Producer SKN About Baby Sequel : 2023లో వచ్చిన ఎమోషనల్ రొమాంటిక్ డ్రామా బేబీ బాక్సాఫీస్ వద్ద సంచలన విజయం సాధించిన సంగతి తెలిసిందే. యంగ్ హీరో ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రల్లో నటించిన ఈ సినిమాకు సాయి రాజేష్ దర్శకత్వం వహించారు. SKN నిర్మించగా... సీక్వెల్ గురించి ఎప్పటి నుంచో ప్రచారం సాగుతోంది. తాజాగా ప్రొడ్యూసర్ 'బేబీ 2' పై స్పందించారు.
బేబీ సీక్వెల్‌పై...
బేబీ సీక్వెల్ డైరెక్టర్ సాయి రాజేష్‌నే అడగాలని క్లారిటీ ఇచ్చారు SKN. మంగళవారం ఆయన పుట్టిన రోజు సందర్భంగా ఇచ్చిన ఇంటర్వ్యూలో చేసిన కామెంట్స్ వైరల్ అవుతున్నాయి. 'మూడేళ్ల విరామం తర్వాత చెన్నై లవ్ స్టోరీతో ప్రేక్షకుల ముందుకు వస్తున్నాం. ఇది ఓ మంచి లవ్ స్టోరీ. బేబీ మూవీకి కర్త, కర్మ, క్రియ మా డైరెక్టర్ సాయి రాజేష్. ఆయన దీని సీక్వెల్‌పై క్లారిటీ ఇవ్వాలి. ఆయన తలుచుకుంటే అది రావొచ్చు. బేబీ కల్ట్ మూవీ అయితే చెన్నై లవ్ స్టోరీ ఓ క్లాసిక్ మూవీ.
ప్రతీ ఒక్కరికీ మెమొరబుల్ మూవీ అవుతుంది. నేను మాస్, లవ్ స్టోరీస్‌కే ఎక్కువ కనెక్ట్ అవుతుంటాను. నాకు హారర్ జానర్ అంటే ఇష్టం. ఫ్యూచర్‌లో హారర్, థ్రిల్లర్, సైకలాజికల్ జానర్లలో మూవీస్ రాబోతున్నాయి. నెక్స్ట్ మూవీలో క్రైమ్ మర్డర్ కాన్సెప్ట్‌తో మూవీ రావొచ్చు.' అని చెప్పారు.