Kannappa Prabhas Look Leak: పాన్ ఇండియా స్టార్ ప్రభాస్ ఫ్యాన్స్ ఎంతో ఈగర్ గా వెయిట్ చేస్తున్న సినిమాల్లో ఆయన స్పెషల్ రోల్ పోషిస్తున్న 'కన్నప్ప' కూడా ఒకటి. ఈ సినిమాలో ప్రభాస్ పాత్రకు సంబంధించిన లుక్ ను ఇంకా సస్పెన్స్ గానే ఉంచారు మేకర్స్. దీంతో ప్రభాస్ లుక్ కోసం ఆతృతగా ఎదురు చూస్తున్నారు డార్లింగ్ ఫ్యాన్స్. కానీ తాజాగా ఆ ఆసక్తిని కొంతమంది లీకు రాయుళ్ళు నీరుగార్చారు. సోషల్ మీడియాలో ఇప్పుడు ఎక్కడ చూసినా 'కన్నప్ప' మూవీ నుంచి లీకైన ప్రభాస్ లుక్కే కనిపిస్తోంది.
పట్టిస్తే ఐదు లక్షలు
ఈ లీక్ చేసింది ఎవరో పట్టిస్తే రూ.ఐదు లక్షలు బహుమతిగా ఇస్తామని చిత్రబృందం ప్రకటించింది. ఈ ఫొటోని సోషల్ మీడియాలో షేర్ చేసిన వారిపై కూడా చట్టపరమైన చర్యలు తీసుకుంటామని తెలిపింది. ‘కన్నప్ప’ ప్రాజెక్టుపై పని చేస్తున్న రెండు వేల మంది వీఎఫ్ఎక్స్ బృందం జీవితాలను ఇది ప్రభావితం చేస్తుందని ఆ ప్రకటనలో పేర్కొంది.
మంచు విష్ణు డ్రీం ప్రాజెక్ట్ గా రూపొందుతోంది 'కన్నప్ప'. ఈ మూవీని అత్యంత భారీ బడ్జెట్ తో ప్రతిష్టాత్మకంగా నిర్మిస్తున్నారు మంచు మోహన్ బాబు. ఇందులో బాలీవుడ్ బ్యూటీ కృతి సనన్ చెల్లి నుపుర్ సనన్ ఫిమేల్ లీడ్ రోల్ పోషిస్తుంది. అలాగే నయనతార, అక్షయ్ కుమార్ తదితరులు కీలక పాత్రలు పోషిస్తున్నారు. దాదాపు 150 కోట్లకు పైగా భారీ బడ్జెట్ తో నిర్మిస్తున్న ఈ సినిమాకు హిందీలో 'మహాభారత్'ను రూపొందించిన ముఖేష్ కుమార్ సింగ్ దర్శకత్వం వహిస్తున్నారు. ఇక ఇందులో పలువురు పాన్ ఇండియా స్టార్స్ తో పాటు ప్రభాస్ కూడా కీలకపాత్రను పోషిస్తున్నారు. ఆయన ఈ సినిమాలో నంది పాత్రలో కనిపించబోతున్నారు. రీసెంట్ గా టీజర్ ను రిలీజ్ చేసినప్పటికీ అందులో ప్రభాస్ లుక్ ను రివీల్ చేయలేదు మేకర్స్. అలాగని ఇప్పటిదాకా సపరేట్ గా ప్రభాస్ ఫస్ట్ లుక్ ను కూడా రిలీజ్ చేయలేదు. అయితే టీజర్ తోనే ప్రభాస్ పాత్రపై అంచనాలు ఓ రేంజ్ లో పెరిగాయి. దీంతో 'కన్నప్ప' మూవీలో ప్రభాస్ ఫస్ట్ గురించి ఆసక్తిగా ఎదురు చూస్తున్నారు ఆయన అభిమానులు. కానీ తాజాగా 'కన్నప్ప' మూవీ నుంచి లీకైన ప్రభాస్ లుక్ సోషల్ మీడియాలో తెగ వైరల్ అవుతుంది. దీంతో ఒక్కసారిగా ప్రభాస్ అభిమానులతో పాటు 'కన్నప్ప' మేకర్స్ కి కూడా గట్టి షాక్ తగిలిందని చెప్పాలి.
Read Also: ‘పుష్ప 2’ ఐటెమ్ సాంగ్ ఫోటో లీక్ - అల్లు అర్జున్ తో శ్రీలీల ఊరమాస్ స్టెప్పులు!
ఇక లీకైన ప్రభాస్ లుక్ చూసి అభిమానులు సోషల్ మీడియా వేదికగా ఆందోళన వ్యక్తం చేస్తున్నారు. మేకర్స్ ఇలాంటి మేజర్ లీక్స్ కాకుండా చూసుకోవాలని రిక్వెస్ట్ చేస్తున్నారు. మరి వైరల్ అవుతున్న ఈ లీక్ పై 'కన్నప్ప' టీం ఎలాంటి చర్యలు తీసుకుంటుందో చూడాలి. కాగా ప్రస్తుతం ప్రభాస్ వరుస సినిమాలతో బిజీగా ఉన్నారు. నిన్న ప్రభాస్ హీరోగా నటిస్తున్న భారీ ప్రాజెక్టులలో ఒకటైన 'సలార్ 2' షూటింగ్ మొదలైంది అంటూ హోంబలే ఫిలిమ్స్ అప్డేట్ ఇచ్చిన అభిమానుల్లో జోష్ నింపిన సంగతి తెలిసిందే. అలాగే ప్రభాస్ హోంబలే ఫిలిమ్స్ తో కలిసి మూడు సినిమాల భారీ డీల్ కుదుర్చుకున్నాడు అంటూ వచ్చిన అనౌన్స్మెంట్ డార్లింగ్ ఫ్యాన్స్ ను సంబరాలు చేసుకునేలా చేసింది. అంతలోనే ఇలా 'కన్నప్ప' నుంచి లీకైన ఆ లుక్ షాక్ ఇచ్చింది. ప్రస్తుతం నెట్టింట్లో ప్రభాస్ 'కన్నప్ప' లుక్ తెగ చక్కర్లు కొడుతోంది.