ఇప్పుడు దేవరకొండ ఇంటి కోడలు రష్మిక. మందన్నా ఇంటి అల్లుడు విజయ్ దేవరకొండ. తెలుగు అబ్బాయితో కన్నడ అమ్మాయి పెళ్లి జరిగింది. వివాహ బంధంతో విజయ్ దేవరకొండ, రష్మికా మందన్నా ఒక్కటి అయ్యారు. భారతీయ చిత్రసీమ ప్రముఖులతో పాటు ప్రేక్షకులూ కొత్త జంటకు వివాహాది శుభాకాంక్షలు చెప్పారు. కానీ, కన్నడ ప్రేక్షకులు కొందరు రక్షిత్ శెట్టిని గుర్తు చేసుకుంటున్నారు. ఆయన గొప్పతనం గురించి చెబుతున్నారు.
ఇప్పటికీ ఒంటరిగా రక్షిత్ శెట్టి??'ఛలో'తో టాలీవుడ్ ఇండస్ట్రీకి హీరోయిన్గా ఇంట్రడ్యూస్ అయ్యింది రష్మిక. కానీ, ఆ సినిమా కంటే రెండేళ్ళ ముందు కన్నడలో 'కిరిక్ పార్టీ' చేసింది. ఆ సినిమాకు పాన్ ఇండియా హిట్ 'కాంతార' ఫేమ్ రిషబ్ శెట్టి డైరెక్టర్. అందులో రక్షిత్ శెట్టి హీరో. ఆ సినిమా చేసేటప్పుడు రక్షిత్, రష్మిక ప్రేమలో పడ్డారు. సినిమా విడుదలైన నెక్స్ట్ ఇయర్ ఎంగేజ్మెంట్ చేసుకున్నారు. ఆ నెక్స్ట్ ఇయర్ (2018)లో నిశ్చితార్థాన్ని క్యాన్సిల్ చేసుకున్నారు.
Also Read: ViRosh Wedding Reception: ప్రధాని మోడీ, అమిత్ షాలను కలిసిన విరోష్... రిసెప్షన్కు రమ్మని ఆహ్వానం
రక్షిత్ శెట్టి, రష్మిక మధ్య ఏం జరిగిందనేది బయట ప్రపంచానికి తెలియదు. వాళ్ళు కూడా ఎప్పుడూ చెప్పలేదు. ఎంగేజ్మెంట్ క్యాన్సిల్ చేసుకున్నాక ఎవరి దారి వాళ్ళు చూసుకున్నారు. మూవ్ ఆన్ అయ్యారు. 'ఛలో' తర్వాత తెలుగులో చేసిన 'గీత గోవిందం'లో కో స్టార్ విజయ్ దేవరకొండతో రష్మిక ప్రేమలో పడ్డారు. పెళ్లి చేసుకున్నారు. ట్విస్ట్ ఏమిటంటే ఇప్పటికీ రక్షిత్ శెట్టి ఒంటరిగా ఉన్నారు. తన జీవితంలో నుంచి రష్మిక వెళ్ళాక మళ్ళీ ప్రేమలో పడలేదు. పెళ్ళీ చేసుకోలేదు.
రష్మికను తక్కువ చేయలేదురక్షిత్ శెట్టితో బ్రేకప్ తర్వాత రష్మికను కన్నడిగులు కొందరు ట్రోల్ చేశారు. ఆమెపై విమర్శలు చేశారు. కానీ రక్షిత్ శెట్టి ఒక్కసారి కూడా ఆవిడను తక్కువ చేయలేదు. కన్నడనాట ఆమెపై జరుగుతున్న ట్రోలింగ్ ఆపమని చెప్పారు. రష్మిక మీద నిందలు వేయవద్దని, తాను ఎవరినీ నిందించడం లేదని, రష్మికను జడ్జ్ చెయ్యడం ఆపమని రక్షిత్ శెట్టి తెలిపారు. జెంటిల్మన్ బిహేవియర్ చూపించారు. దాంతో అతడి మీద చాలా మందికి రెస్పెక్ట్ పెరిగింది. అతడిది నిజమైన ప్రేమ అని చెబుతున్నారు.
రష్మికతో బ్రేకప్ తర్వాత పర్సనల్ లైఫ్ గురించి అప్డేట్స్ ఇవ్వడం మానేశారు రక్షిత్ శెట్టి. అతడి జీవితంలో ఏం జరుగుతుందో ఎవరికీ తెలియదు. కన్నడ ఇండస్ట్రీలో ఆయన క్లోజ్ ఫ్రెండ్స్ రిషబ్ శెట్టి, రాజ్ బి శెట్టి కూడా మాట్లాడటం లేదు. రష్మిక బ్రేకప్ తర్వాత రక్షిత్ మళ్ళీ ప్రేమలో పడ్డారా? లేదా? అనే అంశంలో క్లారిటీ లేదు. అయితే అతడు లైఫ్ లో సెటిల్ అవ్వాలని ఫ్యాన్స్ కోరుకుంటున్నారు. మరి ఆయన మనసులో ఏముందో!?