Purushaha: హీరోయిన్ చెప్పు కింద హీరో... వైరల్ పోస్టర్ చూశారా?
Purushaha Release Date: పవన్ కళ్యాణ్ బత్తుల హీరోగా పరిచయం అవుతున్న 'పురుషః' రిలీజ్ డేట్ పోస్టర్ వైరల్ అవుతోంది. హీరోయిన్ చెప్పు కింద హీరో ఉండటం డిస్కషన్ పాయింట్ అని చెప్పాలి.
మగజాతి అహంకారం మీద పలు సినిమాలు వచ్చాయి. మహిళలను అణగదొక్కే క్యారెక్టర్లు వెండితెరపై చాలా కనిపించాయి. బహుశా అందుకేనేమో... ఓ మహిళ చెప్పు కింద ముగ్గురు మగాళ్ళు ఉండటం సంథింగ్ స్పెషల్ అన్నట్టు ఆడియన్స్ ఫీల్ అవుతున్నట్టు ఉన్నారు. దాంతో 'పురుషః' సినిమా రిలీజ్ డేట్ పోస్టర్ వైరల్ అవుతోంది. ఆ వివరాల్లోకి వెళితే...
మే 22న థియేటర్లలోకి 'పురుషః'
Purushaha Release Date: పవన్ కళ్యాణ్ బత్తుల కథానాయకుడిగా పరిచయం అవుతున్న సినిమా 'పురుషః'. ఇందులో సప్తగిరి, రాజ్ కుమార్ కసిరెడ్డి మెయిన్ లీడ్ రోల్స్ చేస్తున్నారు.రాయంచ కొక్కుర, విషిక, హాసిని సుధీర్ హీరోయిన్లు. బత్తుల సరస్వతి సమర్పణలో కళ్యాణ్ ప్రొడక్షన్స్ పతాకంపై బత్తుల కోటేశ్వర రావు ప్రొడ్యూస్ చేసిన ఈ సినిమాకు వీరు వులవల దర్శకుడు. తాజాగా సినిమా రిలీజ్ డేట్ అనౌన్స్ చేశారు.
మే 22న థియేటర్లలోకి 'పురుషః' చిత్రాన్ని తీసుకు వస్తున్నట్లు చిత్ర బృందం ఈ రోజు వెల్లడించింది. ఈ సందర్భంగా విడుదల చేసిన పోస్టర్ వైరల్ అవుతోంది. అది చూస్తే... ఓ మహిళ చెప్పు కింద ముగ్గురు మగాళ్లు ఉన్నారు. అందులో ఒకరు హీరో బత్తుల పవన్ కళ్యాణ్ అయితే... మరొక ఇద్దరు సప్తగిరి, రాజ్ కుమార్ కసిరెడ్డి. సో... హీరోలు ముగ్గుర్నీ మహిళ ఎలా తొక్కి పెట్టింది? అనేది కథ అయ్యి ఉంటుందని కొందరు కామెంట్లు చేస్తున్నారు. ఇప్పటి వరకు 'పురుషః' టీమ్ నుంచి విడుదలైన పోస్టర్లు, పాటలు, గ్లింప్స్, టీజర్ ప్రేక్షకులలో ఆసక్తి కలుగజేశాయి.
''కుటుంబం అంతా కలిసి చూసేలా, ఆద్యంతం నవ్వుతూ ఎంజాయ్ చేసేలా మా 'పురుషః' సినిమా ఉంటుంది. మా సినిమాపై ఆసక్తి చూపిస్తున్న ప్రేక్షకులకు థాంక్స్. థియేటర్లకు వచ్చిన ప్రేక్షకుల అంచనాలు అందుకునేలా ఉంటుంది. త్వరలో ట్రైలర్ విడుదల చేస్తాం'' అని దర్శక నిర్మాతలు తెలిపారు.
భార్య కొడితే ఏం... జరుగుతుంది🤣
— Sai Satish (@PROSaiSatish) May 8, 2026
Full-on fun, chaos, and entertainment on repeat!#Wifeante Lyrical Song Launch Tomorrow
#Purushaha releasing On May 22! 😄🔥@kalyanb949 @MeSapthagiri @Actor_Rajkumar9 @rayancha2vk@VeeruVulavala #SatishMutyala@vtvganeshoff #PammiSai… pic.twitter.com/KfCk5Sfaji
పవన్ కళ్యాణ్ బత్తుల, సప్తగిరి, రాజ్ కుమార్ కసిరెడ్డి హీరోలుగా... రాయంచ కొక్కుర, విషిక, హాసిని సుధీర్ హీరోయిన్లుగా నటించిన 'పురుషః' సినిమాలో శ్రీ సంధ్య, గబి రాక్, అనైరా గుప్తా, వెన్నెల కిషోర్, రాజీవ్ కనకాల, పమ్మి సాయి, వీటీవీ గణేష్ ఇతర ప్రధాన తారాగణం. ఈ చిత్రానికి సినిమాటోగ్రఫర్: సతీష్ ముత్యాల, సంగీత దర్శకుడు: శ్రవణ్ భరద్వాజ్, ఎడిటర్: కోటి, ఆర్ట్ డైరెక్టర్: రవిబాబు దొండపాటి.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
