Dada First Look: హ్యాపీ బర్త్ డే గంగూలీ... 'దాదా' ఫస్ట్ లుక్ రిలీజ్

Rajkummar Rao Dada First Look: సౌర‌వ్ గంగూలీ పుట్టిన‌రోజు సంద‌ర్భంగా రాజ్ కుమార్ రావు హీరోగా రూపొందుతున్న 'దాదా - ది సౌర‌వ్ గంగూలీ స్టోరీ' ఫ‌స్ట్ లుక్ విడుదల చేశారు. సినిమా రిలీజ్ డేట్ అనౌన్స్ చేశారు.

సౌరవ్ గంగూలీ పుట్టినరోజు సందర్భంగా ఆయన జీవితంపై తెరకెక్కుతున్న 'దాదా' సినిమా ఫస్ట్ లుక్ విడుదల చేశారు.

Source : https://www.instagram.com/p/DahMADFpMH1/?hl=en

Show Quick Read

Key points generated by AI, verified by newsroom

• సౌరవ్ గంగూలీ పుట్టినరోజున 'దాదా' బయోపిక్ ఫస్ట్ లుక్ విడుదలైంది.
• రాజ్‌కుమార్ రావు గంగూలీగా షర్ట్‌లెస్ ఐకానిక్ మూమెంట్‌ను రీక్రియేట్ చేశారు.
• ఈ చిత్రం 2027 మే 14న ప్రపంచవ్యాప్తంగా విడుదల కానున్నట్లు ప్రకటించారు.

జూలై 8న లెజెండరీ క్రికెటర్, టీమిండియా మాజీ కెప్టెన్ సౌరవ్ గంగూలీ పుట్టిన రోజు (Sourav Ganguly Birthday). ఈ సందర్భంగా ఆయన బయోపిక్ 'దాదా - ది సౌరవ్ గంగూలీ స్టోరీ' (Dada The Sourav Ganguly Story) ఫస్ట్ లుక్ విడుదల చేశారు. ఆ లుక్ చూస్తే...

చొక్కా తీసిన గంగూలీ... రీక్రియెట్ చేసిన రాజ్!
'దాదా - ది సౌరవ్ గంగూలీ స్టోరీ'లో బాలీవుడ్ విలక్షణ నటుడు, కథానాయకుడు రాజ్‌ కుమార్ రావ్ టైటిల్ పాత్ర పోషిస్తున్నారు. ఇవాళ విడుదల చేసిన ఆయన ఫస్ట్ లుక్ చూస్తే... లార్డ్స్ క్రికెట్ స్టేడియంలో గంగూలీ ఐకానిక్ షర్ట్ లెస్ మూమెంట్ గుర్తుకు వస్తుంది. 'He Didn't Just Play The Game, He Changed It' - అనేది సినిమా క్యాప్షన్. గంగూలీ కేవలం క్రికెట్ మాత్రమే ఆడలేదని, ఆయన భారతీయ క్రికెటర్ల ఆట తీరును మార్చాడనే అర్థం అందులో ఉంది. ప్రజెంట్ ఈ లుక్ వైరల్ అవుతోంది.

క్రికెట్ అభిమానులు, భారతీయులు అందరికీ 2002లో ఇంగ్లాండ్‌ మీద మన భారత్ సాధించిన చారిత్రాత్మక నాట్‌ వెస్ట్ ట్రోఫీ విజయం తప్పకుండా గుర్తుకు ఉంటుంది. ఆ విజయం తర్వాత లార్డ్స్ స్టేడియం బాల్కనీలో జెర్సీ విప్పేసి గంగూలీ చేసిన విజయ నాదం (ఐకానిక్ మూమెంట్‌) కూడా గుర్తుంటుంది. ఆ మూమెంట్‌ను 'దాదా' కోసం రాజ్‌ కుమార్ రావ్‌ రీక్రియేట్ చేశారు. ఆ సెలబ్రేషన్‌ను ఫస్ట్ లుక్ కింద విడుదల చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by RajKummar Rao (@rajkummar_rao)

మే 14న థియేటర్లలోకి 'దాదా'
Dada Movie Release Date: 'దాదా' ఫస్ట్ లుక్ విడుదల చేయడంతో పాటు ప్రపంచ వ్యాప్తంగా వచ్చే ఏడాది (2027) మే 14న సినిమాను విడుదల చేయనున్నట్లు అనౌన్స్ చేశారు. లాంగ్ హాలిడే వీకెండ్ సినిమాకు కలిసి వస్తుందని చెప్పవచ్చు. క్రికెట్ హిస్టరీలో గంగూలీ అంటే ఓ చరిత్ర. మరి, భారతీయ బాక్స్ ఆఫీస్ హిస్టరీలో ఈ సినిమా ఎటువంటి రికార్డులు క్రియేట్ చేస్తుందో చూడాలి.  

'దాదా- ది సౌర‌వ్ గంగూలీ'కి విక్రమాదిత్య మోత్వానే దర్శకత్వం వహిస్తున్నారు. ఈ చిత్రాన్ని గుల్షన్ కుమార్, భూషణ్ కుమార్, టీ-సిరీస్, డీబీఎల్ సమర్పణలో... లవ్ ఫిల్మ్స్ పతాకంపై లవ్ రంజన్, అంకూర్ గార్గ్ నిర్మిస్తున్నారు.