Funky Review : సాగర సంగమం తీశానని చెప్పలేదే! - 'ఫంకీ' రివ్యూస్‌పై ప్రొడ్యూసర్ నాగవంశీ స్ట్రాంగ్ రియాక్షన్

Naga Vamsi Review : 'ఫంకీ' మూవీ రివ్యూస్ విషయంలో కొందరు సోషల్ మీడియాలో ఏదో సైంటిస్టుల్లా వ్యవహిస్తున్నారని ప్రొడ్యూసర్ నాగవంశీ స్ట్రాంగ్‌గా రియాక్ట్ అయ్యారు.

ఫంకీ రివ్యూస్‌పై నాగవంశీ రియాక్షన్

Source : https://www.instagram.com/p/DUIdBRfASi2/

Producer Naga Vamsi Reaction On Funky Movie Reviews : టాలీవుడ్ యంగ్ హీరో, మాస్ కా దాస్ విశ్వక్ సేన్, కయాదు లోహర్ జంటగా నటించిన రొమాంటిక్ కామెడీ ఎంటర్టైనర్ 'ఫంకీ' శుక్రవారం ప్రేక్షకుల ముందుకు వచ్చింది. 'జాతి రత్నాలు' ఫేం అనుదీప్ దర్శకత్వం వహించిన ఈ మూవీ మిక్స్‌డ్ టాక్ సొంతం చేసుకుంది. 

రివ్యూస్‌పై స్ట్రాంగ్ రియాక్షన్

ఈ మూవీని సితార ఎంటర్టైన్మెంట్స్ బ్యానర్‌పై సూర్యదేవర నాగవంశీ,  సాయి సౌజన్య నిర్మించారు. సినిమాలో ఫ్లో లేదంటూ కొందరు సోషల్ మీడియాలో ఇష్టం వచ్చినట్లు రివ్యూస్ ఇస్తున్నారంటూ ప్రొడ్యూసర్ నాగవంశీ స్ట్రాంగ్‌గా రియాక్ట్ అయ్యారు. 'మార్నింగ్ USAలో షోలు పూర్తైన తర్వాత స్టోరీలో ఫ్లో లేదు. కొంచెం అతుకులు అతుకులుగా ఉంది. సీన్స్ కోసం కథ రాసినట్లు ఉంది అంటున్నాారు. మీడియా కాకుండా ట్విట్టర్‌లో కొంతమంది రివ్యూయర్స్ అలా రాస్తున్నారు.

మూవీ అలా ఉంటుందని నేనే చెప్పాను. మరికొందరు వాటిని మళ్లీ మళ్లీ ప్రస్తావిస్తూ ఏదో సైంటిస్టుల్లా వ్యవహరిస్తున్నారు. నేను సాగర సంగమం లాంటి అద్భుతమైన సినిమా తీశానని ఎక్కడా చెప్పలేదు. అనుదీప్ స్టైల్ కామెడీ ఫిల్మ్ తీశామనే చెప్పాం. సినిమాకు కావాల్సిన గ్రామర్ అయితే లేదు. మా మూవీ రివ్యూయర్స్‌కు నచ్చదని నాకు ముందే తెలుసు. జనరల్ ఆడియన్స్ కూడా ఎడిటింగ్ సరిగ్గా లేదంటున్నారు. మేము మూవీ తీసుకుందే అలా తీసుకున్నాం. ఓ కథను ఫ్లోగా తీయలేదు. దాన్ని డీప్‌గా తీశాం. మొదటి నుంచి అదే చెప్తున్నా. వచ్చి నవ్వుకుని వెళ్లాలని. అలాగే ఫంకీ ఎంటర్టైన్ చేస్తుంది.' అంటూ క్లారిటీ ఇచ్చారు.

ఫస్ట్ డే కలెక్షన్స్!

'ఫంకీ' మూవీకి మిక్స్‌డ్ టాక్ వచ్చినా విశ్వక్ లాస్ట్ రెండు మూవీస్ కంటే ఫస్ట్ డే కలెక్షన్స్ పర్వాలేదనిపిస్తున్నాయి. ఫస్ట్ డే మధ్యాహ్నం 3 గంటల వరకూ ఇండియా నెట్ కలెక్షన్స్ రూ.74 లక్షలు వచ్చినట్లు తెలుస్తోంది. ఇక డే కంప్లీట్ అయ్యే సరికి కోటి రూపాయలకు దాటొచ్చని ట్రేడ్ విశ్లేషకులు అంచనా వేస్తున్నారు. ఇక ప్రధాన నగారాల్లో ఆక్యుపెన్సీ బాగుంది. హైదరాబాద్, వరంగల్, విశాఖ, కాకినాడ, గుంటూరు, బెంగుళూరు, చెన్నై, ముంబై వంటి నగరాల్లోనూ తొలి రోజు మంచి రెస్పాన్స్ వచ్చింది. వీకెండ్ కావడంతో ఇక రాబోయే 3 రోజుల్లో కలెక్షన్స్ మరింత పెరిగే ఛాన్స్ ఉందని అంచనా వేస్తున్నారు.

ఈ మూవీలో విశ్వక్ సరసన కయాదు లోహర్ హీరోయిన్‌గా నటించారు. వీరితో పాటే సీనియర్ హీరో నరేష్, మురళీధర్ గౌడ్, సంపత్ రాజ్, వీటీవీ గణేష్ తదితరులు కీలకపాత్రలు పోషించారు. హరీష్ శంకర్, దిల్ రాజు, నాగవంశీ అతిథి పాత్రల్లో మెరిశారు. భీమ్స్ సిసిరోలియో మ్యూజిక్ అందించారు. అనుదీప్ మార్క్ కామెడీ డైలాగ్స్, పంచులతో టీజర్, ట్రైలర్ భారీ హైప్ క్రియేట్ చేశాయి. అయితే, విమర్శకుల నుంచి మాత్రం మిశ్రమ స్పందన లభించింది.

మరిన్ని చదవండి

'ఓ రోమియో' రివ్యూ: రిలీజ్‌కు ముందే కాంట్రవర్సీ - షాహిద్, తృప్తి డిమ్రీల మూవీ ఎలా ఉంది?