Nivetha Pethuraj: పెళ్ళికి ముందు బ్రేకప్... స్మృతి మంధాన రూటులో హీరోయిన్ నివేదా పేతురాజ్

Nivetha Pethuraj Wedding Called Off: పెళ్లికి కొన్ని గంటల ముందు ఆ వివాహాన్ని భారత మహిళల క్రికెట్ జట్టు కెప్టెన్ స్మృతి మంధాన రద్దు చేసుకుంది. అదే రూటులో నివేదా పేతురాజ్ కూడా వెళుతోందని తెలుస్తోంది.

నివేదా పేతురాజ్ పెళ్లి రద్దు... స్మృతి మంధాన బాటలో హీరోయిన్

Source : Nivetha Pethuraj Instagram

ప్రీమియర్ షోలు ప్రదర్శించడానికి అన్ని ఏర్పాట్లు జరిగిన తర్వాత... విడుదలకు కొన్ని గంటల 'అఖండ 2' రిలీజ్ క్యాన్సిల్ అవుతుందని ఎవరైనా అనుకున్నారా!? అనుకున్నది ఒక్కటి అయితే అయినది మరొకటి. సేమ్ టు సేమ్ భారత మహిళల క్రికెట్ జట్టు కెప్టెన్ స్మృతి మంధాన పెళ్లి కూడా! సంగీత్ జరిగింది, మెహందీ ఫంక్షన్ చేశారు. కొన్ని గంటల్లో పెళ్లి అనగా... క్యాన్సిల్ చేసుకుంది. పలాష్ ముచ్చల్ తనకు వద్దని చెప్పింది. కొన్ని రోజుల తర్వాత మ్యారేజ్ క్యాన్సిల్ చేసుకున్నట్టు చెప్పింది. ఇప్పుడు హీరోయిన్ నివేదా పేతురాజ్ కూడా అదే రూటులో వెళుతున్నారని తెలిసింది.

సోషల్ మీడియాలో కటీఫ్...
బ్రేకప్ చెప్పడంలో ఇదొక స్టైల్!
స్మృతి మంధాన తరహాలో తన పెళ్లి క్యాన్సిల్ అయినట్టు నివేదా పేతురాజ్ ఇంకా అనౌన్స్ చేయలేదు. కానీ, సోషల్ మీడియాలో ఒక హింట్ ఇచ్చారు. సెలబ్రిటీలు అందరూ చేసే పని ఆవిడ కూడా చేశారు. 

సినిమా సెలబ్రిటీలను ఫాలో అయ్యే ప్రేక్షకులకు తెలిసిన విషయమే... హీరోలు లేదా హీరోయిన్లు ఎవరైనా సరే బ్రేకప్ చెప్పినా, పెళ్లి క్యాన్సిల్ చేసుకున్నా ఫస్ట్ చేసే పని సోషల్ మీడియాలో అన్ ఫాలో అవ్వడం. నివేదా పేతురాజ్ కూడా అదే పని చేశారు. నిశ్చితార్థం చేసుకున్న వ్యక్తిని అన్ ఫాలో చేశారు.

తెలుగులో 'బ్రోచేవారెవరురా', 'అల వైకుంఠపురములో' పాటు కొన్ని సినిమాలు చేశారు నివేదా పేతురాజ్. ఈ ఏడాది (2025) ఆగస్టులో తనకు నిశ్చితార్థం అయినట్టు తెలిపారు. దుబాయ్ దేశానికి చెందిన వ్యాపారవేత్త రజత్ ఇబ్రాన్ (Rajhith Ibran)తో దిగిన ఫోటోలు షేర్ చేశారు. ఇద్దరూ ఒకరితో దిగిన ఫోటోలను మరొకరు షేర్ చేసుకున్నారు. త్వరలో పెళ్లి చేసుకుంటామని చెప్పారు. కట్ చేస్తే...  ఎంగేజ్మెంట్ ఫోటోలు డిలీట్ చేశారు నివేదా. అటు రజత్ కూడా అంతే! ఒకరిని మరొకరు ఇన్‌స్టాగ్రామ్‌లో అన్ ఫాలో చేశారు. పెళ్లి క్యాన్సిల్ అయిందని, అందుకే ఆవిడ ఇలా చేశారని చెన్నై సినిమా వర్గాలు తెలిపాయి. ఇప్పుడు నివేదా ఎవరినీ ఫాలో అవ్వడం లేదు. అదీ సంగతి!