Virosh Wedding: విరోష్ పెళ్లికి ప్రధాని మోడీ అభినందనలు... లెటర్ రిలీజ్ చేసిన పీఎంవో

The Wedding Of Virosh: విజయ్ దేవరకొండ, రష్మిక మందన్నా పెళ్లి ఫిబ్రవరి 26న జరుగుతోంది. ఈ పెళ్లికి ప్రధాని నరేంద్ర మోడీని ఆహ్వానించారు. కొత్త జంటకు మోడీ అభినందలు తెలిపారు.

విజయ్ దేవరకొండ - రష్మిక పెళ్లి: మోడీ శుభాకాంక్షలు...

Source : ABPLIVE AI

ది రౌడీ బాయ్ విజయ్ దేవరకొండ (Vijay Devarakonda) మరికొన్ని గంటల్లో ఓ ఇంటివాడు కాబోతున్నారు. దేవరకొండ ఇంటి కోడలు కాబోతున్నారు నేషనల్ క్రష్ రష్మికా మందన్నా (Rashmika Mandanna). తమ పెళ్ళికి వీళ్ళిద్దరూ 'ది వెడ్డింగ్ ఆఫ్ విరోష్' (The Wedding Of Virosh) అని పేరు పెట్టిన సంగతి తెలిసిందే. 

విరోష్ పెళ్లికి ప్రధాని మోడీ అభినందనలు
విజయ్ దేవరకొండ, రష్మిక పెళ్లికి ఉదయ్ పూర్ వేదిక అయిన సంగతి తెలిసిందే. రేపు (ఫిబ్రవరి 26, 2026న) ఏడు అడుగులు వేయనున్నారు. ఈ వివాహానికి ప్రధాని నరేంద్ర మోడీ (Narendra Modi)ని ఆహ్వానించారు. ఈ తరుణంలో కాబోయే కొత్త జంటకు ఆయన శుభాభినందనలు తెలిపారు. 

''విజయ్, రష్మిక వివాహానికి నన్ను ఆహ్వానించడం చాలా సంతోషంగా ఉంది. ఈ అత్యంత ఆనందకరమైన, శుభ సందర్భంలో దేవరకొండ, మందన్న... రెండు కుటుంబాలకు నా హృదయపూర్వక అభినందనలు, అలాగే శుభాకాంక్షలు. విజయ్, రష్మిక జీవితాల్లో అందమైన సరికొత్త అధ్యాయానికి ఈ పెళ్లి నాంది పలుకుతుంది. 'సఖా సప్తపదా భవ' అంటే ఏడు అడుగులు కలిసి నడిచి, జీవితాంతం స్నేహితులుగా ఉండాలనే స్ఫూర్తితో ఈ జంట ఒకటి కాబోతోంది'' అని ప్రధాని మోడీ లేఖలో పేర్కొన్నారు.

విజయ్, రష్మిక పలు సినిమాలు చేశారని, వెండితెరపై వాళ్లిద్దరూ కొత్త ఏమీ కాదని... వ్యక్తిగతంగానూ ప్రేమ, అనురాగాలతో నిండిన జీవితం ఉంటుందని, వెండితెరపై వాళ్ళిద్దరి కెమిస్ట్రీ కంటే వ్యక్తిగత జీవితం గొప్పగా ఉంటుందని మోడీ పేర్కొన్నారు. విజయ్, రష్మిక కన్న కలలు నెరవేరాలని ఆయన ఆకాంక్షించారు. ఆలోచనాత్మక, ప్రేమ పూర్వక బాధ్యతలను పంచుకుంటూ.... ఒకరి అసంపూర్ణతలను మరొకరు స్వీకరిస్తూ... ఒకరి బలాల నుంచి మరొకరు నేర్చుకుంటూ భాగస్వాములుగా జీవిత ప్రయాణాన్ని సాగించాలని దీవించారు మోడీ. నూతన దంపతులకు ఆశీస్సులు, కుటుంబ సభ్యులకు శుభాకాంక్షలు తెలిపారు.

Prime Minister @narendramodi extends his best wishes to #VijayDeverakonda and #RashmikaMandanna on their new beginnings. pic.twitter.com/nwJbTmBuXO

— Suresh PRO (@SureshPRO_) February 25, 2026

ఉదయ్ పూర్ వేదికగా జరగనున్న విజయ్ దేవరకొండ, రష్మిక పెళ్లికి కుటుంబ సభ్యులతో పాటు కొద్దిమంది బంధు మిత్రులు హాజరు కానున్నారు. మార్చి 4న హైదరాబాద్ వేదికగా జరగబోయే రిసెప్షన్ వేడుకకు చిత్రసీమ ప్రముఖులు హాజరు కానున్నారు.