క్రికెటర్ నుంచి ఫుల్ బాలర్ చేశారని నెటిజన్స్ కామెంట్ చేస్తున్నారు.
Took 4 wkts in the whole tournament, he ain't entirely wrong. https://t.co/D4W8LWXSNB
— Rathore (@bcci_x) May 23, 2026
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
